 “ქრისტეს ვნებანი" მელ გიბსონისაგან |
სტუმარს სალამი ( შესვლა | დარეგისტრირება )
მართლმადიდებლური ფორუმი > საუბრები რელიგიური საკითხების გარშემო > ზოგადი რელიგიური საუბრები და სიახლენი  |
| fiore |
 Aug 20 2010, 10:58 AM
პოსტი
#1
|
 innocent..  ჯგუფი: Members პოსტები: 523 რეგისტრ.: 16-May 10 წევრი № 8,839  |
უმბერტო ეკოს ეს წერილი დაიბეჭდა ჟურნალ “ესპრესოში". თარგმნა ნოდარ ლადარიამ. წაიკითხეთ და თქვენეული შეფასებაც გაუკეთეთ.
შემეშინდა, ვაი თუ კითხვები დამაყარონ, მე კი ვერაფერი ვუპასუხო-მეთქი, ჰოდა, როგორც იქნა, წავედი მელ გიბსონის “ქრისტეს ვნებათა" სანახავად. უცხო ქვეყანაში ვიყავი, სადაც ჭკუა იხმარეს და ბავშვებს აუკრძალეს ფილმის ნახვა. ეკრანზე ბევრს ლაპარაკობენ არამეულად, დიდი-დიდი რომაელებს გაუგო, როცა ყვირიან – “ი!" – რაც, როგორც ეტყობა, უნდა ნიშნავდეს: “წადი, შენი!". ახლავე უნდა ვთქვა, რომ ფილმი, რომელიც ტექნიკურად ძალიან კარგადაა გაკეთებული, არაა არც ანტისემიტიზმის და არც ქრისტიანული ფუნდამენტალიზმის გამოხატულება. ის არც რაღაც სასტიკი მსხვერპლშეწირვის მისტიკითაა დატვირთული. ეს ეგრეთ წოდებული “სპლატერია", ანუ ფილმი, რომელიც გადაღებულია ბევრი ფულის საშოვნელად, რისთვისაც მაყურებელს იმდენ სისხლსა და ძალადობას უჩვენებს, რომ ტარანტინოს “კრიმინალური საკითხავი" საბავშვო ბაღებისთვის გადაღებულ ანიმაციურ ფილმად უნდა ჩავთვალოთ. კაცმა რომ თქვას, ტომი და ჯერის მულტფილმები ბავშვებს უჩვენებენ, როგორ ჭყლეტენ პერსონაჟებს ასფალტის სატკეპნი მანქანები, როგორ ვარდებიან პერსონაჟები ცათამბჯენებიდან, ათას ნაწილად იმსხვრევიან, კარებში ეტანებიან მთელი ტანით და ა. შ. ერთი სიტყვით, ამის მსგავსად, გიბსონის ფილმშიც სისხლის ჰექტოლიტრები იღვრება, რომლებიც ალბათ ათი ავტოცისტერნით მოზიდეს, თანაც მის შესაგროვებლად მთელი ტრანსილვანიის ვამპირებს უყვეს მობილიზაცია. ეს არაა რელიგიური ფილმი. ქრისტეს მოძღვრებიდან ის მხოლოდ იმას გულისხმობს და გადმოგვცემს, რასაც ყველანი პირველი ზიარებისას ვსწავლობთ კატეხიზაციის გაკვეთილებზე. ქრისტეს ურთიერთობა მამასთან აშკარად ისტერიული და სრულიად “საეროა". ასეთი ურთიერთობა შეიძლება ჰქონოდა, მაგალითად, ჩარლი მენსონს სატანასთან, მაგრამ აქ თვით სატანასაც არა აქვს სათანადო დიდებულება: მხოლოდ აქა იქ გამოჩნდება ქუჩის ოღრაშივით გამოწყობილი და მილიარდობით დაღვრილი ერითროციტის შემხედვარეს მასაც კი გული უწუხს. მეორე მხრივ, ყველაზე ნაკლებად დამაჯერებელი სცენა ქრისტეს აღდგომაა, რომელიც ფილმში გაცოცხლებული მკვდრების ღამეს უფრო ჰგავს, ვიდრე რენესანსულ მხატვრობას. სახარებათა დიადი და ღირსეული სიტყვიერი მომჭირნეობისა ამ ფილმს არაფერი ეტყობა: მას სააშკარაოზე გამოაქვს ყველაფერი, რასაც სახარებები დუმილით უვლიან გვერდს, რომ მკითხველმა თვითონ განსაჯოს მდუმარედ, რას ნიშნავს მისთვის კაცობრიობის ისტორიაში ყველაზე დიდი მსხვერპლშეწირვა. იქ, სადაც სახარებები იმის თქმით შემოიფარგლებიან, რომ იესო გვემეს (სამი სიტყვა მათესთან, მარკოზთან და იოანესთან, არც ერთი – ლუკასთან), გიბსონი ქრისტეს ჯერ ლერწმის წკეპლებით აცემინებს, მერე ლურსმნიანი ღვედებით, ბოლოს კი ხის უროებით, სანამ იმ მდგომარეობამდე არ მიიყვანს, როგორიც, მაკ-დონალდსის მომხმარებელთა აზრით, უნდა იყოს ჰამბურგერის დასამზადებლად დაბეგვილი ხორცი. ნაზარეველის მიმართ გიბსონის ზიზღი გამოუთქმელად დიდი უნდა იყოს, ვინ იცის, რომელ ბავშვობისდროინდელ მძიმე მოგონებას იხშობს ის, როცა ქრისტეს სხეულს სულ უფრო და უფრო ასისხლიანებს. მადლობა ღმერთს, ფილოლოგია არ აძლევს საშუალებას, თორემ ალბათ ელექტროშოკსა და ბენზინის ოყნასაც იხმარდა. ნუთუ ზოგიერთებს მართლაც ჰგონიათ, რომ ამგვარად უნდა შეიგრძნონ ჯანსაღი ძრწოლა ცხოვნების საიდუმლოს წინაშე? მაგრამ განა ეს ანტისემიტური ფილმია? თუ ვინმეს უნდოდა “სპლატერ ვესტერნის" (უფრო ზუსტად კი “ისტერნის") გადაღება, ალბათ აშკარად უნდა დაეზუსტებინა მხარეების ფუნქცია: კარგი ცუდების წინააღმდეგ. ცუდებიც ისეთებად უნდა ეჩვენებინა, რომ მათზე უარესების წარმოდგენა ძნელი ყოფილიყო. მაგრამ თუ ასეთი ცუდები ებრაელი მღვდლები არიან, მათზე უარესებად რომაელები აღიქმებიან. რა თქმა უნდა, გიბსონი ფიქრობდა, რომ თუ ცუდებად რომაელებს გამოიყვანს (რაც მანამდე ასტერიქსმა უფრო დიდი წარმატებით განახორციელა), არ უნდა გვეშინოდეს, რომ ვინმე კაპიტოლიუმს ცეცხლს წაუკიდებს. ამავე დროს, როცა საქმე თანამედროვე ებრაელებს ეხება, უფრო ფრთხილად უნდა მოიქცე. მაგრამ რა შეიძლება მოვთხოვოთ მას, ვისაც მხოლოდ სისხლიანი ბიფშტექსის შეთავაზება სურს ბევრი წიწაკითა და ბევრი კეტჩუპით? გიბსონმა ერთგვარი კეთილგონიერება გამოიჩინა და გვიჩვენა შედარებით კარგი სამი ებრაელი და სამი რომაელი, რომლებსაც რაღაც ყოყმანის მაგვარი მოიცავს — ისინი მაყურებელს შესცქერიან და სახეზე თითქოს შეკითხვა ეხატებათ: “ბიჭებო, მეტი ხომ არ მოგვდის?". მაგრამ მათი ეჭვი და ყოყმანი მხოლოდ იმას ემსახურება, რომ კიდევ უფრო აუტანელი გახდეს, რასაც ფილმი გვიჩვენებს და რომ ნამდვილად აგერიოს გული, როცა დაინახავ, რა გამოედინება გადახსნილი ნეკნებიდან. გიბსონი ინტუიციურად ხვდება, რომ ყველაზე შემოსავლიანი “სპლატერი" ის იქნება, რომელშიც ძეს ღვთისას ხორცსაკეპ მანქანაში გაატარებენ. ამას ის მშვენივრად ახერხებს და უნდა მოგახსენოთ, რომ როცა ქრისტე ბოლოს და ბოლოს კვდება და მისი წამების ყურება აღარ გვაწუხებს (ან აღარ გვატკბობს), როცა იწყება ქარიშხალი, მიწისძვრა, როცა იხევა ტაძრის კრეტსაბმელი, რაღაც ემოციას მართლაც განვიცდით იმის გამო, რომ, როგორც იქნა, თუნდაც ასეთი ზედაპირული და მეტეოროლოგიური ფორმით, ჩნდება ის ტრანსცენდენტული, უზენაესი საიდუმლოება, რაც ასე აშკარად აკლია ფილმს. დიახ, ამ მომენტში მამა ღმერთი გვასმენს თავის ხმას. მაგრამ გონიერი და, იმედია, მორწმუნე მაყურებელი ხვდება, რომ მამა ღმერთი ამით სწორედ მელ გიბსონს რისხავს. -------------------- when you are in deep shit it's better to keep your mouth shut! |
   |
 
|
| ნონა |
Aug 20 2010, 11:11 AM
პოსტი
#2
|
 მშვიდი სისოვლე ჯგუფი: Members პოსტები: 2,197 რეგისტრ.: 29-July 09 მდებარ.: ბათუმი წევრი № 7,322 |
ეს წერილი რამდენიმე თვის წინ წავიკითხე და ძალიან მომეწონა.
ძალიან საინტერესოდ ხედვს. აგრესიას, ძალადობას და მისთანებს ან უარესებს, არცერთი ხელოვანი, თუნდაც გარეგნული გმობის გამოხატულებით, შინაგანი მხარდაჭერის გარეშე არ ქმნის. +1 -------------------- ...უფალო, უშენოდ სიზმარშიც არ გავიშვები!
|
|
|
|
| აკაკი |
Aug 20 2010, 11:20 AM
პოსტი
#3
|
 Advanced Member ჯგუფი: Members პოსტები: 2,626 რეგისტრ.: 21-May 09 წევრი № 7,018 |
არ მომწონს სტატია
 ეტყობა ავტორს არ/ვერ გაუთვითცნობიერებია, რომ მართლა როგორ აწამეს ქრისტე.ფილმს რაც შეეხება მომწონს... |
|
|
|
| ქევანა |
Aug 20 2010, 11:20 AM
პოსტი
#4
|
 მთვლემარე დრაკონი ჯგუფი: Members პოსტები: 7,454 რეგისტრ.: 11-February 07 მდებარ.: Shire, Hobbitland, Middle-earth წევრი № 1,055 |
უმბერტო ეკო ძალიან მიყვარს, მაგრამ ეს მხოლოდ მისი აზრია და მისი შეხედულება : )
თვითონ ქრისტე ეკოსთვის სხვანაირი წარმოდგენისაა, სადღაც მომიკრავს თვალი უმბერტოს ესეისთვის ქრისტეს ჯვარცმის შესახებ -------------------- “I'd built that bridge for you. But I didn’t know that I would be building it for you and him.” ("Dაისყ")
"He was born with a gift of laughter and a sense that the world was mad. And that was all his patrimony." - Scaramouche, Rafael Sabatini *** ფორუმზე გლანძღავ და მიწასთან გასწორებ, ძვირფასო, მაგრამ გახსოვდეს, ფორუმს გარეთ მე შენ მიყვარხარ : ) *** Спасение утопающего – дело рук самого утопающего... *** ამინდის შემქმნელი |
|
|
|
| ნონა |
Aug 20 2010, 11:32 AM
პოსტი
#5
|
|
მშვიდი სისოვლე ჯგუფი: Members პოსტები: 2,197 რეგისტრ.: 29-July 09 მდებარ.: ბათუმი წევრი № 7,322 |
ციტატა(აკაკი @ Aug 20 2010, 11:20 AM)  ეტყობა ავტორს არ/ვერ გაუთვითცნობიერებია, რომ მართლა როგორ აწამეს ქრისტე. წამების ზომის გაცნობიერება არაფერ შუაშია. ის ამბობს რომ: მას სააშკარაოზე გამოაქვს ყველაფერი, რასაც სახარებები დუმილით უვლიან გვერდს, რომ მკითხველმა თვითონ განსაჯოს მდუმარედ, რას ნიშნავს მისთვის კაცობრიობის ისტორიაში ყველაზე დიდი მსხვერპლშეწირვა. იქ, სადაც სახარებები იმის თქმით შემოიფარგლებიან, რომ იესო გვემეს (სამი სიტყვა მათესთან, მარკოზთან და იოანესთან, არც ერთი – ლუკასთან), გიბსონი ქრისტეს ჯერ ლერწმის წკეპლებით აცემინებს, მერე ლურსმნიანი ღვედებით, ბოლოს კი ხის უროებით, სანამ იმ მდგომარეობამდე არ მიიყვანს, როგორიც, მაკ-დონალდსის მომხმარებელთა აზრით, უნდა იყოს ჰამბურგერის დასამზადებლად დაბეგვილი ხორცი. ეკო მეც ძალიან მიყვარს ქევან, შესაძლოა მისი წარმოდგენები ქრისტეზე იყოს ერთგვარი გადაცდომაც, მაგრამ გიბსონთAნ მიმართებაში რაში არ ეთანხმები? პ.ს. მე ფილმს მხოლოდ მონაკვეთებს ვუყურე, მსგავსად მძაფრ კინოპროდუქციას საერთოდ ვერ ვუყურებ ხოლმე. -------------------- ...უფალო, უშენოდ სიზმარშიც არ გავიშვები!
|
|
|
|
| Atman |
Aug 20 2010, 11:33 AM
პოსტი
#6
|
|
მეცამეტე მეომარი ჯგუფი: Members პოსტები: 6,236 რეგისტრ.: 23-August 08 წევრი № 5,518 |
ფილმი იმიტომ არ მომწონს, რომ აქცენტი ტანჯვაზეა და არა სიყვარულზე.
"ტანჯვის უმაღლესი დონით" არ გამოიხატება ქრისტეს მისია. მთავარი მისი მორჩილება და სიყვარულია ამ დროს. შეიძლება რომელიმე ჩვენგანი უფრო მეტად აწამონ და მან უხმოდაც კი გაუძლოს ამ ყველაფერს, მაგრამ ეს არ ნიშნავს, რომ ამ დროს სიყვარულით სავსე და ღმერთისადმი მორჩილებით სავსე ექნება გული. ნუ ცდილობთ მთავარი აქცენტი გქონდეთ იმაზე რომ "ქრისტე ძალიან აწამეს". ეს არაა მთავარი. თანაც შედარებებს იწვევს, ისეთებს როგორიცაა - მუჰამედი არ უწამებიათ, ბუდა არ უწამებიათ, ესე იგი იესო "უფრო მაგარია". ასეთ დამოკიდებულებას თავად იესო არ მოიწონებს. ადამიანის სრულყოფა მისი სიყვარულის და მორჩილების დონით განისაზღვრება და არა იმ ტანჯვით, რაც გადაიტანა. მელ გიფსონის ფილმი კი სუფთა კომერციულია. ნაზარეველზე საუკეთესო ფილმი რაც გადაღებულა - ძეფირელის ფილმია! -------------------- हरे कृष्ण हरे कृष्ण
कृष्ण कृष्ण हरे हरे हरे राम हरे राम राम राम हरे हर |
|
|
|
| athos |
Aug 20 2010, 11:37 AM
პოსტი
#7
|
 Άγιον Όρος ჯგუფი: co-Moderators პოსტები: 1,846 რეგისტრ.: 8-January 07 წევრი № 816 |
ნონა
ციტატა რაში არ ეთანხმები? მე მაგალითად ძალიან ცუდად მომხვდა თვალში მაცხოვრის სხეულის დაბეგვილ ხორცთან შედარება. Atman ციტატა ნაზარეველზე საუკეთესო ფილმი რაც გადაღებულა - ძეფირელის ფილმია! ძალიან სუსტი ფილმია. ტანჯვით ვუყურე ბოლომდე -------------------- და ესე უწყოდეთ ჟამი, რამეთუ აწვე არს ჟამი განღჳძებად ჩუენდა ძილისაგან. აწ უმახლობელეს არს ჩუენდა ცხორებაჲ, ოდესღა-ესე გურწმენა. ღამე იგი განგუეშორა, და დღე შემოგუეახლა; განვიშორნეთ უკუე საქმენი ბნელისანი და შევიმოსოთ საჭურველი ნათლისაჲ.
|
|
|
|
| აკაკი |
Aug 20 2010, 11:38 AM
პოსტი
#8
|
|
Advanced Member ჯგუფი: Members პოსტები: 2,626 რეგისტრ.: 21-May 09 წევრი № 7,018 |
ციტატა სააშკარაოზე გამოაქვს ყველაფერი, რასაც სახარებები დუმილით უვლიან გვერდს, რომ მკითხველმა თვითონ განსაჯოს მდუმარედ, რას ნიშნავს მისთვის კაცობრიობის ისტორიაში ყველაზე დიდი მსხვერპლშეწირვა. ეს, რომ მკითხველმა ასე ადვილად წარმოიდგინოს დიდი სულიერი თვალები და გა-ნათლებაა საჭირო... ალბათ დამეთანხმები... მითუმეტეს მათი სრულად წარმოდგენა მელ გიბსონმა კი ასახა ეს ყველაფერი.... ვიზუალური ასახვა სახარების ამ ნაწილისა.... განა უდიდესი სიყვარულის მაჩვენებელი არ არის ასეთი ტანჯვა და მისი დათმენა... "ჩვენთვის კაცთათვის და ჩვენისა ცხოვრებისათვის?" ამის დანახვაც საჭიროა ამ ტანჯვაში |
|
|
|
| ikanosi |
Aug 20 2010, 11:41 AM
პოსტი
#9
|
 ირაკლი ჯგუფი: Moderator პოსტები: 6,285 რეგისტრ.: 3-January 10 მდებარ.: ფოთი - თბილისი წევრი № 7,906 |
ციტატა მაგრამ აქ თვით სატანასაც არა აქვს სათანადო დიდებულება ამის დიდებულება სად გაგონილა ციტატა ნაზარეველის მიმართ გიბსონის ზიზღი გამოუთქმელად დიდი უნდა იყოს, ვინ იცის, რომელ ბავშვობისდროინდელ მძიმე მოგონებას იხშობს ის, როცა ქრისტეს სხეულს სულ უფრო და უფრო ასისხლიანებს. მადლობა ღმერთს, ფილოლოგია არ აძლევს საშუალებას, თორემ ალბათ ელექტროშოკსა და ბენზინის ოყნასაც იხმარდა. ნუთუ ზოგიერთებს მართლაც ჰგონიათ, რომ ამგვარად უნდა შეიგრძნონ ჯანსაღი ძრწოლა ცხოვნების საიდუმლოს წინაშე? ცილისწამებას ჰგავს ეგ აშკარად არ ევასება ამ კაცს მელ გიბსონი  ციტატა მსგავსად მძაფრ კინოპროდუქციას საერთოდ ვერ ვუყურებ ხოლმე. უხ შე ქალოია  -------------------- ფარით ან ფარზე
|
|
|
|
| ნონა |
Aug 20 2010, 11:41 AM
პოსტი
#10
|
|
მშვიდი სისოვლე ჯგუფი: Members პოსტები: 2,197 რეგისტრ.: 29-July 09 მდებარ.: ბათუმი წევრი № 7,322 |
ციტატა(athos @ Aug 20 2010, 11:37 AM) ნონა მე მაგალითად ძალიან ცუდად მომხვდა თვალში მაცხოვრის სხეულის დაბეგვილ ხორცთან შედარება. მეტი არაფერი მოგხვდა თვალში ცუდად?მის შედარებებში იგრძნობა მისი დამოკიდებულება ქრისტესადმი რაც სამაგალითო ნამდვილად არაა. მაგრამ როგორ გგონია ფილმისფსიქოლოგიური ქვეტექსტის დანახვაში ესაა არსებითი? -------------------- ...უფალო, უშენოდ სიზმარშიც არ გავიშვები!
|
|
|
|
| ქევანა |
Aug 20 2010, 11:43 AM
პოსტი
#11
|
|
მთვლემარე დრაკონი ჯგუფი: Members პოსტები: 7,454 რეგისტრ.: 11-February 07 მდებარ.: Shire, Hobbitland, Middle-earth წევრი № 1,055 |
ნონა
რაში არ ვეთანხმები და ამაში მაგალითად: ციტატა ნაზარეველის მიმართ გიბსონის ზიზღი გამოუთქმელად დიდი უნდა იყოს, ვინ იცის, რომელ ბავშვობისდროინდელ მძიმე მოგონებას იხშობს ის, როცა ქრისტეს სხეულს სულ უფრო და უფრო ასისხლიანებს. ან ვერ გაუგია რა გადაიღო გიბსონმა, ან სპეციალურად წერს, რომ გიბსონის ფილმს მეტი პოპულარობა შესძნოს, ხომ გაგიგია, ანტირეკლამა საუკეთესო რეკლამააო... ორჯერ მაქვს ნანახი, როგორ ვუყურე მეორეჯერ მეთვითონაც არ მესმის, მაგრამ არსად არ დამინახია გიბსონის უდიერი დამოკიდებულება. გიბსონი კათოლიკეა და გადაიღო ისე, როგორც რიგითი კათლიკე უნდა ხედავდეს ან ხედავს. ასეთივე სასტიკი სანახავია "აპოკალიპტო", ეს რეცენზია ცოტა რო გადააკეთო, აპოკალიპტოსაც მიუდგება ციტატა ნაზარეველზე საუკეთესო ფილმი რაც გადაღებულა - ძეფირელის ფილმია! ძეფირელის? მე პირველად მესმის, პაზოლინის ვიცი, გიბსონის... საერთოდ არ მიყვარს მე სახარების ეკრანიზაციები, ვნახავ ერთი გუგული დეიდა რას მეტყვის -------------------- “I'd built that bridge for you. But I didn’t know that I would be building it for you and him.” ("Dაისყ")
"He was born with a gift of laughter and a sense that the world was mad. And that was all his patrimony." - Scaramouche, Rafael Sabatini *** ფორუმზე გლანძღავ და მიწასთან გასწორებ, ძვირფასო, მაგრამ გახსოვდეს, ფორუმს გარეთ მე შენ მიყვარხარ : ) *** Спасение утопающего – дело рук самого утопающего... *** ამინდის შემქმნელი |
|
|
|
| fiore |
Aug 20 2010, 11:44 AM
პოსტი
#12
|
|
innocent.. ჯგუფი: Members პოსტები: 523 რეგისტრ.: 16-May 10 წევრი № 8,839 |
ციტატა(athos @ Aug 20 2010, 11:37 AM) მე მაგალითად ძალიან ცუდად მომხვდა თვალში მაცხოვრის სხეულის დაბეგვილ ხორცთან შედარება. მიზანიც ეგ იყო -------------------- when you are in deep shit it's better to keep your mouth shut! |
|
|
|
| ნონა |
Aug 20 2010, 11:45 AM
პოსტი
#13
|
|
მშვიდი სისოვლე ჯგუფი: Members პოსტები: 2,197 რეგისტრ.: 29-July 09 მდებარ.: ბათუმი წევრი № 7,322 |
ციტატა(აკაკი @ Aug 20 2010, 11:38 AM) განა უდიდესი სიყვარულის მაჩვენებელი არ არის ასეთი ტანჯვა და მისი დათმენა... "ჩვენთვის კაცთათვის და ჩვენისა ცხოვრებისათვის?" თავისთვად ტანჯვა სწორედ რომ ამის ამსახველია, მაგრამ მისი ასეთი ვიზუალური დეტალიზება მორიგი საკვებია სისხლიანი გემოვნებისა და შესაბამისად კომერციისათვის. -------------------- ...უფალო, უშენოდ სიზმარშიც არ გავიშვები!
|
|
|
|
| fiore |
Aug 20 2010, 11:47 AM
პოსტი
#14
|
|
innocent.. ჯგუფი: Members პოსტები: 523 რეგისტრ.: 16-May 10 წევრი № 8,839 |
ციტატა როცა ქრისტე ბოლოს და ბოლოს კვდება და მისი წამების ყურება აღარ გვაწუხებს (ან აღარ გვატკბობს), ეს ადგილი ძალიან მომხვდა გულზე.  რომ დავუშვათ რო ეკო მართალია, მართლა უცნაური ხერხი მოუნახავს გიბსონს თავისი პირადი გრძნობების შესანიღბად. -------------------- when you are in deep shit it's better to keep your mouth shut! |
|
|
|
| აკაკი |
Aug 20 2010, 11:47 AM
პოსტი
#15
|
|
Advanced Member ჯგუფი: Members პოსტები: 2,626 რეგისტრ.: 21-May 09 წევრი № 7,018 |
აწ უკუე რაჲ? ყოვლითავე სახითა, გინა თუ მიზეზით გინა თუ ჭეშმარიტებით, ქრისტე იქადაგების, და ამისთჳს მიხარის და მიხაროდისცა.
(ფილიპელთა მიმართ ეპისტოლე 1:18) |
|
|
|
| athos |
Aug 20 2010, 11:50 AM
პოსტი
#16
|
|
Άγιον Όρος ჯგუფი: co-Moderators პოსტები: 1,846 რეგისტრ.: 8-January 07 წევრი № 816 |
ნონა
ციტატა მაგრამ როგორ გგონია ფილმისფსიქოლოგიური ქვეტექსტის დანახვაში ესაა არსებითი? ვფიქრობ, ყველა იმას ხედავს რისი დანახვაც უნდა. -------------------- და ესე უწყოდეთ ჟამი, რამეთუ აწვე არს ჟამი განღჳძებად ჩუენდა ძილისაგან. აწ უმახლობელეს არს ჩუენდა ცხორებაჲ, ოდესღა-ესე გურწმენა. ღამე იგი განგუეშორა, და დღე შემოგუეახლა; განვიშორნეთ უკუე საქმენი ბნელისანი და შევიმოსოთ საჭურველი ნათლისაჲ.
|
|
|
|
| ნონა |
Aug 20 2010, 11:50 AM
პოსტი
#17
|
|
მშვიდი სისოვლე ჯგუფი: Members პოსტები: 2,197 რეგისტრ.: 29-July 09 მდებარ.: ბათუმი წევრი № 7,322 |
ციტატა ან ვერ გაუგია რა გადაიღო გიბსონმა, ან სპეციალურად წერს ოო ქევან, მასე სწორხაზოვნად არამგონია ღირდეს გიბსონის პირადი დამოკიდებულების გააზრება ფილმის ფაბულის მიხედვით. ეკოს წერილში სწორედ ის მომწონს რომ სტრიქონებს შუა კითხვას ცდილობს. რასაც მე ვიზიარებ. შენ ხომ იცი რომ მაცხოვარი საშინლად აწამეს, მაგრამ მას ლოცვისას ან მის გარეშე წარმოიდგენ ხოლმე? მსგავსი წარმოდგენები შემთხვევით არ ეფანტასმაგორიება ტვინს რა -------------------- ...უფალო, უშენოდ სიზმარშიც არ გავიშვები!
|
|
|
|
| ikanosi |
Aug 20 2010, 11:52 AM
პოსტი
#18
|
|
ირაკლი ჯგუფი: Moderator პოსტები: 6,285 რეგისტრ.: 3-January 10 მდებარ.: ფოთი - თბილისი წევრი № 7,906 |
ამ მსჯელობის მიზანი რა არის?
-------------------- ფარით ან ფარზე
|
|
|
|
| ნონა |
Aug 20 2010, 11:54 AM
პოსტი
#19
|
|
მშვიდი სისოვლე ჯგუფი: Members პოსტები: 2,197 რეგისტრ.: 29-July 09 მდებარ.: ბათუმი წევრი № 7,322 |
ციტატა(athos @ Aug 20 2010, 11:50 AM) ნონა ვფიქრობ, ყველა იმას ხედავს რისი დანახვაც უნდა. წინასწარგანწყობის გარეშე ვუყურებ ხოლმე ფილმებს, ჩემი ცნობისმოყვარეობა მათ მიმართ საგრძნობლად წაიქვეითებს არც დიდი ემოციით მავსებს ეგენი, არც ისეთით, არც ასეთით ციტატა ამ მსჯელობის მიზანი რა არის? biggrin.gif კარგი შეკითხვაა როგორ ხარ იკანოს? -------------------- ...უფალო, უშენოდ სიზმარშიც არ გავიშვები!
|
|
|
|
| ქევანა |
Aug 20 2010, 11:55 AM
პოსტი
#20
|
|
მთვლემარე დრაკონი ჯგუფი: Members პოსტები: 7,454 რეგისტრ.: 11-February 07 მდებარ.: Shire, Hobbitland, Middle-earth წევრი № 1,055 |
ნონა
ხო რა თქმა უნდა, რასაც ეკო ამბობს გიბსონზე ეს ხომ ჭეშმარიტებაა კარგი რა ნონა ** იკანოს, ამ თემის მიზანია გიბსონის გადათელვა  რასაც მე აქტიურად შევეწინააემდეგები :დ-------------------- “I'd built that bridge for you. But I didn’t know that I would be building it for you and him.” ("Dაისყ")
"He was born with a gift of laughter and a sense that the world was mad. And that was all his patrimony." - Scaramouche, Rafael Sabatini *** ფორუმზე გლანძღავ და მიწასთან გასწორებ, ძვირფასო, მაგრამ გახსოვდეს, ფორუმს გარეთ მე შენ მიყვარხარ : ) *** Спасение утопающего – дело рук самого утопающего... *** ამინდის შემქმნელი |
|
|
|
|
ამ თემას კითხულობს 1 მომხმარებელი (მათ შორის 1 სტუმარი და 0 დამალული წევრი)
0 წევრი:
| მსუბუქი ვერსია | ახლა არის: 25th May 2024 - 11:41 PM |
მართლმადიდებლური არხი: ივერიონი
ფორუმის ელექტრონული ფოსტა: იმეილი
CHURCH.GE-Powered by Giorgi and IPB. Hosting by WebHostinG.Ge
2024
Licensed to: church.ge