არტემის 120 წლის იუბილე, თქვენი დახმარება არ გვაწყენდა ;) პარამეტრები

[N. R.]

ახალგაზრდებს ინიციატივითა და უფროსი თაობის მხარდაჭირით

ამა წლის 31 ოქტომბერს (რიცხვი შეიცვალა) აღინიშნება დიდი
მგალობელ-მომღერლის, არტემ ერქომაიშვილის 120 წლის იუბილე.


საიუბილეო ღონისძიება შემდეგ პუნქტებს შეიცავს:

1. სამეცნიერო კონფერენცია (კონსერვატორია);
2. შეხვედრა გურულ მომღერლებთან (კონსერვატორია);
3. გამოფენა (კონსერვატორიის დიდი დარბაზის ფოიე);
4. დასკვნითი კონცერტი (კონსერვატორიის დიდი დარბაზი);
5. ერქომაიშვილებთან დაკავშირებული წიგნების, დისკების, გალობა-სიმღერის სანოტო კრებულების, გაზეთ ,,ქართული გალობის" საიუბილეო ნომრის გაყიდვა (კონსერვატორიის დიდი დარბაზის ფოიე) --- კონკრეტულ ჩამონათვალს დადგენისთანავე შემოგთავაზებთ;



ღონისძიების მასშტაბის აღქმის მიზნით დამატებით ზოგიერთი დეტალის შესახებ:

1. იუბილეს მასპინძლობს თბილისის სახელმწიფო კონერვატორია;
2. საკონცერტო პროგრამაში მონაწილეობენ საუკეთესო მგალობელ-მომღერალთა 15-მდე ანსამბლი (,,ანჩისხატი", ,,ბასიანი", ,,რუსთავი", ,,შალვა ჩემო"(სიხარულიუძეების ტრიო)...);
3. გურიიდან სპეციალური მოწვევით ჩამოვლენ ანსამბლები ,,იადონი" (გიორგი სალუქვაძის მიერ შექმნილი ანსამბლი) და ,,ელესა" (ლადიკო ერქომაიშვილის მიერ შექმნილი ანსამბლი); უკანასკნელი წარმომადგენლები ძველი პლეადის გურული მომღერლების; მათ არასდროს უმღერიათ კონსერვატორიის დიდ დარბაზში, და არც სხვაგან სადმე ,,ანჩისხატის" და ,,ბასიანის" გვერდით; ამ მომღერლებთან შეხვედრა მოეწყობა კონფერენციის შემდგომ, დასკვნით კონცერტამდე;
4. კონფერენციაში მონაწილეობას მიიღებს კონსერვატორიის პედაგოგ-მასწავლებლები და სტუდენტ-მაგისტრები; თემატიკა შეეხება ქართული საერო და საეკლესიო მრავალხმიანობის საკითხებს; აგრეთვე თემები, რომელიც შეეხება კონკრეტულად არტემს (თემების სათაურებს დადგენისთანავე შემოგთავაზებთ);
5. ერქომაიშვილების ფოტო და ხელნაწერთა გამოფენის ავტორია ლუარსაბ ტოგონიძე;
6. საღამოს მხატვრული ხელმძღვანელია ანზორ ერქომაიშვილი და საღამოს წამყვანი დავით შუღლიაშვილი;
7. საშუალება მოგეცემათ შეისყიდოთ ისეთი მასალა, რომლის აღმოჩენაც ნებისმიერ მაღაზიაში ძალზედ რთული საკითხია, მათი რაოდენობრივი სიმცირის გამო ერთეულებს თუ აქვს ეს ლიტერატურა, სანოტო კრებულები თუ აუდიო ჩანაწერები;


მგონი სულ ესაა, თუ რამე გამახსენდა კიდევ ჩავამატებ იმედია ყველა მსურველს გასწვდება კონსერვატორიის ფარგლები

[N. R.]

მოდერ, თემის სათაურის ქვეშ რომ წერია ის წაშალე რა და ეს პოსტიც მიაყოლე