თემის საბეჭდი ვერსია

პოსტის ავტორი: G i o r g i . თარიღი: Nov 29 2015, 12:57 PM

მოგესალმებით. როგორც ცნობილია 2016 წელს უნდა ჩატარდეს მსოფლიო საეკლესიო კრება. იქნებ უფრო დეტალური ინფორმაცია დადოთ რა საკითხები განიხილება? ანუ "დღის წესრიგი" თუა დაზუსტებული? წესით წელს უნდა დასრულებულიყო მოსამზადებელი სამუშაოები.

პოსტის ავტორი: marine თარიღი: Nov 30 2015, 11:52 AM

"შეკრების მთავარი თემა იყო პანორთოდოქსული კრების მომზადება.

ეს არ იქნება მსოფლიო საეკლესიო კრება, როგორც მრავალს ჰგონია, არამედ პანმართლმადიდებლური კრება .

ეს კრება მეტად მნიშვნელოვანია ასევე ისტორიული თვალსაზრისით, რაც პრაქტიკულად არასოდეს ყოფილა.

მეტად მნიშვნელოვანია ის ფაქტორი, რომ ყოველ საკითხზე შეთანხმება მიიღწევა არა კენჭისყრის შედეგად, არამედ საყოველთაო კონსენსუსით"

/"უფლის ციხე" N3, 2014 გვ.11/

პოსტის ავტორი: G i o r g i . თარიღი: Nov 30 2015, 08:48 PM

ეს რა წყაროა, გაზეთია რამე?

რამე მეტად სანდო წყარო და უფრო დეტალური ინფორმაცია არ არის სადმე?


კი მაგრამ რა განსხვავებაა? მსოფლიო კრებაა იგივე აბა რა არის.

პოსტის ავტორი: marine თარიღი: Dec 1 2015, 11:08 AM

პირველ რიგში, გიორგი, მოგესალმებით და სიხარულს გამოვხატავ რომ ფორუმზე შემოგვიერთდით

"უფლის ციხე" არის საპატრიარქოს ჟურნალი, რომელშიც ვრცელი ინფორმაციაა გადმოცემული ამ კრების შესახებ სათაურით:

"პანორთოდოქსული შეკრება კონსტანტინეპოლის მსოფლიო საპატრიარქოში"

პოსტის ავტორი: G i o r g i . თარიღი: Dec 1 2015, 11:30 PM

marine

ადრეც ვიყავი. უბრალოდ პაროლი აღარ მახსოვდა და თავიდან დავრეგისტრირდი




პირველად გავიგე

XXI საუკუნეა და ინტერნეტშიც რომ ყოფილიყო დეტალური ინფორმაციები კარგი იქნებოდა

პოსტის ავტორი: marine თარიღი: Dec 2 2015, 06:57 PM

და რაკი ინტერნეტში არ არის, ლიტერატურაში გაეცანი

პოსტის ავტორი: marine თარიღი: Aug 27 2016, 07:57 PM

"მსოფლიო პატრიარქმა ბართლომემ მართლმადიდებელი ეკლესიების თითქოსდა ერთ ჭერქვეშ გაერთიანება გადაწყვიტა, მაგრამ ფიცი მწამს და ბოლო მაკვირვებსო! კრება, რომელსაც დიდსა და წმინდას უწოდებენ, ავაზაკთა თავშესაყარს დაემსგავსა და თავისი სულისკვეთებით დაუპირისპირდა მართლმადიდებელი ეკლესიის სულიერ საუნჯეს, რომელიც შვიდმა საეკლესიო კრებამ დააწესა და დოგმატების სახედ აქცია.

ვიტყვი ერთს, რომ ძალიან მოხვდა თითოეული ქრისტიანის გულსა და გონებას და აღმოვჩნდით შეურაცხყოფილი მსოფლიო საპატრიარქოსაგან: - კრებაზე განიხილეს საკითხი მღვდლების მეორედ ქორწინების შესახებ, თუმცა ის საბოლოო დოკუმენტში არ დამტკიცდა - საუბარი იყო ქვრივ სასულიერო პირებზე და არა ცოლს განშორებულებზე, მაგრამ ისმის კითხვა: შეიძლება მამამ შვილი მოიყვანოს ცოლად? მღვდელი ხომ ყველას მამაა და სახეა ქრისტესი წუთისოფელში".

/დეკ. შიო პაიჭაძე/

პოსტის ავტორი: marine თარიღი: Sep 15 2016, 09:29 PM

"მართლმადიდებელი ეკლესიის კრებსითი ცნობიერებისთვის დღემდე არნახული სიახლეა ე.წ. "წმინდა და დიდ" კრებაზე ოფიციალური სტუმრის სტატუსით პაპისტური, პროტესტანტული და მონოფიზიტური ერეტიკული დენომინაციების წარმომადგენელთა მოწვევა. ეს გახლავთ უპრეცენდენტო სიახლე. ამასთან, მსოფლიო პატრიარქმა ისინი "ძმური ეკლესიების წარმომადგენლებად" მოიხსენია, რითაც მართლმადიდებლურ სამყაროს ამცნო, ერთგვარად "დაუმესიჯა", რომ სულაც არ აპირებს სხვაგვარადმადიდებელ ქრისტიანებს უწოდოს ერეტიკოსები.

პირიის საღვთისმეტყველო კათედრამ შენიშნა, რომ "ბიზანტიის ისტორიაში, მსოფლიო და ადგილობრივ კრებებზე არასდროს დაფიქსირებულია მსგავსი ფაქტი - "დამკვირვებლის (საპატიო სტუმრის) სტატუსით მსოფლიო კრებას ესწრებიან ერეტიკოსები, რომლებიც უნდა შეაჩვენონ ამ კრებებმა... დიახ, ერეტიკოსებს კი იწვევდნენ კრებებზე, მაგრამ არა ვით სტუმარს, არამედ ვით ბრალდებულს, რათა მათ პასუხი ეგოთ თავიანთი ცრუსწავლების გავრცელების გამო. "დამკვირვებლის" სტატუსის ცნება პაპისტურ სამყაროში ვატიკანის I და II კრებებზე გაჩნდა. ცხადია, "წმინდა და დიდმა" კრებამ პაპისტური მოდელის კოპირება მოახდინა".

/დეკ. კონსტანტინე ჯინჭარაძე/

პოსტის ავტორი: marine თარიღი: Sep 18 2016, 09:34 PM

"კრეტაზე შემდგარი კრება არ იყო არც წმინდა და არც დიდი".

პოსტის ავტორი: marine თარიღი: Sep 18 2016, 09:57 PM

"კრეტის კრებას ლაიტმოტივად გასდევს მსოფლიო პატრიარქის სურვილი, იყოს "პირველი უფლებამოსილებით თანაბრებს შორის, "აღმოსავლეთის პაპი", რომელიც მსოფლიო მართლმადიდებელ ეკლესიას თავის პირად სამწყსოდ მოიაზრებს, როგორც ეს პაპიზმშია. მართლმადიდებელი კრებსითი ცნობიერება არასდროს მიიღებს ამ სიახლეს.

კრეტის კრების მსვლელობისას კონსტანტინოპოლის საპატრიარქოს წარმომადგენლებისაგან არაერთგზის მოვისმინეთ, რომ კრებაზე მიღებული გადაწყვეტილებები სავალდებულო იქნება მათთვისაც კი, ვინც კრებას არ ესწრებოდნენ. ეს წინა პუნქტის პათოსის გაგრძელებაა უთუოდ.



აი, რა განაცხადეს აღმოსავლეთის უმაღლესმა იერარქებმა მთელი მსოფლიოს გასაგონად: "ჩვენთან არც პატრიარქებს და არც კრებებს არასდროს შეეძლოთ რაიმე სიახლის შემოტანა, რადგან ჩვენთან სარწმუნოების მცველი თავად ქრისტეს სხეულია, ეკლესიის სისავსეა".

ამრიგად, იერარქთა, გნებავთ ათი ადგილობრივი ეკლესიის წინამძღოლთა (თანმხლები ეპისკოპოსებითურთ) შეკრება, მით უფრო მაშინ, როდესაც კრების განსაზღვრებებში მრავალი ორაზროვნება და ბუნდოვანებაა, ვერაფრით გახდება სავალდებულო არდამსწრე ეკლესიებისათვის".

პოსტის ავტორი: marine თარიღი: Sep 19 2016, 12:11 PM

"კრეტის კრება მრავალ თანამედროვე ღვთისმეტყველთა, მღვდელმთავართა და ერისკაცთა მიერ შეფასდა ვით ფსევდო კრება, დოგმატურად გაუმართავი, ბუნდოვანი, ორაზროვანი, ეკუმენისტური, პაპისტური სულისკვეთბის მატარებელი.



მკითხველს შევახსენებთ, რომ ფერარო-ფლორენციის უნიატურ კრებასაც რამდენიმე წელი უწოდებდნენ "წმინდა და დიდ" კრებას, შემდეგ კი ეკლესიის სისავსემ საკადრისი განაჩენი გამოუტანა.

ამრიგად, თუ კრეტის კრების ორგანიზატორებს სურთ რომ კრებამ საპატიო ადგილი დაიმკვიდროს ეკლესიის ისტორიაში, უნდა გაითვალისწონის კრეტის არდამსწრე ეკლესიათა სინოდალური შენიშვნები, მთელი მართლმადიდებლური სისავსის მიერ გამოხატული დოგმატური სწავლება. თუ არადა, საუკეთესო მოსალოდნელობაა მხოლოდ ის, რომ უავტორიტეტო სახელით შევა ისტორიაში".

პოსტის ავტორი: marine თარიღი: Sep 19 2016, 12:23 PM

თეოფანე პოლტაველი
(მისტროვი, +1940)

მერვე მსოფლიო კრებაზე ჩემით ვერაფერს ვიტყვი. შემიძლია ვთქვა მხოლოდ წმ. თეოფანე სტუდიელის სიტყვები: "ეპისკოპოსების ყველა შეკრება როდია მსოფლიო კრება, არამედ მხოლოდ იმ ეპისკოპოსებისა, რომლებიც ჭეშმარიტებაში დგანან". ჭეშმარიტად, მსოფლიო კრება დამოკიდეულია არა მასზე შეკრებილი ეპისკოპოსების რაოდენობაზე, არამედ იმაზე, თუ რამდენად მართლმადიდებლურად განსჯიან ისინი. თუკი იგი მართლმადიდებლობიდან გადაუხვევს, ის არ იქნება მსოფლიო კრება, გინდაც თავის თავს ასე უწოდებდეს. ცნობილი "ავაზაკთა კრება" თავის დროზე ბევრ მსოფლიო კრებას აღემატებოდა დამსწრეთა რაოდენობით, თუმცა მაინც ვერ იქცა მსოფლიო კრებად, არამედ დაიმკვიდრა სახელი "ავაზაკთა კრება".

პოსტის ავტორი: marine თარიღი: Nov 7 2016, 10:26 PM

"მსოფლიო საეკლესიო კრებათა წინასახე და ნიმუშია მოციქულთა კრება, რომელიც გაიმართა 50 წელს იერუსალიმში".