ჩვენი თვალით დანახული პატრიარქი პარამეტრები

[marine]

ესეც კი მიხვდა და ქართველები ვერ მიხვედრილან!

"როგორ დავაბერეთ ჩვენი პატრიარქი..."

[A.V.M]

NDI - მოწონების რეიტინგის მიხედვით, პირველ ადგილზე პატრიარქია
NDI-ის კვლევის თანახმად, მოწონების რეიტინგში პირველ ადგილზე საქართველოს კათოლიკოს-პატრიარქია. პატრიარქი გამოკითხულთა 94 პროცენტს მოსწონს. ილია მეორის საქმიანობას დადებითად აფასებს რესპონდენტთა 90 პროცენტი.

NDI-ის კვლევის საველე სამუშაოები 18 აგვისტოდან 3 სექტემბრის პერიოდში ჩატარდა. საქართველოს მასშტაბით პირისპირ ინტერვიუს წარმომადგენლობითი შერჩევის საფუძველზე 3 838 ადამიანი გამოიკითხა.

NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (SIDA) და ატარებს კავკასიის კვლევითი რესურსების ცენტრი (CRRC).


წყარო/Source: http://www.ambebi.ge/sazogadoeba/86730-ndi...l#ixzz2g1naPon5

[marine]

"უწმინდესმა ილია მეორემ მთელი თავისი გული საქართველოს მიუძღვნა, ცრემლად დაღვრილი ეს გულისცემა ქართველმა ერმა იგრძნო და მანაც მთელი გულით შეიყვარა პატრიარქი, მეორე ილია. ეს სიყვარული არის უძლველი, ღვთისგან ნაკურთხი და მარადიული."

/არქიმანდრიტი საბა (კუჭავა)/

[A.V.M]

ირაკლი ღარიბაშვილმა პატრიარქს აღსაყდრების 36-ე წლისთავი მიულოცა
14:09 25-12-2013
ირაკლი ღარიბაშვილმა პატრიარქს აღსაყდრების 36-ე წლისთავი მიულოცა საქართველოს პრემიერ-მინისტრი, ირაკლი ღარიბაშვილი კათოლიკოს-პატრიარქს ილია მეორეს აღსაყდრების 36-ე წლისთავს ულოცავს.
"ფასდაუდებელია ის თავდადებული მოღვაწეობა, რომელიც საქართველოს კათოლიკოს-პატრიარქმა გასწია ჩვენი ერის სულიერების ამაღლებისთვის. მისი აღსაყდრების დღიდან დღემდე აღდგა, განახლდა და აშენდა უამრავი ეკლესია–მონასტერი, რომლის მასშტაბიც საქართველოს ისტორიას არ ახსოვს.
კათოლიკოს-პატრიარქის ქადაგება სათნოების, შემწყნარებლობის, მოყვასისა და სამშობლოს სიყვარულის, პატიოსნებისა და შრომისმოყვარეობის, განათლებისადმი სწრაფვის მოწოდებაა, რაც ასე სჭირდება დღეს ჩვენს ერს.
როგორც ერის სულიერი მამა, იგი თავმდაბლობის, სულგრძელობისა და მოთმინების მაგალითია ყველა ჩვენგანისათვის, მისი სულიერი შვილებისათვის.
ჩვენ პატრიარქს ვუსურვებ დიდხანს სიცოცხლეს და ჯანმრთელობას ერისა და ქვეყნის საკეთილდღეოდ", - აღნიშნულია პრემიერ-მინისტრის მილოცვის ტექსტში.
http://www.interpressnews.ge/ge/sazogadoeb...vi-miuloca.html

[A.V.M]

ექსკლუზიური ინტერვიუ პატრიარქთან
სრულიად საქართველოს კათოლიკოს-პატრიარქს, უწმინდესსა და უნეტარეს ილია II-ს თავის სულიერ მოძღვარზე, არქიმანდრიტ შიოზე (ძიძავა) ესაუბრა სენაკისა და ჩხოროწყუს მიტროპოლიტი შიო (მუჯირი). ინტერვიუ ჩაწერილია 2012 წლის 27 დეკემბერს.

- დაგვლოცეთ, უწმინდესო და უნეტარესო მეუფეო! უპირველესად, მინდა დიდი მადლობა მოგახსენოთ იმისათვის, რომ გამონახეთ დრო და დაგვთანხმდით ამ საუბარზე. რაც დრო გადის, მით უფრო იზრდება ინტერესი თქვენი სულიერი მოძღვრის, არქიმანდრიტი შიოს პიროვნებისადმი და ეს ინტერესი განსაკუთრებით აქტუალურია ახლა, როდესაც ჩვენ აღვნიშნავთ თქვენს საიუბილეო წელიწადს - პატრიარქობიდან 35-ე და დაბადებიდან მე-80 წლის ღირსშესანიშნავ თარიღებს. მრევლს სურვილი აქვს, მეტი იცოდნენ თქვენი მოძღვრისა და თქვენთან მისი ურთიერთობის შესახებ.

- როგორ გაიცანით მამა შიო, როცა ბათუმ-შემოქმედის მღვდელმთავარი ბრძანდებოდით?
- მამა შიო ძიძავა არაჩვეულებრივი პიროვნება იყო. ის არ ჰგავდა სხვა სასულიერო პირებს; იყო ძალიან უბრალო პიროვნება და ამასთან ძალიან განათლებულიც.

სემინარია ჰქონდა დამთავრებული რევოლუციამდე და როგორც ვიცი, რომელიღაც გამომცემლობაში მოღვაწეობდა, ჟურნალისტი იყო.

სენაკში პატარა სახლი ჰქონდა - ერთი ოთახი და მიწის ნაკვეთი. მამა შიოს შვილიც ჰყავდა, მაგრამ მასთან კავშირი გაწყვეტილი ჰქონდა, რადგან მიაჩნდა, რომ ის ურწმუნო ადამიანი იყო. მასთან არავითარი მიმოსვლა და მიმოწერა არ ჰქონია.

მამა შიო ახლოს გავიცანი, როდესაც უწმინდესი და უნეტარესი ეფრემის ლოცვა-კურთხევით ბათუმში ჩამოვიდა. ეპარქიაში მოძღვრების ნაკლებობას განვიცდიდით და მამა შიო მარხვებში გვეხმარებოდა. ძალიან მომწონდა მისი უბრალოება. იმდენად თავმდაბალი იყო, ზოგიერთი დასცინოდა კიდეც.

- ხომ არ სალოსობდა?
- დიახ, რა თქმა უნდა, სალოსობდა და ამას თვითონაც ამბობდა: "მე სალოსი ვარო." იმ პერიოდში იგი მამა კონსტანტინეს (ქვარაია) სულიერი შვილი იყო. არქიმანდრიტი შიოც და არქიმანდრიტი კონსტანტინეც თეკლათის დედათა მონასტერში მოღვაწეობდნენ და ამავე მონასტერში განისვენებენ.
ვთხოვე, ჩემი მოძღვარი გამხდარიყო და იმ დროიდან აღსარებებს მას ვაბარებდი.

- რამდენ ხანს ცხოვრობდა მამა შიო ბათუმში? თუ სენაკიდან ჩამოდიოდა ხოლმე?
- მარხვებში ჩამოდიოდა და რჩებოდა, მაგალითად, 1 თვით და მერე კვლავ სენაკში ბრუნდებოდა. ასე ამბობდა: "სენაკში სახლი მაქვს, რომლის კარი არასოდეს იკეტება და თუ ვინმე მივა, თავისუფლად შეუძლია შევიდეს და მოისვენოს". მისი სახლი სულ ერთი პატარა ოთახისგან შედგებოდა, სადაც ორი რკინის საწოლი, მაგიდა და რამდენიმე სკამი ედგა, სხვა არაფერი - არც თეთრეული ჰქონდა და არც სხვა კომფორტი. ასეთი ცხოვრების წესი წარმოაჩენდა მის სიმდაბლეს და უბრალოებას. ძალიან ფაქიზი პიროვნება იყო. მახსენდება, როგორ იბარებდა ჩემგან აღსარებას.

როცა შეამჩნევდა, რომ ძალიან ვწუხდი ჩემს ცოდვებზე, აუცილებლად გამამხნევებდა და მეტყოდა: "მეუფეო, ღმერთმა შეგინდოს, მეც ჩამიდენია ასეთი ცოდვა".
დარწმუნებული ვარ, მას ასეთი რამ არასდროს შემთხვევია, მაგრამ ჩემთვის მდგომარეობა რომ შეემსუბუქებინა, თვითონაც იბრალებდა ჩემს ცოდვებს.

მოგვიანებით, როდესაც სოხუმში გადამიყვანეს, მამა შიო იქაც ჩამოდიოდა. ცხუმ-აფხაზეთის ეპარქიაში სამღვდელოება არ გვაკლდა, ამიტომ მხოლოდ აღსარების მისაღებად გვეწვეოდა ხოლმე.
მახსენდება, ერთხელ, მისი მორიგი ჩამოსვლის დროს, შევნიშნე, რომ ჯვარი შავ ბაფთაზე ჰქონდა შებმული და ვკითხე: "მამა შიო, ჯაჭვი რა უყავი?" მიამბო, რომ მისი ჯაჭვი მეზობლის

ქალს მოეწონა და ნაწილი მოაწყვიტა; იგი ისე დამოკლდა, აღარ შეიძლებოდა ტარება, ამიტომ მთლიანად ვაჩუქე მეზობელსო. ეს ამბავი რომ შევიტყვე, მამა შიოს ჯაჭვიც ვაჩუქე და ახალი ჯვარიც...

განსაკუთრებით საოცარი იყო მისი ცხოვრების უკანასკნელი პერიოდი. წესად მაქვს, რომ დიდ ხუთშაბათს განსაკუთრებით ვემზადები ზიარებისთვის და ოთხშაბათს აუცილებლად ვაბარებ აღსარებას. ეს კარგად იცოდა მამა შიომ. მახსოვს, იგი უკვე ცუდად იყო, ამიტომ აღარ ველოდი მის ჩამოსვლას. რეზიდენციის ეზოში ვიჯექი, უეცრად მოვიხედე და ვხედავ, ორ ადამიანს მოჰყავს უძლური მამა შიო. გავიფიქრე, ნეტავ რა საქმე აქვს, რომ ასეთი ავადმყოფი შეწუხდა-მეთქი. ის კი მოვიდა და მითხრა: "მეუფეო, აღსარებისთვის მოემზადე!" წარმოიდგინეთ, ასეთი მძიმე ავადმყოფი ჩემთან აღსარების მისაღებად ჩამოვიდა! აღსარება ვუთხარი. ძალიან მძიმედ იყო, მოძრაობა უჭირდა, თითქმის ვერ დადიოდა. ვიფიქრე, ალბათ დარჩება-მეთქი, მაგრამ არ დარჩა. იმავე დღეს უკან წაიყვანეს... ამ ამბის შემდეგ ერთი კვირის თავზე სოხუმში დები შუშანიები და მათთან ერთად სხვა მორწმუნეები ჩამოვიდნენ. შუშანიებმა მითხრეს: "მამა შიო ძალიან ცუდადაა და სულ იძახის: "მეუფე, მეუფე!" ალბათ, თქვენ გიხმობთ და არავის იკარებს". სასწრაფოდ მის მოსანახულებლად გავემგზავრე, თან დეკანოზი მაქსიმე კონცევიჩი წავიყვანე; ყოველი შემთხვევისთვის, თან წავიღეთ წმინდა ზიარება. მამა შიოსთან ჩავედით, მძიმედ იყო. მუცელი აწუხებდა და ტკივილისგან ყვიროდა. მისი შვილი იყო ჩამოსული, რომ მამის მემკვიდრეობა მიეღო. მამა შიოს კი არაფერი ჰქონდა, იმ პატარა ბინის გარდა.

საჩქაროდ მოვუხმეთ მამა კონსტანტინეს, რომ ავადმყოფი ეზიარებინა. მამა კონსტანტინემ თავი შეიკავა მისი ზიარებისგან: წყალი აქვს დალეული და არ შეიძლებაო. ვცადე, დამერწმუნებინა, რომ ყველა შემთხვევაში შეიძლებოდა მძიმე ავადმყოფის ზიარება, მაგრამ ვერაფრით დავაჯერე.

ბოლოს შევედი მამა შიოსთან და ვკითხე: "მამაო, გინდა, მე თვითონ გაზიარებ?" უმალ დამთანხმდა: "ჰო, ჩქარა, ჩქარა, ჩქარა!" ეშინოდა, უზიარებლად არ გასულიყო ამ ქვეყნიდან. ლოცვებს ვუკითხავდი, თან ვშიშობდი: ვაითუ ზიარება ვერ მოასწროს-მეთქი და სულ ოფლში ვიწურებოდი.

ღვთის წყალობით, მამა შიო ეზიარა. მე გვერდით სკამზე მივუჯექი, მაშინ მან პატრიარქობა მიწინასწარმეტყველა. გადმომხედა, ხელი შემახო მუხლზე და მომეალერსა: "ჩემო პატრიარქო!" "მე პატრიარქი არ ვარ, მიტროპოლიტი ვარ-მეთქი", - შევუსწორე. მან კი კვლავ გამიმეორა: "პატრიარქო, პატრიარქო!"... მამა შიო იმ ღამითვე გარდაიცვალა. რომ არ მეზიარებინა... თუმცა არ ვიცი, შეიძლება, ღმერთს არ გაეყვანა უზიარებელი...


წყარო/Source: http://www.ambebi.ge/sazogadoeba/93395-eqs...l#ixzz2obmTkdmG

[A.V.M]

სასჯელაღსრულების მინისტრის სოზარ სუბარის შეფასებით, პატრიარქს თავის საშობაო ეპისტოლეში "ოჯახის სიწმინდეზე ასეთი აქცენტები შემთხვევით არ გაუკეთებია". მისი თქმით, ეს არის ძალიან მნიშვნელოვანი გზავნილი თითოეული ჩვენგანისთვის.

"როდესაც ჩვენ ვამბობთ, რომ ქვეყნის თითქმის 90% ამ ეკლესიის შვილია, ამ დროს, მისი მღვდელმთავრის სიტყვები უნდა მივიღოთ, რადგან სწორედ ოჯახის სიმტკიცეა ქვეყნის და ქრისტიანობის სიმტკიცის საფუძველი" - ამბობს სუბარი.

პატრიარქმა წლევანდელ ეპისტოლეში ისაუბრა ოჯახზე. ამასთან, დაგმო სექსუალური უმცირესობები, აბორტი და ხელოვნური განაყოფიერება. მისივე თქმით, "ოჯახი, სადაც სუროგატი დედის მიერ დაბადებული ბავშვი იზრდება, ბედნიერი ვერ იქნება"

http://www.tabula.ge/ge/story/78852-subari...t-ar-gauketebia

[A.V.M]

საქართველოს პრემიერმინისტრის ირაკლი ღარიბაშვილის შეფასებით, "პატრიარქის წლევანდელი ეპისტოლე, ისევე როგორც ყოველთვის, ძალიან ღრმა, შინაარსობრივად დატვირთული და საინტერესო იყო". ამის შესახებ პრემიერმა ჟურნალისტებს სამებაში სადღესასწაულო წირვის შემდეგ განუცხადა.

tabula.ge

[A.V.M]

პარლამენტის თავმჯდომარემ დავით უსუფაშვილმა 21 თებერვალს პარლამენტში პრეზიდენტ გიორგი მარგველაშვილის პირველი გამოსვლის შემდეგ განაცხადა, რომ პრეზიდენტმა თავისი ფუნქციებით ტვირთი უნდა შეუმსუბუქოს პატრიარქს.

"ამ ტიპის პრეზიდენტის მთავარი ამოცანა მისი საპრეზიდენტო ვადის განმავლობაში არის ის, რომ შეუმსუბუქოს ტვირთი საქართველოს სულიერ ლიდერს, მის უწმინდესობას. საქართველოს პრეზიდენტმა მას უნდა შეუმსუბოს ის ტვირთი, რომელიც მას აწევს მორალური ავტორიტეტობის", - თქვა დავით უსუფაშვილმა. მისივე განცხადებით, ხალხს მხოლოდ ზეციურ სასუფეველში სიმშვიდის პოვნის იმედი არ უნდა ჰქონდეს და მათ მთავრობამ საერო ცხოვრებაში უნდა მისცეს ბედნიერი ცხოვრების საშუალება.

"მე მინდა ბატონ პრეზიდენტს ვუთხრა, პარლამენტში პოლიტიკური დებატებისგან ყოველთვის შეიძლება საყურადღებო, რაციონალური მარცვლების აკრეფა მიუხედავად იმისა, რომ ხშირად გვეჩვენება, რომ ერთსა და იმავეს ვიმეორებთ და ა.შ. მე მგონი, პარლამენტი შევეცადეთ, რომ წარმოვჩენილიყავით ისეთები, როგორიც ვართ და პრეზიდენტმა ეს უნდა იცოდეს - აი ეს ვართ, რაც ვართ, მოგწონვართ? კარგია, არ მოგწონვართ? თქვენც ალბათ გვეტყვით, როგორ გავაუმჯობესოთ ჩვენი სახელისუფლებო სისტემა იმიტომ, რომ დღეს აქ მოქალაქე მარგველაშვილი არ მოსულა და არ ესაუბრება 100-ზე მეტ მოქალაქეს. აქ ინსტიტუტების შეხვედრაა დღეს, აქ სახელმწიფოებრივი ცხოვრების მნიშვნელოვანი დღეა და მე მინდა, რომ ჯამში, ყველამ ასე შევხედოთ ამ მოვლენას", - თქვა დავით უსუფაშვილმა.

პარლამენტის თავმჯდომარემ თავისი გამოსვლისას იმ მნიშვნელოვან საკითხებზეც ისაუბრა, რომელზეც ყურადღება საპარლამენტო ოპოზიციამ გაამახვილა, მათ შორის პრეზიდენტის რეზიდენციაზე. მან ოპოზიციას გარიგება შესთავაზა.

"უმცირესობის ლიდერს შევთავაზებ ასეთ რამეს, შესაძლო შეთანხმებას: მან ბევრი ისაუბრა იმაზე, პრეზიდენტი რატომ არ ბრუნდება იმ სასახლეში, რომელიც პრეზიდენტისთვის აშენდა. უმცირესობის ლიდერი დაბეჯითებით ურჩევს პრეზიდენტს, რომ დაბრუნდეს იმ სასახლეში, ზედმეტ ხარჯებს თავი აარიდოს და ა.შ.

მე არ გავყვები პარლამენტის შენობების ისტორიას, უბრალოდ გთავაზობთ, დღეს აქ ვართ საკონსტიტუციო უმრავლესობა, ვუყაროთ კენჭი პარლამენტის იმ შენობაში დაბრუნებას, სადაც ადრე მუშაობდა და მე გპირდებით, ძალ-ღონეს არ დავიშურებ, შესაძლოა დავითანხმო პრეზიდენტი, რომ დაბრუნდეს იმ შენობაში, სადაც პრეზიდენტი იჯდა. თქვენ გაქვთ ათიოდე წუთი ამ წინადადებაზე დასაფიქრებლად", - მიმართა დავით უსუფაშვილმა ნაციონალურ მოძრაობას, თუმცა, საპარლამენტო ოპოზიციამ მისი შეთავაზება არ მიიღო.

საქართველოს პარლამენტის თავმჯდომარის თქმით, ევროკავშირთან ასოცირების ხელშეკრულების ხელმოწერამდე რთული გზის გავლა უწევს, რა დროსაც ყველას მართებს მოთმინება.

"ძალიან ბევრი რამის მოთმენაზე ვარ მზად, ძალიან ბევრი რამის ატანისთვის ვარ მზად ყველასგან იმისთვის, რომ ეს ამოცანა შესრულდეს და წარმატებულად გავიაროთ ეს ეტაპი. მოვითმინოთ ბევრი რამ, ეს მართლა ის საკითხია, როცა უნდა ვიყოთ ჭკუით და არ შეგვეშალოს ამ სტრატეგიულ საკითხში", - განაცხადა პარლამენტის ტრიბუნიდან დავით უსუფაშვილმა.

http://www.tabula.ge/ge/story/80396-usufas...da-sheumsubuqos

[A.V.M]

შტეფან ფულე: პატრიარქს დავარწმუნებ, რომ არავითარი განზრახვა ქართული ტრადიციული ღირებულების უგულვებელყოფის არ გაგვაჩნია
თბილისი 13:14 - 04.03.14 "ჯი-ეიჩ-ენი" ამობეჭდვა41 ზომა:
ევროკომისარ შტეფან ფულეს განცხადებით, ევროკავშირს არავითარი მიზანი არ გააჩნია, რომ ქართული ტრადიციების უგულვებელყოფა მოახდინოს. როგორც ფულემ საგარეო საქმეთა მინიდტრ მაია ფანჯიკიძესთან შეხვედრის შემდეგ განაცხადა იგი ეცდება, რომ ამ საკითხში სრულიად საქართველოს კათოლიკოს პატრიარქი უწმინდესი და უნეტარესი ილია მეორე დაარწმუნოს, რომელსაც ვიზიტის ფარგლებში შეხვდება.
,, საქართველოს პატრიარქს დავარწმუნებ, ევროკავშირის სახელით, რომ ჩვენ არავითარი განზრახვა ტრადიციული ღირებულების უგულვებელყოფის არ გაგვაჩნია. იმას რასაც ჩვენ მხარს ვუჭერთ გახლავთ საერთაშორისოდ აღიარებული ღირებულებები, ეს არის ტოლერანტობა, ღირსება და პატივისცემა", _განაცხადა ფულემ.

http://ghn.ge/news-104385.html

[G_saxva]

საერთაშორისოდ აღიარებული ღირებულებები,

მაგრამ ეს ღირებულებები რამდნა შეესაბამება ქართულ ღირებებულებს ესაა ზუსტად სადაო საკითხი.

[A.V.M]

G_saxva
კაცმა დღესაც თქვა , რომ ერთსქესიანთა ქორწინების დაკანონებას არ ვითხოვთ თქვენგანო ...

[G_saxva]

A.V.M
ეჰ გურამ ეგ ახლა თორემ მერე რას მოითხოვენ არავინ იცის. დრე ვერავინ წარმოიდგნენდა გეების და ლესბოსელების უფლებას თუ ვინმე დაიცავდა და ასეთ რეკლამას გაუკეთებდა, დღეს კიდევ უბატონოდ ვერ გასემ ხმას.

[terra]

რასაც ჩვენ მხარს ვუჭერთ გახლავთ საერთაშორისოდ აღიარებული ღირებულებები, ეს არის ტოლერანტობა, ღირსება და პატივისცემა", _განაცხადა ფულემ.

ეს არის ცხვრის ტყავში გახვეული მგელი. ესეთი ტიპები, საერთოდ არიან მცირე ანტიქრისტეები. მსოფლიო წესრიგის მხარდამჭერები.
ამათ როგორ უნდა ენდო კაცი ტო.
და ქართველებს ასწავლიან ტოლერანტობას და ა.შ.?!
თავად აქვთ ეგ საკითხები კარგად შესასწავლი, ჩვენგან.

[G_saxva]

terra
გეთანხმები რომ ესენი ცხვირს ტყავში გადაცმული მგლები არიან.

[A.V.M]

G_saxva

ეჰ გურამ ეგ ახლა თორემ მერე რას მოითხოვენ არავინ იცის. დრე ვერავინ წარმოიდგნენდა გეების და ლესბოსელების უფლებას თუ ვინმე დაიცავდა და ასეთ რეკლამას გაუკეთებდა, დღეს კიდევ უბატონოდ ვერ გასემ ხმას.

რატომ განვიხილავთ ევროპას ერთ ქვაბში ? რა ევროპის ყველა ქვეყანაში დაკანონებულია ერთსქესიანთა ქორწინება ? პირიქით . მთელი რიგი საკითხებია , როგორც რელიგიური ისე ეთიკურმორალური , რომლებშიც ჩვენზე ბევრად მოწესრიგებულნი არიან ევროპის ქვეყნები .

terra

ეს არის ცხვრის ტყავში გახვეული მგელი. ესეთი ტიპები, საერთოდ არიან მცირე ანტიქრისტეები. მსოფლიო წესრიგის მხარდამჭერები.
ამათ როგორ უნდა ენდო კაცი ტო.

აბა ვის ვენდოთ , ,,ერთმორწმუნე რუსეთს''?

[G_saxva]

რატომ განვიხილავთ ევროპას ერთ ქვაბში ? რა ევროპის ყველა ქვეყანაში დაკანონებულია ერთსქესიანთა ქორწინება ? პირიქით . მთელი რიგი საკითხებია , როგორც რელიგიური ისე ეთიკურმორალური , რომლებშიც ჩვენზე ბევრად მოწესრიგებულნი არიან ევროპის ქვეყნები .

მე ერთსქესიანთქ აორწინებაზე არ მაქვ საუბარი მე ჰომოსექუალების პროპაგანდაზე მაქვ საუბარი. დამისხელე თუნდაც ერთი ევრო კავშირის ქვეყანა სადაც მათი პროპაგანდა არ ხდბა და სადაც ისინი ხელშეუხებელნი არ არიან. არ არსებობს არცერთი ევრო კავშირის ქვეყანა სდაც ჰომოსექსულაებს პატივს არ ცემენ.

აბა ვის ვენდოთ , ,,ერთმორწმუნე რუსეთს''?

გურამ ჩემგან არ გესწავლება რომ ვერავის ვერ ენდობი ვერა. საკუთარი თავის იმედი უნდა გქონდეს მარტო.

[A.V.M]

G_saxva

სადაც ისინი ხელშეუხებელნი არ არიან.

რას ქვია ხელშეუხებელნი არიან ?
საკუთარ სექსუალურ მისწრაფებებში კი ბატონო ,არ რიან ხელშეუხებელნი , მაგრამ კანონის ჩარჩოებში ჯდებიან სხვა საკითხებში .

რ არსებობს არცერთი ევრო კავშირის ქვეყანა სდაც ჰომოსექსულაებს პატივს არ ცემენ.

მოიცა , ჩვენ არ უნდა ვცეთ პატივი ჰომოსექსუალებს ?

გურამ ჩემგან არ გესწავლება რომ ვერავის ვერ ენდობი ვერა. საკუთარი თავის იმედი უნდა გქონდეს მარტო.

გასაგებია საკუთარი თავის იმედი , მაგრამ ყველა ვხედავთ რომ ან პროდასავლური , ანაც პროჩრდილოური კურსი უნდა ავიღოთ , სხვა საშველი არ გვაქვს , თორემ რა ჯობია ეროვნულ ინტერესებით და ხელშეუხებლად ცხოვრებას .

[G_saxva]

რას ქვია ხელშეუხებელნი არიან ?
საკუთარ სექსუალურ მისწრაფებებში კი ბატონო ,არ რიან ხელშეუხებელნი , მაგრამ კანონის ჩარჩოებში ჯდებიან სხვა საკითხებში .

რას ეძახი კანონის ჩარჩოებში ჯდებიანო? დაახლოებით ისეთი მომენტია იაღოველები ჯარში რომ არ მიდიან რელიგია გვიკრძალავსო, კანონით გაპრავებულია ეგ ამბავი მაგრამ სწირია ეგ?

მოიცა , ჩვენ არ უნდა ვცეთ პატივი ჰომოსექსუალებს ?

შენი არ ვიცი ძმაო მაგრამ მე რომ არ ვცემ პატივს კი ვიცი. რატომ უნდა ვცემ ცოდვით დაკავებულ იადამიანს პატივი რომელიც თავისი ცოდვის პროპაგანდას ეწევა?

გასაგებია საკუთარი თავის იმედი , მაგრამ ყველა ვხედავთ რომ ან პროდასავლური , ანაც პროჩრდილოური კურსი უნდა ავიღოთ , სხვა საშველი არ გვაქვს , თორემ რა ჯობია ეროვნულ ინტერესებით და ხელშეუხებლად ცხოვრებას .

ეგაა ძმაო ზუსტად პოლიტიკა და სუსტი პოლიტიკოსები რომ გვყავს. მე ვერც დასავლეთსი და ვერც ჩრდილოეთში ვერ ვხედავ ხსნას და საშველს.

[terra]

სუსტი პოლიტიკოსები რომ გვყავს

სისუსტეზე და სიძლიერეზე იმდენად არ უნდა გააკეთო აქცენტი, რამდენადაც პოლიტიკოსის ზნეკეთილობაზე.

[G_saxva]

სისუსტეზე და სიძლიერეზე იმდენად არ უნდა გააკეთო აქცენტი, რამდენადაც პოლიტიკოსის ზნეკეთილობაზე.

ჩემი აზრით პოლიტიკოს ზნეობას ნამდვილად ვერ მოკითხავ . კი მოკითხავ მაგრამ შედეგი არ ექნება