განკითხვა, რა არის განკითხვა?! პარამეტრები

[marine]

"იყავი ბრძენი და მათი ბაგეები, ვინც შენზე ცუდს ამბობს, მდუმარებით დააცხრე და არა მრისხანებითა და ლანძღვით"

[marine]

"ბოროტი უამრავი ხერხით ცდილობს ადამიანის დაღუპვას. ერთ-ერთი ხერხი ადამიანის ცოდვისკენ მიდრეკა და ცოდვაში ჩაგდებაა. თუ ადამიანი თავს დააღწევს ცდუნებას, ეშმაკი მას განკითხვის ცოდვისკენ უბიძგებს და ხშირად იმორჩილებს კიდეც. ხილულ ცოდვებს დაამარცხებს? - ეშმაკი მეორე, სხვა ადამიანის განკითხვის საცდურით უტევს"

[marine]

"მამა პიმენს ჰკითხა ძმამ: "მამაო, თუ ჩემი სულიერი ძმის ცოდვით დაცემას დავინახავს, კარგი იქნება, თუ მას დავფარავ?" ბერმა უთხრა: "როცა ძმის შეცოდებებს დავფარავთ, ღმერთიც დაფარავს ჩვენს ცოდვებს, ხოლო როცა ძმის ცოდვებს გავამხელთ, ღმერთიც გამოაცხადებს ჩვენსას".

[marine]

"თუ მართლა შეგვტკივა გული მოყვასზე, კი არ უნდა განვიკითხოთ, ვილოცოთ მათთვის და ლოცვით შევეწიოთ. განკითხვას არავითარი საერთო არა აქვს მოყვასის სიყვარულთან"

[marine]

"ჭეშმარიტი გლოვის ნიშანი სწორედ ეს არის, როდესაც ადამიანი არავის განიკითხავს, არავის აძაგებს და გულში არავის მიმართ წყენას არ ინახავს"

[marine]

"არ არის იმდენად მძიმე სხვისი განკითხვა, როგორიც მოძღვრის განკითხვაა! ვაი არს შენდა, რადგან თვით ღმერთს განიკითხავ!"

/ღირსი ეფრემ კატუნაკელი/

[marine]

"გმობის აზრებისგან თავის დაღწევა ყველაზე მეტად მოყვასის განკითხვისგან თავის არიდებით არის შესაძლებელი. მოყვასის განკითხვას წარმოშობს ამპარტავნება: ვინც განკითხვის აზრებს შეებრძოლება, იგი ამპარტავნებას ებრძვის და ცოტათი მაინც ამარცხებს მას. თუ ამპარტავნების წინააღმდეგ ფიცხელ ბრძოლას იწყებს ადამიანი, ამ ცოდვას ძალაუფლებას ართმევს და თავისთავად გმობის აზრები სცილდება"

[marine]

"მეგობრებსა და მტრებს ნუ განიკითხავ, მონანიება საკუთარი ცოდვებით დაიწყე!"

[marine]

"ჯერ საკუთარი თავი მოთოკე და სხვებს შემდეგ მიხედე"

[marine]

"საკუთარ შეცდომებს მიხედე და სხვისკენ ნუ გაგირბის თვალი"

[marine]

"უნდა ვეცადოთ, არავინ განვიკითხოთ, განსაკუთრებით ისინი, ვისაც იგივე ვნებები სტანჯავს. როდესაც სხვებს ვკიცხავთ, ვგულისხმობთ, რომ მათ ადგილზე იმავეს არ ჩავიდენდით, და შინაგანად საკუთარ თავს დემონის მძლეველად წარმოვიდგენთ, ამიტომ სხვათა განკითხვის გამო უფალი ზოგჯერ დაუშვებს ჩვენზე ისეთსავე ბრძოლას, რასაც ხშირად ვერ ვუძლებთ და ვეცემით. სულიერი ცხოვრების ერთ-ერთი უმნიშვნელოვანესი წესი - არ განიკითხო სხვა. ეს ნიშნავს, არ გაამართლო მისი ცოდვა, მაგრამ თანაუგრძნო, როგორც სნეულს"

/დეკ. ზურაბ მჭედლიშვილი/

[marine]

"ყველაზე უსაფრთხო გზა განკითხვისაგან გასაქცევად - საკუთარი ნაკლის გამოსწორებაა"

/მონაზონი ვერონიკა/

[marine]

"ჩვენ უნდა განვასხვავოთ ერთმანეთისგან განსჯა. ცოდვა იწყება მაშინ, როცა გულში იბადება ვინმეს მიმართ ზიზღი რამე სიავის გამო. შესაძლებელია, უბრალოდ განსაჯო ყოველგვარი მსჯავრის გამოტანის გარეშე, მაგრამ თუ ამავდროულად შემცოდეს მიმართ გულში სიბრალული, მისი გამოსწორების სურვილი და ლოცვა გაჩნდება, მაშინ ეს არ იქნება განკითხვის ცოდვა, არამედ სიყვარულის საქმე აღსრულდება, რაც შესაძლებელია ასეთი შეხვედრის დროს. განკითხვის ცოდვა გულში უფრო დიდია, ვიდრე ენაზე (ან ენით). ერთსა და იმავე საკითხზე საუბარი, ერთი მხრივ, შეიძლება არ იყოს ცოდვა და, მეორე მხრივ, იყოს, თუ ვიმსჯელებთ იმ გრძნობის მიხედვით, რომლითაც იგი წარმოითქმის. გრძნობა განაპირობებს მეტყველების ტონსაც. მაგრამ ჯობია, ყოველმხრივ თავი შეიკავოთ დასკვნებისაგან, რათა არ ჩაცვივდეთ განკითხვაში, ანუ არ გავიაროთ ცეცხლსა და ჭვარტლს შორის, რათა არ დავიწვათ და არ გავშავდეთ. პირიქით, უნდა გადავიდეთ საკუთარი თავის განსჯასა და განკითხვაზე"

/სქემიღუმენი ხარიტონი (დუნაევი)/

[marine]

"რატომ განვსჯით სხვებს? იმიტომ, რომ ჩვენ არ ვცდილობთ საკუთარი თავის შეცნობას. ვინც საკუთარი თავის შეცნობით არის დაკავებული, არა აქვს დრო, რომ შეამჩნიოს სხვვბში რამე. განსაჯე საკუთარი თავი და შეწყვეტ სხვების განსჯას... ჩათვალე თითოეული ადამიანი შენს თავზე უკეთესად. ამ აზრის გარეშე, ვინმემ სასწაულიც რომ მოახდინოს, ღმერთისგან შორს არის"

/სქემიღუმენი ხარიტონი (დუნაევი)/

[marine]

"იმისათვის, რომ არ განიკითხოს სხვები, ადამიანმა ღრმად უნდა შეიგრძნოს საკუთარი ცოდვა და იგლოვოს მასზე, სული მკვდარივით გამოიგლოვოს. ვიღაცამ თქვა: როდესაც სახლში მიცვალებული გყავს, შენს სამეზობლოში მყოფ მიცვალებულზე არ იდარდებ"

/სქემიღუმენი ხარიტონი (დუნაევი)/

[marine]

"სინანულის კარი ყველასთვის ღიაა და არავინ იცის, ვინ შევა მასში პირველი - შენ, ვინც განიკითხავ, თუ ის, ვისაც შენ განიკითხავ"

/ღირსი სერაფიმ საროველი/

[marine]

"არსებობენ ადამიანები, რომლებიც საყოველთაო სიკეთით კი არა, არამედ - ერთმანეთის კრიტიკით არიან დაკავებულნი. ადამიანი ვიღაც სხვას მეტად აკვირდება, ვიდრე - საკუთარ თავს. ის ელოდება, რას იტყვის და დაწერს მისი ოპონენტი, რომ ამის შემდეგ უმოწყალო დარტყმა მიაყენოს მას. მაშინ როცა, თვითონ რომ გამოეთქვა იგივე აზრი, მაშინ იგი თავის მსჯელობას წმ. წერილიდან და წმ. მამათა ნაშრომებიდან არაერთი დამოწმებით განამტკიცებდა. ასეთი ადამიანის მიერ აღსრულებული ბოროტება დიდია იმიტომ, რომ, ერთის მხრივ, იგი უსამართლოდ ექცევა მოყვასს, მეორეს მხრივ კი, ამცირებს მორწმუნეთა თვალში. უფრო მეტიც: ასეთი ადამიანი ხშირად აცდუნებს სუსტი ადამიანების სულებს და მათში ურწმუნოებას თესავს. ზოგიერთი, იმისათვის, რომ თავისი ბოროტება გაამართლოს, სხვებს ამხელს და არა - საკუთარ თავს, სპეკულანტობს სახარების სიტყვებით - "უთხარ კრებულსა" და შიდა საეკლესიო პრობლემებს მთელი ქვეყნის განსახილველად სამარცხვინოდ გამოფენს. ყველა კუთხეში გაჰყვირის იმას, რაზედაც ლაპარაკი არ შეიძლება. დაე, ამ ადამიანებმა საკუთარი მცირე ეკლესიიდან - ოჯახიდან ან მონაზვნური საძმოდან დაიწყონ და თუ კიდევ მოესურვებათ ეს - უკვე შემდეგ განაქიქონ დედა ეკლესია. მე მგონია, რომ კეთილი შვილები არასოდეს არ დაუწყებენ დედას რაიმეში დადანაშაულებას"

/ღირსი პაისი ათონელი/

[marine]

"ის, ვინც განუსჯელად ამხელს სხვებს, სულიერად დაბნელებულია და ადამიანები ჩირადაც არ უღირს"

/ღირსი პაისი ათონელი/

[marine]

"როგორი მოწყალეა უფალი, რამდენ რამეს გვპატიობს მთელი ცხოვრების მანძილზე, მუდმივად გვიტევებს ცოდვებს, ხშირად ერთი და იმავეს, სულგრძელად ითმენს მრავალი ჩვენი ნაკლის გამოვლინებას, მონანიების შემთხვევაში ისევ და ისევ წყალობით გვავსებს. ასე გრძელდება ადამიანის მთელი მიწიერი ცხოვრების მანძილზე. ჩვენ კი როგორ მეწვრილმანე, შეზღუდულ ბუნებას ვამჟღავნებთ, ერთი შეცდომისთვის ხშირად, ნაკლისთვის მზად ვართ ხაზი გადავუსვათ კაცს, არაფრად ჩავთვალოთ, დავცინოთ სასტიკად"

/დეკ. დავით ციცქიშვილი/

[marine]

"ერთი სასულიერო პირი განიკითხეს მისი ქადაგების მოსმენისას, რას ამბობს, ასე როგორ შეიძლება, თუ არ ეხერხება, რატომ გამოდის და ლაპარაკობსო. ცოტა ხანში თავად მიეცათ ხალხის წინ გამოსვლის საშუალება, ისე აბლუკუნდნენ, გაუჭირდათ სიტყვის სიტყვაზე მიბმა, გაუკვირდათ, ეს რა გვემართებაო"

/დეკ. დავით ციცქიშვილი/