ვნებები და მათთან ბრძოლა პარამეტრები

[marine]

"ადამიანს ვნებებისაგან სრულად გათავისუფლება არ ძალუძს. შეიძლება ისინი ნებისყოფას დაუმორჩილო, მაგრამ შეუძლებელია, რომ საერთოდ არ გქონდეს"

/წმ. იოანე ოქროპირი/

[marine]

"რადგან გვსურს გულიდან ეკლიანი ფესვების - ვნებების ამოძირკვა და იქ სასარგებლო მცენარეების დარგვა, ბევრი შრომა მოგველის.ხელები დაგვისისხლიანდება და ოფლშიც გავიწურებით, ამდენი ფესვის, ანუ ვნების ნახვისას დროდადრო სასოწარკვეთასაც მივეცემით. მაგრამ სასოება ქრისტეზე, ჩვენი სულების მკურნაზე, უნდა დავამყაროთ და გულის ნიადაგი ყოველდღიურად უნდა დავამუშავოთ , გავწმინდოთ."

/არქიმანდრიტი ეფრემ არიზონელი/

[marine]

"ნუ ემორჩილები ბოროტ ვნებებს
ისწავლე საკუთარი თავის მართვა
ეცადე ყველას და თითოეულს
კარგი მაგალითი მისცე"

/სქემარქიმანდრიტი ვიტალი (სიდორენკო)/

[marine]

"ებრძოლეთ ცოდვებს და ნუ დაგაფრთხობთ თქვენში აღგზნებული ვნებები"

[marine]

"ბინძურ ვნებებს სძლია"

[marine]

"წმინდა პიმენმა თქვა მამა იოანე მოკლეზე: "იგი ევედრა ღმერთს და გამოცდილ ბერს: "განსვენებით და უზრუნველად ვხედავ საკუთარ თავს და ერთი ბრძოლაც არ მაქვსო". ბერმა მას ურჩია: "წადი და კვლავ ევედრე ღმერთს, რათა მოვიდეს შენზე ჭირი და ბრძოლა, რამეთუ ბრძოლის მერე ცხონდება კაციო". ევედრა ღმერთს მამა იოანე და მასზე ბრძოლა-ვნებები კვლავ მოიწია, ახლა უკვე განთავისუფლებას კი არა, "ჭირსა შინა და ტკივილთა" მოთმინებას შესთხოვდა ღმერთს."

[marine]

"ვნებები ადამიანიდან მაგიურად არ გადის. საჭიროა, რომ საქმით წინ აღვუდგეთ, რათა უფალმა ჩვენი სწორი არჩევანი, გადაწყვეტილება და საქმე დაინახოს და თავისი მადლით გაგვამარჯვებინოს. ვნებებისა და ეშმაკის განდევნა კაცს არ შეუძლია, ეს მხოლოდ ღმერთის მადლს შეუძლია".

[marine]

"მადლისმიერი შეწევნის გარეშე შენ ვერც ერთი ვნების, ვერც ერთი ცოდვის დამარცხებას ვერ შეძლებ, - ყოველთვის შესთხოვე დახმარება ქრისტეს, შენს მაცხოვარს. იგი იმისთვის მოვიდა ქვეყნად, იმისთვის ევნო, მოკვდა და აღდგა, რომ ყოველივეში დაგვეხმაროს, გადაგვარჩინოს ცოდვისა და ვნებათა მძლავრებისაგან, განგვწმინდოს ცოდვებისაგან, სულიწმინდის მიერ მოგვცეს ძალა კეთილი საქმეების აღსასრულებლად, რომ განგვანათლოს, განგვამტკიცოს, დაგვამშვიდოს".

/წმ. იოანე კრონშტადტელი/

[marine]

"მყუდრო და წრფელი ლოცვის ჟამს ყოველი ვნება და ცოდვა კაცის გულში უნებლიედ დადუმებულია, ხოლო, თუ კაცი ლოცვას მხურვალედ ხშირად გაიმეორებს, მაშინ მისი ყოველი ცუდი სურვილი და ყოველივე გულისთქმა სრულიად დაიძინებს და დაიმალება"

/წმ. ეპისკოპოსი გაბრიელ (ქიქოძე)/

[marine]

"ვნებათა უფალია გონება"

[marine]

"ვინც ცოდვას ებრძვის და შესთხოვს ღმერთს, მისცეს ძალა, რომ არ შესცოდოს, მაგრამ კაცობრივი უძლურების გამო მაინც სცოდავს, სწუხს ამის გამო და ინანიებს, იმას სულისა და გონების სიღრმეში აქვს მადლი, მაგრამ ვნებები ჯერაც ვერ დაუთრგუნავს. ხოლო ვინც ვნებებს სძლია, იმას უკვე აღარ აქვს ბრძოლა, არამედ ყოველნაირად იცავს თავს, რათა არ შესცოდოს - ასეთ კაცს დიდი და ხელშესახები მადლი აქვს. მაგრამ ვინც გრძნობს მადლს სულშიც და ხორცშიც, ისაა სრული კაცი, და თუ ამ მადლს დაიმარხავს, მისი ხორცი განიწმინდება და ნაწილები წმინდა იქნება".

/ღირსი სილუანე ათონელი/

[marine]

"სულიერი ბრძოლის წესი: ნებისმიერ ვნებას უნდა ვძლიოთ ქრისტეს ძალით დაუყოვნებლივ, როგორც კი ის წარმოიშვება"

[marine]

"ვნების სრულად განკურნება და განდევნა არ ძალგვიძს, მაგრამ შეგვიძლია მისი მუდმივად დათრგუნვა და მასთან შებრძოლება, რათა ღვთის მადლის მოქმედებით მოვაკვდინოთ იგი და ჩვენი სული მუდამ იყოს მშვიდი, სუფთა, მოსიყვარულე, კეთილგანწყობილი, მხნე და სულიერად ფხიზელი".

/სან-ფრანცისკოს მთავარეპისკოპოსი იოანე (შახოვსკოი)/

[marine]

"მადლის მობრძანებას და გაქრობას გადამრჩენელი ხასიათი აქვს. ის ნელ-ნელა მოდის, ვნებებისგან გვათავისუფლებს და მიდის. კვლავ მოდის იმისათვის, რომ სხვა ვნებებისგან გაგვათავისუფლოს და ა.შ., ეს პროცესი მანამდე გრძელდება, სანამ ღვთაებრივი და მაცოცხლებელი მადლის დახმარებით ადამიანის სამშვინველის შეპყრობილი ნაწილი ვნებებისგან არ განიწმინდება".

[marine]

"ვნებაც ჩვევაა და სათნოებაც, მაგრამ ერთი ბოროტია, მეორე - კეთილი"

/წმ. ეგნატე ბრიანჩანინოვი/

[marine]

"ძირი ყოველი ვნებისა არის ნაყროვანება"

/ღირსი ისაია განშორებული/

[marine]

"მწუხარებებს ვერსად გაექცევი, რადგან ისინი საკუთარი ვნებების წარმონაშობია მათ სამხილებლად, რათა ღვთის შეწევნით მათ აღმოფხვრაზე ვიზრუნოთ"

/ღირსი მაკარი ოპტინელი/

[marine]

"უნდა გამოვიკვლიოთ საკუთარი თავი არა მხოლოდ ყოველდღე, არამედ, ასევე, ყოველწელს, ყოველთვე და ყოველკვირა: "წინა კვირაში ესა და ეს ვნება მაწუხებდა, ახალ როგორ არის საქმე?" ასევე, ყოველ წელიწადს ჰკითხე შენს თავს: "წინა წელს ამა და ამ ვნებით ვიყავი ძლეული, ახლა კი რა ხდება?" ყოველთვის ასე უნდა ვიკვლევდეთ თავს, წარვემატეთ რამდენადმე, თუ იმავე მდგომარეობაში ვართ, როგორშიც ვიყავით ან იქნებ უარეს დღეში აღმოვჩნდით?"

/ღირსი დოროთე პალესტინელი/

[marine]

"ცეცხლივით ერიდეთ ვნებებით მოქმედებას. სადაც ვნების ოდნავი ჩრდილი მაინც შეინიშნება, იქ წარმატებას ნუ ელი; იქ მტერია ჩასაფრებული და ყველაფერს აგირევს"

/წმ. თეოფანე დაყუდებული/

[marine]

"ვისი გულიც ვნებებითაა სავსე, მისთვის წმინდა არავინაა; იმ ვნებების მიხედვით, რომლებიც მის გულშია, ის სხვა ადამიანებზეც ფიქრობს, რომ ისინიც მისი მსგავსები არიან. მაშინაც, როცა ვინმე ეტყვის, რომ ესა და ეს კეთილი ადამიანია, ის მაშინვე განრისხდება გულში. ერიდეთ ვინმეს დამცირებას არა მხოლოდ სიტყვით, არამედ აზრითაც"

/ღირსი ისაია განშორებული/