_ათი მცნება _, განვიხილვა პარამეტრები

[marine]

"როგორ დავიცავთ ქრისტეს მცნებებს, თუ საკუთარ სურვილებსა და თავდაჯერებულობას არ განვეშორებით?"

/ღირსი პეტრე დამასკელი/

[marine]

"ჩვენ რაც უფრო გულმოდგინედ, რაც უფრო უღალატოდ ვასრულებთ მარხვის მცნებას, საერთოდ, საუფლო მცნებებს, მით უფრო ახლოს ვართ უფალთან, და ამ დროს მით უფრო ხელშესახებად შევიგრძნობთ და ნათლად ვხედავთ ღმერთთან მიმართებაში საკუთარ სულიერ სიგლახაკეს"

/აკაკი მინდიაშვილი/

[marine]

"წმ. დოროთეს თქმით, მცნებათა აღსრულების მეშვეობით ჩვენი სული განიწმინდება ცოდვებისაგან და, შედეგად, სულში თვით უფალი ღმერთი მკვიდრდება"

/აკაკი მინდიაშვილი/

[შამხაზაი]

.3.მცნებას რაც შეეხება თუ ხშირად ვახსენებ უფლის სახელს რა ცოდვა არის?

1. გამჩენის სახელი, რომ ახსენოთ ჯერ უნდა იცოდეთ და იეჰოვა, ან რაიმე სხვა მსგავსი სისულელე არ უნდა გეგონოთ და
2. დიახ, ცოდვაა ხშირად კი არა, თუნდაც ერთხელ ახსენოთ ამაოდ.

[შამხაზაი]

რატო უნდა იყოს ჩემი კეთილდღეობა და დღეგრძელობა დამოკიდებული მშობლების პატივისცემაზე?

იმიტომ რომ ხილული ხორციელი მშობლების ურჩი, ვერ იქნები მორჩილი უხილავი მამისა, შესაბამისად ამისა კი ვერც დღეგრძელი, რადგან სატანა დაიმოწმებს შენს გამკითხველებს შენსავე საწინააღმდეგოდ შენი ურჩობის გამო და გამოითხოვს გამჩენისაგან უფლებას მისგან დადგენილ ვადაზე ადრე ამოგაძროს სული.

ეს მოკლედ და ვრცლად კი .... იობის წიგნი წაიკითხე.

[marine]

"ხატოვნად რომ ითქვას, ძველი აღთქმის ათი და ახალი აღთქმის ცხრა მცნება - ეს ძვირფასი ჯაჭვებია, რომლებითაც დედამიწა ცაზეა მიმაგრებული"

/არქიმანდრიტი რაფაელი (კარელინი)/

[marine]

"ძველი აღთქმის დროს იყო ჩვეულება - მცნებებს ქსოვილზე ქარგავდნენ, რომელსაც თავზე იხვევდნენ ნიშნად იმისა, რომ ისინი ადამიანის მეხსიერებაში მუდამ დაცული უნდა იყოს და გონება ზეციური სხივების დარად გაანათოს; ასევე ჩვევად ჰქონდათ მცნებების წერა ზედა სამოსის ფართო მკლავებზე, როგორც პერგამენტზე, რათა ისინი ყოველთვის თვალწინ ჰქონოდათ, რითაც დაამოწმებდნენ, რომ ადამიანის ყველა საქმე და ქმედება მათი შესრულებისაკენ უნდა იყოს მიმართული, და ამით მისი ცხოვრება ღვთის ნების აღსრულება გახდეს. ამგვარად, მცნებები ადამიანის ცხოვრების მთავარ ორიენტირებს და ყველა გადაწყვეტილებისა და ქმედების საფუძველს წარმოადგენენ.

ახალი აღთქმის ეპოქაში კი მცნებები ქრისტიანებს არა სამოსელზე ან ქაღალდზე, არამედ გულში უნდა ჰქონდეთ აღბეჭდილი. მცნებების ცოდნა, ისევე როგორც იესოს ლოცვისა და "მამაო ჩვენოსი", ზეპირადაა აუცილებელი. წმიდა მამები გვასწავლიდნენ, რომ მცნებების შესრულების გარეშე შეუძლებელია ყოველგვარი სულიერი წარმატება. მცნებები - საუკუნო ცხოვრების წყაროა, მაგრამ ჩვენ აქ ერთ საიდუმლოზე გვინდა შევაჩეროთ ყურადღება, რომელიც იმაში მდგომარეობბს, რომ ყველა მცნების უმაღლესი სულიერი თვალსაზრისი ერთია - ქრისტიანულ ასკეზში მათი მწვერვალები, როგორც რადიუსები, თავს ერთ ცენტრში იყრიან"

/არქიმანდრიტი რაფაელი (კარელინი)/

[marine]

"მცნებები - სარკმლებია, რომლებიდანაც ადამიანის სულმა სამყაროს უნდა უმზიროს"

/არქიმანდრიტი რაფაელი (კარელინი)/

[marine]

"სახარების მცნებების შესრულება ადამიანს საკუთარ უძლურებას ასწავლის", - თქვა ღირსმა სვიმეონმა. უძლურების შეცნობას და შეგნებას ეყრდნობა ხსნის მთელი შენობა.

ზედაპირულად თუ შევხედავთ, უცნაური საქმეა! "მცნებების შესრულება ადამიანს საკუთარ უძლურებას ასწავლის". მაგრამ ეს გამოცდილების სიტყვებია. ქრისტეს მცნებების მხოლოდ ზედმიწევნითი შესრულების პირობებში შეუძლია ადამიანს თავისი ვნებების სიმრავლე დაინახოს; ქრისტეს მცნებების მხოლოდ ზედმიწევნითი შესრულების პირობებში შუძლია ადამიანს დარწმუნდეს ძველი ადამის სრულ უძლურებაში ახალი საქმიანობისთვის, სულიერი კანონის მიერ წარმოთქმული განსაზღვრების სამართლიანობაში, რომ ეს კანონი შეიძლება შესრულდეს მხოლოდ ქრისტეს სიუხვით"

/წმინდა მღვდელმთავარი ეგნატე ბრიანჩანინოვი/

[marine]

"შეუძლებელია ღვთის მცნებების შესრულების შესწავლა შრომის გარეშე, და ეს შრომა სამნაწილიანია - ლოცვა, მარხვა და სიფხიზლე"

/ღირსი ბარსანოფი/