"სიმართლე და სიმართლის თქმა მსხვერპლზე უფრო სასურველია უფლისათვის" (სიბრძნ. სოლომონ. 21:3)".
"ჭეშმარიტად თუ სიმართლესა იტყვით, სიწრფოებასა შჯიდით, ძენო კაცთანო" (ფს. 57)".
"შენი ამქვეყნიური ყოფა, იქნება ეს სამოსელი, სვლა, ჯდომა, ჭამადი, სარეცელი თუ სხვა, შენი სიმდაბლის მაჩვენებელი უნდა იყოს. იყავი ტკბილი მოყვასის მიმართ, ძვირუხსენებელი ბოროტისმოქმედთა მიმართ, კაცთმოყვარე, გაჭირვებულთა ნუგეშინისმცემელი, მშვიდი და საყვარელი ყველასთვის. ნუ იქნები ნურც თავის მაქებელი და ნურც მოყვარული სხვისაგან ქებისა, ნუ დაელოდები მხილებას სხვათაგან, არამედ საკუთარი თავი თვითონვე ამხილე, გახსოვდეს, მართალი შემასმენელ არს თავისა თვისისა"
/წმ. ბასილი დიდი/
"ვიყოთ მართალნი, რადგან, როგორც დავით წინასწარმეტყველი ამბობს, მართალს არასოდეს გაუჭირდება: "არა ვიხილე მართალი დაგდებული, არცა თესლი მისი მთხოვნელ პურისა" (ფსალ. 36,25). რა თქმა უნდა, იგი ხილულ პურს არ გულისხმობს, რადგან კარგად იცის, რომ მართალი იაკობის ძენი ეგვიპტეში წავიდნენ სათხოვნელად პურისა. არამედ მხედველობაში აქვს სულიერი საზრდო, რომლის წყალობითაც ჩვენი შინაგანი სამყარო სრულყოფის კიბეზე თანდათან მაღლდება.
დაე, ჩვენი ცხოვრების წესით თავიდან ავიცილოთ ის შიმშილი, რომელიც წყლისა და პურის მოკლებაზე უარესია, შიმშილი - უფლის სიტყვის მოსმენისა (გამოს. 8,11)."
/წმ. ბასილი დიდი/
"[წმ. სპირიდონ ტრიმიფუნტელმა] სიმართლითა და სიწმინდით გაატარა მიწიერი ცხოვრება"
"გულისწყრომა კაცისა როდი შეიქმს ღმერთის სიმართლეს"
/მოციქული იაკობი/
"სიმართლისთვის ბრძოლის მზადყოფნა"
"როცა სიმართლეს იცავ, მაშინ თვით ღმერთი გიცავს."
"როცა მართალი ხარ, სიკვდილისაც არ გეშინია."
/მამა გიორგი ბასილაძე/
"როგორ შეიძლება ადამიანი ცამდე მართალი იყოს, როცა ყველანი ცოდვის შვიელბი ვართ?!"
"სიმართლე წინ ნელა მიიწევს, მაგრამ მიზანს მაინც აღწევს"
"მაცხოვარმა ნეტარი იმათ კი არ უწოდა, რომელთაც სიმართლე უყვართ, არამედ, მათ, ვისაც შია და სწყურია იგი. ეს იმიტომ, რომ კაცს ისე უნდა შიოდეს და სწყუროდეს სიმართლე, როგორც მშიერს საჭმელი და წყურვალს სასმელი.
ადამიანს რომ მოშივდება, მას მთელი ქვეყნის სიმდიდრეს ლუკმა პური ურჩევნია. ადამიანსაც ისე უნდა უყვარდეს სიმართლე, რომ იგი მისთვის ამქვეყნად ყველაზე ძვირფასი იყოს. სიმართლისათვის მშიერთა და მწყურვალთ მაცხოვარი განძღომას აღუთქვამს, ოღონდ, რა თქმა უნდა, არა ამქვეყნად, რადგან აქ სრულ სიმართლეს ვერ იხილავენ".
/წმ. გაბრიელ ეპისკოპოსი/
"ჩემო დებო და ძმებო, ყურადღება მიაქციეთ კიდევ ერთ რამეს: დაე ნურასდროს დავიწუწუნებთ ჩვენს "სიმართლეზე". "რატომ... რისთვის?... მე ხომ მართალი ვარ"...
სინამდვილეში ეს ეგოიზმია, ეს არის თავმდაბლობის არარსებობა...
ამრიგად, მსხვერპლად გავიღოთ ჩვენი "სიმართლეც" და "უფლებებიც", რათა შინაგანი სიმშვიდე მოვიპოვოთ ჩვენშიც და... სხვებშიც".
/მონაზონი ვერონიკა/
"ღვთის ნებით ცხოვრება ნიშნავს სიმართლით ცხოვრებას"
"ღირსმა იაკობ ნიზიბიის ეპისკოპოსმა (ხს. 13/26 იანვარი) ერთხელ შეიტყო, რომ ვინმე სპარსმა მსაჯულმა უსამართლოდ განსაჯა საქმე. უბრძანა იქვე მდებარე ლოდს, უმცირეს ნაწილებად დამსხვრეულიყო, რათა ასე ემხილებინა მსაჯულის უსამართლობა. ამის მხილველნი შეძრწუნდნენ, ზარდაცემულმა მსაჯულმა კი თავისი გადაწყვეტილება სიმართლით შეცვალა".
"ქრისტიანისთვის უპირველესი და აღმატებული ფასეულობა სიმართლეა"
"ირინე ენუქიძე იყო სამაგალითო ადამიანი, ღირსეული დედა და მეუღლე. იგი, როგორც სამართლიანობისთვის თავგანწირვით მებრძოლი დედა, გარდაცვალების შემდეგ თამარ მეფის ორდენით დაჯილდოვდა".
" - ყოველთვის უნდა ვთქვათ თუ არა სიმართლე?
- სიმართლე მხოლოდ იმ შემთხვევაში არ უნდა ვთქვათ, თუ მას უბედურება მოჰყვება"
"ჯერ სიმართლე საკუთარ თავში უნდა დაამკვიდრო და მერე - სხვაში"
/დეკ. გიორგი თევდორაშილი/
"ადამიანის სამართალი სხვაა, ღვთისა კი - სულ სხვა"
"კითხვა: ჩემი შვილი სიმართლის დასამტკიცებლად ღმერთს იფიცებს. ხომ არ სცოდავს ამით?
პასუხი: აუხსენით ბავშვს, რომ ღმერთი, რომელსაც ის იფიცევს, კრძალავს ფიცს და როდესაც ღმერთს ვიფიცებთ, ამით მის ნებას გადავდივართ."
"ცოდვილ სამყაროს არ უყვარს სიმართლე. თავის დროშაზე მას ნამდვილად ეშმაკისეული წარწერა აქვს: სიმართლით ვერ იცხოვრებ!"
/მამა გიორგი სამსონიძე/
"სიმართლე თვალს ჭრის მათ, ვინც უსამართლობით ცხოვრობს"
/მამა გიორგი სამსონიძე/
"ადამიანმა უნდა იბრძოლო სიმართლისათვის, უნდა ეცადო, გადაარჩინო სიმართლე"
"ხანდახან ტყუილიც დასაშვებია, თუ ამ ტყუილზე დამოკიდებულია ადამიანის მომავალი, მით უმეტეს მისი სიცოცხლე. თუ იცრუე იმისთვის, რომ ეს ადამიანი გადაგერჩინა, ეს სიცრუედ აღარ უნდა გეთვლდებოდეს"
/პოეტი მარიკა ბარათაშვილი/
"მოგჩერებივართ ყველას, რომ მხოლოდ სიმართლე მოდიოდეს თქვენი თვალებიდან, მხოლოდ სიმართლე. იქნებ ძნელია სიმართლის გატანა, მაგრამ მაინც ეცადეთ"
/პოეტი მარიკა ბარათაშვილი/
"ყოველ ადამიანში, პირველ რიგში ვეძიებ მის შინაგან სიმართლეს,მის შინაგან ჭეშმარიტებას, რომ ის ისეთივე იყოს გარეგნულად, როგორც არის არის შინაგანად"
/პოეტი მარიკა ბარათაშვილი/
"დღეს ქვეყანა ძალიან მძიმე მდგომრეობაშია, სულიერად ცოცხალია, მაგრამ ფიზიკურად სულს ღაფავს. სანამ საქართველოში სამართლიანობა არ აღდგება და თეთრზე არ ვიტყვით, რომ თეთრია და შავზე – შავია, მანამდე არაფერი შეიცვლება."
/დეკ. გიორგი თევდორაშვილი/
"რა ბედნიერებაა, როცა კაცს თვით უფალი ღმერთი გაამართლებს"
"უსამართლობა მუდმივი არაა, უსამართლობა ყოველთვის დროებითია"
/მეუფე ანდრია (გვაზავა)/
"როდესაც სიმართლეს უდიერად ეპყრობიან, მაშინ ცხოვრებაც უკუღმართდება"
მეოთხე ნეტარება: "ნეტარ იყვნენ, რომელსა შიოდის და სწყუროდის სიმართლისათვის, რამეთუ იგინი განსძღენ"
- ისინი კი არ არიან ნეტარნი, ვისაც სიმართლის თქმა უყვარს, არამედ ვისაც შიოდეს და სწყუროდეს სიმართლისთვის, ვინც გაჭირვებასა და განსაცდელსაც აიტანს სიმართლისთვის. ეს იმას არ ნიშნავს, რომ თუ განსაცდელი არ მოგველის, სიმართლე არ უნდა ვთქვათ. სიმართლე ყოველთვის უნდა ვთქვათ, მაგრამ მაშინაც არ უნდა შევწყვიტოთ, როდესაც ამის გამო შესაძლოა მიწიერი დევნულება იქნეს ჩვენზე მოწევნული.
წმინდა მამები ბრძანებენ - ისე უნდა გვინდოდეს სიმართლის თქმა, როგორც მშიერს და მწყურვალს საჭმელი და სასმელიო. ასეთი ადამიანები განსძღებიან ღვთის სიმართლით. ღვთის სიმართლით განძღომა ხდება უფალთან ყოფნის დროს, სასუფეველში და უფალთან გონებით ყოფნის დროს დედამიწაზე. თუ ჩვენ არსად შევბრკოლდებით და არსად შეგვეშინდება სიმართლის თქმისა და სიმართლის ქმნისა, უფალი როგორც სულიერ, ასევე მიწიერ მშვიდობასა და ნეტარებასაც მოგვანიჭებს."
"იოანე ოქროპირი ამბობს, ერთ მართალ ადამიანს მთელი ქალაქის შეცვლა შეუძლია"
"სიმართლისთვის ომი საქართველოს არასოდეს არ წაუგია"
"უნდა ვისწავლოთ სიმართლის თქმა, რათა ხალხმა გაიგოს, რა არის სიმართლე"
/წმ. პორფირი კავსოკალიველი/
"როდესაც სხვას სიმართლეს ვეუბნებით, მაშინ ის სწორ მიმართულებას იღებს, ყურადღებით არის, ისმენს სხვის აზრს, თავშეკავებულია".
/წმ. პორფირი კავსოკალიველი/
"მამა ეპიფანეს ერთმა სულიერმა შვილმა შემდეგი მოგვითხრო:
– ერთხელ მონასტერში მივდიოდით მოძღვრის ერთ-ერთი სულიერი შვილის მანქანით. გზაზე მოცურება ადვილად შეიძლებოდა. მძღოლს საჭე გაექცა და ადამიანს დავეჯახეთ. ჩვენების მისაცემად უნდა წავსულიყავით ნავპლიონში. მოძღვარმა გვირჩია, მხოლოდ სიმართლე გველაპარაკა და არად ჩაგვეგდო ის ფაქტი, რომ მძღოლი ჩვენი სულიერი ძმა იყო.
მანამ დაზარალებული საავადმყოფოში იწვა, მამა ეპიფანე თითქმის ყოველდღე ნახულობდა მას. ჩვენც გვაკურთხა, რომ ამ ადამიანთან ყოველ წელიწადს მოვსულიყავით. შედეგად – ეს ადამიანი დაუახლოვდა ეკლესიას და ყოველთვის სიხარულით გვიღებდა."
"რთული და ეკლიანია სიმართლის გზა, მაგრამ მადლმოსილია, რადგან ერთადერთია, რომელსაც ადამიანი საუკუნო ცხოვრებაში მიჰყავს".
/ილია მეორე/
"სჯობს მცირედი - სამართლიანობით, ვიდრე მრავალი უსამართლობით"
"სიმართლე ისაა, რასაც დაიჯერებ"
/ელიფ შაფაქი/
"პაპამ არც კოდექსები იცოდა ზეპირად, მაგრამ მტყუან-მართალის გარჩევა არასოდეს გასჭირვებია..."
"ნუ ცდილობ ადამიანური სიმართლის მიღწევას. ეძიე მხოლოდ ღვთაებრივი სიმართლე"
/ღირსი ნიკონი/
"უსამართლობა არ გაგიკვირდეს, ის მართალ ადამიანებს აჩრდილივით დაყვება!.."
/მამა პეტრე/
"სიმართელ არის მთელი ქრისტიანობა"
/წმ. გაბრიელ ქიქოძე/
"ლოცვაში ეძიებდე სიმართლესა და ღვთის სასუფეველს"
/წმ. ნილოს სინელი/
"მოიშორეთ ადამიანური ლოგიკა, ადამიანური სიმართლე და საღმრთო სიმართლით განიმსჭვალეთ"
/ღირსი პაისი ათონელი/
"მწიგნობართუხუცესი - მას უნდა გაერჩია ობოლთა და ქვრივთა სამართალი"
"ღმერთი მართალი მოსამართლეა"
"ძველების ნათქვამია, სიმართლე ურმით დადისო, მაგრამ დარწმუნებული ვიყოთ, იგი დანიშნულების ადგილამდე აუცილებლად მივა და გულნაკლულს არავის დატოვებს"
"ერთი თვალით ღვთის გოლმოწყალებას უმზირე, მერეთი კი - მის სამართალს"
/წმ. ტიხონ ზადონელი/
"ნურავის დაუმტკიცებ, რომ მართალი ხარ. იმიტომ გებრძვიან, რომ სიმართლე არის შენს მხარეს... მოითმინე, შენს გარეშეც ყველა პასუხს აგებს!.."
/მამა პეტრე კვარაცხელია/
"უსამართლო ადამიანს ისე ვერაფერი დასჯის, როგორც საკუთარი საქციელი!.."
/მამა პეტრე კვარაცხელია/
"დღეში ერთხელ სულ გაჩერებული საათიც კი სწორად უჩვენებს! სადმე ერთ ადგილას ხომ მაინც უნდა ვიყო მართალი?"
/ლევან გოთუა/
ფსალმუნი 84
14. სიმართლე მის წინაშე ვიდოდის, და დადვას გზად სლვაი თვისი - მას შეუძლია იაროს, ვინც მართალია, - სიმართლით დადის, ვინც წრფელი გულით ემსახურება უფალს, ჭეშმარიტად უყვარს იგი და განადიდებს მას.
"ღმერთი მიუკერძოებელი და სამართლიანი მსაჯულია"
" - როგორ უნდა მოვყვეთ გაგონილი?
- თუ ყვები, უნდა მოყვე ზუსტად, სწორად, უმცირესი შელამაზების გარეშე. სიმართლე სუფთა უნდა იყოს".
/მამა ვალენტინი (მორდასოვი)/
" - ყოველთვის შეიძლება სიმართლის ლაპარაკი?
- ვინც სიმართლე იცის და დუმს, ჰგავს ცრუ მოწმეს. სიმართლეზე მხოლოდ მაშინ უნდა ვდუმდეთ, თუ მას უბედურება მოაქვს"
/მამა ვალენტინი (მორდასოვი)/
"ნუ მოექცევი სხვას უსამართლოდ, სასჯელს აიკიდებ."
/მამა პეტრე კვარაცხელია/
«გულწრფელი და პირდაპირი ის კი არ არის, ვინც სიმართლეს პირში მოგვახლის, არამედ ის, ვისაც აქვს რა სიყვარული და სიმართლით ცხოვრობს, განსჯით ამბობს იმას, რაც არის საჭირო და როცა არის საჭირო, ამისათვის აუცილებელ დროს».
წმიდა პაისი ათონელი
"თუკი სიმართლეს მისდევ, მისწვდები კიდევაც და შეიმოსავ მას, როგორც დიდების შესამოსელს"
/სიბრძნე ზირაქისა/
"ადამიანები სიმართლის მთქმელს მტერს, ორგულს და მოღალატეს ეძახიან. თავად მთელი ცხოვრება სიცრუეში იმყოფებიან, სხვასაც იგივეს აიძულებენ...
სიბინძურე და უსამართლობა არ არის განაჩენი, განაჩენი ამ ყველაფერთან შეგუებაა...
ჰოდა, არ შეეგუო... იარე დინების საწინააღმდეგოდ...
ქარიშხალიც რომ დაგემსხვრეს ფრთები, მაინც იფრინე ბოლომდე!.."
/მამა პეტრე კვარაცხელია/
"იცი თუ არა, ყმაწვილო, რომ სიმართლის თქმა უკვე ბრძოლაა?"
/გურამ ფანჯიკიძე/
"ნუ დაუმტკიცებ ვინმეს სიმართლეს, სიმართლე თავად დაამტკიცებს სამართლიანობას."
/მამა პეტრე კვარაცხელია/
"ხშირად, ყოველგვარი საჭიროების გარეშე მივახლით პირში ერთმანეთს სიმართლეს, რასაც მხოლოდ წყენა, შეურაცხყოფა და ზიანი მოაქვს"
/არქიმანდრიტი იოანე (კრესტიანკინი)/
"რაც ბოროტეულს აშინებს, სწორედ ის შეემთხვევა, მართალს კი სასურველი მიეცემა.
როცა გაივლის ქარიშხალი, აღარც ბოროტეულია, მართალი კი დაფუძნებულია სამარადისოდ"
/იგავნი სოლომონისა/
"ბოროტეული მაშინაც კი გარბის, როცა არავინ მისდევს, ხოლო მართალნი ლომებივით მშვიდად არიან"
/იგავნი სოლომონისა, 1, 28/
"ვინც მუდამ ,,მართალია”, ის ყოველთვის ცდება!.."
/მამა პეტრე კვარაცხელია/
"თუ ადამიანის სახე დაკარგე, შენი ,,სიმართლე” მხოლოდ ქარის წისქვილების დევნაა!.."
/მამა პეტრე კვარაცხელია/
"მოციქულმა ხომ თქვა, რომ ახალი ცა და ახალი მიწა მოგველის, სადაც განისვენებს სიმართლე. ესე იგი მიწაზე სიმართლე არ არსებობს. ამიტომაც ძალზე არ უნდა შეწუხდე, როცა დედამიწაზე უსამართლობას ხედავ".
"5. სიმართლე იქნება სარტყლად მის წელზე - ვინაიდან ძველად აღმოსავლეთში ადამიანები ფართო სამოსელს იყენებდნენ, ამიტომ რაიმე სახის სამუშაოს შესასრულებლად აუცილებელი იყო წელზე სარტყლის შემოჭერა. მომავალი მესია შემოირტყამს მისთვის ჩვეული სამართლიანობისა და სიწრფელის სარტყელს და შეუდგება თავის ხალხთა ხსნის საქმეს (მოღვაწეობას)".
"კაცთაგან ნუ ეძებ სიმართლეს, - გვასწავლის გლინელი მამა სერაფიმე (რომანცევი), - ნუ მოსთხოვ მათ ამას, არამედ საკუთარ თავში იპოვე და საქმით აჩვენე".
"ღმერთი რომ არა, ამდენ უსამართლობას გული ვერ დაიტევდა!.."
/მამა პეტრე კვარაცხელია/
"ერთმანეთის წინაშე შეიძლება ვიფუთებოდეთ, მაგრამ ღვთის სამართალი ყველასთვის თანასწორია!.."
/მამა პეტრე კვარაცხელია/
"მართალი ადამიანის წინააღმდეგ მთელი სამყაროც რომ დაიძრას, მთავარი მაინც მის მხარეს არის-სიმართლე და პატიოსნება!.."
/მამა პეტრე კვარაცხელია/
"სიმართლე სულის თვისებაა, რომელიც ყველას თავისას მიაგებს, ხოლო გულისწყრომა გონიერთაც ღუპავს".
/ნეტარი თეოფილაქტე ბულგარელი/
"მართალი კაცი პირველად საკუთარ თავს ადანაშაულებს"
/ნეტარი თეოფილაქტე ბულგარელი/
"სიმართლის ნაყოფი - ეს არის მარადიული სიცოცხლე, რომელიც საზღაურია მართალი საქმეებისათვის, რადგან ისინი, ვინც მშვიდობას ეძიებს, და მას მიელტვის, და საუკეთესო მარცვლებს თესავს თავის გულში, იზრდება, ირწყვება ყოველდღიური კეთილი საქმეებით და ზეციური ცხოვრების ნაყოფი მოაქვს".
/ღირსი ბედა/
"სინამდვილის ლაპარაკი ჭეშმარიტია, ხოლო, რაც სინამდვილეს არ შეეფერება, სიცრუე და უსაგნო საუბარი"
/წმ. გრიგოლ ღვთისმეტყველი/
"სიმართლეზე ძვირფასი არაფერია; უნდა ვეძიოთ იგი; სიმართლემდე კი გზა ნაბიჯ-ნაბიჯაა გასავლელი"
/ილია მეორე/
"ღმერთს სჭირდება "თავის ხატად და მსგავსად შექმნილი" ადამიანის სიმართლეც, რათა კაცის სიმართლე დაუდოს საბაბად მისსავე გამართლებას, ამ სიმართლემ დაამტკიცოს კაცის რჩეულობა"
/არქიმანდრიტი მაკარი (აბესაძე)/
"გიყვარდეს ღმერთი, - ეს ნიშნავს, მთელი გულითა და სულით გიყვარდეს სიმართლე და გძულდეს ურჯულოება"
/წმ. იოანე კრონშტადტელი/
"თუ ვინმეს უსამართლოდ მოექეცი, რად ითხოვ სამართლიანობას შენ მიმართ?"
/მამა თეიმურაზ ქორიძე/
"მხოლოდ ერთი გზა არსებობს უსამართლობის დასაძლევად - მოთმინება მომავალი სასუფევლის იმედით"
/წმ. იოანე კრონშტადტელი/
"სიმართლის საზომი ღმერთკაცია, ყოვლადმართალი. ადამიანის აზრს და სინდისს ქრისტეს გარეშე არ ძალუძს არც სიმართლის ცოდნა, არც სიმართლის ქონა"
/წმ. იუსტინე პოპოვიჩი/
"უსამართლო აუცილებლად ცოდვილი არის და პირიქით, ცოდვილი აუცილებლად უსამართლოა"
/წმ. იუსტინე პოპოვიჩი/
"შეიძლება შენ გეჩქარებოდეს, მაგრამ უფლის სამართალს თავისი დრო აქვს!.."
/მამა პეტრე კვარაცხელია/
"დიდება უფლის ძალას, მისი სახელით სამართალს ვერასდროს გავექცევით!.."
/მამა პეტრე კვარაცხელია/
"მართალი კაცი ყველგან პატივისცემას იმსახურებს"
/წმ. იოანე ოქროპირი/
"მართალიც კი ღვთის წინაშე ასე უნდა ამბობდეს: "მართალი არ ვარ".
"ვინც უსამართლოდ ექცევა სხვას და სინანულიც არ გააჩნია, სათანადოდ დაისჯება!.."
/მამა პეტრე კვარაცხელია/
ყველაზე დამნაშავე მაშინ ხარ, როცა თავი ყველაფერში მართალი გგონია!..
/მამა პეტრე კვარაცხელია/
"ყოველთვის იყავი მართალი - ყველა სიტყვაში, და მათ ფიცის სიმტკიცე ექნებათ!"
"მხოლოდ ჭეშმარიტებასა და სიმართლეზე შეიძლება დააფუძნო სიმშვიდე შენთვის და სხვათათვის"
"ერთი თვალი მიაპყარი მოწყალე უფალს, მეორე კი - მის სიმართლეს!"
/წმ. ტიხონ ზადონელი/
"როცა ღმერთთან და საკუთარ თავთან მართალი ხარ, დანარჩენი არც არის საინტერესო!.."
/მამა პეტრე კვარაცხელია/
"სიმართლე ყოველთვის ზუსტად და მიკიბ-მოკიბვის გარეშე ილაპარაკე: და შენს უბრალო სიტყვას ისე დაუჯერებენ, როგორც - ფიცს".
"მძიმეა გზა სიმართლისა, მაგრამ ისაა ერთადერთი და გადამრჩენელი და მას აცისკროვნებს ბეთლემის ვარსკვლავის ბრწყინვალება, - „ნათელი იგი, რომელი ბნელსა შინა სჩანს და ბნელი იგი მას ვერ ეწია“. (ინ. 1. 5)"
/კათოლიკოს-პატრიარქი ილია მეორე/
რაც არ უნდა გაგიჭირდეს, დარჩი სიმართლის მსახურად, შენს საკეთებელს ღმერთი დაალაგებს!..
/მამა პეტრე კვარაცხელია/
"ღმერთს ესათნოება სიმართლე, რომლის წყალობითაც, ჩვენ ვიცით, რომ ბოროტეულნი მიიღებენ საზღაურს".
/პრიმაზიუს არდუმეტელი/
"იქ, სადაც არ არის სიმართლე, არ არის ქრისტე"
/არქიმანდრიტი რაფაელი (კარელინი)/
იყავი სიმართლის მსახური, მედროვეების სასჯელი უმძიმესია!..
/მამა პეტრე კვარაცხელია/
"მთელი სამყაროც რომ გადაგეკიდოს, სიმართლეს არ უღალატო!.."
/მამა პეტრე კვარაცხელია/
"ხშირად ყოველგვარი საჭიროების გარეშე მივახლით პირში ერთმანეთს სიმართლეს, რასაც მხოლოდ წყენა, შეურაცხყოფა და ზიანი მოაქვს.
უფალო, მოგვიტევე ჩვენ, უგუნურ "სიმართლისმოყვარულებს"!"
/არქიმანდრიტი იოანე (კრესტიანკინი)/
"უფალო, მოგვიტევე ჩვენ, ცოდვილთ და გვიწყალობე შიმშილი და წყურვილი სიმართლისა აქ, მიწიერ ცხოვრებაში, რათა გულწრფელი მონანიებით განვაგდოთ ყოველგვარი სიცრუე და თავიდან ავიცილოთ საშინელი და სამართლიანი სამსჯავრო შენი, რამეთუ "ნეტარ იყვნენ, რომელთა შიოდეს და სწყუროდეს სიმართლისათვის"
/არქიმანდრიტი იოანე (კრესტიანკინი)/
"ვისთანაც არის სიმართლე,
არ დააკლდება პურიო,
არ დაეკარგვის ღმერთთან კაცს
ერთგული სამსახურიო"
/აკაკი წერეთელი/
"უმჯობესია, მცირეოდენი - სიმართლით, ვიდრე ბევრი - უსამართლობით!"
"ის, ვინც ღვთის გულმოწყალების მისაღებად არ ზრუნავს, ღვთის სამართალს თავის თავზე შეიცნობს"
/წმ. ტიხონ ზადონელი/
"ნუ გეგონება, რომ ღვთის სამართალი არ არის იქ, სადაც შენი "მახვილი" თვალი ვერ სწვდება!"
"დაუახლოვდი მართალთ და მათი საშუალებით ღმერთს მიუახლოვდები!"
/წმ. ისააკ ასური/
"ნუ ეცდები, მართალი გამოჩნდე, მაგრამ ასეთი იყავი. რამეთუ ცნობილია, რომ არასოდეს არ არის მართალი ის, ვინც ცდილობს, მართალი გამოჩნდეს"
"ის, ვინც ჭეშმარიტების სიყვარულით საკუთარ უსამართლობას აღიარებს, საეჭვოა, რომ არ აღემატებოდეს იმას, ვინც ყოველთვის მართალია (საკუთარი წარმოდგენით)!"
"მართალი მაშინ კი არ ხარ, როცა სიმართლეს ამბობ, მართალი მაშინ ხარ, როდესაც სიმართლეს ემსახურები და ეწირები მას.
სიმართლე ნაკვები უნდა იყოს სიყვარულით. სხვა სიმართლე - უსიყვარულო სიმართლე - ეს არის დემაგოგია, რომელიც სხვა მიზნისთვის გჭირდება. ეს არის ნახევრად სიამრთლე, ის რაც გველმა გააკეთა სამოთხეში: იყენებ რაღაც ფაქტს სულ სხვა მიზნისთვის"
/ბ-ნი გიორგი გვასალია/
"მოსაგრეც არ იქნება დაჯილდოებული, თუ უსამართლოდ იღვაწებს"
"საკუთარი უსაამრთლობით ღვთის სამართლიან რისხვას ნუ მოვიწევთ თავზე"
"უარს ნუ იტყვი, სამართლიანობის მსხვერპლად მიიტანო საკუთარი სიმშვიდეც, სარგებელიც, ზოგჯერ კი - მრავალი ძლიერის წყალობაც, რათა ერთი უძლური იხსნა"
"სიმართლე თვალის სინათლეაო"
"კარგია, რომ არც ძალიან გეშინოდეს უსამართლო ბრალდებებისა, მაგრამ არც სრულიად უგულებელსყოფდე მათ"
/წმ. იოანე ოქროპირი/
"რას იტყვიან ჩემზე საზოგადოებაში?" - ამბობ შენ, ნუთუ არ ფიქრობ იმაზე, რას იტყვიან შენზე ღვთის მართალნი, რომლებსაც მთელი სამყაროს განსჯის უფლება აქვთ?! "იხილონ მართალთა და შეეშინოს და მას ზედა იცინოდიან და თქუან: აჰა, ესერა კაცი, რომელმან არა ყო ღმერთი მწე მისა". აი, რას იტყვიან შენზე ისინი, და რა საშინელი სიმართლეა მათი ბაგეებიდან!"
"სიკეთის ერთ-ერთი სახეა სიმართლე"
"თუ კაცი ზომიერად მიიღებს ღვინოს, მასში სიმართლის თქმის სურვილი იღვიძებს"
"ღმერთს კი სჭირდება სიმართლე: ჩვენი გონების სიმართლე, ჩვენი გულის სიმართლე და რა თქმა უნდა, ჩვენი ცხოვრების სიმართლე"
"სიმართლე კაცთა - მიწიერია,
სიმართლე ღვთისა - ზეციურია"
"შიშველ სიმართლეს მამაცი გული სჭირდება"
/ბერი სვიმეონ ათონელი/
"როგორც უსამართლო ადამიანები ვერასოდეს გამართლდებიან, ასევე ისინი, ვინც უსამართლობას სიხარულით მიიღებენ, საუკუნო გამართლებას მიიღებენ"
/ღირსი პაისი ათონელი/
"წრფელი და პირდაპირი ის კი არ არის, ვინც "სიმართლეს პირდაპირ მიახლის", ის, ვინც ქვეყნის გასაგონად გაჰყვირის, არამედ იგი, ვისაც სიყვარული აქვს, სიმართლით ცხოვრობს, გონივრულად ამბობს იმას, რაც საჭიროა და როცა საჭიროა - იმ ჟამისთვის შესაფერისი და უცილებელი"
/ღირსი პაისი ათონელი/
"მთავარი ის კი არ არის, სიმართლე იცოდე, მთავარია სთქვა ეს სიმართლე, თუნდაც მარტო დარჩე"
/მიტროპოლიტი ილარიონი (ქიტიაშვილი)/
"სამყაროს უსამართლობაც ვერ დამჯაბნის, თუ უსამართლობა ჩემი აზრებიდან განდევნილია"
/წმ. ნიკოლოზ სერბი/
"თუ თქვენი სიმართლე ღვთის სიმართლეა, მაშინ თქვენი ძალაც ღვთაებრივი ძალაა"
/წმ. ნიკოლოზ სერბი/
"უფალი იფარავს მართალთა"
"წმინდა წერილის მიხედვით მართალია ის, ვინც ყველა მცნებას იცავს და ღმერთის საყვარელია, ე.ი. წმინდანი.
დღევანდელი მნიშვნელობით მართალია ის, ვინც უმწიკვლოა სხვებთან მიმართებით. ამგვარად იყენებდა ამ ტერმინს მამა პაისი [ათონელი]. იგი ასხვავებდა ადამიანურ სიმართლეს - როცა მოყვასს არ განვსჯით, და ღვთიურს - როცა სხვის უსამართლობას შენს საკუთარ თავზე იღებ. განიცდი სხვების სიმძიმეს, როგორც საკუთარს. დავუშვათ, ავდივართ ვინმესთან აღმართზე ხმარზე ტვირთით, სულიერი ადამიანი სხვის ტვირთსაც თვითონ აიღებს, რომ მან დაისვენოს. ეს ნიშნავს, რომ სხვის ადგილზე დავდგეთ თავად, რათა მისი გვესმოდეს. ასეთ შემთხვევაში ვემსგავსებით ქრისტეს"
"უსამართლობაზე ტკბილი არაფერია! ვინც უსამართლოდ ისჯება, ის განსჯილ ქრისტეს იღებს გულში. კამათი, ჩხუბი, უთანხმოება ხდება, რადგან თითოეული ადამიანი ამაზე მეტად იმართლებს თავს, ვიდრე იმსახურებს. შეიძლება ვინმე გამოჩნდეს დიდი სიყვარულით სავსე, ყველას უსამართლობა თავის თავზე იტვირთოს და სიმართლე სხვებს დაუტოვოს. მხოლოდ ქრისტემ აიღო ყველა უსამართლობა ამქვეყნად და ჩვენთვის ეცვა ჯვარს".
/ღირსი პაისი ათონელი/
***
/იგავი/
"ერთ აღმოსავლელ ხელმწიფეს საშინელი სიზმარი ესიზმრა: ერთი-მეორის მიყოლებით ყველა კბილი დაძვრა და დიდ ტკივილებს განიცდიდა. ამით შეწუხებულმა, გაღივძებისთანავე იხმო სიზმრის ამხსნელი; მან ყურადღებით მოისმინა და ხელმწიფეს უთხრა:
- ჩემო მბრძანებელო! ცუდი ამბავი უნდა გაუწყო, კბილების დაკარგვა და ტკივილი ნიშნავს, რომ ყველა შენს ნათესავსა და ოჯახის წევრს დაკარგავ.
ამ ახსნამ ხელმწიფე განარისხა და იგი დილეგში ჩააგდო.
ამის შემდეგ სხვა სიზმრისახმსნელს უხმო. იმანაც მოუსმინა მთელი გულისყურით და მიუგო:
- ჩემო ხელმწიფევ, კარგი სიზმარი გინახავს, - შენ უფრო დიდხანს იცოცხლებ, ვიდრე შენი ოჯახის ყველა წევრი და ნათესავი.
ხელმწიფეს გაუხარდა და უხვი საჩუქრებით გაისტუმრა.
კარისკაცები გაოცდნენ და დასაჩუქრებულს ჰკითხეს:
- შენმა წინამორბედმაც ასევე ახსნა ეს სიზმარი, მაგრამ ის დილეგში ჩასვეს, შენ კი დაგასაჩუქრეს, რაშია საქმე?
- თქვენ მართალი ხართ, ჩვენ ორივემ სწორად ავხსენით, მაგრამ მარტო სიმართლის თქმა არ არის საკმარისი, მთავარია, როგორ იტყვი ამ სიმართლეს"
ღვთაებრივი და ადამიანური სამართლიანობა
" - გერონდა, რა არის ღვთაებრივი სამართლიანობა?
- ღვთაებრივი სამართლიანობაა, როცა მოყვასისთვის იმას აკეთებ, რაც მას სიმშვიდეს მოუტანს. მაგალითად, თუ რამე უნდა გამყო შენსა და მას შორის, მიეცი არა ნახევარი, არამედ რამდენიც მას სურს. შეეკითხე: "რამდენი ნაწილი გინდა აიღო? ორ-ნახევარი, სამი? აი, აიღე!" სხვა კარგი მიეცი, შენთვის ცუდი დაიტოვე. სხვას მეტი წილი მიეცი, შენთვის ნაკლები დაიტოვე. აი, წარმოიდგინე, რომ დამ ათი ქლიავი მოგვიტანა. თუ ნაყროვანების მიზეზით რვა ქლიავს შევჭამ, შენ კი ორს დაგიტოვებ - უსამართლოდ მოვიქცევი. თუკი ვიტყვი: "რადგან ორნი ვართ, ხუთს მე შევჭამ, ხუთს შენ დაგიტოვებ" - ეს ადამიანური სამართლიანობა იქნება; ხოლო თუ ვნახავ, რომ ქლიავი მოგეწონა, მაშინ მხოლოდ ერთს შევჭამ და გეტყვი: "თუ გიყვარვარ, შეჭამე ბოლომდე, მე რაღაც არ მომეწონა, თანაც, მისგან მუცელი მტკივდება ხოლმე" - ეს უკვე ღვთაებრივი სამართლიანობა იქნება"
/ღირსი პაისი ათონელი/
"სამართლიანობას ხმელის განედლების ძალა შესწევს"
"უმაღლესი სიმართლე - ღმერთია"
/არქიმანდრიტი რაფაელი (კარელინი)/
"სჯობს სასჯელი მართლისაგან, ვიდრე პატივი ბიწიანისაგან"
/წმ. გრიგოლ ღვთისმეტყველი/
უზრუნველყოფა Invision Power Board (http://www.invisionboard.com)
© Invision Power Services (http://www.invisionpower.com)