განსაცდელი, ვისაუბროთ პარამეტრები

[marine]

"როდესაც ადამიანი პოულობს თავის თავში ძალას, მიიღოს ღვთის მიერ მოვლენილი გამოცდა, უზარმაზარ ნაბიჯს დგამს წინ, სულიერ ცხოვრებაში".

/მღვდელი ალექსანდრე ელჩანინოვი/

[marine]

„ამსოფლიური მწუხარება სამზადისია. იგი ათვინიერებს ადამიანს, განარიდებს მას წუთისოფელს, განუმტკიცებს ხასიათს, ასუფთავებს და ამაღლებს".

/ბერი იოილი/

[marine]

„კაცი მარმარილოს უფორმო ნატეხს ჰგავს, რომელსაც მოქანდაკის საჭრეთელი სჭირდება. ასევე სჭირდება ადამიანს მწუხარების საღვთო საჭრეთელი“.

/ბერი იოილი/

[marine]

„მოაცილე ქვეყანას განსაცდელები და აღარავინ იქნება წმინდა, რამეთუ ვინც გაურბის განსაცდელს, სულთა მარგებელს, საუკუნო ცხოვრებას გაურბის“.

/წმ. ზოსიმე პალესტინელი/

[marine]

"განსაცდელი უფლის გამოწვდილი ხელია, მას ნდობით უნდა მივეახლოთ, სიბრძნე გამოვიჩინოთ და სარგებელი ვპოვოთ.
ვინც ღვთისგან დაშვებული განსაცდელების გარეშე ცხოვრებას ეძებს, ის სულიერად ვერ გაიზრდება"

/იღუმენი დიონისე (გვიმრაძე)/

[marine]

“ვევედროთ ღმერთს, რომ დაგვიფაროს ისეთი განსაცდელისგან, რომელიც ბოროტებასთან მიგვიყვანს. მაგრამ ნუ მოვითხოვთ კომფორტულ და უეკლო ცხოვრებას. ვინც ღვთისგან დაშვებული განსაცდელების გარეშე ცხოვრებას ეძებს, ის სულიერად ვერ გაიზრდება. ჩვენ გვჭირდება ღვთაებრივი ხელით მოვლენილი განმწმენდელი ცეცხლი, ანუ განსაცდელი“.

/იღუმენი დიონისე (გვიმრაძე)/

[marine]

„დარდი აიძულებს ადამიანს, ჩაუღრმავდეს საკუთარ თავს და გაიგოს საკუთარი თავი. ის აშოშმინებს ამპარტავნებასა და პატივმოყვარეობას, ადამიანს სხვების მიმართ უფრო შემწყნარებელს ხდის. ვისაც ბევრი უბედურება განუცდია, ის უკეთესად თანაუგრძნობს მოყვასის ტანჯვას, მაგრამ ყველაფერი ეს ხდება გარკვეული ხარისხით და გარკვეულ ვითარებაში“.

/წმ. გაბრიელ ეპისკოპოსი/

[marine]

„ინტელექტის საქმეა, როგორ შეძლებს პიროვნება, აღზარდოს თავისი ნებისყოფა, გადალახოს სისუსტეები და დაეუფლოს განსაცდლებთან გამკლავების ხელოვნებას“

/ფსიქოლოგი მაია გედევანიშვილი/

[marine]

„ანდაზა - „ზოგი (ზოგჯერ) ჭირი მარგებელიაო“ ქრისტიანული თვალთახედვით, სახეს იცვლის: „ყველა ჭირი მარგებელიაო!“ („ჭირი“ ძველ ქართულში განსაცდელსაც ნიშნავდა)“.

/დოდო (მარიამ) ღლონტი/

[marine]

"როცა ერთი კარგი იხურება, მეორეს გიხსნის უფალი"

/პოეტი მაყვალა დავლაძე/

[marine]

"ადამიანი იმით ფასდება, თუ რამდენად ღირსეულად გადაიტანს განსაცდელს, ამ მცირე დროში კი შეეცადე სულით არ დაეცე, სანამ ისევ არ შემოვა ფანჯრიდან იმედის სხივი - უფლის სინათლე!.."

[marine]

"კაცი, რომელიც განსაცდელით გამოცდილი არ არის, გამოუცდელია"

[marine]

"ერთი ძმა ტირილით ამბობდა, როცა ღმერთმა განსაცდელი მოაშორა: "უფალო, ნუთუ ღირსი არ ვარ, ცატათი მაინც შევწუხდე შენთვის?!"

[marine]

„რადგან გასაჭირს ისევე მოაქვს ჩვენთვის ღვთის წყალობა, როგორც ქარს - წვიმა. ისევე, როგორც მეტისმეტი წვიმა ალპობს ჯერ კიდევ უსუსურ ნაყოფს, ხოლო ქარი აშრობს და განამტკიცებს მას, სულსაც ასუსტებს და ანგრევს დასვენება, უზრუნველობა და შვება, ხოლო ჭირი და განსაცდელი - აძლიერებს და ღმერთთან შეაერთებს, როგორც დაწერილია: უფალო, ჭირსა მოგიხსენოთ შენ“

/წმ. აბბა დოროთე/

[marine]

"განსაცდელები აუცილებელია, რათა ბრძოლის უნარი არ დაკარგო. იმას კი ნუ ევედრები ღმერთს, მოგაკლოს განსაცდელი, ევედრე, მისი დათმენის უნარი მოგანიჭოს".

[marine]

"უფალი ზრუნავს თითოეულ ჩვენგანზე, ყოველ წუთს უწვდის ხელს, იცავს ხილული და უხილავი მტრისაგან, ასწავლის ადამიანების, წიგნებისა და ცხოვრებისეული გარემოებების საშუალებით".

[marine]

"მამა იოსები ასწავლიდა: "მადლმოსილი მდგომარეობა მოგეცა? მალე მოელოდე განსაცდელს. განსაცდელი და მწუხარება შეგემთხვა? ახლოა ღვთისგან ნუგეშისცემა".

[marine]

"ამის თქმა იყო და იგრძნო, რომ ღმერთმა დატოვა"

[marine]

"ყოველგვარი განსაცდელის მიზეზი სხვა ადამიანებში კი არა, საკუთარ თავში იძიე და თქვი: ეს ჩემი ცოდვების გამო დამემართა".

/აბბა დოროთე/

[esre ars cheshmariteba]

ქრისტიანის ცხოვრებაში განსაცდელი მუდმივი თანმდევია . თუ შენ ქრისტიანობას ირჩევ, შენ ირჩევ ტანჯვას და ეკლიან გზას!

პავლე მოციქული ბრძანებს _ყოველი ვისაც ქრისტე იესუში ცხოვრება სურს ღვთისმოსაობით დევნილ იყოს იგი!“

ჩვენი მაგალითი არის მაცხოვარი იესო ქრისტე რომელმაც უდიდესი ტანჯვანი გადაიტანა და მანვე გაგვამხნევა ___ წუთისოფელში გასაჭირი გექნებათ, მაგრამ გამხნევდით , რამეთუ მე დავზლიე წუთისოფელი !! თუ ჩვენ მცირედით ჩავუკვირდებით ამ სიტყვებს , დავასკვნით რომ ჩვენი შემწე არის უფალი იესო ქრისტე და მისი გამარჯვება უკვე ჩვენი გამარჯვებაა!

ჩვენი მთავარი საზრუნავი უნდა იყოს მცდელობა რომ დავიცვათ მცნებები და სიხარულით შევხვდეთ ყველა განსაცდელს! ხომ გახსოვთ_ მრავალი სიავე ხვდება მართალს , მაგრამ ყველაფრისგან იხსნის უფალიო , ხოდა მზად იყავი ყოველთვის რომ მტკიცედ იდგე .