თემის საბეჭდი ვერსია

პოსტის ავტორი: გლახა თარიღი: Jan 30 2007, 05:07 PM

------------

პოსტის ავტორი: კანუდოსელი თარიღი: Jan 30 2007, 05:17 PM

გლახაჯან, იქნებ დააკონკრეტო რას გულისხმობ, როდესაც ამბობ, რომ ისევ რჯულით ცხოვრობს ხალხიო

პოსტის ავტორი: გლახა თარიღი: Jan 30 2007, 05:20 PM

კანუდოსელ

http://church.ge/index.php?showtopic=111&st=80&#entry42528
აი ამ თემის გამო გადავწყვიტე რომ ეს ტემა გამეხსნა

პოსტის ავტორი: orthodox_82 თარიღი: Jan 30 2007, 05:40 PM

მე მივხვდი რასაც გულისხმობ, საინტერესო საკითხია. დღესდღეობით სჯულისკანონით ცხოვრება შეუძლებელია, სჯულის კანონით რომ "ცხოვრობენ ზოგიერთი მოძღვრები" ამიტომაცაა ჩვენთან ფანატიზმი ბევრი ბრკოლდება და ბევრი გაურბის სჯულის კანონით ცხოვრებას, ჩემი აზრით ადამიანს კანონების შესრულება კი არ უნდა უქადაგო, ღმერთის სიყვარულზე და მოწყალებაზე უნდა ესაუბრო, რომ შეიყვაროს ღმერთი და ეკლესია. დღეს ისევ პრობლემად რჩება ქალზე შარვლის ჩაცმა, ესეც კანონებიდან გამომდინარეობს, მაგრამ ამის აკრძალვამ ბევრი ქალი გააქცია ეკლესიიდან, დიდი სიფრთხილეა საჭირო "სჯულის კანონზე" როცა საუბრობენ...

პოსტის ავტორი: გლახა თარიღი: Jan 30 2007, 05:50 PM

orthodox_82
აი ეგ არის ზუსტად...
რჯულის მიხედვით ხომ დიდი ხანია ჩასაქოლი ვარ....
მაგრამ მადლობა ღმერთს, რომ შემოგვწირა თავისი ერთადერთი ძე და მისი სისხლი გვწმენდს ყოველგვარი ცოდვისაგან.... (თუმცა იმას არ ვამბობ რომ მივიდეთ ახლა და ვცოდოთ, უფალი მაინც გვაპატიებსო..)


აქაც ვახსენებ იმ საკითხს...
დედათა წესზე იყო ლაპარაკი თემაში "დიდი სჯულის კანონი" ....მაგრამ მგონი ამ თემაში შეიძლება მისი უკეთ განვრცობა....

როგორც ვთქვი ერთერთი ეკლესიის კარზე იყო მასეთი რამ დაწერილი: წყეული იყოს ვინც ამ ტაძარში დედათა წესით შემოვიდესო შემოვიდესო....
ხო და დარწმუნებული ვარ სხვა ტაძრებშიც იქნება ასეთი რამ, როცა თვით ეკლესიის მოძღვარს ვერ გაუგია, რომ რჯულის ხანაში აღარ ვცხოვრობთ...
საწყალი მრევლი ასეთი ტაძრისა....
ვუთანაგრძნობ მათ...

პოსტის ავტორი: კანონისტი თარიღი: Jan 30 2007, 05:58 PM

orthodox_82

სუფთა პროტესტანტული მიდგომაა, ბაპტისტურ-ევანგელისტური სულით

არ გეწყინოს!!

რას ჰქვია სიყვარულზე ესაუბრო მხოლოდ! უფლის სიყვარული იმით იწყება, რომ მისი რჯული უნდა შეასრულო. ოღონდ ახალი რჯული - ახალი აღთქმა და არა ძველი

ნებისმიერი პროტესტანტი მასე ამბობს! ზოგს მღვდელიც "ეზედმეტება", რა საჭიროა შუამდგომელი ადამიანსა და უფალს შორის, გეგონება ზეცას უერთდებიან თავისი ლოცვით

გლახა


რომელი რჯულის მიხედვით? ძველი აღთქმა ხომ არ გგონია შენ??

კანონიკურ ნორმებში (რაც ახალი აღთქმისაა) შენ თუ სადმე ჩაქოლვას ნახავ, მე ჩამქოლე

პოსტის ავტორი: კანუდოსელი თარიღი: Jan 30 2007, 06:10 PM

კანონისტ, დიდი სჯულის კანონი და ძველი აღთქმის კანონები სხვადასხვა რამეებია, მეორე აუცილებელი იყო უპირობოდ

ახალაღთქმაში რჯული აღარ არის, გაიხსენე იესოს სიტყვები რა რჯული მოგვცა

გლახავ:
შენ თუ გულისხმობ ლიტურგიას რჯულში და მის შესრულებას, მაშინ შენც გაგიყენებ კანონისტის გზას (კანონისტ არ გეწყინოს )

პოსტის ავტორი: მნათე თარიღი: Jan 30 2007, 06:14 PM

რჯული შეზღუდვა არ არის, კოლიდორია უფსკრულში

პოსტის ავტორი: გლახა თარიღი: Jan 30 2007, 06:18 PM

კანონისტი

რად უნდა მეწყინოს? ეგრე მიცნობ?


რაც გინდა დავარქვათ...ღვთის სიტყვა მასე ამბობს და შენ ვისი ნაშრომიც გინდა მოყვანე და დადე ბატონო




მე ეს არ მითქვია...

რახან შენ თქვი გეტყვი, რომ მხოლოდ იმაზე არ შეიძლება ისაუბრო 'რა არ შეიძლება'...
რჯული მხოლოდ ამაზე საუბრობს: არ შეიძლება! არ იგემო! არ გაეკარო!

კანუდოსელი
მე ძველი აღთქმის რჯულზე "ვღაღადებ"

პოსტის ავტორი: მნათე თარიღი: Jan 30 2007, 06:32 PM

იუდეველების ფორუმი მიგასწავლო?











































პ.ს რეზერვისთვის ვინმემ თუ იცით მომაწოდეთ, იუდეველთა ფორუმის მისამართი

პოსტის ავტორი: მხევალი ნინო თარიღი: Jan 30 2007, 06:51 PM

რამდენი პრობლემა ყოფილა რელიგიაში, ეს ყველაფერი მხოლოდ აქ შემოსვლის შემდეგ გავიგე.

პოსტის ავტორი: orthodox_82 თარიღი: Jan 30 2007, 11:53 PM

მე პროტესტანტი არ ვარ

და არც მწყენია

__________________________________________________

მე არ მითქვამს მხოლოდ უფლის სიყვარულზე უნდა ესაუბრო და სჯულზე არ უნდა ესაუბროთქო, უბრალოდ ვერ გამიგე, და ეხლა უფრო შევეცდები აგიხსნათ.
ზოგიერთ მორწმუნეს მხოლოდ სჯულის აღსრულება და კანონიკურობა ჰგონია მართლმადიდებლობა, და ამას აყენებს ღვთის და ადამიანს შორის სიყვარულზე მაღლა, მაგ: არაეკლესიური ქალი თუ შევიდა შარვლით ტაძარში ზოგიერთი კანონისტი და სჯულის კანონის აღმსრულებელი მღვდელი ან სტიქაროსანი ეგრევე მივარდება და დაუყვირებს გადი გარეთ! მე პირადად მინახავს მოძღვარს როგორ გაუგდია შარვლის გამო ქალი ტაძრიდან, და ამას მოყვება ის რომ ქალი გადის, და საერთოდ მიდის დარცხვენილი და გულგატეხილი და უკან აღარ იხედება, სამუდამოდ შორდება ეკლესიას. მე ვფიქრობ რომ ასეთ ადამიანს სიყვარულით უნდა ესაუბრო სჯულზე და კანონიკაზე რომ არ დააბრკოლო და დააშორო ღმერთს, ხშირად ხდება კანონისტი სტიქაროსნები როგორ "ქადაგებენ" და აბრკოლებენ ხალხს. კიდევ არის სხვა მსგავსი მომენტები, ზოგ ტაძარში მრევლი ასეთ წესს იცავს, ქალები მარცხნივ არიან კაცები მარჯვნივ, ეს კარგია რომ არის, მაგრამ თუ კაცი ქალების მხარეს გადავა რომელიმე ხატთან სანთლის დასანთებათ, ან უნდა რომელიმე ხატთან ილოცოს ქალების მხარეს, სჯულმცველი სტიქაროსანი მივა და ეტყვის-სჯულის კანონში ასე წერია რომ თქვენ უნდა იდგეთ კაცების მხარეს, და იმას არ ფიქრობს რომ მას უკეთესად ლოცვისთვის იქ ურჩევნია დგომა.

მიმიხვდი ამით რისი თქმაც მინდა?

___________________________________________________

პოსტის ავტორი: მნათე თარიღი: Jan 30 2007, 11:56 PM

იმე აჰა ჩახეთქეთ


მართლმადიდებლური სარწმუნოების თანახმად, რა არის ფანატიზმი?

- მართლმადიდებლობა ცოცხალ ღმერთთან კავშირის ერთადერთი საშუალებაა. ქრისტიანობა გვასწავლის, რომ ღმერთი სიყვარულია. ამიტომ მართლმადიდებელი ადამიანი, როგორც ღმერთთან დაკავშირებული, თავადაც სიყვარულის მატარებელი ხდება; ფანატიკოსი, ამის საპირისპიროდ, სიძულვილის მატარებელია. მართლმადიდებლობა სიცოცხლეა, ვითარცა სიცოცხლის წყაროსთან, ცოცხალ ღმერთთან დამაკავშირებელი; ფანატიზმი სიკვდილია (ეტიმოლოგიურადაც ამ მნიშვნელობისა). მართლმადიდებლობა სულის სიხარულია; ფანატიზმი მწუხარება. მართლმადიდებლობა სხვებში კეთილის დანახვის უნარია; ფანატიზმი სხვათა ცუდის მაძიებელია. მართლმადიდებელი საკუთარ ცოდვებს ხედავს; ფანატიკოსი სხვებისას. მართლმადიდებელი სხვათა სათნოებას ხედავს; ფანატიკოსი საკუთარი ნების მორჩილია; მართლმადიდებელი სარწმუნოებაში მის არსს ჭვრეტს; ფანატიკოსი ფორმის იქით ვერაფერს ხედავს. მართლმადიდებელი ყოველ ადამიანში ქრისტეს შვილს ხედავს; ფანატიკოსი თითქმის ყველაში ღვთის მოწინააღმდეგეს. მართლმადიდებლისათვის სჯული ადამიანისთვისაა; ფანატიკოსისთვის ადამიანია სჯულისათვის. ამიტომ მართლმადიდებელი, როგორც სჯულის შინაარსის გამგები, მოწაფეა ქრისტესი; ხოლო ფანატიკოსი, ვითარცა სჯულის კერპადმქცეველი, ქრისტეს ჯვარმცმელია. მართლმადიდებლობა სიმდაბლით იკვებება; ხოლო ფანატიზმის მიზეზი სატანის ცოდვაში, ანუ სიამაყეშია საძებნი.
(მღვდელი თეოდორე გიგნაძე)

პოსტის ავტორი: ალექსანდრე თარიღი: Jan 31 2007, 12:48 AM

მნათე

ეს გლახას მიეცი ჩასახეთქად?

პოსტის ავტორი: გლახა თარიღი: Jan 31 2007, 01:29 AM

0.00

პოსტის ავტორი: მნათე თარიღი: Jan 31 2007, 01:31 AM

შენი პრობლემაა 'მამენტ'

პოსტის ავტორი: კანონისტი თარიღი: Jan 31 2007, 11:21 AM

orthodox_82
მესმის შენი....

გასაგებია, რომ მთავარი სიყვარულია. მაგრამ ისიც ხომ მნიშვნელოვანია, რომ ადამიანი სიყვარულის გამო ცოდვაზე არ მიუშვა. შენი მოძმე კლდიდან რომ ვარდებოდეს, შეიძლება ისე მაგრამ წაავლო ხელი და გამოქაჩო, რომ ხელიც ატკინო, მაგრამ აზრადაც არ მოუვა მას შენ ჩხუბი დაგიწყოს, ხელი რატომ მატკინეო. ამდენად, შენ რომ ადამიანს რაღაცას უკრძალავ მთავარია შენ გულში ჩაიხედო, რატომ უკრძალავ? ფანატიზმის და სჯულთშემსრულებლობის (ანუ ფარისევლობის) სენისგან დაავადებული, თუ მისი სიყვარულის გამო. ეს ერთი

მეორეც, შენ რაც ჩამოთვალე, მისი დიდი ნაწილი:

საერთო არ არის არც კანონიკური და არც დოგმატური. ამდენად მისი აღსრულების მოთხოვნა არ შეიძლება კანონიკურ ჭრილში იქნეს განხილული.
მე პირადად, ვერიდები ხოლმე მსგავს შენიშვნებს, თუმცაღა ეს არ ნიშნავს იმას, რომ საერთოდ არავის არაფერს ვეუბნები. ახლა შარვლით რომ ქალი ტაძარში შედის შეიძლება მოითმინო, მაგრამ ქალი ისეთი "ჩაცმული" რომ შედის ტაძარში, რომ სხეულის უფრო მეტი ნაწილი შიშველი რომ აქვს ვიდრე ჩაცმული იმას არ უნდა უთხრა (ცხადია მშვიდად და აღელვების გარეშე, რამდენადაც შეძლებ) რომ ტაძრიდან გავიდეს???

მე მერე ასეთებიც მინახავს დაბრკოლებულნი....

რაზეც უფალი სახარებაში უპასუხებს (მოციქულთა კითხვაზე, რომ მოძღვარო შენ რაც უთხარი მაგით იუდეველნი დაბრკოლდნენო), რომ "ნუუკუე თქუენცა გნებავს წარსლვის?" (ინ. 6:67)

პოსტის ავტორი: გლახა თარიღი: Jan 31 2007, 11:57 AM

0

პოსტის ავტორი: კანონისტი თარიღი: Jan 31 2007, 12:14 PM

გლახა

აქ მხოლოდ მართლმადიდებლობაზე არ არის საქმე. ეს ტრადიციაცაა და ჩვენ თუ არ დავიცავით ტრადიცია, სხვა მით უმეტეს არ დაიცავს

მე სხვა მაგალითს გეტყვი. სვეტიცხოველში შემხვდნენ ბელგიელი ტურისტები. ინგლისური კარგად იცოდნენ და დიდხანს ვესაუბრე. ხელთ ჰქონდათ ძალიან კარგი ბრიტანული გამოცემა Traveller's Guide in CAUCASUS: Georgia, Armenia, Azerbaijan. ძალიან საინტერესო ცნობები ეწერა ამიერკავკასიის ქვეყნებზე

მერე ვკითხე, რომ ჩვენ დიდი სიწმიდე გვაქვს თბილისის სიონში - წმ. ნინოს ვაზის ჯვარი და თუ ნახეთ-თქო. იცი რა მიპასუხა? არაო, მე შარვალი მეცვა (გოგო ამბობდა) და ტაძარში არ შევედითო. რატომ, დაგიშალათ ვინმემ-თქო? არაო, ამ ტურისტულ ცნობარში ეწერა, რომ საქართველოს ტაძრებში ქალების შარვლით შესვლა არ შეიძლებაო. კათოლიკეები იყვნენ....


მაგ სტატიამდე იმაზე დაწეროს სტატია, ბუკინგემის სასახლეში შემსვლელ ქალბატონს რომ აუცილებლად შლაპა უნდა ეხუროს და ზომები პროტოკოლის სამსახურს რომ უნდა შეუთანხმოს!!!

სხვათაშორის, ჩვენ გვემართება ეს "დემოკრატობანა", თორემ უცხოელებს როგორც წესი პრობლემები არ აქვთ. არ უნდა რჯულის და კანონიკის ახსნა, მარტივად ვეუბნები: please take off your hat, it's just our tradition და მორჩა!

ჩემი პირადი სტატისტიკა სამწუხაროდ აჩვენებს, რომ ქართველი "მართლმადიდებლები" უფრო მიწევენ ხოლმე წინააღმდეგობას, ვიდრე უცხოელები


ამაზე ჩემ წინა პოსტში ხომ დავწერე. უყურე:

ისინი უგულოდ და უსიყვარულოდ აკეთებდნენ ამას....

პოსტის ავტორი: შეხვეწილი თარიღი: Jan 31 2007, 12:14 PM

დედათა წესს რაც შეეხება, გლახა, წმინდა ჰიგიენური მომენტია მანდ და იგი ქრისტიანობის ,,გამოგონილი'' არაა ნამდვილად, ნებისმიერ სხვა რელიგიას გადახედე ჯერ და მერე ქრისტიანობამდელ რელიგიებს. დედათა წესის მქონე ქალი უმეტესად განსაკუთრებული საკრალური დატვირთვისაა ნებისმიერ ხალხსა და ეპოქაში.

რჯულში არის აკრძალვები, რომლებიც პირდაპირ კრძალავს ცოდვას, მაგალითად არა იპარო, გეუბნება, რომ არ უნდა მოიპარო. მაგრამ არის აკრძალვები, რომლებიც პირდაპირ კი არ გიკრძალავს ცოდვის ჩადენას, არამედ ისეთი საქციელის ჩადენას კრძალავს, რამაც შეიძლება ცოდვა გამოიწვიოს და ამ აკრძალვის დარღვევა რაღაც მომენტში კია მთელი სჯულის დარღვევა მაგრამ იმ გაგებით, რომ სჯულის მიზანი ერთია და ნებისმიერი დარღვევა მის მიზანს ეწინააღმდეგება, მაგრამ კონკრეტულად ამაკრძალვის დარღვევა ცალკე აღებული, ასე ვთქვათ, ცოდვა არ არის და მას ვერ გაათანაბრებ იგივე კაცის კვლასთან.

ასეთ ,,უმნიშვნელო'' დარღვევებს მიეკუთვნება დედათა წესით ტაძარში შესვლა (წყეულიმც იყოსო, ზედმეტია, მაგრამ აქ ალბათ ის უნდა იყოს წყეული, რომელიც შეგნებულად დედათა წესით შედის ტაძარში). დედათა წესის დროს ქალს სპეციფიკური სუნი უდის, რომელსაც ადამიანის ყნოსვა ე.წ. 25 კადრის ეფექტის მსგავსად აღიქვამს და მან შეიძლება მოგვიანებით სხეულებრივი ლტოლვა გამოიწვიოს ან მისი ერთ-ერთი ხელშემწყობი გახდეს.

ამიტომ ტაძარში სადაც ადამიანი მიწიერი ვნებებისაგან გასათავისუფლებლად შედის მას არ უნდა დახვდეს ისეთი რამ, რაც პირდაპირ თუ არაპირდაპირ აღაგზნებს მის წარმოსახვას.

რაც შეეხება ქუდის მოხდას, რადგან კავკასიაში არის ჩვეულება ქუდის მოხდისა, შენ უცხოელი, რომელიც ჩემთან მოდიხარ სტუმრად, უნდა პატივს სცემდე ჩემს ტრადიციას და თუ არ იცი, მე უფლება კი არა მოვალეობა მაქვს, გასწავლო, რადგან იგივე მუსლიმურ ქვეყანაში, მიდი და შედი ფეხსაცმლით მეჩეთში, ან სინაგოგაში შედი წესების დაუცველად, ან იაპონელთან ჩაის დალევისას ფეხზე იდექი და ნახავ რა რეაქციაც ექნება.

რა შუაშია ფარისევლები? ჩევენ ზემოდან კი არ ვუყურებთ ტურისტებს. მეც მივცემდი იმავე შენიშვნას, ვთხოვდი, რომ ქუდი მოეხადა, აგრესისი გარეშე, რა თქმა უნდა, ან გარეთ გასულიყო, რადგან აქ ასეთი წესია და მორჩა. არ იღებ ჩემს წესს, წადი შენი გზით, რას მეძალებიოდესაც ჩემს სახლში მოდიხარ სტუმრად, პატივი უნდა სცე ჩემი სახლის წესებს, მე რომ შენთან მოვალ, მეც პატივს ვცემ, შენსას.

პოსტის ავტორი: გლახა თარიღი: Jan 31 2007, 12:26 PM

0

პოსტის ავტორი: შეხვეწილი თარიღი: Jan 31 2007, 12:58 PM

გლახა, შე პროვოკატორო შენა!

,,შენ - უცხოელიო,'' რომ ვამბობ მაგ პოსტში, შენზე მაქვს საუბარი...

ანარქისტი ხარ, ბ ი ჭ ო ! (ბიჭო, ჭიჭიკოს და ბიჭიკოს ხმით წაიკითხე)

და ნუ იმალები კიდე სულ

ახლა მეორე დამალული მოვიდა, ვინ უნდა იყოს ნეტა?

კანუსოელ, ვიხაძი პოდლი ტრუს!

პოსტის ავტორი: გლახა თარიღი: Jan 31 2007, 01:03 PM

0

პოსტის ავტორი: შეხვეწილი თარიღი: Jan 31 2007, 01:06 PM

მე ისედაც სხვა ფორუმიდან შემოვიხვეწე
მიჩვეული ვარ, ბ ი ი ი ჭ ო !

კანუდოსელს რას ვერჩოდი, მნათე შემოგვპარვია

პოსტის ავტორი: გლახა თარიღი: Jan 31 2007, 01:09 PM

0

პოსტის ავტორი: შეხვეწილი თარიღი: Jan 31 2007, 01:13 PM

არა ბოშებს რას უწუნებს ეს კაცი?

შენ წონა ხურდას ერთ დღეში შოულობს ხალხი

ისე თუ თვითონ არ ხარ მოგზავნილი, ათეისტი რომ ვარ, საიდან მიხვდი მაგას?

პოსტის ავტორი: კანონისტი თარიღი: Jan 31 2007, 01:22 PM

გლახა
შეხვეწილი
თქვენი შემყურე კიდევ ერთხელ ვრწმუნდები, თუ რაოდენ დიდია პარადიგმატური ფილოსოფიური მიმდინარეობის საზრისი, როდესაც თეოლოგია თავისი არსით ხდება არა მხოლოდ გამომხატველი უმაღლესი ალითოლოგიისა, არამედ ბუნებრივად შეერწყმის გონების ნააზრევს და ერთობლიობაში როგორც სამეცნიერო და მისტიკური სრულყოფის კიბის მაღალ საფეხურზე ზეაღსვლის გამომხატველი, შთამბეჭდავად წარმოაჩენს და მიუთითებს იმ გზას, რომელსაც მიელტვის ანთროპული ქცევის გადამწყვეტი ფაქტორები....

რა ღრმა თემებზე საუბრობთ რა, მოკლედ

პოსტის ავტორი: მნათე თარიღი: Jan 31 2007, 01:22 PM

ნენააა, ახლა შენ დაიკარგე ფლზ

გააჩნია რა ფორმით მიმართავს ის სტიქაროსანი, თორე რომ უნდა მიმართოს ფაქტია

სერგი გაამოძრაე ახლა ეგ ტვინი, ხომ მეტყველებს ქუდის არ მოხდა და ა.შ ამ ტურისტის არაცივილიზებულობასა და სრულ უპატივცემულობაზე? ეს მაშინ როდესაც ეკლესიები, ოფიციალურად ეკუთვნის საქართველოს საპატრიარქოს შენთან რომ შემოვიდნენ სახლში და უპატივცემულობა გამოხატონ, რას იზავ?

ამ შემთხვევაში ქუდის მოხდის თხოვნა, არ უკავშირდება მისიონერულ საქმეს, კულტურის მარტივი გაკვეთილია რომელიც შენ არ გესწავლება რატომ იხდი პირადად შენ, ქუდს როცა ტაძარში შემოდიხარ? მართლმადიდებელი ხარ? არა რა თქმა უნდა!-მაღალი კულტურისა და ზნეობის გამო


საეროდ რჯული მოქმედებს 'ნეტარებათა სისტემით', ანუ, კი არ გაიძულებს, გასწავლის მაგრამ დაუმორჩილებ რა ნებით თავს ქრისტეს ეკლესიას, მოვალე ხარ მაქსიმალურად ე ც ა დ ო შეასრულო ის მარგი ნორმები, რომელსაც შენთვისვე აკეთებ მაგალითად, როცა ავად ხარ და ექიმის დადგენილ მკაცრ ნორმებს არ დაემორჩილები, სა წაპარტყუინდები ქე იცი

ასე როოოოოოომ, ნუ კრძალავ იმას რასაც თავადვე ასრულებ.

პოსტის ავტორი: კანონისტი თარიღი: Jan 31 2007, 01:33 PM

მნათე

მეც მაგას ვამბობდი. ანუ რჯული და რჯულით შეზღუდვა ისევ მოქმედებს ახალი აღთქმის ეკლესიაში, მხოლოდ არა ძალადობით არამედ შეგნებით

შენ შენი ნებით უნდა დაუმორჩილო ნება უფლის ნებას, ანუ საუფლო ლოცვაში "იყავნ ნება შენი" გულით უნდა ამბობდე

თუკი მრუშების ცოდვაზე ძველი აღთქმის დროს ქალაქგარეთ გაიყვანდნენ ცოდვილს და ჩაქოლავდნენ, ახალ აღთქმაში მაცხოვარი სინანულისკენ მოუწოდებს ცოდვილს, თან სჯის კიდევაც! მაგრამ რითი? ჩაქოლვით? არა! უზიარებლობით, ანუ ქრისტესთან უმყოფობით, და ესეც სინანულის გამოსაწვევად

პოსტის ავტორი: შეხვეწილი თარიღი: Jan 31 2007, 01:36 PM

გლახაზე გლახას ვერ იფიქრებ...
_____________________
(ხალხური ანდაზა)



მაგრამ აბა ერთი მანახა ეგ ქუდმოუდხდელი როგორ შევა მამა ბასილის ეკლესიაში

დასჭირდება ბროწეულის ოყნები და აბი გლუკოზა

პოსტის ავტორი: მხევალი ნინო თარიღი: Jan 31 2007, 01:40 PM

orthodox_82

ასეთი გაყოფა ქალების და მამაკაცების ცვენს ტაძარშიც არის და მინდა გითხრათ , რომ ვნატრულობ სხვა ტაძრებშიც იყოს. რაც შეეხება სანთლის დანთებას, უკეთესია წირვის დროს წირვას უსმინო და არ ისეირნო აქეთ იქით ხატებთან სანთლის დასანთებად. თუ ასე გინდა სანთლის დანთება წირვის მერე დაანთე, ასეთი მოძრაობით ყველა წუხდება. მე მრევლი ვარ მე-9 წელია და ამ შემთხვევაში ვიცი რასაც ვამბობ. რაც შეეხება ასე წერია რჯულშიო, ეს არ ვიცოდი, მე მეგონა, რომ ეს იყო ტრადიცია და სხვათა შორის ბერძნული ეკლესიის. ძალიან სწორია ცალ-ცალდე დგომა, ხშირად მეძუძური დედები მდოიან, პატარებს აჭმევენ და არ არის სწორი მაინც დამაინც მაშინ, რომ მოუნდებათ ხოლმე სანთლის დანთება კაცებს და უაკცრავად და დადიან ზემოთ ქვემოთ. წირვაზე უნდა უსმონი წირვას. თუმცა ვიცი, რომ აქცენტი ამაზე არ გქონდა, მაგრამ მაინც დავწერე.

პოსტის ავტორი: მნათე თარიღი: Jan 31 2007, 01:46 PM

ასეა... საერთოდ რჯული ერთგვარ ღვაწლს უკავშირდება.. ჩნდება კითხვა; ხომ არ სურს' ზოგიერთს' თავისი 'უღვაწლობა' გაამართლოს რჯულისავე უარყოფით?



ასეა



მოკლედ სიტუაცია ასეთია, ჩემთვის სიტყვა დასჯა, რაღაც არაბუნებრივია,-არადედისეულია [ ] ქრისტეანიზმთან მიმართებაში-სინამდვილეში ერთი შეხედვით სასჯელი, მკურნალობის მეთოდია, რომელიც რეჟიმს მოითხოვს მიმასწავლეთ ადამიანი, რომელიც საღ გონებაზეა და ექიმისა და პაციენტის ურთიერთობას უწოდებს დამსჯელისა და დასჯილის ურთიერთობას

კიდევ ერთხელ გარკვევით უნდა გავიმეორო: სიყვარულისთვის უცხოა დასჯა! სიყვარულისთვის ცნობილია, მხოლოდ და მხოლოდ მოწყალება!

უბედურება იწყება მაშინ როდესაც მოწყალება, დაბალსულიერების გამო სასჯელად აღიქმება!

პოსტის ავტორი: კანონისტი თარიღი: Jan 31 2007, 01:50 PM

მხევალი ნინო

სწორად გცოდნია. ეს მხოლოდ ტრადიციაა, ოღონდ რუსული (ვგუსლიხმობ ქალები მარცხნივ და კაცები მარჯვნივ)

საქართველოში როგორც ვიცი, ქალები დგებოდნენ უკან და კაცები წინ.


ცხადია. ყველაზე ძალიან კიდევ ის მიკვირს, რომ საკმაოდ ზრდილობიანი და წესიერი არაეკლესიური ხალხი რატომ "გადაირევა" ხოლმე ტაძარში

ერთ მაგალითს გეტყვით. ონის ეკლესიაში ვიყავი და ერთმა ახლობელმა არ მოისვენა, ხან ამ ხატთან მივიდა, ხან იმასთან, მერე ერთგან არცერთი სანთელი არ ენთო და ხმამაღლა მოითხოვა (!) ასანთი მომაწოდეთო. ეს ყველაფერი წირვის დროს ხდებოდა. სანამ მოძღვარი მოიფიქრებდა შენიშვნის მიცემას (რაჭაა მაინც ) მე ძალიან ჩუმად და მშვიდად ვუთხარი, თუ შეიძლება ამდენს ნუ დადიხართ და ხელს უშლით ხალხს-მეთქი. გადაირია კინაღამ მე ვლოცულობ და ახლა მინდა ლოცვაო. ხალხიც ლოცულობს, წირვა მიდის და არ არის წესი-მეთქი. არ გამიგონა, ჰოდა, მეც იმ მომენტში თავი დავანებე.....

წირვის მერე, სპეციალურად, ვიღაცას რომ ესაუბრებოდა, მივედი მეგობართან ერთად მასთან ახლოს და მეგობარს დავუწყე დიდ ხმაზე საუბარი, რომ ამ ქალს ხელი შეშლოდა. თან საკმაოდ ბევრსაც ვმოძრაობდი მის გარშემო. შენიშვნა მომცა, ხელი მეშლებაო. მე ვუთხარი, ძალიან კარგი რომ მიხვდით, ბოდიშსაც გიხდით ხელის შეშლისთვის, მაგრამ ტაძარში რატომღა გაიკვირვეთ, რომ ვიღაცას ხელი ეშლებოდა-თქო. ისე დაირცხვინა, იმის მერე მგონი ასე აღარც გაუკეთებია

აქ ელემენტარულ შეგნებაზეა საუბარი


მნათე

ეს ჩემი მხილებაა?

მხილების ღვაწლში ხარ??

მე რომ აი რაჭაში ვიყავი ისე???

პოსტის ავტორი: შეხვეწილი თარიღი: Jan 31 2007, 01:51 PM

მნათეს აშკარად დიდი მომავალი აქვს!

პოსტის ავტორი: მნათე თარიღი: Jan 31 2007, 01:53 PM

არა ნენა, გეკადრება?

პოსტის ავტორი: გლახა თარიღი: Jan 31 2007, 02:26 PM

0

პოსტის ავტორი: მნათე თარიღი: Jan 31 2007, 02:27 PM

ხა ხა ხა

პოსტის ავტორი: გლახა თარიღი: Jan 31 2007, 02:35 PM

0

პოსტის ავტორი: მხევალი ნინო თარიღი: Jan 31 2007, 02:39 PM

კანონისტი

ქართულ ტრადიციაზე მეც ვიცოდი. ხანდახან , როცა მძიმე მარხვაში ეკლესიაში ეფრემ ასურის ლოცვა იკითხება ჩვენი მოძღვარი ქართული წესით გვაყენებს ხოლმე და ისე ვიჩოქებით.

პოსტის ავტორი: კანონისტი თარიღი: Jan 31 2007, 02:55 PM

გლახა

მე მოვიგონე


ალ მიდა ციფლული დოლიიიიი
ციფლული პლეზიდენტი მიდაააა

პოსტის ავტორი: მხევალი ნინო თარიღი: Jan 31 2007, 03:06 PM

გლახა

რაიო???????? ვერ გაიგე რა გინდა.

პოსტის ავტორი: მნათე თარიღი: Jan 31 2007, 03:08 PM

დააცადე გაერკვას

პოსტის ავტორი: გლახა თარიღი: Jan 31 2007, 03:53 PM

0

პოსტის ავტორი: კანუდოსელი თარიღი: Jan 31 2007, 04:07 PM

ეგ მთის წარმართული წესების და ისლამის გავლენის ბრალია

პოსტის ავტორი: მნათე თარიღი: Jan 31 2007, 04:09 PM

ლოოოოოოოოოოოოოოოოოოოოლ

პოსტის ავტორი: მხევალი ნინო თარიღი: Jan 31 2007, 06:10 PM

კანუდოსელი

არა კაცო რა ისლამის, მე ვიცი, რომ ასე ნაკლბად გებნევა გონება და ასე ვტავათ არავინ ბრკოლდება სენი მეტანიის გაკეთების დროს. ცოტა არ იყოს უხერხული პოზაა მეტანიის დროს, თავლიც არავის გაურბის აქეთ იქით, რაიმეს დასანახავად

პოსტის ავტორი: მხევალი ნინო თარიღი: Jan 31 2007, 06:42 PM

გლახა

რა საკიხზე, ვერაფერი ვერ გავიგე რა გინდა, მაპატიე, ეგებ ცოტა დაწვრილებით მომაწოდო ინფორმაცია

პოსტის ავტორი: გუჯა თარიღი: Jan 31 2007, 07:45 PM

ნინო, მე ვიცი რაც დაწერა ორთოდოქსმა, ამაზე ვსაუბრობდით ამას წინათ. ეკლესიის წევრმა იცის რომ წირვაზე სიარული არ შეიძლება, მაგრამ თუ მოსალოცად შედის ვინმე და მას ეცემიან სტიქაროსნები და დაუწყებენ სწავლებას აქ არ დადგე იქ გადადიო ეს ზოგიერთს ძაან ცუდად გამოსდის იცი? სიფრთხილეა საჭირო, რომ არ დააბრკოლო ვინმე.

პოსტის ავტორი: მხევალი ნინო თარიღი: Jan 31 2007, 07:55 PM

გუჯა

ვიცი და ვეთანხმები, კიდეც გავუსვი ხაზი, რომ სხვა რამე იგულისხმა ტქო, მაგრამ სადრაც სხვებიც, რომ ცდებიან ასე ეკლესიაში წინდა უკან სიარულით და სანთლების დანთებით ეგ ვთქვი. თქვენს აზრში მეც გეთანხმები. ერთ ზალიან ცნობილ სასულიერო პირთან ჩემი ახლობელი ქალი მივიდა, მისი მრევლია მგონი. იმ დროს იმ ქალს ზალიან დიდი უბედურება სეემთხვა, თან ტვითონაც არ არის ჯანმრთელი და წარმომიდგენია რა დაუჯდებოდა იქ წასვლა. შარვლით იყო. .. გამოაგდეს და არაფრით არ მიუშვეს იმ მოძრვართან. სადღაც გულის კუნჭულში ვეთანხმები და რას ეხლა გეტყვი, სადაც ამდენი იწვალა წასვლაზე იქ ქვედაბოლოც ჩაეცვა, ხომ იცოდა , რომ ტაძარში მიდიოდა და ტანაც ვისთან. არ ვეთანხმები გამოგდებას, მით უფრო ასეთი გაჭირვებულ მდგომარეობაში მყოფი ადამიანის. გამიგია ყველას უნდა მოუფრთხილდე და ტბილი სიტყვა უთხრაო, შეიძლება ვირაც თუნდაც უცნობი იმ დროს ტავის მოკვლაზე ფიქრობს და სენმა ერთმა თბილმა სიტყვამ გადააფიქრებინოს, ან უხეშად მოქცევამ ზუსტად დაარწმუნოს ტავისი ქმედების სისწორეში და ეს ნაბიჯი გადაადგმევინოს, ამ დროს ისე, რომც არ იცი მკვლელი ხდები, მაგრამ კიდევ ერთი ,,გულის კუნჭულში,, არსებული გამართლება ეგებ მათ ამ ხალხს ასეთი კურთხევა ჰქონდათ/, ანუ რომ ამ სასულიერო პურთან არ მიეშვათ შარვლიანი... არ ვიცი . ამ სემთხვევას შეიძლება აქვს მცირედი გამართლება...

პოსტის ავტორი: კანუდოსელი თარიღი: Jan 31 2007, 08:28 PM

წყევლაზე რა მოგახსენო,მაგრამ მართალი ხარ სამწუხაროდ

პოსტის ავტორი: orthodox_82 თარიღი: Jan 31 2007, 08:50 PM

მოვედი

___________________________

რას ქვია გამოაგდეს? ეს რა უბედურებაა? არ შეეძლოთ ნორმალურად აეხსნათ რომ მეორედ შარვლით არ მისულიყო და ის ეპატიებინათ?

პოსტის ავტორი: მხევალი ნინო თარიღი: Feb 1 2007, 09:59 AM

გუჯა

შენ კიდევ ის არ წაგიკითხია, თბილისში ერთ-ერთ ეკლესიის კარებზე, რომ წერია წყეულიმც იყოს ვინც დედათა წესის დროს შევაო, მგონი გალხამ მოგვიყვა

პოსტის ავტორი: KAIROS თარიღი: Feb 1 2007, 07:19 PM

ასეა, ჩვენ ვიმედოვნებთ, ხალხი კი ბრკოლდება!

( შენ რათ გინდა დარეკვა )

პოსტის ავტორი: გლახა თარიღი: Nov 10 2007, 12:15 AM

გთავაზობთ დავუბრუნდეთ ამ თემას...

როგორ ფიქრობთ არის თუ არა დღევანდელ ეკლესიურ რიტუალებში რჯულის მომენტები? რიტუალებში, და ა.შ?


როგორ ფიქრობთ არის თუ არა დღევანდელ ეკლესიურ რიტუალებში რჯულის მომენტები? ან ვთქვათ იგივე მეტანიებში? ან იგივე მსახურების აღსრულებისას?

პოსტის ავტორი: solomony თარიღი: Nov 10 2007, 12:19 AM

გლახა
ეს ძაან დიდი თემაა და ამაზე ბევრი წიგნებია დაწერილი ზოგადად კი ვიტყვი რომ ღვთისმსახურების უმცირესი დეტალიც კი რაღაც მნიშვნელობის და სიმბოლოს მატარებელია და არ არის შემთხვევითი.

პოსტის ავტორი: kato_Bato თარიღი: Nov 10 2007, 10:50 AM

გლახა

გავსკდი სიცილით

პოსტის ავტორი: გლახა თარიღი: Nov 10 2007, 03:25 PM

მერე სიცილი კაია

აბა თქვენ რომ იცით დაიწყებთ თემას და სამი პოსტის მერე იძირება...

პოსტის ავტორი: marine თარიღი: Dec 6 2017, 07:45 PM

"საღმრთო სჯულის შეცვლა არცერთ მღვდელს, არცერთ ეპისკოპოსს არ შეუძლია. ღვთის სიტყვა შეუცვლელია. ვის აქვს კადნიერება, რომ ღვთის სიტყვა შეცვალოს".

/დეკ. ლუკა ბუცხრიკიძე/

პოსტის ავტორი: marine თარიღი: Jan 13 2018, 10:05 PM

"თქვენ რჯულს ნუ ქმნით!"

/დეკ. დავით შაქარაშვილი/

პოსტის ავტორი: marine თარიღი: Feb 12 2018, 10:23 AM

"შჯულის არსი ადამიანისა და ღმერთის ურთიერთსიყვარულია"

პოსტის ავტორი: marine თარიღი: May 27 2020, 07:09 PM

"ვინც კეთილშობილება პოვა ღვთის წინაშე, მას უყვარს რჯულის შესაბამისი ცხოვრება"

პოსტის ავტორი: marine თარიღი: Dec 27 2020, 09:37 PM

"ფსალმუნთმგალობლის მტკიცებით, რჯული მხოლოდ სიხარულის განცდას გვანიჭებს"

პოსტის ავტორი: marine თარიღი: Apr 29 2021, 02:38 PM

"ქრისტიანულ ცხოვრებაში კანონს მივყავართ ქრისტესაკენ, ქრისტეს უარყოფა კი - ეს არის "რჯულის დარღვევა", რაც ებრაელებს მათი მხსნელისაგან განაშორებს"

/პროტოპრესვიტერი ალექსანდრე შმემანი/

პოსტის ავტორი: marine თარიღი: May 6 2021, 08:12 PM

"რჯულის ერთი მცნების მიმართ შეცოდება მთელი რჯულის დარღვევაა, რადგან მთელი რჯული, ყოველი განსხვავებული მცნებითურთ, არის რჯულმდებელი ღმერთის ნების გამოხატულება; და შეცოდება ერთი რომელიმე მცნების მიმართ - ეს არის შეცოდება ერთი რჯულმდებელი ღმერთის წმინდა ნების წინააღმდეგ და, შესაბამისად, მთელი რჯულის წინაშეც".

/თეოლოგი ალექსანდრე ლოპუხინი/

პოსტის ავტორი: marine თარიღი: May 12 2021, 08:48 PM

"რჯული არის ხორციელი ცხოვრების დასაწყისი, ხოლო ქრისტე - სრულყოფილება"

/წმ. კირილე ალექსანდრიელი/

პოსტის ავტორი: marine თარიღი: May 16 2021, 10:17 PM

"რჯულის აღსრულება, ფაქტობრივად, არის თავის მოზღუდვა ცოდვისაგან"

/წმ. იოანე ოქროპირი/

პოსტის ავტორი: marine თარიღი: May 31 2021, 09:59 PM

"სიყვარული - ნეტარებაა; სიძულვილი - სატანველი. მთელი რჯული და წინასწარმეტყველებანი თავმოყრილია ღვთისა და მოყვასისადმი სიყვარულში (მათე 22,40"

/წმ. ეგნატე ბრიანჩანინოვი/

პოსტის ავტორი: marine თარიღი: Jul 1 2021, 06:54 PM

"რჯული ღმერთისგან არის, ცოდვა კი ეშმაკისგან. ღვთის რჯული სახარებაა, ურჯულოება კი ცოდვა. ურჯულოებას ერთი კანონი აქვს - ბრძოლა ღვთის რჯულის წინააღმდეგ, რათა ღმერთის კანონები არ არსებობდეს. არსებითად, რჯული არის ის, რაც არის საღვთო, სახარებისეული, ხოლო ურჯულოება ეწინააღმდეგება მას (რჯულს)".

/წმ. იუსტინე პოპოვიჩი/

პოსტის ავტორი: marine თარიღი: Jul 1 2021, 07:08 PM

"რა არის რჯული ერთი და ერთადერთი ღმერთისათვის? სიწმინდე, სიყვარული, სიბრძნე და სხვა სრულყოფილება"

/წმ. იუსტინე პოპოვიჩი/

პოსტის ავტორი: marine თარიღი: Jul 8 2021, 08:22 PM

"რატომ ვადარებ ერთმანეთს ახალსა და ძველ აღთქმას? ახალი აღთქმის უპირატესობა ისეთია შედარებისას, რომ ძველი აღთქმა წარმოდგება როგორც დიდების არმქონე ახალი აღთქმის საკვირველი დიდების გამო, ვინაიდან, მართალია, რჯული თავისთავად დიდებული იყო, მაგრამ სახარებისეული დიდებულების უპირატესობის მიზეზით არ არის დიდებული".

/ნეტარი თეოფილაქტე ბულგარელი/

პოსტის ავტორი: marine თარიღი: Jul 11 2021, 03:58 PM

"და ცოდვის ძალა - რჯული" - რატომ? - იმიტომ, რომ როდესაც რჯული არ იყო, ვცოდავდით უცოდინარობის გამო და ასეთ მძიმე განკითხვას არ ვექვემდებარებოდით, მაგრამ როდესაც რჯულმა ცოდვა აღმოაჩინა, დიდ განკითხვას დაექვემდებარა, რადგან ვიცით და ვცოდავთ, და ძლიერი გახადა არა მისი ბუნებით, არამედ ჩვენი უსუსურობის გამო, რადგან წამალივით არ ვისარგებლეთ რჯულით, როგორც საჭირო იყო, რის შესახებაც ვრცლად არის საუბარი რომაელთა მიმართ ეპისტოელში"

/ნეტარი თეოფილაქტე ბულგარელი/

პოსტის ავტორი: marine თარიღი: Jul 12 2021, 06:06 PM

"რჯული სულიერია და მისი ხორციელი გაგება არ შეიძლება"

/ნეტარი ავგუსტინე/

პოსტის ავტორი: marine თარიღი: Jul 22 2021, 07:11 PM

"რაოდენ მაღალზნეობრივიც უნდა იყო, სჯული - სულის ღმერთთან მიახლოების სულიერი კიბე, - შენზე მაღლა დგას ყოველთვის"

პოსტის ავტორი: marine თარიღი: Aug 15 2021, 08:18 PM

"რჯული - ჭეშმარიტად "სარგოა", რადგან სიმხეცისა და ცრურწმენათაგან გაათავისუფლა კაცნი და ქრისტესკენ აღმყვანებელ კიბედ იქცა. კიბეზე აღსვლისას კიბის საფეხურებს ვუფრთხილდებით და ვმადლობთ მათ, რადგან მათ გარეშე ვეღარ ავიდოდით. ასევეა რჯულიც...
როდესაც ვერცხლის მფლობელი კაცი ოქროს პოვებს და ორივეს ფლობა არ ძალუძს, ვერცხლს ოქროს ამჯობინებს, ასევეა რჯულიც, როემლიც ზარალად იქცევა, თუ ქრისტეს განგვაშორებს".

/ნეტარი თეოფილაქტე ბულგარელი/

პოსტის ავტორი: marine თარიღი: Aug 22 2021, 06:44 PM

"პავლე მოციქული ამბობს, რომ რჯული კარგიც არის და არც არის კარგი. გააჩნია, ვინ როგორ გამოიყენებს მას. მაგრამ განა იგი ცუდი იმიტომ ხდება, რომ ვინმე არ ასრულებს? რჯული მაინც კეთილი რჩება. მაგრამ როცა მას საქმით არ აღასრულებენ, ეს ნიშნავს, რომ მას არ მოიხმარენ ისე, როგორც საჭიროა. ანუ არ იყენებენ სასარგებლოდ.
ვინ ასრულებს სათანადოდ რჯულს? ის, ვინც ზნეობრივი სრულყოფილების ისეთ სიმაღლეს მიაღწია, რომ რჯულს სასჯელის შიშის გამო კი არ ასრულებს, არამედ სათნოების სიყვარულის გამო. თანაც ასრულებს სწორად, უშეცდომოდ. ასეთ ადამიანს "მართალს" უწოდებს [პავლე] მოციქული".

/წმ. იოანე ოქროპირი/

პოსტის ავტორი: marine თარიღი: Dec 15 2021, 04:22 PM

"ვერც ერთი ერი ვერ იცხოვრებს მშვიდობიანად, თუ სცოდავს ღმერთის სჯულის წინაშე"

/წმ. ნიკოლოზ სერბი/

პოსტის ავტორი: marine თარიღი: Dec 20 2021, 12:26 PM

"ვერ მოიპოვებს სული სიმშვიდეს, - ამბობდა ბერი სილუანი, - თუკი ის დღემდე არ შეისწავლის საღმრთ სჯულს, ვინაიდან ეს სჯული სულიწმიდის მიერაა დაწერილი, სულიწმიდა კი საღმრთო წერილის მეშვეობით ადამიანის სულზე გადმოდის; სულიც გრძნობს ამით სიტკბოებას, სიამოვნებას და აღარ სურს, უყვარდეს აქვეყნიური".

პოსტის ავტორი: marine თარიღი: Jan 28 2022, 01:49 PM

"ნუ იფიქრებ, რომ უფალმა, რომელმაც შექმნა შაბათი, თავად დაარღვია იგი, და დაუშვა მისი გათელვა. მან თქვა, რომ არ მოვიდა "რჯულის გინდა წინასწარმეტყველთა გასაუქმებლად. გასაუქმებლად კი არ მოვედი, არამედ აღსასრულებლად" (მთ. 5.17). მაგრამ, როგორც შაბათის უფალმა, მან თავისი უფლება განსაკუთრებით იმაში გამოავლინა, რომ შეინარჩუნა რა პირველდაწყებითი სჯულის არსი, მეშვიდე დღე მიძღვნოდა უფალს, ამისათვის აკურთხა ახალი დღე თავისი დიდებული აღდგომისა".

პოსტის ავტორი: marine თარიღი: Jul 29 2022, 08:40 PM

" - ძველი რჯულიც ხომ ღვთის კეთილი ნება იყო?

- კი, ბატონო, მაგრამ ძველი რჯული არც სათნო იყო და არც სრული. არამედ ადამიანთა უძლურებისთვის იყო დაწესებული (განჩინებული). ხოლო ახალი რჯული კეთილი, სრული და სათნო ნებაა ღვთისა"

/წმ. იოანე ოქროპირი/

პოსტის ავტორი: marine თარიღი: Apr 3 2023, 08:55 PM

"ამრიგად, ნურავინ იქნება იმაზე მეტად ბრძენი, ვიდრე ეს კარგია, ნურც რჯულზე ურჯულიერესი იქნება იგი, ნურც სინათლეზე უბრწყინვალესი, ნურც კანონზე უმართლესი"

/წმ. გრიგოლ ღვთისმეტყველი/

პოსტის ავტორი: marine თარიღი: May 18 2023, 08:32 PM

"სჯულის კანონის მიხედვით, საკურთხეველშიც კი არ შეიძლება ის პირი, რომელსაც ფსიქიკური, მორალური ან სხვა რამ პრობლემა აქვს - ეკლესია ასეთ ადამიანებს გამოსწორების, განკურნების გზას უხსნის აღსარებით, ზიარებით, ზეთისცხებით, პარაკლისების გადახდით და ა.შ."

პოსტის ავტორი: marine თარიღი: Dec 15 2023, 05:50 PM

"ღმერთი უცდომელია, უცოდველია, სრულყოფილია, სრული სისავსეა, ასევე - სრულყოფილი, უცდომელი, მაცხოვნებელია საღვთო სჯული, ღვთის სიტყვა, ღვთის მოძღვრება. ამიტომ იგი ცოდვილ და ცდომილ ადამიანთა მხრიდან არანაირ მოდერნიზებას, არანაირ ცვლილებებს, არანაირ "განახლებას" არ საჭიროებს, რადგან ის მარად ახალია და მუდამჟამს მაცხოვნებელია, როგორც თვით უფალი ბრძანებს ამასთან დაკავშირებით:
-უამლ ცა და მიწა გადაივლის, ვიდრე ერთი წერტილი ამოვარდება სჯულიდან"

/აკაკი მინდიაშვილი/

პოსტის ავტორი: marine თარიღი: Feb 12 2024, 07:17 PM

"საღვთო სჯული და ეკლესიის დადგენილებები ზედმიწევნით უნდა აღვასრულოთ"

/მიტროპლიტი შიო (მუჯირი)/

პოსტის ავტორი: marine თარიღი: Feb 15 2024, 05:04 PM

"ძალიან სახიფათოა რჯულისა და კანონების მხოლოდ გარეგნულად შესრულება, მათი შინაგანი აზრის გაუაზრებლად და დაუნახავად!"

/მიტროპიტი შიო (მუჯირი)/

პოსტის ავტორი: marine თარიღი: May 8 2024, 11:23 AM

"ჰოი, სამყაროს მპყრობელო, დაარწყულე ჩვენი სულები და სხეულები შენი ძალით, რამეთუ ჩვენი ძალით არაფერი შეგვიძლია; და შენი სიბრძნით, რამეთუ ჩვენი სიბრძნე სისულელეა და გონების დაბნელება. და შენი ნებით, რამეთუ ჩვენი ნება შენი კეთილი ნების გარეშე ყოველთვის ბოროტებას ემსახურება. მოგვიახლოვდი, უფალო,რომ ჩვენც მოგიახლოვდეთ შენ. დაიხარე, უფალო, ჩვენკენ, რომ ჩვენ ავიწიოთ შენამდე.

ჩანერგე უფალო, შენი წმიდა რჯული ჩვენს გულში, ჩანერგე, მორწყე, და დაე, აღორძინდეს, განტოტდეს, აყვავილდეს და გამოიღოს ნაყოფი, რამეთუ მარტო თუ დაგვტოვებ შენს სჯულთან, უშენოდ ვერ შევძლებთ მასთან დამეგობრებას"

/წმ. ნიკოლოზ სერბი/