ცილისწამების მსხვერპლნი პარამეტრები

[marine]

"თითქმის ყოველი ჩვენგანი ვყოფილვართ, ან დღესაც ვართ ცილისწამების მსხვერპლნიც და, რაოდენ სამწუხაროც არ უნდა იყოს, ნებსით თუ უნებლიედ, - ცილისმწამებელნიც:

თუ ვინმე იტყვის, რომ მას არასოდეს არავისთვის ცილი არ დაუწამებია, მაშინ გაიხსენოს, რამდენჯერ გაუმეორებია ესა თუ ის ჭორი ამა თუ იმ პიროვნების შესახებ მოსმენილი თუ პრესაში ამოკითხული, ჭორი, რომელიც სახესხვაობაა სიცრუისა, რომლის მამაც ეშმაკია და რომლის ერთ-ერთი სახელი სწორედ "ცილისმწამებელია".

/აკაკი მინდიაშვილი/

[marine]

"წმ. დავით წინასწარმეტყველის თქმით, ცილისმწამებელს - ამ სასტიკ ბოროტმოქმედს - ღმერთი ესვრის ისარს და მეყსეულად დააწყლულებს"

/აკაკი მინდიაშვილი/

[marine]

"თუკი შენ მოითმენ ცილისწამებას და ამის შემდეგ გამოაშკარავდება, რომ შენი სინდისი სუფთაა, ნუ აიმაღლებ თავს, არამედ სიმდაბლით ემსახურე ღმერთს, რომელმაც გაგათავისუფლა ადამიანური ცილისწამებისგან, რათა საბრალო მსხვერპლად არ ქცეულიყავი"

/ღირსი ეფრემ ასური/

[marine]

"უნდა ვილოცოთ ყველასთვის, ვინც ჩვენზე ავს ამბობს და ვთხოვოთ ღმერთს, რომ მიანიჭოს მათ სინანული, განათლება და სიმრთელე. ჩვენ ამ ადამიანების მიმართ არანაირი სიძულვილი არ უნდა დავიტოვოთ საკუთარ თავში. მხოლოდ და მხოლოდ განსაცდელის შედეგად დაგროვილი გამოცდილება უნდა შემოვინახოთ. უნდა მოვიშოროთ მთელი სიმწარე (წყენა და სიძულვილი) და გვახსოვდეს ღირსი ეფრემ ასურის სიტყვები: "თუკი შენ ცილისწამებას დაითმენ და ყოველივე ამის შემდეგ გამოაშკარავდება, რომ სინდისი სუფთა გაქვს, ნუ გაამპარტავანდები, არამედ, სიმდაბლით იღვაწე უფლისათვის, რომელმაც კაცთა ცილისწამებიაგან გიხსნა"

/ღირსი პაისი ათონელი/

[marine]

"უნდა ვილოცოთ ყველასთვის, ვინც ჩვენზე ავს ამბობს და ვთხოვოთ ღმერთს, რომ მიანიჭოს მათ სინანული, განათლება და სიმრთელე. ჩვენ ამ ადამიანების მიმართ არანაირი სიძულვილი არ უნდა დავიტოვოთ საკუთარ თავში. მხოლოდ და მხოლოდ განსაცდელის შედეგად დაგროვილი გამოცდილება უნდა შემოვინახოთ. უნდა მოვიშოროთ მთელი სიმწარე (წყენა და სიძულვილი) და გვახსოვდეს ღირსი ეფრემ ასურის სიტყვები: "თუკი შენ ცილისწამებას დაითმენ და ყოველივე ამის შემდეგ გამოაშკარავდება, რომ სინდისი სუფთა გაქვს, ნუ გაამპარტავანდები, არამედ, სიმდაბლით იღვაწე უფლისათვის, რომელმაც კაცთა ცილისწამებიაგან გიხსნა"

/ღირსი პაისი ათონელი/

[marine]

"წმინდა ნიკოლოზი ასევე ითვლება მცველად და მფარველად უდანაშაულოდ განსჯილთა და ცილისწამების მსხვერპლთა"

[marine]

"შევუნდოთ ერთმანეთს წრფელი გულით - ერთმანეთის გამომცდელებმა მტრის ცილისწამებით"

[marine]

"აბბა ესაია ამბობს: თუკი გზად შემოგეყრება ვინმე, ვინც ბრალს გდებს, ან ცილს გწამებს, ან თუ სტუმრად გეწვევა ასეთი - გახარებული და კეთილი სახით შეეგებე და არაფერი უთხრა შენ წინააღმდეგ ცილისწამების შესახებ"

/არქიმანდრიტი ემილიანე (ვაფიდისი)/

[marine]

"წმიდა მამები ამბობდნენ: "ნუ შეგრცხვება შეაწყვეტინო ცილისმწამებელს, რადგან მისი მოსმენით თანამონაწილე ხარ ცილისწამებისა"

[marine]

"არის კიდევ ერთი სახეობა ცილისწამებისა - ესაა ცილისწამება გარდაცვლილთა მიმართ. ჩვენს გვერდით მცხოვრებ ადამიანთა შეფასება მეტად არასაიმედოა, ხოლო მათზე მსჯელობა ზედაპირული და ცალმხრივი. ყოველივეს მიუხედავად დარწმუნებით განვიკითხავთ და განაჩენი გამოგვაქვს იმათთვის, ვინც ასწლეულის წინ ცხოვრობდა, ანუ არა მხოლოდ ცოცხლებს ვწამებთ ცილს, არამედ განსვენებულებსაც. სულიერი თვალსაზრისით ცილისწამება - ეს მკლელობა და ქურდობაა: მკლელობა ადამიანის კეთილი სახელისა და ქურდობა მისი ღირსებისა. ცილისწამებით მას მოყვასიდან უცხოდ ვაქცევთ, ჩვენს თავს მისი სიყვარულის საშუალებას ვტაცებთ, იმას, რაც ქრისტემ დაგვიწესა და მისტიკური მნიშვნელობით ძმათაკვლას ჩავდივართ"

/არქიმანდრიტი რაფაელი (კარელინი)/

[marine]

იგავი ცილისმწამებელზე

"ერთ სოფელში ცხოვრობდა ორი მეზობელი - ლუკა და ილია. ლუკა ვერ იტანდა ილიას, რადგან ილია იყო მართალი, მშრომელი ადამიანი, ლუკა კი - ლოთი და ზარმაცი. სიძულვლით დაბრმავებულმა ლუკამ სასამართლოში დაასმინა ილია, რომ მან მეფეზე აუგად ილაპარაკა. ილია თავს იცავდა, როგორც შეეძლო, დაბოლოს, მიუბრუნდა ლუკას და უთხრა: "უფალი ღმერთი თვითონ გაამჟღავნებს შენს სიცრუეს ჩემ მიმართ". ილია სასამართლომ გაამწესა საპატიმროში, ლუკა კი დაბრუნდა სახლში. თავის სახლს რომ მიუახლოვდა, ტირილი შემოესმა სახლიდან. საშინელი წინათგრძნობისაგან ძარღებში სისხლი გაეყინა, ვინაიდან გაახსენდა ილიას წყევლა. შევიდა სახლში და ხედავს, მისი მოხუცი მამა ჩავარდნილა ცეცხლში და დაუწვავს თვალები და მთელი სახე. როდესაც ეს ლუკამ დაინახა, გაშეშდა. არც ლაპარაკი შეეძლო და არც ტირილი. გამთენიისას გავარდა სასამართლოში და გამოაცხადა, რომ ცილი დასწამა ილიას. სასამართლომ იმწამსვე გამოუშვა ილია, ლუკა კი დასაჯა ცილისწამებისათვის.

აი, მაგალითი, თუ როგორ შეუძლია შენს მოყვასს გამოაშკარავოს შენი ცრუ მოწმობა"

/წმ. ნიკოლოზ სერბი/

[marine]

"თუ ძმის ან დის შესახებ რაიმე ცუდს იტყვი, თუნდაც ეს სიმართლე იყოს, შენ ამით საკუთარ სულს განუკურნებელ ჭრილობას მიაყენებ. სხვისი შეცოდებების გამხელა მხოლოდ იმ შემთხვევაში შეიძლება, როდესაც შენს გულში ერთადერთი განზრახვაა - სარგებელი მოუტანო შემცოდებელის სულს"

/ღირსი ნიკონი/

[marine]

"ჩვენ, მორწმუნეები, ჩვენდამი მტრულად განწყობილი ადამიანების გულს ვერასდროს და ვერანაირად მოვიგებთ.

თუმცა, თუ ცილს დაგვწამებენ, ჩვენთვის მადლია, რადგან, რაც აქ მეტს დავითმენთ, მით ნაკლების დათმენა მოგვიწევს განკითხვის დღეს"

/პროტოპრესვიტერი ოლეგ სტენიაევი/

[marine]

"რამდენი ადამიანი აჰყოლია ამაო ხმებსა და ცილისწამებას! მრავალ უკეთილშობილეს, უჭკვიანეს კაცსაც კი ამ მიზეზით უდიდესი ბოროტმოქმედებები ჩაუდენია, რის გამოც ავისმოსურნისა და უკეთურის იარაღად ქცეულა. რატომ ხდება ეს? იმიტომ, რომ მათ დაივიწყეს ყოველი სათნოების საფუძვლის - ღმერთის სათნო განსჯის არსებობა, განსჯის დავიწყებას კი თავისთავად მოსდევს განუსჯელი მოქმედება. კაცობრიობის ისტორია ნათლად მოწმობს, რომ კეთილშობილ კაცთა ბოროტმოქმედებანი განუსჯელი ანუ წინასწარი განსჯის გარეშე ჩადენილი მოქმედებანი იყო"

/წმინდა მღვდელმთავარი ეგნატე ბრიანჩანინოვი/

[marine]

"უგუნურ, ქარაფშუტა, უძლურ სულს სჩვევია ადვილად მიენდოს ცილისმწამებელთა სიტყვებს, განურისხდეს მას, ვისაც ბრალი დასდეს, შურისძიება ჩაიდოს გულში ისე, რომ არ გამოიძიოს, სამართლიანად შეასმინეს თუარა კაცი. ხშირად ხდება, რომ ბოროტის გესლი სათავეს უდებს მითქმა-მოთქმას, ზერელე კაცთა მიამიტობა კი ხელს უწყობს მის გავრცელებას"

/წმინდა მღვდელმთავარი ეგნატე ბრიანჩანინოვი/

[marine]

"საყვირი ყოველთვის ითხოვს მელოდიას ანუ მოტივს, ასევე მრავალსიტყვაობა ყოველთვის ითხოვს ცილისწამებებს"

/ღირსი ნილოს ათონელი, მირონმდინარე/

[marine]

"ლოცვითი ღვაწლის მსურველო! მანამ, სანამ ამ ღვაწლს შეუდგებოდე, შეეცადე შეუნდო ყველას, ვინც კი გაწყენინა, ცილი დაგწამა,შეურაცხგყო, ყველას, ვინც კი რაიმე, რაც არ უნდა იყოს, ბოროტი შეგამთხვია"

/წმ. ეგნატე ბრიანჩანინოვი/