ძველი აღთქმიდან დღემდე, დეტალური განმარტებები პარამეტრები

[ზვარე]

ბიბლიური შესაქმის ექვსი დღე
ბიბლიური შესაქმის ექვსი დღე სამყაროსა და ადამიანის შექმნა

8 გვერდი

155 პოსტი

1,651 მნახველი

ზვარე 4th July 2008 - 12:18 AM

ბიბლიური შესაქმის ექვსი დღე სამყაროსა და ადამიანის შექმნა

წმიდა მამების უამრავი შრომა ეხმაურება აღნიშნულ საკითხს. მასვე განმარტავენ ებრაელი კომენტატორები, მეცნიერები. საინტერესოა მათი გაცნობა და მსჯელობა ამ საკითხებზე.

სხვადასხვა თემებში ხშირად ხდება შეხებაამ თემასთან. გთხოვთ დადოთ ლინკები, გამოთქვათ მოსაზრებები, ვისაუბროთ ვიმსჯელოთ, ვიკამათოთ...
ალბათ ბევრისთვის იქნება საინტერესო.

მოდერატორს ვთხოვ, იქნებ ჩემი თემა ოფებისაგან გავწმინდოთ და ნათიას თემას შევუერთოთ

[Misha Songulashvili]

ღით ვერ დაიწყეთ ამ თავის გარჩევა? მეორე გვერდზე ვართ და შეკითხვა არ გაჩნდა ამ თემის ირგვლივ? მოდი მივყვეთ შესაქმის დღეთა თანმიმდევრობას და ვთქვათ თუ რატომაა ამ ლოგიკით გადანაწილებული ეს დღეებიი. მეტად მნიშვნელოვანია თქვენი პირველადი შეხედულებები განა ის რომ უი ის მართალი ყოფილა მე ამას ვფიქრობდიო მიდით აბა შევუბეროთ ამითი, მე აქტიურად გავუკეთებ ამ თემას კომენტარებს.
ნათიას დიდი მადლობა ამ თემისათვის

[ნათია]

Misha Songulashvili

მოდი მივყვეთ შესაქმის დღეთა თანმიმდევრობას და ვთქვათ თუ რატომაა ამ ლოგიკით გადანაწილებული ეს დღეებიი

ეგ კითხვა მე ბევრჯერ გამჩენია, რატომ მაინცდამაინც 6 დღე და არა 7 ან 8...

ღმერთისთვის 100 წელი შეიძლება 1 დღე იყოს... ჩვენთვის კი მთელი საუკუნე... ვინ დაადგინა რომ მაინცდამაინც 6 დღე დასჭირდა სამყაროს შექმნას?

ბევრი კითხვა მიჩნდება, მაგრამ ბევრ კითხვას ადამიანის გონება ვერ ჩასწვდება



ზვარე

ბიბლიური შესაქმის ექვსი დღე სამყაროსა და ადამიანის შექმნა

ამ თემის ლინკი დადე ან პოსტები გადმოაკოპირე

[ზვარე]

რამეთუ ათასი წელი წინაშე თუალთა შენთა, უფალო, ვითარცა გუშინდელი დღე. რომელ წარჴდა და, ვითარცა საჴუმილავი ერთი, ღამესა შინა. (ფს. 89.4)

ერთიმცა ესე ნუ დაგავიწყდების, საყუარელნო, რამეთუ ერთი დღე უფლისა მიერ ვითარცა ათასი წელი და ათასი წელი ვითარცა ერთი დღე. (2 პეტრ. 3.8)

ბიბლიაში ბევრგან (მათ შორის დაბ. 2,4; გამოს. 10.6; ლევ. 7. 35-36; რიცხ. 7.10; რიცხ. 7.84; მეორ. რჯ. 9.24; მეორ. რჯ. 31..17-18; მეორ. რჯ. 32.7), სუფთა ყოფითი მიდგომითაც კი ტექსტში ნახსენები ,,დღე'' ვერ ემთხვევა 24 საათს, ეს რაიმე განსაკუთრებული ლოგიკის, განმარტების და წიაღსვლების გარეშეც ნათლად ჩანს.
დასაბამად ქმნნა ღმერთმან ცაჲ და ქუეყანაჲ.


დასაბამად ქმნნა ღმერთმან ცაჲ და ქუეყანაჲ.

დასაბამად ქმნნა

დასაბამად ეს სიტყვა ებრაულ დედანში გამოითქმის ,,თჰილა" რაც არა ქრონოლოგიურ დასაწყისს არამედ მარადისობიდან დროში გადასვლას ნიშნავს. ნეტარი ავგუსტინეს თანახმადაც დრო სამყაროსთან ერთად შეიქმნა.

ქმნნა ეს სიტყვა ებრაულ დედანში აღინიშნება სიტყვით ,,ბარა'' რაც არაფრისაგან რაიმეს შექმნას ნიშნავს.



ცაჲ და ქუეყანაჲ.

მიქაელ პომაზანსკი დოგმატური ღვთისმეტყველება

სარწმუნოების სიმბოლოში ვკითხულობთ: „მრწამს ერთი ღმერთი... შემოქმედი ცათა და ქვეყანისაჲ, ხილულთა ყოველთა და არახილულთა“. უხილავი, ანგელოზთა სამყარო ღმერთმა ხილულ სამყაროზე უწინარეს შექმნა. „ოდეს იქმნნეს ვარსკვლავნი, მაქებდეს მე ხმითა დიდითა ყოველნი ანგელოზნი ჩემნი“ - ეუბნება უფალი იობს (იობ. 38,7). პავლე მოციქული წერს: „რამეთუ მის მიერ დაებადნა ყოველივე ცათა შინა და ქუეყანასა ზედა, ხილულნი და არა-ხილულნი, ანუ თუ საყდარნი, ანუ თუ უფლებანი, გინა თუ მთავრობანი, გინა თუ ხელმწიფებანი - ყოველივე მის მიერ და მისა მიმართ დაებადნა“ (კოლ. 1,16). ეკლესიის ზოგი მამის აზრით, შესაქმის წიგნის პირველ სიტყვებში - „დასაბამად ქმნნა ღმერთმან ცაჲ და ქუეყანაჲ“ - ლაპარაკია არა ფიზიკურ ცაზე, რომელიც შემდგომ შეიქმნა, არამედ ამ სიტყვაში უხილავ, ზეციურ ძალთა საცხოვრისი მოიაზრება. ეკლესიის ბევრი მასწავლებელი ფიქრობს, რომ ღმერთმა ანგელოზები ხილულ სამყაროზე ადრე შექმნა (წმ. ამბროსი მედიოლანელი, ნეტარი იერონიმე, გრიგოლ დიდი, ანასტასი სინელი). სამყაროს შექმნის დროს ისინი უკვე წარდგომილნი იყვნენ შემოქმედის წინაშე და ემსახურებოდნენ მას. წმ. გრიგოლ ღვთისმეტყველი ამგვარად მსჯელობს: „საღვთო სახიერება არ დასჯერდა თავისთავის ჭვრეტას, სიკეთე მას სულ უფრო და უფრო უნდა განეფინა, რათა შეძლებისდაგვარად ბევრს რგებოდა იგი (ასეთია უზენაესი სიკეთე). ღმერთმა ჯერ ანგელოზთა ზეციური ძალები მოიფიქრა - და ზრახვა საქმედ იქცა, სიტყვით აღსრულდა და სულის მიერ განსრულდა... სათნო ეყვნენ რა მას პირველი ქმნილებანი, შემდგომ სხვაგვარი, ნივთიერი და ხილული სამყარო მოიაზრა. სხვა სიტყვებით - ცისა და დედამიწის და მათ შორის არსებულისაგან შედგენილი მწყობრი ნაგებობა მოიფიქრა“. წმ. გრიგოლ ღვთისმეტყველის ამ აზრს იმეორებს ღირსი იოანე დამასკელიც.


Владимир Лосский
ТОЛКОВАНИЕ НА СИМВОЛ ВЕРЫ


1-й член.

Верую во единаго Бога Отца, Вседержителя, Творца небу и земли, видимым же всем и невидимым.

(Верую во единого Бога Отца Вседержителя, Творца неба и земли, всего видимого и невидимого. )

.........................................................
........................................................
Библейское выражение "небо и земля" (Быт. 1, 1), которое обозначает целиком весь космос, всё то, что существует и сотворено Богом, в святоотеческом толкование получает разделительный смысл, указывая на существование реальности духовной и реальности телесной, невидимого мира "небесных духов" и мира видимого, с которым мы тесно связаны по биологическим условиям нашего земного существования. Мы видим, что это различение "неба" и "земли" отнюдь не влечет к необходимости признания "геоцентрической" космологии. Вообще, надо сказать, что "конфликт между наукой и религией" в этой проблеме выглядит искусственным. Действительно, не путем же исследования космических пространств откроется нам духовная безмерность тварной вселенной, И, тем более, не ядерная физика, анализируя строение материи, даст нам познать ту всемогущую Энергию Творца, которая сообщает бытие "видимым же всем и невидимым".


მრწამსის სიტყვები ბიბლიის პირველ პუნქტს განმარტავს შემდეგნაირად, რომ აქ იგულისხმება უხილავი და ხილული სამყაროს შექმნა
მრწამს ერთი ღმერთი, მამა, ყოვლისა მპყრობელი, შემოქმედი ცათა და ქუეყანისა, ხილულთა ყოველთა და არა ხილულთა ;

ცა და ქვეყანა ამ კონტექსტში რომ ხილულსა და უხილავ სამყაროს ნიშნავს აღიარებულია სარწმუნოების სიმბოლოში.
მას წარმოთქვამს ყოველი ქრისტიანი (მართლმადიდებელი) ყოველდღიურად.

კათოლიკებმა შეცვალეს სარწმუნოების სიმბოლო მაგრამ მისი პირველი წევრი იგივე სახითაა.

ლოგიკურადაც ერთი და იგივე ცა ხომ არ შეიქმნებოდა ორჯერ?


,,ცა და ქვეყანა'' ეს სიტყვათა ერთობლიობა შეესაბამებოდა შუმერულ ,,ანკი''-ს რაც მთელ სამყაროს, ქვეყნიერებას, კოსმოსს მიშნავდა (დღესაც მიჭირს ზუსტად გადმოცემა არათუ ძვ.წ.-აღ XIII სკ-ში).

წმ. გრიგოლ ნოსელის იგავური თქმით ეს ცა ის ოთხმოცდაცხრამეტი ცხვარია, რომელიც კეთილმა მწყემსმა, ერთი დაკარგული მეასე ცხვრის საძებნად წასულმა მიატოვა. დაკარგული ცხვარი ადამიანთა მიწაა (ხილული სამყარო zv), რომლისკენაც არის მიპყრობილი შესაქმეს ავტორის მთელი გულისყური.

სიტყვა ,,ცა'' მრავლობით რიცხვშია და თვითონ ამ სიტყვის (შამაიმ) ფუძე ,,შამ" - ,,იქ'', მიუთითებს იქაურ მიღმიერ, გამოყოფილ სამყაროზე.

სიტყვა ,,ცა'' ანგელოზთა ანუ სეციურ სამყაროს სინონიმად გამოიყენება ბიბლიაში (3 მეფ. 22.19; მთ18.10 და სხვა)

ისე ქართული სიტყვა ,,ქვეყანა'' საოცრად ერგება ამ სიტუაციას, ეს ქვეყანაა, ხოლო ის (ცა) ზეყანა.



გადავიდეთ მეორე პუნქტზე. მეორე პუნქტი სამი ნაწილისაგან შედგება, დავიწყოთ პირველით. წარმოგიდგენთ ამ პუნქტის სამ ქართულ ვერსიას


ხოლო ქუეყანაჲ იყო უხილავ და განუმზადებელ (მცხეთური ხელნაწერი)

მიწა იყო უსახო და უდაბური (ახ. ქართული 1989წ. გამოცემა)

ხოლო ქვეყანა იყო უხილავი და გაუმზადებელი (ახ. ქართული ბიბლიის თარგმნის ჯგუფი)


რადგან იმაზე, რომ დაბადების პირველი თავის პიველ პუნქტში ნახსენები ცა და ქვეყანა არის უხილავი და ხილული სამყარო დავა არ დაწყებულა და ეს სადავოდ არავის გაუხდია დამტკიცებულად ჩავთვალოთ, რომ მეორე პუნქტში ნახსენები ,,ქუეყანაჲ, ,,მიწა'' და ,,ქვეყანა'' (სხვადასხვა ვერსიის მიხედვით) არის ხილული, მატერიალური სამყარო.
ეს ,,ქუეყანაჲ, ,,მიწა'' და ,,ქვეყანა'' ანუ ხილული, მატერიალური სამყარო, ყოფილა -- ,,უხილავ და განუმზადებელ'', ,,უსახო და უდაბური'' და ,,უხილავი და გაუმზადებელი'' (სხვადასხვა ვერსიის მიხედვით).
ამ სიტყვების საშუალებით (,,უხილავ და განუმზადებელ'', ,,უსახო და უდაბური'' და ,,უხილავი და გაუმზადებელი'' (სხვადასხვა ვერსიის მიხედვით)) არის მცდელობა ქართულ ენაზე იქნას გადმოცემული ძველებრაული გამოთქმა ,,თოჰუ ვა ბოჰუ''. ანუ ხილული სამყარო (,,ქუეყანაჲ, ,,მიწა'' და ,,ქვეყანა'') იყო ,,თოჰუ ვა ბოჰუ''.

ეს გამოთქმა კიდევ ორგზის გვხვდება წმ. წერილში და იგი ,,არარაობის'', ,,ნგრევის'' და ,,უდაბურობის'' მნიშვნელობით, მარტო თოჰუ კი ,,ამაოს'' მნიშვნელობით.

ძველებრაული გამოთქმა ,,თოჰუ ვა ბოჰუ"" პირდაპირი მნიშვნელობით დაახლოებით აღნიშნავს ,,მოუწესრიგებლობას'', ,,ქაოტურ მდგომარეობას'', ,,გონივრული აგებულების არარსებობას'' ნიშნავს.

ეს გამოთქმა წმ. წერილში იშვიათად გამოიყენება და დღევანდელი მნიშვნელობით ,,ქაოსს'' ნიშნავს.

(კრიტიკულად განწყობილებს შეუძლიათ გადააზუსტონ ძველი ებრაულის სპეციალისტებთან)

[ნათია]

კათოლიკებმა შეცვალეს სარწმუნოების სიმბოლო მაგრამ მისი პირველი წევრი იგივე სახითაა.

იქნებ ეს განმიმარტო... კათოლიკებს როგორ უწერიათ

[kavkasioni]

ძალიან საინტერესო თემაა

1. თავდაპირველაღ ღმერთმა შექმნა ცა და მიწა.


ვიღაც უგუნური ათეისტი იტყვის,რომ როგორ შექმნისდა ცას და მიწას,როცა ჯერ პლანეტები არ იყო შექმნილიო? ამაზე პასუხი არის,რომ აქ პირველ რიგში იგულისხმებიან ცაში-ანგელოზთა სამყარო,მიწაში კი დაცემული ანგელოზების სამყარო.

2. მიწა იყო უსახო და უდაბური, ბნელი იდო უფსკრულზე და სული ღვთისა იძვროდა წყლებს ზემოთ

ჩემი ზემოთ თქმულის დასტური და ასევე ამ ნაწყვეტში სულიწმინდაც დასტურდება.

3. თქვა ღმერომა: იყოს ნათელი ! და იქმნა ნათელი.

ათეისტბის შემოტევის საგანი.ისინი ამბობენ რომ მზე თუ არ იყო ნათელი საიდანღა მოდიოდა? თუმცა მეცნიერებმა დიდი ხანია აღმოაჩინეს,რომ რადიოაქტიულ ნაწილაკებს შეუძლიათ სინათლის გამოსხივება.

4. და ნახა ღმერთმა, რომ ნათელი კარგი იყო, და გაჰყარა ღმერთმა ნათელი და ბნელი.


აქ არამარტო მატერიალური ნათელი და ბნელი იგულისხმება(ასტროფიზიკოსებმ�
�� აღმოაჩინეს რომ სამყაროში ამტიმატერია არსებობს) არამედ ბნელეთის ძალებისა და ღვთის ანგელოზების გამოყოფა იგულისხმება.

5. ნათელს ღმერთმა უწოდა დღე და ბნელს უწოდა ღამე. იყო საღამო, იყო დილა - პირველი დღე.


აი აქაც უყვართ ათეისტებს ქილიკი.იძახიან რომ მზის გარეშე ვერც დღე და ვერც ღამე ვერ იარსებებსო.მაგრამ რა განაპირობებს დღე-ღამის ცვლილებას?-ნათელი.ღმერთს კი შეუძლია თავისით დაბადოს ნათელი და მოჰფინოს იგი ქვეყანას,და განა ღმერთი მზეზე მეტი არ არის?

6. თქვა ღმერთმა: იყოს წყალთა შორის მყარი და გაჰყაროს წყლები.

ეს გახლავთ გეოლოგიური პროცესი.მოხდა გავარვარებული ქანებიდან ჟანგბადისა და წყალბადის გამოყოფა,რის შედეგადაც წყლის მოლეკულები წარმოიქმნა.

7. გააჩინა ღმერთმა მყარი და გაჰყარა ერთმანეთისგან წყალი, რომელიც არის მყარს ქვემოთ, და წყალი, რომელიც არის მყარს ზემოთ. და იქმნა ასე

ანუ ნალექის სახით ნელ-ნელა ხმელეთზე დაგროვა წყალი და ოკეანეებად და ზღვებად შეიქმნა იგი.ასევე ორტქლის სახით დიდი რაოდენობა მოგროვდა ატმოსფეროში.


8. მყარს ღმერთმა უწოდა ცა. იყო საღამო, იყო დილა - მეორე დღე.

9. თქვა ღმერთმა: შეგროვდეს ერთგან ცისქვეშეთის წყალი და გამოჩნდეს ხმელეთი. და იქმნა ასე.

10. ხმელეთს ღმერთმა უწოდა მიწა და შეგროვილ წყალს უწოდა ზღვა. დაინახა ღმერთმა, რომ კარგი იყო.


ნუ ამ პროცესებზე ზემოთ მოგახსენეთ.


11 . თქვა ღმერთმა: აღმოაცენოს მიწამ მცენარეული - ბალახი, თესლის მთესველი, ხე ნაყოფიერი, თესლოვანი ნაყოფის მომტანი მიწაზე თავისი გვარისდა მიხედვით. და იქმნა ასე.

12. წარმოშვა მიწამ მცენარეული - ბალახი, თესლის მთესველი თავისი გვარისდა მიხედვით, და ხე, თესლოვანი ნაყოფის მომტანი, თავისი გვარისდა მიხედვით.

აი კიდევ ერთი ათეისტების საქილიკო საკითხი.ანუ როგრ ხარობდნენ მცენარეებიო,თუკი მზე არ იყოო? პასუხი მარტივია.მათ ღმერთი ასაზრდოებდა.განა ღმერთი მზეზე მეტი არაა? თუმცა ეს ნაწყვეტი ასევე გახლავთ კერპთაყვანისცემლობის პირველი კრიტიკა.ამით ხალხმა უნდა დაინახოს რომ მათ არა მზე,მტვარე და ვარსკვლავები ასაზრდოებენ,არამედ საზრდოს მხოლოდ ღმერთში ეძიონ,რათა არ შექმნან ხელქმნილი კერპები.


13. იყო საღამო, იყო დილა - მესამე დღე.

14. თქვა ღმერთმა: იყოს მნათობები ცის მყარზე დღისა და ღამის გასაყრელად, დროჟამის აღმნიშვნელად - დღეებისა და წელიწადებისა;

15. იყვნენ მანათობლებად ცის მყარზე რომ გაანათონ მიწა. და იქმნა ასე.


აი,ეს არის ათეიტების ლახვარი.ბევრი ათეისტი ქილიკობს იმაზე,რომ შეუძლებელია 6 დღეში სამყაროს შექმნა.მაგრამ დაკვირდით,ის 6 დღე არის ღვთიური დღე.ებრაულ ენაში ეს სიტყვა როგორც პერიოდი ისე ითარგმნება,აი აქ კი ზუსტად მიწიერ დღეებზე და წელიწადის დროებზე იყო საუბარი, რომლებიც მნათობთა ბრუნვაზე არიან დამოკიდებულნი.

16. გააჩინა ღმერთმა ორი მთავარი მნათობი, - დიდი მნათობი დღის განმგებლად და მცირე მნათობი ღამის განმგებლად - და ვარსკვლავები.

17. დასხა ისინი ღმერთმა ცის მყარზე, რომ გაენათებინათ მიწა,

18. განეგოთ დღე და ღამე, გაეყარათ ნათელი და ბნელი. დაინახა ღმერთმა, რომ კარგი იყო.

19. იყო საღამო, იყო დილა - მეოთხე დღე.


ანუ აქ უკვე ხდება მზის სინათლის შემოსვლა დედამიწაზე.


20. თქვა ღმერთმა: აფუთფუთდეს წყალში სულდგმული; მიწის ზემოთ კი, ცის მყარზე, ფრინველმა იფრინოს. და იქმნა ასე.

21 . შექმნა ღმერთმა დიდი თევზები და ყოველი სულდგმული, მცურავი თავ-თავისი გვარისდა მიხედვით, რაც-კი წყალში ფუთფუთებს, და ყველა ფრთოსანი თავ-თავისი გვარისდა მიხედვით. დაინახა ღმერთმა, რომ კარგი იყო.

22. აკურთხა ღმერთმა ისინი და თქვა: ინაყოფიერეთ და იმრავლეთ, აავსეთ ზღვები. ფრინველებმა იმრავლონ მიწაზე.

23. იყო საღამო, იყო დილა - მეხუთე დღე.

აქ უკვე ცხოველთა სამყარო შეიქმნა.მათ მცენარეების სახით საზრდო დამხვდარი ჰქონდათ.

24. თქვა ღმერთმა: წარმოშვას მიწამ სულდგმული თავთავისი გვარისდა მიხედვით - პირუტყვი, ქვემძრომი და მიწის მხეცები თავ-თავისი გვარისდა მიხედვით. და იქმნა ასე.

25. გააჩინა ღმერთმა ნადირი თავ-თავისი გვარისდა მიხედვით, საქონელი თავ-თავისი გვარისდა მიხედვით და ქვემძრომი თავ-თავისი გვარისდა მიხედვით. დაინახა ღმერთმა, რომ კარგი იყო.

აქ უკვე ძუზუმწოვართა შექმნაა აღწერილი.


26. თქვა ღმერთმა: გავაჩინოთ კაცი ჩვენს ხატად, ჩვენს მსგავსებად. ეპატრონოს ზღვაში თევზს, ცაში ფრინველს, პირუტყვს, მთელს დედამიწას და ყველა ქვემძრომს, რაც კი მიწაზე დახოხავს.

გავაჩინოთ...ნუთუ ეს სამებაზე არ მიუთითებს? და ზუსტად ადამიანის შექმნის დროს მოგვეცა იმის ნიშანი,რომ შევიცნოთ სამება.უფალი ჩვენ ხომ სამების პრონციპით გვაყალიბებს.ჩვენ გაგვაჩნია აზროვნების,მისი გამოხატვისა და მისი საქმედ ქცევის უნარი.ეს გვაქცევს ჩვენ პიროვნებებად.რაც შეეხება ცხოველებს,დააკვირდით,რაც უფრო ბოროტია ადამიანი,მით უფრო უყეფენ მას ძაღლები,მით უფრო გაურბიან მას კატები...ანუ ადამიანი რაც უფრო ახლოსაა ღმერთთან,მით უფრო ემორჩილებიან მას ცხოველები.მაგალითად ცნობილია რომ უამრავ წმინდას მინდვრის მხეცები უდაბნოში კვებასდნენ.

27. შექმნა ღმერთმა კაცი, თავის ხატად შექმნა იგი, მამაკაცად და დედაკაცად შექმნა ისინი

აქ უკვე ადამიანების შექმნაა აღწერილი.


28. აკურთხა ღმერთმა ისინი და უთხრა: ინაყოფიერეთ და იმრავლეთ, აავსეთ დედამიწა, დაეუფლეთ მას, ეპატრონეთ ზღვაში თევზს, ცაში ფრინველს, ყოველ ცხოველს, რაც კი დედამიწაზე დახოხავს.


აქ არის მრავალშვილიანობის პროპაგანდა.უფალმა გვიბრძანა ინაყოფიერეთ-ანუ გააჩინეთ მინიმუმ 2 შვილი, და იმრავლეთ-კიდევ ზედმეტიც დაამატეთ.სხვაგვარად კაცობრიობა დაიღუპება.

29 . თქვა ღმერთმა: აჰა, მომიცია თქვენთვის ყოველი ბალახი, თესლის მთესველი, რაც კი დედამიწის ზურგზეა, და ყოველი ნაყოფიერი ხე, თესლის მთესველი. ეს იყოს თქვენი საზრდო.

30. მიწის ყველა მხეცს, ცის ყველა ფრინველს, ყველა ქვემძრომს, რასაც კი სიცოცხლის სული უდგას, მწვანე ბალახი ჰქონდეს საჭმელად. და იქმნა ასე.

31. დაინახა ღმერთმა ყოველივე, რაც გააჩინა, და აჰა, ძალიან კარგი იყო. იყო საღამო, იყო დილა - მეექვსე დღე.

და აქ ღმერთი რთავს ადამიანს მცენარეული საკვების მიღების უფლებას.




პ.ს. მე დავწერე ის,თუ მე როგორ მესმის.თუ რამეში ვცდები შემისწორეთ.

[Misha Songulashvili]

kavkasioni

არამედ ბნელეთის ძალებისა და ღვთის ანგელოზების გამოყოფა იგულისხმება.

იქამდის განუყოფელები იყვნენ?

ამით ხალხმა უნდა დაინახოს რომ მათ არა მზე,მტვარე და ვარსკვლავები ასაზრდოებენ,არამედ საზრდოს მხოლოდ ღმერთში ეძიონ,რათა არ შექმნან ხელქმნილი კერპები.

მცენარეებსაც ნუ მოსთხოვთ რწმენას.

რაც შეეხება ცხოველებს,დააკვირდით,რაც უფრო ბოროტია ადამიანი,მით უფრო უყეფენ მას ძაღლები,მით უფრო გაურბიან მას კატები...ანუ ადამიანი რაც უფრო ახლოსაა ღმერთთან,მით უფრო ემორჩილებიან მას ცხოველები.მაგალითად ცნობილია რომ უამრავ წმინდას მინდვრის მხეცები უდაბნოში კვებასდნენ.

ააა, გასაგებია....

[abo]

ერთ მეტად საინტერესო მასონურ საიტზე იდო.
აბო.

[kavkasioni]

Misha Songulashvili


კი. მოგეხსენება რომ სატანა ერთ დროს ყველაზე მშვენიერი ანგელოზი იყო,რომელიც ამპარტავნებამ დაღუპა.

[nino kiwo]

მეგობრებო რთულ თემას შეჭიდებიხართ. ღმერთმა შეგაძლებინოთ. რთული და საინტერესო.

[ჰერელი]

ძველი აღთქმა, თავისი განმარტებებით, < ხომ არსებობს ასეთი წიგნი, ვერსად ვერ ვნახე და ხომ არ შეგიძლიათ დამეხმაროთ? სად შეიძლება შევიძინო, ყველგან ვეძებე და ვერ ვნახე, იქნებ ვინმეს შეგხვედრიათ სადმე. ვიცი რომ არსებობს ყუბანეიშვილის გამოცემა, თუ ამ ავტორის არა, იქნებ სხვა ავტორის მაინც იყოს, დიდი მადლობა წინასწარ

[George Leluashvili]

ძველი აღთქმა, თავისი განმარტებებით, < ხომ არსებობს ასეთი წიგნი, ვერსად ვერ ვნახე და ხომ არ შეგიძლიათ დამეხმაროთ? სად შეიძლება შევიძინო, ყველგან ვეძებე და ვერ ვნახე, იქნებ ვინმეს შეგხვედრიათ სადმე. ვიცი რომ არსებობს ყუბანეიშვილის გამოცემა, თუ ამ ავტორის არა, იქნებ სხვა ავტორის მაინც იყოს, დიდი მადლობა წინასწარ

ლოპუხინს აქვს მთლიანად ძველი აღთქმა განმარტებული და ძალიან კარგი წიგნებია.
თითოეული ძვ. აღთქმის წიგნი ცალკე ნაწილადაა გამოცემული.

ბოლოს გამოვიდა სამი ერთად: "დაბადების", "გამოსვლის", და "რიცხვნის" განმარტებების კრებული, რომელიც 8 ლარი ღირს საეკლესიო მაღაზია "ალილოში", რომელიც ლესელიძეზეა და მგონი ყველაზე საბითუმო საეკლესიო მაღაზიაა.

[ჰერელი]

ლოპუხინს აქვს მთლიანად ძველი აღთქმა განმარტებული და ძალიან კარგი წიგნებია.
თითოეული ძვ. აღთქმის წიგნი ცალკე ნაწილადაა გამოცემული.

ბოლოს გამოვიდა სამი ერთად: "დაბადების", "გამოსვლის", და "რიცხვნის" განმარტებების კრებული, რომელიც 8 ლარი ღირს საეკლესიო მაღაზია "ალილოში", რომელიც ლესელიძეზეა და მგონი ყველაზე საბითუმო საეკლესიო მაღაზიაა.

საბითუმო ნამდვილად არის, მაგრამ რატომღაც მარტო ალილოში კი არა, ლესელიძის ყველა მაღაზია დავიარე და ძველ აღთქმას სადაც ვახსენებდი დამთავრებულიც არ მქონდა კითხვა რომ უკვე უარს მეუბნებოდნენ. იმედია ავტორით რომ ვიკითხავ მიხვდებიან )))) მადლობ დახმარებისთვის

[George Leluashvili]

საბითუმო ნამდვილად არის, მაგრამ რატომღაც მარტო ალილოში კი არა, ლესელიძის ყველა მაღაზია დავიარე და ძველ აღთქმას სადაც ვახსენებდი დამთავრებულიც არ მქონდა კითხვა რომ უკვე უარს მეუბნებოდნენ. იმედია ავტორით რომ ვიკითხავ მიხვდებიან )))) მადლობ დახმარებისთვის

არადა, ზუსტად მახსოვს, რომ ალილოში აქვთ შემიძლია ზუსტი თარო და წიგნების რიგიც მიგითითო

ლოპუხინის "ბიბლიის განმარტებანი" იკითხე; შავი წიგნია.

[აკაკი]

ჰერელი
ვერცხლის ქუჩაზე ნახავ... ლესელიძიდანაა ერთი შესახვევი

[ჰერელი]

უი არც გამიგია ეგ ქუჩა იმედია ალილოში იქნება, თუ არა და ვერცხლის ქუჩასაც დავადგები, მადლობ

[George Leluashvili]

ჰერელი

ვერცხლის ქუჩაზე

მანდ ძვირი ფასები აქვს.
ვიცი ეგ მაღაზია, სულ წიგნები იყიდება.

[აკაკი]

ხო, არ ვიცი, 8 ლარი ღირს ძველი აღთქმის წიგნთა განმარტებანი, თითო ტომი

[George Leluashvili]

აკაკი

ხო, არ ვიცი, 8 ლარი ღირს ძველი აღთქმის წიგნთა განმარტებანი, თითო ტომი

ბოლოს გამოვიდა ბიბლიის პირველი სამი წიგნის განმარტება ერთად, რაც შედარებით იაფია, ვიდრე ცალ-ცალკე აღებული.

[აკაკი]

George Leluashvili
კი მაგას ვამბობ თითო ტომში სამი წიგნია, 8 ლარი ღირს

მარტო პირველ ტომშია ერთი წიგნი, დაბადება