პოლემიკა "დიდგორის" სქიზმატურ დაჯგუფებასთან პარამეტრები

[devnili]

პატივცემულო კანონისტო. ასეთი პასუხი გამოგიზავნა დიდგორელმა ნიკ გვარამიამ თქვენს შეკითხვებზე. მის ტონს არ ვეთანხმები და მეტად აღარ გამოვუქვეყნებ. დაე, თვითონ დარეგისტრირდნენ. ისინი კონტრ შეკითხვებს სვამენ.

_______________________________

დიახ, სრულ ჭეშმარიტებას ბრძანებთ, თქვენ მოქმედებთ მართლმადიდებელი ეკლესიის მიერ მსოფლიო და ადგილობრივ კრებებზე დაგმობილი და შეჩვენებული გრიგორიანული პაპისტური კალენდრით, თქვენმა საყვარელმა „ბიჭუნა" მნათეუსმაც ხომ დიდი ზარზეიმით აღნიშნა კათოლიკური შობა 25 დეკემბერი (ახ. სტ.) თბილისის ფორუმზე და თქვნც პაპისტური კალენდრით დააგვირგვინეთ არაეკლესიური ახალი წელი 1 იანვარს (ახ. სტ.) და ამას საჯაროდ თავადაც ადასტურებთ, ბ-ნო კანონისტო, თქვენი შემდეგი სიტყვებით: „მაგრამ რამდენადაც საქართველოს სახელმწიფოში მოქმედებს გრიგორიანული კალენდარი, რომელიც იწყება 1 იანვარს, ამ დღეს აღვნიშნავთ ახალ წელს და ვულოცავთ ერთმანეთს."-(ავტორი „კანონისტი")" რადგან გრიგორიანული კალენდრით აღნიშნავთ ახალ წელს და ულოცავთ ერთმანეთს, მაშინ ექვემდებარებით წმიდა მართლმადიდებელი ეკლესიის შემდეგი კანონის მსჯავრს!: „რომელიც მისდევს გრიგორიანულ პასქალიასა და კალენდარს, სამღვდელო პირი იქნება ის თუ ერისაგანი, განკვეთილ იყოს ღმრთისაგან და შეჩვენებულ, და მიეცეს ის სატანჯველსა საუკუნესა, თავს დაატყდეს მას ყოველთა პატრიარქთა და მართლმადიდებელ წმიდა კრებათა წყევლა და მიეცეს იგი ცეცხლსა გეჰენიისასა" (მსოფლიო პატრიარქი კირილე, სიგელიონი, 1756წ.).

კარგით, მაშ ასე, საეკლესიო კალენდრის საკითხში აქეთ ინდიქტიონს (ღმერთის წესს) და იქით საერო 1 იანვარს (ახ.სტ.) (ეშმაკის წესს) ე. ი. ორივეს სცნობთ, ე. ი. ორ ბატონს ემსახურებით, და რადგან ეს საკითხი თქვენივე "აღსარებით" გავარკვიეთ, ახლა გადავიდეთ შემდეგ თემაზე და თუ შეიძლება გაგვეცით შემდეგ ორ კითხვაზე პასუხი:

ა) შეიძლება თუ არა პატრიარქი (ბერი) და სხვა ეპისკოპოსები ოპერაში ვერდის სპექტაკლზე (ნაბუქოდო) დაესწრნენ, (ამა წლის 4 იანვარს (ახ.სტ) მოხდა თქვენ იერარქთა ეს მორიგი თეატრალიზებული სამარცხვინო გართობა) მაშინ, როდესაც საეკლესიო სამართლით მსახიობობა ცოდვაა: წმიდა პავლე მოციქულის მე 6 კანონი (ერისკაცთა შესახებ): „თუ ეკლესიისკენ პირს იზამს მომღერალი, მსახიობი….ან დაცხრეს მისი საქმიანონობისგან, ან უკან გაბრუნდეს.", და თუ მითუმეტეს მღვდლის შვილებსაც კი ეკრძალებათ საერო სანახაობებზე სიარული, (:კართაგენის ადგილობრივი კრების მე 15 კანონი:

„მღვდელთა შვილები საერო სანახაობაში ნურც მონაწილეობას მიიღებენ, ნურც სანახავად წავლენ. ეს ყველა ქრისტიანს ექადაგება ყოველთვის, რომ სადაც გმობა იყოს, იქ არ უნდა მივიდნენ") რა უნდოდა თქვენს პატრიარქს და სინოდის წევრებს ოპერისა და ბალეტის თეატრში ვერდის ოპერაზე?

სასულიერო დასისთვის შეუფერებელი ქმედების ბრალმდებელი ლაოდეკიის კრების 54-ე და კონსტანტინეპოლის სამეუფეო პალატაში შეკრებილ მამათა 50-51 კანონები: „მღვდლებმა და საეკლესიო დასის სხვა წარმომადგენლებმა არ უნდა უყურონ ქორწილში ან წვეულებაში წარმოდგენილ სანახაობებს, არამედ სანამ შემოვიდოდნენ მსახიობები, უნდა ადგნენ და წავიდნენ; სასულიერო პირთაგან ნურავინ მიეცემა შვება-თამაშს, სახუმარო სანახაობას, მგოსანთა როკვას, ხოლო თუ ვინმე დაარღვევს ამ კანონს… თუ ვინმე სასულიერო პირი იქნება იგი, განიკვეთოს". !

მოციქულთა მე 6 კანონი (სასულიერო დასის შესახებ): „ეპისკოპოსი, მღვდელი, დიაკონი ნუ შეუდგება ამქვეყნიურ საზრუნავს, თუ არადა განიკვეთოს."

ბ) ასევე, თუ შეიძლება, გაგვეცით მეორე შეკითხვაზეც პასუხი, რატომ იყო თქვენი პირველიერარქი (პატრიარქი) სექტათა მსოფლიო ერეტიკული შესაკრებლის "ეკლესიათა მსოფლიო საბჭოს" ერთერთი თანაპრეზიდენტი და რატომ ლოცულოდა ამ საბჭოს ასამბლეებზე სექტის წარმომადგენლებთან ერთად?, ასევე, რატომ ლოცულობდა მონოფიზიტებთან და პაპისტებთან, როგორც ქართულ ტაძრებში ისე ეჩმიაძინსა და ვატიკანში?: „დიდ ხუთშაბათს — ფეხთბანვის დღეს მამა ერნსტ ქრისტოფ სუტნერი და მამა ცელესტინ პატოკი (არამართლმადიდებლები — ავტ.) თბილისის სიონის საპატრიარქო ტაძარში დაესწრნენ საღმრთო- სადღესასწაულო ლიტურღიას და სრულიად საქართველოს კათოლიკოს-პატრიარქის, უწმიდესისა და უნეტარესის, ილია მეორის ხელიდან მიიღეს წმიდა ზიარება, ხოლო დიდ შაბათს — ლიტონიობის დღესასწაულზე საქართველოს ეკლესიის სასურველი სტუმრები (ხაზგასმა ჩვენია — ავტ.) სრულიად საქართველოს პატრიარქთან და სიონის ტაძრის სამღვდელოებასთან ერთად ღამის 12 საათიდან დილის 7 საათამდე აღავლენდნენ ლოცვებს ბრწყინვალე აღდგომის სადიდებლად".

„კვირას ეჩმიაძინის საკათედრო ტაძარში საღმრთო-სადღესასწაულო ლიტურღია აღასრულეს ყოველთა სომეხთა უმაღლესმა პატრიარქ-კათალიკოსმა უწმიდესმა ვაზგენ I და უწმიდესმა და უნეტარესმა ილია II" (საპატრიარქოს ჟურნალი - ჯვარი ვაზისა, 1982წ. N2″)

მაშინ, როდესაც საეკლესიო სამართალით მკაცრად იკრძალება ერეტიკოსებთან ერთობლივი ლოცვა: მოციქულთა 45-ე კანონი: „თუ ეპისკოპოსი, მღვდელი ან დიაკონი მწვალებელთან ერთად ილოცებს, აეკრძალოს მღვდლობა. თუ ნებას მისცემს მათ (ერეტიკოსებს), რომ შეასრულონ რაიმე სამღვდელო წესი, როგორც მღვდლებმა, განიკვეთოს".

წმინდა იუსტინე პოპოვიჩი: „მართლმადიდებელი ეკლესიის პოზიცია მწვალებელთა მიმართ - ანუ ყველა იმათ მიმართ, ვინც მართლმადიდებელი არ არის - ერთხელ და სამუდამოდ არის დადგენილი წმ.მოციქულთა და წმ.მამათა, ანუ ერთი და უცვალებელი ღმრთივსულიერი გარდამოცემის მიერ. ამ განჩინების თანახმად, მართლმადიდებლებს ეკრძალებათ მონაწილეობა რაიმე საერთო ლოცვასა თუ ღმრთისმსახურებაში მწვალებლებთან ერთად, "რამეთუ რაი მოყუსობა არს სიმართლისა და უსჯულოებისა? ანუ რაი ზიარება არს ნათლისა და ბნელისა? ანუ რაი შეტყუება არს ქრისტესი ბელიარის თანა? ანუ რაი ნაწილ უც მორწმუნესა ურწმუნოსა თანა?" (2კორ. 6,14-15).

ჯერჯერობით, გთხოვთ გაგვცეთ პასუხი ამ ორ ბრალდებაზე, წინასწარ გაფრთხილებთ, თუ დაგვბლოკავთ, მაშინ უფრო საფუძვლიანად თქვენს მხილებას ჩვენს საითზე გავაგრძელებთ!

[კანონისტი]

აქ მოვუყაროთ თავი ყველა პოსტს

[კანონისტი]

დიდგორის საიტს

ნება მომეცით, სანამ ერთ საკითხზე არ დასრულდება პოლემიკა, მეორეზე არ გადავიდე.

მე ბოლო ორი პოსტია დაბეჯითებით გთხოვთ, დამიდოთ სჯულისკანონიდან ის კანონი, რომელიც მიკრძალავს საერო დღესასწაულების აღნიშვნას, როგორიცაა - ახალი წელი, 9 აპრილი, დამოუკიდებლობის დღე და ასე შემდეგ. თქვენ ყველაფერს მიწერთ და მპასუხობთ ამაზე საჭირო პასუხის გარდა.

მსოფლიო პატრიარქი კირილე, სიგელიონი, 1756წ.

მსოფლიო პატრიარქის სვინგელონს აქვს სარეკომენდაციო ხასიათი და იგი ვერანაირად ვერ გავრცელდება სხვა ავტოკეფალურ ეკლესიებზე. მგონი მსოფლიო პატრიარქის პრიმატს არ უნდა ჰქადაგებდეთ, შესაბამისად, XVIII საუკუნეში კონსტანტინოპოლისთვის გამოცემული მითითება (კანონსაც ვერ დავარქმევ, რადგან პატრიარქი არ არის უფლებამოსილი ერთპიროვნულად გამოსცეს კანონი) რატომ ვრცელდება ჩემზე, საქართველოს სამოციქულო მართლმადიდებელი ეკლესიის მრევლზე იქნებ ამიხსნათ?

ოღონდ არა ცრუბრძნობით და თქვენი აზრებით, არამედ საეკლესიო კანონებით!

ამასთან შეგახსენებთ, რომ აღნიშნული წესი კონსტანტინოპოლის 1923 წლის ადგილობრივ კრებაზე შეიცვალა და დადგინდა ე.წ. "შესწორებული იულიანური კალენდრის" მოქმედება. ბუნებრივია, კონსტანტინოპოლის ადგილობრივ კრებას უფლება ჰქონდა გაეუქმებინა ამავე ეკლესიის პატრიარქის სვინგელიონი. თუკი საწინააღმდეგო აზრი გაქვთ, მაშინ ისიც ამიხსენით, რას ერჩით რომის პაპს, რომელიც ერთპიროვნულად იღებს განჩინებებს და გადაწყვეტილებებს?

როდესაც დავასრულებთ კალენდარზე მსჯელობას, შემდეგ გადავიდეთ თქვენ მიერ დასმულ სხვა საკითხებზე, ასევე ჩემ კითხვებზეც, რომლებიც მექნება, მათ შორის საქართველოს პირველი პრეზიდენტის აღმსარებლობის საკითხზეც.

ანუ, უნდა მიპასუხოთ:
რომელი კანონი კრძალავს საერო დღესასწაულების აღნიშვნას?

P.S. თქვენ საიტზე ვკითხულობთ:

მიმართვა 2007წ. 2 ნოემბრის შეკრების მონაწილეებს
პარიზის ქართული სამრევლოს მოძღვარი გიორგი სხილაძე

ეს შეკრება მოხდა იულიანური კალენდრით 20 ოქტომბერს. საინტერესოა, რატომ უთითებთ "პაპისტური" კალენდრით ამ თარიღს? და თუკი ყოველდღიურ ცხოვრებაში იყენებთ გრიგორისეულ კალენდარს, ნუთუ ჩემთვის არის დაუშვებელი მისი გამოყენება? და თუკი დასაშვებია, ეს კალენდარი 1 იანვარს იწყება და მეც ამას აღვნიშნავ.

[კანონისტი]

აგერ ვნახე 1756 წლის სვინგელიონი, რომელშიც შავით-თეთრზე წერია, რომ მიემართება "დიდ ეკლესიას" ანუ როგორც თავის თავს კონსტანტინოპოლის საყდარი უწოდებს (იხ. აგრეთვე, საბერძნეთის რესპუბლიკის კონსტიტუცია, მუხ. 3). ანუ ჯერ ერთი რომ თავის დროზეც არ ვრცელდებოდა საქართველოზე, მეორეც - ეს უკვე კონსტანტინოპოლის ეკლესიაშიც აღარ მოქმედებს (1923 წლის სინოდალური განჩინებით):

მომიტევეთ, ინგლისურ ტექსტს რომ ვდებ (თუ მოვახერხე, მოგვიანებით ვთარგმნი)

Cyrill, by the Grace of God Archbishop of Constantinople - New Rome and OEcumenical Patriarch
Due to new abominations, created by papists in regard to the question of changing our Pascha and Calendar.

Removal from the Church

The most honorable clerics of our Great Church of Christ, other most God-fearing Hierarchs and most saintly hieromonks, singers in churches of our city, followers of Paul, who says: "If someone would annunciate contrary to what we annunciated to you, even that be an angel from heavens, anathema on him"; if he is a hierarch or a faithful one, to be removed from God, dammed, and after death not to rot but to dwell in eternal torment. Let stone and iron scatter and decay - they never and by no means. Let them inherit Giza's leprosy and Judas's hanging; let them dwell on earth like Cain, moaning and shivering; and let the wrath of God be on their heads and their share be with the traitor Judas and god-fighting Judeans; let the earth open and swallow them, like once Dathan and Abiron; let the Angel of God chase them with a sward in all the days of their lives, and let them succumb to all the damnations of the Patriarch and the Synod under the eternal removal and in torment of eternal fire.

Amen.

[კანუდოსელი]

ნამეტანი დიდ როლს ანიჭებთ მაგ საიტს...
უბერავენ თავისთვის და ტაში-ტუში გააქვთ...

მაგათთვის კარგი გამოსავალი - იგნორია

[afxazi]

კანუდოსელი

ნამეტანი დიდ როლს ანიჭებთ მაგ საიტს...
უბერავენ თავისთვის და ტაში-ტუში გააქვთ...

მაგათთვის კარგი გამოსავალი - იგნორია

არაო, ეგონებათო ხმას რომ არ გასცემ ვაჯობეთო, ვის ვის და მაგენი რომ ასე ფიქრობდნენ მე მგონი დიდი პრობლემა არაა, იმდენად დაბალი დონის მსჯელობები აქვთ.

[იოანა]

აქაც დავდებ

ახლა ციტატას მოგიყვან პატრარქის ქადაგებიდან, რომელიც წარმოთქვა 1999 წლის 12 თებერვალს:
"შეცდომებისგან არც ჩვენ ვართ დაზღვეულნი. ყოფილა შემთხვევები, როცა ჩვენს მღვდელმთავრებს, ჩვენს სასულიერო პირებს, ჩვენს მორწმუნეებს დაგვიშვია ესა თუ ის შეცდომა. ყოფილა შემთხვევა, როცა მოსულან ჩვენთან არამართლმადიდებლები, მაგალითად - კათოლიკეები, და გვიზიარებია ისინი. ეს შეცდომაა".
"ყოფილა შემთხვევა, როცა ესა თუ ის სასულიერო პირი დასწრებია საერთო ლოცვას არამართლმადიდებლებთან, ესეც დიდი შეცდომაა".

http://church.ge/index.php?s=&showtopic=43...indpost&p=75131

[inaina]

დიდგორელების საყურადღებოდ
მთელი ჩემი მეზობლები მოკითხვას გითვლიან და გეკითხებიან ხომ კარგად ბრძანდებითო,მოკლედ თქვენზე ვინც რა გაიგო და წაიკითხა ძალიან მოგიკითხეს და თქვენი დიდი მკითხველი სულ არა ვარ,თუმცა კარგია რომ ხართ,კარგის და ცუდის გარჩევას ასწავლით საზოგადოებას.
აბა სულ კარგად

[კანონისტი]

როგორ გავიგოთ, პასუხი აღარ აქვთ თუ "დიდგორზე" მიმზადებენ საანათემო ეპისტოლეს??

[ქავთარაძე]

კანონისტი

მიმზადებენ საანათემო ეპისტოლეს??

ეხერხებათ
თან არც უნდა დიდი გამზადება აროშვილი გამოვა ერთ-ერთი ან სხილაძე და რახან და ანათემას ხარ გადაცემული

[diletanti]

ეს ბრამაა არის თუ იბრმავებს თვალს?! თუ მოვა ითხოვს მასწავლეტო ვასწალოთ! მაგრამ ეგეთ დაბალ დონის აზროვნებაზე დასბლა სააცილოა და მავნელიცაა, რაცა ის პროვაკაციულია და კამატობს კამატის გამო!

[კანონისტი]

diletanti

ეგეთ დაბალ დონის აზროვნებაზე დასბლა სააცილოა

შეურაცხყოფებს მოვერიდოთ!

[diletanti]

გმადლობ, შესწორებისათვის აუცილებლად გავითვალისწინებ!

[devnili]

მე აქაურ მკითხველს და მოდერატორებს ბოდიშდ ვუხდი რო დროულად ვერ ვაწვდი დიდგორიდან პასუხებს. ჩახშობაზე და დაბლოკვაზე ადვილი რაა. დაცინვა და დამცირებაც ხელეწიფებათ ადამიანებს ერთმანეთისა. შეიძლებ პირადად ვიღაცას დაბალი დონედ მოვეჩვენო, მაგრამ დარწმუნებული ვარ რომ ასეთი დიალოგი უნდა შედგეს და სირაქლემას პოზიცს კი ნამდვილად სჯობს.

ახლა შემოვიდა ჩასწორებული კომენტარი და კვლავ ვაქვეყნებ. თუ ვინმეს სურს დიდგორზე რაიმე კომენტარის გამოქვეყნება და ვერ ბედავს შეუძლია ისარგებლოს დევნილის მომსახურებით.

------------

kanonisti ბრძანებს: - მსოფლიო პატრიარქის სვინგელონს აქვს სარეკომენდაციო ხასიათი და იგი ვერანაირად ვერ გავრცელდება სხვა ავტოკეფალურ ეკლესიებზე. მგონი მსოფლიო პატრიარქის პრიმატს არ უნდა ჰქადაგებდეთ, შესაბამისად, XVIII საუკუნეში კონსტანტინოპოლისთვის გამოცემული მითითება (კანონსაც ვერ დავარქმევ, რადგან პატრიარქი არ არის უფლებამოსილი ერთპიროვნულად გამოსცეს კანონი) რატომ ვრცელდება ჩემზე, საქართველოს სამოციქულო მართლმადიდებელი ეკლესიის მრევლზე იქნებ ამიხსნათ?

"didoris" პრესსამსახურის პასუხი: - როგორც ჩანს, ბ-ნო კანონისტო, თქვენ ამ ფორუმზე აშკარად თავად ქადაგებთ სქიზმატურ ამბავს, რადგან კალენდარული სქიზმა მძიმედ მცოდველობაა, როგორც განმაახლებლობა, ე.ი. სიახლის შემოტანა ეკლესიაში და მართლმადიდებელი ეკლესიის სამართლით სამგზის ანათემას გადაეცემა, ამიტომ ჯობდა, რომ საით „დიდგორის" სქიზმატებად გამოცხადებას, საკუთარი „ავატარისთვის" შეგეცვალა წარწერა, რადგან უფრო მიესადაგება თქვენს განმაახლებლურ მსჯელობებს, აი მაგალითად ასე: „განმაახლებელი სქიზმატი";

ჯერ პირველი: მსოფლიო პატრიარქ კირილეს სიგელიონი, (1756წ.) არ არის სარეკომენდაციო ხასიათის მისი ერთპიროვნული პირადი შეხედულება , არამედ გამომდინარეობს VI მსოფლიო კრების მე-8 კანონიდან, რომლის მიხედვითაც ყოველგვარი სიახლის შემოტანა ეკლესიაში სამგზის ანათემის მსჯავრით განკანონდება:

„სამგზის ანათემა ყოველივე სიახლეს, სამგზის ანათემა საეკლესიო გარდამოცემისა და წმინდა ნეტარხსენებულ მამათა კანონთა წინააღმდეგ ქმედებას". (VI მსოფლიო კრების მე-8 კანონი)"

ხოლო კალენდარული სქიზმა რომ სიახლის შემოტანაა ეკლესიაში, რომელიც სამგზისი ანათემით ისჯება, სწორედ ამას ეყრდნობა ჭეშმარიტი პატრიარქის სიგელიონი, ასე რომ, ამ ავტორიტეტული სიგელიონის გაუქმება ვერავის ვერ ხელეწიფება, გარდა ლათინო-პაპისტებთან თანამლოცველი კონსტანტინეპოლის სქიზმატი და მასონი პატრიარქებისა! („მნათეუსიც" ხომ მოგვეხმარა და დადო თქვენს ფორუმზე ამ მასონი პატრიარქების ერეტიკული ცოდვის მამხილებელი ფოტო მტკიცებულებები.)

"როდესაც XVI საუკუნეში ერეტიკოსი პაპისტები შეეცადნენ მართლმადიდებლები დაერწმუნებინათ, მიეღოთ ახალი ანუ გრიგორიანული ანუ პაპისტური ჟამთაღნუსხვა, აღმოსავლეთის ორთოდოქსული პატრიარქატის უწმიდესმა სამწყემსთავრომ უარყო და კრების დონეზე დაგმო დასავლური ჟამთაღნუსხვა სამგზის: 1583, 1587 და 1593 წ.წ." (ოროპისა და ფილიის მიტროპოლიტი კვიპრიანე)

ახლა შემდეგი და უკვე მერამდენედ_გიმეორებთ:

დაჟინებით მოითხოვ, რომ კანონი კალენდარულ საკითხზე დამიდეთ წინ, რატომ არ უნდა ვზეიმობდე შობის მარხვაში ეკლესიისგან არ დაწესებულ ახალ წელს 1 იანვარსო (ახ.სტ.), როდესაც ყველაფერი გასაგებად განგიმარტეთ, და რადგან თვალნი და ყურნი გასხიათ, მაგრამ მაინც ვერ კითხულობთ და არ გესმით, კიდევ ერთხელ მოთმინებით წარმოგიდგენთ ეს უკვე მერამდენედ ეკლესიის იმ კანონს, რასაც ითხოვთ: „მართლმადიდებელი ეკლესიის მიერ დაწესებული ახალი წელი არის 14 სექტემბერს (ახ.სტ.) და არ არის შობის მარხვაში 1 იანვარს (ახ.სტ) და ეს წესი სავალდებულოა ყველა მართლმადიდებლი ქრისტიანისთვის:

„ლიტურგიკული ციკლი": „თთუეთა მეტყუელებანი წმიდათათვის, ძალითა ღმრთისათა, წლითი წლადნი. თთუესა სეკტემბერსა აქუს დღე კ (30); დღეთა აქუს ჟამი ბპ (12) და ღამეთა ჟამი ბპ (12); ფ (1). დაწყება ინდიკტიონისა, ესე იგი არს, ახლისა წელიწდისა (…); ხოლო რიცხუნი ესე წელთანი, ვიდრე დღედმდე იესუ ქრისტესა, საცნაურ-იყო. და წელსა შინა პირველსა დღესა სეკტემბრისა თვისასა, მეუფე ჩუენი ქრისტე შევიდა ტაძარსა ურიათასა და იკითხვიდა წიგნსა ისაია წინასწარმეტყველისასა, სადა იგი წერილარს ესრეთ, ვითარმედ „წელიწადი უფლისა შეწყნარებული" (…). ამისთვის დღესასწაულობს ეკლესია პირველსა მას დღესა ინდიკტიონისასა, რამეთუ ამას დღესა შინა შევიდა ქრისტე ეკლესიასა და გამოუჩნდა მუნ მყოფთა; ამასვე დღესა შინა ეკლესია ქრისტესი მადლობასა შესწირავს ღმერთსა ნაყოფთა მიერ მის წლისა მიღებულთათვის და მომავალთა წელთათვისცა ევედრების, რათა ქუეყანამან გამოსცეს ნაყოფი თვისი (…) — სამღვდელო წიგნში ამ ლოცვებს ჰქვია „სავედრებელი გალობა ახლისა წელიწდისა" — ხოლო დღესასწაული არს და ხსნილი ღვინითა და ზეთითა (თუ მარხვის დღეს, ე. ი. ოთხშაბათს ან პარასკევს დაემთხვა" (მართლმადიდებელი ეკლესიის საღვთისმსახურო წიგნი, „ჟამნი", გვ. რჟთ (199), საიდანაც იწყება „ლიტურგიკული ციკლი"): სრულად იხ. შემდეგ ბმულზე:

http://didgori.wordpress.com/2008/12/31/%e...3%94%e1%83%99/)

მესამე: ხოლო ისტორიული განვითარების პროცესში ერებისათვის მნიშვნელოვანი საერო დღესასწაულები, როგორიც არის, ვთქვათ, დამოუკიდებლობის დღისა და სხვა თარიღებისადმი სადღესასწაულო პატივის მიგება, ამას არ კრძალავს ღმერთი, გარდა იმ შემთხვევისა, რომ თუ მარხვაში მოხვდება ასეთი თარიღი, მაშინ ისტორიული თარიღის ხსოვნისადმი რომელიმე ერისაგან პატივის მიგება, რა თქმა უნდა, მარხულად და მოკრძალებით შეიძლება, მაგრამ ყოვლად დაუშვებელია მთელს ერში წმიდა მარხვის დაგმობის საყოველთაო ვაკხანალიური დღესასწაულით!

რა ვქნათ? მეტი როგორღა განგიმარტოთ ქართულად? თუ თქვენსავით ინგლისურ განმარტებაზე_გადავიდეთ?

თანაც, კი ბატონო, თუ არ გნებავთ ჩვენს წინამდებარე ორ კითხვაზე პასუხის გაცემა, არც არავინ გავალდებულებთ, სხვა ფორუმელებთან გავაგრძელებთ ამ და სხვა მრავალ საეკლესიო საკითხზე პოლემიკას! თუმცა, ვინაიდან და რადგანაც სქიზმის წარსაწყმედელ მძიმე ცოდვაში თავად ხართ, ეჭვი გვეპარება დიდხანს შეინარჩუნოთ მოთმინება...



უკაცრავად, უნდა დაგტოვოთ და ხვალ გავაგრძელოთ. დიდგორისა არ ვიცი და დიდი მადლობა ეთქმის ამ თემის მოდრატორს კამათის წარმართვისათვის. მნათეუსი უბრალოდ გამოუცდელია და ყველაფერი ამის ბრალია.

კანონისტს მადლობა. ძილი ნებისა

[მნათე]

მნათეუსი უბრალოდ გამოუცდელია და ყველაფერი ამის ბრალია.

მნათეუსი შეჩვეული არ არის ამტკიცოს ჭეშმარიტება იმასთან, ვინც მთელი მისი არსებითა და უჯრედის ყველა ატომით საკუთარ თავს დასცინის

აზროვნების არ არსებობა, ჩაკეტილი თეოლოგია, იზოლაციონიზმი, ფუნდამენტალიზმი და კიდევ რამდენიმ აბსტრაქტული საშინელების ერთობაა ღმერთმანი...

იცი მე ახალი ანეკდოტი მაქვს თქვენთვის, მაილზე გამოვუშვა?

[კანონისტი]

დიდგორს

ჯერ პირველი: მსოფლიო პატრიარქ კირილეს სიგელიონი, (1756წ.) არ არის სარეკომენდაციო ხასიათის მისი ერთპიროვნული პირადი შეხედულება , არამედ გამომდინარეობს VI მსოფლიო კრების მე-8 კანონიდან, რომლის მიხედვითაც ყოველგვარი სიახლის შემოტანა ეკლესიაში სამგზის ანათემის მსჯავრით განკანონდება:

ის, რომ რაღაც მსოფლიო კრების კანონიდან გამომდინარეობს, სულაც არ ნიშნავს, რომ მას სარეკომენდაციო ხასიათი არ აქვს. მართლმადიდებელ ეკლესიაში უმაღლესი ორგანო არის კრება და არა ერთი პირი (რომის ეკლესიისგან განსხვავებით), ამასთან ეკლესიათა ავტოკეფალია ნიშნავს იმას, რომ მხოლოდ მსოფლიო კრების კანონი დგას შიდაეკლესიურ საეკლესიო ნორმებზე ზემოთ.

და დავუშვათ თუნდაც, რომ ჩვენზეც ვრცელდება. არ ვიცი საიდან მოიტანეთ (თავად სვინგელიონში ამაზე არ არის საუბარი), რომ იგი VI მსოფლიო კრების კანონს ეფუძნება, მაგრამ ეგეც დავუშვათ, რომ მასეა. აბა, წაიკითხეთ, რა წერია იმ კანონში:

„სამგზის ანათემა ყოველივე სიახლეს, სამგზის ანათემა საეკლესიო გარდამოცემისა და წმინდა ნეტარხსენებულ მამათა კანონთა წინააღმდეგ ქმედებას".

ანუ ანათემის ქვეშ ექცევა ყველა სიახლე, რომელიც ცვლის:
1. საეკლესიო გარდამოცემას
2. საეკლესიო კანონს

ახლა მე გეკითხებით, რომელმა საეკლესიო კანონმა ამიკრძალა მე საერო დღესასწაულის აღნიშვნა?

ან, თქვენი აზრით, თუკი ყოველგვარ განმაახლებლობაზეა საუბარი, თქვენ ეკლესიებში დენი არ გაქვთ შეყვანილი? კომპიუტერზე ამობეჭდილ ლოცვანს არ ცნობთ?

დაწყება ინდიკტიონისა, ესე იგი არს, ახლისა წელიწდისა

აგერ იხილეთ მართლმადიდებელ მაღალიერარქთა მიმართვა, სადაცროგორც ხედავთ, მე-13 პუნქტის "დ" ქვეპუნქტით ჩვენც ვაღიარებთ 1/14 სექტემბერს ახალ წლად, ოღონდ საეკლესიო დღესასწაულად, და არა საერო დღესასწაულად.

თუ მარხვაში მოხვდება ასეთი თარიღი, მაშინ ისტორიული თარიღის ხსოვნისადმი რომელიმე ერისაგან პატივის მიგება, რა თქმა უნდა, მარხულად და მოკრძალებით შეიძლება, მაგრამ ყოვლად დაუშვებელია მთელს ერში წმიდა მარხვის დაგმობის საყოველთაო ვაკხანალიური დღესასწაულით!

ძალიან კარგი. კონსესუსისკენ გადაგმულ ნაბიჯს მივესალმები. ანუ დასაშვებია მოკრძალებით აღნიშვნა. მეც ასე აღვნიშნე 1 იანვარი, ხოლო ვინმე თუ ორგიებს აწყობს ამ დღეს ამაზე მე, როგორც მართლმადიდებელს, პასუხს ნუ მთხოვთ. სამწუხაროდ, ვიცნობ ეშმაკისაგან დაბნელებულ ისეთ არაერთ ქართველსაც, რომლებიც აღდგომას მეძავთან წოლით ხვდებიან და წითელ პარასკევს შუა იერუსალიმში სვამენ ღვინოს!

მით უმეტეს, რომ 1 იანვრის ზომას გადაჭარბებით აღსანიშნად არც საპატრიარქო კურთხევაა.

ასე თუ ისე, საერთო აზრამდე მივედით. საერო დღესასწაულის აღნიშვნა არ ყოფილა აკრძალული, თუკი ამას მშვიდად, მოკრძალებით, წყნარად და ქრისტიანისთვის შესაფერად გავაკეთებთ.

ახლა გადავალ თქვენ იმ 2 კითხვაზე.

[devnili]

მოციქულთა 45-ე კანონი: „თუ ეპისკოპოსი, მღვდელი ან დიაკონი მწვალებელთან ერთად ილოცებს, აეკრძალოს მღვდლობა. თუ ნებას მისცემს მათ (ერეტიკოსებს), რომ შეასრულონ რაიმე სამღვდელო წესი, როგორც მღვდლებმა, განიკვეთოს".

aq kargi iqneboda im suratis gamoqvekneba romelic adre kanonistma gamoaqvekna

[კანონისტი]

„თუ ეპისკოპოსი, მღვდელი ან დიაკონი მწვალებელთან ერთად ილოცებს, აეკრძალოს მღვდლობა. თუ ნებას მისცემს მათ (ერეტიკოსებს), რომ შეასრულონ რაიმე სამღვდელო წესი, როგორც მღვდლებმა, განიკვეთოს"

1. არსებული მნიშვნელოვანი დოგმატური ცდომილებების მიუხედავად (სულიწმიდის ძისაგან გამომავლობა, პაპის პრიმატი, პაპის უცდომელობა, სწავლება იმქვეყნიური მისაგებლის შესახებ, წმინდანთა ზედმეტი დამსახურებების სწავლება, ღვთისმშობლის უბიწოდ ჩასახვა და სხვა), რომის ეკლესია კანონიკური წესების გათვალისწინებით, ჯერჯერობით ვერ ჩაითვლება მწვალებლურ ეკლესიად, რადგან კონსტანტინოპოლის II მსოფლიო კრების მე-6 კანონით, მწვალებლობას ადგენს მსოფლიო საეკლესიო კრება, რაც რომის ეკლესიასთან მიმართებაში არ ყოფილა.

თუმცა, იმის გათვალისწინებით, რომ სახეზე გვაქვს დოგმატიკის შეცვლა, ანუ მწვალებლობის ნიშნები, ჩვენ, ასევე საეკლესიო კანონების საფუძველზე, მოვალენი ვართ რომის ეკლესიასთან შეწყვეტილი გვქონდეს ევქარისტიული კავშირი (რაც გვაქვს კიდევაც) და დაველოდოთ მსოფლიო კრების განჩინებას.

სხვა მდგომარეობაა სომხურ ეკლესიასთან დაკავშირებით.

2. რაც შეეხება თანალოცვას. მე პირადად დიდი აღტაცებით და კმაყოფილებით არ ვუყურებ ამგვარ გამოვლინებებს, მაგრამ ისიც დამატებით მსჯელობას მოითხოვს, რა ჩავთვალოთ თანალოცვად, რადგან სხვადასხვა ლოცვების თქმა, როდესაც ერთიანი მსახურების წესი არ არის (მაგ. რომის პაპის დასწრება კონსტანტინოპოლში წირვაზე) დადგენილი, სერიოზულ კითხვის ნიშანს ბადებს, ჩავთვალოთ თუ არა ეს თანალოცვად.

[კანონისტი]

ა) შეიძლება თუ არა პატრიარქი (ბერი) და სხვა ეპისკოპოსები ოპერაში ვერდის სპექტაკლზე (ნაბუქოდო) დაესწრნენ, (ამა წლის 4 იანვარს (ახ.სტ) მოხდა თქვენ იერარქთა ეს მორიგი თეატრალიზებული სამარცხვინო გართობა) მაშინ, როდესაც საეკლესიო სამართლით მსახიობობა ცოდვაა:

თქვენ მიერ მოხმობილ იქნა შემდეგი კანონები:
1. პავლე მოციქულის მე-6 განწესება
2. მოციქულთა მე-6 კანონი
3. კართაგენის მე-15 კანონი
4. ლაოდიკიის 54-ე კანონი
5. კონსტანტინოპოლის 50-ე და 51-ე კანონები

ვნახოთ აბა, როგორ განიმარტება ეს კანონები და რას გვიკრძალავს იგი:
1. პავლე მოციქულის განწესებებად წოდებული ეს კრებული, კონსტანტინოპოლის VI მსოფლიო კრების მე-2 კანონმა, როგორც შერყვნილი და მწვალებლური, ამოიღო მართლმადიდებლურ კანონთა კორპუსიდან. ასე რომ, ამაზე პასუხს ვერ გაგცემთ. ეკლესიის კანონისტებსაც ამ კანონთა განმარტება არ აქვთ, იგი არ შედის არც ბერძნულ "პიდალიონში" და არც სლავურ "კორმჩაიაში".

2. მოციქულთა მე-6 კანონი კრძალავს სასულიერო პირთათვის ამქვეყნიურ საზრუნავში ჩაბმას. ეპ. ნიკოდიმოს მილაში განმარტავს, რომ ეს ეხება სასულიერო პირის მიერ ისეთი საქმეების აღსრულებას "რომლებიც არ შეესაბამება არც მის სასულიერო წოდებას და არც მის მსახურებას ეკლესიაში", ანუ საერო საქმეების აღსრულებას. მითითება არის მოციქულთა მე-20, 81-ე და 83-ე კანონებზე, რომლებიც ეხება არა საერო საქმეებზე დასწრებას, არამედ მათ აღსრულებას, არა მსახიობთა ყურებას, არამედ თავად მსახიობობას, არა ჯარის დალოცვას, არამედ ჯარისკაცობას. ამდენად, ეს კანონი ვერ გამოდგება თქვენი ბრალდების გასამყარებლად.

3. კართაგენის მე-15 კანონი გარკვევით განმარტავს, რომ სასულიერო პირთა შვილები არ უნდა დაესწრნონ ისეთ სანახაობას, "სადაც გმობა იყოს". თქვენ თუ დაამტკიცებთ, რომ იმ სპექტაკლებში ნამდვილად იყო ღვთის გმობა და საქართველოს ეკლესიის იერარქია შეგნებულად და წინასწარი გააზრებით დაესწრო მას, ეს სხვაა. ამასთან შეგახსენებთ, რომ ეს კანონი სულაც არ არის მძიმე, რადგან არ ადგენს სასჯელს და განკანონებას მისი ჩამდენის მიმართ.

4. ლაოდიკიის კრების 54-ე კანონის განმარტებისას ეპ. ნიკოდიმოს ბრძანებს, რომ კანონმა ეს აკრძალვა დაადგინა იმის გამო, რომ დაცული იქნეს სიწმინდე ჯვრისწერის საიდუმლოსი და საქორწილო სუფრაზე მყოფნი არ მიეცნენ წარმართულ ღრეობებსა და როკვას. ეს კანონი კრძალავს წარმართულ სანახაობებს და არა ქრისტიანისთვის შესაფერ აღნიშვნას. მაშ, თქვენი აზრით, სულ ღვთის-მგმობნი ყოფილან ჩვენი სახელოვანი წინაპრები, რომლებმაც შექმნეს საქორწილო სიმღერები და ცეკვები. კიდევ კარგი, წმ. დავით მეფსალმუნის დროს არ იყავით, თორემ საღვთო კიდობნის წინ ცეკვისთვის იქნებ შეგეჩვენებინათ კიდეც. გარდა ამისა, მსგავსად კართაგენის მე-15 კანონისა, არც ეს კანონი ადგენს სასჯელს, რაც მის არცთუ მძიმე ხასიათზე მიუთითებს.

5. კონსტანტინოპოლის 50-ე კანონი კრძალავს აზარტულ თამაშებს და უთითებს მოციქულთა 42-ე და 43-ე კანონებზე. ამდენად, ეს კანონი რა შუაში იყო თეატრში დასწრებასთან დაკავშირებით, ვერ გავიგე.

51-ე კანონი კი კრძალავს:
1. სამასხარაო სანახაობებს
2. მხეცურ სანახაობებს
3. ვნებიან როკვას

სამასხარაო სანახაობები განიმარტება, როგორც των μιμών, ანუ წრეგადასული ტაკიმასხარობა, რომელიც არღვევს ქრისტიანის სულიერ სიმშვიდეს. მხეცური სანახაობები არის გლადიატორთა ბრძოლებზე ყურება, განსაკუთრებით მძიმე ცოდვაა, მამათა განმარტებით, ტყვეების წინააღმდეგ ცხოველთა ბრძოლის ყურება, რადგან ჯერ ერთი, ამ დროს ადამიანთა უკიდურესი დამცირება ხდება, მეორეც - ამ წესით ხშირად სჯიდნენ ქრისტიანებს. რაც შეეხება ვნებიან როკვას, იგი არის ქალთა ურცხვი და შიშველი როკვა, ხშირად სიძვის ჟინით აღვსებული. ამათგან არცერთი არ იყო 4 იანვარს.

მინდა დაგამწუხროთ, რომ თქვენ მიერ მოყვანილი არცერთი კანონი არ უკძალავს სასულიერო პირს დაესწროს თეატრალურ სპექტაკლს, რომელშიც საინტერესოდ, ყოველგვარი უხამსობის გარეშე ვითარდება სიუჟეტი და არანაირი წინააღმდეგობა არ არის მის შინაარსში მართლმადიდებლობასთან.

ბ) ასევე, თუ შეიძლება, გაგვეცით მეორე შეკითხვაზეც პასუხი, რატომ იყო თქვენი პირველიერარქი (პატრიარქი) სექტათა მსოფლიო ერეტიკული შესაკრებლის "ეკლესიათა მსოფლიო საბჭოს" ერთერთი თანაპრეზიდენტი და რატომ ლოცულოდა ამ საბჭოს ასამბლეებზე სექტის წარმომადგენლებთან ერთად?

პატრიარქმა შეინანა ეს ქმედება და შეწყვიტა. საეკლესიო კანონი მაშინ ადგენს განკვეთას, როდესაც სასულიერო პირს მიეცემა დაცადება (ანუ უზიარებლობა) და იგი კვლავ განაგრძობს ამგვარ ქმედებას. რამდენადაც საქართველოს სამოციქულო მართლმადიდებელი ეკლესიის მწყემსმთავარი და იერარქია აღარ მონაწილეობენ ამგვარ შეკრებებში, ისინი დახსნილნი არიან საეკლესიო კანონისგან.

ამასთან, თქვენ მიერ სქიზმაში გასვლა საერთოდ გაუკუღმართებული საქციელია, რადგან საეკლესიო კანონის დარღვევა სქიზმით არ განიკურნება, ყოველი სასულიერო პირი მადლმოსილია, სანამ მისი ხელდამსხმელი ან საეკლესიო კრება არ აყრის მას სამღვდელო ხარისხს, ხოლო სქიზმაში გასვლა იწვევს ეკლესიის სხეულისგან ჩამოშორებას. კონსტანტინოპოლის II მსოფლიო კრების მე-6 კანონი თქვენ გიკრძალავთ, ბრალი დასდოთ საქართველოს უწმიდესი მართლმადიდებელი ადგილობრივი ეკლესიის იერარქიას! "ბრალმდებლად არ მიიღებიან აგრეთვე განხეთქილების მომწყობნი (ბერძნ. σχισματικοί), ე.ი. ისინი, ვინც გამოეყო თავის ეპისკოპოსს და ცალკე იწვევს კრებებს კანონიერი ეპისკოპოსების წინააღმდეგ"

[devnili]

კაცო კანონისტო, ნანახი გაქვს ეკუმენისტები რა როკვებსაც აწყობენ და შამანურ რიტუალებსაც არ ერიდებიან? ტრუბკასაც რო აბოლებენ?
აი, კიდევ ერთი წერილი შემოვიდა დიდგორიდან. ისინიც გაუკრიტიკებია მ. აროშვილს. ასე რომ მიკერძოება არ გინდა რა პატივცემულო კანონისტო. მკაცრები კი არიან, მაგრამ მათი სიმკაცრე კეთილი მშობლის სიმკაცრეს უფრო მაგონებს. მეც მეშინია კეთილი შიშით დიდგორელებისა და ამიტომ მათ თხოვნას ვასრულებ.
------------------------------

დღეს ღამედ ნუ აცხადებ, ბ-ნო კანონისტო და წარწყმედას ცხონებად, რადგან საერო დღესასწაულად ითვლება ის, რაც ერის განვითარების პროცესში ჩამოყალიბდა და ეკლესიის მიერ არ დაწესებულა, ხოლო ეკლესიის მიერ დაწესებულის დარღვევა არის ეკლესიის კანონის დარღვევა, ხოლო ეკლესიამ როცა დააწესა ახალი წელი (14 სექტ. ახ. სტ.), მართლმადიდებლად თუ გვაჩვენებ თავს, მაშინ ვალდებული ხარ ეკლესიის მიერ დაწესებული ახალი წელი აღნიშნო და არა ერების მიერ მოგონილი ცრუ და გაუკუღმართებული თარიღის ორგიები, თანაც რა მარხულ და მოკრძალებულ დღესასწაულს ულოცავთ თქვენი პირველიერარქის დონეზე მთელ ქართველ ერს ამას პირველ იანვარს (ახ.სტ.) ყოველ წელს კარგად ვხედავთ ხოლმე! არავითარი კონსენსუსი: თქვენ დღესასწაულობთ ხოლმე 1 იანვარს ახ.სტ.) ეკლესიის კალენდარულ წესის დარღვევას და ღვთისმბრძოლობაში იღებთ მონაწილეობას და ამის შესახებ სხვა შესაბამისი კანონებიც წარმოგიდგინეთ უკვე, თქვენ მწვალებლობთ ამ საკითხში, რადგან ეკლესიის მიერ დადგენილის პარალელურად ერების მიერ დაწესებული ახალ თარიღების დაკანონებას ეწევით; თანაც იდიკტიონზე ქადაგებთ, რომ ეს საეკლესიო ახალი წელია ერს არ ეხებაო, რას ბრძანებთ გესმით განა, ამდაგვარი განსჯა ეკადრება კი თქვენი "ავატარის" შინაარს? რადგან განა ერებს არ დაუწესა ღმერთმა საცხონებლად ეკლესია და არა საკუთარ თავს? ამდენად 1 იანვარს ახალი სტილით ახალი წლის აღნიშვნა დარღვევა არის ახალი წლის შესახებ ღმერთის მიერ დადგენილი საეკლესიო კანონის და ვინც ამას იქმს შეგნებულად, დიახაც, შეჩვენების მსჯარს განუწესებს საკუთარ თავს!

-------------------

ასეთ პასუხს ჯობდა ეტაპობრივად ეპასუხათ ყველა საკითხზე. ეს უფრო ზოგადი პასუხია ჩემი აზრით.