სახიერება (სიკეთე) პარამეტრები

[marine]

"როდესაც კეთილ საქმეს აკეთებს ადამიანი, უფალი მას სიხარულს მიანიჭებს"

/ციცინო სუქნიძე, ბიოლოგიის დოქტორი, ნეირო-ფიზიოლოგი/

[marine]

"[უფალო] მხოლოდ ძლიერს ძალუძს სიკეთის ქმნა; მხოლოდ იგი, ვინც შენი ღვთაებრივი წყაროდან დაიურწყებს და შენს პურს იხმევს, აღივსება სიკეთის ძალით"

/წმ. ნიკოლოზ სერბი/

[marine]

"შეუძლებელია თუ არა აღასრულოს სიკეთე მან, ვინც არ არსებობს? შეხედე, რამდენი სიკეთე მოუტანა ადამიანთა მოდგმას სასუფეველმა: რამდენი კეთილი საქმის სულისჩამდგმელია იგი; რამდენი მწუხარება აქცია სიკეთედ; რამდენი ცრემლი ამოაშრო; რამდენ სულში გააღვიძა ღვთაებრივი წყურვილი!

შეუძლია თუ არა სიკეთე აკეთოს მან, ვინც არ არსებობს?"

/წმ. ნიკოლოზ სერბი/

[marine]

"ნუ ჩაიწერ შენს კეთილ საქმეებს: თუ ჩაიწერ, ჩანაწერი სწრაფად წაშალე; თუ დაივიწყებ, ისინი მარადიულობაში ჩაიწერება; ნუ ჩაიწერ მეზობლის ცოდვებს: თუ ჩაიწერ, ნახევარი მათგან შენ დაგაწვება. დაივიწყე ისინი და უფალი დაიიწყებს შენს შეცოდებებს"

/წმ. ნიკოლოზ სერბი/

[marine]

"თუ ბუკსა და ნაღარას დაჰკარი შენი კეთილი საქმეების გამოსავლენად, მაშინ პატივმოყვარეობას პირფერობასაც დაუმატებ და სხვის თვალში კეთილად წარმოჩენილი საქმე შენთვისაც აშკარა ბოროტებად გადაიქცევა. ამიტომაც გაფრთხილდით! გიჯობთ მადლი ისე აღასრულოთ, რომ მაშინვე დაივიწყოთ ამის შესახებ და შეუდგეთ სხვა კეთილი საქმის აღსრულებას. აი, მაშინ კი უფალი, რომელიც დაფარულსაც ხედავს, მოგაგებს ხილულად"

[marine]

"ვინც საკუთარი თავის მიმართ შემწყნარებელი არ არის, ის ყოველთვის მტკიცეა სიკეთის ქმნაში"

/წმ. თეოფანე დაყუდებული/

[marine]

"ღვთის ძეობა ანუ სიკეთე, ჩვენივე ბუნებიდან გამომდინარე უნდა ავირჩიოთ, რადგან ღვთის ხატად ვართ შექმნილნი, სიკეთე კი უფლის თვისებაა"

[marine]

"როცა სიკეთეს გავაკეთებთ, ყველაზე საუკეთესო იქნება, თუ ჩვენს ქველ საქმეს მაშინვე დავივიწყებთ და სხვა ახალი, კეთილი საქმის აღსრულებას შევუდგებით და ასეთ შემთხვევაში კი უფალი, რომელიც დაფარულსაც ხედავს, რომლისთვისაც არაფერია დაფარული, მოგვაგებს ხილულად!"

/აკაკი მინდიაშვილი/

[marine]

"როცა სიკეთეს გავაკეთებთ, ყველაზე საუკეთესო იქნება, თუ ჩვენს ქველ საქმეს მაშინვე დავივიწყებთ და სხვა ახალი, კეთილი საქმის აღსრულებას შევუდგებით და ასეთ შემთხვევაში კი უფალი, რომელიც დაფარულსაც ხედავს, რომლისთვისაც არაფერია დაფარული, მოგვაგებს ხილულად!"

/აკაკი მინდიაშვილი/

[marine]

"სიკეთის კეთებას ნიჭი უნდა"

/კათოლიკოს-პატრიარქი ილია II/

[marine]

"რწმენასთან ერთად კეთილი საქმეებიც უნდა ვიქონიოთ, ვინაიდან მათ გარეშე სულიერ ცხოვრებაში წარმატების შენარჩუნება და, საერთოდ, სულიერ ცხოვრებაში წარმატება შეუძლებელია"

/მიტროპოლიტი შიო (მუჯირი)/

[marine]

"სიკეთის აღსრულებისას იფიქრე, რომ ღმერთს ბაძავ"

/წმ. გრიგოლ ღვთისმეტყველი/

[marine]

"გარდა ამისა, უფალშია მთელი სიკეთე, ამიტომაც თქვა ქრისტემ: "არავინ არს კეთილ გარდა უფლისა". მისი სიკეთე მოიცავს თავის თავში მოწყალებას, მოთმინებასა და ცოდვათა შენდობას. უფალმა თავისი სიკეთე გაუნაწილა თავის ყოველ ქმნილებას. ამიტომაც არის უფლის ნებისმიერ ქმნილებაში ღმრთაებრივი სიკეთე. ეშმაკსაც აქვს ღვთაებრივი სიკეთე, რის გამოც მას სურს თავისთვის სიკეთე და არა ბოროტება. მაგრამ უგუნურების გამო ფიქრობს, რომ ბოროტებით შეუძლია სიკეთის მიღწევა, ანუ ჰგონია, რომ უფლის ყველა ქმნილებისადმი ბოროტების მიყენებით თავისთვის აკეთებს სიკეთეს.

ჰოი, რამდენი ღმრთაებრივი სიკეთეა უფლის ყოველ ქმნილებაში: ქვაში, მცენარეში, ცხოველში, ცეცხლში, წყალში, ჰაერში! ყოველი ეს სიკეთე მიღებულია უფლისაგან - ყოველი სიკეთის დაულეველი, უძირო და უდიდესი წყაროსგან. ამიტომ, როდესაც გსურს - გახდე უფრო კეთილი, არ ეძებო სიკეთე არსად გარდა უფლისა. მხოლოდ მას აქვს სიკეთე მოჭარბებულად, ილოცე ასე:

"ყოვლად კეთილო, ყოვლადმოწყალეო და მრავლის დამთმენო უფალო, მომმადლე მე ცოდვილს შენი სიკეთე, რათა შენი სიკეთისგან გავიხარო და გავნათლდე და შევძლო უკეთესად გემსახურო. მატარე მე და თანადგომა გამიწიე უფალო, რომ შენი სიკეთე არ მივმართო ბოროტებისათვის, როგორც სატანამ, არამედ მხოლოდ სიხარულისთვის და ბედნიერებისთვის, რომ შევძლო ვიამაყო სიკეთით და გავანათლო ჩემი თავი და ყოველი შენი ქნილება ჩემ გარშემო მყოფი".

/წმ. ნიკოლოზ სერბი/