"მეტანიებით ქრისტიანი მდაბლდება" პარამეტრები

[marine]

"მეტანიები უნდა გააკეთოთ, მათი მეშვეობით უნდა გავახუროთ გული, როდესაც გაციებას დაიწყებს.

მეტანიები ხორციელი სამუშაოა. იგი შერწყმული უნდა იყოს ღმერთზე ფიქრსა და მისადმი გრძნობასთან"

/წმ. თეოფანე დაყუდებული/

[marine]

"ლოცვა განუყოფელია მეტანიებისგან. მეტანიები შინაგანი ლოცვის ნიშანია"

/წმ. თეოფანე დაყუდებული/

[marine]

"მუხლს იმდენჯერ ვიდრეკ, რამდენჯერაც შევძლებ"

[marine]

"მეტანიები, მღვიძარება, მარხვა - ეს არის შრომა, რომელიც სატრფოსთვის აღესრულება"

/წმ. პორფირი კავსოკალიველი/

[marine]

"ნუ ვიტყვით: "ამდენი მეტანიები გავაკეთე, ახლა მადლი უზრუნველყოფილი მაქვს", არამედ ვითხოვოთ, რომ ჩვენში ღვთის შემეცნების ნათელი გამობრწყინდეს და აღგვიხილოს სულიერი თვალები, რათა მის ღვთაებრივ სიტყვებს ჩავწვდეთ"

/წმ. პორფირი კავსოკალიველი/

[marine]

"ათასობით მეტანიებიც რომ აკეთო იმ მიზნით, რომ სამოთხეში მოხვდე, არა აქვს ფასი. გააკეთე ეს სიყვარულით და, თუ ღმერთს შენი სატანჯველში გაშვება ნებავს, დაე, ქმნას ის, რაც მას ნებავს. ამას ეწოდება უანგარობა. არა აქვს ფასი, გააკეთო ასობით მეტანია და არაფერს გრძნობდე. უმჯობესია გააკეთო ოცი ან თხუთმეტი, მაგრამ ღვთისადმი სიყვარულის განცდით და მისი მცნებებისადმი მორჩილებით. ასე, თანდათანობით, ცხრებიან ვნებები, უკან იხევენ ცოდვები, და ნაზად, დაძაბულობის გარეშე შევდივართ ლოცვებში. ხოლო თუ ცარიელი ხარ, ანუ არ გაქვს სიყვარული, მაშინ ლოცულობ, აკეთებ მეტანიებს, მაგრამ ამაოდ."

/წმ. პორფირი კავსოკალიველი/

[marine]

"ვიყავი შეუმჩნევლად და ვლოცულობდი. უცებ ტაძრის კარიბჭე გაიღო და შემოვიდა ერთი მაღალი და ასაკოვანი მონაზონი. ეს ბერი დიმა იყო. როგორც კი შემოვიდა, ირგვლივ მიმოიხედა; არავინ დაუნახავს. ხელში დიდი სკვნილი ეჭირა და დიიდ მეტანიების კეთება დაიწყო, ბევრ მეტანიას ასრულებდა და სწრაფად, თან განუწყვეტლივ ამბობდა: "უფალო იესო ქრისტე, შემიწყალე მე... ყოვლადწმინდაო ღვთისმშობელო, გუაცხოვნენ ჩვენ"

/წმ. პორფირი კავსოკალიველი/

[marine]

"ხშირი მეტანიებისგან [ღირს პაისი ათონელს] ხელები გაწითლებული ჰქონდა. ფეხები ცარიელი ძვლებიღა დარჩენილიყო"

[marine]

"წამოსვლისას, დამშვიდობებისას ვუთხარით [ღირს პაისი ათონელს]: "მამაო, გვითხარი რაიმე სულიერი". რა გითხრათ? ბევრი მეტანია შეასრულეთ"

[marine]

"ღირსი მამის [მოსე სასწაულთმოქმედი] მუდმივი და საყვარელი ღვაწლი იყო მეტანიები, რისთვისაც ღირსი შეიქნა სასწაულთმოქმედების მადლისა"

[marine]

"კარგია ლოცვის დროს წელამდე და მიწამდე თაყვანისცემის შესრულება; ამასთან ჯერ ლოცვის წარმოთქმაა საჭირო, შემდეგ კი მეტანიის შესრულება. ამის გაკეთება ლოცვის დროს არ შეიძლება. მეტანიები ადამიანურ ამპარტავნებას თოკავენ და სულს ფხიზელს ხდიან"

/არქიმანდრიტი რაფაელი (კარელინი)/

[marine]

"არსებობს ენის ორი სახე, ორი სახე თვითგამოსახვისა: სიტყვით და ჟესტით, ანუ მოძრაობით. მეტანია, მულხდრეკა - ეს უხმო ენაა, სადაც სიტყვა მოძრაობით იცვლება. ეს წერილის სახეა, რომელიც მელნით ქაღალდზე არ არის დაწერილი, არამედ თვით ადამიანის სხეულშია არეკლილი და განხორციელებული"

/არქიმანდრიტი რაფაელი (კარელინი)/

[marine]

"მეტანიები ხელს უწყობს ჩვენი სულიერი ძრავის ამუშავებას"

[marine]

"მე ნახევარი ფილტვიღა დამრჩა და იცი რამდენ მეტანიას ვასრულებ? არ შემიძლია ამის თქმა. როცა სკვნილზე ვლოცულობ და თან მცირე მეტანიებს ვასრულებ, მარჯვენა ხელი რომ დამეღლება, პირჯვარს მარცხენა ხელით ვიწერ"

/ღირსი პაისი ათონელი/

[marine]

" - მამაო, სხეული გტკივათ?

- არა, რადგან სულიერი ტანვარჯიშ ვასრულებ.

- ანუ?

- მეტანიებს, შე დალოცვილო! ხედავ, ერისკაცები შვედურ ტანვარჯიშს აკეთებენ, მონაზვნები კი - მეტანიებს. ერისკაცები ტანვარჯიშით სხეულს იჯანსაღებენ, ხოლო მონაზვნები მეტანიებით იჯანსაღებენ სულსაც და სხეულსაც. საბრალო ერისკაცებმა არ იციან, როგორ ეხმარება მეტანიები არა მარტო სულის, არამედ სხეულის გაჯანსაღებას. მეტანიები აჯანსაღებს სახსრებს, აკაჟებს სხეულს, აცილებს ზედმეტ წონას, ამშვიდებს და ავაჟაცებს ადამიანს; ამავდროულად ადამიანს აძლევს შესაძლებლობას, ავიდეს სათნოებათა სულიერ სიმაღლეებზე და ასევე - მთების მწვერვალებზე, თავისუფლად და ქოშინის გარეშე.

მეტანიები აუცილებელია როგორც ახალგაზრდებისთვის, ისე ასაკიანებისთვისაც; მათთვისაც, ვისაც ხორციელი ბრძოლა აქვს და მათთვისაც, ვინც თავისუფალია ასეთი ბრძოლისგან. ძლიერი აღნაგობის მქონემ უფრო მეტი მეტანიები უნდა შეასრულოს, ვიდრე სნეულებებისკენ მიდრეკილმა, ისე როგორც ძლიერი ძრავა უფრო მეტს მუშაობს. განსაკუთრებით ეხმარება მეტანიები ახალგაზრდებს, რომ ხორცი დაიმორჩილონ, ამიტომ მათ ყოველთვის ვეუბნები: "შეასრულეთ, რამდენადაც შეგიძლიათ, ბევრი მეტანია, თქვენთივსაც და მათთვისაც, ვინც სნეულებაშია ან ხანდაზმულია და არ ძალუძს მეტანიების შესრულება".

მეტანიები არის ლოცვა, თუმცა, ამავდროულად, ასკეზიცაა და შეეწევა ადამიანს უფრო მეტად, ვიდრე ყველა სხვა დანარჩენი სულიერი ღვაწლი. გარდა იმისა, რომ ჩვენს სულიერ ძრავას ლოცვისთვის აღძრავს, მოაქვს სხვა მრავალი სიკეთე: პირველ ყოვლისა, მეტანიებით თაყვანს ვცემთ ღმერთს და მდაბლად ვითხოვთ მისგან წყალობას. მეორე სარგებელი ისაა, რომ მდაბლდება ჩვენი დაუმორჩილებელი ხორცი და მოდის სიმშვიდე და უვნებობა, ხოლო მესამე - აჯანსაღებს სხეულს და მოაქვს მრჩობლი ჯანმრთელობა ადამიანისთვის".

/ღირსი პაისი ათონელი/

[marine]

"არ შეიძლება პირჯვრისწერისა და მეტანიის ერთდროულად შესრულება (ჯერ პირჯვარს ვიწერთ დ მერე მეტანიას ვასრულებთ)"

/წმინდა მღვდელმთავარი ეგნატე ბრიანჩანინოვი/

[marine]

"ბერი (სქემარქიმანდრიტი ვიტალი სიდორენკო) გვეუბნებოდა, რომ ოთხი სახის მეტანია არსებობს: უბრალოდ თავის დახრა, მცირე -წელში მოხრით, მიწაზე დამხობითა და "დაცემით" - როცა მდგომიარე ადამიანი მთლიანად, მთელი სიმაღლით, ჯვრის სახით ერთიანად ეცემა მიწაზე. მამა ვიტალი გვიყვებოდა, რომ ბერები უდაბნოში ასეთ მეტანიებს აკეთებდნენ, მაგრამ მთელი ცხოვრების განმავლობაში ამის გაკეთება სულ რაღაც ხუთჯერ შეიძლება, რადგან მთელი შიგნეულობა წყდებოდა"

[marine]

"ერთხელ სენაკში წრიულად ვისხედით, მამა ვიტალიმ [სიდორენკო] მეტანია გაგვიკეთა და გვკითხა:

- მუდამ რატომ გიკეთებთ მეტანიას?

- არ ვიცი, მამაო, - ვუპასუხეთ ჩვენ.

ერთმა ერთი მოსაზრება გამოთქვა, მეორემ - სხვა, მესამემ - კიდევ განსხვავებული.

- დიახ... მართალია... სწორია... - გვეუბნებოდა ბერი, - და კიდევ?

- არ ვიცით, - ვთქვით ბოლოს.

- იმიტომ, რომ სამეუფო შვილები ხართ, - გვითხრა მამა ვიტალიმ".

[marine]

"გარკვეულ დროს იგი [ღირსი სერაფიმე საროველი] ფიზიკურ შრომას უთმობდა. სენაკში ამას დიდი მეტანია ცვლიდა. მხოლოდ ღმერთმა უწყის, თუ რამდენ მეტანიას ასრულებდა"