სენატის გადაწყვეტილება, წესებში ცვლილებების და დამატებების შეტანის თაობაზე პარამეტრები

[admin]

მართლმადიდებლურ ფორუმ
church.ge-ს

ს ე ნ ა ტ ი ს

გადაწყვეტილება

ფორუმის წესებში ცვლილებების და დამატებების შეტანის თაობაზე

ფორუმზე არსებული პრობლემების დროულად გადაჭრის, სენატის საქმიანობის გააქტიურებისა და ფორუმის წინსვლის ტემპის შენარჩუნების მიზნით, ფორუმის წესების მე-19 მუხლის შესაბამისად შეტანილ იქნეს ცვლილებები და დამატებები ფორუმის წესებში და მე-17 მუხლი ჩამოყალიბდეს ახალი რედაქციით:

"მუხლი 17. სენატი
1. სენატი არის ფორუმის საკანონმდებლო და სასამართლო ხელისუფლება.
2. სენატი შედგება 7 წევრის - სენატორისაგან, რომლებსაც ნიშნავს და ათავისუფლებს ადმინისტრატორი. სენატორები უნდა იყვნენ მართლმადიდებლური აღმსარებლობის პირები.
3. ადმინისტრატორის გადაწყვეტილებით სენატორად შეიძლება დაინიშნოს მოდერატორიც.
4. სენატს ჰყავს თავმჯდომარე. თავმჯდომარეს სენატის წევრთაგან ადმინისტრატორის წარდგინებით ირჩევს სენატი.
5. სენატის თავმჯდომარე:
ა) უზრუნველყოფს სენატის მიერ საკითხის განხილვას;
ბ) ხელს აწერს სენატის გადაწყვეტილებებს;
გ) ფლობს ტექნიკურ უპირატესობებს, კერძოდ ყველა განყოფილებაში მოდერირებისა და IP კონტროლის უფლებას;
დ) განსაკუთრებულ შემთხვევებში, ადმინისტრატორის ზეპირი თანხმობით უფლებამოსილია აღასრულოს სენატის გადაწყვეტილება;
ე) იმ შემთხვევაში, თუკი ცალკეულ განყოფილებაში აუცილებელია მოდერატორის დაუყოვნებლივი ჩარევა, ხოლო შესაბამისი მოდერატორი არ არის ხაზზე, უფლებამოსილია ერთპიროვნულად, საკუთარი შეხედულებისამებრ იმოქმედოს ამ განყოფილებაში, რის თაობაზეც დღის ბოლოს მოახსენოს მოდერატორებს და სენატორებს "საკანონმდებლო და აღმასრულებელი ორგანოების" განყოფილებაში.
6. სენატი, თუ სხვა რამ არ იქნა დადგენილი, გადაწყვეტილებას იღებს ხმათა უმრავლესობით - 4 სენატორის მიერ.
7. სენატი არის უმაღლესი სასამართლო ინსტანცია ფორუმის წევრებისათვის მოდერატორის მიერ მიღებული გადაწყვეტილების გასასაჩივრებლად.
8. სენატორი ვალდებულია 24 საათის განმავლობაში შევიდეს სენატში, გარდა გამონაკლისი შემთხვევებისა.
9. იმ შემთხვევაში სენატორმა 3-ჯერ აარიდა თავი დასმული საკითხის განხილვაში მონაწილეობას, დგება მისი პასუხისმგებლობის საკითხი ადმინისტრატორის წინაშე.
10. სენატორი, რომელიც ამავე დროს მოდერატორია, არ მონაწილეობს საკითხის განხილვაში, თუ საკითხი ეხება მას, როგორც მოდერატორს.
11. სენატის გადაწყვეტილება, თუ ამ წესებით სხვა რამ არ არის გადაწყვეტილი, ადმინისტრატორისათვის წარმოადგენს სათათბირო გადაწყვეტილებას."