IPB

სტუმარს სალამი ( შესვლა | დარეგისტრირება )

საეკლესიო ბიბლიოთეკა

16 გვერდი V < 1 2 3 4 5 > »   
Reply to this topicStart new topic
> მხატვრული ენის გენიალურობა, ლამაზი შედარებები
ninela
პოსტი Apr 21 2008, 03:58 PM
პოსტი #41


Newbie
*

ჯგუფი: Members
პოსტები: 52
რეგისტრ.: 10-April 08
წევრი № 4,527



ქართული ენა
ლადო ასათიანი
საქართველოს მთებში გაგაჩინა ზენამ,

სიყვარულის, ლექსის, სადღეგრძელოს ენავ!

მოიმღერა დღემდის უძველესმა ტომმა

შლეგი ჩანჩქერების ნაპრალებზე ხლტომა,

მყინვარების ღვთიურ ბრწყინვალებით დნობა,

ჯაგნარებში ირმის ჯოგის ნავარდობა,

გაფანტული ფარის მთაზე დაჯანღება

და ქართული ფარის ფარზე დაჯახება!

უძველესმა ტომმა დღემდის მოიმღერა,

მწიფე პურის ყანა ქარში როგორ ღელავს,

სარკინეთში გრდემლზე როგორ სცემენ უროს

და ვარსკვლავი ზღვებზე როგორ მოგზაურობს,

ან მთვარიან ღამით ციხე-კოშკის ჩრდილში

რა ტკბილია ფარულ სიყვარულის შიში,

როცა ღამისმთევლებს ლხინი გაუმართავთ

და სიზმრები როცა თვლემენ სასთუმალთან…

საქართველოს მთებში გაგაჩინა ზენამ,

ხმათა ხავერდების და ღმერთების ენავ!
რაც შეეხება დოჩანაშვილს ამგვარ შედარებებს და მხატვრულად გამოსახვას ის უფრო რომელიმე პერსონაჟის განქიქების მიზნით იყენებს"განს მდგომი შუაკაცი"-" მსხვილკუპიურიანი ხელის სილამაზე დააგდო"


g.gif


--------------------
"რაკი განგებამ კოსმოსურ უსასრულობაში მაინცდამაინც ჩვენ გვანდო დღეს ადამიანის სახელისა და ღირსების ტარება, ჩვენც კეთილი ვინებოთ, შევიშნოვოთ ეს მართლაც უდიდესი პატივი და,რაც არ უნდა ძნელი იყოს, არ მოვიდრიკოთ მისი სიმძიმის ქვეშ!"
User is offlineProfile CardPM
Go to the top of the page
+Quote Post
ლილიანა
პოსტი Apr 21 2008, 04:12 PM
პოსტი #42


Advanced Member
***

ჯგუფი: Moderator
პოსტები: 4,439
რეგისტრ.: 18-August 06
წევრი № 78



ჩვენს ქვიშის საათს ამოუშრა მუცელი ლუწი
და ჟამი _ ხვლიკი გადაიქცა მარადისობად.
მთვარეს მოუკვდა მზის შობისას თენება უწინ
და ალიონი ჰორიზონტზე ფრენას შიშობდა
დათა გულუა
მომწონს ....


--------------------
21. შემიწყალეთ მე, შემიწყალეთ მე, ჵ მეგობარნო ჩემნო, რამეთუ ჴელი უფლისაჲ შეხებულ არს ჩემდა.
User is offlineProfile CardPM
Go to the top of the page
+Quote Post
შევრდომილი
პოსტი Apr 21 2008, 05:33 PM
პოსტი #43


მ ა გ დ ა
**

ჯგუფი: Members
პოსტები: 459
რეგისტრ.: 1-February 07
წევრი № 987



ხალხურია


ქალვ გიხდება ქამარი
ვერცხლის ღილები წელზედა
ისე ლამაზად დადიხარ
ვით წყაროს წყალი ქვებზედა


--------------------
"ღმერთო, მაღალო, შემეწიე
სასურველად მხოლოდ ის მექნას,
რაც შენკენ სავალ გზას მაჩვენებს,
შენთან მომიყვანს."
User is offlineProfile CardPM
Go to the top of the page
+Quote Post
T I K O
პოსტი Apr 21 2008, 06:29 PM
პოსტი #44


Advanced Member
***

ჯგუფი: Members
პოსტები: 2,328
რეგისტრ.: 14-January 08
წევრი № 3,632



ციტატა(შევრდომილი @ Apr 21 2008, 04:33 PM) *

ხალხურია
ქალვ გიხდება ქამარი
ვერცხლის ღილები წელზედა
ისე ლამაზად დადიხარ
ვით წყაროს წყალი ქვებზედა


ძალიან ლამაზი შედარებაა smile.gif


ესეც ლადო ასათიანის ლამაზი მეტაფორა:

“მჭკნარი ფოთოლი დახვალ ამაოდ,

აქამდე არვინ არ შეგიყვარა”



ისევ ლადო, ამჯერად შედარებები:

“შენ კი ვით თოვლის თეთრი ფანტელი,

დაღუპვისაკენ მიექანები”



“დავჭკნები, როგორც დაჭკნა სუმბული,

ხევის ყვავილი, მზისკენ მზირალი”



“ისე, როგორც დაღლილ ვაჟკაცს,

მძიმედ სძინავს ციხეს”


ციტატა(KAIROS @ Apr 19 2008, 04:52 AM) *

შავით შემოსილხარ, როგორც ელეგია,
მუხლით დაცემულხარ, როგორც ანგელოსი,

ულამაზესია smile.gif


--------------------
An eye for eye only ends up making the whole world blind.
User is offlineProfile CardPM
Go to the top of the page
+Quote Post
KAIROS
პოსტი Apr 22 2008, 04:03 AM
პოსტი #45


იხარეთ!
***

ჯგუფი: საფინანსო
პოსტები: 9,492
რეგისტრ.: 9-November 06
მდებარ.: Aurea mediocritas
წევრი № 438



ციტატა
დავჭკნები, როგორც დაჭკნა სუმბული,

ხევის ყვავილი, მზისკენ მზირალი”



ვახ რა კარგია smile.gif

მადლობა თქვენ , ასე იაქტიურეთ ხოლმე smile.gif

სულ ჭილაძეს გავიძახით და მოდით ახლა ჭელიძეც ვნახოთ:

ოთარ ჭელიძე

ნაწყვეტები

......
შაურიანი წვიმა


წამლის წვეთებივით ჩემში
კირავს, აკოწიწებს ბზარებს,
წვეთებს გავუწოდე პეშვი,
როგორც წუთისოფლის მგზავრებს.

...

თითქოს გადმომასხეს წყალი,
თვალი გავახილე მაშინ...
ასე იაფია წამით
თავის დავიწყება ხალხში?

1960

.............................


ვეფხის ბალადა

შეიშმუშნა ზღვის ნაპირის უდაბური მხარე;
ლერწმებიდან ნადირივით გამოვარდა მთვარე.

.......................................

კუმურდოს ტაძარი


უდაბურ ზეგანზე სადგურდება
ნგრევის და არყოფნის ნატერფალი,
ინთქმება, იქცევა, ნადგურდება
კუმურდოს უმრევლო კათედრალი.

დრო ლოდებს აგორებს ყომარივით,
გარშემო ნამსხვრევთა შრაპნელია,
და ჯვარი, აქშეულ ყორანივით,
საფლავის ბალახში ჩაფრენილა.


...............................

ჯაჭვის ხიდი

ჯაჭვის ხიდი, ჩვენი ხიდი,
ჯაჭვი რაჭა-იმერეთის,
ზედ სიცოცხლე ცეკვით მიდის
ბალღობიდან - სიბერემდის.

...

ამ ხიდიდან გავჩნდებოდი
ათი კაცის საფარავში,
რიონს ზურგზე ვახტებოდი,
როგორც ლურჯას ფაფარაშლილს.

,.....

ლამაზია smile.gif









--------------------
...მართლმადიდებლობა ყოველგვარი უკიდურესობებისგან გამიჯნული სამეუფეო გზაა. აქედან გამომდინარე, მისთვის დამახასიათებელია თავგანწირვა, მაგრამ მიუღებელია ფანატიზმი, დამახასიათებელია შემწყნარებლობა, მაგრამ მიუღებელია ფსევდოლიბერალიზმი (ყველაფრის დაშვებულობა)-
ილია II- სააღდგომო ეპისტოლე, 2008 წელი
User is offlineProfile CardPM
Go to the top of the page
+Quote Post
xornabujeli
პოსტი Apr 22 2008, 05:01 AM
პოსტი #46


giorgi
***

ჯგუფი: Members
პოსტები: 1,304
რეგისტრ.: 24-July 07
მდებარ.: Zveli Tbilisi.
წევრი № 2,509



smile.gif მიყვარს ვაჟას ეს ლექსი,მისთვის დამახასიათებელი ბუნების დიდი სიყვარულით,ბუნების ეს დიდი მესაიდუმლე როგორ ლამაზად უმღერს გაზაფხულს,ბუნებას.

გაზაფხული

ბუნებამ გამოიღვიძა,
ადგა, გაცოცხლდა მკვდარია...
ძლივს საამური დამეცა
ცივი ციური ცვარია.

თოვლი დამდნარა მთაზედა,
ხევებზე მოჰყეფს ღვარია,
აქეთ არაგვი აყვირდა,
იქით ბანს აძლევს მტკვარია


-გაზაფხულისთვის დამახასიათებელ მთავარ თვისების,ანუ სიცოცხლის მინიჭებას ყოველი არსებისათვის,მხატვრულად გადმოგვცემს იოსებ გრიშაშვილი, ლექსით "გაზაფხული".

გაზაფხული


აგერ ნუში, ჩვენს ბაღჩაში
რომ დგას ასე ობლად, კენტად,
გაზაფხულმა გააცოცხლა,
ყვავილებით გადაპენტა.

იამ გული გადუშალა,
მზის სხივებს და ჭრელ პეპელას,
ჩვენ კი მიწა სამუშაოდ
მოგვიწოდებს ყველას, ყველას!

ჰა, მერცხლებიც დაგვიბრუნდნენ,
გაახარეს ხალხის გული!
რა კარგია ყინვის შემდეგ
თვალჟუჟუნა გაზაფხული
!



-და კიდევ, ტიციანის ეს ლექსი,რომელიც მრავლისმომცველია თავისი შინაარსით...

ტიციან ტაბიძე
ლექსი მეწყერი



მე არ ვწერ ლექსებს... ლექსი თვითონ მწერს,
ჩემი სიცოცხლე ამ ლექსს თან ახლავს.
ლექსს მე ვუწოდებ მოვარდნილ მეწყერს,
რომ გაგიტანს და ცოცხლად დაგმარხავს.

მე დავიბადე აპრილის თვეში,
ვაშლების გაშლილ ყვავილებიდან,
მაწვიმს სითეთრე და წვიმის თქეში
მოდის ცრემლებად ჩემს თვალებიდან.

აქედან ვიცი, მე რომ მოვკვდები,
ამ ლექსს რომ ვამბობ, ესეც დარჩება,
ერთ პოეტს მაინც გულზე მოხვდება
და ეს ეყოფა გამოსარჩლებად.

იტყვიან ასე: იყო საწყალი,
ორპირის ფშანზე გაზრდილი ბიჭი.
ლექსები იყო მისი საგზალი,
არ მოუცვლია ერთი ნაბიჯი.

და აწვალებდა მას სიკვდილამდე
ქართული ცა და ქართული მიწა,
ბედნიერებას მას უმალავდნენ,
ბედნიერება მან ლექსებს მისცა.

მე არ ვწერ ლექსებს... ლექსი თვითონ მწერს,
ჩემი სიცოცხლე ამ ლექსს თან ახლავს.
ლექსს მე ვუწოდებ მოვარდნილ მეწყერს,
რომ გაგიტანს და ცოცხლად დაგმარხავს.

1927

-დავით გურამიშვილის "დავითიანიდან" ავტოპორტრეტზე წარწერილი ლექსი:

დავითიანი


ეს კაცი ასე ილოცავს



ღმერთო, მაჩვენე ყანები
ამ სარწყავთ მონაყვანები;
ღმერთო, დამასწარ ზაფხულსა,
ფქვილს ამ წისქვილზედ დაფქულსა.

ყოვლად წმინდაო, დამადევ
წყლულზედ წამალი სამთელი,
შემაძლებინე აღვანთო
მე შენს სახელზე სანთელი
.


-ვეტრფი ბესიკის ამ ლექსს,რომელსაც დღესაც ბევრი ალბათ სიამოვნებით გაიხსენებს...

ბესიკი

ტანო ტატანო


ტანო ტატანო, გულწამტანო,
უცხოდ მარებო!
ზილფო, კავებო, მომკლავებო,
ვერსაკარებო,
წარბ-წამწამ-თვალნო, მისათვალნო,
შემაზარებო,
ძოწ-ლალ-ბაგეო, დამდაგეო,
სულთწამარებო,
პირო მთვარეო, მომიგონე
მზისა დარებო!
თვალთა ნარგისი, დამდაგისი,
შეგშვენის მწველად,
ყელსა ბროლისა, უტოლებსა,
გველი გყვა მცველად,
გეხსნეს ხალები, მაკრძალები,
ამარტის ველად,
ნარინჯნი ორნი, ტოლნი, სწორნი,
მიქმოდენ ხელად,
მიწვევენ შენად შესამკობლად,
დამამწარებო!
ალვაო, გესხნეს ორნი ნორჩნი
მოსარხეველნი,
ზარიფსა წელსა დაეკვირნეს
ქვეყანად მვლელნი,
ოდეს გნახვიდი, შევიმატნი
ათასნი წელნი.
აწ დამლევიან ყოვლნი დღენი,
უცხო ვარებო.
ბაგემდუმრიად გიალერსებ,
ბაგეო ვარდო!
თვალთა სურიან ხილვა შენი,
კეკელა მარდო!
გულსა სწყურიან დამაშვრალსა
რას შეგაფარდო?
თუცა შენ დაგთმო, ვინღა ვპოვო,
სად გავიზარდო?
უშენოდ ხილვა არვისი მსურს,
შევიზარებო.
შენმა გონებამ მიმამსგავსა
მილეულს მთავრეს,
სიცოცხლის ნაცვლად მოვინატრი
სიკვდილსა მწარეს.
მოდით, მიჯნურნო, შემიბრალეთ,
მოვლეთ ჩემს არეს,
მკვდარი მიჯნური დამიტირეთ,
დამფალთ სამარეს!
ვაჰ, სიცოცხლეო უკუღმართო,
დანაცარებო!


და ბოლოს, ჩემთვის ერთ-ერთი საყვარელი ლექსი,რომელიც დრო და დრო შემახსენებს ხოლმე თავს.
ალექსანდრე ჭავჭავაძე
ვაჰ, დრონი, დრონი



ვაჰ, დრონი, დრონი, ნაგებნი მტკბარად,
წარილტვნენ, განჰქრნენ სიზმრებრივ ჩქარად;
მე იგივე ვარ მარად და მარად!
არ ვსდევ ჟამთა ცვლას,
მე იგივე ვარ მარად და მარად!

მოვშორდი მოყვასს, ძალს ცხოვრებისას,
არ გიკვირსთ მხედავთ კვლავცა სულმდგარად?
მე იგივე ვარ მარად და მარად!

გლახ ბედისაგან ესრეთ დასჯილი,
იმედოვნებას ვუწოდებ ფარად,
მე იგივე ვარ მარად და მარად.

იგიცა მელტვის, მიბრალეთ ამით,
უსასოდ ყოფნას სჯობს ყოფნა მკვდარად...
მე იგივე ვარ მარად და მარად.

მე ერთმან ერთგზის ერთს ვუძღვენ თავი,
მასვე ვმონებდე მტკიცედ და მყარად -
მე იგივე ვარ მარად და მარად.

თუ მასცა ჩემებრ უცავს სიმტკიცე,
ვიბრალებ რაყიფს, შვრების მომცდარად,
მე იგივე ვარ მარად და მარად.

ჰსაჯეთ: პყრობილმან უწყისა ტრფობა?
საცა გინდ ვიყო, მასთან ვარ მარად,
მე იგივე ვარ მარად და მარად!
არ ვსდევ ჟამთა ცვლას,
მე იგივე ვარ მარად და მარად!




--------------------
"Nosce te ipsum – შეიცან თავი შენი."
----------------------------------------------
"აქა ვდგავარ და სხვაგვარად არ ძალმიძს."

''მთავარში - ერთობა, სადაოში - თავისუფლება, მაგრამ ყველაფერში - სიყვარული!

''მოგვეცი ძალა უფალო,რათა უმადურობით არ განგეშოროთ! ამინ!"
----------------------------------------------------------------------------------------------------------------------------
"Lord Jesus, I believe you are the Son of God. Thank you for dying on the cross for my sins. Please forgive my sins and give me the gift of eternal life. I ask you in to my life and heart to be my Lord and Savior. I want to serve you always."
User is offlineProfile CardPM
Go to the top of the page
+Quote Post
T I K O
პოსტი Apr 23 2008, 05:38 PM
პოსტი #47


Advanced Member
***

ჯგუფი: Members
პოსტები: 2,328
რეგისტრ.: 14-January 08
წევრი № 3,632



ქართული პოეზია ამოუწურავია ულამაზესი შედარებების, მეტაფორების, განპიროვნების და ა.შ მაგალითებით smile.gif


გიორგი ლეონიძე:

"სთქვი, მეწისქვილევ, ერთი ზღაპარი.

სთქვი ნაღვლიანი ძველი ქართლივით.."




მუხრან მაჭავარიანი:

"...ამაოდ ებრძვის თვალი ჩემი სევდის საბურველს,

წრიალებს აწმყო, როგორც მწერი ობობას ქსელში;

რაც იყო უწინ, კიდეც მსურს და არც მსურს დაბრუნდეს...

ნისლივით აწევს სოფელს სევდა უმსუბუქესი.
"



მიხეილ ქვლივიძე:

"..ვაპირებ ცხოვრებას და აღარ დამადგა

საშველი, — თადარიგს თავი ვერ გავართვი,

შაქარყინულივით თითებში ჩამადნა

ბავშვობის სიტკბო და სიმწიფის ლაზათი..
"



გოდერძი ჩოხელი:

სევდა ზღვა არის,

იდუმალი და უნაპირო,

გულ-გონებაში ჩამომდგარი ჩუმი მთა არი,

მზის ჩასვლის მერე დარჩენილი

თალხი ნაგრილი.


მზე იწურება მთების იქით, მიმწუხრი დგება,

გულში კი სევდა საღამოვდება,

დგას ბნელი ღამე,

იდუმალი და თავდახრილი...


გაივლის ჟამი,

მთის იქიდან ამოვა მთვარე

და ამ სევდიან ღამეებში ისე ჩადგება,

როგორც ნაზამთრალ თალხ ტყეებში

თეთრი აპრილი.


--------------------
An eye for eye only ends up making the whole world blind.
User is offlineProfile CardPM
Go to the top of the page
+Quote Post
iisperiTOVLI
პოსტი May 6 2008, 10:07 PM
პოსტი #48


Advanced Member
***

ჯგუფი: Members
პოსტები: 2,989
რეგისტრ.: 25-April 08
წევრი № 4,650



[code][quote]
:) მდიდარი ენა გვაქვს,ღვთის მადლი არის დავანებული...
[size=2]გრიგოლ ორბელიანი
წინანდლის ვარდო, სულითა ტრედო, გულითა წმინდავ,ვით მთისა წყარო! ვითა ცისკარი, ხარ მოცინარი, რომე მხილველის გული ახარო.
იმხიარულე, ვიდრე სიცოცხლე შენი მშვენივრებს, ვით ყვავილთ ჯაჭვი; ვიდრემდის შენ ზე დაგნათის, ვით მზე, სიჭაბუკისა ნათელ ვარსკვლავი!
..............ღიმილით გევხარ მაისის დღესა...:
გივი ძნელაძე
[color=#6600CC]მეხუთე დღეა ამდენ ხალხში დაგეძებ ისე_ ვ%E
User is offlineProfile CardPM
Go to the top of the page
+Quote Post
iisperiTOVLI
პოსტი May 7 2008, 02:40 AM
პოსტი #49


Advanced Member
***

ჯგუფი: Members
პოსტები: 2,989
რეგისტრ.: 25-April 08
წევრი № 4,650



ვითა პეპელას ყვავილებში დაეძებს ბავშვი...... და როცა შენს მსგავსს უცაბედად თვალს მოვკრავ ვისმეს,_ ცეცხლივით ცხელი ჟრუანტელი დამივლის ტანში.. (ლექსივით დავწერე და მოთხრობასავით მოვიდა.. oops.gif )


--------------------
ჩემი ნაბიჯები წარმართე შენი სიტყვით და ნუ გააბატონებ ჩემზე ნურავითარ ბოროტს..
ნახე,სახიფათო გზაზე ხომ არ ვდგავარ და წამიძეხი მარადიულ გზაზე..
და ნუ შეხვალ სამართალში შენს მორჩილთან,რადგან ვერ გამართლდება შენს წინაშე ვერც ერთი არსება.


********************************************************************************
*

ლოდი,რომელი შეურაცხჰყვეს მაშენებელთა ესე იქმნა თავკიდეთა..
User is offlineProfile CardPM
Go to the top of the page
+Quote Post
KAIROS
პოსტი May 7 2008, 02:54 AM
პოსტი #50


იხარეთ!
***

ჯგუფი: საფინანსო
პოსტები: 9,492
რეგისტრ.: 9-November 06
მდებარ.: Aurea mediocritas
წევრი № 438



იისფერი თოვლი და თიკო, მართლა ლამაზებია smile.gif
ხორნაბუჯელი, კაცო, ეგ ლექსები პოეზიაში დადე, აქ მხოლოდ შედარებები და მხოლოდ ნაწყვეტები , თორემ მოდერატორის რისხვას დავიტეხთ biggrin.gif


--------------------
...მართლმადიდებლობა ყოველგვარი უკიდურესობებისგან გამიჯნული სამეუფეო გზაა. აქედან გამომდინარე, მისთვის დამახასიათებელია თავგანწირვა, მაგრამ მიუღებელია ფანატიზმი, დამახასიათებელია შემწყნარებლობა, მაგრამ მიუღებელია ფსევდოლიბერალიზმი (ყველაფრის დაშვებულობა)-
ილია II- სააღდგომო ეპისტოლე, 2008 წელი
User is offlineProfile CardPM
Go to the top of the page
+Quote Post
abo
პოსტი May 7 2008, 03:33 AM
პოსტი #51


Advanced Member
***

ჯგუფი: Members
პოსტები: 3,533
რეგისტრ.: 20-March 07
წევრი № 1,441



ალბათ თვითონ ღმერთი ირჩევს – უცნაური რამეა,
ქრისტეშობა თითქმის მუდამ საოცარი ღამეა.
დეკემბერი დააჭენებს, ყინვით ნახატ ეტლებსა,
ამ ღამით ხომ წამებული ქრისტე იშვა ბეთლემსა.

სუცხოოა, გაგრძელება კიდევ უკეთესი


--------------------
არ გაიწვრთნების სამი რამ: მგელი, არწივი, კაი ყმა.
User is offlineProfile CardPM
Go to the top of the page
+Quote Post
T I K O
პოსტი May 7 2008, 11:28 AM
პოსტი #52


Advanced Member
***

ჯგუფი: Members
პოსტები: 2,328
რეგისტრ.: 14-January 08
წევრი № 3,632



KAIROS madlioba.gif


ნახეთ, რა კარგი შედარებებია და განპიროვნების როგორი მაგალითები ბოდლერის ამ ნაწყვეტებში smile.gif უფრო სწორად ბოდლერის თარგმანში. სამწუხაროდ, ორიგინალის წაკითხვა არ შემიძლია.


მზე

"...და როცა ეს მზე, ვით პოეტი, ქალაქში ჩადის,

ის ასხვაფერებს არსს უბნელეს მწიკვლის და ზადის,


და ვით უხმოდ და უამალოდ მავალი მეფე -

ყოველ დარბაზში შეაბიჯებს, შუქმოიეფე."




დღის დასასრული


”ბინდბუნდ ნათელში, რაც კი აქვს ძალა,

მირბის, მიცეკვავს, მიიკლაკნება

ცხოვრება - ურცხვი, ბრმა და მყვირალა...”



--------------------
An eye for eye only ends up making the whole world blind.
User is offlineProfile CardPM
Go to the top of the page
+Quote Post
iisperiTOVLI
პოსტი May 7 2008, 08:09 PM
პოსტი #53


Advanced Member
***

ჯგუფი: Members
პოსტები: 2,989
რეგისტრ.: 25-April 08
წევრი № 4,650



შენი თვალები-მაღლები-

samxretis zgvebis peria,

kbilebi_tetri dzaglebi_

მიღრენენ არაფერია.. **გალაკტიონი***


--------------------
ჩემი ნაბიჯები წარმართე შენი სიტყვით და ნუ გააბატონებ ჩემზე ნურავითარ ბოროტს..
ნახე,სახიფათო გზაზე ხომ არ ვდგავარ და წამიძეხი მარადიულ გზაზე..
და ნუ შეხვალ სამართალში შენს მორჩილთან,რადგან ვერ გამართლდება შენს წინაშე ვერც ერთი არსება.


********************************************************************************
*

ლოდი,რომელი შეურაცხჰყვეს მაშენებელთა ესე იქმნა თავკიდეთა..
User is offlineProfile CardPM
Go to the top of the page
+Quote Post
KAIROS
პოსტი May 8 2008, 10:02 PM
პოსტი #54


იხარეთ!
***

ჯგუფი: საფინანსო
პოსტები: 9,492
რეგისტრ.: 9-November 06
მდებარ.: Aurea mediocritas
წევრი № 438



ციტატა
გალაკტიონი

ამ გენიას რა ამოწურავს?


ერთი თვის უკან დავიწყე და იქვე დავამატე

ციტატა
გაგრძელება უსაზღვროდაა smile.gif


ხოდა ისევ ამ უსაზღვროებიდან გავიხსენოთ რამოდენიმე :

მერი

შენ ჯვარს იწერდი იმ ღამეს, მერი!
მერი, იმ ღამეს მაგ თვალთა კვდომა,
სანდომიან ცის ელვა და ფერი
მწუხარე იყო, ვით შემოდგომა!

აფეთქებული და მოცახცახე
იწოდა ნათელ ალთა კრებული,
მაგრამ სანთლებზე უფრო ეგ სახე
იყო იდუმალ გაფითრებული.

...

ასე მწუხარე ვიდექი დიდხანს
და ჩემს წინ შავი, სწორი ვერხვები
აშრიალებდნენ ფოთლებს ბნელხმიანს,
როგორც გაფრენილ არწივის ფრთები.

...

ქარი და წვიმის წვეთები ხშირი
წყდებოდნენ, როგორც მწყდებოდა გული
და მე ავტირდი - ვით მეფე ლირი,
ლირი, ყველასგან მიტოვებული.

...........................................................

ძალიან მმმაგარია smile.gif

აი კიდევ , ნახეთ რაა... რა შედარება, რა რიტმიკა, თუ რითმი...



მთვრალია ყოფნით, მთვრალია ცეცხლით

ვარდების ფენით ტრიალებს ჟინი,
მთვრალი ვარ შენით, მთვრალია ლხინი.
ოცნებას შვენი, ვით ლოცვა შენი,
შოპენი, ვერდი და პაგანინი.

პოეტის ახლოს გედება ალი,
იგი, უსახლო, გიცქერის მკრთალი,
მთვრალია ყოფნით, მთვრალია ცეცხლით
და მაინც ღვინით ჰგონიათ მთვრალი.


..........................................................

და ცოტა პატრიოტისტული შედარებებიც ( დღევანდელი სიტუაციიდან გაომდინარე)

მზე ჩაჰქრება ყველა სისხლისმწოვლისა,
მზე ამოვა ყველა დაჩაგრულისა,
წამლად იქნას ყოველ დაჭრილ გულისა:
გამარჯვება, უპირველეს ყოვლისა!

...........................................................................

იხარეთ;

კაიროსი!





--------------------
...მართლმადიდებლობა ყოველგვარი უკიდურესობებისგან გამიჯნული სამეუფეო გზაა. აქედან გამომდინარე, მისთვის დამახასიათებელია თავგანწირვა, მაგრამ მიუღებელია ფანატიზმი, დამახასიათებელია შემწყნარებლობა, მაგრამ მიუღებელია ფსევდოლიბერალიზმი (ყველაფრის დაშვებულობა)-
ილია II- სააღდგომო ეპისტოლე, 2008 წელი
User is offlineProfile CardPM
Go to the top of the page
+Quote Post
tinka
პოსტი May 8 2008, 10:26 PM
პოსტი #55


Advanced Member
***

ჯგუფი: Members
პოსტები: 1,549
რეგისტრ.: 20-December 06
მდებარ.: უკვე თბილისი :))
წევრი № 718



მაგარი თემაა ძალიან smile.gif

ახლა დავწერ ერთს, ოღონდ აღარ მახსოვს ვისია:


ვარ მოწყენილი, ვით ზამთარში ნაზი ბეღურა
ვით შემოდგომის ღამეებში თეთრი ვერსალი
User is offlineProfile CardPM
Go to the top of the page
+Quote Post
ქეთუ
პოსტი May 9 2008, 05:52 AM
პოსტი #56


ცრემლისფერი...
***

ჯგუფი: Members
პოსტები: 2,898
რეგისტრ.: 16-December 06
მდებარ.: USA
წევრი № 698



tinka

ციტატა
ვარ მოწყენილი, ვით ზამთარში ნაზი ბეღურა
ვით შემოდგომის ღამეებში თეთრი ვერსალი


გადასარევია : )
ვალერიან გაფრინდაშვილის მაისის ტრიოლეტები : )


სავსეა ულამაზესი შედარებებით : )


"ვარ მოწყენილი, ვით ზამთარში ნაზი ბეღურა,
ვით შემოდგომის ღამეებში თეთრი ვერსალი...

შენ სილამაზეს ჩემი ტრფობა ესაფეხურა...

ვარ მოწყენილი ვით ზამთარში ნაზი ბეღურა...

მე განშორების ცივი თოვლი დიდხანს მეხურა.
ვტიროდი ხარბათ _ მარტოობით ნაალერსალი...

ვარ მოწყენილი, ვით ზამთარში ნაზი ბეღურა,
ვით შემოდგომს ღამეებში თეთრი ვერსალი...."

რა საოცრად, ლამაზად ამძაფრებს მკითხველის ემოციას...



User is offlineProfile CardPM
Go to the top of the page
+Quote Post
tinka
პოსტი May 9 2008, 06:52 PM
პოსტი #57


Advanced Member
***

ჯგუფი: Members
პოსტები: 1,549
რეგისტრ.: 20-December 06
მდებარ.: უკვე თბილისი :))
წევრი № 718



ქეთუ
მადლობა ქეთუ, რომ შემახსენე 2kiss.gif ლამაზია ძალიან



ესეც ლამაზი შედარებაა "დიდოსტატის მარჯვენადან", მომწონს:

ფაქიზი იყო შორენა, როგორც ქერუბიმის ფრთენი და სევდიანი, როგორც ყინწვისის მჭმუნვარე ანგელოსი.
ყელისმიერი ხმა ჰქონდა, ისეთი წკრიალა, როგორც ვერცხლის ეჟვნები, ხევისბერების დროშის ბუნზე შებმულნი.
ჰარილესავით რბილი და ტფილი იყო მისი ბუნება სრულიად.
User is offlineProfile CardPM
Go to the top of the page
+Quote Post
KAIROS
პოსტი May 11 2008, 04:20 AM
პოსტი #58


იხარეთ!
***

ჯგუფი: საფინანსო
პოსტები: 9,492
რეგისტრ.: 9-November 06
მდებარ.: Aurea mediocritas
წევრი № 438



ციტატა
სევდიანი, როგორც ყინწვისის მჭმუნვარე ანგელოსი.

ჩემი ავატარი smile.gif
რა ლამაზად წერდა კონსტანტინე,სკანერით გადაიღეთ და დადეთ ხალხო "ლიტერატურულ ბიბლიოთეკში",მცირე რამე ნოველები მაინც რაც არ არის ინტერნეტში smile.gif გვენატრება ძალიან...


--------------------
...მართლმადიდებლობა ყოველგვარი უკიდურესობებისგან გამიჯნული სამეუფეო გზაა. აქედან გამომდინარე, მისთვის დამახასიათებელია თავგანწირვა, მაგრამ მიუღებელია ფანატიზმი, დამახასიათებელია შემწყნარებლობა, მაგრამ მიუღებელია ფსევდოლიბერალიზმი (ყველაფრის დაშვებულობა)-
ილია II- სააღდგომო ეპისტოლე, 2008 წელი
User is offlineProfile CardPM
Go to the top of the page
+Quote Post
ქეთუ
პოსტი May 11 2008, 05:15 AM
პოსტი #59


ცრემლისფერი...
***

ჯგუფი: Members
პოსტები: 2,898
რეგისტრ.: 16-December 06
მდებარ.: USA
წევრი № 698



დღეს დიკოს ლექსებს ვკითხულობდი და smile.gif ეს თემა გამახსენდა...
ძალიან ძალიან ლამაზი და ემოციური შედარებები აქვს გაკეთებული, განსაკუთრებით ეს ლექსი "წვიმა" მიყვარს...
მოკლედ

დიანა ანფიმიადი...

წვიმა

სამი კვირაა
ჩემს ქალაქში წვიმა დასახლდა
და ფეხშიშველა კითხვის ნიშნებით დავტოპაობ
თქვენი თვალების გუბეებში
ახლა სათქმელიც დამიმოკლდა
შიშველ მუხლივით გამომიჩნდა რაღაცის შიში
სხეულზე მჭიდროდ მოხვეული სიმყუდროვიდან

................................................
გუშინ სიჩუმის პურის ჭრისას
გრძნობა გამეჭრა
და ჭრილობიდან სიმარტოვე ვერ შევიჩერე
თქვენ ხომ არ იცით
რამდენ ასეთ წვიმად დამიჯდა
სიზმრის სიჭრელე.

გული სავსეა უნაზესი სიცარიელით
და თუმცა ზურგზე დამასრისეს ჩემივე ჭერი
სიჩუმეს ვხვდები ახლადშობილ ჩვილის იერით
მე - ლოკოკინა წვიმისფერი.


სამი კვირაა
ჩამისახლდა სახსრებში წვიმა . . .. .


--------------------
"ლოცვას უდრის ზოგჯერ ფიქრი...
მოხდება ხოლმე... რაც უნდა მდგომარეობაში იყოს ტანი,
სული მაინც მუხლმოყრილია..."




"Ce n’est rien de mourir... c’est affreux de ne pas vivre!!!"
User is offlineProfile CardPM
Go to the top of the page
+Quote Post
თამარი_ცქნაფო
პოსტი May 11 2008, 04:51 PM
პოსტი #60


მე რომ მიყვარხარ, განა ისე არწივს მთა უყვარს...
***

ჯგუფი: Members
პოსტები: 15,854
რეგისტრ.: 1-November 06
მდებარ.: მწვერვალი ''დიადი ვერასოდეს''
წევრი № 362



ქეთუ
დიანას იცნობ? ქეთი ნინიძე, ნათია ნაცვლიშვილი და სხვებიც გეცოდინება smile.gif

მოდერი რომ გააოფებს რა... biggrin.gif


--------------------
''ადამიანზე გამძლეა თიხა,
მაგრამ თიხაზე გამძლეა სიტყვა,
ის შეიძლება უბრალო იყოს
და აუტანელ ტკივილად ითქვას''...
User is offlineProfile CardPM
Go to the top of the page
+Quote Post

16 გვერდი V < 1 2 3 4 5 > » 
Reply to this topicStart new topic
ამ თემას კითხულობს 1 მომხმარებელი (მათ შორის 1 სტუმარი და 0 დამალული წევრი)
0 წევრი:

 



მსუბუქი ვერსია ახლა არის: 28th March 2024 - 05:45 PM

მართლმადიდებლური არხი: ივერიონი

ფორუმის ელექტრონული ფოსტა: იმეილი