ქრისტიანული სექტები, და მართლმადიდებელთა ურთიერთობა მათთან პარამეტრები

[George Leluashvili]

მოგესალმებით ახალ თემაში!

ამ თემის მიზანი არის ის, რომ წარმოაჩინოს ჩვენი (მართლმადიდებლების) პიროვნული ურთიერთობა სხვა კონფესიის წარმომადგენლებთან.
მე ვიცი, რომ უამრავ თქვენგანს ჰქონია შეხება სხვა აღმსარებლობის ადამიანებთან და მინდა ამ თემაში ერთმანეთს გავუზიაროთ მათთან შეხვედრისას დარჩენილი შთაბეჭდილებები.

მე მინდა, რომ ეს თემა არ იყოს მაინცდამაინც იმისათვის განკუთვნილი, რომ ისინი მათს ცრუ სწავლებებში ვამხილოთ (ამას შეიძლება ზოგადად გავუსვათ ხაზი), უბრალოდ გადმოვცეთ მათთან შეხვედრის ეპიზოდები, საუბრის თემები.

აღვნიშნოთ, თუ როგორ გარემოში და რა კუთხით წარიმათა საუბარი, რომელი საკითხები იქნა განხილული და ა.შ.



ეს თემა განსხვავდება იმ სხვა თემებისგან, რომლებიც აპოლოგეტიკური შინაარსისაა და პოლემიკა მიმდინარეობს მართლმადიდებლებსა და სექტანტებს შორის.
როგორც აღვნიშნე, აქ უნდა გადმოიცეს მათთან უშუალო ურთიერთობის ეპიზოდები და სასუბრო თემები.



მე დღეს საღამოს შევხვდი ერთ-ერთი ქრისტიანული სექტის - მორმონთა (როგორც ისინი უწოდებენ "უკანასკნელი დღეების წმინდანთა იესო ქრისტეს ეკლესიის") წარმომადგენლებს.
აგრეთვე, მომავალ კვირებში დაგეგმილი მაქვს პროტესტანტებთან და ორმოცდაათიანელელბთან შეხვედრები, რომლის დეტალებსაც შემდგომში გაცნობებთ.

აგრეთვე, არაქრისტიანულ მიმდინარეობებზეც შეიძლება დაიწეროს რაიმე.
არაა აუცილებელი მაინცდამაინც ქრისტიანული იყოს.

მე არ მინდა ვინმემ იფიქროს, რომ ამ თემას ჩემს სექტანტებთან მოღვაწეობას ვუძღვნი.
ყველას გაქვთ შესაძლებლობა (მე კი დიდი სურვილი) რომ მოგვიყვეთ სხვა რელიგიური აღმსარებლობის ადამიანებთან ურთიერთობების შესახებ (ზოგს საახლობლოში გყავთ არამართლმადიდებელი ადამიანები, ზოგი შემთხვევით შეხვედრილხართ, ან უბრალოდ მათ შეკრებებს დასწრებიხართ).



მოკლედ ასე, რაც მინდოდა ვთქვი და ინტერესით ველოდები თქვენს პოსტებს.
თუ ნებას დმრთავთ, დღევანდელი შეხვედრის ამსახველ ფოტოებსაც დავდებ

[marine]

"იეღოველებსა და სხვა ერესის მიმდევრებზე მამა გაბრიელი [აღმსარებელი და სალოსი] ამბობდა: ისინი ხილული ეშმაკები, სატანის მიმდევრები არიან, მაგათთან კამათი როგორ შეიძლებაო. როგორც სახარებაში წერია "ნუ მისცემთ სიწმიდესა ძაღლთა, ნუ დაუფენთ მარგალიტსა თქვენსა ღორთა, ნუუკუე დასთრგუნონ იგი ფერხითა მათითა". და დასძენდა: "ღმერთი აერთებს, ეშმაკი განაბნევს".

/იღუმენია ქეთევანი (კოპალიანი)/

[marine]

"აი, კიდევ მაგალითი - ეს შემთხვევა ჩვენს მხარეში ერთ ახალგაზრდა ქალს შეემთხვა. მოხდა ისე, რომ ის და მისი და-ძმა იეღოველებმა აცდუნეს და უკვე მათთან შეერთებას აპირებდნენ. სექტანტების ცრუ სწავლებას მიენდნენ და წმინდა ხატებს ურწმუნოდ და ჯეროვანი პატივისცემის გარეშე ეპყობოდნენ.

ეს რომ შევიტყვეთ, შევეცადეთ ამ ღვთისმგმობი გატაცებისგან თავის დაღწევაში როგორმე დავხმარებოდით. მათ დიდი ზომის მაცხოვრისა და ღვთისმშობლის ხატები (ნაბეჭდი, საპატრიარქოს მიერ გამოცემული) გადავეცით. მართლმადიდებლური ხატების თაყვანისცემის აუცილებლობის, იესუს ლოცვის, "მამაო ჩვენო..." "ღვთისმშობელო ქალწულო..." და სხვა უმთავრესი მართლმადიდებლური ლოცვების შესახებ ვესაუბრეთ. დიდება ღმერთს, რამდენიმე საუბრის შემდეგ ეს ადამიანები მართლმადიდებელი ეკლესიის წიაღს დაუბრუნდნენ.

რამდენიმე ხნის შემდეგ ისევ ჩამოვედით სოფელში და ქალმა მის თავს მომხდარი ასეთი ისტორია გვიამბო: "ერთ საღამოს დაახლოებით ათი ადამიანი სამზარეულოში ვისხედით. კავკასიაში არსებობს ასეთი ჩვეულება: საღამოობით ნათესავები, ნათესავები, მეზობლები, მეგობრები, ნაცნობები სამზარეულოში, ანთებულ ღუმელთან იკრიბებიან და საუბრობენ. ასე ვსაუბრობთ, მე კი ხატებს შევყურებ და შინაგანად ვლოცულობ, იესუს ლოცვას ვამბობ. უეცრად ვეღარ ვხედავ და არც მესმის რაიმე, ხოლო ლოცვა დამიტკბა და სიამეს მგვრიდა. უეცრად ფანჯრის იქით ხმა გაისმა:

- უ-უ-უ! ქრისტიანებო, ვის მიმართ ლოცულობთ!.. ქაღალდს ევედრებით! ლოცვით ვის მიმართავთ!...

შევკრთი, მივიხედ-მოვიხედე, - მეგონა ეს ხმა ყველამ გაიგონა.

- რაიმე გაიგონეთ? - ვეკითხები.

- არა, არაფერი გაგვიგია. რა მოხდა?

- და მივხვდი, ჩემ გარდა ეს ხმა არავის სმენია".

აი, ერში მცხოვრები ქალის მაგალითი, რომელსაც გულწრფელად სურდა ყურადღებით ელოცა და მიეცა კიდეც. უფალმა უშურველად მიანიჭა მას ამგვარი ლოცვითი გამოცდილება. ხოლო გაავებულმა ეშმაკმა, რომელიც მასზე იმის გამო გაბოროტდა,რომ იეღოველთა საცდურს დაეხსნა და თვით სამზარეულოს ხმაურშიც გულმოდგინედ ლოცულობდა, თავისი ღვთისმგმობი შეძახილით მისი ლოცვის დარღვევა სცადა. რა თქმა უნდა, ეს ღმერთის ნებით, ამ ქალის რწმენის გასაძლიერებლად მოხდა".

/მღვდელმონაზონი კონსტანტინე (კოვალჩუკი)/

[marine]

"ერთი სექტანტი მეუბნებოდა, რომ მათ მთელი წმინდა წერილი ზეპირად იციან. თუმცა მათი ცოდნის არ მიკვირს: ფარისევლებმაც მთელი წერილი ზეპირად იცოდნენ, მაგრამ არ ცხოვრობდნენ წერილის მიხედვით და ვერ შეიმეცნეს ჭეშმარიტება, უფალი ჯვარს აცვეს"

/ღირსი იოანე ბალაამელი/

[marine]

"ქართველი ადამიანი არავითარ შემთხვევაში არ უნდა გახდეს იმ სექტების წევრი, რომლებიც ასე უხვად შემოდიან დღეს ჩვენს ქვეყანაში. ეს არის განსაცდელი, ჩვენი გამოცდა. ეს უნდა გვახსოვდეს. ქართველი კაცი თუ უღალატებს უფალს, იგი აუცილებლად დაისჯება. ღმერთმა გვაშოროს ეს!"

/კათოლიკოს-პატრიარქი ილია II/

[marine]

"მე მომეცა შესაძლებლობა, სამი თვის განმავლობაში ინკოგნიტოდ მევლო ბაპტისტთა შეკრებებზე იმ მიზნით, რომ შემესწავლა სექტანტები მათზე უშუალო დაკვირვებით, რადგან ეს მესაჭიროებოდა, როგორც ეპისკოპოსს.

მათი მრავალი ქადაგება მოვისმინე, მაგრამ არცერთი არ შეეხებოდა სინანულსა და თავმდაბლობას"

/წმ. ლუკა ვოინო-იასენეცკი/