კითხვა ნარკოტიკებით გარდაცვლილის სულის შესახებ პარამეტრები

[marine]

დაგვლოცეთ, მამაო..

ჩემსა და ერთ-ერთ ფორუმელს შორის საკამათოდ იქცა ეს თემა, ამიტომ მსურს კითხვით მოგმართოთ:

ითვლება თუ არა ნარკოტიკებით გამოწვეული სიკვდილი თვითმკვლელობად და ლოცულობს თუ არა ეკლესია ნარკომანის სულისათვის..

მაპატიეთ, რომ დროს გართმევთ და პასუხისათვის წინასწარ გიხდით მადლობას..

პატივისცემით

მარინე

[KAIROS]

ვფიქრობ უნდა დავამატო, ის ფორუმელი მე ვიყავი, ამიტომ ზუსტად გამოვთქვამ ჩემს აზრს:

1) აქ არის ორი მოსაზრება ა) მარინე იზიარებს იმ აზრს, რომ ნარკომანი თავის მკვლელობის მიზნით არ იკეთებდა წამალს, რომლის მიღებისას მოკვდა კიდეც, აქედან გამომდინარე, ამ აზრის მიხედვით, ის თვითმკვლელი არ არის, ბ) მე ვეთანხმები იმ აზრს, რომ მართალია ნარკომანი არ არის უცაბედი, სწრაფი ან სურვილით თვითმკვლელი, მაგრამ შედეგი იგივეა, მისი ქმედება განზრახია, მან თავი ნელნელა მოიკლა და რაც მთავარია ამ ცოდვის აღსრულების დროს მოკვდა

2) ეკლესია რომ ყველასათვის ლოცულობს ეს არაა გამოსაკვლევი, უბრალოდ ჩნდება კითხვა, ზემოთ დასახელებული ბ-მიზეზის გამო, მე პირადად ვიცი, რომ ძალიან ბევრი სასულიერო პირი მათ წესს არ უგებს, შესაბამისად არ მოიხსნებს ბარძიმში, ანუ იგივე ქმედება ხორცილდება რაც თვითმკვლელის მიმართ ( იგიც ცოდვაში, მკვლელობაში მოკვდა, ესეც ცოდვაში, ნარკოტიკების უშუალო მიღებისას, მოკვდა), ცნობილია, რომ ეკლესიას ამის შესახებ რაიმე დადგენილება არა აქვს, ანუ კანონკის დარღვევა არც ერთია დ არც მეორე, უბრალოდ მაინტერესებს თქვენი აზრი!

გმადლობთ თქვენ და ბოდიში მარინეს კამათისათვის.

[Mama Daviti]

ღმერთმა დაგლოცოთ!

პირადად მე ვეთანხმები კაიროსის -ბ- პოზიციას, რა თქმა უნდა, ნარკომანი გარკვეული ფორმით თვითმკვლელია...
თუმცა საზოგადოებრივი აზრით ისინი ავადმყოფებად ითვლებიან და ზოგიერთი მოძღვარი ამ მოსაზრებიდან გამოდის და აღასრულებს მიცვალებულის წესს.

პირობითად ნარკომანები შესაძლებელია ორ ჯგუფად გავყოთ:

1. ისინი, ვისი ცხოვრების მიზანი ნარკოტიკებით "ტკბობაა" და ამ მიზნის მისაღწევად ყველაფერზე წამსვლელები არიან, არავითარი სინდისის ქენჯნა არ გააჩნიათ და პირიქით, სხვების ჩათრევასაც ცდილობენ.... უდავოდ ეს კატეგორია თვითმკვლელები არიან.

2. ისინი ვინც მიზეზთა გამო, ნებით ან უნებლიედ, ნარკოტიკების მომხმარებლები ხდებიან, ხოლო შემდეგ უჩნდებათ სინანული და იწყებენ ბრძოლას ამ სენის მოსაშორებლად, მაგრამ დამსხვრეული ნებისყოფის გამო 70% ში მარცხდებიან, თუმცა სინანული რჩებათ და გაორებულ მდგომარეობაში იმყოფებიან.....ამიტომ ღვთისმსახურნი, უფლის კაცთმოყვრებისა და ეკლესიის მიმტევებლური ხასიათიდან გამომდინარე, მათთვის გარკვეულ შეღავათს უშვებენ.