თემის საბეჭდი ვერსია

პოსტის ავტორი: მნათე თარიღი: Nov 14 2008, 02:51 AM

თუ არ არსებობს მატერიისგან თავისუფალი ტრანსცენდენტული და დამოუკიდებელი რამ ჩვენში (სპეციალურად არ ვხმარობ სიტყვას "სული", შეუთანხმებელი ტერმინია მაინც), ეს ხომ ნიშნავს რომ არ არსებობს მატერიის პროცესებისგან თავისუფლება, (მაშასადამე ფიზიკისგან, ქიმიისგან, გეოგრაფიისგან, გარემოებებისგან) და ის რასაც ადამიანის მოქმედებებსა და პირად გადაწყვეტილებებს ვეძახით, მხოლოდ პროცესის ნაწილი და ამ პროცესების წინასწარგანზრახვულობათა მოქმედებით დაგვირგვინებული რეაქციაა?

მაშასადამე ჩვენ ვხედავთ ერთ დიდ მატერიალურ სამყაროს, ჩვენ შეგვიძლია შევეხოთ და მეცნიერული მეთოდით ვიმსჯელოთ მხოლოდ მასზე, ეს ნიშნავს რომ ის მართლაც არსებობს და წარმოადგენს ყველაფერს ჩვენ ირგვლივ (მე ამის არ მჯერა, მაგრამ სიტუაციას შევესაბამები ) არსებობენ ატომები, ენერგიები და მათი ურთიერთქმედებები თავიანთი რთული სისტემებით... მაგრამ თუ ***ვინმეს ოდესმე ეცოდინება მთელ სამყაროში არსებული რესურსების ოდენობა და ასევე ენერგიათა პოტენცია, მას აუცილებლად ეცოდინება დეტალურად მომხდარი და მოსახდენი ყველა მოქმედება მის შიგნით და მის მიერ, რადგან ის მისი განვითარებისა და შესაძლებლობების ცოდნას ფლობს, რამდენადაც ფლობს რესურსს და ეს რესურსი შეუძლებელია მატერიალურ სივრცეში სხვაგვარად განვითარდეს ჩარევის გარეშე... ზემოთა მსჯელობა მაძლევს საშუალებას გითხრათ, რომ არსებობს მხოლოდ ერთი სავარაუდო და სამწუხაროდ უცნობი მოქმედება, რომლითაც სამყარო გარდაიქმნება - საბედისწერო მომავალი, ის რომ ეს ჩვენ არ ვიცით - არ ნიშნავს რომ არ არსებობს უკვე განზრახვული მომავალი, რადგან მატერიის საკუთარ თავში გარდაქმნა გარე ჩარევის გარეშე უკვე არის ფატალიზმი... ახლა რა შუაშია ეს სიყვარულთან - თუ არსებობს ადამიანი მატერია, ბუნებრივია ასევე პოტენციურად ცნობილია მისი მატერიალური გარდაქმნის ყველა გზა და ხერხი, ყველა მოქმედება, ყველაზე გადაწყვეტილება, - უბრალოდ ეს მისთვის ცნობილი არ არის და ვერც იქნება, რამდენადაც ამ სისტემისა და მატერიალურობის ნაწილია, სად გვაქ აქ თავისუფალი ნება ათეისტებო, სად არის თქვენი აზრიანი კანონები და ადამიანების ბუნებრივი უფლებები!


*** მერე იტყვიან ფილოსოფია აბსოლუტური არსებისა და ღმერთის ცნებას არ საჭიროებსო

პოსტის ავტორი: egri3 თარიღი: Nov 25 2008, 03:48 PM

მნათე

მოგეხსენება შენი ქართულის აღქმა მიჭირს.
თუკი იმის თქმა გინდა, რომ ნებისმიერი გადაწყვეტილება მიიღება ადამიანისგან დამოუკიდებელი ფაქტორების ზემოქმედებით, მაშინ კი - არ არსებობს თავისუფალი ნება.

მიუხედავად იმისა, რომ ამგვარი მსჯელობა არ მომწონს, მაგალითსაც მოგიყვან:
თუკი ვხედავ, რომ სიმაღლიდან აგური ვარდება ნაბიჯს გადავდგამ და თავს არ შევუშვერ.
თუკი თავი შევუშვურე, ესეც გარკვეული გარემოებებიდან გამომდინარე იქნება - ვთქვათ თავის მოკვლა გადავწყვიტე რამდენიმე წუთის წინ, ხოლო თავის მოკვლის გადაწყვეტილება კიდევ სხვა გარემოებების გამო გადავწყვიტე.

რავარია?

პოსტის ავტორი: მნათე თარიღი: Nov 29 2008, 06:07 PM

egri3

ვოომდა მანდანა ვარ მეცე... სიტუაციის ნაწილი ხარ, არავითარი განსხვავება შენსა და აგურის ვარდნას შორის არ არის..

ამფერ რომ ათეიზმი ანარქიზმია... თუ ის ანარქიზმი არ არის, ფარისევლობა და ძალადობა თავისთავადობაზე!

პოსტის ავტორი: neo თარიღი: Nov 29 2008, 06:44 PM

ჰო ეგრეა გონების, იდეისა და ცხოველსმყოფელი სულის გარეშე ყველაფერი მიზეზშედეგობრიობაში იკეტება...

პოსტის ავტორი: გიორგი თარიღი: Nov 29 2008, 07:03 PM

მნათე

ეს ყველაფერი მაშინ თუ ხარისხით დროზე უფრო მაღალი განზომილებები არ არსებობს.

თუ დროზე უფრო მაღალი განზომილებები არსებობს, რომელშიც უთვალავი "დრო" შეგვიძლია მოვათავსოთ, მაშინ ეს:



წარმოადგენს ნონ-სენს-ს, რადგან "მომავალი" პირობითია და ის არ არსებობს.

პოსტის ავტორი: მნათე თარიღი: Nov 29 2008, 07:06 PM

გიორგი

მაგ ყოლიფრით აზრი არ იცვლება, რამდენადაც დროის არ არსებობის პირობებშიც კი, არსებობის არავითარი თვითმყოფადი შესაძლებლობა არ არსებობს.

თუ განზრახულობა არ არსებობს, აუცილებლად იარსებებს მათი შეცნობადობა - რომელსაც ცხადია აბსოლუტი დასჭირდება...

პოსტის ავტორი: egri3 თარიღი: Dec 1 2008, 02:23 PM

მნათე

პრინციპული არა.
დეტალებში ალბათ კი.
კაკ მინიმუმ ვარდნის დროს ვიყვირებ.

განავრცე.

გიორგი

სავარაუდოდ/ჩემი აზრით ეგრეა, თუმცა მომავლის პროგნოზირება შესაძლებელია.
რაც მეტ ფაქტორს გაითვალისწინებ, მით ზუსტია პროგნოზი.

პოსტის ავტორი: Delusion თარიღი: Dec 2 2008, 09:59 PM

მნათე
დაგავიწყდა რაციონალიზმი, რადგან შენი მსჯელობა ამ მხრივ სრულიად სუსტია.

შენებური ლოგიკით შეიძლება არათუ ზეინფორმაციის არსებობის მტკიცება, არამედ ნებისმიერი რიგითი სისულელის.

თუნდაც მატრიცის

ამიტომ ოკამის სამართებელი.

დამავიწყდა მეთქვა რომ მაგ შემთხვევაში ყველაფერი წინასწარ განსაზღვრული და გადაწყვეტილია, მიუხედავად დროის მიღმა თუ მასში ყოფნისა

პოსტის ავტორი: მნათე თარიღი: Dec 3 2008, 12:07 AM

მატრიცული თეორია გარკვეულწილად არის ქრისტიანულიც

ოკამის სამართებელი კარგად ალესეთ და ისე მობრძანდით

პოსტის ავტორი: გიორგი თარიღი: Dec 3 2008, 12:19 AM

მნათე

არ არის მართალი.

თითქოს თავიდან სწორად დაიწყე, რომ:

მაგრამ:

უპირველეს ყოვლისა საჭიროა განისაზღვროს რა არის მატერია. შემდეგ კი შენს მიერ ნახსენები: "მატერიისგან თავისუფალი ტრანსცენდენტული და დამოუკიდებელი რამ"

მატერიის ორი ძირითადი განმარტება არსებობს: ზოგადი და მეცნიერული.

ზოგადი:
მატერია არის ყველაფერი ის, რასაც გააჩნია მასა და მოცულობა.

მეცნიერული:
მატერია არის ყველაფერი ის, რაც ატომებისა და მოლეკულებისაგან შესდგება.

ორივე განმარტება საკმაოდ ზოგადი ხასიათისაა და მთლიანად დამოკიდებულია გარკვეული ეპოქის მეცნიერულ ცოდნაზე და ტერმინოლოგიაზე, შესაბამისად ეს განმარტებები იცვლებოდნენ და შეიცვლებიან მომავალშიც.

ეს კი იმას ნიშნავს, რომ გუშინ სხვა რაიმეს ვუწოდებდით მატერიას, დღეს სხვა რაიმეს ვუწოდებთ და ხვალ სულ სხვა რაიმეს. ზუსტმა მეცნიერებებმა დროთა განმავლობაში შეიძლება შეიცვალონ "მატერიისადმი" დამოკიდებულება.

"ზოგად განმარტებაში" ვკითხულობთ, რომ მატერიას აუცილებლად უნდა გააჩნდეს მასა. არადა უამრავ ნაწილაკს, მაგ. ფოტონს, უძრავობის მასა არ გააჩნია. მისი ინვარიანტული მასა არის 0-ის ტოლი. გრავიტაციული მიზიდულობის გადამტანი ჰიპოთეზური ნაწილაკი გრავიტონი შესაძლოა უმასო ნაწილაკი აღმოჩნდეს. ასევე, მეორე, "მეცნიერულ განმარტებაში" ვხედავთ, რომ მატერია ყოფილა ყველაფერი ის, რაც ატომებისა და მოლეკულებისაგან შესდგება. მაშინ რა არის პროტონი, ნეიტრონი და ელექტრონი? ეგენიც მატერიად უნდა ჩავთვალოთ. მივყვეთ ასე და მივალთ კვარკებამდე. თანამედროვე მეცნიერება კვარკსაც მატერიად თვლის. (ვხედვათ, რომ ზემოთ ხსენებული განმარტება საკმაოდ მოძველებულია, სულ მცირე ათეული წლებით). გავცდეთ კვარკვებს. არის თანამედროვე ჰიპოთეზები სიმების და M-თეორიაში, რომლის მიხედვითაც ელემენტარული ნაწილაკები წარმოადგენენ მრავალ განზომილებაში მერხევ სიმებს. ამ სიმებს შესაძლოა ჰქონდეთ ჩვენთვის ნაცნობი ნაწილაკებისაგან განსხვავებული ჰიპერმეტრული და ენერგეტიკული თვისებები, გავცდეთ M-თეორიასაც თავისი სიმებით და ჩვენს წინ გადაიშლება მრავალგანზომილებიანი სამყარო, რომლის მახასითაებლებზეც წარმოდგენაც კი არ გვაქვს, არადა ისინიც ფიზიკური სიდიდეები არიან, მათი რაოდენობა თეორიულად ძალიან დიდი შეიძლება იყოს. თუ ამ ყველაფერს მატერიად მივიჩნევთ, კიდევ უფრო შორს მოგვიწევს წასვლა მატერიის განსამარტად და დღევანდელი "ფიზიკური" პროცესები მხოლოდ მცირედი ნაწილი შეიძლება აღმოჩნდეს რეალური მატერიალური პროცესების.

მაშინ რა არის მატერია? სად "მთავრდება" მატერია? რას ნიშნავს მატერიისგან დამოუკიდებლობა?

ამ კითხვებზე პასუხი არ არსებობს. შესაბამისად არ არსებობს "მატერიისგან თავისუფალი ტრანსცენდენტული და დამოუკიდებელი რამ"-ის განმარტება. ასეთი სიტყვათა წყობა მხოლოდ ფილოსოფიაში შეიძლება იყოს.

მატერია შეიძლება არსებობდეს დროის მიღმაც, შეიძლება დროც პირობითი აღმოჩნდეს, შეიძლება მატერიაში არსებობდეს ინტელექტები ანდა თვითონ მატერია იყოს ინტელექტი. შეიძლება არც არაფერი არ არსებობდეს და თვითონ მატერია თავისივე თავში გვაძლევდეს ე.წ. "არჩევანის გაკეთების" საშუალებას, რადგან მეგამატერიის მეგასტრუქტურა ისე იყოს აწყობილი რომ მასში გარკვეულ პროცესებისათვის ე.წ. "ლუფტი" არსებობდეს, როგორც მათემატიკური ფუნქცია იღებს ერთი და იგივე მნიშვნელობას x-ის სხვადასხვა მნიშვნელობებისათვის. შეიძლება სამყარო საერთოდ გვეთამაშება და სწორედ იმდენი ალტერნატიული "თაიმლაინი" არსებობს, რამდენი ვარიანტიც ჩვენ გონებას მიეცა არჩევანის გასაკეთებლად, რათა ჩვენმა n-ურმა კოპიოებმა, სხვადასხვა "თაიმლაინებში" სხვადასხვა ქაოსური ქმედება მოახდინონ, რომელთა ერთობლიობა კიდევ უფრო მაღალი განზომილებიდან შეადგენს ერთ სრულს, რომელშიც არჩევანი გავაკეთეთ. იქნებ თვითონ მატერია არის ისე მოწყობილი რომ მასშივე დევს არჩევანის შესაძლებლობა? ჩვენ ეს არ ვიცით, უფრო მეტიც, მატერია რა არის ისიც არ ვიცით და საერთოდ მგონი რომ თითქმის არაფერი არ ვიცით.

თავისუფალი ნების არსებობის შესაძლებლობას შეიძლება თვითონ მატერია გვანიჭებდეს.

პოსტის ავტორი: მნათე თარიღი: Dec 3 2008, 12:35 AM

ფიზიკის კურსის ჩატარება რა საჭიროა ან მასაზე მსჯელობის განხილვა... აქ არა იმდენად მატერიაზე, რამდენადაც მიზეზ-შედეგობრიობაზეა ლაპარაკი... ვერანაირი მატერია თავისუფალი ნების საშუალებას მოგანიჭებს, თუ ეს მატერია დაცლილი არ არის მიზეზ-შედეგობრიობისგან და არ წარმოადგენს თავისთავადობას... თანაც ინტელექტუალურს

პოსტის ავტორი: გიორგი თარიღი: Dec 3 2008, 12:44 AM

მნათე

მიზეზ-შედეგობრიობა "მუშაობს" მხოლოდ 4-განზომილებიან სამყაროში. (x,y,z,t), სადაც სამი სივრცითი განზოილება გვაქვს + დრო. იქ სადაც დრო არ არსებობს და მასში "მოძრაობა" შეიძლება, (ვთქვათ 5-განზომილებიანი სამყარო) იქ მიზეზ-შედეგობრიობა არის ნონსენსი, რადგან მიზეზ-შედეგობრიობა "ჩვენს" სამყაროს ახასიათებს, სადაც ჯერ მიზეზია და შემდეგ შედეგი.

განზომილების მაღალ საფეხურებზე, რომლებიც შესაძლოა დროის მიღმა არსებობდნენ, ვერანაირ მიზეზ-შედეგობრიობას ვერ დავინახავთ. ეს ჩვენი დღევანდელი, დროში ცვლადი მარტივი თვალით ჩანს ყველაფერი ასე, რეალურად ყველაფერი "ერთდროულად" ხდება, შესაძლოა არსებობდეს არსებული პროცესების პარალელური კოპიები და ისინიც "ერთდროულად" მოქმედებდნენ.

პოსტის ავტორი: მნათე თარიღი: Dec 3 2008, 12:46 AM

საკუთარ თავს ანიჭებს არჩევანის შესაძლებლობას? აჰ ეს ის ხომ არ არის რა ქვიან, რეაგირება

პოსტის ავტორი: გიორგი თარიღი: Dec 3 2008, 12:49 AM

მნათე

თავისთავადობა საერთოდ არ არსებობს.
ინტელექტუალური მატერია სრულიად შესაძლებელია რომ არსებობდეს, ამაზე ზემოთ დაგიწერე, სხვა თუ არაფერი ჩვენც ეგეთები ვართ (უნდა ვიყოთ) - ადამიანები.

არა, უბრალოდ ისეა კონსტრუირებული, რომ მასში დევს არჩევანის შესაძლებლობა.

პოსტის ავტორი: მნათე თარიღი: Dec 3 2008, 12:49 AM

შენ რას ეწინააღმდეგები ახლა, მე თუ საკუთარ იდეებს?

გეუბნები რომ თუ არ არსებობს მატერიისგან თავისუფლება - არ არსებობს მატერიისგან დამოუკიდებელი თავისუფლება, მაშასადამე სუბიექტი - ამ სიტყვის ათეისტებისთვის ნაცნობი გაგებით...

პოსტის ავტორი: გიორგი თარიღი: Dec 3 2008, 01:02 AM

მნათე

მატერიისგან თავისუფალი ღმერთი, საინტერესოა...
შენ რასაც წერ ეგ ფილოსოფიაა.

რეალურად არ ვიცით რა არის მატერია, შეიძლება ღმერთიც მატერიალურია, ჩვენ ხომ არ ვიცით რა არის მატერია, არც მისი შესაძლებლობები.

ადამიანების ერთ ნაწილს, სურს რომ წარმოაჩინოს ღმერთი, როგორც მატერიისგან დამოუკიდებელი, რათა ის "გადაარჩინოს" მეცნიერების თავდასხმისაგან, მაგრამ მე უფრო მეტს ვიტყოდი, ღმერთი შეიძლება თვითონაც მატერიალური იყოს, მაგრამ როგორი მატერიალური და რა შესაძლებლობებით ეს არავინ იცის, რადგან მატერიის განმარტებაც კი არ არსებობს...


საჭირო იყო, რადგან შენ მატერიალური სამყარო გესმის, როგორც 3-განზომილებაში არსებული სუბსტანცია და თანაც დროში ცვალებადი, მაგრამ რეალურად როგორია სამყაროს ბუნება ეს წარმოუდგენლად რთული რამაა.

პოსტის ავტორი: მნათე თარიღი: Dec 3 2008, 01:06 AM

აბსურდია ახლა ეს ბოდიალი და კატხიზმოს გირტყავ თავში...

გეუბნები მე შენ - თუ არ არსებობს აბსოლუტური გონის თავისუფალი არჩევანი და ზღაპრული სასწაული, არ არსებობს შენი თვითობა ერთი დიდი მატერია არსებობს და პროექცირდება საკუთარ თავში...




ამაში ბევრი წინააღმდეგობაა, მერე შემოგივლი..

პოსტის ავტორი: გიორგი თარიღი: Dec 3 2008, 01:11 AM

მნათე

კატეხიზმო რა შუაშია. მე ობიექტური მეცნიერების საფუძველზე გელაპარაკები.

შენ გინდა წარმოაჩინო ღმერთი როგორც არამატერიალური და თან მატერია არ იცი რა არის, არც განმარტება გაქვს მისი და თვისებებზე ხომ ლაპარაკიც ზედმეტია...

თუ ეს თემა ათეისტებთან სადისკუსიოდ გახსენი მაშინ მათივე იარაღით უნდა ებრძოლო თუ არა კატეხიზმოს მე არა და აი ისინი თავშიც გირტყამენ და თავზეც დაგახევენ.



მატერიას ნუ უპირისპირებ აბსოლუტურ გონს. ეს ძალიან ძალიან დიდი შეცდომაა, რადგან აბსოლუტური გონი შეიძლება მატერიალურიც იყოს.

მატერიაზე წარმოდგენა არ გაქვს, მითუმეტეს აბსოლუტურ გონზე და არც ის იცი ისინი ერთმანეთს გამორიცხავს თუ ჰარმონიაში არიან.

ეგ არის მოძველებული ფილოსოფიური იდეოლოგია...

პოსტის ავტორი: მნათე თარიღი: Dec 3 2008, 01:14 AM

ამ შემთხვევაში შენ გესაუბრებოდი




აბსოლუტური გონის არსებობა თუა შესაძლებელია, მაშინ მე უკვე დოქტრინას ვედავები და არა ათეისტს ხვდები რაშია შვილო საქმე? რაციონალიზმიდან ამოზრდილ აბსოლუტურ გონს...

პოსტის ავტორი: გიორგი თარიღი: Dec 3 2008, 01:21 AM

მნათე

გასაგებია, მაგრამ ჩემი სამეცნიერო არგუმენტაციის წინააღმდეგ მეცნიერულივე კონტრ-არგუმენტები უნდა მოიყვანო და არა კატეხიზმო.
ეს ვერ მომიწონებია.

...თუ გაგიჭირდა და ასეთ დროს კატეხიზმო ან დოგმატიკა აიფარე ჩათვალე რომ უკვე წააგე.

ახლა გაიგე რომ შესაძლებელია... ცხადია შესაძლებელია, თანაც მატერიაშივე...

კონკრეტულად რას?
თუ იმას, რომ თავისუფალ ნებას მატერიის გარეთ დაეძებ, ყოველთვის წააგებ. ეს ასეა. თუ სხვა რაიმეს, მაშინ კონკრეტულად მითხარი.

პოსტის ავტორი: მნათე თარიღი: Dec 3 2008, 01:26 AM

ანუ რას ვაღიარებთ ჩვენ, არსებობს მატერიის განსაკუთრებული ფორმა, რომელიც ქმნის თავისუფალ ნებას და ეს თავისუფალი ნება გვანიჭებს დამოუკიდებლობას თავად მატერიაში? მნიშვნელობა არ აქვს როგორია ეს მატერია... მაგრამ არსებობის ეს ფორმა არის თვითმყოფადი? არის თავისთავადი და აბსოლუტურად დამოუკიდებელი?




შენი სამეცნიერო არგუმენტაციის წინააღმდეგ ქვევით ვისაუბრე.. ამასთან ამ შემთხვევაში კატეხიზმო და შენი ფანტაზია არაფრით განსხვავდება ერთმანეთისგან მეცნიერული თვალსაზრისით

პოსტის ავტორი: გიორგი თარიღი: Dec 3 2008, 01:45 AM

მნათე

კი არ ვაღიარებთ, უბრალოდ არ გამოვრიცხავთ.

მე გეუბნები, რომ მატერია უსასრულოდ ფართო გაგების ცნებაა და ის არ არის არც დროში და არც სივრცეში შეზღუდული. არსებობს მრავალი კონკრეტული ჰიპოთეზა და თეორია, რომელსაც აქეთკენ მივყავართ. მრავალი კონკრეტული ნაწილაკის არსებობა და თვისებები ან უშუალოდ დეტექტორებით აღმოჩენით მტკიცდება ან მაღალი ალბათობით ივარაუდება. სამყაროს მათემატიკური მოდელებსაც სამყაროს ძალიან საინტერესო მრავაგანზომილებიან აგებულებამდე მივყავართ. ეს ასეა. ამას წყალი არ გაუვა.

გამომდინარე აქედან და გამომდინარე იქიდან, რომ ვერ ვხედავთ მატერიის "საზღვრებს" არ არის გამორიცხული რომ თავისუფალი ნებაც მატერიალური პროდუქტი იყოს.

საერთოდ მე ყოველთვის წინააღმდეგი ვიყავი ღმერთის მატერიალურისგან გამოყოფით, ეს მისი არ არსებობის აღიარების გზაზე ერთ-ერთი ნებსითი თუ უნებლიეთი ნაბიჯია. უტოპიურს და მირაჟულს ხდის მას...


არ ვიცით. ვერც იმას გამოვრიცხავთ რომ თვითმყოფადია...
შეიძლება არსებობის ფორმა მუდმივია, მაგრამ თვითონ არსებობის განხორციელება დროში ცვლადი პროცესი, ვერაფერს იტყვის კაცი...

საერთოდ როდესაც ასეთი დონის "მატერიაზე" ვლაპარაკობთ იქ უკვე შექმნილი ძნელად ეთქმის რაიმეს, რადგან მრავალგანზომილებიანი მატერიის მეგასტრუქტურა დროის მიღმა არსებობს... შეგვიძლია ვილაპარაკოთ მზის სისტემის, ანდრომედას გალაქტიკის ან თუნდაც ჩვენი სივრცედროითი სტრუქტურის შექმნაზე, მაგრამ მატერია... ძალიან რთული რამეა...


ჩემი ნათქვამი ფანტაზია არაა, ჰიპოთეზაა, რომელსაც ორი პლიუსი აქვს:
1. გარკვეულ მეცნიერულ დასკვნებს ეფუძნება.
2. სავალდებულო არაა რომ აღიარო.

კატეხიზმო კი მაქსიმალურად შორს უნდა გასწიო ასეთი საკითხების განხილვისას, რადგან პირველივე გამოჩენისთანავე შეიძლება თავში მოგვხდეს.

პოსტის ავტორი: კანონისტი თარიღი: Dec 3 2008, 12:48 PM

ერთი საინტერესო მაგალითი.

მრწამსის ლათინურ ვერსიაში "თანაარსი მამისა" გამოითქმის - consubstantialem Patri

აქ გამოყენებულია ტერმინი "სუბსტანცია", რომელიც მატერიაზე საუბრისასაც გვხვდება ხოლმე....

პოსტის ავტორი: მნათე თარიღი: Dec 3 2008, 06:52 PM

და თუ მატერია არ იცი რა ჯანდაბაა, მაშინ მის სხვადასხვაობებში როგორ ერკვევი და მითუმეტეს რაციონალურსა და ირაციონალურს როგორ არჩევ




აჰა, ეს მაშინ როცა არ ვიცით როგორია მატერია ხომ?

დაიცა, ჯერ ამაზე მჩხვლიტე პასუხი და მერმე და მერმე მშვიდობით ფილოსოფიის მიმართ ვილოცოთ

პოსტის ავტორი: გიორგი თარიღი: Dec 4 2008, 03:20 PM

მნათე
მატერია ნამდვილად არ ვიცით როგორია და თუ ვინმე იმის მტკიცებას დაიწყებს, რომ მან იცის (თანაც მეცნიერების სახელით) ძალიან დიდ ტყუილს იტყვის და შეცდომაში შეიყვანს ყველას, პირველ რიგში კი საკუთარ თავს.

სხვადასხვაობებში იმ დონეზე ერკვევი, რისი გაზომვა-შეფასებაც დღევანდელი ტექნოლოგიებით არის შესაძლებელი.

რაციონალური და ირაციონალური ძალიან პირობითი ცნებებია, მატერიის "საზღვრები" კი გაურკვეველი, განმარტება ცვალებადი, თვისებები კი ნაწილობრივ ცნობილი, იმ დონეზე, რასაც ზედა აბზაცი გადმოგვცემს.

პოსტის ავტორი: მნათე თარიღი: Dec 4 2008, 03:29 PM

გიორგი, მატერია თუ არ იცოდი რა იყო, მეგამატერიებსა და სივრცეებზე რომელი მეცნიერების სახელით საუბრობდი და საიდან ასკვნიდი რომ მათი არსებობის შემთხვევაში ისინი იქნებიან მატერიები...

ფაქტია რომ დღევანდელ მატერიულ სამყაროში, რომელშიც ჩვენ ვცხოვრობთ არსებობს შემოწმებადი კანონი - მიზეზ-შედეგობრიობა... როგორი კანონიც არ უნდა არსებობდეს სხვაგან, ფაქტია რომ აქ ყველაფერი დამოკიდებულია მიზეზ შედეგობრიობაზე და ეს სწორედ რომ სამგანზომილებიან მატერიაში... ადამიანი 7 წლის მერე ლამის ყველა უჯრედს იცვლის, ეს ნიშნავს რომ ერთი ადამიანი, იგივე პიროვნება არ არის ამ წლების მანძილზე, რადგან მისი არსებობა იცვლება... არსებობისგან დამოუკიდებელი კი არაფერი არსებობს...

პოსტის ავტორი: გიორგი თარიღი: Dec 4 2008, 03:43 PM

მნათე

კი არ ვასკვნიდი, არ გამოვრიცხავდი.
მატერიის განმარტება და მასზე წარმოდგენა ძალიან არასტაბილურია.

არსებობს მრავალგანზომილებიანი სამყაროს უამრავი მეცნიერული მოდელი, სხვადასხვა კონკრეტული აღმოჩენები, რომლებიც სულ უფრო და უფრო სხვანაირს "გახდიან" მატერიის ბუნებას.

უფრო სწორი იქნებოდა:

"დღეისათვის ჩვენთვის ცნობილ და დაკვირვებად მატერიალურ სამყაროში", რადგან როგორ სამყაროში ვცხოვრობთ ეს არავინ არ იცის.



"აქ" და "იქ" ძალიან უადგილოდ ნათქვამი იყო.

სხვა თვისებების და განზომილების სამყაროები სადმე "სხვაგან" და "შორს" კი არ არიან, არამედ ჩვენც მისი ნაწილი ვართ და უბრალოდ ამ ეტაპზე მეტის აღქმა და "დანახვა" არ შეგვიძლია.

პოსტის ავტორი: მნათე თარიღი: Dec 4 2008, 03:53 PM

მაინც არის ეს ლოგიკა გაუმართავი, შემოგირბენთ მერე...

1. ან ჩვენ ვართ სუბიექტები.
2. ან თანამედროვე ფიზიკაა სრული მარაზმი.

პოსტის ავტორი: გიორგი თარიღი: Dec 4 2008, 04:57 PM

მნათე

ჩვენს სუბიექტობა/ობიექტობაში რას გულისხმობ არ ვიცი, მაგრამ თანამედროვე ფიზიკამ სამწუხაროდ თითქმის არაფერი არ იცის.

მარაზმიო ვერ ვიტყვი, რადგან ამ "ფიზიკამ" შექმნა ავტომანქანა, თვითმფრინავი, კოსმოსური ხომალდი, მაგრამ იმისათვის რომ სამყარო და მასში მიმდინარე პროცესები შეაფასოს და მითუმეტეს განსაზღვროს ფიზიკა არის ძალიან სუსტია, ვერ წარმოიდგენ ისე სუსტი...

ლაპარაკობ ფატალიზმზე და მიზეზ-შედეგობრივ ჯაჭვზე მაშინ როდესაც ეს ყველაფერი ასე აღიქმება ჩვენთვის. აღიქმება და მეტიც არაფერი. ჩვენ ამ ეტაპზე მეტ-ნაკლებ სწორ ანალიზს ვაკეთებთ ოთხგანზომილებიან სისტემებში (სამი სივრცითი და მეოთხე-დრო), თუმცა რა ხდება იმის მიღმა ეს არ ვიცით, ვერ ვხდებით, რაღაც ბუნდოვანი ჰიპოთეზები და თეორიები კი გვაქვს და რაღაც-რაღაცეებს ვვარაუდობთ ან ვასკვნით, მაგრამ ეს ზღვაში წვეთია... არადა მე-5, მე-6 და ა.შ. განზომილებები და"სხვანაირი მატერიები" სადმე შორს კი არ არიან, უბრალოდ ჩვენ არ ძალგვიძს მათი აღქმა და გაზომვა არსებული ცოდნის და ხელსაწყოების პირობებში. რეალურად ჩვენ ერთი დიდი სამყაროს ნაწილი ვართ, სადაც ძალიან მცირეს ვხედავთ და ამ გადასახედიდან (ოთხი განზომილება) ასე გვეჩვენება, "ხვალ" კი სულ სხვანაირი შეიძლება იყოს ყველაფერი.

აი, ძალიან კონკრეტულს გეტყვი მარტივი ენით, ფატალიზმის იდეას (თვითონ იდეას, მის სისწორეს არ ვგულისხმობ) სჭირდება რომ დროის გავლა ობიექტური და უნივერსალური პროცესი იყოს, რადგან ჯერ უნდა მოხდეს მიზეზი, შემდეგ კი შედეგი. ორ მოვლენას ერთმანეთისგან "აშორებს" მონაკვეთი, რომელიც დროის ვექტორზე მდებარეობს. თუ ჩვენ "დავინახეთ" ერთით მაღალი განზომილება და დროის წრფეს სხვადასხვა წერტილში "ერთდროულად" შევხედეთ მაშინ წარსული-აწმყო-მომავალი აზრს კარგავს და შეგვეძლება წავიდეთ იურულ ეპოქში, უფრო ზუსტად კი არ წავიდეთ, ეს ყველაფერი ერთდროული იქნება ჩვენთვის.



თუ სამყაროს გეოდეზიური მრუდები "ჩაკეტილი" აღმოჩნდა მაშინ რომელიმე მიმართულებით სინათლის სიჩქარით მოგზაურობის შემდეგ მოვალთ ისევ "აქ" სადაც დედამიწა უნდა იყოს, მაგრამ მოვალთ ბევრად უფრო ადრე ვიდრე წავედით და არც დედამიწა, არც მზე და არც არაფერი არ დაგვხდება, ან დაგვხდება დედამიწა მთლიანად დაფარული მსოფლიო ოკეანით, როგორიც ის რამოდენიმე მილიარდი წლის წინ იყო. და ყველაზე სასწაული ის არის, რომ ეს სადმე "მოგზაურობა" კი არ იქნება, უბრალოდ აღმოვჩნდებით იმ დროში და ჩვენთვის შორეული მომავალი იქნება კაცობრიობის შექმნა, მაგრამ ყველაზე უფრო მეტი სასაწული რა არის იცი? იმ დროს რომ მოაღწიო დედამიწაზე რომ მაშინ იქ ის მაიმუნი დადის, რომლისგანაც კაცობრიობა შეიქმნა და ადგე და ის მაიმუნი მოკლა მაშინ კაცობრიობა აღარ შეიქმნება, მაგრამ აღარ შეიქმნება ერთ-ერთ "თაიმლაინში" რომლისნაირები უსასრულო რაოდენობით იქნება მე-6 განზომილებაში მყოფი დამკვირვებლისათვის....

ამის შემდეგ მიზეზ-შედეგობრიობაზე და ფატალიზმზე ლაპარაკი არის ნონსენსი.

პოსტის ავტორი: მნათე თარიღი: Dec 4 2008, 05:11 PM

გიორგი

გავდივარ ახლა და ვიფიქრებ შენ დაწერილზე, პრინციპში მე რუტინას ვედავები და არა თავისუფალ აზრს - მაგალითად შენ აზრს...

ადვილი შესაძლებელია დროის ვექტორი ჩვენი აღქმა იყოს...


ჰო კიდევ, მანამ იმაზე მიპასუხე - მიზეზ შედეგობრიობაში მხოლოდ დროის მომენტია მთავარი? თუ ის რომ არაფერი უკვალოდ არ ჩნდება და არაფერ უკვალოდ არ იკარგება?

ფატალიზმი შესაძლოა არასრული ტერმინი აღმოჩნდეს, მაგრამ მხოლოდ არასრული, რამდენადაც ამ ყველაფერს განაპირობებს მსვლელობა...

პოსტის ავტორი: გიორგი თარიღი: Dec 4 2008, 05:34 PM

მნათე

დრო ერთ-ერთი უმთავრსეია.
ჯერ ხდება მიზეზი და შემდეგ შედეგი. ასეთი სისტემა მუშაობს მანამ, სანამ დრო დაუმარცხებელია, რადგან ფატალიზმის განხორციელებას სჭირდება დრო. "იქ", სადაც დროზე "მაღლა" არის ინტელექტი, ფატალიზმი უაზრობა ხდება.

უკვალოდ ცხადია არაფერი არ იკარგება, მაგრამ დრო ისეთი ურთულესი რამ არის, რომ ყველგან თავს გვახსენებს. რას ნიშნავს დაკარგვა? ანუ იყო და აღარ არის? ე.ი. ერთ მომენტში იყო და მეორე მომენტში აღარ არის, ამას ისევ დრო სჭირდება. დროის მიღმა არაფერი არ იკარგება.

საერთოდ ენერგიის მუდმივობის კანონის მიხედვით 4-განზომილებიან სისტემებში ენერგიის დაკარგვა შეუძლებელია, ის გადაიქცევა ერთი ფორმიდან მეორედ.

თუმცა არსებობს სიმების თეორიის თანამედროვე ვარიანტი, რომლის მიხედვით, ულემენეტარულესი ნაწილაკები, მაგალითად კვარკები წარმოადგენდნენ სიმებს, მერხევ სიმებს, რომლებიც ირხევიან სხვადასხვა ენერგეტიკულ დონეზე. თუ ეს სიმები "რაღაცნაირად" ორი ბოლოთი არიან ჩამაგრებული "ჩვენს სამყაროსთან" და ირხევიან სხვა განზომილებაში, მაშინ შეიძლება ამ ფენომენმა მატერიის და ენერგიის კარგვაც გამოიწვიოს... თუმცა ის მანამ იქნება დაკარგული, სანამ დროის იქით ვერაფერს აღვიქვამთ.

მოკლედ არაფერი არ ვიცით და ტყუილა ვახურებთ, მაგრამ იმით მაინც ვართ მაგრები რომ ვხვდებით რომ არაფრის გაგებაში არ ვართ და ამას ვინც ვერ ხვდება იმას მაგარი დარხეული აქვს.

პოსტის ავტორი: Giorgi- თარიღი: Dec 4 2008, 06:02 PM

გიორგი

მდაააა...
და რომ მოახერხოს კაცმა და ყველა თაიმლაინში დახოცოს მაიმუნები?




და ამ სისტემიდან ოდესმე შევძლებთ დანახვას/გაზომვას?

ისევე, როგორც, ოდესმე შევძლებტ 300 000 კმ/წმ სიჩქარით ფრენას, რომ 40 წთ-ის შემდეგ ამ სისტემით 80 წელი გავიდეს და აყვავებული საქართველო ვიხილოთ/მოვესწროთ

პოსტის ავტორი: გიორგი თარიღი: Dec 4 2008, 06:04 PM

Giorgi-

თეორიულად უსასრულოდ ბევრი დროის ხაზი შეიძლება იყოს...

Giorgi-

კითხვის ადრესატი მე არ უნდა ვიყო.
ღმერთმა უწყის.

პოსტის ავტორი: Giorgi- თარიღი: Dec 4 2008, 06:05 PM

გიორგი

არადა კანუდოსელმაც უნდა იცოდეს წესით

პოსტის ავტორი: გიორგი თარიღი: Dec 4 2008, 06:06 PM

Giorgi-

მეტი არაა ჩემი მტერი...

კანუდოსლზე უფრო მეტად მეღვინე და მეპურმარილე ხალმა იცის ეგ ამბები, კაცურად რომ დალევენ, აწმყო წარსული და მომავალი იმათთვისაც ერთი ხდება....

პოსტის ავტორი: Giorgi- თარიღი: Dec 4 2008, 06:06 PM

გიორგი

თეორიულად წამოვიდა მაიმუნისგან (მაიმუნის მსგავსი ადამიანისგან)ადამიანიც (არა ევოლუციის საწინააღმდეგო არაფერი მაქვს, უბრალოდ თეორიაა დღემდე)

პოსტის ავტორი: iber თარიღი: Jan 1 2009, 06:34 PM

მატერია–თუ ყველაფერი არსებულია რა თქმა უნდა მაშინ იდეალური ანუ სულიერი–მისი თვისება გამოდის,მართალია რომელიც ამ მატერიას ფორმას
აძლევს.
ტრანსცენდენტალური კი დაბალენერგეტიკული მატერიის მატარებელი –უპირატესად სულიერი ფორმა გამოდის.
თუ კი მატერიის ქვეშ მხოლოდ ატომების და მოლეკულებისგან შემდგარს ვიგულისხმებთ,მაშინ ტრანსცენდენტალური რა თქმა უნდა მისგან ნაკლებად დამოკიდებულებაშია და პირველადია,ანუ უფრო ადრე არსებობდა და სრულიად განაპირობებს მატერიალურს

რაც შეეხება ათეიზმს–ის წარმათობაზე დაბალი სარწმუნოებაა

პოსტის ავტორი: Ismail თარიღი: Jan 1 2009, 10:38 PM

არ ჯობია გავაერთიანო ღვთისმეტყველებაში ათეიზმის თემასთან (თქვენი ნებართვით)?

პოსტის ავტორი: კანონისტი თარიღი: Jan 1 2009, 10:40 PM

Ismail
ღვთისმეტყველებაში გადაუშვი და აფხაზი მიხედავს

პოსტის ავტორი: თამარი_ცქნაფო თარიღი: Jan 8 2009, 10:55 PM

მე ვუშვებ და მიხედეთ

პოსტის ავტორი: marine თარიღი: Nov 4 2014, 04:18 PM

„როგორც დოსტოევსკი იტყოდა თავისი ნაწარმოების პერსონაჟის პირით: „თუ ღმერთი არ არსებობს, ყველაფერი ნებადართულია“.

პოსტის ავტორი: marine თარიღი: Apr 16 2015, 09:17 PM

"სწავლება იმაზე, რომ ღმერთი არ არსებობს, მისთვის სინდისისაგან თავდაცვის ერთადერთი საშუალება გახდა"

პოსტის ავტორი: marine თარიღი: Apr 24 2015, 09:51 PM

"ვისაც ღმერთის არ ეშინია, მას ყველაფრის უნდა ეშინოდეს"

/წმ. ათანასე დიდი/

პოსტის ავტორი: marine თარიღი: Apr 29 2015, 02:42 PM

"ათეიზმი ტრაგედიაა, რადგან ურწმუნო ადამიანი ყველაფერზე წამსვლელია"

/დეკ. ალექსანდრე (ბოლქვაძე)/

პოსტის ავტორი: marine თარიღი: May 9 2015, 08:06 PM

"ნამდვილი მორწმუნე ვერასოდეს გახდება ურწმუნო, რადგან თვალხილული ადამიანი, რომელიც დაბრმავდება, არასდროს იტყვის, რომ სინათლე არ არსებობს.

ხოლო ვისაც არ სწამს, მასზე ვერ ვიტყვით, რომ მომავალში არ ირწმუნებს. ვინაიდან, ბრმას თუ თვალის ჩინი მიეცემა, ის ნამდვილად დარწმუნდება სინათლის არსებობაში.

ამიტომ, არსებობს გზა ურწმუნოებიდან რწმენამდე. ეს გზა კი მორწმუნე ადამიანის ცოდნასა და გამოცდილებაზე გადის".

/იღუმენი დიონისე (გვიმრაძე)/

პოსტის ავტორი: marine თარიღი: May 23 2015, 11:01 PM

"მორწმუნის წინაშე, რომელსაც გულიდან ბინდი და ბოროტება განუქარვებია, სულიერი სამყაროა გადაშლილი. შესაბამისად, ურწმუნო ადამიანს თუკი სურს, რომ ღმერთი ირწმუნოს, მორწმუნის გაკვალულ გზას უნდა შეუდგეს, ანუ გულის განწმენდაზე იფიქროს".

/იღუმენი დიონისე (გვიმრაძე)/

პოსტის ავტორი: marine თარიღი: May 24 2015, 07:03 PM

"ყველაზე ადვილი გზა სინდისის დასამშვიდებლად უღმერთობაა"

/დეკ. შიო პაიჭაძე/

პოსტის ავტორი: marine თარიღი: Sep 4 2015, 10:16 PM

"ზოგჯერ ადამიანი ურწმუნოებას არჩევს მხოლოდ იმიტომ, რომ ეს ერთადერთი საშუალებაა სინდისის ქენჯნისაგან თავდასაცავად"

პოსტის ავტორი: marine თარიღი: Oct 8 2015, 07:16 PM

"ურწმუნოებისა და უღმერთობის საყოველთაო წყვდიადში მთელს დედამიწაზე კიაფობს ადგილ-ადგილ ჭეშმარიტების ცეცხლი".

/ბერი ანტონის ხილვა/

პოსტის ავტორი: marine თარიღი: Oct 11 2015, 10:58 PM

"სავალალო ურწმუნოება" მხოლოდ ჯანსაღი რწმენით დაიძლევა".

პოსტის ავტორი: marine თარიღი: Oct 15 2015, 08:30 PM

"ღმერთის მტკიცება ღმერთს არ დაამტკიცებს. ეს რწმენის საკითხია და ყველაზე პიროვნულია"

/პროფესორი რევაზ სირაძე/

პოსტის ავტორი: marine თარიღი: Oct 16 2015, 12:43 PM

"ყველა უსჯულო,რომელიც არ აღიარებს ჭეშმარიტ ღმერთს, წყევლის ჭეშმარიტებას, შეიძლება ეს არ იყოს პირდაპირი მნიშვნელობით წყევლა, მაგრამ თავიანთი საქმეებით წინ აღუდგებიან უფალს და გამოდიან მაწყევარნი ჭეშმარიტებისა"

/არქიმანდრიტი მაკარი (აბესაძე)/

პოსტის ავტორი: marine თარიღი: Mar 1 2016, 10:45 PM

"ძალით ვერავის გავასარწმუნოებთ"

/მღვდელ-მონაზონი ანდრია (სარია)/

პოსტის ავტორი: marine თარიღი: Mar 31 2016, 10:54 PM

"მრავალ ადამიანს ვიცნობ, რომლებიც მიხვდნენ, რომ არის ღმერთი. რაღა შორს წავიდეთ, მთელი პროტესტანტული სამყარო განა ასე არ არის? განა თავად ეშმაკმა არ იცის რომ არის ღმერთი? ანუ თქვენ კი არ მიხვდით, რომ არის ღმერთი და იმიტომ მოხვედით, თქვენ იგრძენით, რომ არის ღმერთი და იმიტომ მოხვედით. ეს ძალიან მნიშვნელოვანია. იგრძენი ღმერთი ნიშნავს იმას, რომ თქვენს გულს მადლი შეეხო. ეს ნიშნავს იმას, რომ თქვენთან ღმერთი რეალურად მოვიდა".

/დეკ. თეოდორე გიგნაძე/

პოსტის ავტორი: marine თარიღი: Apr 8 2016, 03:17 PM

"თუკი ღმერთი არ არსებობს, არაფერს დაკარგავთ მისი რწმენით, ხოლო თუ ის არსებობს, მისი არსებობის არდაჯერებით თქვენ დაკარგავთ ყველაფერს".

/ბლეზ პასკალი/

პოსტის ავტორი: marine თარიღი: Apr 24 2016, 06:23 PM

"ჩემი ცოდნა პესიმისტურია, მაგრამ ჩემი რწმენაა ოპტიმისტური".

/ნ. ბერდიაევი/

პოსტის ავტორი: marine თარიღი: Apr 29 2016, 11:12 PM

"მორწმუნეთათვის ღამეც დღესავით ნათელია".

/წმ. იოანე ოქროპირი/

პოსტის ავტორი: marine თარიღი: May 8 2016, 08:20 PM

"ამერიკელი ჟურნალისტის, მენკენის, თანახმად, რწმენა არის "უსაფუძვლო დაჯერება იმისა, რისი მოხდენაც შეუძლებელია".

პოსტის ავტორი: marine თარიღი: Jun 25 2016, 10:21 PM

"გულისგამქვავებელი ურწმუნოება"

პოსტის ავტორი: marine თარიღი: Jul 24 2016, 09:13 PM

"უხსენებელი ლენინი"

პოსტის ავტორი: marine თარიღი: Jul 26 2016, 05:24 PM

"ურწმუნო ადამიანი ვერაფერს სასიკეთოს ვერ შექმნის ამ ქვეყანაზე".

/მეუფე ილარიონი (ქიტიაშვილი)/

პოსტის ავტორი: marine თარიღი: Jul 29 2016, 11:06 AM

"ადამიანი თავის ურწმუნოებას გამართლებას ყოველთვის უპოვის".

პოსტის ავტორი: marine თარიღი: Aug 28 2016, 09:02 AM

"ვინც ღმერთს გმობს, ის საკუთარ თავს აყენებს იარებს".

/წმ. იოანე ოქროპირი/

პოსტის ავტორი: marine თარიღი: Nov 7 2016, 10:32 PM

"უღმეთობა, თავისი ყველა გამოვლინებით, თვითგანადგურების გზაა. უღმერთო ადამიანს სძულს ყველა და ყველაფერი და, უწინარესად, საკუთარი უკვდავი სული. მას სურს დაემალოს საკუთარ თავს და იგონებს ათასგვარ ხრიკს სინდისის მოსატყუებლად, ვერაფრით მშვიდდება და წამლებით სურს განიკურნოს, მაგრამ სინდისს წამლებით ვერ მოიშორებ. ადამიანი სინანულით უნდა შეურიგდეს ღმერთს, შენდობა ითხოვოს ცოდვებისათვის და დაიწყება მისი განთავისუფლება. ის იგრძნობს, რა არის სიყვარული, როგორია სიხარული, რას ნიშნავს სიმშვიდე".

/მეუფე სტეფანე (კალაიჯიშვილი)/

პოსტის ავტორი: marine თარიღი: Jun 20 2018, 01:46 PM

"უღმერთობა ყველაფერზე უარყოფითად აისახება"

/მეუფე ილარიონი (ქიტიაშვილი)/

პოსტის ავტორი: marine თარიღი: Jun 22 2018, 08:47 PM

"საზოგადოების გარკვეულ ნაწილში კვლავ ღრმად არის გამჯდარი ათეისტური აზროვნების ფესვები"

პოსტის ავტორი: marine თარიღი: Jun 29 2018, 05:03 PM

"ათეიზმი მოდად იქცა"

/დეკ. შიო პაიჭაძე/

პოსტის ავტორი: marine თარიღი: Feb 5 2019, 07:01 PM

"ინდივიდუმ-ათეისტები ბევრ ხალხში გვხდება, მაგრამ "ათეისტური"ერი დედამიწაზე არ არსებობს"

პოსტის ავტორი: marine თარიღი: Mar 7 2019, 06:27 PM

"ახალგაზრდები ათეისტები არიან, ეს კი იმის ბრალია, რომ ჩვენს ოჯახებში ღმერთი არ ცხოვრობს"

/მამა გიორგი თევდორაშვილი/

პოსტის ავტორი: marine თარიღი: Jul 29 2019, 08:58 PM

"ბიბლია ათეისტს არ იცნობს და თქვენ ვერ შეხვდებით ბიბლიაში ურწმუნოს, რადგანაც რელიგიური ბუნება წარმართებშიც კი იყო და ეს ბუნებითი სჯულია, რომელიც ღვთისგან მიეცა ადამიანს შექმნის დროს, მაგრამ არ კმარა, მხოლოდ რელიგიური ბუნება და რომ საკმარისი ყოფილიყო, მაშინ ქრისტე არ განკაცდებოდა"

/დეკ. შიო პაიჭაძე/

პოსტის ავტორი: marine თარიღი: Aug 5 2019, 12:22 PM

მოსწრებული პასუხი

"ერთ სწავლულს, იმის დასადასტურებლად, რომ ღმერთი არ არსებობს, სხვადასხვა არგუმენტი მოჰყავდა, ბოლოს კი თქვა:
– თუ არის ღმერთი, დაე, ახლავე მომკლას!
და რადგანაც, რასაკვირველია, არაფერი მოხდა, განაგრძო:
– ხედავთ, ღმერთი რომ არსებობდეს, ხომ მომკლავდა...
ამ დროს ერთი დედაკაცი ეუბნება მას:
– შვილები გყავთ?
– დიახ!
– რამდენი?
– სამი.
– გიჯერებენ?
– ყველა არა. ორი მიჯერებს, მესამე კი...
– რა? – ჰკითხა დედაკაცმა.
– ოჰ, – ამოიოხრა სწავლულმა, – მეურჩება, არ მიჯერებს, ჯიუტობს.
– მაშინ მოკალით ის!
– ჩემი შვილი? – გაოგნდა სწავლული.
– აი, ხომ ხედავთ, თუ თქვენ არ გინდათ საკუთარი შვილის მოკვლა, როგორ გგონიათ, ღმერთი, რომელსაც შეუდარებლად უფრო მეტად უყვარხართ, ვიდრე თქვენ გიყვართ თქვენი შვილი, მოგკლავთ?!"

/მამა ეპიფანე თეოდოროპულოსი/

„ღმერთი არ არსებობს“, – ჩვეულებრივ ამას ამბობენ გარყვნილი და უზნეო ადამიანები, მაგრამ მაღალზნეობრივ, თავშეკავებულ, სათნოებით შემკულ ადამიანთაგან ასე იოლად არავინ იტყვის – „ღმერთი არ არსებობს“.

პოსტის ავტორი: marine თარიღი: Aug 10 2019, 02:19 PM

"კითხვა: როგორ მოვეპყრათ ურწმუნოებს?

პასუხი: ურწმუნოთათვის უნდა ვილოცოთ და უნდა შევიცოდოთ ისინი. უნდა ვეცადოთ, რომ ისინი ჭეშმარიტებისკენ მოვაქციოთ, ოღონდ, ეს უნდა გავაკეთოთ სიყვარულითა და სიმშვიდით."

პოსტის ავტორი: marine თარიღი: Jul 3 2020, 07:59 PM

''ათეისტი ადამიანი შესაძლოა იყოს მხოლოდ სიკვდილამდე, სიკვდილის შემდეგ ყველა მორწმუნეა, მაგრამ ჯოჯოხეთში ამ რწმენას უკვე მაცხოვნებელი ძალა აღარ აქვს.საჭიროა სიკვდილამდე რწმენის შეძენა.''

/წმ.მღვდელმთავარი იოანე მაქსიმოვიჩი, სან ფრანცისკოსა და შანხაის არქიეპისკოპოსი/

პოსტის ავტორი: marine თარიღი: Jan 19 2021, 09:58 PM

"ათეისტურია ერთადერთი რელიგია - ბუდიზმი, სადაც ღმერთის ადგილი დაიკავა ადამიანმა"

პოსტის ავტორი: marine თარიღი: May 9 2021, 06:33 PM

"კომუნისტური წყობა თუნდაც იმით იყო იდიოტური, რომ სუსლოვს დიდი ასოთი წერდნენ, "ბოგს" კი პატარათი"

/გურამ დოჩანაშვილი/

პოსტის ავტორი: marine თარიღი: May 29 2021, 07:24 PM

"პეპელას თვალები და ფრთებიც კი საკმარისია, რათა უღმერთო გაანადგურო"

/დენი დიდრო/

პოსტის ავტორი: marine თარიღი: Jun 5 2021, 08:37 PM

"სადაც ურწმუნოება იწყება, იქვე იწყება საწყალობელი, დამამცირებელი მონობა და სულიერი დაცემა; და პირიქით, სადაც რწმენაა, იქ არის დიდებულება, აღმატებულება, სულის თავისუფლება"

/წმ. იოანე კრონშტადტელი/

პოსტის ავტორი: marine თარიღი: Jul 13 2021, 08:21 PM

"ურწმუნოებაც ასევე მოითოვს მიმდევართაგან მტკიცე რწმენას, ოღონდ - არა მაცხოვნებელ რწმენას, არამედ - დამღუპველს"

პოსტის ავტორი: marine თარიღი: Jul 17 2021, 05:48 PM

"ვინ იცავს ასე თავთავს? ვინ იფარავს ხორბალს? ვინ გააჩინა ადამიანის წამწამები მზის თვალისმომჭრელი ბრწყინვალებისგან დასაცავად?განა გონიერმა არსებამ, უფალმა - არა? განა შეიძლება, ამგვარი მტკიცებულებების არსებობის შემდეგ, მაინც უარვყოთ მისი წინდახედულება და მადლმოსილება?"

პოსტის ავტორი: marine თარიღი: Jul 28 2021, 07:58 PM

"ღვთის არსებობისს ხილულ, შესაგრძნობ მტკიცებულებებში, ჩვენს გარშემომყოფ ბუნებაში განა შესაძლებელი არაა, საკმაოდ ვიხილოთ უგუნურება ათეისტთა, რომლებიც ღვთის არსებობას უარყოფენ, ან მატერიალისტთა, რომლებიც მზად არიან, თუნდაც თვით ბუნება გააღმერთონ, ვიდრე აღიარონ და თაყვანი სცენ მის ჭეშმარიტ მიზეზს, შემოქმედსა და პატრონს?"

პოსტის ავტორი: marine თარიღი: Aug 25 2021, 11:17 AM

"ურწმუნოება გვიკარგავს ჩვენ დღევანდელ ქონების ჩვენი რაოდენობის ნახევარს და ამით ხელიდან მიგვდის მიწა-წყალი, ნიადაგი, ტერიტორია. ამითი სუსტდება, ქრება, ისპობა ჩვენი ენა, დნება, ილევა და საბოლოოდ ნადგურდება ჩვენი თავისებურობა, სასურველი გავლენა სხვებზე და საკუთარი ღირსების შეგნება"

/ეპისკოპოსი ლეონიდე ოქროპირიძე/

პოსტის ავტორი: marine თარიღი: Sep 2 2021, 09:58 PM

"ურწმუნოება ცრურწმენის ტყუპისცალია"

პოსტის ავტორი: marine თარიღი: Sep 4 2021, 05:50 PM

"ცრურწმენა და ურწმუნოება ხელიხელჩაკიდებულნი მიდია, ათეისტებს სწამდათ ჯადოქრების, წინასწარმეტყველების; ღვთის ურწმუნოებს კი ღმერთები სწამთ"

პოსტის ავტორი: marine თარიღი: Jan 25 2022, 08:47 PM

"ღვთის შიში დღეგრძელობას მატებს, უღმერთოებს კი წლებს უმოკლებს"

პოსტის ავტორი: marine თარიღი: Feb 5 2022, 07:56 PM

"1931-1932 წლის ანტისაშობაო კამპანიის დღეებში გამოიცა და სოფლებში გაიგზავნა 153 მოძრავი კინოდანადგარი, ანტირელიგიური შინაარსის კინოსურათებით. ისინი კინოს უფასოდ უჩვენებდნენ ხალხს. ეს კინოებია მაგ.: "წმინდანის ქალიშვილი", "მაიმუნი და ადამიანი", "სალამანდრა", "თეთრი მხედარი", "ხაბარდა", "იესო ქრისტე - მითი და სინამდვილე" და სხვა".

პოსტის ავტორი: marine თარიღი: Feb 8 2022, 03:36 PM

"სი­ცო­ცხლე ან სიკ­ვდი­ლი" - ამ არ­ჩე­ვა­ნის წი­ნა­შე აღ­მოჩ­ნდა დღეს ადა­მის მთე­ლი მოდ­გმა. ასე­თი მას­შტა­ბუ­რი და ყოვ­ლის­მომ­ცვე­ლი ნა­ბი­ჯი მა­ნამ­დე არ გვქო­ნია გა­და­სად­გმე­ლი. "აირ­ჩიე სი­ცო­ცხლე" - მოგ­ვი­წო­დებს მო­ცი­ქუ­ლი. მორ­წმუ­ნე­თათ­ვის ეს ნიშ­ნავს მცნე­ბე­ბის დაც­ვით უფ­ლის მიმსგავ­სე­ბას, მა­ღალზ­ნე­ობ­რივ პი­როვ­ნე­ბად ჩა­მო­ყა­ლი­ბე­ბას, ნიშ­ნავს ღვთის სა­დი­დებ­ლად სხვის­თვის ცხოვ­რე­ბას, რათა შემ­დეგ ცათა სა­სუ­ფევ­ლის მკვიდ­რნი გავ­ხდეთ და მა­რა­დი­უ­ლად ღმერ­თთან ვმყო­ფობ­დეთ. ათე­ის­ტე­ბი­სათ­ვის კი ასე­თი აზ­როვ­ნე­ბა გა­უ­გე­ბა­რია და მი­უ­ღე­ბე­ლი, რად­გან ისი­ნი ეყ­რდნო­ბი­ან ფორ­მუ­ლი­რე­ბას: მჯე­რა ის, რა­საც ვხე­დავ და არ მჯე­რა იმის, რაც უხი­ლა­ვია. ამი­ტო­მაც არც ღმერ­თის სწამთ, არც ჩვე­ნი სუ­ლის არ­სე­ბო­ბის და არც მისი უკ­ვდა­ვე­ბის; ამას­თან, მი­იჩ­ნე­ვენ რა, რომ გარ­დაც­ვა­ლე­ბით ყვე­ლა­ფე­რი მთავ­რდე­ბა, ამ­ქვეყ­ნი­უ­რი კე­თილ­დღე­ო­ბის ნე­ბის­მი­ე­რი სა­შუ­ა­ლე­ბით მიღ­წე­ვას, ხშირ შემ­თხვე­ვა­ში, არ ერი­დე­ბი­ან."

/კათოლიკოს-პატრიარქი ილია მეორე/

პოსტის ავტორი: marine თარიღი: Feb 10 2022, 08:14 PM

"ღვთის უარყოფა თავისთავში ყოვლად სულელურ ვარაუდს შეიცავს: მკაცრად რომ ვთქვათ, ის სხვა არაფერია, თუ არა - უჩვეულო თვითგანდიდება! ვიდრე ვინმე შეძლებს, რომ თქვას: "სამყარო უფლის გარეშე არსებობს", - მან უნდა შეიცნოს მთელი სამყარო. მან უნდა გამოიკვლიოს სამყარო მთელი თავისი მზეებითა და ვარსკვლავებით, ყოველი ეპოქის ისტორია, უნდა გაიაროს სივრცესა და დროის ყველა მონაკვეთი, რათა შეძლოს, რომ სრული საფუძვლიანობით თქვას: "ვერსად აღმოვაჩინე უფლის ნაკვალევი". იმისათვის, რომ გადაჭრით დაამტკიცო: "არანაირი ღმერთი არ არსებობს!" - საჭიროა, ყოვლისმცოდნე და ყოვლისშემძლე იყო, ანუ - თავად უნდა იყო ღმერთი!"

პოსტის ავტორი: marine თარიღი: Feb 15 2022, 06:57 PM

"საბაის დედოფალს იუდეის დედაქალაქში ჩასვლისას ძვირფასი იშვიათობების დათვალიერებისას ყურადღება რომ არ მიექცია სოლომონ მეფისათვის, რომელიც სიბრძნით იყო დამშვენებული, რაოდენ შეუნდობელი იქნებოდა მისი გულგრილობა! მით უფრო, არ იმსახურებს შენდობას ისეთი ადამიანი,რომელიც ამ სამყაროში ცხოვრობს და ყველაფერს ყურადღებას აქცევს, გარდა უფლისა, რომლიც ყოველი სიკეითსა და სიბრძნის წყაროა?"

პოსტის ავტორი: marine თარიღი: Sep 21 2022, 08:14 PM

"ათეიზმი და მატერიალიზმი იშვება ნაყროვანებისა და სიძვისგან, - ასეთი ადამიანი პირუტყვად იქცევა"

/მღვდელი დანიელ სისოევი/

პოსტის ავტორი: marine თარიღი: Dec 13 2022, 09:38 PM

"ნუ იჩქარებ უღმერთოს დასჯას: მან უკვე იპოვა თავისი ჯალათი თავის თავში: ყველაზე დაუნდობელი, რომელიც კი შეიძლება იყოს მისთვის ამ წუთისოფელში"

/წმ. ნიკოლოზ სერბი/

პოსტის ავტორი: marine თარიღი: Dec 15 2023, 09:16 PM

"უღმერთოდ დარჩენილი ადამიანების სულში ჩნდება საზარელი სიცარიელე - საზარელი უფსკრული, რომელში "გადახედვისაც" ეშინიათ რწმენადაკარგულ ადამიანებს (არისტოტელეს თქმით, ბუნებას ეშინია სიცარიელის)"

/აკაკი მინდიაშვილი/

პოსტის ავტორი: marine თარიღი: Dec 17 2023, 11:19 AM

"წმ. მღვდელმთავარ ლუკა ვოინო-იასენეცკის თქმით, ადამიანი ღმერთს ვერსად გაექცევა.

მას შეუძლია, საკუთარი თავი ღმერთის უარმყოფლად, ათეისტად ჩათვალოს, მაგრამ ვერ შეძლებს, უარყოს წყურვილი ღმრთისა, სევდა ღმერთის მონატრების გამო, რაც ადამიანს მოსვენებას უკარგავს და სულს უფორიაქებს!"

/აკაკი მინდიაშვილი/

პოსტის ავტორი: marine თარიღი: Mar 17 2024, 09:13 PM

"მამა ვალენტის [წმ. ლუკა ვოინო-იასენეცკი] არ შეეძლო, მშვიდად ეყურებინა კურსკის ეპარქიის ყოფილი მისიონერის, განმოსილი დეკანოზის, ლომაკინის აქტიური განდგომილი მოღვაწეობისათვის. ეს ბედკრული ადამიანი, რომელმაც მაცხოვარს უღალატა, თავისი გადამწვარი სინდისით ღმერთს ეწინააღმდეგებოდა და მთელ შუა აზიაში ანტირელიგიურ პროპაგანდას ხელმძღვანელობდა. მამა ვალენტინი ორი წლის განმავლობაში უამრავი ხალხის თანდასწრებით სახალხოდ ეკამათებოდა მას. როგორც წესი, ეს კამათი რწმენისაგან განდგომილის შერცხვენით მთავრდებოდა და მორწმუნეები მას წასვლის საშუალებას არ აძლევდნენ, თან ეკითხებოდნენ: "გვითხარი, როდის გვატუებდი: როდესაც მღვდელი იყავი თუ ახლა?" მას უკვე ეშინოდა მამა ვალენტინის და კამათის ორგანიზატორებს სთხოვდა, თავიდან მოეშორებინათ მისთვის "ეს ფილოსოფოსი". სულიწმიდის საბრალო მგმობელზე საშინლად ახდა დავით მეფსალმუნის სიტყვები: "ულმებლია სიკვდილი ცოდვილისა". იგი სწორი ნაწლავის კიბოთი დაავადდა და ოპერაციის დროს აღმოჩნდა, რომ სიმსივნე უკვე შარდის ბუშტზეც იყო გადასული. საოპერაციო ჭრილობა მენჯის არეში მალე ბუშტად იქცა, რომელიც ჩირქით, შარდითა და მატლით იყო სავსე. "ღვთის მტერი უკიდურესად გაბოროტდა ტანჯვისგან და თვით პარტიული მედიცინის დებიც კი, რომლებიც მის მოსავლელად იყვნენ დანიშნულნი, ვერ იტანდნენ მის გაბოროტებასა და წყევას და მის მოვლაზე უარს აცხადებდნენ".

პოსტის ავტორი: marine თარიღი: Apr 2 2024, 09:22 PM

"ცხოვრება უღმერთოდ ერთ დიდ სიცრუედ იქცევა. ისინი, ვინც ამ სიცრუეს ემსახურებიან, მისი მსხვერპლნი ხდებიან"

/არქიმანდრიტი რაფაელი (კარელინი)/