განკითხვა, რა არის განკითხვა?! პარამეტრები

[marine]

"ჩვენ ახლებურად უნდა დავინახოთ ადამიანიც, იმიტომ რომ ძალიან ადვილად ვხედავთ მოყვასის ნაკლულოვანებებს და ადვილად განვიკითხავთ ერთმანეთს, გულს ვატკენთ ამით. ამიტომ ჩვენ ადამიანშიც უნდა დავინახოთ ხატება ღვთისა, ეს დიდი სიწმინდე და ვისწავლოთ მოკრძალებული და მოწოწებული დამოკიდებულება ყველა ადამიანის მიმართ, ვინც ჩვენ გარშემო არის"

/მიტროპოლიტი შიო (მუჯირი)/

[marine]

"განკითხვა - ამპარტავნების ერთ-ერთი გამოვლინებაა. ეს არის ვნება, რომელიც არარაობას საშუალებას აძლევს სხვების ლაფში გასვრით თავი მოიწონოს. ხშირად ადამიანები თავს სწორედ განკითხვისთვის იყრიან. როგორ გამოუცოცხლდებათ ხოლმე სახეები, თვალები როგორ აღტაცებით უელავთ, როცა სხვების სისუსტეებზე და მანკიერებებზე საუბრობენ! როგორი ზეიმით მოაქვთ სიახლეები თავიანთ მეზობლებზე, როგორც ნადავლი საერთო სუფრაზე! თითქმის ყოველთვის, სხვების განმკითხავები და ცილისმწამებლები, თავის იმით იმართლებდნენ, რომ "სიმართლისათვის იბრძვიან", სინამდვილეში კი ეს არა მანკიერების განკითხვა, არამედ თვითმოსამართლე ცილისმწამლების პათოლიგიური შინაგანი სიბილწეა. ასეთები ხორციან დახლზე მცოცავ ბუზებს, ან ლეშის მწამელ მატლებს ჰგვანან"

/არქიმანდრიტი რაფაელი (კარელინი)/

[marine]

"საკუთარი თავი დაიცავი, ხოლო სხვის დაცემაზე ნუ გაიცინებ"

/წმ. გრიგოლ ღვთისმეტყველი/

[marine]

"- იცით, რა დამემართა ერთხელ? მე ნაცნობთან ერთად წავედი მსახურებაზე მონოდენდრის მონასტერში, კონიციდან დაახლოებით ფეხით ცხრა საათის სავალზე. ტაძარში ჩემი ნაცნობი დადგა მგალობლებთან, მე კი უკან დავდექი და მათთან ერთად ვგალობდი. გარკვეული დროის შემდგომ ტაძარში შემოვიდა საკმაოდ ახალგაზრდა ქალი, შავი ტანსაცმლით, ჩემს გვერდით დადგა და დამიწყო გულდასმით დათვალიერება. მიყურებს და პირჯვარს იწერს, მიყურებს და პირჯვარს იწერს... მე გავბრაზდი.

"რა ჭირს ამ ქალს? რას მიყრებს დაჟინებით?" - მე ჩემს დებსაც არ ვუყურებდი ქუჩაში, როცა ისინი გვერდით ჩამივლიდნენ. ისინი სახლში დედაჩემთან მსაყვედურობდნენ: - არსენმა (ხუცესი პაისის საერო სახელი) დაგვინახა და გვერდით ჩაგვიარა.

- განა ასე შეიძლება?! - მეუბნებოდა მერე დედა, - ქუჩაშI შენს დებს ხვდები და არ ესალმები.

- ყველას ხომ არ შევხედავ, ჩემი და არის თუ არა? ჩვენ ბევრი ნათესავი გყვავს, - ვპასუხობდი მე (ბერ პაისის ჰყავდა შვიდი და-ძმა). მეტი საქმე არ მაქვს.

აი, ასეთ უკიდურესობაში ვვარდებოდი: დებს გვერდით უჩუმრად გავუვლიდი ხოლმე.

და აი, დამთავრდა თუ არა ლიტურგია ამ შავოსანმა ქალმა თავისთან სახლში დამპატიჟა. როგორც აღმოჩნდა, მე ძალიან ვგავდი მის ომში დაღუპულ ვაჟს. აი, თურმე რატომ მიყურებდა ასე დაჟინებით ეკლესიაში და პირჯვარს იწერდა: - მე მას შვილს ვაგონებდი. მე კი მას განვიკითხავდი: - რა უსირცხვილო ქალია, როგორ მიყურებს ეკლესიაში მეთქი. მე ძალიან ცუდად ვგრძნობდი თავს ამ შემთხვევის შემდეგ. - რეებს ფიქრობ? ქალმა შვილი დაკარგა, მას რამხელა განსაცდელი აქვს და შენ კიდევ რეებს ფიქრობ?- ვუთხარი ჩემს თავს.

სხვა დროს მე განვიკითხე ჩემი ძმა, რომელიც ჯარში მსახურობდა. მისმა უფროსმა მითხრა: - შენს ძმას კარაქით სავსე ორი ბიდონი მივეცი, სად წაიღო? მე გამახსენდა, რომ ჩემს ძმას სახლში ჯარის მეგობრები მოჰყავდა ღამის გასათევად. - როგორ გააკეთა ასეთი რამ? სხვისი კარაქი როგორ აიღო? - ვფიქრობდი მე. ავდექი და ძმას მკაცრი წერილი დავუწერე... მან კი მიპასუხა: - ბიდონები მოიკითხე ტაძრის დარაჯთან. როგორც აღმოჩნდა, კარაქი მან ეკლესიას გაუგზავნა. - გილოცავ, - ვუთხარი საკუთარ თავს, - მაშინ ის უბედური ქალი განიკითხე, ახლა კი საკუთარი ძმა.

საკმარისია, მორჩა! სხვა დროს არავინ უნდა განსაჯო. შენ ხარ არანორმალური ადამიანი და ამიტომაც ხედავ ყველაფერს არანორმალურად. ეცადე, გახდე ნორმალური ადამიანი, - ვუთხარი ჩემს თავს.

სხვა დროს, როცა რაღაც მეჩვენებოდა არასწორი, ვამბობდი: - ალბათ ეს კარგი რამაა, ამგრამ მე ეს არ მესმის. რამდენჯერ დავიჯერე არასწორი ზრახვა და აღმოვჩნდი მტყუანი.

როცა მე, კარგი გაგებით, მოვიძულე საკუთარი თავი, დავიწყე ყველას გამართლება. სხვების გამართლებას ყოველთვის ვპოულობდი და მხოლოდ თავს ვიმტყუნებდი. თუკი ადამიანი თავს ყურადღებით არ მოეპყრობა - თავის სამართლებელი არ ექნება.

საჭიროა სიმამაცე, რათა მოიკვეთო განკითხვა.

გისურვებთ, დასაბამი დაუდოთ კეთილ საწყისს.

გააჩერეთ განკითხვის ზრახვები. ამინ. გისურვებთ განწმენდას და გონებისა და გულის განწმენდას, ამინ!"

/ღირსი პაისი ათონელი/

[marine]

"უფალი მიწაზე მოვიდა ცოდვილების სახსნელად, ამიტომაც ყველა ადამიანს აუცილებლად მოეთხოვება ცოდვილობის შეგნება; ხოლო მოყვასის სჯა და განკითხვა არის ამის შეგნების უარყოფა, სიმართლის მისაკუთრება, რომელიც ჩვენ არ გვეკუთვნის; სწორედ ამისგან მოდის სჯა და განკითხვა: "თვალთმაქცი" ყველაზე დამახასიათებელი სახელწოდებაა ნებისმიერისა, ვინც მოყვასს სჯის და განიკითხავს"

/წმინდა მღვდელმთავარი ეგნატე ბრიანჩანინოვი/

[marine]

"უვარგისობა და ნაკლოვანებები მხოლოდ შენი იცოდე, სხვის ცოდვებზე ფიქრს და განსჯას კი გულმოდგინედ უფრთხილდი, - არ დაიღოპო თავი სხვისი განკითხვით"

/ოპტინელი ბერ-მოძღვრები/

[marine]

"გირჩევნია შენს თავს მიაპყრო გულისყური, ვიდრე არჩიო სხვისი საქმეები, ქცევები და შენდამი მათი მოპყრობა, და თუ სხვაში სიყვარულს ვერ ხედავ, ეს იმიტომ, რომ თვით შენში არ არის სიყვარული"

/ღირსი ლეონი/

[marine]

"მთავარია, ერიდოთ მოყვასის განკითხვას. როგორც კი განკითხვის აზრი გეწვევათ, მაშინვე მთელი გულისხმით მიმართეთ: "უფალო, მომეც მე ხილვა ცოდვებისა ჩემისა და არა განკითხვა მოყვასისა ჩემისა"

/ღირსი ნეკტარი/

[marine]

"ყოველთვის გახსოვდეთ სულიერი ცხოვრების კანონი: თუკი დაგაბრკოლებს ადამიანის რაიმე ნაკლოვანება და ამისათვის განსჯი მას, შედეგად შენ თვითნ მოგეწევა იგივე და იმავე ნაკლოვანებით დაიტანჯები"

/ღირსი ნიკონი/

[marine]

"განიკითხეთ ვინმე სიტყვით ან გონებით, გააცნობიერეთ, რომ შესცოდეთ - "შემინდე უფალო, მე, ცოდვილს"!

[marine]

"ნურავის განიკითხავ და არ განიკითხები. მოყვასის განკითხვით საკუთარ თავს ცხოვრების წიგნიდან ამოშლი და ვერ შეძლებ საკუთარი ცოდვების ხედვას, ეშმაკი დაფარავს მათ"

/სქემიღუმენი საბა (ოსტაპენკო)/

[marine]

"სხვების განმკითხველს არ უყვარს ქრისტე. ამის მიზეზი ეგოიზმია. მისგან იწყება განკითხვა"

/წმ. პორფირე კავსოკალიველი/

[marine]

"განკითხვა ადამიანს ღმერთს აშორებს და მრავალ განსაცდელს იწვევს. განკითხვა ადამიანს ანადგურებს"

/მიტროპოლიტი ათანასე ლიმესოელი/

[marine]

"ისეც ხდება, რომ ცოდვილი ჩადენილ ცოდვას ინანიებს. ჩვენ კი განვიკითხავთ და არ ვნანობთ და ამით უფრო მეტად ვცოდავთ. მართლაც, ადამიანი მოყვასის განკითხვით ფაქტობრივად საკუთარ თავს განიკითხავს და მადლს თავად იშორებს. მაგრამ როდესაც ადამიანი საკუთარი დაცემის სიღრმეს გრძნობს და აცნობიერებს, ძლიერ დამწუხრებული, ლოცვას მიმართავს და სულიერი მუშაობაც იწყება და მოყვასის წინააღმდეგ პირის გაღების ნებისმიერი სურვილიც ქრება"

/მიტროპოლიტი ათანასე ლიმესოელი/

[marine]

"წმინდანები ეშმაკსაც არ განიკითხავდნენ"

[marine]

"წმინდანები ეშმაკსაც არ განიკითხავდნენ"

/მიტროპოლიტი ათანასე ლიმესოელი/

[marine]

"ღმერთი, გამოეცხადა რა კაცს (პატრიარქ აბრაამს) კაცის სახით, კაცისავე მეტყველების წესს იყენებს, რათა აბრაამა შეძლოს მისი სიტყვების გაგება და ეს სიტყვები მისაწვდომი და გასაგები გახდეს ყოველი ადამიანის, თვით ყველაზე უბრალოსთვისაც კი. ყოვლისმცოდნე, ყოვლისმხედველი და ყოველგანმყოფი ღმერთი ამბობს: "გარდავიდე და ვიხილო" - მივიდე და ვნახო, მართლა ხდება თუ არა სოდომ და გომორაში ის დიდი უსჯულოებები, მე რომ მესმის. ამ სიტყვებში იგულისხმება: "არ მჯერა ხმების, მინდა საკუთარი თვალით დავრწმუნდე". ამავე სიტყვებშია ჩადებული დარიგება ჩვენთვის, რომ ადვილად არ ვენდოთ ცილისმწამებელს, არ ვიჩქაროთ მოყვასის განკითხვა, განსჯა და დასჯა; არ დავეშუროთ სიმკაცრესა და სისატიკეს - ჯალათის ხელობას, ვიდრე ჩვენ თვითონ არ ვიხილავთ და არ დავრწმუნდებით იმის სისწორეში, რაშიც კაცს ადანაშაულებენ"

/წმ. ეგნატე ბრიანჩანინოვი/

[marine]

"საკუთარი ნაკლი უმნიშვნელოდ და ადვილად მისატევებლად გვეჩვენება, მოყვასისას კი, რაც შეგვიძლია, ვაზვიადებთ და ყოველგვარი სასჯელის ღირსად წარმოვადგენთ. ეს ვნება განსაკუთრებით ფეხმოკიდებულია იმ ადამიანებში, ვინც სრულიად არ ზრუნავს საკუთარ სულზე, თუმცა არც მათთვის არის უცხო, ვინც თითქოს ცდილობს სულის ცხონებას. ძალიან ფხიზლად უნდა ვადევნოთ თვალი საკუთარ თავს, რათა ამ სახიფათო გატაცებას გადავურჩეთ"

/წმინდა მღვდელმთავარი ეგნატე ბრიანჩანინოვი/

[marine]

"რა ადვილად ვდებთ ბრალს კაცს, რა ადვილად განვიკითხავთ! სხვა რომ არაფერი გვქონდეს ცუდი ჩადენილი, ესეც საკმარისია ჩვენთვის წარსაწყმედად, ჯოჯოხეთში მოსახვედრად და ათასი უბედურების მიზეზად"

/წმინდა მღვდელმთავარი ეგნატე ბრიანჩანინოვი/

[marine]

"ასევე ძალიან მომწონს პიმენ დიდის გამონათქვამი: "თუ ყველგან და ყველაფერში ვაყვედრით თავს, ვპოვებთ განსვენებას". ერთმა სხვა მამამ კი ესეც თქვა: "მსუბუქი ტვირთი, - საკუთარი თავის ყვედრება დაგვიტოვებია და მძიმე - სხვისი ყვედრება წამოგვიკიდია"

/წმინდა მღვდელმთავარი ეგნატე ბრიანჩანინოვი/