ძალა მოწყალებისა... პარამეტრები

[marine]

"ნუგეში ერთ-ერთი უდიდესი ქრისტიანული სათნოებაა. იგი მოწყალების გაღებას ემსგავსება და ხშირად მოწყალებაზე უფრო მეტად სჭირდება ადამიანს."

[marine]

"სიკეთე სიკეთეა მხოლოდ მაშინ, როდესაც კეთილად კეთდება. სულ პატარა სიკეთეს, რომელიც სიყვარულით კეთდება, დიდი ფასი აქვს. ამ დროს იგი ბრწყინვალე და ძვირფას საჩუქრად გადაიქცევა".

/მონაზონი ვერონიკა/

[marine]

"ის, რაც ღვთისა და მოყვასის სიყვარულით კეთდება, რაოდენ მცირეც უნდა იყოს, უდიდესი ფასი აქვს".

/მონაზონი ვერონიკა/

[marine]

"მოწყალების ძალამ სიკვდილის ტირანია გააუქმა".

/წმ. იოანე ოქროპირი/

[marine]

"სიკეთის ქმნისას არათუ უნდა ვიამაყოთ, შენდობა უნდა ვთხოვოთ მოყვასს და უფალს, რომ მეტს ვერ აღვასრულებთ".

/დეკ. გიორგი დარჯანია/

[marine]

"არ შეიძლება მართლმადიდებელმა ქრისტიანმა გაიაროს და არ შეამჩნიოს გაჭირვებული".

/ილია მეორე/

[marine]

"მოწყალების ძალა იმდენად დიდია, რომ იგი პიროვნებას არა მხოლოდ ცოდვებისგან ათავისუფლებს, არამედ თავად სიკვდილსაც კი აცამტვერებს".

/წმ. იოანე ოქროპირი/

[marine]

"რასაც გასცემს - ის გაჰყვება ადამიანს იმქვეყნად - როგორც ანთებული სანთელი".

/ილია მეორე/

[marine]

"თუ ფული არა გაქვს, რომ მატერიალური მოწყალება გასცე, იცოდე, რომ ერთი ტკბილი სიტყვა, ერთი ძმური სალამი, ლოცვა, ვინმეს მძიმე ხასიათის მოთმინებით ატანა, მოყვასისათვის გასაჭირში პრაქტიკული მხარდაჭერა და ა. შ. მოწყალების გაცემა და სიყვარულის გამოხატულებაა".

/მონაზონი ვერონიკა/

[marine]

"წმიდა მამები ამბობენ, რომ ადამიანი ქურდობის ცოდვაშია მაშინაც, თუ მას ბევრი ქონება აქვს და მოწყალებას არ გასცემს.
ერთი შეხედვით, თითქოს არ შეიძლება ქურდობის, ძარცვის და ყაჩაღობის ცოდვაში დაადანაშაულო ადამიანი მაშინ, როცა თავის კუთვნილ სიმდიდრეს არ გასცემს, თუნდაც სამართლიანი გზით ჰქონდეს მას დაგროვილი ეს ქონება. მან აუცილებლად უნდა იცოდეს, რომ ყველაფერი უფლისგან მიეცა, უფლის დაშვება რომ არ ყოფილიყო, ერთ გროშსაც ვერ შეიტანდა ოჯახში და ერთ აგურს ვერ დაადებდა თავის სახლის ასაშენებლად.
ქონება ადამიანს იმისთვის ეძლევა, რომ გასცეს, თუ ის ვერ ხედავს გვერდით მყოფ გაჭირვებულს, მაშინ იგი სულიერად ბრამვდება".

[marine]

"მე არ განვიკითხავთ მათ, ვისაც აქვს სახლები, მინდვრები, ფული, ჰყავთ მოსამსახურეები. მე მხოლოდ ის მინდა, რომ ისინი ამ ყოველივეს ფლობდნენ წინდახედულად და გონივრულად. როგორ? - როგორც ეკადრება ბატონებს და არა მონებს; ე.ი. თავად ფლობდნენ სიმდიდრეს და არა ის ფლობდეს მათ; მოიხმარონ ფული კეთილად და ბოროტად არ გამოიყენონ, რადგან ის მოგვეცა აუცილებელი მოთხოვნილებებისათვის დასახარჯად და არა შესანახად. შენახვა მონის საქმეა, ხოლო ხარჯვა მასზე ძალაუფლების მქონე ბატონისა.
ფული იმისთვის კი არ გეძლევა, რომ ბოროტ მონასავით მიწაში ჩაფლო, არამედ იმისთვის, რომ სხვებს გაუნაწილო. ღმერთს მისი შენახვა რომ სდომებოდა, ადამიანს კი არ მისცემდა, არამედ სამუდამოდ დაფლულს დატოვებდა. თუკი ინახავ, ე.ი. ფული ბატონობს შენზე. თუ გსურს მისი გამრავლება, ამისთვის საუკეთესო საშუალება ფულის კეთილად ხარჯვაა, რადგან არ არსებობს ღვთის წყალობის მოპოვება უფლისა და მოყვასის სიყვარულის გარეშე. ღვთისთვის ხომ ყველაზე სათნო ადამიანში არსებული მსხვერპლშეწირვის სულია".

/წმ. იოანე ოქროპირი/

[marine]

"მოწყალეა ის, ვისთვისაც მოწყალება ბუნებრივი მდგომარეობაა, ეს მისი ხასიათი, ჩვევა, მისი პიროვნება გახდა. ადამიანი მხოლოდ მაშინ ვერ შეამჩნევს თავის მოწყალებას, როცა იგი ჭეშმარიტად მოწყალეა, როგორც ჩვენ ვერ ვამჩნევთ იმას, რომ ვსუნთქავთ. "უფალო, როდის ვიქმოდით ჩვენ ამას, როდის გმსახურებთ შენ?" - უკვირთ ასეთ ადამიანებს, რადგან ეს მათთვის ბუნებრივ მოთხოვნილებად იქცა".

/დეკ. ალექსი უმინსკი/

[marine]

"ვინც გაჭირვებულ ადამიანს ეხმარება, უპირველესად, ეხმარება საკუთარ თავს და ამის შემდეგ სხვას".

[marine]

"როდესაც ეკითხებოდნენ [ღირს ექვთიმე სუზდალელს] - რომელია კეთილ საქმეთაგან ყველაზე აღმატებულიო, პასუხობდა: - ის, რაც საიდუმლოდ, ყველასაგან დაფარულად აღესრულებაო!"

[marine]

"შვედი ქალბატონი, ევგენია გლახაკთა და შეჭირვებულთა დიდად მოწყალე იყო. ერთხელ შეიტყო, რომ ვინმე ქველმოქმედებს გაუჭირდათ ობოლთა და ქვრივთა თავშესაფრის აგება - უზარმაზარი თანხა აკლდებოდათ. ქალბატონს ამხელა თანხა ხელთ არ ჰქონდა, მოიხსნა თავისი ბრილიანტის სამკაული და მეურვეებს გადასცა. თავშესაფარი აშენდა. ერთხელ ქალბატონი ევგენია მას ესტუმრა. აქ უკვე ყველამ იცოდა მისი ქველმოქმედების ამბავი. როცა ერთი ღარიბი დედაკაცის საწოლთან ჩამოჯდა, ცრემლმორეული ქალი მადლობდა და აქებდა დიდებული ქალბატონის კეთილ საქციელს, მის სათნოებას: - ჩვენ, გლახაკებისთვის საკუთარი ძვირფასეულობა გაიღეთო. ქალბატონმა მას თავზე ხელი გადაუსვა და ჩუმად უთხრა: - ჰოი, რა ბედნიერი ვარ, რომ ჩემს ბრილიანტებს შენს თვალებში ვხედავ, დაო.
"ნეტარ იყვნენ მოწყალენი, რამეთუ იგინი შეიწყალნენ" (მათე 5,7)."
/წმ. ნიკოლოზ სერბი/

[marine]

"სიკეთე მხოლოდ მაშინ აღმოცენდება, თუკი ვიღაც მსხვერპლად შეეწირება".

/მონაზონი ვერონიკა/

[marine]

"თუკი მე არ დავიწყვები, თუკი შენ არ დაიწყვები, მაშ უკუნი როგორღა განათდება?"

[marine]

"სიკეთე ვაკეთოთ, ერთმანეთი გავახაროთ. როდის გვიხარია? როცა ისეთს გააკეთებ, რომ სხვასაც გაახარებ".

/მეუფე სტეფანე (კალაიჯიშვილი)/

[marine]

"ვინმე მართალი მამა ერთი კაცის სიკვდილს შეესწრო. კაცი შეევედრა ღმერთს, განეცხადებინა, რა ბედი ეწია გარდაცვლილის სულს. ღმერთმა განუხვნა თვალნი და მან დაინახა გარდაცვლილის სული, რომელიც სასწორის წინ იდგა. ერთ პინაზე უფლის ანგელოზებმა ამ კაცის კეთილი საქმეები დააწყვეს, მეორეზე კი ყველა მისი ნაავკაცარი. სასწორის პინები გათანასწორდა. უეცრად უფლის ანგელოზმა სიკეთის თეფშზე ერთი წვეთი ცრემლი დადო, საწონი მარჯვნივ გადაიხარა და გარდაცლილის სული სასუფეველში შევიდა. გაოცდა მართალი, ნეტავ რა ცრემლი არის და საიდან მოიტანესო. უფლის ანგელოზმა აუხსნა: "ერთ ადგილას ხიდზე დაუძლურებული და დამწუხრებული ობოლი გლახაკი იდგა. ბევრმა ჩაუარა და ვერავინ შეამჩნია. ამ კაცმა კი, დაინახა თუ არა ეს გატანჯული ადამიანი, შეჩერდა, მოწყალება მისცა და გაამხნევა: "ნუ გეშინია, ძმაო, ქრისტე დაგეხმარებაო!" ამ მოწყალებამ და თანაგრძნობის სიტყვებმა შეუთრთოლა გული გლახაკს და თვალთაგან კენტი ცრემლი ჩამოუგორდა. სწორედ ამ ცრემლმა გადაწყვიტა ამ სულის ბედი."

[marine]

"სულიერი კეთილშობილება და წმინდა სინდისი ანიჭებს პიროვნებას ერთ-ერთ ყველაზე დიდ ადამიანურ ღირსებას - უშურველობას და სხვისი სიხარულითა და ბედნიერებით გახარების უნარს".

/ილია მეორე/