მართლმადიდებლობა თუ ფსევდო მართლმადიდებლობა პარამეტრები

[marine]

"წმ. იოანე ოქროპირის თქმით, მართლმადიდებელ ეკლესიას აყენებენ ჭრილობებს, და მიუხედავად ამისა, არ ეცემა, მასზე მუდმივად იერიში მიაქვთ, მაგრამ ვერ იღებენ, მის ჩაძირვას ცდილობენ, მაგრამ ფსკერზე არ ეშვება"

/აკაკი მინდიაშვილი/

[marine]

"ჩვენ არ უნდა გავიგოთ მართლმადიდებლობა მარტო ისე, როგორც რელიგია. იგი უფრო უნდა ავამაღლოთ და ასე დაინახოს თითოეულმა მართლმორწმუნე ქრისტიანმა. და მაინც როგორ? მართლმადიდებლობა ეს არის ცხოვრების მომნიჭებელი, რომელიც ადამიანის ბიოლოგიურ არსებობას სახეს უცვლის, განწმენდს და ცვლის საზოგადოებას და ვინც ახლოს არ არის მართლმადიდებელ სარწმუნოებასთან, ვინც სიწმინდით და მართლად ემსახურება და გაიაზრებს მას სულიწმიდის არსით, მაშინ ხდება კავშირი ღმერთსა და ადამიანს შორის, ცოცხალსა და მიცვალებულ სულებს შორის. ხდება კავშირი ზეციურსა და მიწიერს შორის. სწორედ ეს კავშირი, ეს ურთიერთობები გვიხსნის, თუ რა თქმა უნდა, სულიერი სვლა გვექნება ქრისტესაკენ"

/მიტროპოლიტი ილარიონი (ქიტიაშვილი)/

[marine]

"ერთ-ერთ მართლმადიდებლურ ჟურნალში ამგვარი ისტორია ამოვიკითხეთ: ერთმა ხეიბარმა ადამიანმა (მას სერგი ერქვა) თავისი ცხოვრების განმავლობაში რელიგიურ თემაზე მრავალი წიგნი წაიკითხა. წაკითხულს დაკვირვებით იწერდა, მაგრამ მაინც ვერ გაეგო: სად არის ჭეშმარიტება, როგორ უნდა სწამდეს და ლოცულობდეს.

ბოლოს და ბოლოს, უნაყოფო ძიებით დაღლილმა სერგიმ გადაწყვიტა, ჩანაწერები ნაგავში გადაეყარა. ისინი ერთ პარკუჭში მოაგროვა და გონებაში წარმოთქვა: "რომელი რელიგიაც ჭეშმარიტია, დაე, ის ხელნაწერი დაბრუნდეს ჩემთან".

მოხდა სასწაული: მეორე დღეს სერგის ნაცნობმა მეეზოვემ, რომელიც ნაგავს ცლიდა, ხეიბარს მართლმადიდებლობის შესახებ მისი ჩანაწერები მოუტანა: "შეხედე, რაღაც საინტერესო ვიპოვე! გამომართვი და წაიკითხე". სერგი გაოგნებული იყო. ამ დღიდან საბოლოოდ და ყოვეგვარი ეჭვის გარეშე მართლმადიდებელი გახდა.

უფლის ბრძნულ განგებულებას გზა და საშუალება მრავალი აქვს ადამიანების რწმენისა და ცხონების გზაზე მოსაქცევად - ოღონდ მათ წრფელად უნდა სურდეთ თავიანთი უკვდავი სულის ხსნა".

/მღვდელმონაზონი კონსტანტინე (კოვალჩუკი)/

[marine]

"მართლმადიდებლობა არის დოგმატისა და ზნეობის, მჭვრეტელობისა და მოღვაწეობის საოცარი ერთობა"

/არქიმანდრიტი ეფრემ ფილოთეველი/

[marine]

"მართლმადიდებლობა ყოველთვის იცავდა ზომიერებასა და ჰარმონიას. არ უშვებდა შეცდომებს, ვინაიდან წმინდა მამები სულიწმიდის შთაგონებით მოღვაწეობდნენ"

/არქიმანდრიტი ეფრემ ფილოთეველი/

[marine]

"სიყვარული, ღვთისადმი მსახურება, წადიერება, ღმერთთან შეერთება, ეკლესიასთან შეერთება - ეს მიწიერი სამოთხეა. თუ ღვთის მადლს მოვიხვეჭთ, მაშინ ყველაფერი ადვილი, სასიხარულო და ღვთის კურთხევაა. აბა, იპოვე სხვა სარწმუნოება, რომელიც ასე სრულყოფილსა და ბედნიერს გახდის ადამიანს. დასანანია, თუ ამ სიდიადეს ვერ აღვიქვამთ!"

/წმ. პორფირი კავსოკალიველი/

[marine]

"ეს არის ჩვენი სარწმუნოება - სიმაღლე, სიდიადე, მადლი, სიხარული, მხიარულება! რაოდენ მხურვალედ გრძნობდა ამ ყველაფერს დავით წინასწარმეტყველი! იგი ამბობდა: "ჰსურის და მოაკლდების სულსა ჩემსა ეზოთა მიმართ უფლისათა". რა მშვენიერია!"

/წმ. პორფირი კავსოკალიველი/

[marine]

"ჩვენი სარწმუნოება არის სარწმუნოებათა სარწმუნოება, გამოცხადებითი, ნამდვილი, ჭეშმარიტი სარწმუნოება. სხვა რელიგიები კაცობრივია, ცარიელია"

/წმ. პორფირი კავსოკალიველი/

[marine]

"განა ღვთაებრივი ცეცხლის გარდამოსვლით უფალი მთელს კაცობრიობას არ ამცნობს, რომ მხოლოდ მართლმადიდებლობაა ჭეშმარიტი სარწმუნოება? განა ღვთაებრივ ცეცხლს ერთნაირად არ ხედავს მუსლიმანი, ბუდისტი, კათოლიკე, ბაპტისტი, იეღოველი და კიდევ სხვა მრავალი სექტანტი? და თუ ამის აღიარება არ უნდა, სმენას იყურებს და თვალს იბრმავებს, ეს უკვე მისი ნებაა, მისი არჩევანია - გადარჩება თუ არა..."

/არქიმანდრიტი შიო (ხარძეიშვილი)/

[marine]

"ქარები გამალებით სცემენ და ეკვეთებიან ხოლმე კლდეს, მაგრამ ქარები მიდიან და მოდიან, - ესაა ქარების თვისება, - მოვიდნენ და წავიდნენ, კლდე კი მტკიცედ და შეურყევლად დგას. ასევეა ცრუ სწავლებანიც, ქარებივითაა - მოდიან, ეკვეთებიან ეკლესიას, რომელიც უფალმა კლდესა ზედა დააფუძნა, და ქარების მსგავსად ცრუმოძღვრებანიც მიდიან. ეს კლდე უმტკიცესია, სვეტი და სიმტკიცეა ჭეშმარიტებისა და აჰა, უკვე ორიათასი წელია მტკიცედ და შეურყვნელად დგას იგი.

უფალმა ბრძანა: "... ამ კლდეზე მე აღვაშენებ ჩემს ეკლესიას და მას ვერ დასძლევს ჯოჯოხეთის ბჭენი, მას "ბჭენი ჯოჯოხეთისანი ვერ ერეოდიან".

ე. ი. ქრისტეს ეკლესია უძველესია, ხოლო ყველა მტერი და მეტოქე მართლმადიდებელი ეკლესიისა განწირულია ძლევისათვის, რადგან თვით უფალმა თქვა: ჩემს ეკლესიას ვერ "ძლევენ ბჭენი ჯოჯოხეთისანი". ნუთუ ვინმე ფიქრობს, რომ ქრისტე სიმართლეს, ჭეშმარიტებას არ იწინასწარმეტყველებდა და მისი ეკლესია უხილავ თუ ხილულ ბოროტ ძალთაგან ძლეული იქნებოდა?!

მან ბრძანა:

- მე აღვაშენებ ჩემს ეკელსიას.

დავუკვირდეთ, ისე კი არ თქვა: მე აღვაშენებ ჩემს ეკლესიებსო, რადგან ერთია უფალი, ერთია ჭეშმარიტება, არამედ აღვაშენებ ჩემს ეკლესიასო, და ჭეშმარიტი ეკელსიაც ერთადერთია, - ესაა მართლმადიდებელი ეკლესია, მართლმადიდებლური, ქრისტიანული ღვთიური მოძღვრება, რომელიც ქრისტემ მოგვიტანა და მოციქულთა მეშვეობით გადმოგვეცა"

/აკაკი მინდიაშვილი/

[marine]

"მონასტერში, სადაც წმინდა მამებისეული გარდამოცემაა დაცული, ჯერ კიდევ შენარჩუნებულია დიდმარხვის სინანულის წეს-ჩვეულებები. პატმოსზე ერთხელ ვკითხე ერთ ფრანგს:

- რამ მიგიყვანა მართლამდიდებლობამდე?

- მართლმადიდებლური ეკლესიის მორთულობამ. მართლმადიდებლურ ეკლესიაში მომიწია შესვლა ჩემი მეგობრის პანაშვიდზე. იქ გული დამიდნა. კათოლიკურ და პროტესტანტულ ეკლესიებში კი ცივა, როგორც ალპებში. განა შეიძლება ალპებში ცხოვრება? ასეა ამ ტაძრებში".

/არქიმანდრიტი გირგოლი (ზუმისი)/

[marine]

"ჩვენ ახლაც ვამბობთ, რომ ჩვენ ვართ მართლმადიდებლები, მაგრამ, სამწუხაროდ, ხშირად მხოლოდ სახელად ვართ მართლმადიდებლები, არ ვცხოვრობთ მართლმადიდებლური ცხოვრებით"

/ღირსი პაისი ათონელი/

[marine]

"დიახ, ჩვენ მართლმადიდებელნი ვართ. მართლმადიდებლობა მხოლოდ მოძღვრების სისწორეს არ ნიშნავს. იგი ასევე ნიშნავს ღმერთთან მართალ, სწორ ურთიერთობას"

/დეკ. თეოდორე გიგნაძე/

[marine]

"ჩვენ, მართლმადიდებლები, მწვალებლობას არ უნდა ავყვეთ. თუნდაც ტანჯვა-წამება გველოდეს, მართლმადიდებლობას არ ვუღალატოთ!"

/ღირსი ნიკონი/

[marine]

"მართლმადიდებლობა ღვთიური ძალის ერთადერთი კარია, რომელიც ცხონების განუზომელი ძალმოსილებით, უპირობო ჭეშმარიტებაა"

/წმ. ნექტარიოსი (პებტაპოლელი)/

[marine]

"რა არის მართლმადიდებლობა? დღეს კიდევ ერთხელ ვფიქრობთ ამაზე. ეს არის სარწმუნოება, რომელიც მართებულად ადიდებს უფალს! ეს არის ზეცა დედამიწაზე!"

/მეუფე შიო მუჯირი/

[marine]

"რა არის მართლმადიდებლობა? დღეს კიდევ ერთხელ ვფიქრობთ ამაზე. ეს არის სარწმუნოება, რომელიც მართებულად ადიდებს უფალს! ეს არის ზეცა დედამიწაზე!"

/მეუფე შიო მუჯირი/

[marine]

"მართლმადიდებლობა - ეს არის წმინდა ქრისტიანობა ყოველგვარი ადამიანური მოსაზრებების შემოტანის გარეშე (თუ შეიძლება ასე ითქვას). მაგრამ მართლმადიდებლობა მხოლოდ განყენებული ცოდნა როდია, იგი მხოლოდ განყენებულ ცოდნას როდი იძლევა, არამედ ეს არის სწორი ცხოვრებაც. და მართლმადიდებლობა იძლევა სულიერ ძალებსაც სწორი სულიერი ცხოვრების წარმართვისთვის, ვინაიდან ეკლესიაში გვეძლევა სულიწმიდის ნიჭები, რომლებიც სიკეთის ქმნასა და მოღვაწეობაში გვეხმარება.

ამიტომ ყოველი გადახვევა მართლმადიდებლობიდან - ეს არის სწორი სულიერი ხედვის გამრუდება და დაზიანება!"

/მეუფე შიო მუჯირი/

[marine]

"შენ უფალმა მართლმადიდებლად გაგაჩინა, მთავარია შენ მტკიცედ იდგე შენს სარწმუნოებაზე, არ ცდუნდე"

/ღირსი გაბრიელი, აღმსარებელი და სალოსი/

[marine]

"გთხოვთ, გამოფხიზლდით, დაინტერესდით, გაიგეთ, გამოიძიეთ. ნუ გექნებათ იმედი, რომ ვიღაც სხვა გაერკვევა თქვენს ნაცვლად და განგიმარტავთ მართლმადიდებლობას. და ნუ დამალავთ მას, როგორც განძს, არამედ უწილადეთ ყველას ირგვლივ"

/მღვდელმონაზონი სერაფიმე (როუზი)/