თემის საბეჭდი ვერსია

პოსტის ავტორი: კანონისტი თარიღი: Oct 23 2007, 11:57 AM

საქმე მოციქულთა, თავი 16
1. მიიწია იგი დერბედ და ლუსტრად. და აჰა-ესერა მოწაფე ვინმე იყო მუნ, სახელით ტიმოთეოს, ძე დედაკაცისა ჰურიისა მორწმუნისაჲ და მამისა წარმართისაჲ, 2. რომელი იწამებოდა ლუსტრელთაგან და იკონიელთა ძმათა. 3. ამისი სათნო-უჩნდა პავლეს მის თანა განსლვაჲ. და მოიყვანა და წინა-დასცჳთა მას ჰურიათა მათთჳს, რომელნი იყვნეს მათ ადგილთა, რამეთუ უწყოდეს ყოველთა, ვითარმედ წარმართი იყო მამაჲ მისი.

როგორც ცნობილია, მე-15 თავში აღწერილია მოციქულთა კრება, სადაც განხილულ იქნა სწორედ წინადაცვეთის საკითხი და დადგინდა, რომ წინადაცვეთა სავალდებულო აღარ იყო არათუ წარმართების, არამედ თვით იუდეველებისთვისაც. ამის შემდეგ პავლე მოციქული წინადასცევთს მამით წარმართ ტიმოთეს, "ჰურიათა მათთვის, რომელნი იყვნეს მათ ადგილთა"!

რა განმარტება უდევს ამას საფუძვლად?

პოსტის ავტორი: death თარიღი: Oct 31 2007, 12:00 PM

პავლემ ეს იმიტომ გააკეთა რომ იუდეველები არ მოუსმენდნენ წინადაუცვეთელს. მან წინადაცვითა ტიმოთე იმის გამო რომ ყოველგვარი პრობლემების გარაშე დაეწყო ტიმოთესთან ერთად იუდეველებისთვის სწავლა ანუ წინადაცვეთის შემდეგ ტიმოთე მათთვის აღარ იქნებოდა როგორც უცხო (ის ბერძენი იყო). ფაქტობრივად პავლემ წინადაცვითა ტიმოთე იმის გამო რომ შეეჩერებინა წინადაცვეთის აუცილებლობა.

он обрезал, чтобы прекра­тить обрезание, потому что проповедовал определения апосто­лов.(იოანე ოპროპირი)

შემდეგ წერია: ეკლესიები კი მტკიცდებოდა რწმენაში და დღითი დღე იზრდებოდა მათი რიცხვი ანუ ამის შედეგი იყო ის რომ მტკიცდებოდა და იზრდებოდა ეკლესიები. პავლემ ტიმოთეს წინადაცვეთით თავიდან აიცილა ეკლესიის ზრდისათვის შემაფერხებელი პირობები. მოკლედ რომ ვთქვა პავლემ ამ წინადაცვეთით დასაბამი დაუდო წინადაცვეთის შეჩერებას.

პოსტის ავტორი: მნათე თარიღი: Oct 31 2007, 01:39 PM

წინდაცვეთით დაასრულა წინდაცვეთა...

ამ შემთხვევაში დადგა მომენტი როცა "იუდეველთან იუდეველი" უნდა ყოფილიყო..

პოსტის ავტორი: გლახა თარიღი: Oct 31 2007, 05:32 PM

კანონისტი
შენ პირადად როგორ ფიქრობ?

პოსტის ავტორი: კანონისტი თარიღი: Oct 31 2007, 06:00 PM

გლახა

ვცდილობ ასეთ საკითხებზე ჯერ წავიკითხო და მერე ვიფიქრო

პოსტის ავტორი: გლახა თარიღი: Nov 1 2007, 12:19 PM

კანონისტი

ეჭვი მეპარება შენი აზრი არ გქონდეს ამაზე...
მაშინ სახალხოდ და ხმამაღლა ფიქრს ჯობია შენთვის იფიქრო და მერე რომ ვერ მოიფიქრებ აზრი ხალხსაც ჰკითხო

პოსტის ავტორი: კანონისტი თარიღი: Nov 1 2007, 12:42 PM

გლახა
ხმამაღლა არ ვფიქრობ, ხმამაღლა დავსვი კითხვა

საერთოდ, არ იცი, რომ მართლმადიდებლებს ასეთი წესი გვაქვს - წმ. წერილს ჩვენით არ განვმარტავთ, არამედ ვეყრდნობით ავტორიტეტულ განმარტებებს და რატომ გაიკვირვე?

პოსტის ავტორი: გლახა თარიღი: Nov 1 2007, 01:25 PM

კანონისტი

მასინ რატომ მსჯელობთ ამ საკითხებზე აქ? რაიმე რომ შეგესალოთ და ღმერთი გაგიწყრეთ?

პოსტის ავტორი: დათიკო თარიღი: Nov 1 2007, 10:09 PM

გლახა

ეს განყოფილება არ არის ვარაუდების, მარჩიელობის და იქნება-არიქნებას ადგილი. ეს განყოფილება ადგილის სადაც შეგვიძლია ვისწავლოთ წმანდა წერილი წმინდა მამათა ეგსეგეზის მიხედვით.
ეს წესებშიც ნათლად არის ნათქვამი.
თუკი ვინემს არ ესმის რაიმე ადგილი წინმდა წერილიდან, ის კითხვას დასვამს და მას უპასუხებენ ისეთები ვისაც უკვე აქვს წაკითხული არსებული ადგილის განმარტება წმიდნა მემების ეგზეგეზის, ქადაგებებისა და ჰომილიების მიხედვით.

პოსტის ავტორი: Genesis თარიღი: Nov 21 2007, 03:37 PM

აზრის გამოთქმის ადგილი არ არის ჰომ?
თქვენი აზრით წმ. მამებმა განმარტება რომელი წმ. მამების განმარტების საფუძველზე დაწერეს?

ვერ გავიგე საკუთარ აზრებს რატომ გაურბიხართ ასე... მართალია წმ. მამების განმარტებაც აუცილებელია, იმისთვის რომ საკუთარი მერყევი შეხედულება აბსულუტურ ჭეშმარიტებად არ მიაჩნდეს ადამიანს... მაგრამ სჯობია ჯერ საკუთარი აზრი გააჩნდეს ადამიანს...

პოსტის ავტორი: დათიკო თარიღი: Nov 21 2007, 10:05 PM

Genesis

შენ გინდა თქვა რომ სულიწმინდის შთაგონებით შეგიძლია განმარტო სახარება?
ცხადია, აქ აზრის გამოთქმა შესაძლებელია და აუცილებელიც. მაგრამ, როდესაც სახარების განმარტებაზე მიდგება საქმე, აქ უკვე წმინდა მამათა სწავლების მოხმობა აუცილებელია, რადგან ისინი სახარებას სულიწმინდით განბრძნობილები განმარტავდნენ და ჩვენ კი თუკი საკუთარ თავს მივენდობით მხოლოდ, შესაძლებელია შეცდომა დავუშვათ და არასწორად გაგებულ სახარებას კი სადამდე მიჰყავს ადამიანი, სახეზე გვაქვს მრავალასეული სექტის სახით

პოსტის ავტორი: Genesis თარიღი: Nov 21 2007, 10:56 PM

არ მაქ პრეტენზია რომ მთლიანად სახარება განვმარტო...

მაგრამ შენ გინდა მითხრა რომ ჩემი შეხედულება ეშმაკისეულია? და თუ ამას ვერ მეტყვი... მე მწამს რომ ღმერთი იმას მომცემს, რასაც ვითხოვ და საჭიროდ ჩათვლის.

პოსტის ავტორი: დათიკო თარიღი: Nov 21 2007, 11:01 PM

Genesis

მე ეგ არ მითქვამს.
მე ვთქვი რომ ადამიანი უშვებს შეცდომებს როდესაც ის მხოლოდ საკუთარ თავს არის მინდობილი. ამისგან დაზღვეული არავინაა. ეშმაკი რა შუაშია? როცა ცდები ყოველთვის ეშმაკის ბრალი კი არ არის.

პოსტის ავტორი: Genesis თარიღი: Nov 21 2007, 11:11 PM

დაზღვეული არც წმ. მამები იყვნენ შეცდომისაგან...

თუ ამაში დამეთანხმები, მაშინ იმასაც დავძენ, რომ მაღალ საფეხურზე დაშვებული შეცდომა, უფრო მძიმეა ვიდრე დაბალზე...


თან განმარტება, არ ნიშნავს სულიწმინდის ნაკარნახევ წინასწარმეტყველებას... წმინდანის წინასწარმეტყველებაში შეუძლებელია შეცდომა იყოს ხოლო განმარტებაში შესაძლებელია

პოსტის ავტორი: დათიკო თარიღი: Nov 21 2007, 11:38 PM

Genesis

გეთანხმები.
მაგრამ ისინი იყვნენ წმინდა მამები და ჩვენ ვართ რიგირთ ფორუმელები
მითუმეტეს უნდა ვიფრთხილოთ როცა წმინდა მამებიც კი ცდებოდნენ, ჩვენ რაღა გვეთქმის?!

მაგაშიც გეთამხმები

ის განმარტება რომლითაც ჩვენ ვსწავლობთ სახარებას სულიწმინდით არის ნაკარნახევი.


ამ შემთხვევაში ჩვენ წინასწარმეტყველებაზე არ ვსაუბრობთ. არამედ სახარების განმარტებაზე.

პოსტის ავტორი: Genesis თარიღი: Nov 22 2007, 01:18 AM

განმარტება არის ადამიანის ნააზრევი...

ღვთის სიტყვა და წინასწარმეტყველება კი სულიწმინდით ნაკარნახევი...

---------------------------------------------------------------------------------------


თანაც 21 საუკუნეში ვართ... უფრო მეტი ზოგადი ცოდნა გვაქ ვიდრე შუასაუკუნეების წმიდა მამებს... შესაბამისად ჩვენ შეგვიძლია ისეთი რამეების დანახვა რასაც ვერ ხედავდნენ წმ. მამები... რომელთაც "დედამიწა ბრტყელი ეგონათ" (ზოგადად ვამბობ ამას)


მაგალითად:
მეცნიერებაში არის თეორია, რომ თუ პლანეტაზე წყალი არსებობს, შესაბამისად სიცოცხლეც არსებობს... ე.ი. სამყაროს შესაქმნელად მთავარი წყალია...

პეტრე რომელიც სულიწმინდის საშუალებით წერდა ამას, გაუცნობიერებლად... (5. რამეთუ დაავიწყდეს მათ ესე ნებსით, ვითარმედ ცანი იყვნეს პირველითგან და ქუეყანაჲ წყალთაგან და წყალთა მიერ შეიქმნა სიტყჳთა ღმრთისაჲთა. 2პეტრე 3:5)

ახლა რომელი წმ. მამა გააკეთებდა ამ მუხლის განმარტებას, ისე როგორც ამას 21 საუკუნის ცოდნა იძლევა?

--------------------------------------------------------------------------------

უეჭველი მწვალებლური აზროვნების გგონივართ... მაგრამ საქმე იმაშია, რომ ჩაკეტილი აზროვნებით და შუასაუკუნნების აზროვნებაზე დაყრდნობით, ბევრ ინტელიგენტ მრევლს კარგავს ეკლესიები... ან არადა რჩება გაორებული მორწმუნე ინტელიგენტები...


ეს გაორება კიდე ყველას ეცოდინება... ვინც განათლებასა და რელიგიას შორის განსხვავებას წააწყდა.

პოსტის ავტორი: დათიკო თარიღი: Nov 22 2007, 02:04 AM

Genesis

ცდები. განმარტებაც სულიწმინდის კარნახითაა დაწერილი, რადგან ადამიანს საკუთარი ძალისხმევით არ შეუძლია სრულად ჩავწდეს სახარების სუღრმეებს.


მწვალებლობა სრულიად სხვა რამეა და მე ასე არ მგონია ნამდვილად.
რაც შეეხება სახარების განმარტებას. ანუ მისი ნამდვილი მნიშვნელობის წვდომას, ამისთვის, დამეთანხმები ალბათ, რომ განსაკუთრებული სულიერი მდგომარეობაა საჭირო. წმინდა მამები, რომლებიც განმარტავდნენ სახარებას, ისეთ სულიერ სიმაღლეზე იყვნენ რომ სული წმინდის მადლით წვდებოდნენ სახარების სიღრმეებს. თუკი ადამიანი ფიქრობს რომ ამ წმინდა მამათა უკეთ შეძლებს სახარების წვდომას, ეს მისი ნებაა, რამდენად იქნება ეს სასარგებლო მისი სულისთვის, ეს სხვა საქმეა.
სახარება არ არის სამეცნიერო ნაშრომი, რომ დროთა განმავლობაში უფრო დაიხვეწოს მისი შესწავლა. ეს არის სასუფევლის გასაღები და მისი წვდომა მხოლოდ სულიერი თვალითაა შესაძლებელი. სულიერი ხედვა კი დროს არ ექვემდებარება.

პოსტის ავტორი: Genesis თარიღი: Nov 22 2007, 09:19 PM

მაშინ დამეხმარე კეთილო ადამიანო და ლინკი მომაწოდე სად შეიძლება წავიკითხო სულიწმინდისეული განმარტება პეტრე მოციქულის წერილებზე და გამოცხადებაზე... ასევე დაბადების პირველ ქვეთავებზეც თუ შესაძლებელია...

ეს თავებია რაც ახლა ყველაზე მეტად მაინტერესებს...
გმადლობ წინასწარ.

პ.ს. (ისეთი მინდა თუა შესაძლებელი, რომელიც არცერთ მუხლს არ ტოვებს განუმერტავს... რადგან კონკრეტული რაღაცეები მაინტერესებს)

პოსტის ავტორი: დათიკო თარიღი: Nov 23 2007, 04:59 PM

Genesis

ქართულად სამწუხაროდ ნეტში ძალაინ ცოტა მასალაა, მაგრამ რუსულად ბევრი ინფორმაციაა
აგერ რამდენიმე:
წმ. იოანე ოქროპირი:
http://www.ispovednik.ru/zlatoust/index.htm
ლოპუხინი:
http://www.lopbible.narod.ru/
ეფრემ ასური:
http://www.ispovednik.ru/sirin/sirin.htm
ნეტარი თეოფილაქტე ბულგარელი
http://www.wco.ru/biblio/tema01.htm#
http://www.wco.ru/biblio/tema01.htm#
http://www.wco.ru/biblio/tema01.htm#
http://www.wco.ru/biblio/tema01.htm#
არქიმანდრიტი იუსტინე (პოპოვიჩი)
http://www.wco.ru/biblio/tema01.htm#
ბასილი დიდი
http://www.wco.ru/biblio/tema01.htm#
აქ არის საკმაოდ დიდი მარაგი წიგნებისა
http://www.wco.ru/biblio/
ასევე აქაც
http://www.krotov.info/spravki/help/var/ind_libr.html
თუ რამე კონკრეტულად დაგჭირდება კიდევ, არ მოგერიდოს მითხარი.

პოსტის ავტორი: sarah თარიღი: Nov 24 2007, 09:24 PM

გულთამხილველმა ღმერთმა დაუმოწმა მათ სულიწმინდის მიცემით, როგორც ჩვენ მოგვცა. გამსხვავება არ არის ჩვენსა და მათ შორის,რწმენით განწმინდა მათი გულები.ახლა რატომ გინდათ გამოსცადოთ ღმერთი და ქედზე დაადგათ უღელი, რომლის ტარება ვერც ჩვენმა მამებმა ვერ შეძლეს და ვერც ჩვენ? მაგრამ ჩვენ გვწამს, რომ ჩვენ უფლის იესოს მადლით გადავრჩებით ისევე როგორც ისინი[მოც. საქმეები;15:8-11]
;უფალი სულიწმინდას აძლევს ყველას ვინც სთხოვს[ლუკას:11-13]



;
;

პოსტის ავტორი: Genesis თარიღი: Nov 24 2007, 10:41 PM

მადლობა მაგრამ... თვალები დავითხარე ამ რუსულის კითხვით... და რაც მე მაინტერესებდა იმათი განმარტებისთვის ყველას გვერდი აქვს ავლილი...
თან ამდენ ვარიანტებში კონკრეტული გამოცხადების და პეტრეს 2 წერილის განმარტება ვერ ვიპოვე... დაბადება ვნახე... და ჩემი აზრით ვერ პასუხობს ყველა შეკითხვას...

Никогда прежде не было столько лжеучителей, как в нашем злосчастном XX веке... ასეთმა წინადადებამ აღმაშფოთა... მემგონი ხელოვნურად ძაბავენ სიტუაციას... შუასაუკუნის ცრუსწავლებებს ვერაფერი გადააჭარბებს...

პოსტის ავტორი: დათიკო თარიღი: Nov 25 2007, 09:24 PM

Genesis

http://www.lopbible.narod.ru/2pe/0.htm

http://magister.msk.ru/library/bible/comment/vasilv/vasvel01.htm

პოსტის ავტორი: Genesis თარიღი: Nov 26 2007, 02:40 AM

მადლöბა სერ

ვერ ვიტყვი რომ შეცდომით აქვთქო განმარტებული... მაგრამ თავს დავდებ, უფრო ზუსტი ინფორმაცია მაქ ამ ყველაფრის შესახებ...

და რომ წერენ არაფრისგან შექმნაო... და მზე და მთვარე მე4 დღეს შექმნა... ჯერ დედამიწა შექმნაო არაა სწორი...

პოსტის ავტორი: nini_1 თარიღი: Nov 26 2007, 02:44 AM

Genesis

ხოდა დადე ეგ შენი ზუსტი ინფორმაცია, ჩვენც გაგვანათლე

პოსტის ავტორი: Genesis თარიღი: Nov 26 2007, 03:23 AM

ჯერ ცოტახანი დავრჩები ამ ფორუმზე და 90% რომ მექნება ვორნი მაშინ დავდებ

პოსტის ავტორი: დათიკო თარიღი: Nov 26 2007, 07:41 PM

თემას დავუბრუნდეთ

პოსტის ავტორი: dzvelmartlmadidebeli თარიღი: Jul 11 2010, 06:43 PM

წმინდა წერილის განმარტება ძალზედ მნიშვნელოვანი საკითხია. ღმრთის სიტყვაში გადმოცემული ჩვენი ცხოვნების საქმე საიდუმლოა არა მარტო ჩვენთვის, მოკვდავ კაცთათვის, არამედ ანგელოზთათვისაც (შეად. 1 პეტრე 1:12). მაგრამ წმიდა წერილი არც ისე ადვილად წვდომადია. ხორციელთ ის ხორციელად ესმით, სულიერთ სულიერად. რაც უფრო სულიერია ადამიანი, ანუ რაც უფრო დაუთრგუნავს მას ხორციელი ვნებები, მით უფრო შემოსილია საღმრთო მადლით და ამიტომაც წმიდა წერილის წვდომის მეტი შესაძლებლობა გააჩნია. წმიდა მამათა განმარტებები იმიტომაც არის უპირატესობის მქონე (ჩვეულებრივ კაცთა ან ინტელიგენტთა და მეცნიერთა განმარტებებისგან განსხვავებით), რომ ისინი სულიწმიდის მიერ მეტყველებდნენ და ძალუძდათ წმიდა წერილში წვდომა იმ ზომით, რა ზომითაც მკვიდრობდა მათში მადლი ღმრთისა. ეს კი, როგორც უკვე ვთქვი, მამათა სულიერ ღვაწლზე, მათ მიერ ხორციელ ვნებათა დათრგუნვასა და სულის განათლებაზე იყო (და არის) დამოკიდებული. ამიტომაც იმ მართლმადიდებელ ქრისტეანთათვის, ვისაც არა თუ სულიერი სრულყოფის მწვერვალებისთვის არ მიუღწევია, არამედ ელემენტარულად, მარხვებს არ იცავს, არ ლოცულობს, არ ეზიარება და საერთოდ, არ ცხოვრობს ღმრთის მცნებების მიხედვით და ოდენ, კაბინეტური "განათლების" ამარა ცდილობს წაიფილოსოფოსოს წმიდა წერილზე, გარანტირებულად შეგვიძლია ვთქვათ, რომ ვერასოდეს ჩასწვდება წმიდა წერილს და ყოველთვის დასვამს ისეთ შეკითხვებს, რომელიც მართლმადიდებელთათვის ღიმილის მომგვრელია. მაგალითად, ერთმა იკითხა: "წმიდა მამებმა რომელი წმიდა მამებისგან ისწავლეს წერილის განმარტება?"

ამ ადამიანს ჰგონია, რომ "წმიდა მამების მიხედვით" წერილის განმარტება არის ერთგვარი მექანიკური მოცემულობა, რომლის მიმართაც ხშირად აპელირებენ მართლმადიდებლები. და რაკიღა ასეა მისთვის, მაშინ შეკითხვაც "ლოგიკურია": "რომელი წმიდა მამებისგან ისწავლეს წმიდა მამებმა წერილის განმარტება?"

მართლმადიდებელთა პასუხი კი ასეთია: ყველა წმიდა მამა სულიწმიდისგან სწავლობს წერილის განმარტებას. და იმ შემთხვევაშიც კი, როდესაც ერთი წმიდა მამა მასზე უადრეს მამათაგან სწავლობს, სულიწმიდისგან სწავლობს, რადგან პირველ მამებამდე, (მაგალითად, მოციქულებამდე) თუ ჩავალთ, მათი მოძღვარი ვინღა იქნება? ცხადია ქრისტე, ვინც მისი ამქვეყნად ცხოვრების დროს ასწავლიდა მოციქულებს და სულიწმიდა, რომელიც მან მოუვლინა თავის მოწაფეებს და უთხრა, რომ მისგან ემცნობოდათ ყოველივე.

თუ ვინმემ რამე ვერ გაიგო, შემატყობინოს და გავაგრძელებ.

პოსტის ავტორი: marine თარიღი: Jul 7 2021, 12:44 PM

"ქრისტეს დროსაც კი ხორციელი წინადაცვეთა უკვე ზედმეტი იყო, რადგან ქრისტესთან ერთად მოვიდა ჭეშმარიტი წინადაცვეთა, რომლის წინასახესაც წარმოადგენდა უწინდელი, ხორციელი წინადაცვეთა"

/წმ. ეპიფანე კვიპრელი/

პოსტის ავტორი: marine თარიღი: Jul 7 2021, 08:15 PM

"რამდენადაც წინადაცვეთილებაც და წინადაუცვეთელობაც ერთსა და იმავეს ღმერთს უკავშირდება, ქრისტეში ერთმაც და მეორემაც დაკარგა თავისი მნიშვნელობა რწმენის პრიორიტეტის ძალით, რომლის შესახებაც დაწერილია: "და მისი სახელი სასოებად ექნება ხალხებს" (მთ. 12:21)"

/ტერტულიანე/

პოსტის ავტორი: marine თარიღი: Aug 15 2021, 08:13 PM

"მორწმუნეები თავად წინადაიცვეთენ საკუთარ თავს გულში, წარიკვეთენ რა ურწმუნოების ბინდს".

/ამბროსიასტე/

პოსტის ავტორი: marine თარიღი: Aug 22 2021, 06:38 PM

"ტიმოთესადმი მეორე ეპისტოლედან ვიგებთ, რომ დედამისს ევნიკე ერქვა, ხოლო დიდედას ლუდია (2 ტიმ.1.5). ორივე კეთილმორწმუნე ქრისტიანები იყვნენ, რომლებიც გალატეაში პავლე მოციქულის პირველი მოგზაურობის დროს მოექცნენ. ტიმოთეს მამა წარმართი იყო და ტიმოთეს, როგორც მამით წარმართს, მოსეს რჯულისაგან განდგომა არ გასჭირვებია, მიუხედავად იმისა, რომ დედა და ბებია სწორედ ამ რჯულით ზრდიდნენ მას. იმისათვის, რომ იუდეველები არ დაებრკოლებინა, პავლე მოციქულმა ტიმოთეზე წინადაცვეთის წესი დაუშვა".

/"ბიბლია განმარტებებით, აახალი აღთქმა", ტ.24 გვ. 245/

პოსტის ავტორი: შამხაზაი თარიღი: Jul 16 2023, 05:26 PM

რის გამო და იმის გამო, რომ მოციქულთა კრება კი არა, ანგელოზთა კრებაც კი ვერ გააუქმებს ღვთის სამარადჟამო მცნებას თაობიდან თაობამდე, იცოდა ეს შაულმა და ისიც, რომ წინადაუცვეთელ გოის არ მოუსმენდნენ იუდეველები.