მონოზონნი(სამონაზვნო წესით ცხოვრება), რაოდენ დიდი ყოფილა მონაზვნობის პატივი... პარამეტრები

[marine]

„ბერმა „პატერიკი“ უსიტყვოდ აიღო, აუჩქარებლად გადაშალა და კითხვა დაიწყო: „ძმები მამა აღათონს შეეკითხნენ: „მამაო, მონაზვნური სათნოებებიდან უმეტეს ღვაწლს რომელი მოითხოვს?“ მან უპასუხა: „ბოდიშს გიხდით, მაგრამ ვფიქრობ, რომ ღმერთის მიმართ ლოცვაზე მეტი ღვაწლი არ არსებობს. რადგან ყოველთვის, როდესაც ადამიანი ლოცვისათვის ემზადება, მტრები ძალას არ იშურებენ, რომ მას ამ საქმეზე ხელი ააღებინონ - იციან, მათი მიზნების განხორციელებისათვის უდიდეს წინააღმდეგობას სწორედ ღმერთისადმი ლოცვა წარმოადგენს. როგორი ცხოვრების წესითაც უნდა ცხოვრობდეს ადამიანი, ის მოთმინებაში პოულობს სიმშვიდეს. ლოცვა კი ბოლო ამოსუნთქვამდე ბრძოლას გულისხმობს“.

[marine]

“უწმინდესი [ილია II] - მისაბაძია ბერ-მონოზვნისა”

[marine]

„როდესაც ჩვენს მოძღვარს ბავშვური მიამიტობით ამა თუ იმ მაღალ თეორიებზე ვეკითხებოდით, გვეუბნებოდა: „ამაზე ნურც ფიქრობთ და ნურც მსჯელობთ, არამედ იმისთვის გაისარჯეთ, რომ მოთმინება და სიმდაბლე, სიყვარული და ძვირუხსენებლობა შეიძინოთ, რადგან ესენია, რაც კაცს მონაზონს ხდის“.

/ბერი იოსებ ვატოპედელი/

[marine]

„იმისათვის, რომ დედათა მონასტერი წარემატოს, უნდა ჰყავდეს გამოცდილი სულიერი მოძღვარი“

[marine]

„თევზები წყლის უკმარისობისაგან კვდებიან; ასევე კვდებიან მოსაგრის გულში ღვთისგან დაბადებული სულიერი მოძრაობები, როდესაც მოსაგრე ხშირად ცხოვრობს ერში და ერისკაცებთან აქვს ურთიერთობა“.

/წმ. ისააკ ასური/

[marine]

„ქსეროკალივა - (ბერძ. „მშრალი კალივა, ქოხი“) მონაზვნის საცხოვრებელი პატარა სახლი, რომელსაც ეკლესია არ აქვს“.

[marine]

„ჩვენმა ქალბატონმა, დედოფალმა ღმრთისმშობელმა, ამ წმინდა ადგილის [ათონის მთა] მზრუნველმა, ადრიანად წაიყვანა იგი [ბერი ელპიდე] ჭეშმარიტ განსასვენებელში, მართალთა სამყოფელში, სადაც მისი ღვიძლი ძმა, ღირსმოწამე ფილუმენი ელოდა და უხმობდა: „მოდი, ძმაო, როგორც მონაზვნობაში ვიღვაწეთ ერთად, გასამრჯელოც ერთად მივიღოთ. ამინ“.

[marine]

„მონაზვნებისათვის რომლებიც საზოგადოების გვერდით ცხოვრობენ, წმინდა მთის ბერების ბრძოლის ძალა და მათზე სატანის მიერ განხორციელებული თავდასხმების სიმწვავე გაუგებარია“.

[marine]

“არამართლმადიდებელთა მონაზვნობა ეყრდნობა მხოლოდ გარეგნულ საქმიანობას და არა შინაგან მოღვაწეობას, “გულის სიღრმის“ მოძიებას, გონებისა და გულის შეერთებას. ამიტომაც, თუ სურთ სულიერ მდგომარეობას მიაღწიონ, მართლმადიდებლური ნათლობა უნდა მიიღონ, რაც სწორი დოგმატებისა და სწორი ცხოვრების საფუძველია“.

/ბერი იოსებ ვატოპედელი/

[marine]

„მადლით სავსე და მორჩილების მუშაკი მონაზონი“

[marine]

„შვიდი წლის მარიამს [ნეტარი იღუმენია მაკრინე] საოცარი გამოცხადებით უფალმა მონაზნობისკენ მოუწოდა. ერთხელ, ტრიალ მინდორში, თამაშისას, უცებ გოგონა დაფიქრდა და თანატოლებს ჰკითხა, - როგორ მივუახლოვდე უფალსო. ბავშვებმა ვერ უპასუხეს. მაშინ მარიამმა გულუბრყვილობით შესთავაზა მეგობრებს, ერთმანეთზე დაედგათ მაგიდები და სკამები, რომ ღმერთამდე ავიდეთო. გახარებლმა ბავშვებმა ერთად იგალობეს „უფალო, შეგვიწყალენ“. მარიამს შინაგანი ხმა მონაზვნობისაკენ უხმობდა, არადა, გაგონილიც არ ჰქონდა სიტყვა „მონაზონი“ ან „ბერი“. ტირილი დაიწყო და შინ გაიქცა, ხატების კუთხეში დაიჩოქა. როდესაც დედამ გამოკითხა ტირილის მიზეზი, მან სლუკუნით უპასუხა, მონაზვნობა მინდაო. საღამოს, სამსახურიდან დაბრუნებულ ფოტიოსს ქალიშვილი რომ არ შეეგება, გაუკვირდა. ანასტასიამ მეუღლეს უამბო, რაც მოხდა. მამამ მარიამი იხმო და სამგზის ჰკითხა, იცი, რა არის მონაზვნობაო, გოგონამ მხრები აიჩეჩა. ფოტიოსი მიხვდა, რომ ეს მოწოდება ღვთისაგან იყო. თითქოს მის წინ შვიდი წლის კი არა, ზრდასრული ადამიანი იდგა, დალოცა - გისურვებ ღირსეულ მონაზვნობას, შვილო“.

[marine]

„ტიპიკარი - მონასტერში ტიპიკონის შესრულებაზე პასუხისმგებელი მონაზონი“

[marine]

“დიდი ბერები ყველგან არიან, ისინი ლოცულობენ მთელი ქვეყნიერებისთვის, თუმცა ცოტამ იცის მათ შესახებ.”

/სქემარქიმანდრიტი ვიტალი (სიდორენკო)/

[marine]

„იუდეის უდაბნოში სამონასტრო ცხოვრების დამკვიდრება IV საუკუნის II მეოთხედში ასევე უკავშირდება ასკეტ ბერს, წმინდა ხარიტონ აღმსარებელს. წმინდა მამა როდესაც იერუსალიმში სიწმინდეთა თაყვანის საცემად მიდიოდა, ყაჩაღებმა შეიპყრეს და გამოქვაბულში შეაგდეს, ხოლო თვითონ ახალი ნადავლის ხელში ჩასაგდებად წავიდნენ. მათი არყოფნისას შხამიანმა გველმა იქ მდგარი ჭურჭლიდან წყალი დალია და შხამი შიგ ჩატოვა. დაბრუნებული ყაჩაღები მოიწამლნენ, და დაიხოცნენ. წმინდა ხარიტონმა გამოქვაბულში ნაპოვნი დიდძალია განძი და ნაძარცვი ფული ღარიბების დახმარებას და ეკლესიების მშენებლობას მოახმარა. თხუთმეტი წლის მანძილზე დაარსა სამი დიდი სამონასტრო კერა: ფარანში, იეროქონში, ე.წ. ცდუნების მთაზე და ვადი-თეკოას სიახლოვეს, სუქიაში (პალავრა)“.

[marine]

„განმარტოებული ყოფნა სულიერ განძს აგროვებს, მასთან განშორება კი - სადღაც გაფანტავს მას“.

/წმ. ტიხონ ზადონელი/

[marine]

„ოჰ, მამაო, განსაცდელი შემემთხვა, რა ვქნა ახლა?! უჰ, ავად გავხდი, მეტი აღარ შემიძლია!“ - ასეთი უნდა იყოს მონაზონი?! იცით რა არის მონაზონი? თავგანწირვა, თავდადება, ცეცხლის ალი, შრომა, გარჯა! „ჰმონეთ უფალსა შიშით და უგალობდით მას ძრწოლით“.

/ბერი იოსებ ვატოპედელი/

[marine]

„მონასტერში ღმერთის „საკანონმდებლო ორგანოს“ წინამძღვარი ან სულიერი მოძღვარი წარმოადგენს. მათდამი მორჩილება მონაზონს ღმერთისადმი მორჩილებად შეერაცხება“

[marine]

“ვინც ეს სოფელი თავისი ცოდვების ტვირთის ჩამოსახსნელად დატოვა, ქალაქგარეთ საფლავებთან მჯდომარეს ემსგავსება. მან არ უნდა შეწყვიტოს მხურვალე და ცეცხლივით მწველი ცრემლი და გულის ფარული გლოვა, ვიდრე არ იხილავს იესოს, რომელიც მოვა მასთან, რათა სისასტიკე მისი გულიდან ლოდივით გადააგოროს და ლაზარეს მსგავსად შეკრული მისი გონება ცოდვის სახვევლისგან გახსნას, როდესაც უბრძანებს თავის ანგელოზებს: განხსენით ეგე ვნებათაგან (იოან. 11,44) და უტევთ, რომ ნეტარი უვნებლობის გზით ვიდოდეს. ხოლო თუ ყოველივე ასე არ მოხდა, სოფლის დატოვება ვერაფერს არგებს”.

/ღირსი იოანე სინელი/

[marine]

“რაც შეეხება მონასტერში სულიერ სიმშვიდეს, ის დიდი ბრძოლის შედეგია“

/იღუმენია ეკატერინე (სადათერაშვილი)/

[marine]

„ისიხასტი მამები - ბერ-მონაზვნები, რომლები იცავენ მდუმარების მორჩილებას“.