მზე ღვთისმეტყველებაში, "მზეო სიმართლისაო" პარამეტრები

[marine]

"წმ. ბარსანაბოსი ამბობს: "თუ გსურს შენი სულის სახლის აშენება, მანამდე მოამზადე მასალა და ყველაფერი, რაც საჭიროა, რათა მშენებელს მხოლოდ მოსვლა და აგებაღა დარჩეს. მასალა კი აი, რა არის: მტკიცე რწმენა კედლების ასაშენებლად, ხის ფანჯრები იმისათვის, რომ სიმართლის მზის - ქრისტეს ნათელი შემოუშვას და არ გააჩეროს სახლში შენი მტრის, ეშმაკის არავითარი სიბნელე. "მზემან დღისა შენ არა შეგწუას, არცა მთოვარემან ღამე" (ფსალმ. 120,6)".

[marine]

"23. გაფითრდება მთვარე და შერცხვება მზე -

იგულისხმება მთვარისა და მზის დაბნელება. მთვარე დაბნელებისას იღებს წითელ ფერს ("გაფითრდება"), მზე კი საერთოდ არ გამოჩნება (ის მიეფარება, თითქოს შერცხვება). თუმცა ესაია [წინასწარმეტყველი] გულისხმობს უფრო მეტს, ვიდრე ეს ჩვეულებრივი ასტრონომიული მოვლენებია.

მზეს და მთვარეს, რომლებსაც ძველ დროში თაყვანს მიაგებდნენ, როგორც ღვთაებებს, შერცხვებათ და ისინი ადგილს დაუთმობენ ჭეშმარიტ ღმერთსა და სამყაროს გამგებელს".

[marine]

"მზე ჩაწურული იყო"

[marine]

"როგორც წყნარ და სუფთა წყალში მზე უკეთ ჩანს, ვიდრე ამღვრეულსა და მღელვარეში, ასევე მარადიული და სულიერი მზე - ღმერთი უფრო უკეთ შეიცნობა სიმშვიდესა და სიწყნარეში - რწმენისა და გონების თვალით, ვიდრე შფოთსა და ადამიანთა ხმაურში".

[marine]

"მზის წელიწადი მოიცავს 365 დღე-ღამეს, 5 სთ. 48 წთ. და 46 წმ., ვარსკვლავური წელი კი - 365 დღე-ღამეს, 6 სთ. 9 წთ. 10 წმ."

[marine]

"როგორც ამომავალი მზე აღვიძებს, ანათებს და აცოცხლებს ქმნილებებს, ისე მზე ნათლისა - ქრისტე - ლოცვის საშუალებით ადამიანის გონებასა და გულში ამობრწყინდება, აღვიძებს მას ნათელი და დაუღამებელი დღის (უფლის) საქმეთა საკეთებლად".

/იოსებ ისიხასტი (იოსებ მღვიმელი)/

[marine]

"დიდი ქარიშხლის შემდეგ ცა უფრო იწმინდება, მზე უფრო მკაფიოდ ანათებს"

[marine]

"რაც მზეა გრძნობისმიერი არსებებისთვის, იგივეა ღმერთი - გონებისმიერთათვის. პირველი ხილულ სამყაროს განანათლებს, მეორე - უხილავ სამყაროს. სხეულებრივ ხედვას მზე ნათლისმჭვრეტელად აქცევს, ღმერთი კი თავის მსგავსებად შექმნის გონიერ ბუნებებს"

/დეკ. დავითი (ხაჭაპურიძე)/

[marine]

"ღრუბლებს მიღმა მზე იმალება...
ღრუბლები დროებითია, მზე მარადიული!.."

/მამა პეტრე კვარაცხელია/

[marine]

"ქართულ საეკლესიო საგალობლებში ქრისტეს ხშირად მზეს უწოდებენ, წმინდანებს კი - ამ მზის სხივებს. ყოველი მათგანის ცხოვრება ხომ ეშმაკზე გამარჯვებაა. ასე რომ, ყველაფერი ბნელი ჩვენში უნდა წავშალოთ ღვთაებრივი ნათლის ძალით".

/დეკ. დავითი (ხაჭაპურიძე)/

[marine]

"მოღვაწე მამები გვასწავლიან, ისევე, როგორც მზის ამოსვლისას გარეული ცხოველები კლდეების ნაპრალებსა და ხვრელებში იმალებიან, ჩვენს გულებში მზესავით მადლის გაბრწყინებისას დემონები გარბიან და იმალებიან"

/არქიმანდრიტი იეროთეოსი (ვლახოსი)/

[marine]

"- და ვითარცა იყო ჟამი მეექუსე, ბნელი იყო ყოველსა ქუეყანას ვიდრე მეცხრე ჟამადმდე.

მიტროპოლიტი ზოსიმე (შიოშვილი):

"მზემ, დაინახა რა ქვეყნიერების შემოქმედი ასეთი დამდაბლებული, დიდი წუხილითა და შიშით, თითქოს დაიფარა სახე, რათა არ ეცქირა უსაზღვრო ადამიანური უსამართლობისათვის; იგი დაიბურა მსგავსად იმისა, როგორც ბრწყინვალე ქერუბიმებს არ შეუძლიათ შეხედონ ღვთის უსაზღვრო და უკიდეგანო დიდებულებას, ამიტომ ფრთებით იფარავენ თავს".

[marine]

"გონებით იმასაც კი ვერ ჩავწვდებით, მზე როგორ გაჩნდა, და როცა ღმერთს ვთხოვთ, გვითხრას, როგორ შექმნა მზე, სულში ნათლად გაისმის პასუხი: "თავი დაიმდაბლე და არა მარტო მზეს, მის შემოქმედსაც შეიცნობ". ხოლო როცა სული შეიცნობს უფალს, სიხარულისგან ავიწყდება მზეც და ყოველი ქმნილიც, და დაუტევებს ამა სოფლის ცოდნისთვის ზრუნვას"

/ღირსი სილუანე ათონელი/

[marine]

"შენ თუ მზე გათბობს ახლა და მზის სხივებს უმზერ ღიმილიანი სახით, ესეც დააფასე, რადგან ზუსტად ამ დროს, ვიღაცის გული მზის ქვეშ სიცივისგან იყინება."

[marine]

"მზიანი დღეების გათენებას გისურვებთ!.."

/მამა პეტრე კვარაცხელია/

[marine]

" - და დაბნელდა მზე, და განაპო კრეტსაბმელი ტაძრისაი მის შორის.

მთავარეპისკოპოსი ამბერკი (ტაუშევი):
"წმინდა ლუკა დასძენს, რომ "მზე დაბნელდა". ეს არ შეიძლება ყოვილიყო ჩვეულებრივი მზის დაბნელება, რადგან ებრაელთა პასექის დღეს, ნისანის მე-14 დღეს ყოველთვის სავსე მთვარეა და მზის დაბნელება ხდება მხოლოდ ახალ მთვარობისას და არა სავსემთვარობას. ეს იყო სასწაულებრივი ნიშანი, რომელიც მოწმობდა გასაოცარი და საგანგებო მოვლენის - ღვთის საყვარელი ძის სიკვდილის შესახებ. მზის ამ უჩვეულო დაბნელების შესახებ, რომლის დროსაც ვარსკვლავებიც კი მოჩანდნენ, ამოწმებს რომაელი ასტრონომი ფლეგონტი. ბერძენი ისტორიკოსი ფალუსიც ამოწმებს მზის ამ არაჩვეულებრივ დაბნელების შესახებ. მას ახსენებს წმინდა დიონისე არეოპაგელი აპოლოფანესადმი მიწერილ თავის წერილში, რომელიც მაშინ ჯერ კიდევ წარმართი იყო. მაგრამ აღსანიშნავია, როგორ უსვამენ ხაზს წმინდა იოანე ოქროპირი და ნეტარი თეოფილაქტე, რომ ეს წყვდიადი "იყო მთელ ქვეყანაზე" და არა მხოლოდ მის რომელიმე ნაწილში, როგორც ეს ხდება მზის ჩვეულებრივი დაბნელებისას".

[marine]

"როგორც მზე ათბობს მთელ დედამიწას, ისე ათბობს სულს სული წმიდის მადლი, რათა უყვარდეს უფალი; მაშინ ენატრება სულს უფალი და ცრემლით დაეძებს მას"

/ღირსი სილუანე ათონელი/

[marine]

"მთიდან ამოგორებულ მზეზე აბრჭყვიალებული ნამი"

"ხის ტოტებში გაბლანდულ მზის სხივებს ვუყურებ"

/თეონა დოლენჯაშვილი/

[marine]

"ჩიპური სკანდალის შემდეგ მილიარდერი ბილ გეითსი გლობალური დათბობის წინააღმდეგ ბრძოლის ახალი პროექტის ფარგლებში გადავიდა მზის "დაბლოკვისკენ". მეცნიერებს ორმხრივი დამოკიდებულება აქვთ იდეასთან დაკავშირებით. ზოგი განგაშის ზარებს რეკავს, მათი აზრით, გეითსის ექსპერიმენტმა შეიძლება გამოუსწორებელი შედეგები გამოიწვიოს.

კვლევის ავტორებს მიაჩნიათ, რომ ამრეკლი ნაწილაკების ჰაერში გაფრქვევა ხელს შეუწყობს დედამიწაზე სითბური ხარისხის შემცირებას.

საერთაშორისო სამეცნიერო საზოგადოების წარმომადგენლები გამოხატავენ შეშფოთებას გეითსის ახალი პროექტის შესახებ, ზოგიერთმა განგაშიც კი ატეხა და თქვა, რომ მზის "დაბლოკვა" არ შეიძლება, წერს გაზეთი. მეცნიერები აფრთხილებენ, რომ მილიარდერის ექსპერიმენტმა შეიძლება გამოიწვიოს დედამიწაზე მზის ზემოქმედების შეუქცევადი ცვლილებები".

[marine]

"ისევე, როგორც მზე ამოდის, მაგრამ არა ღამურებისა და სხვა ცხოველებისათვის, რომელნიც საკვებისათვის ღამით ნადირობენ, ასევე თუმცაღა ნათელი თავისი ბუნებით ბრწყინვალეა და სხივოსანი, ყველას როდი შეუძლია მის ბრწყინვალებას ეზიაროს. მსგავსად ამისა, "ყოველი, რომელი ბოროტსა იქმს, სძულს მას ნათელი და არა მოვალს ნათელსა, რაითა არა ემხილნენ საქმენი მისნი".