სიყვარული - ნიჭი თუ ემოცია? პარამეტრები

[marine]

"თუ ის გეყვარება, რისი სიყვარულიც არ შეიძლება, ვეღარ გეყვარება ის, რაც უნდა გიყვარდეს!"

/ამბა ევაგრე/

[marine]

"სიყვარულის ვალი - ეს ისეთი სახის ვალია, ომ განუწყვეტლივ გრძელდება მისი გადახდა, მაგრამ ბოლომდე არასოდეს გადაიხდება"

[marine]

"ნუთუ მიწიერი ბედნიერების მწვერვალი, ცხოვრების მიზანი სიყვარულია? რაღაც არ მგონია"

/შარლოტ ბრონტე/

[marine]

"დაე, მთელმა სამყარომ შემიძულოს და რაც უნდა, ის მიყოს, ოღონდ ღმერთს ვუყვარდე და თავის წყალობას არ მაკლებდეს!"

/წმ. ტიხონ ზადონელი/

[marine]

"თუ ადამიანი სიყვარულს მოიპოვებს, ეს გრძნობა მისგან ყოველგვარ ბოროტებას გაფანტავს. სიყვარული - სინათლეა, ბოროტება - სიბნელე. სადაც სინათლეა, იქ სიბნელესთვის ადგილი არ რჩება. სადაც სიყვარულია, იქ ბოროტება არ არის"

[marine]

"როდესაც გულწრფელად გიყვარს, პირველ რიგში სწორედ იმის სიკეთეზე ფიქრობ, ვინც გიყვარს"

/არქიმანდრიტი ანდრია (კონანოსი)/

[marine]

"ერთმა ახალგაზრდამ მითხრა სიტყვები, რომლებმაც ჩემზე დიდი შთაბეჭდილება მოახდინა:

- მე ძალიან მიყვარს ერთი გოგო, პატივს ვცემ, აღფთოვანებული ვარ მისით და ძალიან მსურს მასთან ვიყო.

- და რას აკეთებ ამისთვის? - ვკითხე მე.

- არაფერს. იგი ვერასოდეს შეიტყობს ჩემი გრძნობების შესახებ.

- რატომ?

- იმიტომ, რომ მას სხვა უყვარს. და რადგან მე ის ნამდვილად მიყვარს, არაფერს ვეუბნები ჩემი გრძნობების შესახებ და არც არასოდეს შევიჭრები მის ცხოვრებაში. ამჟამად უნივერსიტეტს ვასრულებთ და დალაპარაკება მსურდა, რომ ოჯახის შექმნა შემეთავაზებინა, მაგრამ როგორც კი გავიგე, რომ სხვაზე ფიქრობდა, მე მას თავი დავანებე. მე მიყვარს იგი და ამიტომაც არ ვესაუბრები, მე მიყვარს იგი და ამიტომაც ვერიდები.

აი, ამს ჰქვია სიყვარული! ვინც გიყვარს, მის სიკეთეზე ფიქრობ და რადგან ამ შემთხვევაში სიკეთე ის არის, რომ არ აუფორიაქო გული, პატივისცემით მოეკიდო მის არჩეულ გზას, რომლითაც ამ ადამიანს სურს იაროს, სიყვარული გაიძულებს, რომ გაუგონარი რამ ჩაიდინო, საკუთარი სიყვარული გარდაქმნა ცრემლად, მარგალიტად, ტკივილად, რომლისგანაც ცოცხალი წყალი გადმოდინდება და ღვთიური მადლით განწმენდს შენს გულს. და თუნდაც გეჩვენებოდეს, რომ არ ამჟღავნებ და აჩვენებ შენს სიყვარულს, სინამდვილეში შენი სიყვარული უფრო ღრმა გახდება. შენ გარდაიქმნები უაღრესად მგრძნობიარე, წრფელ, პოეტურ და პატიოსან ადამიანად და, ყოველგვარი ეჭვის გარეშე ვამბობ, ერთხელაც ამ ყველაფრის გამო უდიდეს ჯილდოს მიიღებ!"

/არქიმანდრიტი ანდრია (კონანოსი)/

[marine]

"წმინდაა იგი, ვინს სიყვარულს (ხორციელს) სიყვარულით (საღვთო) ამარცხებს და ხორციელ ცეცხლს უნივთო ცეცხლით დაშრეტს"

[marine]

"ძალიან სერიოზულები უნდა ვიყოთ. არასოდეს დააზიანოთ სხვა ადამიანი. სჯობს, არ უთხრათ სხვა, რომ არ გიყვართ, დაელოდეთ, დატოვეთ იგი მოლოდინში. არ უთხართ მას ეს. სჯობს, ეს არ იცოდეს, თუნდაც ათასჯერ გკითხოს, ვიდრე შენ უთხრა მას ასეთი მტკივნეული სიტყვა"

/მიტროპოლიტი ათანასე ლიმასოლელი/

[marine]

"სიყვარული - ნათელია, რომელიც ყველა სხვა სათნოების ნათლის შუქია"

[marine]

"ზოგჯერ გული იესო ქრისტეს მიმართ უსაზღვრო სიყვარულით მიდუღდა და ამ ტკბილი დუღილით დადენილი მანუგეშებელი ნაკადი სხეულის ყველა ასოში მივლიდა"

[marine]

"სიყვარული ხეს ჰგავს: იგი თავისთავად იზრდება, ღრმად იდგამს ფესვებს ადამიანის არსებაში და ხშირად განადგურებულ გულშიც კი განაგრძობს მწვანედ ხასხასს"

/ვიქტორ ჰიუგო, "პარიზის ღვთისმშობლის ტაძარი"/

[marine]

"ჭეშმარიტი სიყვარული ის არის, რომლისთვისაც არაფერს დაიშურებ"

/ბერი სვიმეონ ათონელი/

[marine]

"კაცსა და ქალს შორის თუ მხოლოდ ერთ-ერთს უყვარს და მეორეს კი არა, არაა ღვთისაგან, სიყვარული ორმხრივი უნდა იყოს. პლატონური სიყვარული - ავადმყოფობაა"

/ღირსი გაბრიელი, აღმსარებელი და სალოსი/

[marine]

''მოზეს მენდელსონი, ცნობილი გერმანელი კომპოზიტორის ბაბუა, არც თუ ისე სიმპატიური, დაბალი ტანის და თანაც კუზიანი კაცი იყო.

ერთხელ ის სტუმრად იმყოფებოდა ჰამბურგში, იქაური მდიდარი ვაჭრის სახლში, სადაც გაიცნო და თავდავიწყებით შეუყვარდა თავისი მასპინძლის უმშვენიერესი ასული, სახელად ფრუმტიე. მოზესი ყველანაირად ცდილობდა მისი გულის მონადირებას, მაგრამ უშედეგოდ, ქალი ზედაც არ უყურებდა. მასში ზიზღს იწვევდა მენდელსონის სიმახინჯე.

ერთხელ, ერთ–ერთი მორიგი სტუმრობის შემდეგ, მოზესმა სთხოვა ქალს აუდიენცია გამომშვიდობების მოტივით. ფრუმტიემ ის მიიღო, უბრალოდ ზრდილობის გულისთვის.

მენდელსონი ოთახში ეახლა. ქალი რაღაც ღვთიური სილამაზით ბრწყინავდა, მაგრამ როგორც ყოველთვის თვალს არიდებდა კაცს და ალბათ ვერც კი გრძნობდა, თუ რამხელა ტკივილს აყენებდა მას ამ საქციელით.

მოზესმა მოკრძალებით ჰკითხა:

– მითხარით, თქვენ გჯერათ, რომ ადამინთა შეუღლების ბედი ზეცაში წყდება ?

– დიახ, – უპასუხა ქალმა ისე, რომ იატაკისთვის თვალი არ მოუშორებია. – და თქვენ?

– მეც მჯერა, – თქვა მოზესმა. – იცით, ყოველთვის, როცა ბიჭი იბადება, უფალი მას ზეცაშივე აუწყებს, თუ ვისთან მოუწევს დაქორწინება მომავალში. როცა მე დავიბადე, უფალმა მეც მანახა ჩემი მომავალი მეუღლე, მაგრამ ამავე დროს განმიცხადა:

„შენი ცოლი კუზიანი იქნება“- მე კინაღამ გული გამისკდა:

– ო, არა ღმერთო! – შევღაღადე მაშინ უფალს, – ქალი კუზით, ეს ხომ საშინელი ტრაგედიაა! გევედრები, მომეცი კუზი მე, გოგონა კი დაე იყოს ლამაზი და მშვენიერი!

აქ ქალმა პირველად ჩახედა თვალებში მოზესს და თითქოსდა მისი სულის სიღრმეებში რაღაც მოგონება ამოტივტივდა… მან გაუწოდა ხელი მენდელსონს… ხოლო ცოტა ხნის შემდგე კი გახდა მისი საყვარელი და ერთგული მეუღლე."

[marine]

"სიყვარულის სისავსეს იქამდე მივყავართ, რომ თავდავიწყებამდე გვიყვარს, "თავდავიწყებამდე", ანუ საკუთარი თავის სიძულვილამდე"

/ღირსი სოფრონი (სახაროვი)/

[marine]

"მე სიყვარულის ციხეში ვარ გამოკეტილი
და გასაღები კი შენახარ, ჩემო ლერწამო"

/ვალერიან წიკლაური/

[marine]

"ყური დაუგდე შენს გულის ძგერას,
ყოველი დარტყმა ამბობს: მიყვარხარ!"

/ვალერიან წიკლაური/

[marine]

"სიყვარულით დატბორილი
ოცნებათა სანაპირო"

/ვალერიან წიკლაური/

[marine]

"სიყვარული ხომ ძლიერია შვებად მოსული
იგი ყოველთვის მხურვალეა, არ იყინება"

/ვალერიან წიკლაური/