განსაცდელი, ვისაუბროთ პარამეტრები

[marine]

"წმინდა მამა ეგნატე ბრიანჩანინოვი ამბობს, როცა ბავშვი ვერ ლაპარაკობს და ტირის, დედა ვალდებულია, გაუგოს, რა სტკივა, უმკურნალოს და მოუაროსო. ღმერთთან არ არის საჭირო ბევრი ლაპარაკი; მთავარია, შენი სულის შემუსვრილება დაანახო, მერე აუცილებლად მოგიშუშებს ტკივილს, ჩვენ კი ხშირად არასწორად ვიქცევით."

/დეკ. ტარიელ ჟღენტი/

"განსაცდელს, ტკივილს ზოგჯერ განმწმენდელი მნიშვნელობა აქვს"

[marine]

"დიდი ტკივილისგან ადამიანი ნამდვილი ხდება"

[marine]

წმინდა იოანე კაბისაღმწერელი გვირჩევს წარმოვთქვათ: "დიდება შენდა, ღმერთო ჩემო, მოვლენილი მწუხარებისთვის; ამას ჩემი ცხოვრებით ვიმსახურებ: მომიხსენე მე სასუფეველსა შენსა!"



"მე სასოწარკვეთილებამ მიმიყვანა და დამტოვა ტაძარში. ახლა მადლობას ვწირავ უფალს ჩემზე დაშვებული იმ განსაცდელისთვის, რადგან სწორედ ასე მიჩვენა ჭეშმარიტი გზა..."

/ნიკოდიმოს მთაწმინდელი/

[marine]

"როცა განსაცდელისას აშკარად ქრება მადლის სიახლოვის შეგრძნება, შფოთი იზრდება. ადამიანი განსაკუთრებით შიშით ლოცულობს".

[marine]

"როგორც მწარე აბიზნდაა სასარგებლო მათთვის, ვისაც მადა აქვს დაკარგული და საჭმელი ეზიზღება, ასევე ავზნიანთათვის სასარგებლოა განსაცდელები".

/წმ. ისიხი იერუსალიმელი/

[marine]

"მიწაზე ცხოვრება უკვე განსაცდელია".

[marine]

"ხშირად ადამიანები საკუთარ წარუმატებლობას აბრალებენ უფალს. ღმერთზე ჩივილი ძალზედ დიდი ცოდვაა, რისთვისაც იგი ხალხს სჯის. როდესაც ღმერთზე აუგს ვამბობთ, ბოროტი ძალა ამრავლებს ჩვენს მწუხარებებს ანუ უფრო მეტად მძაფრდება ჩვენში ის მწუხარებები, რომლებსაც განვიცდით. ამას იმიტომ აკეთებს ეშმაკი, რომ ჩვენ უფრო მეტად ვაძაგოთ უფალი. ის ადამიანები, რომლებიც მადლობენ უფალს და ხვდებიან რომ მოვლენილი გაჭირვება მათსავე სასიკეთოდაა დაშვებული ღმერთის მიერ, იმარჯვებენ მაცდურზე და ისიც ნაცემი ძაღლივით განეშორება მათ."

[marine]

"ჩვენ რეალურად ისეთები ვართ, როგორც განსაცდელში ყოფნისას ვიქცევით... დღეს მშვიდობაა... ან - მშვიდობის სახით დამდგარი უდიდესი ბრძოლა, სადაც ყველანი ისეთები ვართ, როგორებიც გვინდა, რომ ვჩანდეთ... განსაცდელში კი შეთითხნილი ნიღაბი ყოველთვის სადღაც ეკარგება კაცს და არის ის, რაც არის... ზოგჯერ მორწმუნეებსაც გვავიგწყდება, რომ ღვთის წინაშე ნიღბით ვერ წარვდებით, რომ მოძღვრისთვის თვალის ახვევა უფლის მოტყუებას არ ნიშნავს... რომ ყოველი სიტყვა, რომელიც გვითქვამს, ჩვენდა საცხოვნებლად ან დასასჯელად დაგვიხვდება წინ..."

/მღვდელი დავით ოქრუაშვილი/

[marine]

"რაც მეტი იყო განსაცდელი, მით მეტი იყო მადლი"

[marine]

"მამათა ცხოვრებიდან ერთი მეტად საინტერესო ამბავი მაქვს ამოკითხული:

შაბათ დღეს, მოწყალების მისაღებად, სადღაც მრავალმა გლახაკმა მოიყარა თავი. მათ შორის იყო ერთი ძალზედ გაჭირვებული, ღატაკი კაცი. მას არაფერი გააჩნდა ერთი ძველი ჭილობის მეტი, რომლის ნახევარს ზემოდან იფარებდა, ნახევარი კი ქვემოთ ჰქონდა, ქვეშაგად დაგებული.

იმ დროს საშინელი ყინვები იდგა იქ. ღამით მოსაშარდად მოუწია მას გასვლა მოშორებით. დიდი სიცივის გამო კანკალებდა, ამიტომ მალე დაბრუნდა თავის ადგილას, დაწვა და შეციებულმა დაუწყო თავს გამხნევება და ნუგეშისცემა სიტყვებით:

"გმადლობ, უფალო, რომ მრავალს ამჯობინე ჩემი თავი, რამდენია მდიდარი და შეძლებული, ციხეში დაპატიმრებული და ბორკილდადებული, რომელთაც თავისუფლად არ შეუძლიათ გადადგმა ერთი ნაბიჯისაც კი. რამდენია საშინელ სნეულებებში ჩავარდნილი, რომ არაფრის გაკეთება არ ძალუძთ თავისით. მე რით გადაგიხადო, უფალო, ამ დიდი წყალობისთვის, რომ ვარ თავისუფალი, შემიძლია მოსვენებით გავშალო ფეხი და ვიმოქმედო ჩემი სურვილის მიხედვით. დიდება შენ, უფალო, ამისთვის".

როგორ უნუგეშობასა და გასაჭირშიც არ უნდა ჩავარდეს კაცი, რაღაც ღვთიური სიკეთე მაინც უნდა მოიძიოს თავში და ამით უნდა ადიდოს შემოქმედი და ღვთის იმედით გაძლიერებულმა უნდა გადაიტანოს გასაჭირი".

/მიტროპოლიტი ზოსიმე/

[marine]

"ღმერთი რომ განსაცდელს მოგივლენს, უნდა გიხაროდეს"

/წმ. გაბრიელ ბერი/

"თუ არაფერი აწუხებს კაცს, იტყვის - ღმერთი რად მინდაო"

/წმ. გაბრიელ ბერი/

[marine]

"ადამიანები ხშირად ამბობენ: რისთვის გავჩნდი - ტანჯვისთვის? ყველგან მწუხარება და განსაცდელია. განსაცდელშიც საღმრთო სიყვარულის განგებულება დევს, რათა შემდეგ ღირსი გახდე მარადიული ცხოვრებისა".

/მეუფე ეფრემი (გამრეკელიძე)/

[marine]

"იმისთვის რომ ჩვენი ამპარტავნება დამდაბლდეს, უფალი დაუშვებს იმას, რომ განსაცდელი მოვიდეს ჩვენზე".

/მამა მათე (ვაშაყმაძე)/

[marine]

"ნეტარ-არს, რომელიც არ დაბრკოლდება მაშინაც კი, როცა ვერ ხედავს გამოსავალს".

[marine]

"ადამიანს ცხოვრებაში განსაცდელები ეგზავნება, რათა გამოვლინდეს ის, რაც მისი გულის სიღრმეშია დაფარული; ისინი ააშკარავებენ სულის შინაგან სახეს, რომელიც ხშირად თავად მისთვისაც უცნობია. განსაცდელები და სიძნელეები ცხადყოფენ, ვინ ვართ ჩვენ სინამდვილეში".

/არქიმანდრიტი რაფაელი (კარელინი)/

[marine]

"წმიდა ვალრაამისა და იოასაფის ცხოვრებაში არის იგავი: მეფე ხსნის ორ სკივრს: არავინ იცის, რა დევს მათში. ერთში აღმოჩნდება ოქრო, მეორეში - ხრწნილება. განსაცდელი გასაღებივით ხსნის ადამიანის სულის საუნჯეს და სხივივით აცისკროვნებს მისი სულის სიღრმეს. რა სუფევს იქ, რა მოიმუშაკა ადამიანმა, ვისთან არის, ქრისტესთან თუ ბელიართან?"

/არქიმანდრიტი რაფაელი (კარელინი)/

[marine]

"განსაცდელი უფლისგან არის წარმოგზავნილი, რათა ადამიანმა უფრო მეტი იფიქროს, უფრო მეტი განიცადოს, უფრო უკეთ დაინახოს საკუთარი თავი."

[marine]

"უფალი, რომელსაც სურს "ყოველთა ცხოვრება და მეცნიერებასა ჭეშმარიტებისასა მოსლვა", ყოველი გზით ცდილობს ჩვენს გადარჩენას და როცა სხვაგვარად ვერაფერს ხდება, განსაცდელს უშვებს ჩვენზე, თანაც - სწორედ იმ საგნის გამო, რომლის მიმართაც "განსაკუთრებული" სასოება გვაქვს. უშვებს, რომ იმედი გაგვიცრუვდეს, მივხვდეთ სააქაო ფასეულობათა წარმავლობას და გონს მოვეგოთ. განსაცდელი საუკეთესო საშუალებაა პიროვნების დასამდაბლებლად.
თუმცა ბევრი ვერც ამას მოჰყავს გონს. მიწიერის მოიმედენი საბოლოოდ მაინც განიცდიან იმედგაცრუებას, მაგრამ, სამწუხაროდ, მეტისმეტად გვიან."

/დეკ. გრიგოლ კუმელაშვილი/

[marine]

"ასეთი ტანჯვა უნდა გამევლო, უფალო, რომ შენთან მოვსულიყავი? არადა რა ახლოს ვიდექი წარწყედასთან!..."

[marine]

"ღმერთზე ჩივილი მეტად დიდი ცოდვაა... როცა ღმერთზე ვდრტვინავთ, ეშმაკი ამრავლებს ჩვენს მჭმუნვარებას. რისთვის? - რათა ჩვენ უფრო მეტად ვიდრტვინოთ ღმერთზე, მაგრამ მათ, ვინც მადლობელია უფლისა შეგონებისა და დასჯისთვის, ის განეშორება, როგორც ნაცემი ძაღლი".

/დეკ. დავით ციცქიშვილი/