IPB

სტუმარს სალამი ( შესვლა | დარეგისტრირება )

საეკლესიო ბიბლიოთეკა

2 გვერდი V  1 2 >  
 Closed TopicStart new topic
> გრიგოლ ბაკურიანის მკაცრი დადგენილება, პეტრიწონის ქართველთა მონასტრის ტიპიკონი
Georg
პოსტი Nov 3 2006, 12:31 AM
პოსტი #1


Member
**

ჯგუფი: Members
პოსტები: 424
რეგისტრ.: 29-August 06
წევრი № 122
გრიგოლ ბაკურიანი - პეტრიწონში არც ერთი ბერძენი ბერად!

პეტრიწონის ქართველთა მონასტრის ტიპიკონი - შედგენილია ბიზანტიის სამსახურში მყოფი ქართველი დიდებულის, დასავლეთის დიდი დომესტიკოსის გრიგოლ ბაკურიანის ძის მიერ 1083 წელს.

პეტრიწონში დაარსებული ქართველთა მონასტრის ტიპიკონი შედგენილი იყო ქართულ და ბერძნულ ენებზე. ჩვენამდე მოაღწია ორივე ტექსტმა. ისინი გამოცემულია მაღალ მეცნიერულ დონეზე. ივანე ჯავახიშვილის დროს გამოცემული იყო ტიპიკონის მხოლოდ ბერძნული ტექსტი, განხორციელებული ბელგიელი ორიენტალისტის ლუი პეტის მიერ (1904 წელს).

ივანე ჯავახიშვილი როდესაც აღწერს "საქართველოს სოციალურ და კულტურულ მდგომარეობას გაერთიანების ხანაში", ერთგან აღნიშნავს, რომ "ქართველთა ამ გრძნობის (მოძალადე ბიზანტიელთა მიმართ უარყოფითი დამოკიდებულების) გამომხატველია გამოჩენილი ქართველი მოღვაწის გრიგოლ ბაკურიანის მკაცრი დადგენილება, რომელიც მან თავის მიერ დაარსებულს პეტრიწონის ქართველთა მონასტრის ტიპიკონში შეიტანა, რომ მონასტერში ბერძენი არასდროს არ შეეშვათ ბერად, შეიძლებოდა მხოლოდ ერთი ბერძენი ყოფილიყო, ისიც მხოლოდ ბერძნულის მწერლად".

ივანე ჯავახიშვილი
ენციკლოპედიური ლექსიკონი, თსუ-ს გამომცემლობა, 2002 წელი, გვ. 525;


--------------------
"არა გეცრუვნეთ შენ სიწმიდით, მშობელო ჩვენო წმიდაო სამოციქულო ეკლესიაო, არცა განგცეთ შენ, სიქადულო ჩვენო მართლმადიდებლობაო!"

წმიდა მეფე დავით აღმაშენებელი
(რუის-ურბნისის კრების ძეგლისწერა)
User is offlineProfile CardPM
Go to the top of the page
+Quote Post
AnDaIn
პოსტი Nov 3 2006, 12:46 AM
პოსტი #2


დაურეგისტრირებელი
გასაგებია მაგრამ აგრესია რაში გამოიხატებოდა? და რას ნიშნავს არ შეეშვათ არ ქონდათ უფლება ქართულ მონასტერში მსახურებისა?
Go to the top of the page
+Quote Post
Georg
პოსტი Nov 3 2006, 01:03 AM
პოსტი #3


Member
**

ჯგუფი: Members
პოსტები: 424
რეგისტრ.: 29-August 06
წევრი № 122
ციტატა(AnDaIn @ Nov 3 2006, 12:46 AM) *

გასაგებია მაგრამ აგრესია რაში გამოიხატებოდა? და რას ნიშნავს არ შეეშვათ არ ქონდათ უფლება ქართულ მონასტერში მსახურებისა?


აგრესია იმაში გამოიხატება, რომ ერთმორწმუნე ბიზანტია საქართველოს ექცეოდა უარესად ვიდრე სპარსეთი, ოსმალეთი და მოგვიანებით რუსეთი(ეს ყველაფერი კარგად ჩანს "დიდოსტატის მარჯვენაში", იმედია სკოლაში გაივლით).

ბიზანტიის სწორედ ასეთი მტრობის გამო საქართველოს მიმართ, გრიგოლ ბაკურიანმა შექმნა პეტრიწონის მკაცრი(ბერძნების მიმართ) ტიპიკონი(იგივე ტიბიკონი ანუ მონასტრის წესდება, იგი ორი სახისაა: საღვთისმეტყველო, ანუ წირვა-ლოცვის ჩატარების განგების შემცველი, და დისციპლინარული, ანუ მონასტრის მართვა-გამგეობისა და სამეურნეო ყოფის განმსაზღვრელი).


--------------------
"არა გეცრუვნეთ შენ სიწმიდით, მშობელო ჩვენო წმიდაო სამოციქულო ეკლესიაო, არცა განგცეთ შენ, სიქადულო ჩვენო მართლმადიდებლობაო!"

წმიდა მეფე დავით აღმაშენებელი
(რუის-ურბნისის კრების ძეგლისწერა)
User is offlineProfile CardPM
Go to the top of the page
+Quote Post
შოთა
პოსტი Nov 3 2006, 01:33 AM
პოსტი #4


Advanced Member
***

ჯგუფი: Members
პოსტები: 2,637
რეგისტრ.: 28-July 06
მდებარ.: tel-aviv
წევრი № 22
თუ არ ვცდები თან გრიგოლ ბაკურიანი, ბიზანტის ჯარში მსახურობდა ხო?!
რაც შეხება მის ასე მკაცრ წესებს ტყვილა არ დაუწერია, მისი შიში გამრთლდა ქართულ სხვა მონასტრებზე რომლებიც ბერძნება წაგვართვეს..


--------------------
http://www.youtube.com/user/shotka84tube
User is offlineProfile CardPM
Go to the top of the page
+Quote Post
Georg
პოსტი Nov 4 2006, 03:07 AM
პოსტი #5


Member
**

ჯგუფი: Members
პოსტები: 424
რეგისტრ.: 29-August 06
წევრი № 122
ციტატა(shota @ Nov 3 2006, 01:33 AM) *

თუ არ ვცდები თან გრიგოლ ბაკურიანი, ბიზანტის ჯარში მსახურობდა ხო?!
რაც შეხება მის ასე მკაცრ წესებს ტყვილა არ დაუწერია, მისი შიში გამრთლდა ქართულ სხვა მონასტრებზე რომლებიც ბერძნება წაგვართვეს..


shota! - ბიზანტის ჯარში მსახურობდა კი არა უპირველესი სარდალი იყო, იგი დაწინაურდა XI საუკუნის 70-იან წლებში; სხვადასხვა დროს ეკავა ბიზანტიის იმპერიის ჯერ აღმოსავლეთის, ხოლო შემდეგ დასავლეთის პროვინციათა დომესტიკოსის თანამდებობა. მისი წყალობით საქართველოს მეფემ გიორგი II-მ შემოიმტკიცა კარის ციხე-ქალაქი და მისი მიმდგომი ქვეყანა.


--------------------
"არა გეცრუვნეთ შენ სიწმიდით, მშობელო ჩვენო წმიდაო სამოციქულო ეკლესიაო, არცა განგცეთ შენ, სიქადულო ჩვენო მართლმადიდებლობაო!"

წმიდა მეფე დავით აღმაშენებელი
(რუის-ურბნისის კრების ძეგლისწერა)
User is offlineProfile CardPM
Go to the top of the page
+Quote Post
Sotiris
პოსტი Nov 5 2006, 08:13 PM
პოსტი #6


Advanced Member
***

ჯგუფი: Members
პოსტები: 1,567
რეგისტრ.: 3-November 06
წევრი № 382
ციტატა(Georg @ Nov 3 2006, 01:03 AM) *

აგრესია იმაში გამოიხატება, რომ ერთმორწმუნე ბიზანტია საქართველოს ექცეოდა უარესად ვიდრე სპარსეთი, ოსმალეთი და მოგვიანებით რუსეთი(ეს ყველაფერი კარგად ჩანს "დიდოსტატის მარჯვენაში", იმედია სკოლაში გაივლით).


ვაჰ, დარწმუნებული ხარ მაგაში? აბა კონსტანტინე კეისარი არ იყო, მელქისედეკ კათოლიკოსი საბოძვარით რომ აავსო? აგერ ა ჩანართი "მატიანე ქართლისაში":

"ამისა შემდგომად წარვიდა პატრიაქი მელქისედეკ კოსტანტინე მეფისა წინაშე კოსტანტინეპოლედ. შეიწყნარა მეფემან ბერძენთამან კოსტანტინე<მ> და მოსცა მესამკობელნი ეკლესიათა, ხატნი და ჯუარნი, და ყოველი სამღდელთმთავრო და სამღდელო სამკაული. მოვიდა ქუეყანასა და სამწყსოსა თჳსსა და იყიდა სოფლები ტაოს: ზადკარეკი ხუთითა აგარა[ჲ]თა, და ძაღლის-ჴევს იყიდა სოფელი ოროთა სამითა აგარა[ჲ]თა. ესე ორნი-ვე სოფელნი მათითა აგარა[ჲ]თა თჳსთა ძმათა განძითა იყიდა. და კლარჯეთს მოიგო სოფელი ერთი სხლოანი. და შავშეთს მოიგო სოფელი დიდი სხლობანი, აგარა მისი ნაღუარევი. და ჯავახეთს მოიგო სოფელი ტონთიო. და კოლას მოიგო და დააშენა სოფელი დიდი ო/როტანი აგარა[ჲ]თა. და ფანავარს ააშენა სოფელი ერთი მახაროვანი. და საკოეთს შეიპყრნა და ააშენნა სოფელნი ორნი <და>: ნაქალაქევი და ბერდაძონი, და დაუდვა წმიდასა ამას დედა-ქალაქსა მცხეთას, სუეტსა ცხოველსა."

და აგერ მეორე ჩანართი:

"მოკუდა კათალიკოზი სჳმონ და დასუა ამან მეფემან დიდებულთა კაცთა შვილი მეყვისი და გაზრდილი თჳსი მელქისედეკ კათალიკოზ-პატრიაქად. ხოლო ესე წმიდაჲ წარვიდა ბერძენთა მეფისა ბასილის წინაშე კოსტანტინეპოლედ, რათა შეეწიოს. რამეთუ იყო დიდი ესე კათოლიკე სამოციქულო ეკლესია სვეტი-ცხოველი, რომელი ვახტანგ გორგასალს აღეშენა, დაძველებულ იყო და ჟამთა შლილობით გარეშემო სტოანი და ბჭენი დაქცეულ იყო, და აღარა-ვინ იყო მწე აღშენებად და არ-ცა-რა-ვის ძალ-ედვა აღშენება მისი. და მივიდა და მიუთხრა ყოველი შეუძლებლობა ქართველთა და სათხოველი თჳსი. მაშინ მეფემან ბასილი მოსცა მონასტერი ჴესტორია, რომელ[სა] რ~ე სოფელი აქუს, განძი და შესამკობელნი ეკლესიათანი, ხატნი და ჯუარნი, და ყოველი-ვე სამღდელთმთავრო და სამღდელო სამკაული. წარმოვიდა და მოიწია ქუეყანასა-ვე თჳსსა ქართლად და სამეუფოდ ქალაქად მცხეთად, და იწყო შენებად გარეთითა ბჭითა და გარეშემოთა სტოითა მოქმნითა და ზედა-დაბურვითა, და ყოველი განასრულა. და მიმადლა ღმერთმან განახლება მცხეთის ქალაქისა-ცა, და შეამკო დიდი კათოლიკე სამოციქულო ეკლესია სვეტი-ცხოველი ყოვლითა სამკაულობითა, ოქროთა და ვეცხლითა, თუალითა და მარგალიტითა; და შესჭედა სვეტი-ცხოველი ოქროთა და ვეცხლითა; და შესჭედა წმიდა საკურთხეველი ოქროთა და ვეცხლითა, თუალითა და მარგალიტითა; და მოჭედა კანკელი და კარნი საკურთხეველისანი ოქროთა და ვეცხლითა; და შექმნა წმიდა სამარტვილო ოქროთა და ვეცხლითა, თუალითა და მარგალიტითა; და შექმნა ძელ[ნ]ი ცხოვრებისანი ორნი თუალითა და მარგალიტითა და დაასვენნა ყოველთა წმიდათა ნაწილნი აურაცხელნი და ძელი ცხოვრებისა სხუაჲ; მოჭედილნი ხატნი თუალითა და მარგალიტითა, ოქროთა და ვეცხლითა შემკულნი, რიცხვით ორმოცდათხუთმეტი; წიგნნი მოჭედილ-მოუჭედელნი, რომელ თვითან აღაწერინა და დასდვა, ჯუმლად ოცდახუთი."

ეს ბასილი "დიდოსტატის მარჯვენაში" რომ ნაძაგები ბასილია, ის არის. ბერძენი კეისრები რომ არა, ისე გააგდებდნენ ქართველებს ათონიდან, როგორც არაფერი (გაგიხარდებოდა ახლა შენ მიშიკოს რომ აეღო და თბილისში ერთ-ერთი ეკლესია რუსებისთვის ეჩუქებინა?). რა გიქნა ბერძენმა შაჰ აბასზე უარესი ან თემურ-ლენგზე? ქართველებმა რა ვუქენით ერთმანეთს, მაგაზე ხომ საერთოდ ლაპარაკი ზედმეტია. ყველა იმპერიას თავის ნაკლი აქვს (უნდოდა დაპყრობა და რას უზამ, მასე სომხეთი ჩვენი იყო ერთ დროს biggrin.gif ), მაგრამ ჯალალედინობა კი არ უნდა აჰკიდო ყველას. შენ თუ "დიდოსტატის მარჯვენა" ისტორიული წყარო გგონია, მაშინ გიორგი მეფე პლანის მწევლად გეყოლება წარმოდგენილი უეჭველად biggrin.gif

ციტატა(Georg @ Nov 3 2006, 01:03 AM) *

ბიზანტიის სწორედ ასეთი მტრობის გამო საქართველოს მიმართ, გრიგოლ ბაკურიანმა შექმნა პეტრიწონის მკაცრი(ბერძნების მიმართ) ტიპიკონი


ვერ გავიგე, თან ბერძნები ძულდაო და თან ემსახურებოდაო? biggrin.gif უმსგავსო ბერძენი არ გიყვარდეს ერთია, და მთელი ერი გძულდეს ქვეყნიანად მეორე. ისე გრიგოლ ბაკურიანის-ძე წმიდა მამათა გამონათქვამების თემაში რამ ჩაგასმევინა? blink.gif


--------------------
მძიმეწონოსანთა კატეგორია.
ქარის წისქვილებს არ ვებრძვი, კომერციულ საქმიანობაში ვიყენებ მხოლოდ: ქატო იქა, ფქვილი აქა.
User is offlineProfile CardPM
Go to the top of the page
+Quote Post
Georg
პოსტი Nov 5 2006, 08:29 PM
პოსტი #7


Member
**

ჯგუფი: Members
პოსტები: 424
რეგისტრ.: 29-August 06
წევრი № 122
ციტატა(Sotiris @ Nov 5 2006, 08:13 PM) *

ვაჰ, დარწმუნებული ხარ მაგაში? აბა კონსტანტინე კეისარი არ იყო, მელქისედეკ კათოლიკოსი საბოძვარით რომ აავსო? აგერ ა ჩანართი "მატიანე ქართლისაში":

"ამისა შემდგომად წარვიდა პატრიაქი მელქისედეკ კოსტანტინე მეფისა წინაშე კოსტანტინეპოლედ. შეიწყნარა მეფემან ბერძენთამან კოსტანტინე<მ> და მოსცა მესამკობელნი ეკლესიათა, ხატნი და ჯუარნი, და ყოველი სამღდელთმთავრო და სამღდელო სამკაული. მოვიდა ქუეყანასა და სამწყსოსა თჳსსა და იყიდა სოფლები ტაოს: ზადკარეკი ხუთითა აგარა[ჲ]თა, და ძაღლის-ჴევს იყიდა სოფელი ოროთა სამითა აგარა[ჲ]თა. ესე ორნი-ვე სოფელნი მათითა აგარა[ჲ]თა თჳსთა ძმათა განძითა იყიდა. და კლარჯეთს მოიგო სოფელი ერთი სხლოანი. და შავშეთს მოიგო სოფელი დიდი სხლობანი, აგარა მისი ნაღუარევი. და ჯავახეთს მოიგო სოფელი ტონთიო. და კოლას მოიგო და დააშენა სოფელი დიდი ო/როტანი აგარა[ჲ]თა. და ფანავარს ააშენა სოფელი ერთი მახაროვანი. და საკოეთს შეიპყრნა და ააშენნა სოფელნი ორნი <და>: ნაქალაქევი და ბერდაძონი, და დაუდვა წმიდასა ამას დედა-ქალაქსა მცხეთას, სუეტსა ცხოველსა."

და აგერ მეორე ჩანართი:

"მოკუდა კათალიკოზი სჳმონ და დასუა ამან მეფემან დიდებულთა კაცთა შვილი მეყვისი და გაზრდილი თჳსი მელქისედეკ კათალიკოზ-პატრიაქად. ხოლო ესე წმიდაჲ წარვიდა ბერძენთა მეფისა ბასილის წინაშე კოსტანტინეპოლედ, რათა შეეწიოს. რამეთუ იყო დიდი ესე კათოლიკე სამოციქულო ეკლესია სვეტი-ცხოველი, რომელი ვახტანგ გორგასალს აღეშენა, დაძველებულ იყო და ჟამთა შლილობით გარეშემო სტოანი და ბჭენი დაქცეულ იყო, და აღარა-ვინ იყო მწე აღშენებად და არ-ცა-რა-ვის ძალ-ედვა აღშენება მისი. და მივიდა და მიუთხრა ყოველი შეუძლებლობა ქართველთა და სათხოველი თჳსი. მაშინ მეფემან ბასილი მოსცა მონასტერი ჴესტორია, რომელ[სა] რ~ე სოფელი აქუს, განძი და შესამკობელნი ეკლესიათანი, ხატნი და ჯუარნი, და ყოველი-ვე სამღდელთმთავრო და სამღდელო სამკაული. წარმოვიდა და მოიწია ქუეყანასა-ვე თჳსსა ქართლად და სამეუფოდ ქალაქად მცხეთად, და იწყო შენებად გარეთითა ბჭითა და გარეშემოთა სტოითა მოქმნითა და ზედა-დაბურვითა, და ყოველი განასრულა. და მიმადლა ღმერთმან განახლება მცხეთის ქალაქისა-ცა, და შეამკო დიდი კათოლიკე სამოციქულო ეკლესია სვეტი-ცხოველი ყოვლითა სამკაულობითა, ოქროთა და ვეცხლითა, თუალითა და მარგალიტითა; და შესჭედა სვეტი-ცხოველი ოქროთა და ვეცხლითა; და შესჭედა წმიდა საკურთხეველი ოქროთა და ვეცხლითა, თუალითა და მარგალიტითა; და მოჭედა კანკელი და კარნი საკურთხეველისანი ოქროთა და ვეცხლითა; და შექმნა წმიდა სამარტვილო ოქროთა და ვეცხლითა, თუალითა და მარგალიტითა; და შექმნა ძელ[ნ]ი ცხოვრებისანი ორნი თუალითა და მარგალიტითა და დაასვენნა ყოველთა წმიდათა ნაწილნი აურაცხელნი და ძელი ცხოვრებისა სხუაჲ; მოჭედილნი ხატნი თუალითა და მარგალიტითა, ოქროთა და ვეცხლითა შემკულნი, რიცხვით ორმოცდათხუთმეტი; წიგნნი მოჭედილ-მოუჭედელნი, რომელ თვითან აღაწერინა და დასდვა, ჯუმლად ოცდახუთი."

ეს ბასილი "დიდოსტატის მარჯვენაში" რომ ნაძაგები ბასილია, ის არის. ბერძენი კეისრები რომ არა, ისე გააგდებდნენ ქართველებს ათონიდან, როგორც არაფერი (გაგიხარდებოდა ახლა შენ მიშიკოს რომ აეღო და თბილისში ერთ-ერთი ეკლესია რუსებისთვის ეჩუქებინა?). რა გიქნა ბერძენმა შაჰ აბასზე უარესი ან თემურ-ლენგზე? ქართველებმა რა ვუქენით ერთმანეთს, მაგაზე ხომ საერთოდ ლაპარაკი ზედმეტია. ყველა იმპერიას თავის ნაკლი აქვს (უნდოდა დაპყრობა და რას უზამ, მასე სომხეთი ჩვენი იყო ერთ დროს biggrin.gif ), მაგრამ ჯალალედინობა კი არ უნდა აჰკიდო ყველას. შენ თუ "დიდოსტატის მარჯვენა" ისტორიული წყარო გგონია, მაშინ გიორგი მეფე პლანის მწევლად გეყოლება წარმოდგენილი უეჭველად biggrin.gif
ვერ გავიგე, თან ბერძნები ძულდაო და თან ემსახურებოდაო? biggrin.gif უმსგავსო ბერძენი არ გიყვარდეს ერთია, და მთელი ერი გძულდეს ქვეყნიანად მეორე. ისე გრიგოლ ბაკურიანის-ძე წმიდა მამათა გამონათქვამების თემაში რამ ჩაგასმევინა? blink.gif


ამაზე რა უნდა გიპასუხო? თავად პასუხობ საკუთარ "სიბრძნეს"! biggrin.gif


--------------------
"არა გეცრუვნეთ შენ სიწმიდით, მშობელო ჩვენო წმიდაო სამოციქულო ეკლესიაო, არცა განგცეთ შენ, სიქადულო ჩვენო მართლმადიდებლობაო!"

წმიდა მეფე დავით აღმაშენებელი
(რუის-ურბნისის კრების ძეგლისწერა)
User is offlineProfile CardPM
Go to the top of the page
+Quote Post
Sotiris
პოსტი Nov 5 2006, 08:46 PM
პოსტი #8


Advanced Member
***

ჯგუფი: Members
პოსტები: 1,567
რეგისტრ.: 3-November 06
წევრი № 382
ციტატა(Georg @ Nov 5 2006, 08:29 PM) *

ამაზე რა უნდა გიპასუხო? თავად პასუხობ საკუთარ "სიბრძნეს"! biggrin.gif


ჩემო ძმაო, პასუხს ნუ გაურბიხარ.

1) შენ თქვი ბიზანტია თურქებივით მოგვეპყროო. მე გეუბნები ბიზანტიამ სვეტიცხოვლის შენება დაგიფინანსა მეთქი. ახლა შენ უნდა წარმოადგინო საბუთი სადაც წერია, რომ თურქებმაც დაგიფინანსეს სვეტიცხოვლის რემონტი და შენება-შემკობა.

2) შენ იგულისხმე "დიდისტატის მარჯვენა" ისტორიული წყაროაო. მე გკითხე გიორგი მეფის პლანის წევის ამბავი თუ გჯერა მეთქი.

3) შენ თქვი გრიგოლ ბაკურიანის-ძეს ყველა ბერძენი ძულდაო. მე გკითხე, თუ ყველა ძულდა, რაღა მაგათ ემსახურებოდა და არა ქართველებს-თქო.

4) შენ განათავსე გრიგოლ ბაკურიანის-ძის ტიპიკონის ნაწყვეტი ამ განყოფილებაში. მე გკითხე გრიგოლ ბაკურიანის-ძე რომელი მამა ნახე, მონაზონი კი არა გენერალი იყო-მეთქი biggrin.gif

და ისე რომ იცოდე დავით კურაპალატმა თვითონ დაუმტკიცა თავისი მამულები ბასილი კეისარს მის წინააღმდეგ შეთქმულებაში მონაწილეობის გამო შეწყალების სანაცვლოდ.


--------------------
მძიმეწონოსანთა კატეგორია.
ქარის წისქვილებს არ ვებრძვი, კომერციულ საქმიანობაში ვიყენებ მხოლოდ: ქატო იქა, ფქვილი აქა.
User is offlineProfile CardPM
Go to the top of the page
+Quote Post
AnDaIn
პოსტი Nov 5 2006, 09:37 PM
პოსტი #9


დაურეგისტრირებელი
Georg
გასაგებია გიორგი ბიძია biggrin.gif
Go to the top of the page
+Quote Post
Georg
პოსტი Nov 5 2006, 09:44 PM
პოსტი #10


Member
**

ჯგუფი: Members
პოსტები: 424
რეგისტრ.: 29-August 06
წევრი № 122
ციტატა(Sotiris @ Nov 5 2006, 08:46 PM) *

ჩემო ძმაო, პასუხს ნუ გაურბიხარ.

1) შენ თქვი ბიზანტია თურქებივით მოგვეპყროო. მე გეუბნები ბიზანტიამ სვეტიცხოვლის შენება დაგიფინანსა მეთქი. ახლა შენ უნდა წარმოადგინო საბუთი სადაც წერია, რომ თურქებმაც დაგიფინანსეს სვეტიცხოვლის რემონტი და შენება-შემკობა.

2) შენ იგულისხმე "დიდისტატის მარჯვენა" ისტორიული წყაროაო. მე გკითხე გიორგი მეფის პლანის წევის ამბავი თუ გჯერა მეთქი.

3) შენ თქვი გრიგოლ ბაკურიანის-ძეს ყველა ბერძენი ძულდაო. მე გკითხე, თუ ყველა ძულდა, რაღა მაგათ ემსახურებოდა და არა ქართველებს-თქო.

4) შენ განათავსე გრიგოლ ბაკურიანის-ძის ტიპიკონის ნაწყვეტი ამ განყოფილებაში. მე გკითხე გრიგოლ ბაკურიანის-ძე რომელი მამა ნახე, მონაზონი კი არა გენერალი იყო-მეთქი biggrin.gif

და ისე რომ იცოდე დავით კურაპალატმა თვითონ დაუმტკიცა თავისი მამულები ბასილი კეისარს მის წინააღმდეგ შეთქმულებაში მონაწილეობის გამო შეწყალების სანაცვლოდ.


"შენი ძმა" ვერ ვიქნები, რამოდენიმე მოსაზრების გამო:

1. ვერ გაგიგია, რომ მართლმადიდებლობის უდიდესი სიწმიდის პეტრიწონის ქტიტორისა და ტიბიკონის ავტორისათვის მამის წოდების ჩამორთმევის უფლება არ გაქვს!

უფალმა შეგინდოს ამისათვის!

2. არ იცი ბერძნებმა რა უქნეს ქართულ სიწმინდეებს და ქართველ ბერებს ივერონში, აქედან გამომდინარე სავარაუდოა, რომ არც ილიას ქვათა ღაღადი გექნება წაკითხული ქართველთა მიმართ "სომხური ღვაწლის" შესახებ!

უფალმა შეგინდოს ამისათვის!

3. არ იცი სად უნდა ისაუბრო "პლანის წევაზე", ისე "პლანს" თრიაქი ქვია ქართული სალიტერატურო ნორმით!

უფალმა შეგინდოს ამისათვის!

4. ბიზანტიამ მსხვილი სახსრები გაიღო სვეტიცხოველისათვის(საკუთარი გავლენის გასაძლიერებლად), მერე რა? რა შეუშლიდა ხელს საქართველოს მტრობას ბიზანტიის მხრიდან? ან ჩემგან გაიგე ეს ისტორიული ფაქტი(ბიზანტიის მტრობისა)? რუსეთმა დააფინანსა სამების საკათედრო ტაძრის მშენებლობა!(ახლა არ თქვა ბიძინა ივანიშვილს ვერაფერს უპოვიდნენ რუსები, რომ ხოდორკოვსკის გვერდით მოესვათ, ასეთი სურვილის არსებობის შემთხვევაში, რითაც შეწყვეტდნენ სამების ტაძრის მშენებლობის დაფინანსებას!) რა ვერ მოგვიწყეს გენოციდი აფხაზეთსა და სამაჩაბლოში და ვერ ატარებენ ამ დღეებში ჩვენ ეთნოწმენდას რუსეთში?

უფალმა შეგინდოს ამის არ დანახვისათვის!

5. ჩვენი სათაყვანებელი რუსთაველის, მსოფლიოში ცნობილი, იერუსულიმის ფრესკას რა უქნეს ბერძნებმა არ გაგიგია? ან მიზეზი ასეთი ქმედებისა, ბერძნების მხრიდან, რაა არ იცი?

უფალმა შეგინდოს ამ "არ ცოდნისათვის"!

და ბოლოს უფალმა შემინდოს შენთვის შეგონებათა მოწერისათვის, არა მგონია ამას რაიმე პოზიტიური შედეგი მოჰყვეს, რატომღაც დიდი აგრესია და არა ჭეშმარიტების დადგენის სურვილი იგრძნობა შენი უსტარებიდან!


--------------------
"არა გეცრუვნეთ შენ სიწმიდით, მშობელო ჩვენო წმიდაო სამოციქულო ეკლესიაო, არცა განგცეთ შენ, სიქადულო ჩვენო მართლმადიდებლობაო!"

წმიდა მეფე დავით აღმაშენებელი
(რუის-ურბნისის კრების ძეგლისწერა)
User is offlineProfile CardPM
Go to the top of the page
+Quote Post
Sotiris
პოსტი Nov 5 2006, 11:22 PM
პოსტი #11


Advanced Member
***

ჯგუფი: Members
პოსტები: 1,567
რეგისტრ.: 3-November 06
წევრი № 382
ციტატა(Georg @ Nov 5 2006, 09:44 PM) *

1. ვერ გაგიგია, რომ მართლმადიდებლობის უდიდესი სიწმიდის პეტრიწონის ქტიტორისა და ტიბიკონის ავტორისათვის მამის წოდების ჩამორთმევის უფლება არ გაქვს!


მამა შეიძლება იყოს სასულიერო დასის წარმომადგენელი. გენერალი - არა. შეგეძლო დიდი მოღვაწე გეწოდებინა. უბრალო ტერმინოლოგიის ამბავია. და ისე რომ იცოდე გრიგოლ ბაკურიანი კი არ არის (მაგი სომხებს ჭირდებათ თავისი გეგმებისთვის), არამედ გრიგოლ ბაკურიანის-ძე (ბაკურიანი მამამისს ერქვა).

ციტატა(Georg @ Nov 5 2006, 09:44 PM) *

2. არ იცი ბერძნებმა რა უქნეს ქართულ სიწმინდეებს და ქართველ ბერებს ივერონში, აქედან გამომდინარე სავარაუდოა, რომ არც ილიას ქვათა ღაღადი გექნება წაკითხული ქართველთა მიმართ "სომხური ღვაწლის" შესახებ!


ბერძენი და სომეხი ერთმანეთთან რა შუაშია blink.gif ილიას ქვათა ღაღადიც მაქვს წაკითხული და სხვა რამეებიც, შენ კი მგონი ჟაკ ლეფორის, ნიკოლოზ იკონომიდისის და ელენე მეტრეველის მიერ გამოცემული ივერონის საბუთები არ გაქვს წაკითხული (სიგელები, ყიდვა-გაყიდვის საბუთები და ა.შ.), თორემ გეცოდინებოდა როგორ აავსეს საბოძვარით ბერძენმა კეისრებმა ქართული ივერონი.

ციტატა(Georg @ Nov 5 2006, 09:44 PM) *

3. არ იცი სად უნდა ისაუბრო "პლანის წევაზე", ისე "პლანს" თრიაქი ქვია ქართული სალიტერატურო ნორმით!


და სად უნდა ვილაპარაკო მაგის შესახებ? სადაც "დიდოსტატის მარჯვენაა" ისტორიული საბუთი?

ციტატა(Georg @ Nov 5 2006, 09:44 PM) *

4. ბიზანტიამ მსხვილი სახსრები გაიღო სვეტიცხოველისათვის(საკუთარი გავლენის გასაძლიერებლად)


გავლენისთვის თუ რისთვის გაიღო შენ ეგ საიდან იცი? ქართველი თუ რამეს აკეთებს, ყველაფერს კარგს აკეთებს და ბერძენმა თუ რამე გააკეთა კარგი, მაგიც იმიტომ რომ მზაკვარი გეგმები ქონდა?!

ციტატა(Georg @ Nov 5 2006, 09:44 PM) *

მერე რა? რა შეუშლიდა ხელს საქართველოს მტრობას ბიზანტიის მხრიდან? ან ჩემგან გაიგე ეს ისტორიული ფაქტი(ბიზანტიის მტრობისა)?


მერე რას ისხდნენ ეს ქართველები ამ მტერი სახელმწიფოს შუაგულში ათონზე? რატომ ღებულობდნენ ბერძნებიდან დახმარებას თუ მტრები იყვნენ ბერძნები? რას ემსახურებოდა ეს გრიგოლ ბაკურიანის-ძე მტრებს?

ციტატა(Georg @ Nov 5 2006, 09:44 PM) *

რუსეთმა დააფინანსა სამების საკათედრო ტაძრის მშენებლობა!


ივანიშვილი და ქართველი ერი რუსებია? biggrin.gif აბა ოსმალეთმა რა დაგიფინანსა ერთი?

ციტატა(Georg @ Nov 5 2006, 09:44 PM) *

5. ჩვენი სათაყვანებელი რუსთაველის, მსოფლიოში ცნობილი, იერუსულიმის ფრესკას რა უქნეს ბერძნებმა არ გაგიგია?


მთელმა ერმა აირჩია წარმომადგენელი და უთხრა წადი რუსთაველის ფრესკა მოსპეო? blink.gif არ მითხრა ახლა ქართველის მიერ დაზიანებული ქართული ფრესკები არ მინახავსო.

ციტატა(Georg @ Nov 5 2006, 09:44 PM) *

ან მიზეზი ასეთი ქმედებისა, ბერძნების მხრიდან, რაა არ იცი?


მე მითხრეს იერუსალიმის წინა პატრიარქის ირინეოსის წინააღმდეგ მოწყობილი ინტრიგა იყო მიზეზიო.

ციტატა(Georg @ Nov 5 2006, 09:44 PM) *

და ბოლოს უფალმა შემინდოს შენთვის შეგონებათა მოწერისათვის, არა მგონია ამას რაიმე პოზიტიური შედეგი მოჰყვეს, რატომღაც დიდი აგრესია და არა ჭეშმარიტების დადგენის სურვილი იგრძნობა შენი უსტარებიდან!


თუ მკვახე წერილები გამომდის, ეგ იმიტომ რომ ფილეტიზმის მიმართ მგრძნობიარე ვარ, მაგრამ თუ რამე გაწყენინე, შემინდე.


--------------------
მძიმეწონოსანთა კატეგორია.
ქარის წისქვილებს არ ვებრძვი, კომერციულ საქმიანობაში ვიყენებ მხოლოდ: ქატო იქა, ფქვილი აქა.
User is offlineProfile CardPM
Go to the top of the page
+Quote Post
G_I_O_R_G_I_
პოსტი Nov 5 2006, 11:48 PM
პოსტი #12


Advanced Member
***

ჯგუფი: Members
პოსტები: 1,857
რეგისტრ.: 31-July 06
წევრი № 27
მგონი არ ღირს ეხლა საბერძნეთისა და საქართველოს ეკლესიებს შორის კონფლიქტზე საუბარი ეგრე ჩვენ შეგვიძლია ვილაპაროკოთ რუს ეგზარხოსებზეც და აშ.მიუხედავათ ყველაფრისა უნდა ვეცადოთ კარგი ურთიერთობა გვქონდეს ყველა მართმადიდებლურ ეკლესიებთან,რადგანაც ამხელა მსოფლიოში ჯერ ისედაც ცოტანი ვართ და ერთმანეთთან დაპირისპირებაში მტერი უფრო ადვილად დაგვამარცხებს
User is offlineProfile CardPM
Go to the top of the page
+Quote Post
ლილიანა
პოსტი Nov 5 2006, 11:51 PM
პოსტი #13


Advanced Member
***

ჯგუფი: Moderator
პოსტები: 4,439
რეგისტრ.: 18-August 06
წევრი № 78
თემა თქვენი ნებართვით გადამაქვს "ახალ თემების " განყოფილებაში rolleyes.gif


--------------------
21. შემიწყალეთ მე, შემიწყალეთ მე, ჵ მეგობარნო ჩემნო, რამეთუ ჴელი უფლისაჲ შეხებულ არს ჩემდა.
User is offlineProfile CardPM
Go to the top of the page
+Quote Post
Georg
პოსტი Nov 6 2006, 12:23 AM
პოსტი #14


Member
**

ჯგუფი: Members
პოსტები: 424
რეგისტრ.: 29-August 06
წევრი № 122
ციტატა(Sotiris @ Nov 5 2006, 11:22 PM) *

მამა შეიძლება იყოს სასულიერო დასის წარმომადგენელი. გენერალი - არა. შეგეძლო დიდი მოღვაწე გეწოდებინა. უბრალო ტერმინოლოგიის ამბავია. და ისე რომ იცოდე გრიგოლ ბაკურიანი კი არ არის (მაგი სომხებს ჭირდებათ თავისი გეგმებისთვის), არამედ გრიგოლ ბაკურიანის-ძე (ბაკურიანი მამამისს ერქვა).
ბერძენი და სომეხი ერთმანეთთან რა შუაშია blink.gif ილიას ქვათა ღაღადიც მაქვს წაკითხული და სხვა რამეებიც, შენ კი მგონი ჟაკ ლეფორის, ნიკოლოზ იკონომიდისის და ელენე მეტრეველის მიერ გამოცემული ივერონის საბუთები არ გაქვს წაკითხული (სიგელები, ყიდვა-გაყიდვის საბუთები და ა.შ.), თორემ გეცოდინებოდა როგორ აავსეს საბოძვარით ბერძენმა კეისრებმა ქართული ივერონი.
და სად უნდა ვილაპარაკო მაგის შესახებ? სადაც "დიდოსტატის მარჯვენაა" ისტორიული საბუთი?
გავლენისთვის თუ რისთვის გაიღო შენ ეგ საიდან იცი? ქართველი თუ რამეს აკეთებს, ყველაფერს კარგს აკეთებს და ბერძენმა თუ რამე გააკეთა კარგი, მაგიც იმიტომ რომ მზაკვარი გეგმები ქონდა?!
მერე რას ისხდნენ ეს ქართველები ამ მტერი სახელმწიფოს შუაგულში ათონზე? რატომ ღებულობდნენ ბერძნებიდან დახმარებას თუ მტრები იყვნენ ბერძნები? რას ემსახურებოდა ეს გრიგოლ ბაკურიანის-ძე მტრებს?
ივანიშვილი და ქართველი ერი რუსებია? biggrin.gif აბა ოსმალეთმა რა დაგიფინანსა ერთი?
მთელმა ერმა აირჩია წარმომადგენელი და უთხრა წადი რუსთაველის ფრესკა მოსპეო? blink.gif არ მითხრა ახლა ქართველის მიერ დაზიანებული ქართული ფრესკები არ მინახავსო.
მე მითხრეს იერუსალიმის წინა პატრიარქის ირინეოსის წინააღმდეგ მოწყობილი ინტრიგა იყო მიზეზიო.
თუ მკვახე წერილები გამომდის, ეგ იმიტომ რომ ფილეტიზმის მიმართ მგრძნობიარე ვარ, მაგრამ თუ რამე გაწყენინე, შემინდე.


გრიგოლ ბაკურიანის შესახებ შენს დაბადებამდე(დამახასიათებელი ტერმინოლოგიით ვხვდები შენს ასაკს) აი ამ წიგნიდან გავიგე: ცხოვრება მეფეთ-მეფისა დავითისი; წიგნი:ქართლის ცხოვრება, სიმონ ყაუხჩიშვილის გამოც.,ტ.1, თბილისი 1955 წ.;
არა მგონია თუნდაც გენახოს ეს წიგნი ან სიმონ ყაუხჩიშვილი იცოდე ვინაა, ისეთ დიდ გულზე ხარ!
უფალმა შეგინდოს!

"საბოძვარით" რომ აავსეს ბერძენმა კეისრებმა ქართული ივერონი(სხვათაშორის ქართველთა დამსახურების გამო) მას მერე მოხდა ჩემგან ნახსენები ქართული სიწმიდეების ძარცვა-განადგურება და ჩვენი ბერების განდევნა, შენი შემხედვარე ილია მართალის "ბედნიერი ერი" მახსენდება!
უფალმა შეგინდოს ამისათვის!

სად "აღმოაჩინე", რომ "დიდოსტატის მარჯვენა" ისტორიულ საბუთად გამეცხადებინა(თუმც კი ისტორიული სარჩული უდევს დიდოსტატს), ცნობისათვის დაიმახსოვრე, რომ ისტორიული საბუთი(მაგალითისთვის) არის ივანე ჯავახიშვილის და მის მოწაფეთა მეცნიერული მემკვიდრეობა!

ივანე ჯავახიშვილი და ნიკო ბერძენიშვილი, რომ არ გაგიგია(ყველაზე საუკეთესო შემთხვევაში) იმიტომ ვერ იჯერებ ბიზანტიის სახელმწიფოებრივ სიავეს საქართველოს მიმართ!
უფალმა შეგინდოს ამისათვის!

რა "იგავმიუწვდენელ სიბრძნეს" წერ, "აღვფრთოვანდი": "მერე რას ისხდნენ ეს ქართველები ამ მტერი სახელმწიფოს შუაგულში ათონზე? რატომ ღებულობდნენ ბერძნებიდან დახმარებას თუ მტრები იყვნენ ბერძნები? რას ემსახურებოდა ეს გრიგოლ ბაკურიანის-ძე მტრებს?"
ახლა რას სხედან ეს ქართველები მოსკოვში, რატომ ღებულობენ დახმარებას რუსებისგან?(1-ლი სკოლა ლუჟკოვმა ააშენა), სამების ტაძარი კი რუსეთის ბიზნესმენმა ივანიშვილმა! რას ემსახურებიან(შენი ლოღიკით) ეს ივანიშვილი ან ბენდუქიძე მტრებს?
გაგიგია თავად შუშის სახლში ცხოვრობდე და სხვას ქვას ესროდე?
უფალმა შეგინდოს ამისათვის!


"მთელმა ერმა აირჩია წარმომადგენელი და უთხრა წადი რუსთაველის ფრესკა მოსპეო?" - მერე ვინ გითხრა ეს? არც სომხებს ჩაუტარებიათ რეფერენდუმი იმაზე რაც ილია მართალმა დაგმო, ალბათ არც მისი(ილია მართლის) გჯერა! მაგრამ შენ გჯერა თუ არა, აღნიშნული, ბერძნული და სომხური პოლიტიკაა საქართველოს წინააღმდეგ!
თუ ქართველი ხარ და მართლმადიდებელი უფალმა შეგინდოს! თუ არა - შეგიძლია საკუთარი "აზრებით" მშვიდად იცხოვრო!

"თუ მკვახე წერილები გამომდის, ეგ იმიტომ რომ ფილეტიზმის მიმართ მგრძნობიარე ვარ, მაგრამ თუ რამე გაწყენინე, შემინდე." - ფილეტიზმის მიმართ კი არ ხარ მგრძნობიარე, არამედ ეგზეგეტიკის მეტრობაზე გაქვს პრეტენზია, უფალმა შეგინდოს ამისათვის თუ ქართველი ხარ და მართლმადიდებელი!

შემინდე! ამის შემდგომ შენ არც ერთ უსტარზე პასუხს ჩემგან ვერ მიიღებ! არ ვარ ჩვეული წყლის ნაყვას!


--------------------
"არა გეცრუვნეთ შენ სიწმიდით, მშობელო ჩვენო წმიდაო სამოციქულო ეკლესიაო, არცა განგცეთ შენ, სიქადულო ჩვენო მართლმადიდებლობაო!"

წმიდა მეფე დავით აღმაშენებელი
(რუის-ურბნისის კრების ძეგლისწერა)
User is offlineProfile CardPM
Go to the top of the page
+Quote Post
Georg
პოსტი Nov 6 2006, 12:34 AM
პოსტი #15


Member
**

ჯგუფი: Members
პოსტები: 424
რეგისტრ.: 29-August 06
წევრი № 122
ციტატა(liliana @ Nov 5 2006, 11:51 PM) *

თემა თქვენი ნებართვით გადამაქვს "ახალ თემების " განყოფილებაში rolleyes.gif


liliana! - მაპატიე! საზრუნავს რომ გიმატებ, არ მქონდა განსაზღვრული ყველა ნიუანსი "თემის განვითარებისა" და რატომღაც ვთვლი, რომ მართლმადიდებლობის უდიდესი სიწმიდის - პეტრიწონის ქტიტორი და ტიბიკონის ავტორი მამაცაა, დომესტიკოსობის გარდა, ისევე როგორც, ბოლო, ჯერაც, დაუმთავრებელი კვლევები იხრებიან იმ ვერსიისაკენ, რომ ჩვენი წმიდა მეფე დავით აღმაშენებელი ბერი ყოფილა, მაგრამ ამაზე მოგვიანებით!


--------------------
"არა გეცრუვნეთ შენ სიწმიდით, მშობელო ჩვენო წმიდაო სამოციქულო ეკლესიაო, არცა განგცეთ შენ, სიქადულო ჩვენო მართლმადიდებლობაო!"

წმიდა მეფე დავით აღმაშენებელი
(რუის-ურბნისის კრების ძეგლისწერა)
User is offlineProfile CardPM
Go to the top of the page
+Quote Post
Sotiris
პოსტი Nov 6 2006, 02:11 AM
პოსტი #16


Advanced Member
***

ჯგუფი: Members
პოსტები: 1,567
რეგისტრ.: 3-November 06
წევრი № 382
ციტატა(Georg @ Nov 6 2006, 12:23 AM) *

გრიგოლ ბაკურიანის შესახებ შენს დაბადებამდე(დამახასიათებელი ტერმინოლოგიით ვხვდები შენს ასაკს) აი ამ წიგნიდან გავიგე: ცხოვრება მეფეთ-მეფისა დავითისი; წიგნი:ქართლის ცხოვრება, სიმონ ყაუხჩიშვილის გამოც.,ტ.1, თბილისი 1955 წ.;
არა მგონია თუნდაც გენახოს ეს წიგნი ან სიმონ ყაუხჩიშვილი იცოდე ვინაა, ისეთ დიდ გულზე ხარ!
უფალმა შეგინდოს!


ჰმ, ყაუხჩიშვილი ვინ არის როგორ არ ვიცი, ყველაფერთან ერთად ლათინი იყო, თუმცა დიდი მეცნიერი. დავით მეფის ცხოვრება კარგად რომ წაგეკითხა, კი არ იტყოდი გრიგოლ ბაკურიანიო, არამედ გრიგოლ ბაკურიანის ძეო.

ხოლო მუნ მოვიდა წინაშე მათსა ზორავარი აღმოსავალისა გრიგოლ ბაკურიანის ძე , რომელსა ჰქონდეს ოლთისი, და კარნუ-ქალაქი, და კარი, და დიდად განიხარეს და განისუენეს.

რამდენჯერ უნდა გავიმეორო, რომ გრიგორ პაკურიან სომხების წისქვილზე ასხამს წყალს?

ციტატა(Georg @ Nov 6 2006, 12:23 AM) *

"საბოძვარით" რომ აავსეს ბერძენმა კეისრებმა ქართული ივერონი(სხვათაშორის ქართველთა დამსახურების გამო)


და გიორგი მთაწმიდელს რა დამსახურება ქონდა კონსტანტინე დუკას წინაშე? ვატყობ ისე გძულს ბერძნები საბოძვარი ბრჭყალებში ჩასვი. სვეტიცხოველში რა გულით შედიხარ მაგის მერე? ისე ბიზანტია აღარ არსებობს და ბერძნები რა ბიზანტიის მემკვიდრეები ნახე? თუ ბიზანტიის მკვიდრი მარტო ბერძენი იყო?

ციტატა(Georg @ Nov 6 2006, 12:23 AM) *

სად "აღმოაჩინე", რომ "დიდოსტატის მარჯვენა" ისტორიულ საბუთად გამეცხადებინა(თუმც კი ისტორიული სარჩული უდევს დიდოსტატს), ცნობისათვის დაიმახსოვრე, რომ ისტორიული საბუთი(მაგალითისთვის) არის ივანე ჯავახიშვილის და მის მოწაფეთა მეცნიერული მემკვიდრეობა!


ეგ საბუთი კი არა, მეცნიერული კვლევის შედეგია. საბუთია მაგალითად ქართლის ცხოვრება.

ციტატა(Georg @ Nov 6 2006, 12:23 AM) *

ივანე ჯავახიშვილი და ნიკო ბერძენიშვილი, რომ არ გაგიგია(ყველაზე საუკეთესო შემთხვევაში) იმიტომ ვერ იჯერებ ბიზანტიის სახელმწიფოებრივ სიავეს საქართველოს მიმართ!


ივანე ჯავახიშვილი რომ გამიგია, მაგიტომაა რომ მას ვეთანხმები ქართველბს უაზრო და არანაირი პოლიტიკური მიზნის მქონე მარბიელი ლაშქრობები არ უნდა შეესრულებინათ ირანში და ვერც ჯალალედინი შეძლებდა იქაურ გაავებულ მოსახლეობაში ჯარის შეკრებას. ისე პირწმინდად გაძარცვეს ქართველებმა ირანი, რომ ნადავლის სიუხვის გამო მოუხდათ უკან დაბრუნება (!).

ციტატა(Georg @ Nov 6 2006, 12:23 AM) *

რა "იგავმიუწვდენელ სიბრძნეს" წერ, "აღვფრთოვანდი": "მერე რას ისხდნენ ეს ქართველები ამ მტერი სახელმწიფოს შუაგულში ათონზე? რატომ ღებულობდნენ ბერძნებიდან დახმარებას თუ მტრები იყვნენ ბერძნები? რას ემსახურებოდა ეს გრიგოლ ბაკურიანის-ძე მტრებს?"
ახლა რას სხედან ეს ქართველები მოსკოვში, რატომ ღებულობენ დახმარებას რუსებისგან?(1-ლი სკოლა ლუჟკოვმა ააშენა), სამების ტაძარი კი რუსეთის ბიზნესმენმა ივანიშვილმა! რას ემსახურებიან(შენი ლოღიკით) ეს ივანიშვილი ან ბენდუქიძე მტრებს?


რუსეთში ვინც ქართველი ცხოვრობს, შენ გგონია ყველას ძულს მთელი რუსი ერი?

ციტატა(Georg @ Nov 6 2006, 12:23 AM) *

"მთელმა ერმა აირჩია წარმომადგენელი და უთხრა წადი რუსთაველის ფრესკა მოსპეო?" - მერე ვინ გითხრა ეს?


შენ თვითონ არ მეუბნები, საბერძნეთი ჩვენი მტერიაო?

ციტატა(Georg @ Nov 6 2006, 12:23 AM) *

თუ ქართველი ხარ და მართლმადიდებელი უფალმა შეგინდოს!


კონკრეტულად ეგ შეურაცხყოფაა. არ გიცნობთ და არ მიცნობთ, მაგრამ რატომღაც კი დარწმუნებული ხართ ორივეში მჯობიხართ.

ციტატა(Georg @ Nov 6 2006, 12:23 AM) *

"თუ მკვახე წერილები გამომდის, ეგ იმიტომ რომ ფილეტიზმის მიმართ მგრძნობიარე ვარ, მაგრამ თუ რამე გაწყენინე, შემინდე." - ფილეტიზმის მიმართ კი არ ხარ მგრძნობიარე, არამედ ეგზეგეტიკის მეტრობაზე გაქვს პრეტენზია,


ფანტაზია.


--------------------
მძიმეწონოსანთა კატეგორია.
ქარის წისქვილებს არ ვებრძვი, კომერციულ საქმიანობაში ვიყენებ მხოლოდ: ქატო იქა, ფქვილი აქა.
User is offlineProfile CardPM
Go to the top of the page
+Quote Post
Georg
პოსტი Nov 7 2006, 11:21 AM
პოსტი #17


Member
**

ჯგუფი: Members
პოსტები: 424
რეგისტრ.: 29-August 06
წევრი № 122
პეტრიწონის ტიბიკონის სიმკაცრის მიზეზნი - გზავნილი XI საუკუნიდან ანუ
("ჭკუა უხმარ არს ბრიყვთათვის, ჭკვა ცოდნით მოიხმარების!")


ტროპარი წმიდისა ილია მართლისა

„ღვაწლითა და სისხლითა შენითა უდაბნოჲ იგი სოფლისაჲ მოიმუშაკე. და გონებითა ღვთივბრწყინვალითა დაცემულნი კვალად აღგვადგინენ.

ჭეშმარტიებაჲ სთესე და გვირგვინი უკვდავებისაჲ მოიპოვე; სიმართლისათვის დაითმინე და ზესთასოფელი დიდებისაჲ დაიმკვიდრე.

ძეო ქართველთა ერისაო, ერისათვის წამებულო, წმიდაო ილია მართალო, ყოვლად დიდებულო, ევედრე ქრისტესა ღმერთსა ძმათა შენთათვის, შეწყალებად სულთა ჩვენთათვის“.
http://literatura.iatp.ge

+ + +


ქართველთა საზღვარგარეთულ ცენტრთა შორის განსაკუთრებული ადგილი უკავია პეტრიწონის მონასტერს, რომელიც 1083 წელსაა აშენებული გრიგოლ ბაკურიანისძის მიერ თავისი და საკუთარი ძმის ასპაზის ძვლების განსასვენებლად.

მონასტერი აშენებული იყო ქართველთათვის ან სხვა ტომის ბერებისათვის რომელთაც ქართული ენა და წერა-კითვა იცოდნენ, გამონაკლისს აქედან ბერძნები შეადგენდნენ. მათ შესახებ გრიგოლი პირდაპირ წერს მონასტრის ტიბიკონში, რომელიც დაწერილი იყო ქართულად და ბერძნულად:

"გირჩევთ ყველას, მონასტრის მკვიდრთ, და დაჟინებით მოვითხოვ, რომ ჩემს მონასტერში არ იქნეს მიღებული არასოდეს ბერძენი მღვდელი თუგინდ ბერი, გარდა ერთი ნოტარისა(საქმის მწარმოებელი-რედ.), რომელიც ადგილობრივ არქონტებს აცნობებს ხოლმე წინამძღვრის გადაწყვეტილებას ".

ეს იმიტომ, - ამბობს გრიგოლი, რომ მე გამოცდილებით ვიცი, რომ "ვერაგი ბერძნები, ძალადობას, მტაცებლობასა და ანგარებას მიჩვეულნი, სარგებლობენ ხოლმე სხვა ეროვნების, კერძოდ ქართველი ბერების, გულწრფელობითა და სიმარტივით და იტაცებენ მათ მონასტრებს. აყენებენ შიგ თავიანთ წინამძღვრებს და, ამა თუ იმ მიზნით, აცხადებენ მათ თავის საკუთრებად"-ო. გრიგოლს, ალბათ, მხედველობაში ჰქონდა ათონისა და შავი მთის ბერძენი ბერების ოინები და მათი ცდა ქართველთა მონასტრების მიტაცებისა(რაც შემდგომ საუკუნეებში მოახერხეს კიდეც-ჩანართი ჩემია).

პეტრიწონის მონასტერთან დაარსებული იყო სემინარია, რომელშიაც სწავლა ქათულ ენაზე წარმოებდა. უნდა ვიფიქროთ, რომ თავდაპირველად ამ სემინარიის სასწავლო-საპროგრამო საჭიროებას აკმაყოფილებდნენ მანგანის აკადემიიდან გამოსული ქართველი მოღვაწენი. ყოველ შემთხვევაში, ჩვენ გვაქვს საბუთი ვიფიქრით, რომ აქ მოღვაწეობდა ფილოსოფოსი იოანე, მისი პირველი რექტორი, რომელმაც ამ მონასტრისაგან მიიღო სახელი პეტრიწი.

პეტრიწონის მონასტერი გახდა ერთ-ერთი უმთავრესი ცენტრი ქართველთა სულიერებისა XI-XII საუკუნეებში(ხომ ხვდებით რა ეპოქას ჩაეყარა ამ დროს ბალავარი-შენიშვნა ჩემია), აქ დამუშავდა განსაკუთრებული სალიტერატურო სკოლა, რომელსაც ჩვენ ვუწოდებთ პეტრიწონულ სკოლას. საგანგებო ყურადღება ამ სკოლაში მიქცეული ჰქონდა განყენებული დოგმატიკური და ფილოსოფიური ხასიათის თხზულებების დამუშავებას, რამაც ხელი შეუწყო ქართული ფილოსოფიური ენისა და ტერმინოლოგიის შექმნას.

ბიბლიოგრაფია აღნიშნული საკითხისათვის:
კ.კეკელიძე, ა.ბარამიძე; ძველი ქართული ლიტერატურის ისტორია (V-XVIII სს.)
თბილისი 1969 წელი

(გაგრძელება იქნება - "სათუთი ფსიქიკის" მქონეთ, არ ვურჩევ წაკითხვას! biggrin.gif )


--------------------
"არა გეცრუვნეთ შენ სიწმიდით, მშობელო ჩვენო წმიდაო სამოციქულო ეკლესიაო, არცა განგცეთ შენ, სიქადულო ჩვენო მართლმადიდებლობაო!"

წმიდა მეფე დავით აღმაშენებელი
(რუის-ურბნისის კრების ძეგლისწერა)
User is offlineProfile CardPM
Go to the top of the page
+Quote Post
ქავთარაძე
პოსტი Nov 7 2006, 11:40 AM
პოსტი #18


დაურეგისტრირებელი
Georg
ეს სულ შენი აკრეფილია?
Go to the top of the page
+Quote Post
Georg
პოსტი Nov 7 2006, 11:44 AM
პოსტი #19


Member
**

ჯგუფი: Members
პოსტები: 424
რეგისტრ.: 29-August 06
წევრი № 122
ციტატა(ქავთარაძე @ Nov 7 2006, 11:40 AM) *

Georg
ეს სულ შენი აკრეფილია?


ეჰ, ჩემო მეგობარო! თანაშემწენი და ცოტა უკეთესი ტექნიკური რესურსი რომ მქონდეს, გაჩვენებდი ჩვენი ეკლესიისა და ქვეყნის მტრების ზურგზე მათრახის სიჭრელეს! biggrin.gif

უფალს ებარებოდე!


--------------------
"არა გეცრუვნეთ შენ სიწმიდით, მშობელო ჩვენო წმიდაო სამოციქულო ეკლესიაო, არცა განგცეთ შენ, სიქადულო ჩვენო მართლმადიდებლობაო!"

წმიდა მეფე დავით აღმაშენებელი
(რუის-ურბნისის კრების ძეგლისწერა)
User is offlineProfile CardPM
Go to the top of the page
+Quote Post
Georg
პოსტი Nov 15 2006, 01:21 AM
პოსტი #20


Member
**

ჯგუფი: Members
პოსტები: 424
რეგისტრ.: 29-August 06
წევრი № 122
ციტატა(Sexvewili @ Nov 14 2006, 12:30 PM) *

მაგარი ამბები გავიგე აქ.

ისე, ილია ამბობს, რაც კარგი ექნას რუსის ხიშტს, ღმერთმა უმარვლოს შთამომავლობაშიო

ვუერთდები ილია ჭავჭავაძის ამ დალოცვას არამარტო რუსების, არამედ ბერძნების, ბიზანტიელების და სხვა ერთმორწმუნე და ჩვენდამი ძმურად განწყობილი ხალხის მისამართითაც.

ამინი თქვით ყველამ.


ყველა ღებულობს "დამსახურებათა" მიხედვით! ვისაც არ ჯერა, ისტორიულ ქრონიკებს გადახედოს!


--------------------
"არა გეცრუვნეთ შენ სიწმიდით, მშობელო ჩვენო წმიდაო სამოციქულო ეკლესიაო, არცა განგცეთ შენ, სიქადულო ჩვენო მართლმადიდებლობაო!"

წმიდა მეფე დავით აღმაშენებელი
(რუის-ურბნისის კრების ძეგლისწერა)
User is offlineProfile CardPM
Go to the top of the page
+Quote Post
« შემდეგი ძველი თემა · არქივი · შემდეგი ახალი თემა »
 

2 გვერდი V  1 2 >
Closed TopicStart new topic
ამ თემას კითხულობს 1 მომხმარებელი (მათ შორის 1 სტუმარი და 0 დამალული წევრი)
0 წევრი:

 

ჩვენების რეჟიმი: სტანდარტული · შეცვლა: ხაზოვანი+ · შეცვლა: განტოტვილი

თემის გამოწერა · თემის ელფოსტით გაგზავნა · თემის ამობეჭდვა · ამ განყოფილების გამოწერა

მსუბუქი ვერსია ახლა არის: 27th April 2024 - 01:57 PM

მართლმადიდებლური არხი: ივერიონი

ფორუმის ელექტრონული ფოსტა: იმეილი

CHURCH.GE-Powered by Giorgi and IPB. Hosting by WebHostinG.Ge 2024
Licensed to: church.ge