საქართველოს პრეზიდენტი, მისი პოლიტიკა ეკლესიასთან დაკავშირებით პარამეტრები

[კანონისტი]

შეიძლება ვინმეს ცოტა შეუსაბამოდაც კი ეჩვენოს ამგვარი შინაარსის თემის გახსნა, თუმცა კი, მიმაჩნია, რომ იგი აუცილებლად უნდა იყოს.

ცხადია, აქ თავი უნდა შევიკავოთ ისეთი გამონათქვამებისაგან, რაც არც პრეზიდენტს ეკადრება და არც მართლმადიდებელ ქრისტიანს. ამავე დროს, კარგი იქნება, თუ მივუთითებთ კონკრეტულ დადებით ან უარყოფით ფაქტებს, რაც უშუალოდ ეხება მართლმადიდებელ ეკლესიას.

მქონდა ბედნიერება, რომ გარკვეული ხნის მანძილზე მქონოდა ურთიერთობა ბატონ პრეზიდენტთან და ერთი რაც შემიძლია დანამდვილებით ვთქვა და ყველა დავარწმუნო არის ის, რომ ბატონი სააკაშვილი უაღრესად კეთილგანწყობილია ეკლესიის, და განსაკუთრების მისი საჭეთმპყრობლის უწმიდესი ილია II-ის მიმართ.

პირველი რაც მომაგონდა, სჯობს ალბათ მართლმადიდებლებამდე მივიტანოთ ის სამართლებრივი აქტები, რომელსაც გამოსცემს პრეზიდენტი სააკაშვილი ეკლესიისათვის ხელშეწყობის მიზნით. ამჯერად წარმოგიდგენთ მის განკარგულებებს 2006 წლის 1 იანვრიდან დღემდე.

სხვა აქტებს შემდგომ მოგაწვდით.

ისევ ვიმეორებ, ამ თემის მიზანია, რომ შეიქმნას ობიექტური წარმოდგენა იმის შესახებ, თუ რას ახორციელებს პრეზიდენტი აღნიშნულ საკითხთან დაკავშირებით.

მინდა გვახსოვდეს, რომ სახელმწიფოსა და ეკლესიის ერთობა უდიდესი წინაპირობა იქნება ივერიის გასაბწრყინებლად.

საქართველოს პრეზიდენტის
განკარგულება
N 198 2006 წლის 18 აპრილი ქ.თბილისი

საქართველოს საპატრიარქოსათვის მიწის
საკუთრებაში გადაცემის შესახებ

1. „სახელმწიფო საკუთრებაში არსებული არასასოფლო-სამეურნეო დანიშნულების მიწის მართვისა და განკარგვის შესახებ“ საქართველოს კანონის მე-3 მუხლის მე-8 პუნქტის შესაბამისად, საქართველოს საპატრიარქოს წმ. გრიგოლ ხანძთელის სახელობის ეკლესიის მშენებლობისათვის საკუთრებაში გადაეცეს მცხეთის რაიონის დაბა ზაჰესში, ენერგეტიკის ქუჩაზე მდებარე 1900 (ათას ცხრაასი) კვ.მ არასასოფლო-სამეურნეო დანიშნულების მიწა.

2. მცხეთის რაიონის გამგეობამ მიწის გადასაცემად უზრუნველყოს საქართველოს კანონმდებლობით გათვალისწინებული ღონისძიებების განხორციელება.

მიხეილ სააკაშვილი

საქართველოს პრეზიდენტის
განკარგულება
N 289 2006 წლის 19 მაისი ქ.თბილისი

საქართველოს საპატრიარქოსათვის წყალტუბოს რაიონის
სოფელ თერნალში სახელმწიფო საკუთრებაში არსებული
არასასოფლო-სამეურნეო დანიშნულების მიწის ნაკვეთის
პირდაპირი განკარგვის წესით გადაცემის შესახებ

1. დაკმაყოფილდეს წყალტუბოს რაიონის გამგეობის შუამდგომლობა და „სახელმწიფო საკუთრებაში არსებული არასასოფლო-სამეურნეო დანიშნულების მიწის მართვისა და განკარგვის შესახებ“ საქართველოს კანონის მე-3 მუხლის მე-8 პუნქტის შესაბამისად საქართველოს საპატრიარქოს მართლმადიდებლური ტაძრის ასა-შენებლად პირდაპირი განკარგვის წესით საკუთრებაში გადაეცეს წყალტუბოს რაიონის სოფელ თერნალში მდებარე 1800 კვ.მ არასასოფლო-სამეურნეო დანიშნულების მიწის ნაკვეთი.

2. წყალტუბოს რაიონის გამგეობამ უზრუნველყოს მიწის გადაცემასთან დაკავშირებული კანონმდებლობით გათვალისწინებული ღონისძიებების განხორციელება.


მიხეილ სააკაშვილი

საქართველოს პრეზიდენტის
განკარგულება
N 315 2006 წლის 6 ივნისი ქ. თბილისი

საქართველოს საპატრიარქოსათვის არასასოფლო-სამეურნეო დანიშნულების მიწის ნაკვეთის პირდაპირი განკარგვის წესით გადაცემის შესახებ

1. დაკმაყოფილდეს წყალტუბოს რაიონის გამგეობის შუამდგომლობა და „სახელმწიფო საკუთრებაში არსებული არასასოფლო-სამეურნეო დანიშნულების მიწის მართვისა და განკარგვის შესახებ“ საქართველოს კანონის მე-3 მუხლის მე-8 პუნქტის შესაბამისად საქართველოს საპატრიარქოს მართლმადიდებლური ეკლესიის ასაშენებლად პირდაპირი განკარგვის წესით საკუთრებაში გადაეცეს ქ. წყალტუბოში, რუსთაველისა და ჭავჭავაძის ქუჩების გადაკვეთასთან სახელმწიფო საკუთრებაში არსებული 2000 კვ.მ არასასოფლო-სამეურნეო დანიშნულების მიწის ნაკვეთი.

2. წყალტუბოს რაიონის გამგეობამ უზრუნველყოს მიწის ნაკვეთის გადასაცემად საქართველოს კანონმდებლობით გათვა-ლისწინებული ღონისძიებების განხორციელება.

მიხეილ სააკაშვილი

საქართველოს პრეზიდენტის
განკარგულება
N412 2006 წლის 28 ივლისი ქ.თბილისი

სახელმწიფო ქონების საქართველოს საპატრიარქოსათვის
პირდაპირი მიყიდვის ფორმით პრივატიზების შესახებ

1. „სახელმწიფო ქონების პრივატიზების შესახებ“ საქართველოს კანონის მე-6 მუხლის მე-6 პუნქტის შესაბამისად, დედოფლისწყაროში ყოფილი სამხედრო ნაწილის N 9 რეგიონალური ბაზის ს/ნ 05647 ს/ქ N 2, N 14 ყაზარმის მიწის ფართობი (4202 კვ.მ.), N 16 შტაბის შენობის მიწის ფართობი (2359 კვ.მ.), N 13 სასადილოს მიწის ფართობი (5493 კვ.მ.), N 71 საწყობის მიწის ფართობი (1985 კვ.მ.), N 17 სანიტარიული ნაწილის მიწის ფართობი (2881 კვ.მ.), N 64 გამშვები პუნქტის მიწის ფართობი (187,2 კვ.მ.) სიმბოლურ ფასად, 1000 (ათასი) დოლარის ეკვივალენტ ლარად, პირდაპირი მიყიდვის ფორმით გადაეცეს საქართველოს საპატრიარქოს.

2. მყიდველმა ობიექტის საფასურის გადახდა უზრუნველყოს ხელშეკრულების გაფორმებიდან ერთ თვეში.

3. საქართველოს ეკონომიკური განვითარების სამინისტრომ (ი.ჩოგოვაძე) ამ განკარგულების შესრულების მიზნით უზრუნველყოს კანონმდებლობით გათვალისწინებულ ღონისძიებათა განხორციელება.

მიხეილ სააკაშვილი

საქართველოს პრეზიდენტის
განკარგულება
N 454 2006 წლის 15 აგვისტო ქ.თბილისი

საქართველოს საპატრიარქოსათვის არასასოფლო-სამეურნეო დანიშნულების მიწის ნაკვეთის პირდაპირი განკარგვის
წესით გადაცემის შესახებ

1. დაკმაყოფილდეს გარდაბნის რაიონის გამგეობის შუამდგომლობა და „სახელმწიფო საკუთრებაში არსებული არასასოფლო-სამეურნეო დანიშნულების მიწის მართვისა და განკარგვის შესახებ“ საქართველოს კანონის მე-3 მუხლის მე-8 პუნქტის შესაბამისად საქართველოს საპატრიარქოს მართლმადიდებლური ეკლესიის ასაშენებლად პირდაპირი განკარგვის წესით საკუთრებაში გადაეცეს გარდაბნის რაიონის სოფელ ახალსოფელში ომში დაღუპულთა მემორიალის მიმდებარე ტერიტორიაზე არსებული 0,57 ჰა არასასოფლო-სამეურნეო დანიშნულების მიწის ნაკვეთი.

2. გარდაბნის რაიონის გამგეობამ უზრუნველყოს მიწის ნაკვეთის გადასაცემად საქართველოს კანონმდებლობით გათვალისწინებული ღონისძიებების განხორციელება.

მიხეილ სააკაშვილი

საქართველოს პრეზიდენტის
განკარგულება
N 453 2006 წლის 15 აგვისტო ქ.თბილისი

საქართველოს საპატრიარქოსათვის არასასოფლო-სამეურნეო დანიშნულების მიწის ნაკვეთის პირდაპირი განკარგვის
წესით გადაცემის შესახებ

1. დაკმაყოფილდეს გორის რაიონის გამგეობის შუამდგომლობა და „სახელმწიფო საკუთრებაში არსებული არასასოფლო-სამეურნეო დანიშნულების მიწის მართვისა და განკარგვის შესახებ“ საქართველოს კანონის მე-3 მუხლის მე-8 პუნქტის შესაბამისად საქართველოს საპატრიარქოს მართლმადიდებლური ეკლესიის ასაშენებლად პირდაპირი განკარგვის წესით უსასყიდლო უზუფრუქტის ფორმით გადაეცეს გორის რაიონის სოფელ ხიდისთავში მდებარე 936,0 კვ.მ არასასოფლო-სამეურნეო დანიშნულების მიწის ნაკვეთი.

2. გორის რაიონის გამგეობამ უზრუნველყოს მიწის ნაკვეთის გადასაცემად საქართველოს კანონმდებლობით გათვალისწინებული ღონისძიებების განხორციელება.

მიხეილ სააკაშვილი

საქართველოლს პრეზიდენტის
განკარგულება
N 479 2006 წლის 23 აგვისტო ქ.თბილისი

საქართველოს საპატრიარქოსათვის გარდაბნის რაიონის
სოფელ ფონიჭალაში მდებარე სახელმწიფო საკუთრებაში
არსებული არასასოფლო-სამეურნეო დანიშნულების მიწის
ნაკვეთის პირდაპირი განკარგვის წესით საკუთრებაში
გადაცემის შესახებ

1. დაკმაყოფილდეს გარდაბნის რაიონის გამგეობის შუამდგომლობა და „სახელმწიფო საკუთრებაში არსებული არასასოფლო-სამეურნეო დანიშნულების მიწის მართვისა და განკარგვის შესახებ“ საქართველოს კანონის მე-3 მუხლის მე-8 პუნქტის შესაბამისად, საქართველოს საპატრიარქოს ეკლესიის მშენებლობისათვის პირდაპირი განკარგვის წესით საკუთრებაში გადაეცეს გარდაბნის რაიონის სოფელ ფონიჭალაში მდებარე 1000 კვ.მ არასასოფლო-სამეურნეო დანიშნულების მიწის ნაკვეთი.

2. გარდაბნის რაიონის გამგეობამ უზრუნველყოს მიწის ნაკვეთის გადასაცემად საქართველოს კანონმდებლობით გათვალისწინებული ღონისძიებების განხორციელება.

მიხეილ სააკაშვილი

საქართველოს პრეზიდენტის
განკარგულება
N 538 2006 წლის 15 სექტემბერი ქ.თბილისი

საქართველოს საპატრიარქოსათვის სახელმწიფო საკუთრებაში არსებული არასასოფლო-სამეურნეო დანიშნულების მიწის ნაკვეთის პირდაპირი განკარგვის წესით საკუთრებაში გადაცემის შესახებ

1. დაკმაყოფილდეს ქ. თბილისის მერიის შუამდგომლობა და „სახელმწიფო საკუთრებაში არსებული არასასოფლო-სამეურნეო დანიშნულების მიწის მართვისა და განკარგვის შესახებ“ საქართველოს კანონის მე-3 მუხლის მე-8 პუნქტის შესაბამისად, საქართველოს საპატრიარქოს ეკლესიის მშენებლობისათვის პირდაპირი განკარგვის წესით საკუთრებაში გადაეცეს ქ. თბილისში, დიდუბე-ჩუღურეთის რაიონში, გრიგოლ რობაქიძის ქუჩასა და მდინარე მტკვრის მარჯვენა სანაპიროს (დიღმის მასივის II კვარტლის მიმდებარედ) შორის არსებული მიწის ნაკვეთი (2000 კვ.მ).

2. ქ. თბილისის მერიამ უზრუნველყოს მიწის ნაკვეთის გადასაცემად საქართველოს კანონმდებლობით გათვალისწინებული ღონისძიებების განხორციელება.

მიხეილ სააკაშვილი