დრო—როგორ უნდა მოვიაზროთ ის ღმერთთან მიმართებაში?, დრო და ღმერთი პარამეტრები

[marine]

"ის საათები, როცა არ ფიქრობ ღმერთზე, და როცა გონებასა და გულში არანაირი კეთილზნეობრივი ფიქრი არ გიელვებს, შენთვის დაკარგულად ჩათვალე. დაფიქრდი, საყვარელო ქრისტიანო, რამდენი დრო დაგიკარგავს: ითხოვე უფლისგან პატიება წარსულისათვის და ამიერიდან კეთილგონიერად და ქრისტიანულად იცხოვრე".

[marine]

"დრო დროთი, თორემ ჟამი ყოველთვის იწირვის"

/ვასილ ბარნოვი/

[marine]

"რა მრავალია ახლაც ისეთი, ვისაც უნდა უმტკიცო იგივე, რასაც სენეკა ხშირად ეუბნებოდა თავის თანამედროვეთ: "დროის ერთ ნაწილს თქვენ სულელურად ატარებთ, უმეტეს ხანს არაფერს აკეთებთ, და თითქმის მთელ ცხოვრებას აკეთებთ იმას, რაც საჭირო არ არის!"

[marine]

"ხანგრძლივია თუ არა ჩვენი ცხოვრება, რომლითაც მშვიდი მარადიულობა უნდა მოვიპოვოთ? ჩვენ კი მცონარებით უფრო ვამცირებთ ძვირფას დროს!"

[marine]

"ადრე მხოლოდ ზრდასრული ადამიანები ამჩნევდნენ იმ ფაქტს, რომ წლებთან ერთად მათთვის დრო სწრაფად მიედინებოდა. ახლა ვითარება შეიცვალა - ბავშვები და მოზარდებიც ალაპარაკდნენ იმაზე, რომ მათ დრო არ ჰყოფნით"

[marine]

"ბრძენი მეფე სოლომონი წერდა: "ვერც სწრაფები იმარჯვებენ რბოლაში და ვერც ძლიერები - ბრძოლაში; არც ბრძენებს აქვთ საკვები და არც გაგების უნარის მქონეთ - სიმდიდრე; არც მცოდნეთ ეპყრობიან კეთილგანწყობით, რადგან ყველა ადამიანზე დრო და შემთხვევა მოქმედებს. კაცმა არ იცის თავისი დრო".

[marine]

"ღმერთში დრო არ არის!"

/მეუფე შიო (მუჯირი)/

[marine]

"მარადიულობასთან შედარებით ჩვენი ცხოვრება ერთი წუთია!"

[marine]

"ო, დრო, დრო! როგორი სწრაფი და ამასთან, რა არასაიმედო ხარ! ზარის ყოველი ჩამოკვრა, რომელიც შენს მდინარებას აუწყებს, განა ჩვენთან მოახლოებული მარადისობის მაცნე არაა?! დროისა და წლების შემცველმა თავისი მარჯვენით ამაოდ კი არ გვიანდერძა, გაგვეწმიდა ჩვენი საჭიროებანი და სურვილები არა უშორეს აწმყოს დღის საზღვრამდე, და ყოველგვარი სიკეთის მომნიჭებლისგან ჩვენთვის მხოლოდ არსობის პური გვეთხოვა!"

[marine]

"როგორ არ უნდა გავუფრთხილდეთ დროს, როდესაც უბრძნესი ჩანაფიქრი არ გვაძლევს ჩვენ ერთდროულად ორ წუთს, არამედ ახალს სხვანაირად არ აგზავნის, თუ ადრე მოცემულს არ წაგვართმევს; ყოველ წუთს კი, რომელიც ჩვენთვის ბოძებულს მოსდევს, თავისთან ინახავს, ჩვენ კი დაეჭვებულს გვტოვებს, მივითებთ კი მას?!"

[marine]

"უდიდეს ქმედებებს მუდამ მარადისობაზე ფიქრი წარმოშობდა: იგი შთააგონებდა მოწამეებს და მათ ყველაზე ულმობელი ტანჯვისადმიც კი უშიშარს ხდიდა; იგი ამწყვდევდა უდაბნოებში მოსაგრეებს და მიჰყავდა ისინი არაადამიანური თვითუარყოფის ღვაწლამდე; იგი აჩერებდა უკანონობის გზაზე მდგარ ფესვებგადგმულ ცოდვილსაც და ძალას ჰმატებდა მათ, ვაჟკაცობით შერკინებოდნენ თავინათ ვნებებ. მარადისობაზე განსჯას რა არ შეეძლო მოეწია ჩვენზე, დროდადრო რომ საკუთარი სულის ცხონებისათვის მოგვესმინა, შეგვძლებოდა მივნდობოდით მას ისე, როგორც საჭიროა?!"

[marine]

"წარმოიდგინეთ უკიდეგანო სივრცე: რა მნიშვნელობა ექნება მასში ერთ მტკაველს? ასევე, ჩვენი საუკუნეც არაა უმეტესი, ვიდრე - მტკაველი მარადისობის უკიდეგანო სივრცეში, მეფსალმუნის სიტყვებით: "ესერა ზომით ჰყვენ დღენი ჩემნი", - არაუმეტეს, ვიდრე ზღვაში წვეთი, როგორც მარცვალი - სილაში, ნაპირზე ან ზღვის ფსკერზე, - როგორც "არარაი" და ამასთან, უმეტესწილად, ჩვენ, უგუნურნი, მათ ყოველგვარი საზრუნავით ვზღუდავთ და მარადიულობაზე თითქმის არც ვფიქრობთ, თითქოს იგი ჩვენთვის არც არსებობს!"

[marine]

"მარადისობა მუდამ და არასდროს არის, ანუ ყოველთვის იქნება და არასდროს დასრულდება!"

/წმ. ტიხონ ზადონელი/

[marine]

"ვინც აწმყოს მეტისმეტ პატივს სცემს, ის ვერასდროს გახდება მომავალი სიკეთეების ხილვის ღირსი!"

/წმ. იოანე ოქროპირი/

[marine]

"ნამდვილს დრო ვერაფერს აკლებს… ყალბი დროსთან ერთად მიდის!.."

/მამა პეტრე კვარაცხელია/

[marine]

"ადამიანი ას წელსაც ვერ ცოცხლობს, ათასი წლისთვის კი ემზადება!"

[marine]

"მომავლიდან ჩვენთვის არაფერია ცნობილი, გარდა - ერთ მთლიანი უცნობელობისა. ჩვენ მასზე მხოლოდ ის ვიცით, რომ არაფერი ვიცით!"

[marine]

"კმა არს დღისა მის სიბოროტე თვისი" (საკმარისია ყოველი დღისთვის თავისი საზრუნავი), - თქვა უფალმა. ამაო და უსარგებლოა გაწუხებდეს ან გიხაროდეს ის, რაც ჯერ კიდევ მომავალშია, მაშინ, როდესაც იგი, შესაძლოა, საერთოდაც არ მოხდეს!"

[marine]

"ისწავლე დროებითით ისე სარგებლობა, რომ ამან არაფრით შეგიშალოს ხელი მარადიულისადმი მისწრაფებაში"

[marine]

"დროის სული სიცრუის სულია. იგი დღეს ერთს აქებს, ხვალ - მეორეს; ის დღეს დასცინის იმ კანონებსა და აზრებს, რომლებიც ხუთი წლის წინ მისაბაძად მიაჩნდათ, ხუთი წლის შემდეგ კი, თუ უფრო ადრე არა, უკვე იმას დასცინის, რომლითაც დღეს აღფრთოვანებულნი არიან!"