სენატის გადაწყვეტილება, იუზერ KAIROS-ის საჩივართან დაკავშირებით პარამეტრები

[k@the]

სენატის
გ ა დ ა წ ყ ვ ე ტ ი ლ ე ბ ა

იუზერ KAIROS-ის საჩივართან დაკავშირებით

იუზერებს KAIROS-სა და სარდიონს შორის მომხდარი ინციდენტის ამოწურვის მიზნით და საჩივრის შემოტანის შემდეგ მოკამათე მხარეებს შორის კეთილი ნებისა და შემწყნარებლობის გამოვლენის გათვალისწინებით, სენატმა გადაწყვიტა:

1. იუზერ სარდიონს მიეცეს მკაცრი სიტყვიერი გაფრთხილება. მოეწოდოს მას, თავი შეიკავოს მომავალში ფორუმისათვის შეუფერებელი გამოთქმებისაგან და მეტი პატივისცემით ისაუბროს თითოეული ფორუმელის აღმსარებლობით კუთვნილებაზე.
2. ეთხოვოს იუზერ KAIROS-ს, მეტი ზომიერება გამოიჩინოს სხვა იუზერთა აზრის კრიტიკისას.
3. ეთხოვოს შესაბამისი განყოფილების მოდერატორს (ლილიანა), თემა გაასუფთავოს თემისგარე პოსტებისაგან და გახსნას.
4. სენატი არ მიიჩნევს საჭიროდ, წესებში განსაკუთრებულად აღმსარებლობის შეურაცხყოფის გამოყოფას, რამდენადაც ზოგადად ყოველგვარი შეურაცხყოფა ამ ფორუმზე დასჯადია. (იხილე დანართი)
5. ეთხოვოს მართლმადიდებელ ფორუმ church.ge -ს მოდერატორებს, დროულად მოახდინონ რეაგირება მათ განყოფილებაში არსებულ დარღვევებზე და იმოქმედონ ფორუმის წესების შესაბამისად.
6. სამომავლოდ, ზედმეტი საჩივრებისა და განაწყენების თავიდან აცილების მიზნით, თემასთან დაკავშირებული უკმაყოფილების მიზეზების თაობაზე, იუზერებმა საკითხი თავდაპირველად გაარკვიონ მოდერატორთან, ხოლო ამის შემდეგ გაასაჩივრონ მიღებული გადაწყვეტილება სენატში.
7. ეთხოვოს admin-ს დაამტკიცოს სენატის გადაწყვეტილება.

სენატის თავმჯდომარე,
k@the




დანართი.
ამონარიდი ფორუმის წესებიდან:

თავი 5. პოსტის გამოქვეყნება

მუხლი 14. პოსტის გამოქვეყნების წესი
1. პოსტი უნდა იქნეს დაწერილი გასაგებად და მკაფიოდ, არ უნდა ეწინააღმდეგებოდეს მართლმადიდებლურ სწავლებას.
2. პოსტი უნდა შეესაბამებოდეს თემის შინაარსს.
3. დაუშვებელია თემისგარეთა პოსტები (ე.წ. "ოფტოპიკი"), ლაყბობა (ე.წ. "ჩეთი") ან თემიდან სხვაგვარი გადახვევა.
4. დაუშვებელია შეურაცხყოფა, გადაკიდება და განკითხვა.