"პატარა დიდები" პარამეტრები

[nini1]

აქ დავწეროთ ბავშვებისთვის

ლექსები , მოთხრობები , ზღაპრები და ა.შ ....


წვიმის კონცერტი

ბაყაყების დიდ გუბეში,
წვიმა აწყობს კონცერტს,
კარგად იცის რა დაუკრას
სულ არ უცქერს ნოტებს.

მაგრამ მაყურებლებს შორის,
გაიჟღერა პრეტენზიამ:
-როცა უკრავს ვიწუწებით,
ეს როგორი კონცერტია?!


ნატვრა

ახლა იცით რას ვნატრობ?
ბებოს რომ ვერ გაეგო
და კრუხისთვის საჩეკად
ქინდერები დამედო.

წიწილების მაგივრად
მექნებოდა რამდენი,
სათამაშო დათვი და
სათამაშო აქლემი.

ნინო ქადაგიძე

რვაფეხა

ოთხი ცალი შარვალი და
რვა ბოტასი აცვია.
მაინც მარდად მიაბიჯებს,
არ აკლია გრაცია.

კიბორჩხალა უყურებს და
მოთმინება ელევა:
- უკან-უკან რომ წავიდეს,
ფეხი არ აერევა?


მელა და კომპიუტერი

თურმე, კომპიუტერი
უყიდია მელიას.
უამისოდ, ტყეშიც კი
დღეს ცხოვრება ძნელია.

დადგა თავის სოროში,
ინტერნეტიც ჩართო და
ახლა დაღამებამდე
არ აკლია გართობა.

“ჩეთში” ესაუბრება
ლამაზ-ლამაზ ვარიკებს,
ზოგს სიყვარულს უხსნის და
ზოგსაც ჭკუას არიგებს.

გადმოწერა თამაში
“სუპერმელა ნადირობს” –
თაგუნიებს მინდორში
ბდღვირი უნდა ადინოს.

მონიტორის ცქერაში
სულ დაკარგა გონია,
“მაუსს” ისე დაჰყურებს,
მინდვრის თაგვი ჰგონია.

პირზე ნერწყვი მოადგა,
ცოტაც კიდევ ეწამა,
ბოლო-ბოლო „მაუსი“
მართლა შემოეჭამა.

ვასილ გულეური


ექიმი
მარიამ წიკლაური
კორდზე დახტის ბაჭია,
სულ თეთრები აცვია.
ექიმია, იცით, ალბათ,
აქვს ნემსები, ბინტი, ბამბა.
იოდი და წამლის აბი.
სამკურნალოდ გაუხმია
მწიფე კუნელი და სალბი.
შველის სურდოს, წითელას,
ანგინას და ხველას.
მხიარული რეცეპტებით
არჩენს თურმე ყველას.
წაგისვამს მზის მალამოს,
წყალს მოგართმევს საამოს,
ტყის ჰაერის აბებს
უხვად ჩაგაყლაპებს.
ვირუსებს და ბაცილებს
ამგვარად მოგაცილებს,
მაგრამ მისი დაჭერა
არის ისე ძნელი,
ჯობს, რომ ავად არ გახდეთ
მთელი ასი წელი!



უცნაური მხატვარი

უცნაური მხატვარია
პაწაწინა საბა,
ცხოველების ხატვით ბიჭმა,
ხელი გაიწაფა.

გაოცებით შესცქერიან,
საბას ყველა ნახატს,
ვეებერთელა ხორთუმით
დაამშვენა კატა.

მგელს, ფაფარი მიახატა,
ცხენს - კენგურუს ჩანთა,
ირმის რქები ლომს დაადგა,
ყველა სახტად დარჩა.

სახლში აურზაურია,
არ იციან რა ქნან...
საშლელმა წამოიძახა:
-გეყოთ ახლა დავა!

დაურბინა ნახატებს და
სწრაფად გადაშალა.

ნინო ქადაგიძე

[nini1]

გავაგრძელოთ პატარა დიდებისთვის წერა





ესეც ჩემი ახალი ლექსი

კვარტეტი თუ

უღრანი ტყის დიდ დარბაზში,
კონცერტს მართავს კვარტეტი,
ყვანჩალაა პირველი ხმა,
არც მეტი, არც ნაკლები.

კაჭკაჭია - მეორე და
მესამეა - მელია,
დათუნიაც ბანს დასძახის,
საქმე გამოლევია.

აფიშები გამოაკრეს,
ბილეთები გაყიდეს,
განათებაც მოაგვარეს -
ციმციმები დაკიდეს.

უხუცესმა თხუნელამ თქვა :
" - მსგავსი არსად მსმენია,
ყვანჩალაა პირველი ხმა?
აბა, რა სათქმელია?!

კვარტეტს "ყვავტეტს" თუ შეარქმევთ,
უფრო მისაღებია ! "

ნინო ქადაგიძე

ესეც ვასილ გულეურის ლექსი

ენატანია ჩიტები

როცა რაიმეს ჩავიდენ,
ვერ დავუმალავ დედიკოს.
მუდამ მიკვირდა, ნეტავი
ვინ უნდა გააგებინოს?

ჩემმა ძმამ ქილა გატეხა,
ვფიცავ, მე არ გამიცია.
ენის მიტანა დედასთვის
თურმე, ჩიტებმა იციან.

გუშინ ვიჩხუბე და დედამ
საყვედურებით ამავსო:
- ვერ დამიმალავთ ვერაფერს,
ჩიტი მომიტანს ამბავსო!

მე და ჩემს ტოლებს ფეხბურთში
როგორ მოგვიგეს დიდებმა,
თურმე დედიკოს ესეც კი
შეატყობინეს ჩიტებმა.

ზამთარში მათთვის საკვები
რამდენჯერ გამიტანია...
ნეტავ ვიცოდე, რომელი
ჩიტია ენატანია!..

[k@the]

გავაგრძელოთ პატარა დიდებისთვის წერა



ესეც ჩემი ახალი ლექსი

კვარტეტი თუ

უღრანი ტყის დიდ დარბაზში,
კონცერტს მართავს კვარტეტი,
ყვანჩალაა პირველი ხმა,
არც მეტი, არც ნაკლები.

კაჭკაჭია - მეორე და
მესამეა - მელია,
დათუნიაც ბანს დასძახის,
საქმე გამოლევია.

აფიშები გამოაკრეს,
ბილეთები გაყიდეს,
განათებაც მოაგვარეს -
ციმციმები დაკიდეს.

უხუცესმა თხუნელამ თქვა :
" - მსგავსი არსად მსმენია,
ყვანჩალაა პირველი ხმა?
აბა, რა სათქმელია?!

კვარტეტს "ყვავტეტს" თუ შეარქმევთ,
უფრო მისაღებია ! "

ნინო ქადაგიძე

ამ ლექსზე გამახსენდა ბასნია კრილოვა, მოიცათ ვნახო ინტერნეტში
ძალიან მიყვარს ეს ლექსი
Квартет

Проказница-Мартышка,
Осёл,
Козёл
Да косолапый Мишка
Затеяли сыграть Квартет.
Достали нот, баса, альта, две скрипки
И сели на лужок под липки, —
Пленять своим искусством свет.
Ударили в смычки, дерут, а толку нет.
«Стой, братцы, стой! — кричит Мартышка. —
Погодите!
Как музыке идти? Ведь вы не так сидите.
Ты с басом, Мишенька, садись против альта,
Я, прима, сяду против вторы;
Тогда пойдет уж музыка не та:
У нас запляшут лес и горы!»
Расселись, начали Квартет;
Он все-таки на лад нейдёт.
«Постойте ж, я сыскал секрет? —
Кричит Осёл, — мы, верно, уж поладим,
Коль рядом сядем».
Послушались Осла: уселись чинно в ряд;
А все-таки Квартет нейдёт на лад.
Вот пуще прежнего пошли у них разборы
И споры,
Кому и как сидеть.
Случилось Соловью на шум их прилететь.
Тут с просьбой все к нему, чтоб их решить сомненье.
«Пожалуй, — говорят, — возьми на час терпенье,
Чтобы Квартет в порядок наш привесть:
И ноты есть у нас, и инструменты есть,
Скажи лишь, как нам сесть!» —
«Чтоб музыкантом быть, так надобно уменье
И уши ваших понежней, —
Им отвечает Соловей, —
А вы, друзья, как ни садитесь;
Всё в музыканты не годитесь».

[კანონისტი]

თხუნელ, ეშმაკის კერძო,
მეტრო რად გინდა კერძო?

არ სჯობს საერთო სორო,
სოროთა პროფესორო?

[nini1]

"ტყე ბანკი "

ვასილ გულეური

ციყვმა ციკომ “ტყებანკში”
პირობები გაიგო
და კურდღელთან მივიდა,
ჭკუა რომ დაარიგოს.

- ხუთი ცალი კაკალი
შევიტანე თავიდან,
წლის ბოლოს კი აქედან
ერთ ტომარას გავიტან!

- მაშ, სტაფილოს შევიტან,
გამიმართლოს ეგება.
ერთი წელი რომ გავა,
მე ბოსტანი მერგება!


სარეცხი

ვასილ გულეური

ქარი ქრის და ახლა კაცი
არც კი გაყოფს გარეთ ცხვირს,
მაგრამ ციყვმა ციკომ ტოტზე
გადაფინა სარეცხი.

ხის ქვეშ, თურმე, დათვი იწვა.
წვეთებმა რომ იმატა
და ზედ დრუნჩზე დაეწვეთა,
ზლაზვნით წამოიმართა:

- კარგად მაინც გაგეწურა,
რომ მასველებ, რას ფიქრობ?
სხვა ადგილი ვერ მონახე,
ტოტზე რომ არ გაფინო?

- რას ბურდღუნებ, დათუნია,
შენ გგონია, ვთამაშობ?
როგორ ფიქრობ, ამდენ სარეცხს
ფუღუროში გავაშრობ?


ცელქი მკერავი

ნინო ქადაგიძე


დედამ გადამიმალა
მაკრატელი, ძაფები,
სათითე თუ ნემსები
და ფერადი ბაფთები.
არაფერი დაჭრაო,
თორემ გაილახები!
ბევრი არც მიფიქრია,
მერცხალს ვუხმე საშველად,
იმ წამს ჩემს აივანზე
გაჩნდა კუდ-მაკრატელა.
ყვავილებმა ფურცლები
მოგვაშველეს საჭრელად,
გამოჭრილი თარგები
სულ ფუტკარმა გაკერა.
ჩემს თოჯინას მოვარგეთ
ჭრელა-ჭრულა კაბები,
დედა ვერას გაიგებს
ვეღარც გავილახები !

[nini1]

ვაჟა ხორნაული

ყ ი პ ყ ი პ ე ლ ა

სად მიდის იხვი პატარა,
სახელად ყიპყიპელა?
ღიმილით მისჩერებიან
კახაბერი და ლელა...
მდინარე მონატრებია,
შუადღეა და ცხელა,
მარტო არაა,
თან მიჰყავს
წიწილა ფოთლისხელა,
მეგობრის მოყვარულია
ეს ჩვენი ყიპყიპელა

ვაჟა ხორნაული

სიცოცხლის დღესასწაული
------------------------------

იქით ვენახი შრიალებს
აქეთ წისქვილი მღერის.

ბედნიერია ფუძე
ბედნიერია ჭერი.

თორნიკე უკრავს როიალს
გაზაფხულს ხატავს ანა.

ათვალიერებს ლუკა
სასიმინდეს და მარანს.

ცოტნეს პაწია გული
გვირილასავით უცემს.

ბედნიერია ჭერი
ბედნიერია ფუძე.


ბეკეკას თავგადასავალი
--------------------------

ბეკეკა კიკინაშვილი
მოხიბლა ქორფა ბალახმა
გადაიარა მინდორი
გავიდა ხევის გადაღმა
იქ გზა აებნა შეშინდა_
მგელი შემჭამსო ამაღამ
პატრომნი ეძებს ეძახის:
"ბეკოო
სადა ხარ?სადა ხარ?"
ხმა მიაწვდინა იპოვა
უსაყვედურა ალერსით
ბეკეკას ბედნიერების
ცრემლი უბრწყინავს თვალებში
გულწრფელად ინანიებდა
ეს რა ჩერჩეტი თხა ვარო
მაგრამ დღეიდან ასე შორს
აღარასოდეს წავალო.


ძმადნაფიცები
---------------
მგლის ლეკვი და დათვის ბელი
ტყის ბილიკით მიდიან
სიჩუმე და სიგრილეა
ირგვლივ მწვანე ბინდია.

მათი ძმობა სად თქმულაო
ჭორაობენ ყვავები
მაგრამ ვის რას გამორჩება
სუსხი მათი თვალების...

ტყეში ზღაპრის სურნელია
და ღრუბელი მშვიდია
მგლის ლეკვი და დათვის ბელი
ისევ ერთად მიდიან.

კრუხ-წიწილები
-----------------
ქათილო კაკანაური
ყველაზე გვიან იძინებს
ირიჟრაჟებს და ადგება
წაავარჯიშებს წიწილებს
მერე ზღაპრებსაც უამბობს
და მათთან ერთად იცინებს
მათ ბუდეს სიყვარულიანს
ვერ მოერევა სიცივე.


ჯიბილო ყივილაშვილი
--------------------------
ქვის გამკვეთელი დეზები
ბოლო_ცეცხლივით გაშლილი
ბუმბული_გაბრწყინებული
ხავერდოვანი და ხშირი
ხმა_მაცნე გათენებისა
მიწიდან ცისკენ აჭრილი
თვალები_ნაპერწკლიანი
გული_მაგარი კაჟივით,_
ასეთი გახლავთ მამალი_
ჯიბილო ყივილაშვილი.


პირველკლასელი ბიჭები
---------------------------
თორნიკემ უთხრა ბათირას:
_კოსმოსი საკვირველია
წამოდი ერთად გავფრინდეთ
მთვარეს შევახოთ ხელია.
ზოგჯერ ეს ჩვენი ბათირა
ისეთი სიტყვის მთქმელია
მოუსმენ გაგიხარდება
იტყვი:"პატარა ბრძენია."
ღიმილით უთხრა თორნიკეს:
არა ვარ ქვეყნის მტერია
ვისთან წავიდე კოსმოსში
მთვარეზე რა დამრჩენია?
ვერ ხედავ?_
ფშავ-ხევსურეთი
დაობლდა ცარიელია!..
არაფერს ამბობს თორნიკე
ვაჟია მართლაც ოქროსი...
ბინდისფერ კოშკებს გახედა
სულ დაავიწყდა კოსმოსი.

ფისო ხვთისოს ჩანთაში
--------------------------
მასწავლებელს ეცინება
და ხმაც უცინისო:
_ჩანთა ასე გაბერილი
რატომა გაქვს ხვთისო?
ხვთისოს თავი დაუხრია
იყურება ძირსო...
და გაისმა კლასში ხმები:
_ფისო უზის ფისო!
აი,გახსნეს ხვთისოს ჩანთა
და იქ წიგნის ძირსო
იწვა თვალებმინაბული
პაწაწაწინა ფისო.
რა ქნას ხვთისომ...ხუჭუჭა თავს
უფრო დაბლა ხრისო,
მასწავლებლის ჩრდილს უყურებს
აქსუტუნებს ცხვირსო.
მასწავლებელს ეცინება
და ხმაც უცინისო:
_ცხოველების სიყვარული
კარგი არის ხვთისო.


ვერ გავიმეტე ირემი
-----------------------
თინიბექი და თოთია
ტყიდან ბუზღუნით მოდიან.
_რად არ ესროლე თინიბექ?-
თოთიას ხმაში შფოთია.
_ვერ გავიმეტე ირემი...ირემი
დათვივით გონჯი როდია!


ბ ე რ დ ი ა
-----------
მართლა ვაჟია ბერდია
ხელ-ფეხი აღარ ეღლება
ხან ყოჩებს ეთამაშება
ხან ღობეს გადაევლება
ხან ხევ-ხუვ ჩაეფარება
ხან გალავანზე შედგება
თმის ღერები აქვს ისეთი
ზედ ვაშლი წამოეგება
შემოგცინებს და იფიქრებ:
"გული მერცხლისა ექნება."


სამნი ერთი ქოლგით
-----------------------
წვიმა ბაღებს აშრიალებს
მზე ღრუბლებში ჩადის
ქვაფენილზე დაცვენილა
ყვავილები ატმის...
და წვიმაში
ქოლგით ხელში
მშვიდად მიდის ბატი
მიჰყავს თაგვი და კურდღელი
მფარველია მათი...
ორღობეში ჩაიარეს
სამმა ერთი ქოლგით
სარკმლებიდან უყურებენ
ნინო გია გოგი
ახლა მათთვის ეს ამინდი
სულ არაა ცუდი
წვიმს...
მიდიან და სველდება
მხოლოდ თაგვის კუდი.

გაბრიელი და ანა
-------------------
მწვანე ფერდობზე ტყუპები
ნერგებივითა დგანან:
ანა და გაბრიელი
გაბრიელი და ანა
ქვემოთ მდინარე ხმაურობს
ახლოს შრიალებს ყანა_
თითქოს ორივე ეძახის
გაბრიელსა და ანას...
ღმერთო რა ლამაზევია
კალმით ნახატებს ჰცვანან
ანა და გაბრიელი
გაბრიელი და ანა.

[nini1]

დიზაინერი მელაკუდა

მართა ბებოს საქათმეში
მელა აწყობს "დე ფილეს",
არის დიდი სამზადისი,
მოდელები შეკრიბეს.

სულ ნარჩევი ვარიკები,
წონის მკაცრი კონტროლი!
ზოგს ჩააცვა შარვალი და
ზოგს მოარგო კორსეტი.

ბაფთები და მაქმანები,
ჭრელა-ჭრულა ფოჩები,
საზაფხულო კოლექცია-
"ვარიკული" ქოშების.

მაგრამ ნახეთ უიღბლობა,
სად იყო და სად არა,
მართა ბებომ ხორბლით ხელში
გამოაღო ფანჯარა,

დაიძახა: - " წიპა, წიპა,
გემრიელი ვახშამი",
კისრის ტეხვით გაემართნენ,
აღარ დარჩა არავინ....

-განა მათი მოკლე ჭკუა,
ბევრჯერ არ მაქვს ნაცადი?
მელამ ხელი ჩაიქნია,
ქათამია - ქათამი !

ნინო ქადაგიძე

[nini1]

ატამი
ვასილ გულეური
დილიდანვე სამგზავროდ
მოემზადა ქათამი.
ერთი სავსე კალათა
მიაქვს მწიფე ატამი.

განა სხვაგან დაკრიფა –
აქვე, თავის ნაკვეთში,
რომ ქალაქში გაყიდოს
ძვირად – სუპერმარკეტში.

არ დასჭირდა ლოდინი –
ისე ღუის ატამი,
აბა, ვინ არ იყიდის,
თან სოფლიდან ჩატანილს?

კალათა რომ დაცალა,
შენ ხარ ჩემი ბატონი,
გაიკითხა, სად იყო
ახლოს ინკუბატორი.

– სოფლად ხელცარიელი
რომ დავბრუნდე, შევრცხვები!..
და კალათით სოფელში
წამოიღო კვერცხები.

ხოდა კიდევ ბავშვების ფოტოებსაც განვათავსებ , უფრო გალამაზდება თემა , თან ლექსებს დავდებ და თან ფოტოებს

პ.ს. ჩემთვის რო ვგიჟდები, ხო კაია

[leluka]

nini1

ძალიან კარგი ლექსებია თემა გადასარევი!

[nini1]

leluka

მადლობა ლელუკა


ბაყაყური
ვასილ გულეური
გზის ნაპირას იხვებს ორმო
ნაჟური წყლით აუვსიათ,
იძახიან: – აქეთ მოდით,
საცურაო აუზია.

რა სჯობია წყალში ცურვას,
ქვეყნად რაა ამის ფასი?
რა სტილი გსურთ, შეგასწავლით:
ბატერფლაი, კროლი, ბრასი.

უცნაური სახელებით
მოიხიბლა ყველა ირგვლივ
და სულ მალე ცურვის სწავლის
მსურველების დადგა რიგი.

ბაყაყი ზის არხეინად,
არ ათხოვა იხვებს ყური,
– თქვენს კროლსა და ბატერფლაის
მირჩევნია ბაყაყური!

[iisperiTOVLI]

მამალი
როცა ავად ვიყავი,
ვსვი და ვყლაპე წამალი
და დედიკომ საჩუქრად
მომიყვანა მამალი.
ერთხელ ძია გვესტუმრა,
ბაბუამ თქვა: – რა ვქნათო? –
ბებიამ თქვა: – სასწრაფოდ
მამლაყინწა დავკლათო. –
ჰოდა, ეს რომ გავიგე,
მამალს ხელი დავავლე
და ბებიას უჩუმრად
კარადაში დავმალე.
მერე იცით, რა მოხდა?
ბებომ შიშით იკივლა...
იმ სულელმა მამალმა
კარადაში იყივლა.

[iisperiTOVLI]

იავნანა
ბულბული ვარდის კოკორზე
მღეროდა იავნანასო,
კატამ თქვა: - მივეპარები
და გადავსანსლავ ამასო. -

ამის გამგონე ბულბულსა
ნისკარტში ჩაეცინაო,
ხმას აუწია და კატას
მკვდარივით ჩაეძინაო.

ნოდარ დუმბაძე

[სოფი]

nini1

კარგია

მამალი
როცა ავად ვიყავი,
ვსვი და ვყლაპე წამალი
და დედიკომ საჩუქრად
მომიყვანა მამალი.
ერთხელ ძია გვესტუმრა,
ბაბუამ თქვა: – რა ვქნათო? –
ბებიამ თქვა: – სასწრაფოდ
მამლაყინწა დავკლათო. –
ჰოდა, ეს რომ გავიგე,
მამალს ხელი დავავლე
და ბებიას უჩუმრად
კარადაში დავმალე.
მერე იცით, რა მოხდა?
ბებომ შიშით იკივლა...
იმ სულელმა მამალმა
კარადაში იყივლა.

ვაიმეეე,ეს რა გამახსენეეე

მე კიდე ახლა მაყვალა მრევლიშვილის "საწყალი კურდღელი" გამახსენდა მახსოვს მუსიკის მასწავლებელი მამღერებდა ხოლმე

ეს საწყალი კურდღელი
ძლიერ ავად გაგვიხდა;
არც სტაფილო ეამა,
ჩამოდნა და გაგვიხდა.
მოვიწვიეთ ექიმად
არჩილი და ხათუნა:
ოფლი მოადინეთო,
- დაარიგეს დათუნა.
შუბლზე ტილო დავადეთ,
ამოვუგეთ საბანი,
კოვზით გადავაყლაპეთ
უებარი წამალი.
- ახლა მალე მორჩები,
არ გაინძრე საბანში,
გელოდებით, უშენოდ
სულ არ გვინდა თამაში.



ისე,ცოტა ხნის წინ საბავშვო გასართობ-შემეცნებითი საიტი აღმოვაჩინე და საკმაოდ მომეწონა http://www.bembi.ge/