ვინ ახარა მენელსაცხებლე დედებს, მაცხოვრის აღდგომა? პარამეტრები

[კანონისტი]

წმინდა სახარება ასე აღწერს აღდგომის ამბებს:

მათე და მარკოზი აღწერენ, რომ დედებმა ერთი ანგელოზი იხილეს:
ხოლო მწუხრი შაბათთასა, რომელი განთენდებოდა ერთშაბათად, მოვიდა მარიამ მაგდალინელი და სხუაჲ იგი მარიამ ხილვად საფლავისა მის.
და აჰა ძრვაჲ იყო დიდი, რამეთუ ანგელოზი უფლისაჲ გარდამოჴდა ზეცით, მოვიდა და გარდააგორვა ლოდი იგი კარისა მისგან საფლავისა და დაჯდა მას ზედა.
ხოლო იყო ხილვაჲ მისი, ვითარცა ელვაჲ, და სამოსელი მისი სპეტაკ, ვითარცა თოვლი.
ხოლო საშინელებისაგან მისისა შეძრწუნდეს მცველნი იგი და იქმნნეს, ვითარცა მკუდარნი.
მიუგო ანგელოზმან მან და ჰრქუა დედათა მათ: ნუ გეშინინ თქუენ; ვიცი, რამეთუ იესუს ნაზარეველსა ჯუარ-ცუმულსა ეძიებთ.
არა არს აქა, რამეთუ აღდგა, ვითარცა თქუა. მოვედით და იხილეთ ადგილი, სადა დაიდვა უფალი.
ადრე წარვედით და უთხართ მოწაფეთა მისთა, ვითარმედ: აღდგა მკუდრეთით და აჰა წინა-გიძღჳს თქუენ გალილეას. მუნ იხილოთ იგი. აჰა ესერა გარქუ თქუენ. (მთ. 28;1-7)

და მიჰხედეს და იხილეს, რამეთუ გარდაგორვებულ იყო ლოდი იგი, რომელი იყო დიდ ფრიად.
და შე-რაჲ-ვიდეს საფლავსა მას, იხილეს ჭაბუკი მჯდომარე მარჯუენით კერძო, შემოსილი სამოსლითა სპეტაკითა, და განჰკრთეს.
ხოლო მან ჰრქუა მათ: ნუ განჰკრთებით! იესუს ეძიებთ ნაზარეველსა, ჯუარ-ცუმულსა; აღდგა, არა არს აქა. აჰა ადგილი, სადა დადვეს იგი. (მკ. 16; 4-6)

ლუკას კი უწერია ორზე, თუმცა არ ამბობს "ანგელოზებს", არამედ "ორ კაცს":
და პოვეს ლოდი იგი გარდაგორვებული საფლავისა მისგან.
და შე-რაჲ-ვიდეს შინა, არა პოვეს გუამი იგი უფლისა იესუჲსი.
და იყო განზრახვასა მას მათსა ამისთჳს, და აჰა ესერა ორ კაც ზედა მოადგეს მათ სამოსლითა ელვარითა.
და ვითარ შეშინებულ იყვნეს იგინი და დაედრიკნეს პირნი მათნი ქუეყანად, ჰრქუეს მათ: რაჲსა ეძიებთ ცხოველსა მას მკუდართა თანა?
არა არს აქა, არამედ აღდგა. მოიჴსენეთ, ვითარ-იგი გეტყოდა თქუენ, ვიდრე იყოღა იგი გალილეას,
და თქუა, ვითარმედ: ჯერ-არს ძისა კაცისა მიცემად ჴელთა კაცთა ცოდვილთასა და ჯუარ-ცუმად და მესამესა დღესა აღდგომად.
და მოეჴსენნეს სიტყუანი მისნი. (ლკ. 24; 2-8)

ხოლო იოანე კი ამატებს, რომ ორ ანგელოზთან ერთად უფალიც იხილა:
ხოლო მარიამ დგა გარეშე საფლავსა მას თანა და ტიროდა. და ვითარ ტიროდა, შთახედა საფლავსა მას.
და იხილნა ორნი ანგელოზნი, სპეტაკითა მოსილნი, მსხდომარენი ერთი თავით და ერთი ფერჴით, სადა-იგი იდვა გუამი უფლისა იესუჲსი.
და ჰრქუეს მას ანგელოზთა მათ: დედაკაცო, რაჲსა სტირ? ხოლო მან ჰრქუა მათ, რამეთუ აღიღეს უფალი ჩემი საფლავით და არა უწყი, სადა დადვეს იგი.
ესე რაჲ თქუა, მიიქცა გარე და იხილა იესუ მდგომარე და არა უწყოდა, რამეთუ იესუ არს.
ჰრქუა მას იესუ: დედაკაცო, რაჲსა სტირ? ვის ეძიებ? მას ეგონა, ვითარმედ მემტილე იგი არს, (ინ. 20; 11-15)


საინტერესო რამ ამოვიკითხე გუშინ საცისკრო საკითხავში, კერძოდ ის, რაზეც სახარება არ საუბრობს, ანუ ანგელოზთაგან ერთ-ერთი იყო თავად გაბრიელ მთავარანგელოზი:

"მაღლით გარდამოჴდა გაბრიელ ლოდსა მას ზედა, სადა იგი მდებარე იყო ლოდი იგი ცხორებისა და სპეტაკითა მოსილი ეტყოდა მგლოვარეთა მათ დედათა: ნუ სტირთ თქვენ, არამედ დასცხერით გლოვისაგან."
რვახმათა, ხმა 4, ცისკარი კვირისა, დასდებ. შემდგომად მე-2 ფსალმუნებისა, საკითხავი 2
(1998 წ. გამოცემა, გვ. 269)

ალბათ, ეს წმინდა გარდამოცემის საფუძველზე იცის ეკლესიამ......