 მოწამეთა, მოწამეთის მონასტერი |
სტუმარს სალამი ( შესვლა | დარეგისტრირება )
| lion |
 Jul 26 2007, 08:55 PM
პოსტი
#1
|
|
Newbie  ჯგუფი: Members პოსტები: 4 რეგისტრ.: 12-July 07 წევრი № 2,446  |
ქუთაისიდან ექვსი კილომეტრის დაშორებით, აღმოსავლეთით მდინარე წყალწითეალს თვალწარმტაც ხეობაში, სოფელ მოწამეთაში მდებარეობს მოწამეთის მონასტერი. აქ მოხვედრა შეიძლება როგორც რკინიგზით, ისე სამანქანო გზით.
1958 წელს ქუთაის-ტყიბულის გზატკეცილიდან მონასტრამდე სამი კმ-ის სიგრძის სამანქანო გზა მოიყვანეს. იგი გვერდით ჩაუვლის სოფელს, გადაჭრის რკინიგზის ლიანდაგს და დასავლეთიდან მიადგება მდინარე წყალწითელას ხეობაში ღრმად შეჭრილ ციცაბო კლდოვან მაღლობს, სადაც მოწამეთის მონასტერი მდებარეობს. მოწამეთის მონასტერი ძველი ქართული კულტურის ერთ-ერთი მნიშვნელოვანი ძეგლია, საქართველოს ძველი ისტორიის ბრწყინვალე მღაღადებელი, თავის წარმტაცი ხატოვანი ბუნებით წარუშლელ შთაბეჭდილებას რომ ტოვებს მნახველზე. გალავნით შემორტყმული კლდოვანტყიანი მთის დაკავებულ ადგილზეა გაშენებული, ბუნება აქ ღარიბი არაა, განსაკუთრებით გაზაფხულზე. როცა მწვანე სამოსში გაეხვევა ირგვლივ მდებარე მთა-გორები, მაგრამ მაინც პირქუში იერი აქვს. სამი მხრივ ამ ადგილს მდ. წყალწითელა უვლის გვერდს. წყალწითელას ხეობა, სადაც მონასტერი მდებარეობს, ერთ-ერთ დაწინაურებულ მხარეს წარმოადგენდა და იგი უდიდეს როლს ასრულებდა საქართველოს პოლიტიკურ, ეკონომიკურ და კულტურულ ცხოვრებაში. ამას ადასტურებს აღნიშნული ხეობის ძეგლები, რომელთა შორის თვალსაჩინო ადგილი უჭირავს მოწამეთის ხუროთმოძღვრულ კომპლექსს. მოწამეთის შესახებ ერთ-ერთი ადრეული ცნობა დაცულია წმინდანთა ცხოვრებაში: `ადგილსაი მას, რომელსა ჰქვიან წყალწითელი, რამეთუ იყო ადგილი იგი ციხე-ქალაქ და ერ მრავალ~. მართლაც სტრატეგიული თვალსაზრისით `წყალწითელი~ უაღრესად მოხერხებული ადგილია. იგი მდინარის მიერ შექმნილი ნახევარკუნძულია და ყოველი მხრიდან ციცაბო კლდეებითაა დაცული. სწორედ ამიტომაც ეს ციხე საშუალო საუკუნეებში მეტად მნიშვნელოვან სამხედრო – სტრატეგიულ პუნქტად გვევლინება. მე-18 ს. დიდი ქართველი ისტორიკოსი ვახუშტი ბაგრატიონი კი მურვანის ლაშქრობის ამბავს ასე გადმოგვცემს: `შემდგომად გამეფდა ძე-სტეფანოზისა მისი. ამის მეფობის მეოთხე წელსა... მოვიდა მურვან ყრუ, დისწული მაჰმადისა სპითა უამრავითა, ვერვინ წინაღუგდა, შემუსრა სომხეთი, ქართული, რანი და ყოველი კავკასია, ხოლო სცნა რა მეფისა ეგრისს ყოფნა შავიდა არგუეთს და მუნ ეწყუნენ მენებურნი მთავარნი დავით და კონსტანტინე და მოსწყიდნენ სპათა მისნი მრავალგზის~. მტერმა მოაოხრა არგვეთის სამთავრო და ბუნებრივია, ვერც ციხე სიმაგრე `წყალწითელი~ გადაურჩა მათ რიცხვს. წმინდანთა ცხოვრებაში ვკითხულობთ: `რამეთუ ყრუსა მურვანსა გამოეღო ეოხა და დაეწვა~. დიდი წინააღმდეგობა გაუწია არგვეთის მთავრებმა. `აღიზახა ვითარცა ლომმან, და აოტნეს და განაბნინეს იგინი და ურიცხვი მოსრნეს~. მაგრამ აღესრულა მურვან-ყრუს ბრძანება და დავით და კონსტანტინე შეიპყრეს. `ვინ ხართ თქვენი, ქვათა და ძელთა მსახურნო, რომ ჩემ წინააღმდეგ ბრძოლა გაგიბედიათ? იქნებ არც გაგიგიათ, რომ მე დიდი ალლაჰის მოციქულის, მუჰამედის დისწული ვარ, იმ მუჰამედისა, რომელსაც ჰმონებს სრულიად არაბეთი და სპარსეთი~. და მაშინვე უპასუხა დავითმა: `ეგ შენი ქადილი ცუდი და ამაოა, რაც შეეხება დედაშენის ძმას მუჰამედს, ეგ სიქადულიც ფუჭი და უქმია, რამეთა ის მუჰამედია მაცდური და დამღუპველი მთელი თქვენი მოდგმის~. დიდხანს სცემდნენ გახელებით და გამეტებით ხოლო ისინი იწვნენ მდუმარედ და უდტვრინელად ღებულობდნენ ყოველ დარტყმას. მურვან ყრუმ უთხრა: `დაუტოვე ქრისტეს ჯვარი, იგი ხომ შეშაა და სხვა არაფერი, მიიღე სჯული მუჰამედისა და იქნები ჩემი ჯარების უფროსი~. უპასუხა დავითმა: - `ნათელი დაუტევოთ და ბნელს შეუდგეთ? ჩვენ ღმერთმა მოგვიწოდა ნათელისაკენ, მზად ვართ ქრისტეს სახელისთვის ყოველსავე ტანჯვასა, ცეცხლსა, წყალსა, მახვილსა და სიკვდილსა~. `ჩვენ ყურანში წერია, რომ ქრისტე მარიამის ძე კაცად შობილი და იძახდა ღვთის ძე ვარო, ამიტომ შეიპყრეს და ძელზე გააკრეს, ხოლო მუჰამედმა სპარსნი და არაბნი მოაქცია და ჭეშმარიტ ღმერთს შეაწყნარა~. ამაზე დავითმა მწარედ გაიღიმა და თქვა იქ წერია: - `სახერებიდან ისწავლეთო, გარნა თქვენ უგულისხმონი ხართ, ამიტომ არც წიგნი იცით არც ღვთის ძალა~. ახლა კონსტანტინეს მიუბრუნდა არაბთა სარდალი `შენ რას იტყვი ყმაო~. კონსტანტინემაც დასძრა `ხმაი დამამხობელი~. `არც მე ვემორჩილები შენ ბრძანებას იმასვე ვიწამებ და ვაღიარებ, რაც ჩემმა ძმამ დავითმა აღიარა~. ათი დღე აწამეს ძმები და ათი დღის შემდეგ კიდევ სცადეს მოლაპარაკება, მაშინ უკანასკნელად დასძრა ენა დავითმა: - `ვიტყვი მხოლოდ იმას რაც თავში ვთქვი, მზად ვართ ქრისტესა და სარწმუნოების გულისთვის, თავი მივცეთ შიმშილს, წყურვილს, ცეცხლსა და წყალს, მახვილსა და ხმალს, ხოლო საბოძვარი არის საძულველ და საძაგელ წინაშე თვალთა ჩვენთა~. ორივე გააშიშვლეს და ხეზე დაჰკიდეს, მძიმე ხელკეტებით სცემეს, შემდეგ ჩამოხსნეს, ქედზე ლოდები დააკრეს და მდინარეში გადაყარეს. `ხოლო იქმნა მას ღამესა სასწაული, საშინელი და სასმენად საზარელი, უჩვეულო იყო ცაც, წყალიც, ხმელიც მაღლობიც და დაბლობიც. მთვარეც სრულქმნილი, მთვარეც მიარღვევდა ღრუბელთა უსქესს კრედსამბელს~. სამსვეტოვან შიქ-ჭავლად დაადგა ძმებს მთვარის შუქი ბრწყინავდნე `ვითარცა მთიები განთიადისადმი~. წყლიდან ამოასვენეს მარტვილნი, წყალწითელის ხევში ღრმად ჩაჭრილ კლდოვან ყელს ჩაუდგა პროცესია, აქ ადრე ხარების სახელობის ეკლესია იდგა. ნაეკლესიარში ძველთაძველი აკლდამა იყო, ამ აკლდამაში დაასვენეს მოწამენი, ამ ადგილას მოწამეთა ეწოდა. XI საუკუნეში ბაგრატ III ააშენა დანგრეული ეკლესია და მასში გადაასვენა წამებული გმირები. როგორი სახე უნდა ჰქონოდა ეკლესიას თავდაპირველად, რასაკვირველია, ძნელი სათქმელი, მაგრამ ეკლესია შიგნით მცირე ფართობისა იქნებოდა. საკურთხეველი მოთავსებული იყო და არის ჩრდილოეთის მხარეს. ეკლესიას გუმბათი არ ჰქონდა. მე-19 საუკუნეში ჩატარდა სარეკონსტრუქციო სამუშაოები. 1844-45 წლებში ლევან, მოსე და ფილიპე ბერეკაშვილებმა შეაკეთეს და გააფართოეს მოწამეთის ეკლესია იმერეთის ეპისკოპოსის დავით წერეთლის ხელმძღვანელობით. სამუშაოები მთლიანად დასრულდა 1865 წელს. დასრულდა იგი ხარების ეკლესიის შიგნით კანკელის გადაკეთებით. 1922-24 წლებში ჩვენში დაიხურა ეკლესია-მონასტრები, დაინგრა არქიტექტურის ძეგლები, დაიწვა უნიკალური წიგნები, დაიღუპა ჭედური ხელოვნების ბრწყინვალე ნიმუშები და სხვა. მოწამეთის ეკლესია კვლავ მოქმედი გახდა 1954 წელს, რაზედაც მიუთითებს დასავლეთის მოსაცდელში დაცული წარწერა. მასში მოხსენიებულია ქუთატელ-გაენათელი მიტროპოლიტი გაბრიელი, ქუთატელ-გაენათელი ეპისკოპოსი ნაომი `შავიანიძე~, მღვდელი სულაკაძე, რომელთა მეოხებით აღდგენილი იქნა წირვა-ლოცვა. ამ დროს გადაასვენეს დავითისა და კონსტანტინეს ნეშტი ქუთაისის მუზეუმიდან მათს სამკვიდრებელში – მოწამეთის მონასტერში. მოწამეთის ეკლესია ჯვარ-გუმბათოვანი ტიპისაა, ჯვრის ოთხივე მკლავი თანაბარია. გუმბათი ეყრდნობა ოთხ სვეტს, ორი საკურთხევლის შვერილია, ეკლესიას აქვს ორი კარი, დასავლეთის და სამხრეთის. საკურთხეველი ჩრდილოეთ მხარეს აქვს, რაც მეტად საინტერესოა. შეიძლება ეს განაპირობა იმან, რომ ყველაზე საპატიოადგილს აღმოსავლეთის მხარეს დაკრძალული იქნენ წმინდა მოწამე დავით და კონსტანტინე, ამიტომაც საკურთხეველი ხუროთმოძღვარმა გადაიტანა ჩრდილოეთით. საკურთხეველი გადატიხრულია XIX საუკუნის ხის კანკელით, რომელზედაც წარმოდგენილია სიუჟეტები სახარებიდან და წმინდანთა ცხოვრებიდან. საკურთხევლის მარცხენა მხარეს, შემაღლებულ ადგილზე ხის ორ მოჩუქურთმებულ ლომზე, დევს ხიდან დამზადებული ლუსკუმი, რომელშიც მოთავსებულია წმინდანების ნეშტი. ლუსკუმი დამზადებულია ვინმე სულთანოვიჩის სახსრებით, ქვემოთ დატოვებულია ადგილი, რომ მორწმუნეებმა ჩოქვით გაიარონ. ეკლესიის სამხრეთით ორსართულიანი სამრეკლო, მასზე წარწერაა: რომ აგებულია იმერეთის მიტროპოლიტის დავითის განკარგულებით 1845 წელს. იქვეა ეკლესიის მსახურთა საცხოვრებლები. დასავლეთით გრძელი მოსაცდელი, აგებულია ძველ ნაეკლესიარზე, მოსაცდელზე 1960 წელს წინამძღვრის სახლი დაუშენებიათ. ეზოში დაკრძალულნი არიან XIX-XX საუკუნეების მსახურნი ამ მონასტრისა. მოწამეთის მონასტერი საყურადღებო ძეგლია, როგორც ისტორიული ისე საკულტო დანიშნულებით. მას საპატიო ადგილი უჭირავს ქართველი ერის კულტურის საგანძურში. |
   |
 
|
  |
გამოხმაურებები(20 - 39)
| noone__90 |
Jun 13 2010, 03:39 PM
პოსტი
#21
|
 Member ჯგუფი: Members პოსტები: 112 რეგისტრ.: 13-January 10 წევრი № 7,951 |
მოწამეთაში თითქმის დასრულდა სარესტავრაციო საქმიანობა..დაიგო მონასსტერთან მისასვლელი გზა,აშენდა კელიები,დაემატა მთ. მიქაელის ტაძარი,გამოიცვალა კანკელი და ა.შ..
ნუ ვერ იცნობთ მოწამეთას     მეტი ნახეთ იმერონი.გე ზე  |
|
|
|
| lingvo |
Jun 13 2010, 05:30 PM
პოსტი
#22
|
 ვახტანგი ჯგუფი: Moderator პოსტები: 4,095 რეგისტრ.: 13-July 07 მდებარ.: თბილისი წევრი № 2,456 |
noone__90
რა ლამაზი კანკელია. აღსავლის კარები ალბათ ჯერ არ იყო დასრულებული. -------------------- ნათელი იგი ბნელსა შინა ჩანს, და ბნელი იგი მას ვერ ეწია. (ინ.1,5)
|
|
|
|
| მაშიკო |
Jun 14 2010, 04:00 PM
პოსტი
#23
|
 მარიამი ჯგუფი: Members პოსტები: 2,850 რეგისტრ.: 18-May 09 მდებარ.: ქუთაისი წევრი № 7,002 |
noone__90
რა ლამაზიაააააააა უნდა ავაბუნტო ხალხი და ვნახო ამ დღეებში... -------------------- უფალო იესო ქრისტე, ძე ღვთისაო, შემიწყალე მე ცოდვილი. მომეც ძალა და უნარი, ვადიდო სახელი შენი.
|
|
|
|
| noone__90 |
Jun 14 2010, 04:56 PM
პოსტი
#24
|
|
Member ჯგუფი: Members პოსტები: 112 რეგისტრ.: 13-January 10 წევრი № 7,951 |
მაშიკო
ხო..და ეეს მხოლოდ მცირე ნაწილი განახეთ..მთავარი წინ გელით...  აი მართლა ძაან შეცვლილიაპ.ს კელიებისკენ ქალებს არ უშვებენ  |
|
|
|
| მაშიკო |
Jun 14 2010, 05:01 PM
პოსტი
#25
|
|
მარიამი ჯგუფი: Members პოსტები: 2,850 რეგისტრ.: 18-May 09 მდებარ.: ქუთაისი წევრი № 7,002 |
noone__90
 აუფფ ოხ ეს ქალები....არაუშავს მოწამეთას მაინც ვნახავ.... იმ კვირაში აუცილებლად ავალ... -------------------- უფალო იესო ქრისტე, ძე ღვთისაო, შემიწყალე მე ცოდვილი. მომეც ძალა და უნარი, ვადიდო სახელი შენი.
|
|
|
|
| ბადრი |
Feb 14 2011, 01:08 AM
პოსტი
#26
|
 Advanced Member ჯგუფი: Members პოსტები: 1,332 რეგისტრ.: 30-October 08 მდებარ.: წყალტუბო წევრი № 5,866 |
 -------------------- "უფალო ბაგენი ჩემი აღახვენ და პირი ჩემი იტყოდეს ქებულებასა შენსა"
"ეგრეთცა სარწმუნოებაი, უკუეთუ არა აქუნდენ საქმენი, მკუდარ არს იგი ხოლო." (იაკ 2.17) |
|
|
|
| toka@ |
Feb 14 2011, 09:37 AM
პოსტი
#27
|
 უსაქმური ჯგუფი: Members პოსტები: 3,204 რეგისტრ.: 27-October 10 წევრი № 9,723 |
ციტატა(ეკატო @ Jun 29 2009, 12:04 AM)  მისი წიგნი მაქვს წაკითხული და ისეთი რამეები წერია, ცოტა არ იყოს და მეშინია მისვლა, არადა ძალიან მინდა მასთან საუბარი შენ გისაუბრია მასთან? ეკატო შარშან ვიყავი მასთან და ძალიან მშვიდი პიროვნებაა,ითქოს ნათელი გადმოდის სახიდან..სულ დაგავიწყდება როსთვის ხარ მისული..კილო აქვს სასწაულად იმერული და ხუმარააა....პირადად არ საუბრობს უფრო საზოგადოდ...და ამ საერთო საუბარში შენზეც შეიძლება რამეს ამბობდეს და უნდა დაუკვირდე  -------------------- არაფერი ისე არ აახლოებთ ადამიანებს როგორც უფლის სიყვარული !
|
|
|
|
| kachkachuri |
Feb 25 2011, 11:10 AM
პოსტი
#28
|
|
Newbie ჯგუფი: Members პოსტები: 18 რეგისტრ.: 11-February 11 წევრი № 10,452 |
დალოცოს ღმერთმა მამა გიორგი
|
|
|
|
| LashaP |
Feb 26 2011, 12:44 AM
პოსტი
#29
|
 Newbie ჯგუფი: Members პოსტები: 2 რეგისტრ.: 21-February 11 წევრი № 10,519 |
არ ვიცნობ მამა გიორგის, მაგრამ მასზე წიგნების წაკითხვის შემდეგ, ძალიან დიდი სურვილი გამიჩნდა მისი ნახვის და აუცილებლად წავალ მოწამეთაში... ღმერთმა დალოცოს მამა გიორგი და ღმერთმა დალოცოს საქართველო.
-------------------- [size=3]უყურეთ ღმერთსა რა უყოს მტერსა[/size]
|
|
|
|
| PaTaRa-GoGo |
Feb 27 2011, 12:42 PM
პოსტი
#30
|
 Member ჯგუფი: Members პოსტები: 113 რეგისტრ.: 16-February 10 წევრი № 8,193 |
კიდევ ერთ რამეს დავამატებ თუ შეიძლება... მოწამეთას დაუბრუნეს ძველი იერი და ულამაზესია და რაც მთავარია იქ ცხოვრობს ბერი რომელიც ადამიანებს კურნავს...
-------------------- *მეგობრობაც ისეთივე იშვიათი ნიჭია,როგორც პოეტობა.მეგობრობა მხოლოდ იმას შეუძლია ,ვისაც ძალძუმს ვინმე ან რამე უანგაროდ უყვარდეს...და მართლაც ამ უანგარობის გარეშე არავის არაფერი დიდი და შესანიშნავი არ შეუქმნია*კონსტანტინე გამსახურდია.
|
|
|
|
| მხევალი ნინო |
Feb 27 2011, 09:33 PM
პოსტი
#31
|
 ზღაპრის ბოლო კეთილია.. ჯგუფი: Senators პოსტები: 25,889 რეგისტრ.: 19-December 06 წევრი № 715 |
PaTaRa-GoGo
ციტატა მთავარია იქ ცხოვრობს ბერი რომელიც ადამიანებს კურნავს... რომელი ბერი? -------------------- ჩვენ ვინც ქრისტიანობა დაგვაბრალა ....
დიდება შენდა, რომელმან მოგვფინე ნათელი -Поверь мне Карлсон, Не в пирогах счастье. -Да ты что, с ума сошёл?! А в чем же ещё? © |
|
|
|
| marine |
Dec 19 2012, 12:07 PM
პოსტი
#32
|
 მ_ა_კ_ა ჯგუფი: co-Moderators პოსტები: 58,037 რეგისტრ.: 3-November 06 მდებარ.: გულის საკურთხეველი:) წევრი № 381 |
მოწამეთა
გზა, ფერდობზე შემოჭრილი, მთვარით როცა გაბრწყინდება, კლდეებს შუა შებოჭილი ხმას იმაღლებს წყალწითელა. მოვერცხლილი მთის კალთები ცისფერ ტალღებს ჩასცქერიან. ჩამოყრილი თეთრი ქვები გეგონება - ჩანჩქერია. მოკამკამებს წყალწითელა, შიგ კენჭებიც დაითვალო. ამ ბექობთან მაინც ღელავს, თითქოს ლეწავს ქვიშის კალოს. აქ მიაგავს მთის მდინარეს, ტორზე დგება დაძაბული. მამულილიშვილთ, ქრისტიანებს, აქ უნახავთ სასწაული. ამბავია ძველისძველი, გმირთა თავი რომ გასწირეს, ძმები იყვნენ - მხეიძენი, დავითი და კონსტანტინე. აქ ურჯულო, ულმობელი, ზეცას რისხვით აბნელებდა. წინ აღუდგნენ გულლომები, გზა უყელეს ქართველებმა. მთებზე იწვა შავი ნისლი, მთვარეც ჩაქრა კოცონივით. მოჰკიოდა მტერი ისრით, ბექობიდან მოწოლილი. ძმები დახვდნენ ჯვრით და ხმალით, მერე სტაცეს ხელი ფარებს, თან ისმოდა ჩუმი ლოცვა: ღმერთო! ხალხი დაიფარე! და შეებნენ ჩვეულ რიხით, მათი რისხვა ჰგავდა ქუხილს. მოერთვოდა ცხენთა ჭიხვინს ხმლის და შუბის ჯახაჯუხი. ჩეხდნენ მახვილაწვდილები, მტერზე გულმკერდშეღერილნი და იბრძოდნენ დაჭრილები, ძმები წითლად შეღებილნი. მიწა დალბა ნაწვიმარი, სისხლი გალღვა დაკვეთილი, ერთად იდგნენ განწირულნი, ძმები აბჯარდაფლეთილნი. ზურგი ზურგზე მიაჭედეს, იგერიეს ასგზის მტერი, მაგრამ მაინც ამ ორ კედელს დაეშალა საძირკველი. ჩაეხვივნენ და დაეცნენ, დაიფარეს ასე წყლული და ესვენათ დაჭრილ მკერდზე ჯვარი - ნინოს თმით შეკრული. მზე იმათი ისე ჩაქრა, ერთად ისე დაიხოცნენ, ამ ამბავის ქართველთაგან არ ყოფილა არვინ მოწმე... ახლა მაინც მოდი, ნახე, რა ნათელი მოსავს გმირებს, სადაც მტარვალს შეეჯახნენ დავითი და კონსტანტინე. მოდი, ნახე ეს ადგილი, ეს მწვანე ტყე აქოჩრილი. აქ მოვსულვარ მეც ამ დილით, მის ტყვეობას დავმორჩილდი. მოიყარე შენაც მუხლი, წინაპრების ხმალს უმღერე, ეს ადგილლი იმათ უთვლის შენდობას და სასუფეველს. მათი სისხლით შეღებილი, ეს მდინარე არ ისმევა, და სახელიც - წყალწითელა, აი, ამით აიხსნება. იცი? ძმები ნაწამები აქ დაეცნენ ორთავ ერთად. ეს მთა ამის მოწამეა, მიტომ ჰქვია - მოწამეთა. /ოთარ მამფორია/ -------------------- "კ უ ს_ ნ ა ბ ი ჯ ე ბ ი თ_ ფ უ ძ ი ა მ ა ს_ მ თ ი ს კ ე ნ".
------------------- "არც შექებით ვხდებით უკეთესნი და არც გაკიცხვით უარესნი." /არქიმანდრიტი რაფაელი (კარელინი)/ -------------------- "ფრაზა, რომელსაც ხშირად იყენებდნენ ძველი გადამწერები: "ჴელი მწერლისა მიწასა შინა ლპების და ნაწერნი ჰგიან". |
|
|
|
| ბადრი |
Apr 27 2013, 11:12 PM
პოსტი
#33
|
|
Advanced Member ჯგუფი: Members პოსტები: 1,332 რეგისტრ.: 30-October 08 მდებარ.: წყალტუბო წევრი № 5,866 |
მამა გიორგი ბასილაძე გარდაიცვალა. სამშაბათს დაკრძალავენ
-------------------- "უფალო ბაგენი ჩემი აღახვენ და პირი ჩემი იტყოდეს ქებულებასა შენსა"
"ეგრეთცა სარწმუნოებაი, უკუეთუ არა აქუნდენ საქმენი, მკუდარ არს იგი ხოლო." (იაკ 2.17) |
|
|
|
| ქევანა |
Apr 28 2013, 05:09 PM
პოსტი
#34
|
 მთვლემარე დრაკონი ჯგუფი: Members პოსტები: 7,454 რეგისტრ.: 11-February 07 მდებარ.: Shire, Hobbitland, Middle-earth წევრი № 1,055 |
ბადრი
ციტატა მამა გიორგი ბასილაძე გარდაიცვალა. სამშაბათს დაკრძალავენ არ არსებობს, რა ცუდია, ღმერთმა აცხოვნოს უცნაურია, მაგრამ რაც ეს წელი დაიწყო, აკვიატებული მქონდა, უნდა წავიდე თქო და ვეღარ წავედი -------------------- “I'd built that bridge for you. But I didn’t know that I would be building it for you and him.” ("Dაისყ")
"He was born with a gift of laughter and a sense that the world was mad. And that was all his patrimony." - Scaramouche, Rafael Sabatini *** ფორუმზე გლანძღავ და მიწასთან გასწორებ, ძვირფასო, მაგრამ გახსოვდეს, ფორუმს გარეთ მე შენ მიყვარხარ : ) *** Спасение утопающего – дело рук самого утопающего... *** ამინდის შემქმნელი |
|
|
|
| A.V.M |
Apr 28 2013, 06:18 PM
პოსტი
#35
|
 მადლობა ამ ფორუმს! ჯგუფი: Senators პოსტები: 13,742 რეგისტრ.: 14-June 11 მდებარ.: ფორუმს გარეთ წევრი № 11,203 |
აცხოვნოს ღმერთმა...
-------------------- აბა ჰე და აბა ჰო!
|
|
|
|
| marine |
Apr 29 2013, 04:19 PM
პოსტი
#36
|
|
მ_ა_კ_ა ჯგუფი: co-Moderators პოსტები: 58,037 რეგისტრ.: 3-November 06 მდებარ.: გულის საკურთხეველი:) წევრი № 381 |
ძალიან დამწყდა გული...
პირადად არ ვიცნობდი მაგრამ მასზე დაწერილი წიგნები წაკითხული მაქვს და მისით მოხიბლული დავრჩი... ღმერთმა აცხონოს და ცათა სასუფეველში დაამკვიდროს ანგელოზებთან!!!-------------------- "კ უ ს_ ნ ა ბ ი ჯ ე ბ ი თ_ ფ უ ძ ი ა მ ა ს_ მ თ ი ს კ ე ნ".
------------------- "არც შექებით ვხდებით უკეთესნი და არც გაკიცხვით უარესნი." /არქიმანდრიტი რაფაელი (კარელინი)/ -------------------- "ფრაზა, რომელსაც ხშირად იყენებდნენ ძველი გადამწერები: "ჴელი მწერლისა მიწასა შინა ლპების და ნაწერნი ჰგიან". |
|
|
|
| G_saxva |
Apr 29 2013, 04:22 PM
პოსტი
#37
|
 I n t e r n e t ჯგუფი: co-Moderators პოსტები: 4,913 რეგისტრ.: 11-March 13 მდებარ.: i n t e r n e t წევრი № 13,010 |
რა ლამაზი კანკელია მოხიბლული დავრჩი
-------------------- და მეცხრესა ოდენ ჟამსა ჴმა-ყო იესუ ჴმითა დიდითა და თქუა: ილი, ილი! ლიმა საბაქთანი? ესე არს: ღმერთო ჩემო, ღმერთო ჩემო! რაჲსათჳს დამიტევე მე? კაცი პატივსა შინა იყო და არა გულისხმა-ყო, ჰბაძვიდა იგი პირუტყუთა უგუნურთა და მიემსგავსა მათ. ---------------------------------------------------------------------------------------------------------------------------------- |
|
|
|
| Atm@n |
Apr 29 2013, 04:40 PM
პოსტი
#38
|
 Member ჯგუფი: Members პოსტები: 820 რეგისტრ.: 22-August 12 წევრი № 12,578 |
კიდევ დაიბადება საქართველოში...
-------------------- Пойди туда - не знаю куда, принеси то - не знаю что!
I Am Free, That Is Why I'm Lost |
|
|
|
| shako1993 |
Dec 9 2013, 05:16 PM
პოსტი
#39
|
|
Newbie ჯგუფი: Members პოსტები: 35 რეგისტრ.: 24-October 13 წევრი № 13,397 |
უმშვენეიერესი ტაძარია რაც ოდესმე მინახავ
|
|
|
|
| marine |
Oct 17 2017, 09:58 PM
პოსტი
#40
|
|
მ_ა_კ_ა ჯგუფი: co-Moderators პოსტები: 58,037 რეგისტრ.: 3-November 06 მდებარ.: გულის საკურთხეველი:) წევრი № 381 |
---
"განვლო თითქმის 12 საუკუნემ და საქართველოს კვლავ შემოესია მძვინვარე მტერი, ამჯერად ჩრდილოეთიდან მოსულ ღვთისმებრძოლთა წითელი ლაშქარი, რომელსაც წინ მურვან-ყრუზე უარესი, ამჯერად ნაქართველარი და ქრისტიანყოფილი წინამძღოლები მოუძღოდნენ. აღმოსავლეთ საქართველოს აოხრების შემდეგ "წითელი ურდო" დასაველთ საქართველოში გადავიდა და ისევე როგორც მურვან ყრუმ, "მოსრა და მოაოხრა ყოველი". ბნელ ძალთაგან აღძრულ უფლის მტერთა ლაშქრის მეთაურმა - სერგო ორჯონიკიძემ თავის "სასახელო გმირობებს" ახალი საშინელი "გამარჯვება" შემატა, რითაც მან კიდევ ერთხელ დაამტკიცა, თუ ვისი ნების აღმასრულებელი იყო თავისსავე სამშობლოში. 12 საუკუნის წინათ ძმათა მხეიძეთა მიერ შერცხვენილმა სატანამ მოწამეებზე კვლავ იძია შური. "რკინის სერგოს" ბრძანებით, სამშობლოსა და სარწმუნოებისათვის თავდადებულ გმირ ძმათა უხრწნელი ცხედრები აკლდამიდან ამოთხარეს, და გზა-შარაზე და ქუჩა-ქუჩა ათრიეს...ხოლო შემდეგ, ისევე როგორც პირველ წამებისას, მათი უხრწნელი ნეშტები წყალში გადაყარეს... ადგილობრივ ქრისტიანთა მართლაც გასაოცარი თავდადებით, წმინდანთა სხეულები საბოლოო განადგურებას გადარჩა და ისინი უფლის ნებით ყოველთა მორწმუნეთა მეოხად კვლავ თავის საუკუნო განსასვენებელს დაუბრუნდნენ". /"კანდელი"N11, 2017, გვ.10/ -------------------- "კ უ ს_ ნ ა ბ ი ჯ ე ბ ი თ_ ფ უ ძ ი ა მ ა ს_ მ თ ი ს კ ე ნ".
------------------- "არც შექებით ვხდებით უკეთესნი და არც გაკიცხვით უარესნი." /არქიმანდრიტი რაფაელი (კარელინი)/ -------------------- "ფრაზა, რომელსაც ხშირად იყენებდნენ ძველი გადამწერები: "ჴელი მწერლისა მიწასა შინა ლპების და ნაწერნი ჰგიან". |
|
|
|
|
ამ თემას კითხულობს 1 მომხმარებელი (მათ შორის 1 სტუმარი და 0 დამალული წევრი)
0 წევრი:
| მსუბუქი ვერსია | ახლა არის: 14th May 2024 - 12:54 PM |
მართლმადიდებლური არხი: ივერიონი
ფორუმის ელექტრონული ფოსტა: იმეილი
CHURCH.GE-Powered by Giorgi and IPB. Hosting by WebHostinG.Ge
2024
Licensed to: church.ge