მოძღვარი პარამეტრები

[marine]

"სიხარული და სიმსუბუქე სუფევს მღვდლის სულში, როცა ის კეთილსინდისიერად შეასრულებს საეკლესიო წესს. ღვთის კურთხევითა და მშვიდობით ბრუნდება შინ".

/წმ. იოანე კრონშტადტელი/

[marine]

"უფალო, დედას პურივით თბილი,
ლოცვანით მოდის მოძღვარი ჩვენი"

/ფარნა რაინა/

[marine]

"დეკანოზი სერგი უზულთაევი ბრძანებს: სამუშაოზე, ერთ-ერთი ექსპერიმენტისას, იონიზებულმა ჰაერმა ფილტვები დამწვა. სიკვდილი არ მინდოდა და ათასგვარ სუნთქვით ვარჯიშს ვასრულებდი. მოვინათლე, მოძღვარი გავიჩინე.

1984 წელს არქიმანდრიტ იოანესთან (კრესტიანკინი) ვიყავი, დიდხანს მესაუბრა. ბოლოს მითხრა: შენთვის, უბრალო მორწმუნედ რომ დარჩე, საკმარისი არ არის, მღვდლად უნდა ეკურთხოო.

ვყოყმანობდი, ვიდრე რეანიმაციაში არ მოვხვდი სულის შეხუთვის გამო. მაშინ კი მივხვდი, რომ ღვთისთვის უნდა მემსახურა. ამ გადაწყვეტილების მიღებიდან ორი დღის მერე გამოვჯანმრთელდი."

[marine]

"[ღირსი იოანე აკაციოსი] თავის მოწაფეებს მამასავით უყვარდათ და ისიც ძალას არ ზოგავდა, მათთვის მაცხოვრის მცნებანი გაენამდვილებინა და მუდამ იმეორებდა: - ღვთის თაყვანისცემის საუკეთესო საშუალება - მისი მიბაძვა და ყოველგვარი ამსოფლიური მიჯაჭვულობის დათრგუნვა, ხორციელ სიამეთა უარყოფა და მცნებათა აღსრულებააო".

[marine]

"მოძღვარი, რომელიც ამბობს: პავლე მოციქული, პეტრე მოციქული ამბობს, ეკლესია ასწავლისო, იმ მოძღვრებს დაუჯერეთ"


/მამა გიორგი (თევდორაშვილი)/

[marine]

"თუკი გვმართებს ხორციელი მამის სიყვარული და მათთვის პატივის მიგება, რაოდენ მეტად უნდა გვიყვარდეს და პატივი მივაგოთ სულიერ მამას, რომელმაც ყოფიერებიდან კეთილყოფიერებაში გადაგვიყვანა, ცნობის სინათლე განგვიცხადა... განგვაახლა ბანვითა მეორედ შობისათა, აღდგომისა და უკვდავების სასოება ჩაგვინერგა".

/წმ. გრიგოლ პალამა/

[marine]

"შეეცადე მთელი სიცოცხლე გყავდეს სულიერი მამა, რომ ყველა შენი ცოდვა და გულისთქმა აღიარო მის წინაშე, მიიღო შენდობა და განიკურნო, რადგან მას მიეცა სულების შეკვრისა და გახსნის მადლი: "რაოდენი შეჰკრათ ქვეყანასა ზედა, კრულ იყოს ცათა შინა; და რაოდენი განჰხსნათ ქუეყანასა ზედა, ხსნილ იყოს იგი ცათა შინა" (მათე 18, 18).

ეს მადლი და ძალა მან ქრისტესგან მიიღო, ამიტომ დაემორჩილე მას და არ შეეწინააღმდეგო, რომ სული არ დაიღუპო და თუ ხორციელი მამის წინააღმდეგ მომქმედი იქ, სადაც ღვთის კანონი არ კრძალავს, სიკვდილით ისჯება, განა არ განდევნის ღვთის სულს და არ დაიღუპავს ის, ვინც სულიერი მამის წინააღმდეგ გამოვა?

ამიტომ რჩევისათვის ყოველთვის შენ სულიერ მამას მიმართე და დაემორჩილე მას, მაშინ გადაირჩენ სულს და შეიძენ მარადიულ, უხრწნელ მადლს".

/წმ. გრიგოლ პალამა/

[marine]

შეხვედრა შენთან

ჩემს ფოფოდიას

მე იმ საღამოს რა დამავიწყებს, ჩემს
მზერას შენი ნაკვთები სპობდა,
ტუჩს გადამსკდარი ტიტების კონა,
კოცნად მალტობდა, თვით
მორცხვად კრთოდა.
ყველა ლამაზი მინდვრის ყვავილი შენს
ფერს ეტრფოდა, თავისას თმობდა.
ფრთხილი ფარფატით სურნელთა ყნოსვა
პეპელასავით ტანში მათბობდა.
ჯერ არ ნახული ჩემთვის ხატება,
თითქოს თან მდევდა ჩვენს
შეხვედრამდე.
შეგხვდი და მივხვდი შეგიყვარებდი
განუშორებლად უკუნის წლამდე.
მე უშენობაც წარმოვისახე და
დავიფერფლე მთლად გულის წვამდე,
ღმერთს მაშინ ვთხოვე პირველად რამე.
ეს შენ მიბიძგე მე ღვთის ტაძრამდე.
შენ გახდი ჩემთვის ყვავილთა ფრქვევა,
რაკრაკა რუში მზის ნაპერწკალი.
ღამით ზღვის ყელზე მცურავი მთვარე,
ვარსკვლავთა ციაგი და ცისკრის რკალი.
თასით დაგცალე და სანთლით განთე,
ღრმა სიყვარულით ჯერ კიდევ მთვრალი,
ზღაპარში გნახე, ციდან მოგწყვიტე,
ვარდებს მოგტაცე, ოცნების ქალი.
დავფრინდით ტოტზე, გავჩიტეთ ბუდე,
ბარტყებიც დავსხით, ტრფობითაც მატკბე.
ხსნად სიყვარულმა მომისწრო სულზე,
ვცდილობ ამ გრძნობას ბოლომდე ჩავწვდე.
შენ მყავდე დიდხანს, რომ ამ გამხმარ
კუნძს, გულის სითბოთი ყოველ
წუთს ვრწყავდე.
შემინდე თუკი, რაც მე მაჩუქე, ხშირად
უხეში მთლად ვერ გიზღავდე.

/მამა არჩილ გვიმრაძე/

[marine]

"დღეს ძალიან დიდი როლი ენიჭება წმინდა წერილის შესწავლას და კითხვას. წმინდა იოანე ოქროპირი ამბობს ერთ-ერთ წერილში: "ვინც არ კითხულობს, საეჭვოა, რომ ცხონდესო".

ჩვენ უნდა გვქონდეს ურთიერთობა მოძღვართან, ვემორჩილებოდეთ მას, მაგრამ ასევე უნდა ვხელმძღვანელობდეთ წმინდა წერილით, წმინდა მამებით. ამ ორივეს ერთად შეთანხმება არის ის კალაპოტი, რომელიც სწორ გზაზე დააყენებს მორწმუნეს.

მხოლოდ წმინდა წერილის კითხვა, მოძღვრისა და გამოცდილი სულიერი წინამძღვრის გარეშე, საფრთხილოა. მხოლოდ მოძღვარზე მინდობაც არ გამოდის. მოძღვრები დღეს, სამწუხაროდ, არ ვდგავართ სრულყოფილების ისეთ საფეხურზე, რომ ადამიანის ყველა მოთხოვნილების დაკმაყოფილება შევძლოთ. ამიტომ ჩვენ ჩვენი ნაკლოვანება უნდა შევავსოთ ზომიერი კითხვით ანუ ამ უზარმაზარ წმინდამამებისეულ სიტყვიერ ოკეანეში დავინახოთ ზუსტად ის, რაც სწორედ დღეს გჭირდება.

ზოგადად, ყველა ქრისტიანისთვის რაც არის საჭირო, ის უნდა მივაწოდოთ მრევლს. ტაძარში ახალმოსულ ადამიანს არ უნდა მივაჩეჩოთ მეუდაბნოე, ასკეტი მამების თხზულებები. აქაც სიფრთხილე გვმართებს. საჭიროა ვიცოდეთ, თუ როგორ ვასწავლოთ ადამიანებს სასულიერო ლიტერატურასთან ურთიერთობა და როგორ მივიყვანოთ მასთან."

/მამა ზაქარია მარგალიტაძე/

[marine]

"კურთხევა - ეს ზეციდან მიწაზე მომავალი სინათლის სხივია"

[marine]

"ათონის ივერთა მონასტრის წესდებაში არის წესი: არ მიეცეს მღვდლობა იმას, ვინც ამისკენ მიილტვის".

[marine]

"თავზე ლოცვა-კურთხევა მაწვიმა"

[marine]

" ერთმა მოძღვარმა მითხრა, - ისეთ გზას ნუ ასწავლი ადამიანს, რომლის ნახევარი მაინც არ გაგივლიაო"

/მამა ალექსანდრე თოლორდავა/

[marine]

"ყოველი წირვა-ლოცვის დასრულების შემდეგ მოძღვარი მრევლს ღვთის სიტყვას გვიქადაგებს. მისი პირით უფალი საკითხებზე დაგვაფიქრებს და მერე საკუთარ შეცდომებზე ფიქრს ვიწყებთ. ხშირად მოძღვრის ერთი სიტყვაც გულზე ისე სალბუნად დაგვედება, რომ კვირიდან კვირამდე გვყოფნის."

[marine]

"მოძღვართან ურთიერთობა მხოლოდ აღსარებით არ უნდა შემოიფარგლებოდეს. მასთან ხშირი საუბრით უფრო მეტად მიუახლოვდები უფალს და გასწავლის, როგორ უნდა იცხოვრო ქრისტიანულად."

[marine]

„არც გაფეტიშება შეიძლება მღვდლისა, რაც თვითონ მისთვის არის საშინელება, და არც პროტესტანტული კრიტიკა და არცნობა იმ საკრალურობისა და საღვთო ძალმოსილებისა, რომელიც მღვდლობაში მოქმედებს.“

/მამა ზაქარია მარგალიტაძე/


"სასულიერო პირი არის ერთადერთი რგოლი, რომელიც საკრალურ ცოდნას აღვიძებს და გადასცემს ერს."

/მამა ზაქარია მარგალიტაძე/

[marine]

"მოძღვრის ლოცვა-კურთხევას დამორჩილებული სულიერი შვილი დაცული იქნება ყოველგვარი განსაცდელისგან და დაბრკოლებების გადალახვაც გაუადვილდება."

"თუ ჩვენი ძალებით ვცდილობთ, ღმერთისთვის მოსაწონი საქმე გავაკეთოთ, ხშირად შევხვდებით წინააღმდეგობებს. თავის თავს მინდობილი ადამიანი ვერ აღასრულებს ღვთისთვის სათნო საქმეს. ამიტომაც ყოველთვის გვმართებს, საერო თუ საეკლესიო საქმის აღსრულების წინ თავი მოვუდრიკოთ ლოცვა-კურთხევით მოძღვარს უფლისას, მივიღოთ მისგან რჩევა-დარიგება."

[marine]

"თუ ადამიანს ღვთის კურთხევა აქვს, ეს უდიდესი საქმეა, ნამდვილი სიმდიდრეა. ის, რაც კურთხეულია, დგას და არ ინგრევა, ხოლო რაც კურთხევის გარეშეა, ვერ გადარჩება".

/მამა პაისი მთაწმინდელი/

[marine]

"ფეხდაფეხ მისდიე შენს მოძღვარს, უსმინე მას, როგორც შენს საკუთარ სინდისს და მთელი არსებით, ყოველგვარი მერყეობის გარეშე დაემორჩილე".

"შეიძლება კი, რომ საკუთარ ცხოვრებას უწოდო ღვთის სიტყვით ცხოვრება, თუ არ გყავს მოძღვარი და თვითნებურად ცხოვრობ? რა თქმა უნდა, არა".

/ღირსნი კალისტე და ეგნატე ქსანთოპულოები/

[marine]

"ვინც ემორჩილება თავის მოძღვარს, ის უფალი ღმერთის ნებას აღასრულებს და ვინც ღმერთს ემორჩილება, ის თავის მოძღვრის მორჩილებაშიცაა".

/წმ. ანტონი დიდი/