იესოს ლოცვა, ჩვენი პრაქტიკა პარამეტრები

[marine]

"ყველაზე მთავარია, რომ მთელი გულისყური იესოს ლოცვისკენ მივმართოთ, რათა ღმერთს შევუერთდეთ. მხოლოდ ესაა ღირებული, რადგან ადამიანი ღვთის სულს ენათესავება და ლოცვის მეშვეობით, ერთგვარი წმინდა გზით, სულით ღმერთს უერთდება. ანუ ვიმეორებთ ქრისტეს უტკბეს სახელს მოუკლებლად არა იმიტომ, რომ ქრისტეს არ ესმის ჩვენი ერთგზის მოხმობა, არამედ იმისთვის, რომ ჩვენი გონება მას შეუერთდეს; ჩვენთვის ხომ ქრისტეა ყველაფერი და საბოლოოდ მასთან მივალთ"

/ღირსი პაისი ათონელი/

[marine]

"- მამაო, როგორ ჯობია იესოს ლოცვის თქმა, ხმამაღლა, ჩურჩულით თუ გონებით?

- თუ ხმამაღლა იტყვი, მალე დაიღლები. ამიტომ ხან ჩურჩულით თქვი და ხან გონებით. გონებით ლოცვა ყველაზე უკეთესია, მაგრამ, ვინაიდან გამუდმებით გონებით ლოცვა ყველას არ ძალუძს, კარგი იქნება ზოგჯერ ჩურჩულითაც ილოცო, როგორც მოსამზამდებელი წვრთნა. შეგიძლია ჯერ ჩურჩულით დაიწყო, მერე გონებით განაგრძო, შემდეგ ისევ ჩურჩულით, კვლავ გონებით და ა.შ. ასე მონაცვლეობით ილოცე, ვიდრე ლოცვა იქამდე არ მივა, რომ მხოლოდ გონებით აღესრულოს, ანუ გონებითი გახდება, როგორც ეწოდება კიდეც - "გონებითი ლოცვა". მაშინ მლოცველი გონებით ლოცულობს და გული კრთის, ხარობს; ადამიანი საღვთო ტრფიალებას აღწევს, ზეციურ მდგომარეობას განიცდის"

/ღირსი პაისი ათონელი/

[marine]

"- მამაო, როგორ ჯობია იესოს ლოცვის თქმა, ხმამაღლა, ჩურჩულით თუ გონებით?

- თუ ხმამაღლა იტყვი, მალე დაიღლები. ამიტომ ხან ჩურჩულით თქვი და ხან გონებით. გონებით ლოცვა ყველაზე უკეთესია, მაგრამ, ვინაიდან გამუდმებით გონებით ლოცვა ყველას არ ძალუძს, კარგი იქნება ზოგჯერ ჩურჩულითაც ილოცო, როგორც მოსამზამდებელი წვრთნა. შეგიძლია ჯერ ჩურჩულით დაიწყო, მერე გონებით განაგრძო, შემდეგ ისევ ჩურჩულით, კვლავ გონებით და ა.შ. ასე მონაცვლეობით ილოცე, ვიდრე ლოცვა იქამდე არ მივა, რომ მხოლოდ გონებით აღესრულოს, ანუ გონებითი გახდება, როგორც ეწოდება კიდეც - "გონებითი ლოცვა". მაშინ მლოცველი გონებით ლოცულობს და გული კრთის, ხარობს; ადამიანი საღვთო ტრფიალებას აღწევს, ზეციურ მდგომარეობას განიცდის"

/ღირსი პაისი ათონელი/

[marine]

"ღირსი ნილოს სორელი გულისმიერ მდუმარებაში ვარჯიშის მსურველებს ურჩევს საერთოდ ყველანაირ ფიქრზე უარი თქვან და ისინი ჩაანაცვლონ უფალ იესოს სახელის მოწოდებით, ანუ იესოს ლოცვით. "საჭიროა", - ამბობს ღირსი ნილოსი, - "იძულება იმისათვის, რომ დადუმდე აზრებითა და მოჩვენებითად მართალი გულისსიტყვებით, განუწყვეტლივ გულის სიღრმეში იყურებოდე და ამბობდე: უფალო იესო ქრისტე, ძეო ღმრთისაო, შემიწყალე მე". ეს საქმიანობა იმდენად სასურველია, იგი იმდენად ვრცელია, სულიერი სიუხვით აღსავსეა, რომ წმინდა პავლე მოციქული ყველა სხვა ფიქრსა და განსჯას გონების მასში მყოფობას ამჯობინებდა: "არარაი სხუაი დავიდევ გულსა ჩემსა უწყებად თქუენდა, გარნა ქრისტე იესუ და ესეცა ჯუარცმული".

ნეტარი ბერი სერაფიმე საროველი ამბობს: "მათ, ვინც ჭეშმარიტად გადაწყვიტეს უფალ ღმერთს ემსახურონ, ღვთის ხსოვნასა და იესო ქრისტესადმი განუწყვეტლივ ლოცვაში უნდა ივარჯიშონ, გონებით თქვან: უფალო იესო ქრისტე, ძეო ღმრთისაო, შემიწყალე მე, ცოდვილი". მადლის ნიჭებს მხოლოდ ისინი იღებენ, ვისაც შინაგანი საქმიანობა აქვთ და თავიანთ სულებზე მღვიძარებენ"

/წმინდა მღვდელმთავარი ეგნატე ბრიანჩანინოვი/

[marine]

"იესოს ლოცვით ვედრება ღვთის დადგენილებაა. იგი დადგენილია არა წინასწარმეტყველის პირით, არა მოციქულისა, არა ანგელოზისა, არამედ დადგენილია თავად ღვთის ძისა და ღვთის მიერ. საიდუმლო სერობის შემდეგ, სხვა უამაღლებულესი, საბოლოო მცნებებისა და ანგერძების შემდეგ უფალმა იესო ქრისტემ თავისი სახელით ვედრება დაადგინა, მოგვცა ვედრების ეს საშუალება, როგორც ახალი, უჩვეულო ნიჭი, უძვირფასესი ნიჭი. მოციქულებმა ნაწილობრივ უკვე იცოდნენ იესოს ლოცვის ძალა: ისინი მით კურნავდნენ უკურნებელ სნეულებებს, იმორჩილებდნენ ეშმაკებს, ამარცხებდნენ, კრავდნენ, აძევებდნენ მათ. ამ ყველაზე ძალმოსილი, საოცარი სახელის ლოცვებში გამოყენებას უფალი გვავალებს და მისგან ლოცვისათვის განსაკუთრებულ სინამდვილეს გვპირდება"

/წმინდა მღვდელმთავარი ეგნატე ბრიანჩანინოვი/

[marine]

"იესოს ლოცვა" ჯვარის გადასახვას შეცვლის, თუ რაიმე მიზეზით შეუძლებელი იქნება მისი გამოსახვა"

/ღირსი ნიკონი/

[marine]

"როდესაც ეს ლოცვა ასეთი მდუამრებიდან აღევლინება, იგი ფერს უცვლის ადამიანის მთელ სულიერ ცხოვრებას - მის სულსაც და მის გულსაც!

ამ ლოცვამ ძალიან დიდი გავრცელება პოვა ჩვენს ეკლესიაში, იმიტომ რომ ადამიანები თავიანთი გამოცდილებით დარწმუნდნენ, რა ძალიან აქვს "იესოს ლოცვას", რომელიც არის სინანულის მუდმივი გამოვლინება, მუდმივი გამოხატულება!

წმინდა გრიგოლ პალამა ასწავლის, რომ ღმერთი სამყაროში იმჰყოფება თავისი ენერგიებით. და როდესაც ადამიანი ამ მდუმარების სიღრმიდან ლოცულობს (მართებულად ლოცულობს!) "იესოს ლოცვას", მაშინ იგი ექცევა ამ ენერგიების მოქმედების ქვეშ; ეს ენერგიები მას ღმერთთან აერთებენ და ღვთის თანაზიარს ხდიან!

აი, რა საოცარი შედეგი აქვს "იესოს ლოცვის" ღვაწლს, როდესაც ის აღესრულება ისე, როგორც წმინდა გრიგოლ პალამა გვასწავლის!"

/მეუფე შიო მუჯირი/

[marine]

"იესოს ლოცვის მთელი ძალა და ქმედება გამომდინარეობს სათაყვანებელი და ყოვლისშემძლე სახელიდან იესო"

/წმინდა მღვდელმთავარი ეგნატე ბრიანჩანინოვი/

[marine]

"იესოს ყოვლადწმიდა სახელი ვერ იტანს არაწმინდებაში ყოფნას, ის მოითხოვს, რომ სულის ჭურჭლიდან ამოინთხეს და განიდევნოს ყველაფერი, რაც უწმინდურია; ჭურჭელში მისი სისუფთავის ხარისხის შესაბამისად შესვლისას, იგი თავად იწყებს მასში მოქმედებას და შემდგომ განწმენდას, რომლისთვისაც ადამიანის ძალისხმევა საკმარისი არ არის და რაც საჭიროა იმისათვის, რომ ჭურჭელი გახდეს სულიერი საგანძურის ღირსეული სათავსო, ყოვლადწმიდა სალოცავი"

/წმინდა მღვდელმთავარი ეგნატე ბრიანჩანინოვი/

[marine]

"ისევე, როგორც ეს ღვთაებრივი ლოცვა", - ამბობს ბერი პაისი, - "უმაღლესია ყველა სამონაზვნო ღვაწლს შორის, მამათა განსაზღვრების მიხედვით, გამოსწორებათა მწვერვალია, სათნოების წყაროა, გონების ყველაზე დახვეწილი და უხილავი ქმედებაა გულის სიღრმეში, ამიტომ, ამის შესაბამისად, უხილავი მტერი მის წინააღმდეგ მრავალფეროვანი ხიბლისა და ოცნებების უხილავ, დახვეწილ, ადამიანის გონებისთვის ძლივს გასაგებ ბადეებს აბამს"

/წმინდა მღვდელმთავარი ეგნატე ბრიანჩანინოვი/

[marine]

"მუდმივი ვედრებისთვის ასევე გამოიყენება ლოცვა "უფალო შემიწყალე". ეს არის იესოს შემოკლებული ლოცვა და ცვლის მას იმ შემთხვევაში, როცა იესოს მთელი ლოცვის წარმოთქმა გარკვეულწილად რთულდება: შეშინების დროს, მოულოდნელი სიხარულის დროს, მძიმე ავადმყოფობის დროს, სულიერი ხილვის დროს. ამ უკანასკნელ შემთხვევაში შეძახილი: "უფალო შემიწყალე" გონებისთვის არის, როგორც გამოძახილი იმ მადლიან ფიქრებზე, რომლებიც მას უჩნდება განწმენდის შემდეგ, აღრემატება მის წვდობას და სიტყვებით ვერ გამოიხატება"

/წმინდა მღვდელმთავარი ეგნატე ბრიანჩანინოვი/

[marine]

"მამა არსენი სულ ლოცულობდა, განუწყვეტლივ, ფიქრობდა რაღაცაზე, მიდიოდა სადმე თუ საქმიანობდა, სულერთია, მაინც ლოცულობდა, მისი ტუჩების ოდნავ მოძრაობაში ისმოდა: "უფალო იესო ქრისტე, ძეო ღვთისაო, შემიწყალე მე, ცოდვილი!"

[marine]

"მოწაფე: წმინდა წერილში თუ არის ნახსენები იესოს ლოცვა?

ბერი: მასზე საუბარია წმინდა სახარებაში. არ იფიქრო, რომ იგი ადამიანის დადგენილია; იგი ღვთის მიერ არის დადგენილი. იესოს უწმიდესი ლოცვა დაადგინა და დაგვიწესა თავად ჩვენმა უფალმა იესო ქრისტემ. საიდუმლო სერობის შემდეგ, რომელზეც შეიქმნა ქრისტიანულ საიდუმლოთაგან უდიდესი - წმინდა ევქარისტია, უფალმა თავის მოწაფეებთან გამოსათხოვარ საუბარში, დაღუპული კაცობრიობის გამოსასყიდად საშინელ ტანჯვასა და ჯვარზე სიკვდილამდე, მათ აღმატებული სწავლება და უმნიშვნელოვანესი, საბოლოო მცნებები მისცა. ამ მცნებებს შორის მან მიანიჭა უფლება და ანდერძი მისი სახელით ელოცათ. "ამენ, ამენ გეტყვი თქუენ," - უთხრა მან მოციქულებს, - "რამეთუ რაოდენიცარაი სთხოოთ მამასა სახელითა ჩემითა, მოგცეს თქუენ". "და რაიცა ითხოვოთ სახელითა ჩემითა, იგი ვყო, რაითა იდიდოს მამაი ძისა თანა, და უკუეთუ რაოდენი ითხოვოთ სახელითა ჩემითა, მე ვყო". "აქამომდე არარაი გითხოვიეს სახელითა ჩემითა, ითხვოდით და მოიღოთ, რაითა სიხარული თქუენი სავსებით იყოს".

/წმინდა მღვდელმთავარი ეგნატე ბრიანჩანინოვი/

[marine]

"მამა ვიტალი [სიდორენკო] მუდამ ითხოვდა, ხშირად ველოცა:

- მიდიხართ, ზიხართ თუ რასაც უნდა აკეთებდეთ, იესოს ლოცვის წაკითხვა ნურასოდეს დაგავიწყდებათ. ის ყველაფრის შემცვლელია. თუ შესაძლებელია, ღამითაც ილოცეთ".

[marine]

"ვინც იესოს ლოცვას განუწყვეტლივ კითხულობს, ის გამუდმებით ზევით იწევს, ხოლო ვინც არ კითხულობს - მეყსეულად ქვემოთ ეშვება"

/სქემარქიმანდრიტი ვიტალი სიდორენკო/

[marine]

"იესოს ლოცვა იკითხე და ყველაფერი გეცოდინება, რაც კი სამყაროში ხდება"

/სქემარქიმანდრიტი ვიტალი სიდორენკო/

[marine]

"მამა ვიტალის [სიდორენკო] შესახებ გამოცემულ წიგნში წავიკითხე, რომ ბერი ასწავლიდა, თუ ლოცვას ვერ ასწრებ, იესოს ლოცვა იკითხე ხოლმე და ნურაფერზე ინაღვლებო"

[marine]

"ჩვევად გაიხადე იესოს ლოცვის წარმოთქმა, შენთვის ყველაფრად აქციე, საკვებად, სასმელად, ტანსაცმლად თუ შუქად, შვებად, თუ სულიერ ცხოვრებად. ეს ლოცვა ყველაფრად იქცევა მისთვის, ვინც გაითავისებს, ამ ლოცვის გარეშე იგი სიცარიელეს იგრძნობს, სულს ვერ დაიკმაყოფილებს. გინდა, გიყვარდეს იესო? ილოცე და დასძლიე სირცხვილი, მაშინ მიხვდები, რომ ღვთის საუფლო ჩვენშია. საშუალება არ მისცე ბოროტს, გმართოს, ლოცვით დაუყოვნებლივ განაგდე შენგან! ჰო, ეს ლოცვა სასწაულებს ახდენს, ხმამაღლა ილოცე, ანგელოზთ ახარებთ ჩვენი ტკბილი იესოს მიმართ აღვლენილი ვედრება. დაე, იესო ახარებდეს შენს სულსაც!"

/არქიმანდრიტი ეფრემ არიზონელი/