"წიგნში "საეკლესიო საკითხები რუსეთში" ქართულ ეკლესიას რამდენიმე გვერდი ეთმობა, რომელშიც ნ. დურნოვო წერს თუ რაოდენ მტაცებლურად იქცეოდნენ რუსი ეგზარქოსები საქართველოში:
"თუ რომელიმე ქართველი ავტორი გადაწყვეტს რუსი ეგზარქოსების - უზურპატორების - ქმედებაზე ნამდვილი ისტორიის დაწერას, გაწითლება მოგვიხდებოდა, იმდენად არცხვენენ ისინი რუს სამღვდელოებას.
საქარველოში განწესებული რუსი ეგზარქოსები ამ ქვეყანას ისე უყურებენ, როგორც მათთვის განკუთვნილ გასაძარცვ მხარეს, ასევე მთელი ძალით ცდილობენ ქართველების გარუსებას".
/მიტროპლიტი ანანია ჯაფარიძე, ლია ბარბაქაძე, "საქართველოს საეკლესიო ისტორია IX-X კლასის სახელმძღვანელო" გვ. 15/
"რუსეთის ეკლესიამ ავტოკეფალია მოიპოვა 1589 წელს... 1721 წლიდან რუსეთის ეკლესიას პატრიარქის მაგივრად მართავდა ობერპროკურორი. ბუნებრივია, ქვეყანა, რომელიც "მესამე რომს" უწოდებდა თავის თავს, ვერ მოითმენდა თავის იმპერიაში ისეთ ავტოკეფალურ ეკლესიას, რომლის სახელი და ავტორიტეტი მთელ ქრისტიანულ სამყაროში იყო ცნობილი ქრისტეს შობის პირველივე საუკუნიდან".
/მიტროპლიტი ანანია ჯაფარიძე, ლია ბარბაქაძე, "საქართველოს საეკლესიო ისტორია IX-X კლასის სახელმძღვანელო" გვ. 24/
"XIV საუკუნეში ჩამოყალიბდა 3 დიდი ეთნ. ჯგუფი: რუსები, უკრაინელები და მოგვიანებით ბელორუსები".
/მიტროპლიტი ანანია ჯაფარიძე, ლია ბარბაქაძე, "საქართველოს საეკლესიო ისტორია IX-X კლასის სახელმძღვანელო" გვ. 162/
"დაე, მალე გაუთენდეს მსოფლიოს ის დღე, რუსეთმა ხელი არ ახლოს სხვა ერების უფლებებს!.."
/მამა პეტრე კვარაცხელია
FB/
"დღეიდან მაინც არასდროს თქვათ, -,,რაც არ უნდა იყოს, მართლმადიდებელი ერია”…
ყველაზე მეტად არ უხდება რუსეთს ეს ფარისევლური გამოთქმა!..
მისი მრწამსი არასდროს ყოფილა მართლმადიდებლური, ის რელიგიით ყოველთვის ვაჭრობდა…
ის არის ქრისტიანობის პირველი მტერი!.."
/მამა პეტრე კვარაცხელია
FB/
"დაცინვას, შეურაცხყოფას, ღირსების შელახვას, ამდენ ტყუილებს, დაუსრულებელ უნიათობას რომ შევეგუეთ, იმიტომ გავიყინეთ, უფრო სწორად, დავბრუნდით 90-იანებში…
უკრაინა, რომელიც მონსტრს არ შეუშინდა, რომელმაც მაოფლიოს დაანახა, რომ ბოროტება უნდა დამთავრდეს, თორემ ის ყველასთვის იქნება საშიში, ნამდვილად არის (ასეც იქნება) გამარჯვების, თავისუფლების, პირველობის ღირსი…
და კიდევ, უკვე დროა თავის მოტყუებას მაინც დაანებოთ თავი, თორემ ჯანსაღად მოაზროვნეს აღარავის სჯერა, რომ ნაძირალა პუტინთან მოლაპარაკებას ჰქონდეს აზრი…
პუტინს ერთი სული აქვს, ისე, როგორც აფხაზეთსა და სამაჩაბლოში, სხვა დამარჩენ საქართველოშიც რუსულად ჩატარდეს წირვა-ლოცვა!.."
/მამა პეტრე კვარაცხელია
FB/
"უკრაინის ომმა კიდევ ერთხელ გამოავლინა ჩვენი ქვეყნის მოსახლეობის გარკვეული ნაწილის საბჭოური ნოსტალგია, მაგრამ სამწუხარო ის არის, რომ მათ რიგებში ახალგაზრდებიც დგანან და ზუსტად იგივეს მეტყველებენ, რითიც ოჯახებში ტვინი გამოუჭედეს…
გავიხსენოთ ებრაელი ერის ისტორია… მოსემ ებრაელები ეგვიპტის ტყვეობიდან იხსნა, ორმოცი წელი იარეს უდაბნოში, მაგრამ ისრაელის მიწაზე მაინც ვერ გადავიდნენ… იმიტომ, რომ მონობაში იყვნენ დაბადებული და აღთქმული ქვეყნის ხილვა მონობაში დაბადებულებს არ შეეძლოთ, თუმცა ახალ თაობას უნებლიედ გზა გაუკაფეს მონობიდან თავისუფლებისკენ…
ამიტომ, საბჭოეთში დაბადებული ადამიანებისგან რუსეთისადმი მარადიული ლტოლვა არ გაგიკვირდეთ, ისინი ამ ფორმით უკანასკნელ საყრდენს ებღაუჭებიან… სრულიად თავისუფალ სამყაროშიც რომ აცხოვროთ, მაინც უხერხულობისგან დეპრესია დაეწყებათ…
დაბადებიდან ჩარჩოში მოქცეულ ტვინს ვერაფერი შეცვლის…
თაობები უნდა შეიცვალოს, მერე რუსეთიც ვერაფერს გახდება…
იმ ავადმოსაგონარი საბჭოთა პერიოდიდან კიდევ ბევრი წელი უნდა გავიდეს. არ ვიტყვი, რონ ადამინები მოკვდნენ, რადგან თავისუფლების მიმართ ქრონიკული შიშის გამო ისედაც მკვდარი ხარ!.."
/მამა პეტრე კვარაცხელია
FB/
"ზოგმა დამპყრობელმა ქუდი დაგვიტოვა თავისი, ზოგმა ტანსაცმელი, ზოგმა ცბიერება, ზოგმა თვალთმაქცობა, ზოგმა უზნეობა, ზოგმა ენა შეგვირყვნა და ზოგმა რჯული, მაგრამ იმდენი ზარალი, ზნეობრივ-გონებრივი ზარალი, არავის არ მოუყენებია, როგორიც მოგვაყენა რუსეთმა. სხვა მტერი რომ შემოვიდოდა ხოლმე საქართველოში, მიანგრ-მოანგრევდა, ააწიოკებდა მას და კვლავ გარბოდა. საქართველო რჩებოდა ისევ თვითარსად, თვითმმართველად, თავის თავის გამგებლად და ავად თუ კარგად თვითვე უვლიდა თავის შინაურსა და გარეშე საქმეებს. რუსები კი, მოვიდნენ თუ არა საქართველოში, მაშინვე სწვდნენ ქართველ ერს სულის სიღრმეში და მოინდომეს მისი გადაგვარება, მისი თავისებურობის მოსპობა. მათ თანდათანობით მოსპეს ჩვენი ეროვნული სკოლა, სამართალი, შემოიტანეს თავისი კანონები, სატუსაღოები, სკოლები, ყაზარმები და მონღოლურ-სლავური ვერაგობით იქამდე გაგვიხადეს საქმე, რომ დღესაც კი – რუსეთის დანგრევის შემდეგაც კი არამც თუ ძველი თაობა, არამედ ახალი თაობაც კი ჯერაც გონს ვერ მოსულა და ისევ რუსულად აზროვნებს, მღერის, ჟღმურტულებს. მარტო ბრმა და ყრუ ან ჯიუტი და მოღალატე ქართველი – მახარაძე-ორჯონიკიძის ტიპისა, თუ ვერ დაინახავს იმ უფსკრულს, რომელსაც უმზადებს ქართველ ერს დღევანდელი რუსეთი.”
/გრიგოლ რობაქიძე
FB/
"მოსემ ებრაელი ერი ეგვიპტის ტყვეობიდან რომ იხსნა, ისრაელამდე რომ მიეღწიათ, ორმოცი წელი უდაბნოში დადიოდნენ…
არ იყო ამდენი დრო საჭირო, მაგრამ ამ წლების მანძილზე მათი მენტალობა, მიდგომები უნდა შეცვლილიყო და გულით და გონებით უნდა მომზადებულიყვნენ აღთქმული ქვეყნისთვის, რაც თავისუფლებას ნიშნავდა, მაგრამ ვერც ორმოცი წლის შემდეგ შეძლეს ისრაელის მიწის ხილვა… მათი ძვლები უდაბნომ შთანთქა და მხოლოდ მათმა შვილებმა შეძლეს ახალი ცხოვრების დაწყება…
მონობაში დაბადებულები თავისუფლებას ვერ მიიღებდნენ, გაუჭირდებოდათ… მათი გონება ვერ მოემზადა სიახლისთვის, ბოლომდე მონებად დარჩნენ…
საბჭოთა პერიოდში დაბადებული როგორ შეძლებს ცხოვრებას საბჭოური მარწუხების გარეშე… რაც უფრო მოუჭერს მარწუხი, უფრო ბედნიერია, რადგან მოსწონს ძალადობა…
თაობა მაინც იცვლება და საბჭოეთის არსებობაც წუთებს ითვლის…
მონობის ეპოქა აუცილებლად დასრულდება!."
/მამა პეტრე კვარაცხელია
FB/
"სამართლიანად არის შენიშნული, რომ რუსი მამაკაცი ქართულ სინამდვილეში ლოთ პიროვნებასთან ასოცირდებოდა, რუსი ქალი კი თავისუფალი ქცევის ერთგვარი სინონიმი იყო (რუსებისადმი ასეთი დამოკიდებულება საერთო-კავკასიური გახლდათ). მიუხედავად ამისა, საერთოდ რუსი ხალხის მიმართ ქართველებს უარყოფითი სინონიმები არასოდეს განუზოგადებიათ".
/საქართველოს ისტორიის პალიტრა, "ქართველი ხალხის ეთნიკური ისტორია", გვ. 331/
"რუსეთის იმპერატორმა ხალხს ბორკილები და საპყრობილე მოუტანა მეგობრობის ნაცვლად"
/საქართველოს ისტორიის პალიტრა, „ქალები შუა საუკუნეების საქართველოში“, გვ.142/
"არასდროს დაგავიწყდეს შენი ერის ყველაზე პირსისხლიანი მტერი
მან მეგობრული ხელშეკრულება დაარღვია…
მან ქართული ეკლესიის ავტოკეფალია გააუქმა…
მან ტაძრის ამბიონიდან ქართველი ერი დაგვიწყევლა…
მან ქართული ეკლესია-მონასტრები გაგვიძარცვა და სიწმინდეები გაზიდა…
მან ყველა უზნეობა, გარყვნილება, ბოროტება, უნდობლობა, შიში, დასმენა, ჩაშვება, ორპიტობა დანერდა საზოგადოებაში.
მან ღირსეული სასულიერო პირები, საზოგადო მოღვაწეები მოგვიკლა.
მან თვთმკვლელობამდე მიიყვანა პაოლო იაშვილი…
მან ერის რჩეული შვილები დახვრიტა…
მან ენა დაგვიმახინჯა, სარწმუნოება შეცვალა, მამული მიითვისა…
მან 9 აპრილი მოგვიწყო….
მან სამაჩაბლოს და აფხაზეთის ტრაგედია მძიმე ჯვარივით აგვკიდა…
მან ძმათა შორის შუღლი გააღვივა…
მან არასდროს არაფრად ჩაგვაგდო და ეს ჩვენი პირველი მტერი, რელიგიის სამოსში გახვეული, სინამდვილეში მართლმადიდებლობის მგმობელი რუსეთია!.."
/მამა პეტრე კვარაცხელია
FB/
"მიუხედავად მრავალი პრობლემისა, მე მაინც იმედი მაქვს რომ, რუსეთსა და საქართველოს შორის კრიზისი დასრულდება და სამართლიანობაზე დაფუძნებული ძმური ურთიერთობა აღდგება"
/კათოლიკოს-პატრიარქი ილია II
"საპატრიარქოს უწყებანი" N17, 2022, გვ.18/
"ერთხელ, მამების გარდაცვალების შემდეგ, წყნეთში პოეტი გიორგი ლეონიძე შემხვდა. როცა გაიგო, ბეთანიას ახლა რუსი კაცი უვლისო, ძალიან შეწუხდა:
- ისე როგორ გავწყდით ქართველები, რომ ჩვენი წინაპრის ნაამაგარისთვის ვერ მოგვივლიაო. რუსი თუ გაგიფუჭებს რამეს, თორემ რას გაგიკეთებსო"
/"თვენი", წიგნი 25, გვ.269/
"მტრებმა იცოდნენ - ქართველს საკუთარი სახე რომ დაეკარგა, სწორედ ეს მხარე [ტაო-კლარჯეთი] უნდა ჩამოეცილებინა მისთვის და ჯერ ხომ სპარს-არაბები ცდილობდნენ მის წართმევას, შემდეგ - ბიზანტია-თურქები, ბოლოს მონღოლებმა და მონღოლებისგანვე ჯიშგადაგვარებულმა რუსებმა მოგვითავეს ხელი და მათმა ეშმაკეულმა ბელადმა - ლენინმა მოაწერა ხელი ჩვენთვის ამ საყრდენის გამოცლას!"
/"კარიბჭე", გაზაფხულის ნომერი, 2024, გვ.21/
უზრუნველყოფა Invision Power Board (http://www.invisionboard.com)
© Invision Power Services (http://www.invisionpower.com)