აპოკალიპსის განმარტებისთვის, თემა მათთვის, ვინც იცის, ვინც არ იცის და ვისაც არ ჯერავს. პარამეტრები

[abo]

აქ ფორუმზე ხშირი დავაა აღნიშნული საკითხის თაობაზე. იხსნება ათასგვარი თემები ანტიქრისთეზე, ჩიპებზე, შტრიხკოდებზე, ეშმაკზე და სხვა მრავალ მათგანზე. არანაკლები დისკუსია მიმდინარეობს იოანე მახარებელის გამოცხადების ანუ აპოკალიპსის შესახებ. უზერთა უმეტესობა კამათს ერიდება ნაკლები ცოდნის გამო, რასაც თვითონაც გულახდილად აცხადებენ.
გადავწყვიტე ამ თემაში განვიხილოთ წმინდა წერილის იდუმალებით მოცული და ყველასათვის საინტერესო ნაწილი. წინასწარ მინდა განვაცხადო, რომ მსჯელობა დაყრდნობილი იქნება იოანე ოწროპირის, ანდრია კესარიელის, მღვდელმონაზონ სერაფიმე როუზის, მთავარეპისკოპოსი ამბერკი ტაუშევის და სხვა დიდი მამების აზრებზე და ყრდნობით. წიგნი გამოცემულია ეპისკოპოს სერაფიმე ჯოჯუას ლოცვა კურთხევით, რაც იმის დასტურია რომ აქ განხილულ აზრებზე და ეგზეგეზურ გადაწყვეტებზე, საპატრიარქოსაც ანალოგიური აზრი გააჩნია. იმის აღნიშვნა რომ შეუმცდარი არავინაა უფლის გარდა, ჩვენც ვეთანხმებით, მაგრამ აქ მოყვანილი ადამიანების ავტორიტეტი მართლმადიდებლურ სამყაროში იმდენად დიდია, რომ მათი მცდარობის კოეფიციენტი თითქმის ნულის ტოლია. ხოლო ვისაც ამაში ეჭვი ეპარება მისი მცდარობა მეტად დიდი.
პატივისცემით აბო.


სანამ საქმეზე გადავიდოდით მინდა წაუმძვარო :
"დღეს თანამედროვე კაცობრიობა უამრავი სასწაულის მომსწრეა, რაც წინასწარმეტყველების მიხედვით ბოლო ჟამის მომასწავებელია. ასევე ბოლო საუკუნეების წმინდა მამათა განმარტებით, უკანასკნელ ჟამს გამოჩდებიან ადამიანები რომლებიც უამრავ სასწაულს მოახდენენ..."
ბორჯომისა და ბაკურიანის ეპისკოპოსი მეუფე სერაფიმე (ჯოჯუა).

ვინაიდან თემა პირდაპირ სდადისკუსიო ნაწილიდან მინდა დავიწყო. ბოდიშს ვიხდი, წინა თავების განხილვაც შეიძლება, ხოლოდ ეს ცოტა მოგვიანებით გავაკეთოთ, თემის მიმდინარეობის მიხედვით.


მეცამეტე თავი
მხეცი-ანტიქრისტე და მისი თანამშემწე ცრუწინასწარმეტყველი.
1-2. დავდექი ქვიშაზე ზღვისა და ვიხილე მხეცი ზღვიდან ამომავალი, ათრქიანი: და მის რქებზე ათი გვირგვინი, თავებზე კი გმობის ხელნი.
აქ ზღვიდან ამომავალ მხეცში ანტიქრისტე მოიაზრება. ზღვაში ადამიანთა მოდგმა ,ზღვასავით აღელვებული.ხოლო ანტიქრისტე იქნება არა დემონი, არამედ ადამიანთა მოდგმის დამღუპველი ნაშიერი, ქრისტეს ელესიის უკანასკნელი ნაშიერი.იქნება საშინელი ჯიქის მძვინვარების დათვის ფეხების და ლომის ხახის,7 თავი აჭრელებული ღვთის მგმობელი სახელებით და ყოველგვარი სიწმინდის მაგინებელი იქნება. ათი რქა ქღთისმებრძოლობის ნიშანია. იქნება მეფის ძალაუფლებით რომელსაც მიიღებს ეშმაკისაგან, ურჩხულისაგან. რომელიც მას თავის ტახტს გადაცემს. ( დან. 7,2-6) დანიელ წინასწარმეტყველიც საუბრობს ამის შესახებ.

3-4.იმ შვიდი თავიდან მხეცს ერთი თავი დაჭრილი ქონდა " ვიხილე მისი ერთერთი თავი, თითქოს სასიკვდილოდ მოწყლული" მხეცმა ეს სასიკვდილო ჭრილობა განიკურნა, რითაც სასწაულიქნა და გააოცა მსოფლიო. ხალხი ამბობდა ვინ არის მხეცის მსგავსი ან ვინ შეებრძოლება მას?ამასვე ეთანხმება ანდრია კესარიელი და თავის აღდგენას ანტიქრისტეს უფლის აღდგომის მიმბაძველობაზე საუბრობს.

[abo]

5-6თავებში განხილულია რომ მიეცა პირი მზვაობრივად მეტყველი და ღვთისმგმობელი, და მიეცა მას ხელმწიფება ორმოცდაორი თვის მანძილზე.
რომ მეტი ყოფილიყო მაცხოვრის სიტყვით ვერ გადარჩებოდა ძეხორციელი.(მათე 24,22) რომ ამ გმობას ის წმინდანებს მოუტრიალებს თანაბრად ანგელოზებისა. (წმ.ანდრია) "განიძრახავს მათთვის დროისა და რჯულისშეცვლას, ისინი ხელში მიეცემიან მას ვიდრე არ გავა დრო, ერთი დრო და ნახევარი დრო".
დანიელი 7.23-25

[abo]

7-10.
და მიეცა მას ძალა წმიდათა წინააღმდეგ ბრძოლისა და მათი ძლევისა, და მიეცა მას ხელმწიფება , რათა მბრძანებლობდეს ყველა ტომსა და ხალხს, ერსა და ენას.
ის გამორჩეული იქნება ღვთისგმობით, ვინც არ დამორჩილდება მას ძალით გაუსწორდებიან და ისე ძლევენ. ანტიქრისთეს თაყვანს ცემენ ისინი ვინც სიცოცხლის წიგნში არაა ჩაწერილი. წმინდანები მხოლოდ მოთმინებით დაიცავენ თავს. მათი ნუგეში იქნება " ვინც მახვილით ჰკლავს, ის მახვილითვე მოკვდება" (მათე 10,22 ვინც ბოლომდე დაითმენს, იგი ცხონდება.)

[abo]

11-13
მერე ვიხილე სხვა მხეცი, მიწიდან ამომავალი,რომელსაც ჰქონდა კრავის ორი რქა, მაგრამ ლაპარაკობდა როგორც ურჩხული.
ის მოქმედებს მხეცის წინაშე მთელი მისი ხელმწიფებით, და აიძულებს დედამიწას და მის მკვიდრთ თაყვანი სცენ პირველ მხეცს ვისი სასიკვდილო ჭრილობაც განიკურნა,
და ახდენს დიდ სასწაულებს ისე რომ ზეციდან ჩამოაქვს ცეცხლი კაცთა წინაშე.
აქ საუბრობენ რომ ეს მეორე მხეცი ანტიქრისტეს შემწეა არანაკლები თავისი სისასტიკით ("ფირიონი "- ბერძნულად მხეცი რომელსაც განსაკუთრებით აქვს გამოვლენილი მხეცური ბუნება.), მაგრამ ის მოვლენილია მიწიდან და არა ზღვიდან როგორც პირველი მხეცი. რაც მისი გრძნობადი, მიწიერი ხასიათის მაჩვენებელია მას აქვს ორი კრავის რქა . წმ ანდრია კესარიელი განსაზღვრავს, კრავის რქა ნიშნავს რომ ცხვრის ტყავში გახვეული მგლის მომაკვდინებლობასო. იგი დასაწყისში მოგვაჩვენებს თავს ღვთისმოშიშად და უფლის ერთგულად,. წმ. ირინეი ამბობს, რომ ეს ცრუ წინასწარმეტყველიიაო.მას მიცემული ექნება სასწაულების ძალა, რათა ანტიქრისტეს მოუმზადოს დამღუპველი გზა ანუ ტახტი. ილაპარაკებს როგორც ურჩხული, ილაპარაკებს იმას რაც დამახასიათებელია ბოროტების მთავრისთვის -ეშმაკისათვის.
ის ბაძავს უფალ იესოს და გამოიყენებს ორ ძალას: სიტყვის და სასწაულის ძალას . სიტყვა - უწმინდურება ხოლო სასწაული ზეციდან ცეცხლის ჩამოტანა, და რაც მთავარია მას მიეცემა ძალა მხეცის ხატში ჩადოს სული ე.ი. ანტიქრისტე.
უფლის დაშვებით, სატანის მოქმედებით ზეციდან ცეცხლი ჩამოვარდა და ცხვრის ფარა დაწვა.(იო. 1,16.) მაგრამ ეს იქნება ცრუ სასწაული.

[abo]

14-15
და აცდუნებს მიწის მკვიდრთ ცრუ სასწაულებით, მიეცა მხეცის წინაშე, და აქეზებს მიწის მკვიდრთ, შექმნან ხატება მხეცისა, მახვილით რომ მოიწყლა და ცოცხალი დარჩა.
და მიეცა იმისი ნება, რომ სული ჩაედგა მხეცის ხატისთვის, რათა მხეცს ემეტყველა და იმდენი ექნა, რომ მოეკლათ ყველა ვინც თაყვანს არ სცემდა მხეცის ხატებას.
გავკადნიერდები და ჩემ აზრს გამოვთქვამ, რომ მხეცი ჯერ გვაიძულებს ჩვენ შევქმნათ მისი ხატება, რომელსაც ის შემდეგ სულს ჩაუდგამს....

" არის ამბად თქული, რომ ეშმაკები ჯადოქრობისას არც თუ იშვიათად ლაპარაკობდნენ გამოსახვის საშუალებით, ქანდაკებების, ხეების, წყლის და სახვა. შესაძლებელია მკვდარი სხელითაც კი. არაფერია შეუსაბამო, რომ საჭურველთმტვირთველმა, ან ანტიქრისტეს წინამორბედმა, რომელიც დემონების დახმარებით მოქმედებს, შექმნას მხეცის გამოსახულება, სიცრუით აჩვენოს იგი მოლაპარაკედ და უბრძანოს მოშორება მათი ვინც თაყვანს არა სცემს"
( წმ. ანდრია)

[abo]

16-17
და აიძულებს ყველას, დიდსა თუ მცირეს, მდიდარსა თუ ღარიბს, მონასა თუ თავისუფალს, ნიშანი დაისვან მარჯვენა ხელსა თუ შუბლზე.
ასე რომ ვერავინ იყიდის ან გაყიდის რამეს მათ გარდა, ვისაც აქვს ნიშანი- მხეცის სახელი, ან მისი სახელის რიცხვი.


"და შეეცდება ყველა შეცდენილს მარჯვენა ხელზე დაადოს განდგომილის დამღუპველი სახელი, მართალი და კეთილისაქმეების ქმნის გადასაკვეთად. აგრეთვე შუბლზე, რათა ასწავლოს ცდუნებულებს იყვნნენ დაბედულნი ცდუნებაში და წყვდიადში. მაგრამ მათ არ მიიღებენ სულიწმიდის მადლის ბეჭდით დაბეჭდილილები. მხეცის ბეჭედს ყველგან გაავრცელებენ,- ყიდვაგაყიდვაშიც კი. ამ ნიშანს ვინც არ მიიღებს ძალადობრივი სიკვდილით მოკვდეს აუცილებლის არ ქონის გამო.
( ანდრია კესარიელი.)

გავკადნიერდები: კესარიელის ბოლო წინადადებაში ნათლად არის ნათქვამი: აუცილებელი რომ არ გექნება სწორედ ასეთი ძალადობრივი სიკვდილით მოკვდებიო.
და ასეთი იძულების წესით მიგვიყვანებენ ნიშნის მისაღებად . და ამას არ ერქმევა სახელად ძალადობა, შეიძლება ჩვენ შევეხვეწოთ გაგვიკეთე ის ნიშანი რისი დახმარებითაც უნდა ვიარსებოთ ამ ქვეყანაზეო. ( შენიშვნა საკუთარი).

[abo]

13-18
აქაა სიბრძნე: ვისაც გაგების თავი აქვს , გამითვალოს მხეცის რიცხვი,რადგანაც ესაა რიცხვი კაცისა, და მისი რიცხვი-ექვსას სამოცდა ექვსი.
დიდი საიდუმლოა დაკავშირებული ანტიქრისტეს სახელსა და და "მისი სახელის რიცხვთან". ძველი დროიდანვე დიდი ძალისხმევა იყო გამოყენებული ამ რიცხვის მნიშვნელობა და აზრი გამოეცნოთ, მაგრამ ისინი რაიმე დადებითამდე ვერ მივიდნენ.
" ამ რიცხვის საგულდაგულო გამოცდას, აგრეთვე მასზე დაწერილ სხვა დანარჩენისაც, საღად მოაზროვნეებს და მღვიძარებს ცდუნების დრო აჩვენებთ"
წმ. ანდრია კესარიელი.



ამით მთავრდება მე-13 თავი
მე-13 რომ არის საინტერესოა არა? სიცილის სმ.
გავაგრძელოთ თუ გავჩერდეთ თქვით რამე და წავხალისდები.

[სარდიონ]

13-18 გამოცხადება

[abo]

მეთოთხმეტე თავი
მოსამზადებელი მოვლენებისაყოველთაო აღდგომისა და საშინელი სამსჯავროს წინ: 144000მართალისა და ანგელოსის გალობა, - ამქვეყნიერების ხვედრის მაუწყებელი.
14, 1-5

და ვიხილე აჰა, კრავი იდგა სიონის მთაზე და მასთან ას ორმოცდა ოთხი ათასი, რომლებსაც ჰქონდათშუბლზე მისი სახელი და სახელი მისისა მამისა.
და მომესმა ხმა ზეცით როგორც მრავალი წყლის ზათქი.
............................................
და გალობდენ ახალ საგალობელს ტახტის წინაშე და ოთხი ცხოველის და უხუცესთა წინაშე : და არავის შეეძლო ესწავლა ეს საგალობელი ას ორმოცდაოთხი ათასის გარდა, რომელნიცგამოსყიდულ იქნენ ქვეყნით.
ესენი არიან რომელთაც თავი არ შეუბილწავთ დიაცებთან რადგანაც არიან ქალწულნი: ესენი არიან, რომლებიც მისდევენ კრავს, სადაც არ უნდა მიდიოდეს იგი; ესენი არიან კაცთა შორის გამოსყიდულნი, როგორც პირველნაყოფი ღვთისა და კრავისათვის.
მათი ბაგენი არ იცნობენ სიცრუეს, რადგანაც უბიწონი არიან.


ამ ხილვაში ასახულია ქრისტეს წმიდა ეკლესია. 144000 ეს ღვთის რჩეული ხალხია დედამიწის ყველა ხალხებიდან (წარმოდგენილნი ისრაელის თორმეტი ტომის სახით. მათ შუბლზე აწერიათ კრავისა და მამის სახელი.
ნიშნავს იმას რომ ეს ხალხი ღვთის მსახურებისათვის მიძღვნილ ცხოვრებას ეწევა. და გალობს ისეთ საგალობელს რომელიც 144 000 გარდა ვერავინ ისწავლა ( ალბათ იგულისხმება უფალსმიძღვნილი ხალხი (ჩემი ვარაუდია)

[abo]

6-7

და ვიხილე შუა ცაში მფრინავი ანგელოზი, რომელსაც ქონდა მარადიული სახარება მიწის მკვიდრთათვის, რათა ეხარებინა ყოველი ტომისა და ხალხებისათვის ენისა და ერისათვის.
და ხმაღლა ამბობდა: გეშინოდეთ ღვთისა და დიდება მიაგეთ მას, რადგანაც მოვიდა მისი სამჯავრო: თაყვანი ეცით მას, რომელმაც შექმნა ცა და მიწა, ზღვა და წყალთა წყარონი.

"გეშინოდეთ ღმერთის და ნუ შეშინდებით ანტიქრისტესი, რომელსაც არ შეუძლია თქვენ სახეულთან ერთად თქვენი სულიც დაღუპოს, შეეწინააღმდეგეთ მის თავხედობას, რამეთუ ახლოსაასამსჯავრო და მისაგებელი, ხოლო მას ძალაუფლება მოკლე დროის განმავლობაში აქვს"
(ანდრია)

[abo]

8
მას მოყვა მეოე ანგელოსი, რომელიც ამბობდა : დაემხო, დაემხო ბაბილონი, დიდი ქალაქი, რომელმაც ასვა ყველა ხალხს ღვინო თავისი სიძვის რისხვისა.

მეორე ანგელოსმა ხალხს ამცნო ბაბილონის დამხობა რომელმაც ხალხს ასვა "ღვინო სიძვისა" (რელიგიის ცრუ მოძღვრება, კერპთაყვანისმცემლობა. )რომელსაც წინასწარმეტყველი იერემია ახსენებს 51.7 -ში.

[abo]

9-12

მათ მოყვა მესამე ანგელოზი, რომელიც ხმამაღლა ამბობდა: ვინც თაყვანს სცემს მხეცს ან მის ხატებას და შუბლსა თუ ხელს აღუბეჭდავს მისი ნიშნით,
ისიც შესვამს ღვთის რისხვის ღვინოს, შეუზავებლად ჩასხმულს მისი მრისხანების სასმისშიდა ეწამება გოგირდითა და ცეცხლით წმინდა ანგელოზთა და კრავის წინაშე.
კვამლი მათი წამებისა ავა უკუნისამდე და არც დღისით და არც ღამით არ ექნებათ მოსვენება მხეცისა თუ მისი ხატების თაყვანისმცემელთ და მისი სახელის ნიშნით აღბეჭდილთ.
აქ არის წმიდათა მოთმინება, რომელნიც იმარხავენ ღვთის მცნებებს და იესოს რწმენას.


მესამე ანგელოზი მარადიული ტანჯვით ემუქრება მხეცის მსახურთ,( ბეჭდიანებს).
ღვთის რისხვის ღვვინო- სასტიკი სამსჯავროა, რასაც ადამიანები მთვრალების მსგავსად მიყავს გაშმაგებამდე, აქ ღვინო გაუზავებლად არის ნაგულისხმები რისხვის სიძლიერის გადმოსაცემად.
წამების კვამლში , რომელიც ამოდის უკუნისამდეიგულისხმება " რომ ცოდვილთა ტანჯვაც უსასრულოა , როგორც როგორც მართალთა ნეტარებაა მარადიული."
(წმ. ანდრია)

[nino_ni]

ძაან საინტერესოა.თუ არის რამე კიდევ საინტერესო ამ თემაზე დადე

[abo]

თანდათან გავაგრძელებ და თან აქ ვიმსჯელოთ სხვაგან რომ ხოცავენ ერთმანეთს.
აბო.

[nino_ni]

მეც მაქვს წიგნი სახლში სადაც წერია ბევრი წმინდანის ხილვების შესახებ მეორედმოსვლასთან დაკავსირებით..
ძალიან საინტერესო წიგნია

[abo]

13
და მომესმა ხმა ზეცით, რომელმაც მითხრა: დაწერე: ნეტარ არიან მკვდარნი, უფალში რომ აღესრულებიან ამიერიდან. დიახ - ამბობს სული- ღათა განისვენონ თავიანთ შრომათაგან და თან წაიტანონ თავიანთი საქმენი.


წმ ანდრიას განსაზღვრით "ხმა ზეცით " ყველას არ შეიწყალებს, არამედ მხოლოდ მათ ვინც მოკვდებიან მშვიდობისათვის უფალში და სხეულში იესოს მოკვდინებას ატარებენ. მათთვის სხეულიდან გასვლა ჭეშმარიტად დასვენებაა. აქ ვპოულობთ ზედმეტ მტკიცებას , თუ რა დიდი მნიშვნელობა აქვს ცხონებისათვის სიკეთის კეთებას. რასაც პროტესტანტები უარყოფენ.

nino_ni

მეც მაქვს წიგნი სახლში სადაც წერია ბევრი წმინდანის ხილვების შესახებ მეორედმოსვლასთან დაკავსირებით..

მერე წაიკითხე და ეცადე სხვა წმინდანების წიგნებიც მოიძიო.

[nino_ni]

abo

მერე წაიკითხე და ეცადე სხვა წმინდანების წიგნებიც მოიძიო.

წაქვიკითხე უკვე,თან არაერთხელ
მართლა საინტერესოა...

[abo]

14

გავიხედე და აჰა თეთრი ღრუბელი, ღრუბელზე კი მჯდომარე, კაცის ძის მსგავსი: თავს ედგა ოქროს გვირგვინი და ხელთ ეპყრა მჭრელი ნამგალი.


ღრუბლებში მოიაზრება გრძნობითი ღრუბლები მოციქულთა თვალთაგან დაფარული რაღაც ანგელოზური ძალა მისი სისუფთავისა და სიმსუბუქის გამო ასე წოდებული. მსგავსი კაცისა არის უფალი, თავზე გვირგვინი აღნიშნავს მის მეფურ ძალაუფლებას ხილულსა და უხილავზე; ის ოქროსია მაღალი ფასის აღსანიშნავად ხოლო ნამგალი - ქვეყნის დასასრული, რომელსაც უფალმა თვით უწოდა სამკალი.
წმ ანდრიას მიხედვით.

[ნაინა]

abo
რა თქმა უნდა ვკითხულობ ინტერესით.

განიძრახავს მათთვის დროისა და რჯულისშეცვლას, ისინი ხელში მიეცემიან მას ვიდრე არ გავა დრო, ერთი დრო და ნახევარი დრო".
დანიელი 7.23-25

ერთი დრო და ნახევარი დრო. ეს რა პერიოდით განისაზღვრება?


nino_ni

მეც მაქვს წიგნი სახლში სადაც წერია ბევრი წმინდანის ხილვების შესახებ მეორედმოსვლასთან დაკავსირებით..
ძალიან საინტერესო წიგნია

ნინ შეგიძლია ეგ წიგნი თუ ძალიან დიდი არაა დაასკანერო და დადო აქ?
ან რომელიმე ყველაზე მეტად საინტერესო თავები მაინც?

[abo]

15-16

გამოვიდა მეორე ანგელოსი ტაძრიდან და შეღაღადა ღრუბლებზე მჯდომს: მიუშვი შენი ნამგალი და მომკე, რადგანაც მოვიდა მკის ჟამი და მოიწია სამკალი ქვეყნად.
ღრუბლებზე მჯდომმა დაუშვა თავისი ნამგალი ქვეყნად და მომკა ქვეყანა.


"მკაში ქვეყნის დასასრული უნდა მოვიაზროთ(იხ მათე 13.39)." და რომ, რადგანაც მოვიდა მკის ჟამი" ნიშნავს რომ მოვიდა ბოლო ჟამი, როცა მომწიფებული ხობლის მსგავსად ოცდაათჯერ, სამოცჯერ, და ასჯერ ზეციური ბეღელის ღირსი იქნება.
წმ ანდრია.