განკითხვა, რა არის განკითხვა?! პარამეტრები

[marine]

"მოყვასის დამამცირებელი და განმკითხველი სიტყვის მოსმენისას გაფრთხილდი, რათა სმენით სხვისი ენის ცოდვის თანამოაზრე არ გახდე. ნუ დაუდებ გულს სიტყვებს, რომლებიც განმკითხველს უფრო ავნებს, ვიდრე მას, ვინც განიკითხეს"

[marine]

"როდესაც ვინმე შენი თანდასწრებით მოყვასის განკითხვას დაიწყებს, თავი აარიდე მას. რაც უფრო სწრაფად გააკეთებ ამას, ღვთის წინაშეც და ამ ადამიანთანაც მართალი იქნები"

/წმ. ისააკ ასური/

[marine]

"თუ ძმა მოყვასს შენს წინაშე განიკითხავს, დაუფიქრდი და ნუ გააღიზიანებ მას უფრო მეტად და ნუ ეტყვი - დიახ, ეს ასეა; არამედ ან გაჩუმდი, ან უთხარი მას: მე თვითონაც ცოდვილი ვარ და სხვისი განკითხვა არ შემიძლია. - ამით საკუთარ თავსაც იხსნი და მასაც!"

/"სულიერი მარგალიტი"/

[marine]

"ცილისმწამებელსა და მის მსმენელს, - ორივეს ეშმაკი ჰყავს: ერთს - ენაზე და მეორეს - ყურებში"

[marine]

"თუ არ შეგიძლია, რომ განმკითხველი დაადუმო, მაშინ, უკიდურეს შემთხვევაში, მასთან ურთიერთობას მაინც მოერიდე"

/წმ. ისააკ ასური/

[marine]

"ნუ დაეთანხმები ცილისმწამებელს, ნუ გაერთობი მისი ავი სიტყვით; მაგრამ ნურც სიძულვილის განცდა გექნება იმის მიმართ, ვინც მოყვასს განიკითხავს".

[marine]

"ვინც მოყვასის განმკითხველ ენას განერიდება, ის თვითონაც აარიდებს თავს ავისმეტყველების მანკიერებას"

/წმ. ნილოს სინელი/

[marine]

"უფრთხილდი ცილისმწამებელს, როგორც უფრთხილდები ჭორის წყლულით დაავადებულ ადამიანს, რათა თვითონაც არ დაავადდე და არ დაიღუპო"

/წმ. ტიხონ ზადონელი/

[marine]

"ბოროტადმეტყველ კაცს განუკითხველი არაინ დარჩება, რას არ დააბრალებს იგი სხვას და რაში არ შეეპარება ეჭვი! თუ ნახა, რომ ვინმე ყოველდღე დადის ეკლესიაში და ყოველდღე ევედრება ღმერთს, იტყვის, ფარისეველიაო; თუ ნახა, რომ ყოველთვის არ დადის - ურწმუნოაო; თუ ვინმე სიმართლის თქმას ცდილობს, კაცთმოძულე არისო, კაცის სიკეთე არ სურსო; მშვიდი და მდაბალი კაცი არ მოსწონს - სუსტიაო; მტკიცე და მაგარი ხასიათის კაცზე იტყვის - სასტიკი და ფიცხელიაო, და ა.შ. ერთი სიტყვით, ყოველ კაცს დაიწუნებს, ყოველ საქმეს გაამტყუნებს, ანუ, როგორც იაკობ მოციქული გვასწავლის: "მცირე არს ენა და დიდად მაღლოის ". ნუ დაივიწყებთ, რა დიდი ცოდვაა ავად ხსენება და განკითხვა მოყვასისა და გახსოვდეთ მაცხოვრის სიტყვები: "ნამეტნავისაგან გულისა იტყვიან ბაგენი"!

/წმ. ეპისკოპოსი გაბრიელ ქიქოძე/

[marine]

"თუ გსურს, სიმშვიდე მოიპოვო ამ წუთისოფელშიც და იმქვეყნადაც, ნებისმიერ შემთხვევაში საკუთარ თავს უთხარი: "ვინ ვარ მე?" და ნურავის განიკითხავ!"

[marine]

"თუ გაურბიხარ ხალხის ჭორაობას შენი საქციელის შესახებ, მაშინ ეს საქციელი შეწყვიტე და ჭორიც აღარ იქნება!"

/წმ. ისიდორე პელუზიელი/

[marine]

"არიან ადამიანები, რომლებსაც კარგად ესმით სამყაროს მრავალი კანონისა და ჩვეულების უთანხმოება ქრისტიანულ სულთან, მაგრამ რცხვენიათ საზოგადოების წინააღმდეგ წასვლა, რცხვენიათ ღვთისმოსაობისა, მაგალითად, სხვისი თანდასწრებით პირჯვრის გადაწერისა, რომ დაცინვა არ დაიმსახურონ. მაგრამ რა არის დაცინვა? თითოეულმა ამ შემთხვევაში ასე უნდა განსაჯოს: "როდესაც დაიწყება მთელი სამყაროსთვის საშინელი სამსჯავრო, ისინი ვერ მიშველიან, რომელთა შიშითაც სათნოების საქმეებისგან თავს ვიკავებდი", - ამიტომ უმჯობესია ამ ცრუ სირცხვილის გრძნობაზე ამაღლება, უმჯობესია, ადამიანთა განკითხვის შიშის გადალახვა, რათა კადნიერება მოიპოვო მრისხანე მსაჯულის ტახტის წინაშე!"

[marine]

"გვიყვარდეს მხილება, - თუ ის არ დავიმსახურეთ, მით უფრო მშვიდად შეგვიძლია მისი მოსმენა, დაგვეხმარება, რომ შემდგომში ის არ დავიმსახურეოთ; ხოლო, თუ, საუბედუროდ დავიმსახურეთ, მაშინ გამოსწორებაში დაგვეხმარება!"

[marine]

"დიდი საქმე როდია, არ განიკითხო, ანდა თანაუგრძნო მას, ვუსაც მწუხარება აქვს და გემორჩილება; დიდი ვერაფერი საქმეა, არ განიკითხო ის, ვინც წინააღმდეგობას გიწევს, შური არ იძიო ვნებების გამო, მის განმკითხველებს არ დაეთანხმო, და გიხაროდეს მათთან ერთად, ვინც შენ განიჭებს უპირატესობას!"

/ამბა დოროთე/

[marine]

"საკუთარი თვალითაც რომ იხილო მცოდველი, ნუ განსჯი, რადგან ხშირად თვალიც მატყუარაა"

[marine]

"უფალმა მოყვასის ცოდვას ბეწვი უწოდა, განკითხვის ცოდვას კი - დირე. აი, რამდენად აღემატება "განკითხვა" სხვა ცოდვებს!"

[marine]

"რატომ არის საჭირო ცოდვათა გამო სინანული და გლოვა? - იმისთვის, რომ ადამიანის გული გახდეს ლმობიერი. ვინც ლმობიერებას მოიპოვებს, არათუ განიკითხავს მოყვასს, ვერც კი ამჩნევს ადამიანებში არსებულ ნაკლოვანებებს"

[marine]

"ადამიანი თავის ცოდვებსაც ისე რომ ხედავდეს,როგორც სხვებისას, მოყვასს არ განიკითხავდაო"

[marine]

"აბბა ისაიამ, ნახა რა ერთხელ უეცრად მცოდველი ძმა, არ განიკითხა იგი, არამედ თქვა: "თუ მისი შემოქმედი ღმერთი, ამის შემყურე, არ წვავს მას, ვინ ვარ მე, რომ ვამხილო იგი?"

[marine]

"სინანულში ჭეშმარიტად მყოფი ადამიანი, რომელიც თავის ცოდვებს გლოვობს, სხვის ცოდვებს ვერ ამჩნევს. თუ სხვის ცოდვებს ვერ ამჩნევს, არც განიკითხავს და არც განსჯის მას - მოყვასს; მას მხოლოდ საკუთარი თავი ჰყავს განსასჯელი"