პატრიარქის იდეები და მის მიერ მოცემული კურთხევები პარამეტრები

[A.V.M]

დღეს , ნათისღების ბრწყინვალე დღესასწაულზე აღნიშნა უწმინდესმა რომ რუსეთში მიემგზავრება , ჩვენ კი მოგვცა ლოცვა-კურთხევა რომ ამ პერიოდის განმავლობაში რაც შეიძლება ხშირად წრმოვთქვათ ლოცვა-,,მოწყალებისა კარი განგვიღე.''

[A.V.M]

პატრიარქმა შაბათი წიგნის დღედ დააწესა
სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ შაბათი წიგნის დღედ დააწესა. როგორც უწმინდესმა დღევანდელი საკვირაო ქადაგებისას ბრძანა , ადამიანებმა ტელევიზიისა და პრესის მიხედვით ბევრი რამ იციან, თუმცა მათი ცოდნა ზედაპირულია.
"რით განსხვავდება ჩვენი და ჩვენი წინაპრების ცოდნა – ისინი ღრმად აზროვნებდნენ, ჩვენ კი ყველაფერს ზერელედ ვუყურებთ. ბევრი რამ ვიცით, მაგრამ – ზედაპირულად. ადამიანი მხოლოდ ტელევიზიით და პრესით არ უნდა დაკმაყოფილდეს. ადამიანის პირველი მეგობარი წიგნი უნდა იყოს. ადამიანი უნდა იყოს მწიგნობარი. ჩვენ უნდა ვკითხულობდეთ წიგნებს – უპირველეს ყოვლისა "ბიბლიას" და შემდეგ სხვა წიგნებს", - ბრძანა უწმინდესმა.

პატრიარქმა სტუდენტობის წლები გაიხსენა და აღნიშნა, რომ მისი თანაკურსელების ნაწილი მხოლოდ ლექციით კმაყოფილდებოდა, ნაწილი კი სადილის შემდეგ ბიბლიოთეკაში მიდიოდა და ისტორიულ, ლიტერატურულ, ფილოსოფიურ და ფსიქოლოგიურ წიგნებს ეძებდა. უწმინდესის განმარტებით, მეგობრის გავლენით თავადაც იყო დაინტერესებული ფილოსოფიური ლიტერატურით, თუმცა ვინაიდან მაშინ ამგვარი წიგნების კითხვა იკრძალებოდა, მეგობრებთან ერთად ჩუმად კითხულობდა.
"მინდა, შაბათი დღე წიგნის დღედ დავაწესო, რათა ყოველი ჩვენგანი კითხულობდეს წიგნებს და მიდიოდეს ბიბლიოთეკაში. ბიბლიოთეკები ჩვენი ხალხით

უნდა გაივსოს. იქ ვნახავთ უამრავ საინტერესო წიგნს. საპატრიარქოს ერთ-ერთი მდიდარი ბიბლიოთეკა აქვს და იქ ისეთი წიგნებია, რასაც სხვაგან ვერ ნახავთ. შაბათობით, 10:00-დან 19:00 საათამდე ღია იქნება ბიბლიოთეკები და ჩვენ უნდა მივიდეთ, რათა ვიკითხოთ წიგნები. იქ დაგხვდებათ სათანადო პირობები და ბევრს ისწავლით", - აღნიშნა უწმინდესმა.

პატრიარქმა ციტირების წესის დაცვის აუცილებლობაზეც გაამახვილა ყურადღება და აღნიშნა, რომ წიგნიდან ციტირებისას უნდა მიეთითოს ავტორის გვარი და სახელი, წიგნის დასახელება, გამოცემის წელი და გვერდის ნომერი. "ჩვენს სასწავლებლებში ნაკლებად აქცევენ ყურადღებას სასვენ ნიშნებს – სად უნდა იყოს წერტილი, სად – მძიმე, წერტილ-მძიმე ან ორწერტილი. ეს ადამიანის კულტურის მაჩვენებელია. ყველას გეძლევათ ლოცვა-კურთხევა, რომ შაბათი ლოცვასთან ერთად წიგნის დღეც იქნება. ღმერთმა მოგცეთ ძლიერი, მტკიცე, ჭეშმარიტი სარწმუნოება და დიდი ცოდნა", - ბრძანა უწმინდესმა.

ქადაგების დასასრულს პატრიაარქმა რამდენიმე სასულიერო პირი გამშვენებული ჯვრის ტარების უფლებით დააჯილდოვა, ასევე. დალოცა რამდენიმე გვარი და სრულიად საქართველოს სახალხო დარბაზი.

"ინტერპრესნიუსი"


წყარო/Source: http://www.ambebi.ge/books/79107-patriarqm...l#ixzz2VB8AbPUu

[A.V.M]

დამიანი, რომელიც მხოლოდ სიკეთეს აკეთებს მუდამ, კარგი ბედისაა, - ამის შესახებ სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ დღევანდელი საკვირაო ქადაგებისას ბრძანა. როგორც უწმინდესმა აღნიშნა, ადამიანი ხშირად ფიქრობს, რა უნდა გააკეთოს, რომ ჰქონდეს კარგი ბედი და მშვიდობიანი ცხოვრება. პატრიარქის თქმით, ამისთვის სხვადასხვა საშუალება არსებობს, უპირველეს ყოვლისა კი, საჭიროა ადამიანი იყოს მორწმუნე, უყვარდეს ღმერთი, მოყვასი, ბუნება და ხალხი.

8 სექტემბერი წმინდა მოწამეების ადრიანესა და ნატალიას ხსენების დღეა, ამიტომ ქადაგებისას პატრიარქმა მრევლს თხოვნით მიმართა, ილოცონ მისი დედისთვის, ნატალია კობაიძისთვის.

პატრიარქმა უფალს მადლობა შესწირა, რომ საქართველო ღვთის რჩეული ერია. უწმინდესის თქმით, ასე რომ არ ყოფილიყო, საქარველო ღვთისმშობლის წილხვედრი არ იქნებოდა. "საქართველო თესავს სიკეთეს, არის რჩეული ღვთისა, არის ღვთის მამული, ამიტომ ბედი საქართველოსი არის კეთილი, მშვიდობიანი და აუცილებლად ექნება კეთილი მომავალი", - აღნიშნა უწმინდესმა.

http://www.palitratv.ge/akhali-ambebi/sazo...vna-mrevls.html

[marine]

უწმინდესის კურთხევა რომ იყო წიგნის კითხვის შესახებ.
გრძელდება ისევ ეგ საღამოები?

პატრიარქმა რომ შაბათი დაადგინა წიგნი კითხვის დღედ, მკითხველები ძალიან მომრავლდნენ ბიბლიოთეკებში...

[A.V.M]

პატრიარქი 23 მაისს "აფხაზეთობის" აღნიშვნის ინიციატივით გამოვიდა
აფხაზეთის ომში ყველა მხარე დამარცხებულია, - ამის შესახებ სრულიად საქართველოს კათოლიკოს-პატრიარქმა ყოვლადწმინდა სამების ტაძარში საღმრთო ლიტურგიის დასრულების შემდეგ ქადაგებისას ბრძანა.

"ვინ არის გამარჯვებული? არც არავინ არ არის. ყველა წაგებულია- ქართველებიც, აფხაზებიც, რუსებიც და ყველა, ვინც მონაწილეობდა ამ საშინელ ტრაგედიაში", - აღნიშნა უწმინდესმა.

პატრიარქის თქმით, იგი 11 წლის განმავლობაში აფხაზეთში მიტროპოლიტად იყო და არ ახსოვს არც ერთი შემთხვევა რაიმე გაუგებრობის აფხაზებსა და ქართველებს შორის. უწმინდესის თქმით, სრული სიყვარული იყო, აფხაზები მიდიოდნენ ქართველებთან და ქართველები - აფხაზებთან.

"ეს იყო ნამდვილი ერთი ოჯახი, ერთი სული და ერთი ხორცი, მაგრამ ეშმაკს ეს შეშურდა და დააპირა ამ ერთობის გაყოფა. მინდა ვთქვა, რომ დღესაც ზოგიერთი ცდილობს ეკლის ხლართები და ბეტონის ღობეები ააშენოს აფხაზებსა და ქართველებს შორის, ოსებსა და ქართველებს შორის, მაგრამ ეს ყველაფერი ამაოა. შინაგანი გაანალიზებით ვგრძნობთ, რომ ამას აკეთებს მტერი. შედეგები ის იქნება, რომ მტერი წაგებული იქნება", - აღნიშნა კათოლიკოს-პატრიარქმა.

უწმინდესმა ასევე გაიხსენა აფხაზეთში მისი მიტროპოლიტობის პერიოდი. მისივე თქმით, აფხაზეთი ყველაზე მდიდარი იყო ავტონომიურ რესპუბლიკებს შორის. პატრიარქის თქმით, ქართველები ნაკლებად მიდიოდნენ ეკლესიაში, მაგრამ ნათლობა, ჯვრისწერა, ლოცვა აუცილებლად სრულდებოდა ტაძრებში.

"როცა ვეკითხებოდი, რატომ არ მოდიოდნენ ეკლესიაში, მანდარინის ბაღები გვაქვსო მოსავლელი. ყველაფერი იქ დარჩათ. განსაკუთრებით მინდა გავიხსენო ზოგიერთი ადამიანი - ჟიული შარტავა, ის იყო და არის გმირი. ის იყო უშიშარი. როდესაც ქუთათელ-გაენათელი მიტროპოლიტი აფხაზეთში ომის დროს ჩავიდა, მას აღუპყრია ხელები ცისკენ და უთქვამს - ღმერთმა მე დამსაჯოს, თუ საქართველო გადარჩება. იმ დღეებში ჟიული შარტავა და სხვები დახვრიტეს. ტრაგედიის შემდეგ სრულიად უცნობი პირისგან მივიღე წერილი. ჟიული შარტავას დახვრეტის დროს, ამ უცნობს უკითხავს, თუ ვინ იყო ეს პიროვნება. იგი წერდა, რომ სახელი და გვარი რომ არ დავიწყნოდა ასანთის კოლოფზე ჩაიწერა. თქვენ უნდა იამაყოთ, რომ ასეთი თავდადებული შვილები ყავს საქართველოს, - წერდა უცნობი. ჩვენ მართლაც ვამაყობთ და ღმერთმა ნათელში ამყოფოს მისი სული", - აღნიშნა უწმინდესმა.

პატრიარქმა ასევე მოიხსენია ლორიკ მარშანია, იური ანუა, მღვდელი ანდრია, გაბისკირია და სხვები. პატრიარქმა ბრძანა, რომ ისინი არიან უფლის წინაშე ანთებული სანთლები, რომლებიც არასდროს არ ჩაიწვება.

"სანთელი ილევა, ესენი კი დაუსრულებელი სანთლებია", - აღნიშნა უწმინდესმა.
ამასთან, ქადაგების ბოლოს, პატრიარქმა აღნიშნა, რომ მიიღეს გადაწყვეტილება და დიდი თავდადებისა და ღვაწლისათვის ჯიული შარტავას მიენიჭა ჯილდო წმინდა გიორგის ოქროს ორდენი. "ეს ჯილდო მის ოჯახს გადაეცემა. ღმერთმა დალოცოს მისი უკვდავი სული", - აღნიშნა უწმინდესმა.

კიდევ ერთი ეკლესიის უმაღლესი ჯილდო, წმინდა ნინოს ოქროს ორდენი პატრიარქმა აფხაზეთის უმაღლეს საბჭოს მიანიჭა, რომელიც იბრძვის საქართველოს ერთიანობისათვის. პატრიარქის თქმით, ამ ჯილდოს ტარების უფლება ექნება უზენაესი საბჭოს თავმჯრომარეს, შესაბამისად, ეს ჯილდო პატრიარქმა დღეს გია გვაზავას გადასცა.

ქადაგების დასრულების შემდეგ, უწმინდესმა ტაძარში პანაშვიდი გადაიხადა. პატრიარქმა აღნიშნა, რომ აფხაზეთის ომი ხელოვნურად დაწყებული ომი იყო და ქართველები და აფხაზები გრძნობენ

ამას. მან პანაშვიდის დროს, აფხაზეთის ომში დაცემულთა სულები მოიხსენია.
"ჩვენ დღეს ვლოცავთ არა მარტო ქართველებს, არამედ აფხაზებსაც, სხვა ერის წარმომადგენლებს. მე კიდევ მინდა ვთქვა, რომ ეს ხელოვნურად დაწყებული ომი იყო და ქართველები და აფხაზები გრძნობენ ამას", -აღნიშნა უწმინდესმა.

პარაკლისის ბოლოს, უწმინდესმა ახალი ინიციატივის შესახებ ბრძანა. მისივე თქმით, 23 მაისს, წმინდა მოციქულ სვიმონ კანანელის ხსენების დღეს, "აფხაზეთობას" აღნიშნავენ.

სვიმონ კანანელი აფხაზეთშია დასაფლავებული.


წყარო/Source: http://www.ambebi.ge/sazogadoeba/86832-pat...l#ixzz2g73JtLjq

[A.V.M]

საქართველოს კათოლიკოს-პატრიარქი, ილია II ქართველ ერს ურჩევს, რომ განსაკუთრებული ყურადღება შრომას მიაქციოს. ამის შესახებ პატრიარქმა საკვირაო ქადაგებაზე ისაუბრა.

"ზოგიერთს შრომა დამამცირებლად მიაჩნია. ფიქრობს, რომ დამცირებულია ადამიანი, რომელიც ფიზიკურად შრომობს. როცა უფალი ბრძანებს, რომ ოფლითა შენითა ჭამე პური შენი, ეს სასჯელი კი არ არის, არამედ ლოცვა-კურთხევაა.

ყველა ოჯახს უნდა ჰქონდეს მიწის ნაკვეთი და იქ მოიპოვებდეს ნაყოფს. ეს მოგცემთ თქვენ დიდ სიხარულსა და მადლს. ღმერთმა მოგანიჭოთ სულიწმიდის მადლი, რომ იშრომოთ სადიდებლად ღვთისა და სასარგებლოდ თქვენი სულისა და ხორცისა," - განაცხადა ილია მეორემ.

http://news.ge/ge/news/story/71345-ilia-me...hs-unda-hqondes

[A.V.M]

კათოლიკოს-პატრიარქმა მრევლს საღამოს 10-11 საათზე დაწოლა და დილის 6-ზე ადგომა ურჩია

24-11-2013

სრულიად საქართველოს კათოლიკოს-პატრიარქმა ილია მეორემ, ისაუბრა რა დროის ფასსა და მნიშვნელობაზე, დღევანდელ ქადაგებაში მრევლს დასაძინებლად ადრე დაწოლა და დილით ადრე ადგომა ურჩია.

პატრიარქმა ევროპის ქვეყნების ის მაგალითი გაიხსენა, სადაც სამსახური 6 ან 7 საათზე იწყება და დაამატა, რომ „ვინც ადრე დგება, მას უფალი მადლს აძლევს“:

„გვიან დგება ქართველი ადამიანი. ვნახოთ, თუნდაც ევროპაში, სხვა ქვეყნებში სამსახური 6 ან 7 საათზე იწყება. უნდა ადგე ექვსის ნახევარზე ან ხუთ საათზე, რომ სამსახურში მისვლა მოასწრო. ვინც ადრე დგება, მას უფალი მადლს აძლევს. ასევე, ვინც ადრე დგება, უნდა დაწვეს სულ გვიან, 10-11 საათზე", - აღნიშნა ქადაგების დროს კათოლიკოს-პატრიარქმა.

ილია მეორემ ოჯახებს ყველა წევრთან ერთად ლოცვისკენ მოუწოდა და ხაზი გაუსვა, რომ ერთად ლოცვა აძლიერებს და კრავს ოჯახებს. კათოლიკოს-პატრიარქი დილით ადრე ადგომას პირველი ლოცვის აღვლენას უკავშირებს:

„როცა ოჯახი ერთად ლოცულობს დილის ლოცვებს ან საღამოს ძილის წინ ლოცვებს ერთად კითხულობენ ან ერთი კითხულობს და სხვები უსმენენ, ეს კრავს და აძლიერებს ოჯახს. დიდ მადლს და სიხარულს ანიჭებს მათ. ერთმანეთი უყვართ და უხარიათ ერთმანეთთან შეხვედრა. ამიტომ ყველას გირჩევთ, რომ დაწვეთ ადრე, არა უგვიანეს 11.00 საათისა და ადგეთ 06:00 საათზე, როცა უნდა წაიკითხოთ დილის ლოცვა", - ბრძანა პატრიარქმა.

http://www.fmabkhazia.com/news/650-%E1%83%...B%E1%83%90.html

[A.V.M]

საქართველოს პატრიარქმა ილია მეორემ დღეს, ქადაგებისას პარლამენტისა და ხელისუფლების მიერ თვითმმართველობის კოდექსის განხილვის საკითხთან დაკავშირებით ისაუბრა და განაცხადა, რომ თვითმმართველობის კანონი თუ განხორციელდა, ეს საქართველოს დაშლა იქნება.

"ჩვენი პარლამენტი და ხელისუფლება დღეს განიხილავს და მსჯელობს თვითმმართველობის საკითხზე. ეს მეტად რთული საკითხია. თუ განხორციელდა, ჩვენ მივალთ საქართველოს დაშლისკენ. ჩვენ ამას არასდროს შევეგუებით და ყველაფერს გავაკეთებთ იმისთვის, რომ ეს არ შესრულდეს. საქართველო იყო და იქნება ერთიანი ერი, ერთიანი ქვეყანა. ჩვენ უნდა გვახსოვდეს, რომ როცა ძლიერი იყო ხელისეფლება და მის გარშემო მთელი ქვეყანა, ძლიერი იყო საქართველოც.

ჩვენი აზრით, ყოველი რაიონი უშუალოდ დაკავშირებული უნდა იყოს ჩვენს ხელისუფლებასთან. ხელისუფლებამ უნდა იცოდეს ის პრობლემები, რომელიც არსებობს რაიონში. ამას არ სჭირდება შუა რგოლი. ხელისუფლება თვითონ უნდა განიხილავდეს, უნდა შეისწავლოს რა სჭირდება თითოეულ რაიონს. ჩვენი ხელისუფლება უნდა ცდილობდეს, რომ პრობლემა, რომელიც არსებობს ამა თუ იმ რაიონში, იყოს გამოსწორებული. რატომღაც ზოგიერთი ცდილობს, რომ კანონი სასწრაფოდ უნდა იყოს მიღებული. ჩვენი აზრით, ეს უნდა იყოს განხილული მთელი ერის მიერ.

ხალხმა უნდა იმსჯელოს რა არის მისაღები საქართველოსთვის. ამიტომ, არ უნდა ვიჩქაროთ. ხალხი უნდა გაეცნოს თვითმმართველობის ამ კანონს. მე მინდა დიდი პატივისცემით მივმართო ჩვენს პარლამენტს და ხელისუფლებას, გაითვალისწინონ ეს საშიშროება და ნუ ავჩქარდებით ამის მიღებაში," - განაცხადა ილია მეორემ.

http://news.ge/ge/news/story/72564-ilia-me...s-dashla-iqneba

[G_saxva]

A.V.M
უფრო ძირეულად ხომ ვერ ამიხსნით რაზეა საუბარი რა კანონია?

[A.V.M]

G_saxva
მე მხოლოდ ზოგად ჭრილში შემიძლია ლაპარაკი .
უკეთესი იქნება ნინო თუ აგვიხსნის , თავისი სფეროა ...

[G_saxva]

A.V.M
დაველოდოთ ნინოს თუ შემოვა და მოგვწერს

[A.V.M]

G_saxva
http://mrdi.gov.ge/images/stories/11.13/codebolo.pdf
აქაა ეგ კანონი...

[A.V.M]

ილია მეორე აღზრდის პროგრამის შემუშავების ინიციატივით გამოდის
14:00 22-12-2013
ილია მეორე აღზრდის პროგრამის შემუშავების ინიციატივით გამოდის სრულიად საქართველოს კათოლიკოს-პატრიარქი ილია მეორე აღზრდის პროგრამის შემუშავების ინიციატივით გამოდის.
როგორც უწმინდესმა დღევანდელი საკვირაო ქადაგებისას ბრძანა, ახალგაზრდები ამთავრებენ უმაღლეს სასწავლებლებს, თუმცა ცოდნა დაბალია, აღზრდა კი საერთოდ არ არის.
პატრიარქმა გელათის აკადემიის გახსნასთან დაკავშირებული დავით აღმაშენებლის სიტყვებიც გაიხსენა – "ეს უნდა იყოს მეორე იერუსალიმი თავისი სულიერებით და ახალი ათინა".
ილია მეორე მიიჩნევს, რომ მეცნიერებმა არა მხოლოდ ცოდნის მიცემაზე, არამედ აღზრდაზეც უნდა იფიქრონ. "აღზრდას არა მხოლოდ ოჯახი, არამედ სკოლა და ეკლესიაც უნდა აძლევდეს. ადამიანი, რომელსაც განათლება და აღზრდა ექნება, ბედნიერი იქნება. მე ვთხოვ ჩვენს მეცნიერებს, იფიქრონ ამ პრობლემაზე. დღეს თითქმის ყველაფრის შემსწავლელი სასწავლებლები არსებობს, მაგრამ ვცხოვრობთ იმ დროს, როდესაც დაიხურა ფილოსოფიის ინსტიტუტი, ფსიქოლოგიის ინსტიტუტი და მრავალი სხვა, რამაც მეტად გაამწვავა ეს საკითხი. იმედი მაქვს, განათლების სამინისტრო იფიქრებს, როგორ შეიძლება შეიქმნას აღზრდის პროგრამა და რა უნდა დაეკისროს სკოლას, ოჯახს თუ ეკლესიას ამ დარგში", - ბრძანა უწმინდესმა.
პატრიარქმა იმედი გამოთქვა, რომ ქართველი მეცნიერები ამ რთულ საკითხს ჩასწვდებიან და აღზრდის კარგი პროგრამა შეიქმნება.
ქადაგების დასასრულს პატრიარქმა მრევლს ყოვლადწმინდა ღვთისმშობლის "მოულოდნელი სიხარულის" ხატის დღესასწაული მიულოცა და ისურვა, "მოულოდნელი სიხარული მისცეს მამაზეციერმა სრულიად საქართველოს".
http://www.interpressnews.ge/ge/sazogadoeb...th-gamodis.html

[A.V.M]

სრულიად-საქართველოს კათოლიკოს-პატრიარქმა, უწმინდესმა და უნეტარესმა ილია მეორემ მრევლს 1-ელ და 2 იანვარს თევზის მიღების კურთხევა მისცა. როგორც პატრიარქმა დღევანდელი საკვირაო ქადაგების დასასრულს ბრძანა, ხშირია შემთხვევა, როდესაც ადამიანები თევზს კურთხევის გარეშეც მიირთმევენ.

"ხალხი მაინც მიირთმევს თევზს ახალი წლის დღეებში და ლოცვა- კურთხევა მაინც ჰქონდეს", - ბრძანა პატრიარქმა.
უწმინდესის განმარტებით, საახალწლო პარაკლისი ძველით ახალ წელს შესრულდება.
"ბედნიერი შობა-ახალი წელი გაგითენოთ მამაზეციერმა", - ბრძანა ილია მეორემ.

http://www.palitratv.ge/akhali-ambebi/sazo...heva-misca.html

[G_saxva]

ხალხი მაინც მიირთმევს თევზს ახალი წლის დღეებში და ლოცვა- კურთხევა მაინც ჰქონდეს

სასაცილოა სატირალი რომ არ იყოს

[A.V.M]

პატრიარქმა მრევლს ივანე ჯავახიშვილის "ქართველი ერის ისტორიის" ხუთტომეულის შეძენისკენ მოუწოდა
სრულიად საქართველოს კათოლიკოს-პატრიარქმა მრევლს ივანე ჯავახიშვილის "ქართველი ერის ისტორიის" ხუთტომეულის შეძენისკენ მოუწოდა. როგორც ილია მეორემ საკვირაო ქადაგებისას ბრძანა, ის ძალიან სასარგებლო და საჭირო წიგნია.

"მე მოგეცით კურთხევა, იკითხოთ წიგნები. გუშინ აცხადებდნენ, რომ გამოსულია ივანე ჯავახიშვილის "ქართველი ერის ისტორია" და ხუთტომეული 50 ლარი ღირს. ვისაც გაქვთ საშუალება, უნდა იყიდოთ, მასში ბევრი რამ არის საჭირო და სასარგებლო", - ბრძანა უწმინდესმა.

ივანე ჯავახიშვილის "ქართველი ერის ისტორიის" ხუთტომეული გამომცემლობა "პალიტრა L"-მა გამოსცა და მისი შეძენა შესაძლებელია "ბიბლუსის" წიგნის მაღაზიათა ქსელში.


წყარო/Source: http://www.ambebi.ge/books/93591-patriarqm...l#ixzz2ozBnEkDG

[A.V.M]

“ ძალიან დიდი პერსპექტივები გვაქვს ღვინის საქმეში, თითქმის არცერთი ქვეყანა არ არის ასეთი მდიდარი. ძალიან დიდი პერსპექტივები გვაქვს წყალში, რომელიც უხვად გვაქვს. ასე რომ, ძალიან ბევრი საქმეა გასაკეთებელი და ჩვენ ვერ ვხედავთ და ვამბობთ, რომ სამუშაო ადგილები არ არისო. სინამდვილეში ყველაფერი გვაქვს. ღმერთმა უხვად მოგვცა ყველაფერი. ”
13 იანვარი, 2014 განაცხადა საქართველოს პატრიარქმა ილია მეორემ საპატრიარქოს ახალგაზრდულ ცენტრში. ნეტგაზეთის ცნობით, შეხვედრას მცირე და საშუალო ბიზნესის დაწყებისა და განვითარების საკითხით დაინტერესებული ადამიანები ესწრებოდნენ.

http://www.tabula.ge/ge/verbatim/79006-ili...ven-ver-vxedavt

[A.V.M]

ილია II: ჩვენ თუ არ მივხედეთ თავს, არც უცხოეთი გვიშველის და არც არაფერი

“ სოფლებში ხშირი შემთხვევაა, როცა საკარმიდამო არ არის მოხნული, დამუშავებული… რა უნდა იმის დამუშავებას?! ძველად ჩვენი ხალხი ოცნებობდა... მე გამიგონია უწმინდესი და უნეტარესი ეფრემ მეორისგან, ჩვენ ვოცნებობდით, რომ ერთი დღის სახნავ-სათესი მოგვცეს ღმერთმაო და არაფერი გაგვიჭირდებაო. ახლა გვაქვს და აღარ ვამუშავებთ, იქ ტრაქტორი არ არის, იქ ბენზინი არ არის. ჩვენ თუ არ მივხედეთ საკუთარ თავს, არც უცხოეთი გვიშველის და არც არაფერი. ჩვენ თვითონ უნდა ვიფიქროთ საკუთარ თავზე. ყოველმა ჩვენგანმა უნდა იფიქროს, მე რას ვაკეთებ, რა მომაქვს ჩვენი ქვეყნისთვის. ”
13 იანვარი, 2014 განაცხადა საქართველოს პატრიარქმა ილია მეორემ საპატრიარქოს ახალგაზრდულ ცენტრში. ნეტგაზეთის ცნობით, შეხვედრას მცირე და საშუალო ბიზნესის დაწყებისა და განვითარების საკითხით დაინტერესებული ადამიანები ესწრებოდნენ.
http://www.tabula.ge/ge/verbatim/79008-ili...-da-arc-araferi

[A.V.M]

საპატრიარქოს ახალგაზრდულ ცენტრში მცირე და საშუალო ბიზნესის განვითარებით დაინტერესებული პირებისთვის შეხვედრა გაიმართა.

შეხვედრას სრულიად საქართველოს კათალიკოს-პატრიარქი უძღვებოდა. პატრიარქმა უცხოეთში სხვადასხვა დროს ვიზიტებისას ნანახი საწარმოების შესახებ ისაუბრა, რომელთა მფლობელებმაც ბიზნესის განვითარება მცირე თანხებით დაიწყეს. კერძოდ, ეს იყო რძის, მეფრინველეობის და სხვა სასოფლო-სამეურნეო პროდუქტების მწარმოებელი საწარმოები. უწმინდესმა მაგალითების მოყვანის შემდეგ აღნიშნა, რომ მსგავსი საწარმოების გაკეთება საქართველოშიც შეიძლება და სიღარიბესა და უმუშევრობას არ შეურიგდნენ.
დახურვა

http://www.palitratv.ge/akhali-ambebi/sazo...ilia-meore.html

[A.V.M]

სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე სასჯელაღსრულების ქალთა №5 დაწესებულებას ესტუმრა.

სასჯელაღსრულებისა და პრობაციის სამინისტროს ინფორმაციით, შეხვედრა უწმინდესის ინიციატივითა და სასჯელაღსრულების დეპარტამენტის ორგანიზებით შედგა.

ღონისძიებას სასჯელაღსრულებისა და პრობაციის მინისტრის მოადგილეები გიგა გიორგაძე და არჩილ თალაკვაძე, დეპარტამენტის თავმჯდომარე დიმიტრი დარბაისელი, დეპარტამენტისა და დაწესებულების ადმინისტრაციის ხელმძღვანელი პირები ესწრებოდნენ.
ილია მეორემ მსჯავრდებული ქალების მიერ შექმნილი ნივთები დაათვალიერა და მსჯავრდებულები დალოცა.

კათალიკოს-პატრიარქმა პატიმრებს მიმართა და აღნიშნა, რომ მათთვის ილოცებს. ილია მეორემ სასჯელაღსრულების N5 დაწესებულების ბინადრებს თავისი სურვილიც გაანდო - უწმინდესმა სთხოვა საქართველოს პრეზიდენტს,

სასჯელაღსრულებისა და პრობაციის მინისტრსა და პარლამენტს, ძალა არ დაიშურონ იმისათვის, რომ ციხეში არც ერთი ქალი არ იყოს.

სტუმრის პატივსაცემად მსჯავდებულებმა პოეზიის საღამო გამართეს, სადაც ერთ-ერთი მსჯავრდებული ქალბატონის ლექსები -"გისოსებს მიღმა დაწერილი სტროფები" წაიკითხეს.

პოეზიის საღამოს დასრულების შემდეგ სიონის საკათედრო ტაძრის მგალობელთა გუნდმა მსჯავრდებული ქალბატოებისთვის რამდენიმე სიმღერა და საგალობელი შეასრულა.

ღონისძიების დასასრულს პატრიარქმა მსჯავრდებულებს საჩუქრები გადასცა.


წყარო/Source: http://www.ambebi.ge/sazogadoeba/95696-pat...l#ixzz2ruesFRI1