 სამხედრო, რელიგიური და საერო თვალსაზრისით |
სტუმარს სალამი ( შესვლა | დარეგისტრირება )
მართლმადიდებლური ფორუმი > საუბრები რელიგიური საკითხების გარშემო > საეკლესიო სამართალი > ეკლესია და სახელმწიფო  |
| guest |
 Feb 20 2008, 03:55 AM
პოსტი
#61
|
|
Advanced Member  ჯგუფი: Members პოსტები: 6,611 რეგისტრ.: 7-June 07 წევრი № 2,127  |
ძალიან შეწუხებული და დარდიანი ვარ იმით, რაც ხდება და რაც შესაძლებელია მოხდეს
 |
   |
 
|
| შოთაძე |
Feb 20 2008, 04:22 AM
პოსტი
#62
|
 შოთა ჯგუფი: Members პოსტები: 2,169 რეგისტრ.: 26-April 07 მდებარ.: სევდიან ფიქრებში წევრი № 1,766 |
ციტატა(staywhite @ Feb 20 2008, 02:55 AM)  ძალიან შეწუხებული და დარდიანი ვარ იმით, რაც ხდება და რაც შესაძლებელია მოხდეს არ ვიცი სერბებმა რა გაუკეთა თავის დროზე კოსოვოს, მაგრამ ღმერთმა არ ქნას ისევ ომი დაიწყოს მარა თუ დაიწყო ყველაზე დიდი დამნაშავე ამერიკა და ნატო იქნება -------------------- „მონარქს ძალაუფლება ენიჭება ღვთისგან, - ხოლო პრეზიდენტი მას სახალხო სიამაყისაგან იღებს (არჩევნები); მეფეს ძალა ემატება საღმრთო მცნებათა აღსრულებით, პრეზიდენტი კი ხელისუფლებაში თავს ინარჩუნებს ბრბოსადმი მაამებლობით; მონარქს ერთგული ქვეშევრდომნი ღვთისკენ მიყავს, პრეზიდენტი კი - მის ამომრჩევლებს ღმერთს აშორებს.“
მღვდელმთავარი ვლადიმერ კიეველი |
|
|
|
| guest |
Feb 20 2008, 04:32 AM
პოსტი
#63
|
|
Advanced Member ჯგუფი: Members პოსტები: 6,611 რეგისტრ.: 7-June 07 წევრი № 2,127 |
ვიმედოვნებ, შოთა
 |
|
|
|
| besik |
Feb 20 2008, 10:04 AM
პოსტი
#64
|
 Member ჯგუფი: Members პოსტები: 196 რეგისტრ.: 27-January 08 წევრი № 3,769 |
ციტატა(staywhite @ Feb 20 2008, 02:55 AM) ძალიან შეწუხებული და დარდიანი ვარ იმით, რაც ხდება და რაც შესაძლებელია მოხდეს მართალია და ყველანი შეწუხებულნი ვართ ამით,მაგრამ დარწმუნებული იყავ,რომ თუ ღვთის ნება იქნება,როგორი ძლიერი ძალაც არ უნდა იყოს,ვერავინ შეძლებს ამ მხარის სერბეთისაგან ჩამოშორებას.ადრე თუ გვიან ისტორული სამართლიანობა აღდგება,რადგან კოსოვო სერბეთის განუყოფელი ნაწილია და ღმერთი დაიფარავს მას ისევე,როგორც სხვა მართლმადიდებლურ ქვეყნებს. -------------------- გულგრილობა ჩვენი ეპოქის ყველაზე დიდი მტერია.გავუთბოთ ერთმანეთს გულები.
უფლის მოყვარული სულმაღალი ადამიანი მტერსაც კი დაიმოყვრებს სიკეტით და მოწყალე გულით.სულ და გულგაციებული კი მოყვარესაც მტრად მოიკიდებს როგორც არუნდა თვლიდეს თავის თავს უფლის მოყვარულათ. skype=besobesiki1 |
|
|
|
| besik |
Feb 20 2008, 10:19 AM
პოსტი
#65
|
|
Member ჯგუფი: Members პოსტები: 196 რეგისტრ.: 27-January 08 წევრი № 3,769 |
იცით,ყველაზე უკეთესი იქნებოდა ,ამ თემის შესახებ თვითონ სასულიერო პირებს გამოეთქვა მოსაზრება,თუ როგორ უყურებს მართლმადიდებლური სამყარო ყოველივე იმას,რაც ზოგიერთი პიროვნებისათვის მიუღებელია.
ითვლება თუ არა შენი ქვეყნის,შენი ოჯახის ,ნათესავების , საერთოდ შენი მოყვასის დაცვა ცოდვად,როცა ამ ყველაფრის გადასარჩენად გვიწევს სისხლის დაღვრა,იძულებით მოწინააღმდეგის განადგურება.მაშინ დამთავრდება ის გაურკვევლობა,რომელიც აქ მყოფ ჩემთვის უაღრესად პატივსაცემ ადამიანთა შორის შეუთანხმებლობის მიზეზია. -------------------- გულგრილობა ჩვენი ეპოქის ყველაზე დიდი მტერია.გავუთბოთ ერთმანეთს გულები.
უფლის მოყვარული სულმაღალი ადამიანი მტერსაც კი დაიმოყვრებს სიკეტით და მოწყალე გულით.სულ და გულგაციებული კი მოყვარესაც მტრად მოიკიდებს როგორც არუნდა თვლიდეს თავის თავს უფლის მოყვარულათ. skype=besobesiki1 |
|
|
|
| გიორგი |
Feb 20 2008, 02:32 PM
პოსტი
#66
|
 მეცნიერი & ხელოვანი ჯგუფი: Members პოსტები: 7,905 რეგისტრ.: 18-November 06 წევრი № 491 |
staywhite
ციტატა ძალიან შეწუხებული და დარდიანი ვარ იმით, რაც ხდება და რაც შესაძლებელია მოხდეს ისტორიული სამართლიანობიდან გამომდინარე ჩვენ ყველანი მხარს ვუჭერთ სერბეთის ტერიტორიულ მთლიანობას მის კონსტიტუციურ საზღვრებში. კოსოვო და მეტოქია არის სერბეთის უძველესი ტერიტორია, საიდანაც მოხდა სერბთა განათლება - ქრისტეანობის მიღება. ტერიტორიაზე არის უამრავი ეკლესია-მონასტერი, ზოგიერთი მათგანი UNESCO-ს სიაშიც არის მოხვედრილი.  ... მაგრამ სიმართლისათვის აუცილებლად უნდა აღინიშნოს ისიც, რომ ყოფილი სოციალისტური იუგოსლავია და მისი ხელისუფლება იყო ტიპიური მაგალითი ტოტალიტარიზმისა და კომუნისტობისა. იუგოსლავია დაახლოებით წარმოადგენდა საბჭოთა კავშირის მინი-მოდელს და თუ საბჭოთა კავშირში იმპერიალიზმის გამტარებელი იყო რუსეთის სოციალისტური ფედერაციული რესპუბლიკა, რომლის დედაქალაქი მოსკოვი ემთხვეოდა მთლიანი საბჭოთა კავშირის დედაქალაქს, ანალოგიურად იუგოსლავიაშიც იმპერიალიზმის გამტარებელი იყო სერბეთის სოციალისტური რესპუბლიკა, რომლის დედაქლაქი ბელგრადი ემთხვეოდა მთელი იუგოსლავიის დედაქალაქს. ორივე სახელმწიფო გამოირჩეოდა ავტოკრატიული მმართველობით, ადამიანის უფლებების არ არსებობით და ეთნიკური უმცირესობების ჩაგვრით ანუ ყველაფერი იმით, რაც იმპერიალიზმის თანმდევია. საბჭოთა კავშირის და იუგოსლავიის დაშლის შემდეგაც ზოგადი დამოკიდებულება იმპერიალიზმისადმი ძირეულად არც რუსეთს და არც სერბეთს არ შეუცვლია. თუ რუსეთმა იმპერიის შენარჩუნების მიზნით მოახდინა კონფლიქტების პროვოცირება და შემდეგ ომი დნესტრისპირეთში, აფხაზეთში, სამხრეთ ოსეთში და მთიან ყარაბაღში, ზუსტად იგივე გააკეთა სერბეთმა ბოსნიაში. ეს ომები მიზნად ისახავდა ტოტალიტარული ნანგრევების შენარჩუნებას, ყოფილ ოკუპირებულ სახელმწიფოებზე ჯერ ზარალის მიყენებას, შემდეგ კი გავლენის მოპოვებას ფორმაცვლილი სახით. ჩვენთვის თუ ტრაგედია აფხაზეთი და სამაჩაბლოა, ბოსნიელთათვის და ხორვატთათვის საერევოს ომია. (1992-1995) ისევე, როგორც აფხაზეთში და ოსეთში ოფიციალურად ჭირს დამტკიცება, რომ ომის ინსპირირება რუსეთის ბრალია, ასევეა იქაც, ყოველ მხარეს თავისი მოსაზრება გააჩნია, მაგრამ რეალურად ყველაფრის თავი და თავი ოფიციალური ბელგრადი იყო, რომელმაც ბოსნიელი სერბები, ხორვატების და ბოსნიელი მუსულმანების საწინააღმდეგოდ გამოიყენა, რათა შეენარჩუნებინა ტერიტორიები იმპერიის სივრცეში. არადამიანური სისასტიკე დაატრიალეს სერბებმა სრებრენიცაში, 11 ივლისს, 1995 წელს, სადაც სერბეთის რესპუბლიკის არმიამ და პლიუს მოხალისეებმა (საერთაშორისო საზოგადოებისთვის დამალვის მიზნით), მოაწყო მშვიდობიანი მოსახლეობის არნახული სასაკლაო, დაღუპულთა შორის იყვნენ ბავშვებიც, ქალებიც და მოხუცებიც. სულ 8 000-ზე მეტი ადამიანი, სასტიკად დამახინჯებული გვამები ჯგუფურად დაასაფლავეს ძმათა სასაფლაოზე, უამრავი ადამიანი დღემდე დაკარგულად ითვლება, რადგან ვერ ხერდება დეოქსირიბონუკლეინის მჟავის ექსპერტიზით იდენტიფიკაცია. სულ ამ ომს შეეწირა დაახლოებით 100, 000 ადამიანი, რაც 3-4-ჯერ აღემატება აფხაზეთის ომის მასშტაბებს. რატკო მლადიჩი - სრებრენიცის გენოციდის ორგანიზატორი პრაქტიკულად არაფრით განსხვავდებოდა პავლე გრაჩოვისგან, რომელიც ჯერ ქართველთა პოზიციებს აბომბინებდა რუსულ გამანადგურებლებს Cy-27-ებს რათა დიდი მსხვერპლი ყოფილიყო და შემდეგ პროვოკაციას ქართველებს აბრალებდა თითქოს გადაღებილი თვითმფრინავებით ჩვენ ვბომბავდით თვითონ ქართველების პოზიციებს, არადა ზებგერითი Cy-27-ები საქართველოს არ გააჩნდა... ეს ორივე ადამიანი ერთნაირად ნაძირალა და ყველანაირ არაკაცობაზე წამსვლელი იყო პატარა ერების ამოსაძირკვად. ...რიგით ადამიანებს არსად არ ვერჩი, მშვიდობიან ხალხს არაფერი დაუშავებია, მაგრამ ჩემთვის სერბული სახელმწიფო და ოფიციალური ბელგრადი არაფრით არ იქნება მართლმადიდებლობის სახე, როგორც არ იქნება - რუსეთის ფედერაცია და ოფიციალური კრემლი. ნუ, დეტალების გაგრძელება აღარ გვინდა, მაგრამ დავუმატებ, რომ გარდა ბოსნიელთა და ხორვატთა წინააღმდეგ ცნობილი ომისა იყო გაუხმაურებელი სისხლიანი ჩახშობის მცდელობა სლოვენიაში, როდესაც ამ უკანასკნელმა დამოუკიდებლობა გამოაცხადა, ე.წ. "მცირე შეირაღებული კონფლიქტი სლოვენიაში" დაიღუპა 50-მდე ადამიანი, დაიჭრა 200-მდე და რეპრესიების შედეგად დააპატიმრეს 5000-ზე მეტი სლოვენიელი. მართალია კოსოვოს ტერიტორია ისტორიული სამართლობიანობიდან გამომდინარე სერბეთს ეკუთვნის, მაგრამ იქაც სასტიკი არა ადამიანობები დაატრიალეს სერბეთის შეიარაღებულმა ძალებმა, მასიური ეთნოწმენდა, თითქმის 14 000 მშვიდობიანი ალბანელი მოკლეს და 600 000 ადამიანი გამოაძევეს საცხოვრებელი ადგილიდან. მასშტაბები აქაც აღემატებოდა აფხაზეთის ომს. აგრეთვე კიდევ ერთი ნაკლებად გახმაურებული სიმართლე უნდა ვთქვა, როგორც ქართველმა... საქართველოს სერბეთმა უარი უთხრა იარაღის მიყიდვაზე და იგივე მოუწოდა აღმოსავლეთ ევროპის სხვა სახელმწიფოებსაც (საბედნიეროდ უკრაინამ, ბულგარეთმა და ჩეხეთმა ყურად არ იღეს ეს მოწოდება) იმ მოტივით, რომ ქართველები აღნიშნული იარაღით აფხაზეთის დაბრუნებას შეეცდებიან და შესაბამისად შესაძლოა ის რუსეთის წინააღმდეგ იქნეს გამოყენებულიო. ასე, რომ ლაპარაკი "მართლმადიდებელი სერბეთი" პოლიტიკურ დონეზე ძალიან არასწორია, სერბეთის ხელისუფლების საქციელი არამც თუ მართლმადიდებლობისგან, არამედ ადამიანურობისგანაც ძალიან შორს იდგა მრავალ შემთხვევაში. -------------------- My Favourites:
Dinamo Tbilisi & Real Madrid, as Football Clubs. Georgia & Italy, as National Teams. Katie Melua, as a Musician. Stephen Hawking, as a Scientist. 'Contact' (1997), as a Film. 'Don Quixote', as a Novel. Miguel de Cervantes, as a Writer. Ayrton Senna, as F1 Racing Driver. |
|
|
|
| guest |
Feb 20 2008, 03:12 PM
პოსტი
#67
|
|
Advanced Member ჯგუფი: Members პოსტები: 6,611 რეგისტრ.: 7-June 07 წევრი № 2,127 |
გიორგი,
ძალიან მიკერძოებულ ინფორმაციას ფლობ. ჯერერთი, იოსიფ ბროზ ტიტო ხორვატი იყო და შეუძლებელია განევითარებინა "დიდი სერბიის" იდეები. მეორეც, 90-იანი წლების დასაწყისის ომებს ცალმხრივად უყურებ, არა მხოლოდ სერბები მონაწილეობდნენ მაგ ომში, გენოციდი სერბების ხდებოდა უფრო, მაგალითად ბოსნიაში და ნუ დაივიწყებ ხორვატიის კრაინას,მილიონი სერბი ფეხშიშველი წამოვიდა იქიდან, ათი ათასობით დაწყვიტეს მანამდე. რათქმაუნდა, როცა ბოსნიას უნდოდა გამოყოფა,ისმებოდა კითხვა, რა ეწეოდათ იქ მყოფ სერბებს ანუ მართლმადიდებელ სერბებს? (ეროვნება ბოსნიელი არ არსებობს, ტიტომ შემოიტანა უაზრო "ეროვნება" და მათ პასპორტში ეროვნების გასწვრივ ეწერათ - მუსლიმანი ! ). ბოსნიელებმა თავიდან ე.წ. ნასერის ფორმირებებმა ("ალლაჰის მხედერები") ააწიოკეს სერბების სოფლები და მაქედან დაიწყო ყველაფერი მერე, ისიც, სერბების მხრიდანაც პარამილიტარისტური ფორმირებების ჩარევით. გენერალ მლადიჩის სტატუსი კი ძალიან კომპლექსურად შეიძლება გავიგოთ,ვინ იყო და რა უნდოდა, ვისთVის კაციჭამიაა, ვისთVის გმირი. რაც შეეხება კოსოვოში ალბანელები ააწიოკესო, აქაც უნდა გაითვალისწინო, რომ მანამდე ალბანელებმა ააწიოკეს მოსახლეობის სერბული უმცირესობა, გადაწვეს მონასტრები, მოკლეს სასულიერო პირები, ბერ-მონაზვნები,ბავშვები და შესაბამისად უპასუხეს სერბებმაც. მილოშევიჩის პერიოდში, აქ, დასავლეთში, სერბები წარმოდგენილი ყავდა მასმედიას როგორც კანიბალები, სამაგიეროდ მოვიდა რა ჯინჯიჩი, სასწრაფოდ შეიცვალა "პლასტინკა" და ალაპარაკდნენ დაახლოებით სიმართლეზე, ანუ ახსენეს, რომ ალბანელებმა დაწყვიტეს ჯერ სერბები კოსოვოში.მიზეზი ამისა იცი, რატომაც ალაპარაკდნენ ასე. 1999 წელს კი იბომბებოდა ბელგრადი და დიდი ქალაქები, აღდგომის დღესაც კი არ შეუწყვეტია ამერიკას ეს აქტი,მოქმედებდა რა მარგრეტ ოლბრაიტის ბრზანებით, რომელიც ბავშვობაში, როგორც ნაცისტებისგან დევნილი ებრაული ოჯახის შვილი, სერბების ოჯახმა შეიკედლა და გადაარჩინა (!). ბომბავდნენ არა სამხედრო დანიშნულების და სტრატეგიის მქონე ადგილებს,არამედ მშვიდობიან ადგილებსაც, ხიდებს, სადგურებს, ტელევიზიას, ქარხნებს, ელექტროსადგურებს, ყველაფერს, რაც ხალხს არსებობისთვის ჭირდებოდა. მე ახლა რომ ვიყავი სერბიაში, ჰააგის სასამართლოს ვუყურებდი, ასამართლებდნენ რადიკალური პარტიის ლიდერს ვოისლავ შეშელს, 4 პროცესს ვუყურე და არგუმენტირებულად გაულაფსუსა მან ბრალდება მბრალდებელს, ენას ვერ ატრიალებდნენ, ისე დოკუმენტირებულად დაუმტკიცა,თვით საჩივრის შემკოწიწებლებს, რომ მოგონილია ბევრი რამე, ამ შემთხვევაში მის მიმართ. მერე რა იქნა არ ვიცი, აქ ვერ ვუყურებ მაგ გადაცემას. მე პოლიტიკას არ ვენდობი და არც მიტაცებს, სულის ზიანის მეტი არაფერი მოაქვს, მაგრამ ისტორიას ნუ დავივიწყებთ, სიმართლეს ნუ დავივიწყებთ და გარედან შეფასებას ჯობია იქ რა ხდებოდა, უბრალო ხალხი როგორ ეწამებოდა, ის გავითვალისწინოთ, თორემ ომში იღუპება ორივე მხარის წარმომადგენელი და ეს მხოლოდ ერთი მხარის გამო არ ხდება. მილოშევიჩს კი ეკლესიასთან არანაირი კავშირი არ ქონდა და არც მისი გასვენება მომხდარა ეკლესიურად. ყველაფერს რომ ტავი დავანებოთ,სერბების გინება იქნება ეს თუ ლანძღვა, ისინი ფიქრობენ, რომ მათსას იცავდნენ. ხორვატიაზე თავდასხმას არ ვუარყოფ , სამხედრო თვალსაზრისით ასეც იყო,სხვა სახელს ვერ დაარქმევ, 70 კმ სიგრძის ჯავშნოსნების ქარავანი ავტომაგისტრალზე რომ მახსენდება , შეუძლებელია იქ გულგრილი დავრჩე, უკვე ნათლად ჩანს ომის საშინელება, ჯერ კიდევ დაწყების წინ არც ის ფაქტია ისე უარსაყოფი, რომ ბოლოს სერბებმა გაათავისუფლეს ხორვატი ტყვეები მუსლიმნებისგან, ბანაკებში რომ ყავდათ. მე ვიცნობ აქ რამდენიმე ხორვატულ ოჯახს, რომლებიც არ მალავენ, რომ სერბების წყალობით გადარჩნენ.ბოსნიაში დღეს ტიტოს პლაკატებს წააწყდება კაცი ქუჩებში და არც თუ იშვიათად. ეს რისი თქმა მე შემიძლია.სუბიექტურობაში არ ჩამითვალოთ, მე ვიცნობ სერბების გარდა ბოსნიელებსაც და ხორვატებსაც, და მეგობრებიც მყავს მათ შორის ბევრი,თან ძალიან ერთგული მეგობრები. დღეს რაც ხდება, სრული უსამართლობაა და მტყუან-მართალს რომ შევეშვა, ჩემს ოჯახს ეხება პირდაპირ და მათი ყოფნა-არყოფნის საკითხს, თუ ომი დაიწყო დიდი მასშტაბებით. აქ უკვე მე პირადად არ მაინტერესებს ვინაა მტყუანი. პ.ს. სარწმუნო წყაროებიდან ვიცი, რომ მლადიჩმა ადრე განაცხადა, თუ მისცემდნენ პირობას, რომ სასჯელს მოიხდის საქართველოში, თავისი ფეხით გამოცხადდებოდა ჰააგაში ! |
|
|
|
| გიორგი |
Feb 20 2008, 05:04 PM
პოსტი
#68
|
|
მეცნიერი & ხელოვანი ჯგუფი: Members პოსტები: 7,905 რეგისტრ.: 18-November 06 წევრი № 491 |
staywhite
ციტატა ჯერერთი, იოსიფ ბროზ ტიტო ხორვატი იყო და შეუძლებელია განევითარებინა "დიდი სერბიის" იდეები. მეორეც სტალინიც ქართველი იყო, მაგრამ როგორც იმპერიის მეთაური მაინც იმპერიის საქმეს აკეთებდა. ბროს ტიტოს ხორვატობა არაფერს არ ნიშნავს, მას ხორვატებისთვის დამოუკიდებლობა არ მიუცია და პირიქით იმპერიის მშენებლობაში დიდი წვლილი შეიტანა. ციტატა 90-იანი წლების დასაწყისის ომებს ცალმხრივად უყურებ, არა მხოლოდ სერბები მონაწილეობდნენ მაგ ომში, გენოციდი სერბების ხდებოდა უფრო 1. ჯერ ერთი ოფიციალური მონაცემებით ეგრე არ არის: ბოსნიის ომის დროს საერთო ჯამში დაიღუპა: 38 000 ბოსნიელი და ხორვატი სამხედრო და მხოლოდ 21 000 სერბი სამხედო. 35 000 ბოსნიელი და ხორვატი მშვიდობიანი მოქალაქე და მხოლოდ 4 000 სერბი მშვიდობიანი მოქალაქე. უახლეს ისტორიაში არ არის არანაირი მონაცემი (თვით არაოფიციალურიც კი) რომელიც ათეულ ათასობით სერბის დახოცვას მიუთითებს. კრაინადან ბევრი ადამიანი გამოაძევეს, მაგრამ მსხვერპლი 2-3 ათასი თუ იქნებოდა. 2. მთავარი უარყოფითი მომენტი არის ის, რომ ომები ყველგან სერბების ინტერესში შედიოდა. როდესაც იმპერია იშლება, არ არსებობს რომ ომი აწყობდეს იმ სახელმწიფოებს და იმ ერებს, რომლებმაც თავისუფლება მოიპოვეს, თუნდაც რომ დავუშვათ, რომ მსხვერპლი სერბების მხარეს მეტი იყო (რაც არ დასტურდება ოფიციალური წყაროებით, არამედ პირიქით) ომი მაინც იმპერიის შენარჩუნების მიზნით დაიწყო. წარმოუდგენელია, რომ დომინიონი თავს იცავდეს ქვეშევრდომებისგან. ახლა ძნელია რაიმეს დამტკიცება, ორივე მხარეს ათასი პროვოკაცია შეეძლო, რომ მოწინააღმდეგე დაედანაშაულებინა ომის პროვოცირებაში, მაგრამ ზოგადი სურათი ნათელია - სერბებს იმპერია ეშლებოდათ და დემოკრატიის ნაცვლად ბრძოლით ხელის შეშლა სცადეს. ციტატა რა თქმა უნდა, როცა ბოსნიას უნდოდა გამოყოფა, ისმებოდა კითხვა, რა ეწეოდათ იქ მყოფ სერბებს ანუ მართლმადიდებელ სერბებს? (ეროვნება ბოსნიელი არ არსებობს, ტიტომ შემოიტანა უაზრო "ეროვნება" და მათ პასპორტში ეროვნების გასწვრივ ეწერათ - მუსლიმანი!) ვიცი, რომ "ბოსნიელი" ეროვნება არ არსებობს. მუსულმანი სერბი არის "ბოსნიელი." ეგრე თუ მივუდგებით საქმეს პრინციპში ხორვატები შეგვიძლია "კათოლიკე სერბებად" ჩავთვალოთ და არც თუ უსაფუძვლოდ, ენებში პრაქტიკული სხვაობა არ არსებობს. საერთოდ სამხრეთის სლავებს - "იუგოსლავებს" ერთი ფუძე აქვთ, მაგრამ დღეს ეს ერები დამოუკიდებლად თვლიან თავს და ამის სრული იურიდიული უფლება აქვთ. რაც შეეხება იმას თუ "რა ბედი ეწეოდა იქ მყოფ მართლმადიდებელ სერბებს?" ეს არის ზუსტი ანალოგი იმისა, რასაც რუსეთი ჩვენ გვიკეთებს აფხაზეთში და სამაჩაბლოში მცხოვრები რუსი მოსახლეობის საშუალებით, გვაშანტაჟებს, იმუქრება მათი უფლებების დარღვევით თუ საქართველო დაიბრუნებს ტერიტორიებს და აგრეთვე იმუქრება თავისი მოსახლეობის შეიარაღებული დაცვით, რაც რეალურად საქართველოსთან ომს ნიშნავს, სხვას არაფერს. ზუსტად იგივე პოლიტიკა ჩაატარეს სერბებმა ბოსნიაში. ეს ტოტალიტარული მმართველობის სახელმწიფოებში არსებული მეთოდია პატარა სახელმწიფოების დასაშანტაჟებლად, რაც გულისხმობს რომ "ისინი საკუთარ მოსახლეობას დაიცავენ სხვის ტერიტორიაზე". დამერწმუნე სერბეთი, რომ დემოკრატიულად შეხვედროდა იმპერიის რღვევას და ყოველგვარი ძალადობის გარეშე "გაეშვა" რესპუბლიკები, სერბულ მოსახლეობას არაფერი იმაზე უარესი არ მოუვიდოდა, რაც საბოლოოდ დაემართა. ციტატა გენერალ მლადიჩის სტატუსი კი ძალიან კომპლექსურად შეიძლება გავიგოთ, ვინ იყო და რა უნდოდა, ვისთვის კაციჭამიაა, ვისთვის გმირი. სერბებისთვის - გმირი. სრებრენიცას ტრაგედიისას დაღუპულთათვის და მათი ახლობლებისათვის - კაციჭამია. ისევე როგორც გრაჩოვი, არძინბა... რუსეთისათვის გმირები თუ არა, დიდად დასაფასებელი ხალხია... მოდი ასე ვთქვათ, როგორ შეიძლება იყოს გმირი მშვიდობიანი მოსახლეობის გამანადგურებელი ადამიანი? მათ შორის ქალების და ბავშვების... რეალობა ასეთია, სერბეთის ხელისუფლება ვერ შეეგუა იმპერიის დაშლას და ცხადია ვინც იბრძოდა მის აღსადგენად ან ხელს უშლიდა რღვევას ცხადია გმირია, მაგრამ ობიექტურობა, რომ არ დავკარგოთ საკუთარ თავზე და ქვეყანაზე განვიხილოთ მლადიჩის საქციელი. რა ჰქვია ადამიანს, რომელიც სხვა სახელმწიფოს ტერიტორიაზე საბრძოლო მოქმედებეს ხელმძღვანელობს, რასაც ათასობით უდანაშაულო ადამიანის სიცოცხლე ეწირება? ამგვარი, რამ ჩვენ აფხაზეთში არაერთხელ გამოგვიცდია და ამიტომ მლადიჩის ტიპის ადამიანებს ჩემთვის მხოლოდ სამხედრო დამნაშავის სტატუსი აქვს. ციტატა რაც შეეხება კოსოვოში ალბანელები ააწიოკესო, აქაც უნდა გაითვალისწინო, რომ მანამდე ალბანელებმა ააწიოკეს მოსახლეობის სერბული უმცირესობა, გადაწვეს მონასტრები, მოკლეს სასულიერო პირები, ბერ-მონაზვნები, ბავშვები და შესაბამისად უპასუხეს სერბებმაც. ვიცი, ეგეც ვიცი, მაგრამ პასუხიც არის და პასუხიც... მსგავსი ექსტრემისტული ქმედების დროს საჭიროა გამოძიებულ იქნეს დანაშაული და არა მოხდეს ერის ეთნოწმენდა. ალბანელმა სეპარატისტებმა იბრაჰიმ რუგოვას "კოსოვოს ხსნის არმიის" მეთურობით დახოცეს 500 ადამიანი და ამის პასუხად სერბებმა დახოცეს ზუსტად 28-ჯერ მეტი ალბანელი ანუ 14 000. უსახლკაროდ დატოვეს ნახევარ მილიონზე მეტი. რა ჰქვია ყველაფერ ამას? საერთოდ რიცხვები ყველაზე მეტს ლაპარაკობენ. NATO-ს თავდასხმას სერბეთზე შეეწირა მაქსიმუმ 3-4 ათასი ადამიანი ყველაზე "გაბერილი" მონაცემებით, ანუ სულ მცირე 3-ჯერ ნაკლები ვიდრე სერბებმა მშვიდობიანი ალბანელები დახოცეს. ეს გაუგონარი სისასტიკეა... ციტატა 1999 წელს კი იბომბებოდა ბელგრადი და დიდი ქალაქები, აღდგომის დღესაც კი არ შეუწყვეტია ამერიკას ეს აქტი,მოქმედებდა რა მარგრეტ ოლბრაიტის ბრზანებით, რომელიც ბავშვობაში, როგორც ნაცისტებისგან დევნილი ებრაული ოჯახის შვილი, სერბების ოჯახმა შეიკედლა და გადაარჩინა (!). ბომბავდნენ არა სამხედრო დანიშნულების და სტრატეგიის მქონე ადგილებს,არამედ მშვიდობიან ადგილებსაც, ხიდებს, სადგურებს, ტელევიზიას, ქარხნებს, ელექტროსადგურებს, ყველაფერს, რაც ხალხს არსებობისთვის ჭირდებოდა. მე ახლა რომ ვიყავი სერბიაში, ჰააგის სასამართლოს ვუყურებდი, ასამართლებდნენ რადიკალური პარტიის ლიდერს ვოისლავ შეშელს, 4 პროცესს ვუყურე და არგუმენტირებულად გაულაფსუსა მან ბრალდება მბრალდებელს, ენას ვერ ატრიალებდნენ, ისე დოკუმენტირებულად დაუმტკიცა,თვით საჩივრის შემკოწიწებლებს, რომ მოგონილია ბევრი რამე, ამ შემთხვევაში მის მიმართ. მერე რა იქნა არ ვიცი, აქ ვერ ვუყურებ მაგ გადაცემას. ეს ყველაფერი გასაგებია... მე NATO-ს არ ვამართლებ, მაგრამ თუ რაიმე საზომი არსებობს ომში, (დახოცილთა, დაჭრილთა, უსახლკაროთა რაოდენობა) აბსოლუტურად ყველა საზომით სერბებმა მეტი სისასტიკე გამოიჩინეს კოსოველი ალბანელების მიმართ, ვიდრე NATO-მ სერბეთის მიმართ. ამგვარი გაგება, რომ ეს იყო დასავლეთის ანგარიშსწორება მართლმადიდებლური ქვეყნის მიმართ ჩემთვის მიუღებელია. ციტატა ყველაფერს რომ ტავი დავანებოთ,სერბების გინება იქნება ეს თუ ლანძღვა, ისინი ფიქრობენ, რომ მათსას იცავდნენ. ...როგორც რუსები საკუთარ მოსახლეობას და აფხაზი სეპარატისტები თავიანთ დამოუკიდებლობას... ქართველთა სისხლის ხარჯზე. სერბები, რომ ეგრე ფიქრობენ ეგ სულაც არ ნიშნავს, რომ მართლები არიან... ციტატა ხორვატიაზე თავდასხმას არ ვუარყოფ ხორვატიაზე თავდასხმა საშინელება იყო... ესიც საკმარისია ოფიციალური ბელგრადის დასადანაშაულებლად. ციტატა დღეს რაც ხდება, სრული უსამართლობაა და მტყვან-მართალს რომ შევეშვა, ჩემს ოჯახს ეხება პირდაპირ და მათი ყოფნა-არყოფნის საკითხს, თუ ომი დაიწყო დიდი მასშტაბებით. აქ უკვე მე პირადად არ მაინტერესებს ვინაა მტყუანი. გასაგებია და ძლიერ სამწუხაროა... მე არ ვცნობ კოსოვოს დამოუკიდებლობას.  ციტატა პ.ს. სარწმუნო წყაროებიდან ვიცი, რომ მლადიჩმა ადრე განაცხადა, თუ მისცემდნენ პირობას, რომ სასჯელს მოიხდის საქართველოში, თავისი ფეხით გამოცხადდებოდა ჰააგაში! საინტერესოა... P.S. კოსოვოს დამოუკიდებლობის შემთხვევაში რამდენად რეალურია შეიარაღებული კონფლიქტი? მე მგონი კოსოვოს "გაერო"-ში არ მიიღებენ, რუსეთი ვეტოს დაადებს უშიშროების საბჭოზე. -------------------- My Favourites:
Dinamo Tbilisi & Real Madrid, as Football Clubs. Georgia & Italy, as National Teams. Katie Melua, as a Musician. Stephen Hawking, as a Scientist. 'Contact' (1997), as a Film. 'Don Quixote', as a Novel. Miguel de Cervantes, as a Writer. Ayrton Senna, as F1 Racing Driver. |
|
|
|
| გიორგი |
Feb 20 2008, 05:34 PM
პოსტი
#69
|
|
მეცნიერი & ხელოვანი ჯგუფი: Members პოსტები: 7,905 რეგისტრ.: 18-November 06 წევრი № 491 |
KAIROS
ციტატა მოულოდნელად მალევე მივედით კონსესუსამდე, დანარჩენი უფრო დეტალებია, სადაც აზრთა სხვადასხვა საკითხის ცოდნას უფრო გააღრმავებს და კარგიცაა... როგორც ჩანს დიალოგი, დათმობა და სხვისი აზრის მოსმენა ვისწავლეთ... -------------------- My Favourites:
Dinamo Tbilisi & Real Madrid, as Football Clubs. Georgia & Italy, as National Teams. Katie Melua, as a Musician. Stephen Hawking, as a Scientist. 'Contact' (1997), as a Film. 'Don Quixote', as a Novel. Miguel de Cervantes, as a Writer. Ayrton Senna, as F1 Racing Driver. |
|
|
|
| guest |
Feb 20 2008, 05:47 PM
პოსტი
#70
|
|
Advanced Member ჯგუფი: Members პოსტები: 6,611 რეგისტრ.: 7-June 07 წევრი № 2,127 |
გიორგი,
აფხაზეთსა და სამაცაბლოში მცხოვრებ რუსებს ნუ აიგივებ კრაინის და ბოსნიის სერბებთან, ისინი იქ მუდამ ცხოვრობდნენ, როგორც საკუთარ მიწაზე !უდიდესი განსხვავებაა. ასევე კოსოვოშიც, მიწა სერბულია და დღეს სერბები უმცირესობაა,ალბანელების სისატიკეს ნუ აუბრალოებ, ლაჩრულად უსაფრდებოდნენ უსუსურ ქალებს და ბავშვებს, მდინარეზე მობანავე სერბის ბავშვები მოკლეს, სრულიად უდანასაულონი, ჯვრები ამოკვეთეს , ქრისტეს უგინებდნენ , ამ თვალსაზრისით ის ხალხი მოწამეებადაც ითვლებიან. ეგ სტატისტიკა საიდან გაქვს არ ვიცი, რათ ქმაუნდა მეტი ბოსნიელი რომც დაღუპული, რა გასაკვირია მათ ტერიტორიაზე იყო ომი და უმრავლესობას ისინი წარმოადგენდნენ. გინახავს შენ დაბომბილი დობოი, ბანია ლუკა თუ სხვა სერბული ქალაქები ბოსნიაში ? გინახავს შენ ქმრის მიერ ცოლის მოკვლა იმის გამო რომ სერბია? არა, იმიტომ რომ არ იცი, რა განსაცდელში იყვნენ იქ სერბები, დამოუკიდებლად იმისა, თუ ვინ დაიწყო ომი. სერბების ინტერესში შედიოდა იმდენად, რამდენადაც მათ ტერიტორიებზე იყო საუბარი, თუ კოსოვომ მიიღო დამოუკიდებლობა იმიტომ რომ უმრავლესობა ისინი არიან, რატომ უნდა დარჩენილიყო ბოსნიის ის ნაწილი ბოსნიის შემადგენლობაში (როგორც დამოუკიდებელი სახელმწიფოს) რომელიც ძირითადად მართლმადიდებელი სერბებით იყო დასახლებული? აკი უმრავლესობა იმარჯვებს? რაც შეეხება ალბანელთა უსახლკარობას, კითხე ნიანიას და გეტყვის ვინაა კოსოვოში უსახლკარო: სერბი თუ ალბანელი! მლადიჩის ნაირი კაციჭამიები ხორვატებსაც ყავთ და ბოსნიელებსაც, რომლებიც იძებნებიან ან გასამართლდნენ უკვე, ამიტომ როცა იხსენიებ, მხოლოდ სერბ გენერალს ნუ გაიხსენებ(თ). ცხადია, მთელი სამხედრო ძალა ბელგრადში იყო თავმოყრილი და ამ მხრივ სერბებს უკეთესი სიტუაცია ქონდათ. ამიტომაც დაიღუპა ნაკლები სერბი ჯარისკაცი, ვიდრე სხვა. ხორვატებს კი აი, რუსი ნაიომნიკები ძალიან მშვენივრად ეხმარებოდნენ. ნატო-ს თავდასხმა არანაირად არ იყო გამართლებული, ისიც ამ სახით. ალბანელებზე მეტი სერბებს არაფერი გაუკეთებიათ ამ საქმეში, მხოლოდ დაიცვეს იქ დარჩენილი სერბი მოსახლეობა. სამაჩაბლოში რომ ხოცონ ქართველები, ქართული ჯარიც იგივეს იზამს. ეგ პროამერიკული გავლენაა, შენ რასაც წერ. მე არ ვამართლებ არანაირ აგრესიას, მაგრამ მიკერძოება და ერთი მხარის ლანძღვა არ შეიძლება. ტიტოზე კი არ გაქვს გამართული ინფორმაცია, რომ მას ხორვატიისთვის არაფერი გაუკეთებია, ისევე როგორც სტალინს, პირიქით,სტალინმა ცუდიც გაგვიკეთა, ტიტომ კი ააღორძინა ხორვატია ეკონომიური თვალსაზრისით, უდიდესი ქარხნების და ეკონომიკის ცენტრები სწორედ რომ ხორვატიაში იყო. ის იყო იუგოსლავიის "იმპერიის" მეთაური და სერბებთან არანაირი კავშირი მას სულიერ-ფიზიკური არც არასოდეს ქონია. მეორე მსოფლიო ომის დროს, როცა პარტიზანი იყო ტიტო, პროვოკაცია მოაწყო და მისმა რაზმმა:გერმანელების ფორმაში გადაცმულებმა პოჟარევაცთან ახლოს მდებარე სოფლებში მშვიდობიანი მოსახლეობა დახოცეს, ამის საპასუხოდ სერბებმა რუმინეთისკენ მიმავალი გერმანელების ქარავნიდან გერმანელები მოკლეს, სამაგიეროდ, გერმანელებმა 1 მოკლულ გერმანელზე 100 სერბის სიკვდილი ბრძანეს და ქალაქ სმედეროვოში სკოლაში ბავშვები დახოცეს, სულ კი 7000 კაცი ამის გამო (დღესაც ჩაკეტილია ეგ ქალაქი გერმანელი ტურისტებისთვის!). აი, ეს ჩორტი იყო ეგ ტიტო, რომელიც სერბების დიდი იმპერიის მეთაურად იხსენება რატომღაც. გარედან ხედვა მასეთია, ცოტა სხვა სიტუაციაა შიგნით, როცა ხალხს იცნობ და მათ ისტორიას.სერბია ხომ გასასვლელი იყო აღმოსავლეთსა და დასავლეთს შორის, ამიტომაც მუდამ განსაცდელი ქონდა ომების თავლსაზრისით. სხვა რა დავწერო, კოსოვო არის სერბიის ისტორიული ნაწილი, მისი სახე, იქ დაიღუპა 1389 წელს უამრავი სერბი, მათ შორის ბევრი წმინდანია დღეს,რამეთუ ჯვრის გამო დაეცნენ,ასევე ყავთ ახალმოწამეები კოსოვოში წამებით დაღუპულ სერბთა სახით. მათ ქართველები უყვართ და დიდ პატივს სცემენ, ასევე გული შეტკივათ ჩვენი მიწების დაკარგვის გამო, ამის გამოც მე დიდ პატივს ვცემ მათ, სხვა თუ არაფერი. ეს ისე, პირად ასპექტში. ალბანელს კი არც შენ უყვარხარ და არც სხვა ვინმე,მხოლოდ დროებით ამერიკა. |
|
|
|
| ნიანია |
Feb 20 2008, 05:50 PM
პოსტი
#71
|
 Member ჯგუფი: Members პოსტები: 629 რეგისტრ.: 9-February 07 წევრი № 1,041 |
ძალიან ვწუხვარ რომ ვერ მოვიცალე რომ მეც შემოვერთებოდი აქაურ დისკუსიას მარა კი ვკითხულობდი გიორგის და ნანას პოსტებს. ძალიან საინტერესო დისკუსიაა.
მე მგონი ამის თქმა არც მჭირდება რომ კოსოვოს დამოუკიდებლობა სრულიად მიუღებელია ჩემთვის და ამაზე მე ჯერ კიდევ კოსოვოში ალბანელებთან შეხვედრების დროს ვაფიქსირებდი. მაგრამ ეს სრულიად მოსალოდნელი იყო და არც გამკვირვებია. მარტო ერთი რამ მაწუხებს-მებრალებიან ჯოსოვოში დარჩენილი სერბები რომლებსაც ინტეგრაციისა და მომავლაში განვითარების ყველანაირი შანსი დაკარგეს. განსაკუთრებით ერთი გოგონა მახსენდება ამ ბოლო დღეებში-მაია-სერბულ ანკლავში ცხოვრობდა დედასთან ერტად და ძალიან ეშინოდა დამოუკიდებლებოს გამოცხადების. რა გვეშველება სად უნდა წავიდეთო? მოკლედ ძალიან მებრალებიან იქ დარჩენილი სერბები.და კიდევ ერთი რამ მაფიქრებს-მიტროვიცას ამბავი. იქაური სერბები არ გაჩერდებიან და ომს დაიწყებენ. ამაზე ნანა უფრო კომპეტენტურ ინფორმაციას მოგვაწოდეებს ალბათ -------------------- როგორ გწამთ ღმერთი მღვდელო და პროფესორო, იასენეცკ-ვოინიჩ? განა გინახავთ იგი?!"
"ღმერთი ნამდვილად არ მინახავს, მაგრამ ტვინის ოპერაცია ბევრჯერ ჩამიტარებია და როდესაც თავის კოლოფი გამიხსნია არასოდეს მინახავს არც გონება, არც სინდისი". |
|
|
|
| guest |
Feb 20 2008, 06:00 PM
პოსტი
#72
|
|
Advanced Member ჯგუფი: Members პოსტები: 6,611 რეგისტრ.: 7-June 07 წევრი № 2,127 |
გაიხარე , ნიანია
 იმედია კარგად ხარ,შენი რეპორტაჟის ლინკი დავდე მე სიახლეების თემაში და არ მიწყინო.ციტატა(ნიანია @ Feb 20 2008, 02:50 PM) მარტო ერთი რამ მაწუხებს-მებრალებიან კოსოვოში დარჩენილი სერბები რომლებსაც ინტეგრაციისა და მომავლაში განვითარების ყველანაირი შანსი დაკარგეს. განსაკუთრებით ერთი გოგონა მახსენდება ამ ბოლო დღეებში-მაია-სერბულ ანკლავში ცხოვრობდა დედასთან ერტად და ძალიან ეშინოდა დამოუკიდებლებოს გამოცხადების. რა გვეშველება სად უნდა წავიდეთო? რათქმაუნდა, უსახლკარონი სერბები არიან და გენოციდირებულნი. მადლობა რომ სიმართლეს წერ , ანუ რაც ნახე. ციტატა მოკლედ ძალიან მებრალებიან იქ დარჩენილი სერბები.და კიდევ ერთი რამ მაფიქრებს-მიტროვიცას ამბავი. იქაური სერბები არ გაჩერდებიან და ომს დაიწყებენ. ამაზე ნანა უფრო კომპეტენტურ ინფორმაციას მოგვაწოდეებს ალბათ კომპეტენტური ინფო ის მაქვს , რომ სამწუხაროდ არ არის გამორიცხული სიხლის ღვრა რაღაც მასტაბით მაინც. უკვე გამოცხადდა გაძლიერებული საომარი მზადყოფნა, გუშინ საღამოს მომწერა Soldier-მა. ისრა დამრჩენია მხოლოდ ვილოცო და იმედი ვიქონიო, რომ დიდი უბედურება არ მოხდება. პ.ს. მარტის დასაწყისში მეც მივდივარ. |
|
|
|
| ნიანია |
Feb 20 2008, 06:02 PM
პოსტი
#73
|
|
Member ჯგუფი: Members პოსტები: 629 რეგისტრ.: 9-February 07 წევრი № 1,041 |
ციტატა ალბანელს კი არც შენ უყვარხარ და არც სხვა ვინმე,მხოლოდ დროებით ამერიკა აი ზუსტად ის რაც მეც მინდოდა მეთქვა. ალბანელები რაღაც უცნაური აგრესიული ხალხია. გოგებიც კი, სტუდენტი გოგოები, ვითომ გარეგნულად ნაზები, ისეთი აგრესიულები იყვნენ რომ გადავირიე. როცა სერბებზე ლაპარაკობდნენ დებილიც კი შეამჩნევდა ზიზღს. მარა თუ შეეკითხებოდი რომ დამოუკიდებლობის შემთხვევაში სერბებს რა პირობები იქნებოდნენ ისეთ რამეებს ყვებოდნენ თავად უკვირდათ იმ ზღაპრების. სინამდვილე კი სხვა იყო. სერბები პრიშტინაში ვერ მოძრაობდნენ თავისუფლად, დასაქმებაზე ხომ ლაპარაკი ზედმეტია. და ყველაზე მთავარი-ჩვენ გვთხოვდნენ რუსულად ნუ ლაპარაკობთ პრიშტინაში ალბანელები გაღიზიანდებიანო. ხოდა ახლა მიხვდით როგორ "უყვართ" სერბები -------------------- როგორ გწამთ ღმერთი მღვდელო და პროფესორო, იასენეცკ-ვოინიჩ? განა გინახავთ იგი?!"
"ღმერთი ნამდვილად არ მინახავს, მაგრამ ტვინის ოპერაცია ბევრჯერ ჩამიტარებია და როდესაც თავის კოლოფი გამიხსნია არასოდეს მინახავს არც გონება, არც სინდისი". |
|
|
|
| guest |
Feb 20 2008, 06:07 PM
პოსტი
#74
|
|
Advanced Member ჯგუფი: Members პოსტები: 6,611 რეგისტრ.: 7-June 07 წევრი № 2,127 |
იცოცხლე, ნიანია
 ხომ ხედავ, როცა საკუთარი თვალით იხილე ხალხის ცხოვრება, მათი დამოკიდებულებები სხვების მიმართ თუ ცხოვრების წესი, უფრო სწორი დამოკიდებულება გაქვს და სიტუაციისაც უყურებ რეალურად. მაგას ვამბობ მეც, გარედან ბევრი რამე ისე ჩანს, როგორც ძლიერს უნდა, სამწუხაროდ |
|
|
|
| გიორგი |
Feb 20 2008, 06:12 PM
პოსტი
#75
|
|
მეცნიერი & ხელოვანი ჯგუფი: Members პოსტები: 7,905 რეგისტრ.: 18-November 06 წევრი № 491 |
ნიანია
ციტატა ალბანელები რაღაც უცნაური აგრესიული ხალხია. საინტერესოა 14 000 თანამემამულეს, რომ მოგიკლავენ არ იქნები აგრესიული? staywhite OK. კონკრეტული კითხვა მაქვს: 90-იანი წლების მერე რა ომებიც მოხდა იქ სერბეთი მეტადაა დამნაშავე თუ სხვა რესპუბლიკები და ეთნიკური უმცირესობები? ამ ომების შედეგად მეტი სერბი დაიღუპა თუ სხვა ერის წარმომადგენელი? P.S. კოსოვოს დამოუკიდებლობას არც მე ვცნობ... -------------------- My Favourites:
Dinamo Tbilisi & Real Madrid, as Football Clubs. Georgia & Italy, as National Teams. Katie Melua, as a Musician. Stephen Hawking, as a Scientist. 'Contact' (1997), as a Film. 'Don Quixote', as a Novel. Miguel de Cervantes, as a Writer. Ayrton Senna, as F1 Racing Driver. |
|
|
|
| ნიანია |
Feb 20 2008, 06:19 PM
პოსტი
#76
|
|
Member ჯგუფი: Members პოსტები: 629 რეგისტრ.: 9-February 07 წევრი № 1,041 |
ციტატა საინტერესოა 14 000 თანამემამულეს, რომ მოგიკლავენ არ იქნები აგრესიული? არა გიო შენ მე ვერ გამიგე. ეგ 14 000 ადამიანი რომც არ მოეკლათ რარაცნაირი "სტრანი" ხალხია. იქ რომ ვიყავი იმ ხალხის შემხედვარე მეგონა რომ მონღოლებს ან თურქსელჩუკებს ვუყურებდი. ანუ აი იმ ძველ დამპყრობელ ტომებს რომ წარმოიდგენე სულ რომ აგრესიულები არ იან აი ასეთი. კიდევ ერთხელ გავიმეორებ, კაცებზე რა ვთქვა როცა გოგები იყვნენ ისეთი აგრესიულები ისინი სერბს რომ გადაჰყროდენენ სადმე რას უზავდნენ ვერ წარმოიდგენ. ხო რაც შეეხება მსხვერპლის ოდენობას. ამაზე ნანა უფრო ზუსტ პასუხს გაგცემს მაგრამ მე კოსოსვოში ვნახე ოთხი სერბული ანკლავი რომელიც ომის დროს მიწასტან იყო გასწორებული. მინდორი იყო იმ სოფლებისაგან დარჩენილი. ბელგრადის ცენტრში ვნახე სამი უზარმაზარი დაბომბილი შენობა, სავარაუდოდ საცხოვრებლეი კორპუსები იყო. იქ ვერავინ გადარჩებოდა. მარტო იმ სამ თვეში ნატომ სამი-ოთხი ატასი სერბის სიცოცხლე შეიწირა. მოკლედ დანარჩენს ნანა გააგრძელებს  მე სამწუხაროდ გავდივარ ოფისიდან და ვერარ დავპოსტავ. ხვალ ისევ შემოგეხმიანებით. -------------------- როგორ გწამთ ღმერთი მღვდელო და პროფესორო, იასენეცკ-ვოინიჩ? განა გინახავთ იგი?!"
"ღმერთი ნამდვილად არ მინახავს, მაგრამ ტვინის ოპერაცია ბევრჯერ ჩამიტარებია და როდესაც თავის კოლოფი გამიხსნია არასოდეს მინახავს არც გონება, არც სინდისი". |
|
|
|
| guest |
Feb 20 2008, 06:28 PM
პოსტი
#77
|
|
Advanced Member ჯგუფი: Members პოსტები: 6,611 რეგისტრ.: 7-June 07 წევრი № 2,127 |
გიორგი,
კოსოვოში რაც მოხდა 90-იან წლების დასაწყისში ელბანელების გამოწვეული იყო, მიზეზი ზემოთ დავწერე. რიცხვს არ აქვს აქ მნიშვნელობა, იმიტომ რომ ომს მოყვა, სერბები კი ვინც გადარჩა და მოასწრო თავის დაღწევა, თავს უშველა და გაიქცა, ამიტომ მეტი ვეღარ დაიღუპებოდა. სამხედრო თვალსაზრისით კი ცხადია სერბები იყვნენ ძლიერი (ადრე იუგოსლავია ხუთეულში შედიოდა ჯარის სიძლიერით დიდი ქვეყნების მერე) და ამიტომაც ბევრი ალბანელი დაიღუპა. ციტატა საინტერესოა 14 000 თანამემამულეს, რომ მოგიკლავენ არ იქნები აგრესიული? ეს ლოგიკა სერბებზე არ ვრცელდება? სხვა ომებზე, ანუ მანამდე რაც იყო, იმაზე დავწერე უკვე, არ მიუარყვია ხორვატიაზე თავდასხმა, და ისიც ავღნიშნე რა განცდა იყო. ხორვატიაშიც კი იგივე იყო რაც ბოსნიაში: იმ ტერიტორიების დატოვება, სადაც მოსახლეობის უმრავლესობას სერბები შეადგენენ (სლავონია, კრაინა), ისევე როგორც ის ტერიტორიები, რაც დღეს "Република спрска"-ს სახით შEდის ბოსნიის ფედერაციაში (თუმცა კნინის მიდამოები გაიწმინდა სერბებისგან, ასევე მოსტარის). გიო, მე ვიცნობ სამ სამხედრო პილოტს ძველი იუგოსლავიიდან, ერთად ვსწავლობდით ერთ დროს და მერე აქ გერმანიაში შევხვდი. ერთი იყო ბოსნიელი მუსლიმანი, მეორე სერბი და მესამე ხორვატი, კაი, ვაჟკაცი ბიჭები, ომი რომ დაიწყო იუგოსლავიაში სამივენი დეზერტირობაზე წავიდა და გერმანიაში ჩამოვიდნენ. მოტივი: ჩვენ ერთმანეთს ვერ მოვკლავთო ბავშვობიდან ერთად ვართო და ერთმანეთს როგორ ვესროლოთო, ძალიან კაი მეგობრები იყვნენ.ამის ანუ ტრაგედიის ამსახველია აგრეთვე კუსტურიცას ფილმი "Лепо село лепо гори" (ლამაზი სოფელი ლამაზად იწვის), ასევე ერთი ფილმი, არ მახსენდება სახელი, სადაც ჩვენი მერაბ ნინიძე მონაწილეობს სერბი ჯარისკაცის როლში, ომის მერე რომ თავს იკლავს (ბელგრადის კინოსტუდიის ფილმია). ეს იყო დიდი უბედურება, როგორც ყველა ომი და ძირითადად უდანასაულო ხალხი შეეწირა სამი ქვეყნის იდეალებს. გარედან კი ადვილი წარმოსადეგია, ყურება კი გაუბედურებულებების , სამივე მხარის, გულისმომკვლელია. |
|
|
|
| კანონისტი |
Feb 20 2008, 06:32 PM
პოსტი
#78
|
 დავით ჯგუფი: Members პოსტები: 16,930 რეგისტრ.: 17-October 06 მდებარ.: თბილისი, საქართველო წევრი № 284 |
გიორგი
ნიანია staywhite ცალკე თემა გახსენით კოსოვოზე და თხოვეთ, ეს პოსტები იქ გადაიტანონ -------------------- „ნეტარ არიან, რომელთა დაიცვან სამართალი და ჰყონ სიმართლე ყოველსა ჟამსა.“ (ფს. 105; 4) |
|
|
|
| გიორგი |
Feb 20 2008, 06:37 PM
პოსტი
#79
|
|
მეცნიერი & ხელოვანი ჯგუფი: Members პოსტები: 7,905 რეგისტრ.: 18-November 06 წევრი № 491 |
staywhite
შენ სხვა რამეებს წერ. ადამიანების ურთიერთპატივისცემა საერთოდ სხვა რამეა. მეც ვიცი რუსი მფრინავები, ქართველებთან ერთად რომ სწავლობდნენ საავიაციოში და უარი თქვეს აფხაზეთში წასვლაზე ქართველებს ვერ ჩამოვაგდებთო. არა ერთი რუსი შემხედვრია ვინც გულისტკივილს და თანაგრძნობას გამოხატავს აფხაზეთის ტრაგედიის გამო. ძმაკაცობა სხვა რამეა. პირადი ურთიერთობა სხვა რამეა, მაგრამ სახელმწიფოს პოლიტიკა სულ სხვა რამე. იუგოსლავია იყო იმპერია, ომი აწყობს ყოველთვის იმპერიას და სტატისტიკაც ამას ამტკიცებს, შეუდარებლად დიდია სხვა ერების მსხვერპლი სერბებთან შედარებით... ბელგრადმა არ აცალა არავის დამოუკიდებლობა და ეგ არის. ახლა შედეგებს იმკის. -------------------- My Favourites:
Dinamo Tbilisi & Real Madrid, as Football Clubs. Georgia & Italy, as National Teams. Katie Melua, as a Musician. Stephen Hawking, as a Scientist. 'Contact' (1997), as a Film. 'Don Quixote', as a Novel. Miguel de Cervantes, as a Writer. Ayrton Senna, as F1 Racing Driver. |
|
|
|
| guest |
Feb 20 2008, 06:37 PM
პოსტი
#80
|
|
Advanced Member ჯგუფი: Members პოსტები: 6,611 რეგისტრ.: 7-June 07 წევრი № 2,127 |
დავით,
იქნებ შენ გახსნა, მანამდე კი ნუ გვიყვირებთ და აქ გავაგრძელებთ, თუ ვინმეს კიდევ უნდა რამის დაწერა-გაგება არ ვჩხუბობთ და არაფერი, რამდენიმეს გვაქვს პირადი შეხებები ამ ამბებთან და საინტერესოა ალბათ. |
|
|
|
|
ამ თემას კითხულობს 2 მომხმარებელი (მათ შორის 2 სტუმარი და 0 დამალული წევრი)
0 წევრი:
| მსუბუქი ვერსია | ახლა არის: 19th April 2024 - 11:48 PM |
მართლმადიდებლური არხი: ივერიონი
ფორუმის ელექტრონული ფოსტა: იმეილი
CHURCH.GE-Powered by Giorgi and IPB. Hosting by WebHostinG.Ge
2024
Licensed to: church.ge