ლოცვა - სულიერი ხედვის დასაბამი პარამეტრები

[marine]

"რაც ვითხოვე, არაფერი მომცა, რაც მსურდა, ვერაფერი მივიღე, თუმცა, მივიღე ყველაფერი, რაც ნამდვილად მჭირდებოდა"

[marine]

"როცა უფალს რაღაცას ვთხოვთ, უნდა დავფიქრდეთ, ვართ თუ არა მართლები. ამიტომ ჯერ უფალს ცოდვების შენდობა უნდა ვთხოვოთ, სინანულში განვიწმინდოთ და შემდეგ შევკადროთ სათხოვარი"

[marine]

"დილის ლოცვებს ბევრად უფრო დიდი დატვირთვა აქვს, ვიდრე ჩვენ გვგონია. რადგან ყოველდღიურ ყოფაში უძლურები ვართ, დავეხმაროთ ყველა იმას, ვისი დახმარებაც გვინდა, შეგვიძლია, ლოცვით შევეწიოთ მათ"

[marine]

"შეიძლება ლოცვის სურვილი მომდინარეობდეს სიყვარულისგან, უფლისადმი სიყვარულისიგან"

/მეუფე იოანე (გამრეკელი)/

[marine]

"გულიდან გამოსულ ლოცვას უფალი შეისმენს"

[marine]

"როცა ადამიანი დილით ადგება და ლოცვას აღავლენს, სული ხარობს"

/მამა გიორგი ბეკურიშვილი/

[marine]

"ღმერთი მატერიალურის გამო არასდროს შეაწუხო, რადგან ვერც სულიერს მიიღებ და ვერც მატერიალურს."

/დეკ. გიორგი თევდორაშვილი/

[marine]

"კითხვა: როგორ ვევედრო უფალს ჩემი სანუკვარი სურვილის ასრულებაზე?

პასუხი: გადამწყვეტი მნიშვნელობა აქვს თვით სურვილს, თუ რას შესთხოვთ უფალს. ხშირად ჩვენი სურვილები ჩვენივე ცხონების საწინააღმდეგოა. ხოლო, თუ თქვენი თხოვნა სათნოა უფლისთვის, მთელი გულით სთხოვეთ მას და აუცილებლად მიიღებთ ღვთის შეწევნას."

[marine]

"კითხვა: აუცილებელია თუ არა დილისა და საღამოს ლოცვების წაკითხვა?

პასუხი: დილისა და საღამოს ლოცვების წაკითხვა ყოველი მორწმუნისთვის აუცილებელია. ეს ლოცვები სულს ამშვიდებს, ხიფათისგან იცავს ადამიანს და რაც მთავარია, უფალთან აახლოებს მას. განსაკუთრებით დაუშვებელია ლოცვების წაუკითხაობა სიზარმაცის გამო. ლოცვების შემოკლება მხოლოდ განსაკუთრებულ შემთხვევაში შეგიძლიათ. ამ ლოცვების წაკითხვა ისევე აუცილებელია ქრისტიანისთვის, როგორც ხელ-პირის დაბანა, ამიტომ, ეცადეთ ცხოვრების წესად გაიხადოთ და ლოცვები ყოველ დილა-საღამოს წაიკითხოთ."

[marine]

"კითხვა: როდის არ შეისმენს უფალი ჩვენს ლოცვას?

პასუხი: ლოცვას ფასი არ აქვს, როდესაც ის გულწრფელად არ მიემართება უფლისკენ და უგულისყუროდ არის წარმოთქმული. თავად უფალი ბრძანგებს ასეთ მლოცველთა შესახებ: „ეს ხალხი პატივს მცემს ბაგეებით, მათი გული კი შორს არის ჩემგან“.

"კითხვა: ბოლო დროს ვამჩნევ, რომ სულ მაქვს ლოცვის სურვილი – ხატის წინ, ტრანსპორტში, სამსახურში, სტუმრად ყოფნისას. ხომ არ არის ეს უფლის სახელის „ამაოსა ზედა“ მოღების ტოლფასი და ხომ არ ვცოდავ ამით?

პასუხი: ლოცვის მოთხოვნილება ადამიანს რაიმე განსაკუთრებული საბაბის გარეშეც იოლად შეიძლება გაუჩნდეს. რა სახისთაც და დოზითაც არ უნდა გამოვლინდეს ეს მოთხოვნილება, არასდროს დატოვოთ ის უყურადღებოდ. მაშინვე დაიწყეთ ლოცვა – საქმის დროს, აკეთეთ საქმე ლოცვასთან ერთად, სიარულის დროს – სიარულთან ერთად და ასე შემდეგ. სწორედ ეს არის გულიდან წამოსული ლოცვა, რომელიც უფალს ესათნოება."

[marine]

"კითხვა: როგორი ლოცვაა უფლისთვის სათნო?

პასუხი: ლოცვისას მხოლოდ კი არ უნდა ითხოვდე: „უფალო, შემეწიე, უფალო, შემიწყალე“, არამედ განუწყვეტლივ უნდა ჰმადლობდე და ადიდებდე უფალს, მაშინ გექნება სულის მშვიდობა."

"კითხვა: ითვლება თუ არა ცოდვად დილა-საღამოს ლოცვებს თუ არ წავიკითხავ დროის უქონლობის, სიზარმაცის ან სხვაგან ყოფნის გამო?

პასუხი: დილა-საღამოს ლოცვების წაუკითხაობა ცოდვად ნამდვილად გეთვლებათ, მით უმეტეს, თუკი მას სიზარმაცის გამო არ კითხულობთ. ეს ლოცვები ადამიანს უფალთან აახლოებს, სულს უმშვიდებს და ყოველგვარი ხიფათისგან იცავს. მათი წაკითხვა ისეთივე აუცილებელი პირობაა, როგორც ვთქვათ, დილით ხელ-პირის დაბანა."

[marine]

"კითხვა: ლოცვის დროს ჩემთან მოვიდნენ ახლობლები. როგორ უნდა მოვიქცე ასეთ დროს, შევწყვიტო ლოცვა და მივეგებო მათ თუ განვაგრძო ლოცვა?

პასუხი: ასეთ დროს შეწყვიტეთ ლოცვა, მიიღეთ სტუმრები, ხოლო როცა ისინი წავლენ, შემდეგ ისევ განაგრძეთ."

"კითხვა: შეიძლება თუ არა ლოცვის შემოკლება?

პასუხი: ლოცვის კანონის აღსრულების დამაბრკოლებელი ვითარება ბევრნაირია: უძლურება, ფიზიკური გადაღლილობა, შემთხვევითი სტუმარი, მგზავრობის უხერხულობა და სხვა. ამას ყველაფერს ანგარიში უნდა გაეწიოს და შეიძლება, ლოცვის კანონი შეგნებულად შეიკვეცოს. თუმცა უნდა მოვერიდოთ საკუთარი თავისთვის შეღავათის მიცემას, რათა არ გამოვიწვიოთ სინდისის ქენჯნა, რომ მეტი შეგვეძლო და არ გავაკეთეთ."

[marine]

"კითხვა: სნეულების გამო არ მაქვს ეკლესიაში სიარულის ფიზიკური უნარი. შეიძლება თუ არა, სახლში წაკითხულმა ლოცვებმა შეცვალოს წირვა-ლოცვაზე დასწრება და მართლმადიდებლური წეს-ჩვეულებები?

პასუხი: საეკლესიო ლოცვებს ვერანაირი სხვა ლოცვები ვერ შეცვლის. მაგრამ, რადგან ფიზიკური უძლურების გამო ვერ მიდიხართ ტაძარში, ილოცეთ სახლში და ეცადეთ წელიწადში რამდენჯერმე თქვენს ბინაში მოახერხოთ მოძღვრის მიყვანა, რათა უთხრათ აღსარება და ეზიაროთ."

"კითხვა: ზოგჯერ უგულისყუროდ ვლოცულობ, მეტანიასაც მექანიკურად ვასრულებ. შეიწირავს თუ არა უფალი ასეთ ლოცვას?

პასუხი: მთავარი მეტანია და ლოცვა კი არ არის, არამედ, უფლის წინაშე გონებისა და გულის ამაღლება. შესაძლოა, ყველა ლოცვა დაიზუთხო და მეტანიებიც შეასრულო, მაგრამ, უფალი არ გახსოვდეს; შესაბამისად, ეს გამოვა ლოცვის კანონის ულოცველად შესრულება, ანუ, ლოცვა, რომელსაც უფალი არ შეისმენს."

[marine]

"კითხვა: რატომ უჭირს ადამიანს ლოცვისა და გარჯის მიმართ განწყობის შექმნა?

პასუხი: როგორც წმიდა იოანე კრონშტადტელი გვმოძღვრავს, ლოცვის და, საერთოდ, ღვთისა და მოყვასისთვის გარჯის დაზარება იწყება ადამიანის სტომაქიდან, რომელიც ყოველდღიურად მსუყედ იკვებება."

"კითხვა: ხშირად წამიკითხავს საეკლესიო ლიტერატურაში, რომ ადამიანი განუწყვეტლივ უნდა ლოცულობდეს. რა იგულისხმება ამაში?

პასუხი: თანამედროვე პერიოდში, საერო პირისთვის განუწყვეტელი ლოცვა არ ნიშნავს, რომ მუდმივად ლოცვებსა და ფსალმუნებს კითხულობდეს, – ეს შეუძლებელია. განუწყვეტელი ლოცვა ნიშნავს, რომ, რა საქმესაც არ უნდა ვიწყებდეთ, ჩვენი გონება და გული უნდა მივმართოთ უფლისკენ და მას ვთხოვოთ წყალობა და შემწეობა."

[marine]

"კითხვა: რატომ არის ზოგიერთი ლოცვა „დაუჯდომელი?“

პასუხი: თვითონ სახელწოდება „დაუჯდომელი ლოცვა“ ლოცვის ძალას და განსაკუთრებულებას გულისხმობს. დაუჯდომელი ლოცვები ძლიერი ლოცვებია და როდესაც მათ წარმოვთქვამთ განსაკუთრებით ყურადღებით და ფხიზლად უნდა ვიყოთ, არ უნდა მოვდუნდეთ და მთლიანად ლოცვისკენ უნდა ვიყოთ მიმართული. ხოლო თუ ადამიანი ჯანმრთელია, სიფხიზლე გულისხმობს, რომ მუხლი არ მოხაროს, ანუ არ დაჯდეს. დაუჯდომელ ლოცვებში განსაკუთრებულად არის წარმოჩენილი ვედრება იმ წმიდანებისადმი, რომლებისთვისაც ეს ლოცვებია დაწერილი. მორწმუნეები ამ ლოცვებს განსაკუთრებულ შემთხვევებში, სიხარულის ან განსაცდელის დროს კითხულობენ, რადგან მათ დიდი ძალა აქვთ."

[marine]

"კითხვა: როგორია ჭეშმარიტი ლოცვა?

პასუხი: ამის პასუხად გთავაზობთ წმიდა ნიკოლოზ სერბის ნააზრევს: „ჭეშმარიტი ლოცვა ყოველთვის არის სიკვდილთან ბრძოლა და სიკვდილის უარყოფა. ჭეშმარიტი ლოცვა ყოველთვის სიცოცხლისთვის ბრძოლა და სიცოცხლის დამტკიცებაა. თუკი ლოცვის შემდგომ საკუთარ თავში ჩაიხედავ და კვლავ წინანდელ სიკვდილის შიშს დაინახავ, იცოდე: შენი ლოცვა ჭეშმარიტი არ იყო. მაცხოვარმა ჯერ კიდევ ჯვარცმამდე დაამარცხა სიკვდილი, როდესაც გეთსემანიის ბაღში ლოცულობდა“.

[marine]

"კითხვა: უფალი ადამიანის თხოვნის შემსმენელია, მაგრამ რატომ არ უსრულდება ქრისტიანულად მცხოვრებ ადამიანს სათხოვარი?

პასუხი: უფლის ნებით „ლოცვა მართლისა შეისმინების“. როცა რამეს ვთხოვთ უფალს, უნდა დავუფიქრდეთ და გავაანალიზოთ, რამდენად მართლები ვართ. ამიტომ უფალს ჯერ ჩვენი ცოდვების შენდობა ვთხოვოთ, მოვინანიოთ და მერე შევკადროთ სათხოვარი. უფალმა თავად უკეთ იცის, რა გვჭირდება და იმას მოგვცემს, თუმცა ხშირად ადამიანი, რომელიც უფალს რაღაცას შესთხოვს, ამაზე არ ფიქრობს. რაც შეეხება იმას, რომ ქრისტიან ადამიანს არ ელევა უფლის მიმართ სათხოვარი, ყოველი მოკვდავი იღვწის საკუთარი თავისა და ახლობლების სიკეთისთვის, ჯანმრთელობისთვის და უფალთან მიახლოებისთვის. ეს ყოველდღიური პროცესია და სათხოვარიც ამიტომ არ ილევა. შესთხოვეთ უფალს მთელი გულით, იყავით კეთილნი და მშვიდნი და ღმერთი შეგეწევათ."

[marine]

"კითხვა: როგორ უნდა მოიქცეს ადამიანი, თუ ლოცვის დროს ცოდვილი ფიქრები თავს არ ანებებს?

პასუხი: ეკლესიის მამები ასეთ შემთხვევაში ორგვარ რჩევას აძლევენ ადამიანს: ან არ შეწყვიტონ ლოცვა და მთელი გულისყურით ჩაუღრმავდნენ იმ სიტყვებს, რითაც ლოცვას წარმოთქვამენ, ან შეწყვიტონ ლოცვა, მოიკრიბონ მთელი ნებისყოფა, შეევედრონ უფალს, რომ განარიდოს უსიამოვნო აზრებს და მცირე ხნის შემდეგ განაგრძონ ლოცვა."

[marine]

"ლოცვას ნამდვილად ყველა დაავადებისაგან კურნების ძალა აქვს"

[marine]

"ლოცვა ორგანიზმის ჯანმრთელობაზე უდიდეს გავლენას ახდენს"