თემის საბეჭდი ვერსია

პოსტის ავტორი: KAIROS თარიღი: Mar 1 2009, 06:06 AM

აქ საკმაოდ ბევრი თემაა გახსნილი და ისინი საქართველოს მართლმადიდებელი და ავტოკეფალური, სამოციქულო ეკლესიის ისტორიის სხვადასხვა პერიოდს ეხება, ეს იქნება ავტოკეფალიის მოპოვება, დაკარგვა და აღდგენა, კომუნისტების მიერ დევნა, ასევე აქვეა თემები ეკლესიის ზოგადი ისტორიიდან, პირველი ეკლესიები, დასავლეთის ქრისტიანული ისტორია და ა.შ.
აქ არის მსგავსი თემა, მაგრამ იმდენად გადატვირთულია სხვადასხვა მასალებით, და ერთმანეთისაგან დაშორებული თემებით, რომ აგადავწყვიტე გვქონდეს ერთი თემა, სადაც უბრალოდ, მონახაზებით და ქრონოლოგიის მიხედვით გვექნება საუბარი საქ. მართლ. ეკლესიაზე, ზოგადად შევეხებით პრობლემებს და მნიშვნელოვან პერსონაჟებს, ვნახავთ რა ვარაუდები არსებობს და რამდენადაა ესათუის იდეა ცნობილი სხვაგან...
...........
თარიღი - I საუკუნე
ადგილი - საქართველო,
საკითხი - ქრისტიანობა შემოსვლის ვარაუდები
1. გარდამოცემა "მოქცევაი ქართლისაის" მიხედვით ( ამ ნაწილის ტექსტი იხილეთ http://church.ge/index.php?s=&showtopic=679&view=findpost&p=35805 )

წყაროს ცნობით, ქართველი ებრაელები უნდა ჩასულიყვნენ იერუსალიმში, სინედრიონის მოხმობით" მოუწერა ანა მღდელმან იერუსალემით მამის მამისა ჩემისა ელიოზის თანა ესრეთ, ვითარმედ: „იგი, რომლისათჳს სპარსნი მეფენი ძღუნითა მოვიდეს, აღზრდილ არს იგი და ჰასაკსა საზომსა მიწევნულ არს, და თავსა თჳსსა ხადის ძედ ღმრთისად. მოვედით ყოველნი სიკუდილსა მისსა, რათა აღესრულოს მცნება მოსესი" ანუ უფლის სიკვდილით დასჯაზე დასასწრებად, "და წარვიდეს აქათ ელიოზ მცხეთელი და ლონგინოზ კარსნელი. და მუნ დახუდეს ჯუარ-ცმასა უფლისასა და მათ მოიღეს მუნით კუართი უფლისა, ელიოზ მცხეთელმან და ლონგინოზ კარსნელმან"

პრობლემა----

ქართლის ცხოვრების და წმ. წერილის წინააღმდეგობები

წყარო არ გვეუბნება, ზუსტად როგორ მიიღეს კვართი, მოისყიდეს რომაელები და იყიდეს წილნაყარი კვართი? თუ თავად მიიღეს მონაწილეობა წილის ყრაში? როგორც წერს ლეონტი მროველი "ქართლის ცხოვრებაში"
თქმული მისი-ვე აბიათარ მღდელისა
კუართისათჳს უფლისა ჩუენისა იესო ქრისტესისა
http://www.orthodoxy.ge/istoria/qartlis_tskhovreba/mroveli2-2.htm#1
„ხოლო კუართი იგი უფლისა წილით ხუდა მცხეთელთა: წარმოიღო ელიოზ, და მოიღო მცხეთას"
წმიდა წერილში არსადაა დაწერილი, რომ ვინმე ებრაელს მიეღოს მონაწილეობა წილის ყრაში
მათე 27. 35. და ვითარცა ჯუარს-აცუეს იგი, განიყვეს სამოსელი მისი და განიგდეს წილი,"
მარკოზი 15:24 " და ჯუარს-აცუეს იგი და განიყოფდეს სამოსელსა მისსა და განიგდებდეს მას ზედა წილსა, ვინ-ძი რაჲ აღიღოს. "
ლუკა 23 : 34 " ხოლო იესუ იტყოდა: მამაო, მიუტევე ამათ, რამეთუ არა იციან, რასა იქმან. ხოლო გან-რაჲ-იყოფდეს სამოსელსა მისსა, განიგდეს წილი"
და ყველაზე მნიშვნელოვანი
იოანე 19 : 23-24
" და ერისაგანთა მათ, რომელთა ჯუარს-აცუეს იესუ, მოიღეს სამოსელი მისი და განიყვეს ოთხად ნაწილად, თითოეულმან ერისაგანმან ნაწილი. ხოლო კუართი იგი, რომელი იყო უკერველ, ზეით გამოქსოვილ ყოვლად. თქუეს უკუე ურთიერთას: არა განვხიოთ ესე, არამედ წილ-ვიგდოთ ამას ზედა, ვისაცა იყოს, რაჲთა აღესრულოს წერილი იგი: განიყვეს სამოსელი ჩემი თავისა მათისა და კუართსა ჩემსა ზედა განიგდეს წილი. ერისაგანთა მათ ესე ყვეს."

შეგვიძლია თუ არა აქ "ერისგანთა" შორის ვიგულისხმოთ ჩვენი ებრაელები? ნაკლებად და აი რატომ, რადგან იქ აშკარად რომაელები მოქმედებდნენ და არა ებრაელები, თან ესენი იყვნენ სიკვდილით დამსჯელი სამხედრო რაზმი, და შესაბამისად კვართიც და სამოსელიც იქნა გაყოფილ მათ შორის, ასევე წერია რუსულშიც "Воины "
და ასევეა ლათინურ-ბერძნულ-ახალ ქართულშიც "ჯარისკაცებმა"

მაშ ასე უფრო სარწმუნოა, რომ პირდაპირ წილისყრაში მონაწილეობა არ უნდა მიეღოთ ჩვენს ებრაელებს,
და ამიტომაც მცდარია რომ წილი ურიებმა იგდეს და შეხვდაო ჩვენს ებრაელებს"ხოლო ოდეს კუართსა მას ზედა უფლისასა წილ იგდეს უღმრთო/თა ურიათა ჯუარ-ცმასა უფლისასა, და განგებულებამან ღმრთისამან მიახუედრა მცხეთელთა ურიათა" არც წმ. წერილი და არც განმარტებელები არ ამბობენ ამას , პირიქით წმ. წერილის მიხედვით
რომაული ასეული იყო იქ "მათე 27:54. ხოლო ასისთავმან მან და მისთანათა, რომელნი სცვიდეს იესუს.." ეს შემდგომში წმ. მოწამე ლონგინოზ ასისთავია, მაშინ იგი წარმართი http://www.orthodoxy.ge/tveni/oqtomberi/16-longinoz.htm
ასე რომ უფრო სავარაუდოა, რომ მერე გამოისყიდეს რომაელთაგან, რატომ არ ვიცით, ალბათ ან კვართის სილამაზის გამო, როგორც წერია ქართლის ცხოვრებაში "ხოლო ვითარცა იხილა ადერკი მეფემან წმიდა კუართი
იგი, სთნდა უკუე ფრიად შუენიერებისა მისთჳს მისისა სამოსელი იგი შეემოსა შეგინებულსა მას გუამსა თჳსსა"
თუმცა ეს არასწორია, უფალს არ ეცვა რაიმე განსაკუთრებული და მდიდრული, რომ მეფეს გარეგნულად მოწონოდა, ადერკ მეფის მისი მოხიბვლა ალბათ ამ სამოსლის მისტიურმა ისტორიამ ( იყო რა ვინმე მოკლული წინასწარმეტყველის და უცნაური გარდაცვალება სიდონიასი) განაპირობა, ამასვე წერს თეოფილაქტე ბულგარელი და სხვა განმარტებელები პირდაპირ წერენ უფლის უბრალო სამოსლის შესახებ"Иоанн, чтобы показать, что таков именно был хитон, сказал, что он "весь тканый сверху", то есть соткан от начала и сверху донизу. Указывает же этим замечанием на бедность одежд Христовых"
http://www.rusbible.ru/books/in.fb.html#cite-274
ან უბრალოდ სამახსოვროდ წამოიღეს... ეს გახსნილი საკითხია...

გაგრძელება იქნება

იხარეთ;

კაიროსი!

პოსტის ავტორი: KAIROS თარიღი: Mar 2 2009, 06:47 AM

გასაგებია

მარტო გავაგრძელებ, შემდეგ საკითხი დგას ასე ისევ საუკუნე I, პერსონაჟი ანდრია მოციქული, შესაძლებელია თუ არა, რომ მას მცირე აზიიდან საქართველო გაევლო?
ვნახოთ როგორი იყო მაშინდელი რომის იმპერია, იმპერატორ ტრაიანეს დროს მაქსიმუმ მიღწეული:



აქ ჩანს, რომ მწვანე მიწა თავისუფალი მიწაა, ნუ ახლა არც აქ და არც ძალიან ბევრ რუკებში ( უფრორე თანამედროვეებში ) ჩვენი ხსენებაც არაა , მაგრამ ვიცით რომ რომის იმპერიის უკიდურესი საზღვრის "არმენიის" ზემოთ ქართული მიწებია, ვიცით ის რომ ანდრია სკვითეთში უნდა გადასულიყო, და სად იყო სკვითეთი?



აქედან უნათლესია, რომ ანდრიას ან შემოვლითი და სახიფათო გზით უნდა ევლო რომის იმპერიის მტერ პართიის მიწებზე, რომ ასულიყო სკვითეთში ან უფრო ადვილად პონტო-კაბადუკია- საქართველოს გავლით სვანეთიდან ასულიყო ზემოთ...

პოსტის ავტორი: egri3 თარიღი: Mar 2 2009, 04:44 PM

KAIROS

პართიაში რას დაუშავებდნენ ანდრიას?
რომის მოქალაქის პასპორტი ჰქონდა?
ქრისტიანებს მისდევდნენ? ვერ დამალავდა რელიგიას?

რატომაა შენი დასკვნა ნათელი ვერ ვხვდები?

პოსტის ავტორი: KAIROS თარიღი: Mar 2 2009, 11:01 PM

არა კაცო უბრალოდ ვთქვი რომ მოკლე გზით ავიდა, პართია სხვა მოციქულებს ქონდათ საქადაგებლად და ისინი ქადაგებდნენ, და თუ ანდრია
მცირე აზიიდან სკვითეთში წავიდოდა და ისიც პონტოს გავლით ბუნებრივია
და ნათელია რომ კოლხეთ-დასავლეთ საქართველოს მიწას გაივლიდათქო
ანდრია მოციქული ორიგენს (II-III საუკუნეები) სკვითების განმანათლებლად ჰყავს გამოყვანილი. VIII-IX საუკუნეებში ბიზანტიურ მწერლობაში ანდრია მოციქული პონტოს მქადაგებლად არის დასახელებული. ანდრია მოციქულის საქართველოში მოღვაწეობის შესახებ პირველი ცნობა ნიკიტა პაფლაგონიელს († 890) მოეპოვება. მის ნაშრომში ანდრიას წილხვდომილად ჩრდილოეთია აღნიშნული და თვით იგი იბერთა და სავრომატების, ტავრებისა და სკვითების განმანათლებლად იწოდება
სკვითებს და სარმატებს სწორედ საქართველოს ზემოთ ქონდათ სამშობლო....
ასეცაა მის ცხოვრებაში
"Святой Андрей, претерпевая болезни и преодолевая все трудности апостольского служения, продолжал свой путь, проповедуя в римской провинции Понт (Понт – римская провинция в Малой Азии, граничащая на севере с Чёрным морем, на юге с Каппадокией, на востоке с Арменией и Колхидой (Западной Грузией), на западе с Галатией и Пафлагонией (римские провинции). Сейчас – территория Турции) и в южных землях Скифии. Дойдя до Херсона (Херсон Таврический – иначе: Корсунь, Херсонес, Херсонит. Греческий город на Крымском полуострове, где через девять с лишним столетий после проповеди св. Андрея будет крещён Владимир-креститель. Сейчас – территория города Севастополь Украины) и основав там Церковь, святой Андрей отправился вверх по реке Днепр до места, где стоит теперь город Киев. "

http://deyaniya.ru/index.php?id_menu=5


ასეა ქართული ტრადიციის მიხედვით:



წითელი ფერით წყაროებში რაც წერია ისაა, დანარჩენი წითელი წერტილებით სავარაუდო გზებია , მწვანე კი დღევანდელი პილიგრიმების "ანდრიას გზაა" და სხვა შესაძლებელი გზა მწვანე წერტილებით

იხარე;

კაიროსი!

პოსტის ავტორი: KAIROS თარიღი: Mar 3 2009, 03:37 AM

არსებობს ასევე წმინდა ისტორიული ფაქტებიდან გამოწვეული ლოგიკური დასკვნა, 70 წელს იერუსალიმი ეცემა, ებრაელების დიდი ნაწილი წავიდა ისევ ემიგრაციაში, როგორც ვარაუდობენ ისინი ჩავიდნენ იმ ქვეყნებშიც, სადაც უკვე დიდი ხანი არსებობდა მათი ემიგრაცია, ასეთი იყო საქართველო, ამ გაბნევისას კი ქრისტიანობა გავრცელდა, ასე რომ უკვე I ს.ის ბოლოს საქართველოს განაპირა რაიონებში, გარდა მოციქულის ქადაგებისა, ისედაც უნდა შემოსულიყვნენ ქრისტიანი ებრაელები და მოქცეული წარმართები,
პონტო და კაპადოკია ხომ სავსე იყო ქრისტიანებით, რადგან მცირე აზიასთან ერთად ეს მხარეები ქრისტიანობის გავრცელების ერთერთ დიდ კერადაა მიჩნეული, ვნახოთ რუკა:



ამას ადასტურებს II-III ს.ების პროტოქრისტიანული საფლავები ნაპოვნი საქართველოს ტერიტორიაზე, კერძოდ აღმოჩენილია მიცვალებულთა ქრისტიანული წესით დაკრძალვის ადგილები, მცხეთასთან და სხვაგან
( მცხეთა, არქეოლოგიური კველვა.-ძიებათა შედეგები, თბ. ტომი II, 1978 წელი, ტომი III 1980 წელი)

პოსტის ავტორი: egri3 თარიღი: Mar 4 2009, 11:51 AM

KAIROS

მე კი გეუბნები, რომ ბუნებრივი და ნათელი არ არის.

აი ეს ცოტა უკეთესი არგუმენტია.


და არამარტო.

ქრისტიანობა IV საუკუნემდე რომ იყო საქართველოში გავრცელებული ეჭვი არ მეპარება, მაგრამ ანდრიას მარშრუტთან ვერ ვაკავშირებ.

პოსტის ავტორი: KAIROS თარიღი: Mar 4 2009, 02:04 PM

კი, ნამდვილად არაა ასე ადვილი ვისაუბროთ, კარგი თემაა, აი ანდრია პონტოდან სკვითეთში ფეხით თუ წავიდა ( რაზედაც წყაროები ამბობენ) როგორ წავიდოდა ყველაზე ბუნებრივად? კოლხეთის გავლით, სადაც იყო იმ დროს უმსხვილესი ბერძნული დასახლებები.

აი ვნახოთ საქართველო I ს.ის რუკა



საკმაოდ ნათელია ხომ როგორი მთავარი ქალაქებია პონტოდან სკვითეთამდე?

მეტიც საქართველო მაშინაც იყო მოქცეული უმნიშვნელოვანეს გზაჯვარდენზე ზემოდან და ქვემოდან ცნობილი აბრეშუმის გზის ორი დიდი
გზა გადიოდა, ნახე რუკა ( სურათი პატარაა, მაგრამ მაინც იმ ორი გზის და კავკასიის დანახვა არ გაჭირდება)




ხოლო ამ გზებს შორის, უცილობლად უნდა ყოფილიყო დამაკავშირებელი გზა , ორ ზღვას შორის გამავალი ( შავი და კასპიის) და მართლაც სწორედ საქართველოზე იყო გაჭრილი ეს დამაკავშირებელი გზა, რომელიც რომაულ რუკაზე არის დატანებული (ზუსტი სახელი არ მახსოვს, დავწერ მოგვიანებით).

იხარე;

კაიროსი!

პოსტის ავტორი: Ligia თარიღი: Mar 4 2009, 05:40 PM

კაიროს რა მაინტერესებს

პირველ ქრისტიან მეფედ რომ მირიანს ასახელებენ, ანდრია მოციქულის დროს მაშინდელ დასავლეთ საქართველოში, ვინ მეფობდა/მთავრობდა/ხელმძღვანელობდა?

პოსტის ავტორი: sable თარიღი: Mar 5 2009, 01:22 PM

ფარსმან ქველი იყო ქართლის მეფე,. როდესაც ანდრია მოვიდა მესხეთში, ხოლო დასავლეთ საქართველოში

მაშინ რომის მმართველობა იყო, არგვეთის გამოკლებით, სადაც ქართლის მეფის მოხელე იჯდა.

ხოლო ნახევრად დამოუკიდებელ სამეფოს ლაზიკა წარმოადგენდა, რომელიც ნელ-ნელა გაფართოვდა და მთელ

დასავლეთ საქართველოში გაბატონდა.

ქართლიდან დევნილი ანდრია ოძრხის (დღევ. აბასთუმანი) გავლით, ზეკარის უღელტეხილის გადასვლის შემდეგ დასავ. საქართველოში ანუ რომის იმპერიის

ტერიტორიაზე გადადის, როგორც რომის მოქალაქე, სადაც ბუნებრივია ნაკლები შევიწროება ელოდა. ამის სემდეგ მიდის იგი სკვითების ტერიტორიაზე და იწყებს ქრისტიანობის

ქადაგებას, რის გამოც იწოდა კიდეც სკვითების განმანათლებლად.

პოსტის ავტორი: Ligia თარიღი: Mar 5 2009, 02:35 PM

ანუ თუ ქართლიდან დევნილი იყო ანდრია მოციქული მაშინ გამოდის რომ ფარსმან ქველს მისი მოძღვრება არ შეიწყნარებია, და დარჩა ისევ წარმართად იგივე ითქმის არგვეთზე, ქართლის მოხელეზე,
ლაზიკაში რა ხდებოდა ამ დროს? ვინ იყო მმართველი, რადგანაც დას. საქართველოში წმ. ნინომდე უკვე არსებობდა საეპისკოპოსო, გამოდის რომ ლაზიკას ანდრიას მოძღვრება (ქრისტიანობა ) შეუწყნარებია, რადგანაც როგორც დაწერე ლაზიკა გაფართოვდა და დას. საქართველოში გაბატონდა

პოსტის ავტორი: egri3 თარიღი: Mar 5 2009, 05:18 PM

sable

ამას თუ ამიხსნით დიდად დამავალებთ.
როგორ ადგენდნენ, რომ რომის მოქალაქე იყო?
რა სახის შევიწროვება ელოდა რომის მოქალაქეს ქართლში?

პოსტის ავტორი: sable თარიღი: Mar 5 2009, 08:57 PM

ის ვინ რომაელი იყო ის რომის მოქალაქედ ითვლებოდა, ხოლო იმპერატორმა კარაკალამ რომის იმპერიაში მოსახლე ყველა თავისუფალ ადამიანს რომის მოქალაქეობა მიანიჭა ეს 212 წელს მოხდა როდესაც ანტონინუსის დეკრეტი იქნა გამოქვეუყნებული Constitutio Antoniniana

ზოდად რომის მოქალაქეობა განსაზღვრავდა რომაელი მოქალაქის უფლება მოვალეობებს, ემსახურა ჯარში, ეხადა გადასახადები და ასე შემდეგ, ყველა რომის მოქალაქე ჩაწერილი იყო მის ადმინისტრაციულ ერთეულში ასე შემდეგ კარაკალამდე ძირიტადა ამ უფლებას აპენინზე მცხოვრები რომაელები ფლობდნენ ხოლო მის სემდეგ ეს მთელ იმპერიაში გავრცელდა, თუმცა გადასახადს იხდიდა პროვინციაში მცხოვრებიც, ხოლო ის პროვინციელი ვისაც ამის სხვაზე მეტი შესაძლებლობა ქონდა კარაკლამდეც იღებდა რომის მოქალაქეობას, რაც მას მნიშვნელოვან უფლებებს ანიჭებდა ყოფილიყო ხელშეუხებელი სასამართლოს გადაწყვეტილებამდე. ამასთან ეძლეოდა უფლება ექადაგა ის რაც უნდოდა სინდისის ქეჯნის გარეშე. ქადაგების შეწყვეტა მხოლოდ მაშინ იყო იძულებითი თუ საამისო იმპერატორის ან სენატის სპეციალური დეკრეტი იქნებოდა გამოცემული.



რომის მოქალაქეზე არ არის აქ მაინცდამაინც საუბარი ეგ ყველას შეეხებოდა ვინც ადგილობრივი მრწამსის საწინააღმდეგოდ სხვა რჯულს იქადაგებდა, ხოლო ქრისტიანები მოგეხსენებათ მონოთეიზმს ქადაგებდნენ რაც ლოგიკურად ყველა სხვა ღმერთს უარყოფას ნიშნავდა ანუ თვით უმაღლესი ღვთაება არმაზის რაც ყველაფერთან ერთად იმასაც ნიშნავდა რომ ფარნავაზიანები არც მეტი არც ნაკლები ცარიელი ქვის შთამომავლები იყვენენ და არა არმაზის შვილები როგორც ეს მიიჩნეოდა იმდროინდელ ქართლში სადაც ფარნავაზის ყველა მემკვიდრე ღვთაება არმაზის ძე იყო და მაშასადამე ღვთაებრივ იერარქიაში მას განსაკუთრებული ადგილი ეკავა როგორც ღმერთს.
ქრისტიანობა კი თავისთავად ფარნავაზიანების ამ ახირებას ეჭვის ქვეშ აყენებდა, რასაც ისინი ფატია რეპრესიებით შეხვდებოდნენ, თუმცა თავიდან ფრთხილადაც მოიქცეოდნენ რადგან რომიდან მოსულ ხალხზე ხელის აღმართვა რისადმი დაქვემდებარებილ ქვეყანას ფაქტია გაუჭირდებოდა, როგორც ჩანს აქ ქართლის მესვეურებმა რეალური საფრთხე დაინახეს და ამისთვის ანდრიას და მისი მომხრეების შევიწროება იწყეს. ნუ საბაბი როგორც უკვე ვთქვი ქონდათ.

პოსტის ავტორი: sable თარიღი: Mar 5 2009, 09:09 PM

ეს რუკა არა არის I საუკუნის იგი ძვ.წ, I საუკუნის არის, როდესაც ქართლი ჯერ კიდევ გაყოფილია ამასთან აბრეშუმის გზა არ გადიოდა საქართველოზე ის სამხრეთით ჩრდ. მესოპოტამიაზე და ირანზე გადიოდა სხვათაშორის ამ გზაზე კონტროლს ძვ.წ. I საუკუნეში სომხეთი ფლობდა სანამ მისი იქ ბატონობა რომმა არ ჩეარყია.
საქარტველოში იყო ალტერნატიული გზა დიდი აბრეშუმის გზისა და არა თავად დიდი აბრეშუმის გზა. საქარტველოს გავლით წასვლა იმდენად იყო აქტუალური მაგ.: რომისთვის რამდენადაც მას ჰქონდა დაპირისპირება პართია/ირანთან.



ჩრდილოეთისა და სამხრეთის გზების დამაკავშირებელ გზას თუ გულისხმობ რომელიც დარიალზე გადიოდა ის მართლაც არსებობდა თუმცა უფრო ლოკალური მნიშვნელობა ჰქონდა ვიდრე საერთაშორისო.
საერთაშორისო ის იმდენად იყო რამდენადაც მას ადგილობრივები იყენებდნენ, ხოლო უცხოელები რომაელები და სხვა მხოლოდ იმ შემთხვევაში თუ სხვაგან არეულობა იყო და თუ ტრანზიტს შეიცვლიდნენ ჩრდილოეთიდან სამხრეთის მიმართულებით და პირიქით სხვა გამოყენება მას ნაკლებად უნდა ქონოდა.

პოსტის ავტორი: Темур თარიღი: Mar 5 2009, 09:12 PM

sable

მდაა.
ეს ვიკითხე ვითომ?
სხვა რამ ვიკითხე.
იბერიის შსს თანამშრომლები როგორ დაადგენდნენ, რომ ანდრია რომის მოქალაქე იყო?


მაშინ მოქალაქეობის მომენტს რატომ ვაწვებით?
ანდრიას რელიგია რომშიც და მთელს მაშინდელ მსოფლიოში ერთნაირ მდგომარეობაში იყო. ანუ ლაზიკაში რაღაზე გადავიდოდა, იქაც ხომ შეავიწროვებდნენ?


ახირებას არა?
არ გიფიქრია, რას ფიქრობს ხალხი შენს ახირებაზე?

ეს სადმე წერია?

პოსტის ავტორი: KAIROS თარიღი: Mar 6 2009, 05:07 AM

საბლე
კი, მეც ეგ დავწერე, რომ აბრეშუმის გზა ზემოდან და ქვემოდან უვლიდამეთქი საქართველოს და რუკაც დავდე საუკუნე ნამდვილად ძვ. წ. ით I რუკაზეც მივანიშნე რომ გადიოდა დამაკავშირებელი გზა , რომელიც დატანებულია რომაულ რუკაზე "ტაბულა რეუნტენგერიანა", და ის გზა გამოიყენებოდა ხშირად , ეპიფანე კვიპრელი წერს, რომ ანდრიამ გაიარა "სებასტოპოლისი აფსართა ციხე.სიმაგრე" ეს დღევანდელი სოხუმია...

პოსტის ავტორი: sable თარიღი: Mar 9 2009, 01:45 PM

შსს არა უშიშროების



მთელ მსოფლიოში მალაიზიის გამოკლებით


რომელზე შეგიოძლია დაასაბუთო




ქართლის ცხოვრებაში არის დანართი ადექი და წაიკითხე აქ ამ უაზრო კამათს აზრი არ ააქვს და მერე ვისაუბროდ იმ მიზეზებზე რის გამოც ანდრია საქართველოდან განდევნეს.

პოსტის ავტორი: egri3 თარიღი: Mar 9 2009, 02:43 PM

sable

კაი ბატონო. უშიშროება როგორ დაადგენდა?

მალაიზიაშიც არც მიემგზავრებოდა მგონი.
მაშ რად გვაინტერესებს მოქალაქეობა?

ვერ გავიგე.

ო, ეს უკვე საინტერესოა.
რომელ დანართზეა საუბარი? სად ვნახო? თუ მთელი ქართლის ცხოვრება უნდა წავიკითხო?

პოსტის ავტორი: sable თარიღი: Mar 9 2009, 03:35 PM

egri3

პირველკი ტომი წაიკითხე გვერდები არ ვიცი ასე ზეპირად. ყაუხჩიშვილის გამოცემა (1955)

პოსტის ავტორი: KAIROS თარიღი: May 27 2009, 05:32 AM

კარგით ბატონებო, გავაგრძელოთ შემდეგი ეტაპი:

თარიღი - IV საუკუნე
ადგილი - საქართველო,
საკითხი - წმ. ნინოს ქადაგება

ჩვენ არ შევეხებით ახლა მის ცხოვრებას, ამისათვის აქ წაიკითხეთ

http://www.georgianweb.com/religion/geo/stnino.html

ან აქ

http://www.orthodoxy.ge/tveni/ianvari/nino.htm

გავამახვილოთ ყურადღება წმიდა ნინოზე, აშკარად იყო პოლიგლოტი, იცოდა
1. ბერძნული
2. ლათინური
3. ებრაული

ქართული შემდეგ უნდა ესწავლა საქართველოში, ამიტომაცაა რომ პირველ ხანებში იგი ურთიერთობს ჯერ ბერძენ შემხვედრებთან, მერე ებრაელებთან მცხეთაში.
მეტიც იმისათვის რომ ახლადშემოსული ნინოსათვის ეკითხათ ვინაობა, ქართველებს თარჯიმანი დაჭირდათ:
დედოფლის სეფექალმა შროშანამ ხესთან წმიდა ნინო დაინახა, მასთან ბერძნულად მეტყველი ქალი მიიყვანა და ვინაობა და იქ ყოფნის მიზეზი გამოჰკითხა.

მამით იგი კაპადოკიელია, დედით ბერძენი, ყავდა ბიძა იერუსალიმის პატრიარქი, მამამისი-ზაბულონი ბრანჯთა რაღაც ნაწილის მომქცეველი გახდა და შემდეგ აღიკვეცა ბერად, დედა-სოსანა კი მეუღლის მონასტერში წასვლის შემდეგ დიაკონესსა გახდა, შემდეგ ზრდიდა ვინმე სარა ნიაფორი, ალბათ გაქრისტიანებული ებრაელი, იერუსალიმში.

იერუსალიმში დაინტერესდება კვართით და იწყებს მოგზაურობას.

იერუსალიმი-ეფესო-სომხეთი-ჯავახეთი-მცხეთა

გზაში იცნობს რიფსიმეს და გაიანეს და 50 ქალწულს, ეწამებიან სომხეთში, ნინო ვარდის ბუჩქში დაიმალა, შემდეგ ისევ ბუჩქში ქონდა ბინა, სამთავროსთან მაყვლოვანში...

და ბოლოს, ასაკით შემოსვლისას იყო ძალიან ახალგაზრდა 12-14 წლის, დაკრძალულია ბოდბეში.

პოსტის ავტორი: marine თარიღი: Oct 16 2014, 03:36 PM

„ქართველმა ერმა, როგორც სიდონიამ კვართი, ისე ჩაიკრა გულში ქრისტეს სარწმუნოება და როგორც სიდონიას ვერანაირმა ძალამ ვერ გამოართვა ხელიდან უდიდესი სიწმიდე, ასევე ვერანაირმა განსაცდელმა ვერ განაშორა ქართველობა ჭეშმარიტ სარწმუნოებას“.
/ფსიქოლოგი ლევან გურიელიძე/

პოსტის ავტორი: marine თარიღი: Dec 3 2014, 09:40 PM

"წმინდა იოანე ხომ ღვთისმშობლის შვილობილია, ისე როგორც საქართველო, ამიტომ იმასაც ამბობენ, რომ ბოლო ჟამს წმინდა იოანე ღვთისმეტყველი საქართველოში იქადაგებსო".

/დეკ. კონსტანტინე გიორგაძე/

პოსტის ავტორი: marine თარიღი: Dec 26 2014, 06:18 PM

"ხდებოდა ქართველებისათვის ჯერ კიდევ უცხო, "ჰრომთა სჯულის" (ანუ რომაელთა რჯულის - ასე მოიხსენიება უძველეს ქართულ წყაროებში ქრისტიანობა) დანერგვა ადგილობრივ ნიადაგზე, მისი გამშობლიურება".

"წარსულს ნუ გავაიდეალებთ. ზნეობრივი განსაცდელი ხშირად იყო საქართველოში. ქრისტიანული ეკლესიის ფუნქციაც სწორედ ის არის, რომ ამ გასაჭირის დაძლევაში დაეხმაროს ხალხს".

/ისტორიის მეცნიერებათა დოქტორი მარიამ ჩხარტიშვილი/

პოსტის ავტორი: marine თარიღი: Dec 28 2014, 01:24 PM

"სარწმუნოების სხვადასხვაობა ჩვენ არ გვაშინებს, ქართველმა, თავისი სარწმუნოებისთვის ჯვარცმულმა, იცის პატივი სხვისი სარწმუნოებისაც".

/წმ. ილია მართალი/

პოსტის ავტორი: marine თარიღი: Mar 30 2015, 09:34 PM

"... ახლა რამდენიმე სიტყვით იმის შესახებ, შეეხო თუ არა ხატთმბრძოლობის ერესი ქართულ ეკლესიას, რომელიც ერთ საუკუნეზე მეტი ხნის განმავლობაში (725-843) მძვინვარებდა ბიზანტიის ეკლესიაში.

არავითარი ცნობა იმის შესახებ, რომ საქართველოში ხატები და მათი თაყვანისცემა, როგორც კერპთაყვანისმცემლობა აკრძალული იყო, არ მოგვეპოვება.

დარწმუნებით შეიძლება ითქვას, რომ იმ პერიოდში საქართველოს ეკლესია აღმოსავლეთში ერთადერთი იყო, რომელსაც ხატების თაყვანისცემა არ უარყვია..."

/"ქრისტიანული ეკლესიის ისტორია" გვ. 405/

პოსტის ავტორი: marine თარიღი: Apr 21 2015, 11:20 PM

"ქართლისა მშვიდობისა, საზღვართა განმაგრებისა, მეფეთა და მთავართა დაწყნარებისა, მტერთა გარე-მიქცევისა, ტყვეთა მოქცევისა, ჟამთა დაწყნარებისა, ქრისტიანობის დამტკიცებისათვის უფლისა მიმართ ვილოცოთ", - მხურვალედ ლოცულობდნენ ქართველი ბერები სინას მთაზე".

/საქართველოს ეკლესია X - XI საუკუნეებში

"ქრისტიანული ეკლესიის ისტორია" გვ. 429/

პოსტის ავტორი: marine თარიღი: Jun 12 2015, 03:58 PM

"მეორე მსოფლიო ომი. ფაშიზმის მძვინვარება, ეკლესია მამულის სადარაჯოზე დგება.

1941 წლის 24 ივნისს კათოლიკოს-პატრიარქი [კალისტრატე (ცინცაძე)] ხელქვეითებს ავალებს, ყოველი წირვა-ლოცვისას დიდ კვერექსში "მენავეთა, მოგზაურთა" შემდეგ ჩართონ სიტყვები: "უფალმა ღმერთმა მისცეს მხედრობასა ჩვენსა ძალი შემუსვრად მტერთა..."

/"კარიბჭე" N12, 2015, გვ. 64/

პოსტის ავტორი: marine თარიღი: Jun 13 2015, 11:04 PM

“კიდევ ერთი დოკუმენტი. 1942 წლის 6 ნოემბერს კათოლიკოს-პატრიარქი [კალისტრატე ცინცაძე] წერილს უგზავნის საქართველოს კომპარტიის ცენტრალური კომიტეტის სამდივნოს, უმაღლესი საბჭოს პრეზიდიუმს, სახალხო კომისართა საბჭოს და ულოცავს საბჭოთა ხელისუფლების დამყარების ოცდაერთ წლისთავს, თანაც დასძენს: „ვსასოებ, ადრე და მალე მოგელოცოთ მტრებზედ სრული გამარჯვება და სამშობლოს მათგან განწმენდა“.

ეკლესია მატერიალისტურადაც ეხმარება არმიას, ამიტომაც იმსახურებს მთავარსარდლის მადლობას.

благодарю верующих и духовенство грузинского каталикосата за заботу о Красной армии.

Примите мой привет и благодарность Красной армии.
И. Сталин

1945 წელს კათოლიკოს-პატრიარქი 200 000 მანეთს უგზავნის გმირ წითელ არმიელებს და კვლავ სტალინის მადლობა.

როგორც ხედავთ, უმძიმეს დღეებში ეკლესია ხალხის და ხელისუფლების გვერდით დგას“.

/"კარიბჭე" N12, 2015, გვ. 64/

პოსტის ავტორი: marine თარიღი: Jul 29 2015, 02:41 PM

პროტოპრესვიტერი იასონ კაპანაძე
1874-1962

"...1922 წლის მარტში, დღემდე გავრცელებული ვერსიის თანახმად, დეკანოზმა იასონმა წაიღო გენუის კონფერენციაზე კათოლიკოს-პატრიარქ ამბროსის (ხელაია) მიერ შედგენილი მემორანდუმი, რასაც 1923 წლის იანვარში მთელი საკათალიკოსო საბჭოს დაპატიმრება მოჰყვა.

სასამართლო გაიმართა 1924 წლის 10-19 მარტს ნაძალადევის თეატრში. სასამართლოზე მყოფი ყველა სასულიერო პირი, კათოლიკოს ამბროსის გარდა, აცხადებდა, რომ არაფერი იცოდა მემორანდუმის გაგზავნის შესახებ..."

/"საპატრიარქოს უწყებანი" N27, 2015, გვ. 19/

პოსტის ავტორი: marine თარიღი: Aug 30 2015, 10:51 PM

"...აქაური ეკლესიაც ანდრია პირველწოდებულის დაფუძნებულია სვიმონ კანანელთან ერთად. ყოველივე ამასთან გასათვალისწინებელია, რომ ანდრია მოციქული ღვთისმშობლის დავალებას ასრულებდა, ღვთისმშობლისთვის ხვდომილ საქმეს ასრულებდა ანუ საქართველოს საპატრიარქო ტახტი დედა ღვთისას დადგენილია ანდრია პირველწოდებულის ხელით. საქართველოს ეკლესია ღვთისმშობლის მიერაა შექმნილი ..."

/ისტორიკოსი გაიოზ მამალაძე
"კარიბჭე" N18, 2015, გვ. 5/

პოსტის ავტორი: marine თარიღი: Sep 2 2015, 10:52 PM

"მოციქულთა მიერ დაარსებული ეკლესია, სადაც უნდა ყოფილიყო ის, ავტოკეფალური იყო. ამიტომაც საქართველოს ეკლესიაც დაარსებისთანავე თავისთავადია"

/მიტროპოლიტი ანანია ჯავარიძე, საქართველოს ეკლესიის მოკლე ისტორია
"კარიბჭე" N18, 2015, გვ.5/

პოსტის ავტორი: marine თარიღი: Sep 30 2015, 07:06 PM

"ქრისტეს შობიდან VI საუკუნე იდგა. ღვთისმშობლის წილხვედრ ივერიაში უფლის ეკლესიას ცრუ სოფელმა ათასგვარი საცდურის ცეცხლი შეუნთო. ზოროასტრის მიმდევარნი, მონოფიზიტნი თუ მწვალებელნი თავისკენ მიიზიდავნენ მრავალ ქართველს, "ახალნერგთა ქრისტეს სარწმუნოებაში".

სწორედ მაშინ შეგვიწყალა დედაღვთისამ და ჩვენს სამშობლოს წარმოუგზავნა ცამეტი ნათელი სვეტი, ცამეტი ღირსი მამა, რომელთაც გაამყარეს და ფეხზე დააყენეს ქრისტეს სარწმუნოება ქართველთა შორის".

/"საქართველოს იმედი II" წიგნი 23, გვ. 98/

პოსტის ავტორი: marine თარიღი: Dec 21 2015, 07:01 PM

"1922 წელს გენუაში გაიმართა საერთაშორისო კონფერენცია, რომელსაც მემორანდუმით მიმართა საქართველოს კათოლიკოს-პატრიარქმა ამბოსიმ (ხელაიამ). ამ დოკუმენტში მხილებული იყო ბოლშევიკური რუსეთის ანტიქართული პოლიტიკა.

და აი, საჯარო დაკითხვისას კალისტრატე ცინცაძეს ჯიქურ მიმართავენ:

- ცნობთ თუ არა ამბროსი ხელაიას დამნაშავედ?

დარბაზი გაირინდა. პასუხზე ბევრი რამ არის დამოკიდებული და აი, ამბობს უწმინდესი კალისტრატე:

- საეკლესიო წესდების მიხედვით, მორჩილს უფლება არ აქვს, ზემდგომის საქციელი განსაჯოს. კათოლიკოსი კი ჩემი წინამძღოლი და ზემდგომია".

/"კარიბჭე" N26, 2015, გვ.58/

პოსტის ავტორი: marine თარიღი: Jan 4 2016, 09:03 PM

"საქართველოს ეკლესიის ისტორია ერის ისტორიასთან არის შესისხლხორცებული. ჟამთა სიავემ ვერ შეძლო მათი ერთმანეთისაგან გამიჯვნა".

/"კარიბჭე" N27, 2015, გვ.40/

პოსტის ავტორი: marine თარიღი: Sep 21 2016, 09:29 PM

"იოანე ბაგრატიონი თავის "კალმასობაში" მოგვითხრობს ფერარა-ფლორენციის კრების მონაწილე ქართველ ეპისკოპოსთა შესახებ. თურმე საქართველოდან კრების დამსწრე ახტალელ ეპისკოპოს დანიელსა და თავად ნიკოლოზ ჩერქეზიშვილს ხელი არ მოუწერიათ კრების დადგენილებაზე, "ხოლო იმერეთის ეპისკოპოსმან იაკობ შემოქმედელმან მოაწერა ხელი".

საერთოდ, იოანე ბატონიშვილის აზრით, საბერძნეთიდან და რუსეთიდან ჩასულ სამღვდელოებას ხელი მოუწერია კრების აქტებისთვის: "მოაწერეს ხელი ბერძენთა და რუსთა, გარნა ანტიოხიისა პატრიარხმან არა მოაწერა ხელი, არცა ქართველმა ეპისკოპოსმან ახტალისამან დანიელმან..." თუმცა კრებიბს დამთავრების შემდეგ უკან დაბრუნებულ ბერძნებს (იმპერატორსა და პატრიარქს და სხვებს) უარუყვიათ ამ კრების დადგენილებანი.

ახტალის საეპისკოპოსო კათედრა ერთ-ერთი უმნიშვნელოვანესი იყო ქართლის საკათალიკოსოში, მდებარეობდა ქვემო ქართლში (ამჟამად სომხეთის საზღვრებშია), ხოლო "იმერთა ეპისკოპოსი იაკობი", ალბათ, შემოქმედელი ეპისკოპოსი, აფხაზეთის ("ქვემო ივერიის") საკათალიკოსოდან იყო გაგზავნილი ფერარა-ფლორენციის კრებაზე. იბერიის მეფეს თავის სახელმწიფოში შემავალი ორივე საეკლესიო ერთეულის წარმომადგენლები მოუვლენია კრებაზე".

/"კარიბჭე" N11, 2008, გვ.37/

პოსტის ავტორი: marine თარიღი: Feb 2 2017, 10:18 PM

"ჩვენი ეკლესია წააგავს ახლადგანკურნებულ ავადმყოფს, რომელსაც ფეხები იმდენათ არ გამაგრებია, რომ მას საშიშროება არ მოელოდეს დაუხმარებლად სიარულის დროს. საჭიროა მხარში ამოდგომა, დახმარება, რომ მთელი საუკუნის განმავლობაში სიდამბლეში მყოფი და ახლადგანკურნებულ და ფეხადგმული ეკლესიამ შეიძლოს გამოიჩინოს ის ცხოველმყოფელი ძალა და უნარი მოქმედებისა, რომლითაც ის განთქმული იყო ძველად. იოანე კესარიელი იტყვის თავის “ფიზიოლოგიაში” იმ ერთნაირ ხვლიკზე, რომელიც დაბერდება და კბილებ ჩაცვინული ხდება და მღვიმეში სძინავს. ასი წლის შემდეგ ის გამოდის მზეზე, მისი ყვითელი კანი ლურჯად აბრწყინდება, კბილები ამოუდის და ახალგაზრდავდება. საქართველოს ეკლესიაც ასი წელიწადი დამწყვდეული იყო მოუძლურებული, მოქმედების უნარისაგან გაძარცული, მაგრამ ახლა მას მოხვდა მზის სხივები და ისიც გადახალისდებაგაბრწყინდება. ეს მოხდება მხოლოდ ჩვენის მეოხებით და ხელშეწყობით."

/წმ. აბროსი ხელაია
"თვენი" წიგნი 8, 11 მარტი -20 მარტი, გვ. 180-181/

პოსტის ავტორი: marine თარიღი: Feb 6 2017, 06:57 PM

"ჩვენს უიმედობაზე ღმერთი მოგვიგებს იმაზე მეტს, გვანუგეშებს უფრო მეტად და საგრძნობელად, ვინემ ანუგეშა წინასწარმეტყველი ილია, როდესაც ის ისრაელთა ურწმუნოებისა გამო აქაბის დროს სასოწარკვეთილებაში შთავარდა. “დამიტევებიეს ისრაელისა შვიდი ათასი მამაკაცი, რომელთა არა მოუდრიკნეს მუხლნი მათნი ბაალს” (3 მეფეთა, 19,18). თუ ღმერთმა მაშინ ილიას უთხრა ეს სიტყვები, რომ არიან კიდევ შვიდი ათასი მორწმუნენიო, ახლა ის მიგვითითებს ამ სვეტიცხოველის და სხვა ტაძრების დღეობების დროს ზღვა მლოცველებზე, რომელთაც ქედი არ მოუხარეს ახლანდელ ურწმუნოებას და უღმერთობის ქადაგებას."

/წმ. ამბროსი ხელაია
"თვენი" წიგნი 8, 11 მარტი - 20 მარტი, გვ.200/

პოსტის ავტორი: marine თარიღი: Oct 1 2018, 08:26 PM

"დღეს ჩვენ სწორად უნდა შევაფასოთ შექმნილი ვითარება და ვიმოქმედოთ ისე, რომ შთამომავლობამ საყვედურით არასდროს გაიხსენოს 1960 წლის 11 იანვრის სინოდის სხდომა თავისი გადაწყვეტილების გამო", - ეს სიტყვები ბოდბელ მიტროპოლიტ დიმიტრის (იაშვილი) უთქვამს უწმინდესი მელქისედეკ მესამის გარდაცვალებასთან დაკავშირებით საგანგებოდ მოწვეულ წმინდა სინოდის სხდომაზე.

მასვე, წმინდა სინოდის ყველა წევრის სახელით, წინადადება შემოუტანია, საქართველოს კათოლიკოს-პატრიარქის თანამოსაყდრედ დაესახელებინათ მიტროპოლიტი ეფრემი (სიდამონიძე). ჩვენი ვარაუდით, ხელისუფლების დაკვეთას საკადრისი პასუხი რომ გასცემოდა, მეუფე ეფრემის კანდიდატურას ერთსულოვნად დაუჭირა მხარი წმინდა სინოდის მთელმა მაშინდელმა შემადგენლობამ მიტროპოლიტ დავითის (დევდარიანი) ჩათვლით, რომელიც, განსვენებული კათოლიკოს-პატრიარქის მელქისედეკის ანდერძის თანახმად, მის კანონიერ თანამოსაყდრედ ითვლებოდა. ეს ჟესტი ღვთის კეთილი ნების გამოვლენა გახლდათ, რადგან მსგავსი შემთხვევა არ ახსოვს საქართველოს ეკლესიის ისტორიას."

/"კარიბჭე" N5, 2010, გვ. 46/

პოსტის ავტორი: marine თარიღი: Mar 28 2019, 09:06 PM

"ღმერთმა დალოცოს საქართველოს ეკლესია. საქართველოს ეკლესიამ გადაარჩინა საქართველო. ეკლესიის მოღვაწეობა რომ არ ყოფილიყო, დღეს ვინ ვიქნებოდით, არ ვიცი".

/ილია მეორე
"საპატრიარქოს უწყებანი" N11, 2019, გვ.3/

პოსტის ავტორი: marine თარიღი: Jun 26 2019, 08:32 PM

"ქართველი ერი იცავს სარწმუნოებას შეურყვნელად. ეს არის ეკლესია, სადაც არასოდეს დამახინჯებულა ჭეშმარიტი სარწმუნოება, არასოდეს ყოფილა მწვალებლობა. ეს არის ეკლესია, რომელიც მიუხედავად უმძიმესი ისტორიისა, ყოველთვის ერთგული იყო ღვთისა. ჩვენი ხალხი თავს სწირავდა, მაგრამ სარწმუნოებას არ თმობდა".

/მეუფე დანიელი (დათუაშვილი)
"საპატრიარქოს უწყებანი" N21, 2019, გვ.4/

პოსტის ავტორი: marine თარიღი: Jul 4 2019, 05:19 PM

"რა იქნებოდა საქართველო ქრისტიანობის გარეშე?! ჩვენ ვიცავდით ქრისტიანობას და ქრისტიანობამ გადაგვარჩინა ჩვენ!"

/ილია მეორე
"კარიბჭე" N7, 2019, გვ.47/

პოსტის ავტორი: marine თარიღი: Sep 16 2019, 08:41 PM

"საქართველოს სამოციქულო ეკლესია მისი უწმინდესობის მეთაურობით არის ჩვენი ეროვნული თავისთავადობის შენარჩუნების დიდი ძალა"

/პროფესორი სერგო ვარდოსანიძე
"კრიალოსანი" N5, 2008, გვ.36/

პოსტის ავტორი: marine თარიღი: Jan 3 2020, 05:54 PM

"პოლიტიკურად დაშლილ საქართველოში ქართული ეკლესია რჩებოდა ერის შემკრებად და გამაერთიანებლად. შესაბამისად მტერი ანალოგიურად ახორციელებდა დარტყმას ეკლესიური ერთობის დასარღვევად"

/"საპატრიარქოს უწყებანი" N29, 2019, ჩანართი/