შევიდე სახლსა შენსა... პარამეტრები

[marine]

"გიყვარდეს ღვთის სახლები, მაგრამ საკუთარ თავშიც ააშენე ღვთის ტაძარი!"

/წმ. ნილოს სინელი/

[marine]

"შეიძლება ითქვას, რომ იმდენად ადამიანი კი არ აშენებს ტაძარს და უფალს უძღვნის მას, რამდენადაც თვით უფალი აძლევს საჩუქრად თავის ტაძარს ადამიანს".

[marine]

"როდესაც ღვთის ტაძრის კარში შედიხართ, უკან მოიტოვეთ ყოველივე საერო და მიწიერი!"

[marine]

"არიან ისეთი ადამიანები, რომლებიც ღვთის ტაძარს აშენებენ, საკუთარ სულზე კი არ ზრუნავენ"

[marine]

"ყოფით ურთიერთობებშიც, თუ ცნობილი პირი გარკვეული დროით, საკმარისი მიზეზების გარეშე არ მიდის წარჩინებულ სახლში, ამას ისე იგებენ, რომ ამ პირისათვის ძვირფასი არ არის ეს სახლი და მასთან ურთიერთობას წყეტს. განა იგივე არ ხდება, როდესაც ქრისტიანი სადღესასწაულო დღეებში, რომელიც ეკლესიამ ტაძარში მისასვლელად და საყოველთაო ლოცვისათვის დაადგინა ან იშვიათად ესწრება, ან საერთოდ არ დადის ღვთის ტაძარში და არ სურს საყოველთაო ღვთისმსახურებებში მონაწილეობა? განა არ არის ეს მისი მხრიდან აშკარა სიცივის ნიშანი ღვთის მცნებების მიმართ, ანდა - მათი დარღვევა?!"

[marine]

"თუ ტაძრის აშენებაში გულმოდგინე ხარ, აშენებული ტაძარის მიმართაც იგივე გრძნობა უნდა გქონდეს"

[marine]

"შეგიძლია, წყალი დალიო საკუთარ სახლში; არ არის საჭირო, რომ დროდადრო მიდიოდე მის დასალევად წყაროსთან ან მდინარესთან; ამის მსგავსად, შეგიძლია, შენს სახლში, შენი გულის პატარა ტაძარში იგემო ლოვცა მადლის წყაროსაგან; მაგრამ საჭიროა, რომ დროდადრო მოდიოდე, რათა იგემო მადლის წყარო ღვთის ტაძარში, სადაც იგი განსაკუთრებით ცოცხალი და მაცოცხლებელია, როგორც - წყაროს წყალი და უხვი, როგორც - მდინარე".

[marine]

"მაცხოვარმა ბრძანა მის მიერ დაფუძნებული ეკლესიის შესახებ, - რომელიც იცავს და ატარებს ქრისტიანულ რელიგიას, - რომ თვით "ბჭენი ჯოჯოხეთისანი ვერ ერეოდიან მას". ქრისტეს სიტყვები არ გარდავა, თუნდაც რომ ზეცა და მიწა წარხდეს".

[marine]

"გუნდრუკი მოგაქვს, მაგრამ ლოცვა - არა; სანთელს ანთებ, მაგრამ სულით არ იწვი!"

[marine]

"იესო ქრისტეს მიერ დაარსებული ეკლესია ესაა შუქურა, რომლის საძირკველსაც ეხეთქება ტალღები, რომლებიც ხშირად შესამჩნევ ქაფის ფენას ტოვებენ მასზე, თითქოს მათი დარტყმისაგან დასანგრევადაა გამზადებული, მაგრამ მის წვერზე ცეცხლი ანთია, რომელიც არასდროს ჩაქრება, ბრწყინავს სინათლე, რომელიც არასდროს შესუსტდება"

[marine]

"თუ მეფის სახლში მიხვალ, შიშობ და ზრუნავ, რომ ადგილისთვის შეუსაბამო რაიმე არ ჩაიდინო; მაშ, როგორ მოკრძალებით უნდა შედიოდე ზეციური მეფის სახლში! თუ მეფის სახლში შიშით იყავი, მიუხედავად იმისა, რომ იგი ვერ გხედავდა, და შესაძლოა, სახლში არც იყო; მაშ, როგორი შიშით უნდა წარსდგე ღვთის სახლში, სადაც ყველგანმყოფი ყოველთვის იმყოფება და სადაც ყოვლისმხედველი განუწყვეტლივ გხედავს!"

[marine]

"ლოცვის სახლიდან მოიტანე ლოცვის სული და მისით შენს სახლშიც განბრწყინე შენი პატარა საიდუმლო ტაძარი"

[marine]

"წარმოიდგინე, რომ ვიღაც მეფის წინაშე წარსდგა და ესაუბრება მას, მაგრამ მონის ძახილზე ტოვებს მეფეს და მონასთან იწყებს საუბარს; ასეთია ისიც, ვინც საუბრობს და დაბნეული ხდება ღვთისმსახურების დროს!"

/წმ. ეფრემ ასური/

[marine]

"რა სარგებელი აქვს ხელოვნების სკოლაში სიარულს, თუ არ ისწავლი?" - თქვა ამბა პიმენმა, როდესაც ადამიანების ტაძარში უკრძალველ და ღვთის უშიშარ დგომაზე საუბრობდა".

[marine]

"ტაძარში ღვთისმოშიშებით უნდა იდგე, რათა ცოდვების შემცირების ნაცვლად არ გაიმრავლო ისინი!"

/"სულიერი მარგალიტი"/

[marine]

"სულით შექმნილი ტაძარი ვერ განაბრწყინებს და აცხოვნებს იმას, ვინც თავის მხრივ არ მოღვაწეობს, რათა ცოცხალი ღმერთის ეკლესიას შეუერთდეს"

[marine]

"წმინდა მამათა სწავლებით, ჯერ კიდევ სამოთხეში არსებობდა პირველი ეკლესია, რომელიც ცოდვით დაცემის შემდეგ დაირღვა. ეს ეკლესია აღადგინა უფალმა ჩვენმა იესო ქრისტემ თავისი მაცხოვნებელი საქმით"

[marine]

"ცოლის თავი - ქმარია, ქმრის შემწე - ცოლი. მაშ, დაე, ნურც თავი გაბედავს სხეულის გარეშე გადააბიჯოს ეკლესიის ზღურბლს, და ნურც სხეული შევალს იქ თავის გარეშე, არამედ, დაე, სრული ოჯახი შემოვიდეს აქ და თან ბავშვებიც მოიყვანონ. როგორადაც ვეება ხის ძირას აღმოცენებული ახალნერგია საამო სანახავი, ასევე, და ბევრად კიდევ უფრო მეტადაც, საამოა იმ ადამიანის ხილვა, რომელსაც გვერდით ბავშვი უდგას, ვითარცა ახალნერი, ამოსული მის ფესვთაგან, - და არათუ საამოა, არამედ დიდად სასარგებლოც"

[marine]

"ჩვენი გადარჩენა და ჩვენი განწმენდა აღსრულდება ეკლესიაში - ამ ქრისტეს სხეულში მყოფობით სულიწმიდის ძალითა და მადლით!"

/მეუფე შიო მუჯირი/

[marine]

"ლოცვას რომ განარიდოს, ზოგიერთს ამგვარი ხრიკითაც ებრძვის ბოროტი, - იმას კი არ ჩააგონებს, რომ ლოცვაზე არ წავიდეს, არამედ, ცოტა დაიძინოს და ფსალმუნთა კითხვის დაწყების შემდეგ შეუერთდეს ლოცვას. ზოგს ტაძარშივე მოჰგვრის ძილს, ზოგს ბილწი აზრებით უტევს, ზოგს საქმეს გაახსენებს და ცდილობს, მისი მომიზეზებით მსახურება დაატოვებინოს. ზოგს ლოცვის სიტყვებს სწრაფად წარმოათქმევინებს, - როდესაც ადამიანი ცდილობს, სწრაფად ილოცოს და ლოცვითი კანონი მალე დაასრულოს. უამრავ ხრიკს იყენებს ბოროტი, რათა ადამიანი ლოცვას მოსწყვიტოს. შესაძლოა მოხდეს ისეც, რომ ადამიანს ლოცვა მოანდომოს, მაგრამ ეს არ იყოს ლოცვა, არამედ - მხოლოდ ლოცვის სიტყვებით ტკბობა, ფშვინვიერი სიამოვნების განცდა და არა ღვთის წინაშე დგომა და გულშემუსვრილებით ლოცვა. ლოცვა ჭეშმარიტია, როდესაც ადამიანი განიცდის საკუთარ ცოდვებს და უფალს სთხოვს შეწევნას. ლოცვის მთელი არსი ეს არის"