მამათა გამონათქვამები პარამეტრები

[marine]

"არ შეაფასო თავი."

"გამოცდილება სიბრძნეა."

[tatine]

ყოველი ცოდვა მტრობაა ღვთისა! ვის ემტერები? იცი რას გიზამს?!
ყოველ წესზე და კანონზე აღმატებული-სიყვარულია. (მამა გაბრიელი)

ადამიანი ფიქრობს,ღმერთი განაგებს! (ეკლესიასტე)

[makiki]

ბოროტი სიტყვა კეთილსაც ბოროტად აქცევს, ხოლო კეთილი კი ბოროტსაც გარდაქმნის კეთილად.
ღირსი მამა მაკარი


რასაც უფალს არ მოვახმართ, მოიხმარს სხვა. ამიტომ მოგვცა უფალმა მცნება -გვიყვარდეს მთელი სულით და გულით, რათა ბოროტმა არ იპოვოს ჩვენში ბინა.
ბერი იოსები

იმისათვის რომ სხვებს უყვარდე, ჯერ შენ უნდა შეიყვარო ისინი.
ბერი პორფირე

თუ ადამიანი ააშენებს სახლს და დატოვებს უსახურავოდ-ეს სახლი საცხოვრებლად არ ივარგებს, ასევეა ადამიანიც. ყველანაირი სათნოებით რომ შეიმკოს, თუ სიყვარული ვერ მოიპოვა, მაშინ მისი სათნოების სახლი უსახურავოდ დარჩება და გამოუსედეგარია.
ბერი ფილოთეოსი


ბოლო ჟამს ადამიანებს სიმდაბლე,სიკეთე და სიყვარული გადაარჩენს.სიკეთე სამოთხის კარს გაგიღებს, სიმდაბლე შიგ შეგიყვანს და სიყვარული ღმერთს განახვებს.
როცა არაფერი გაქვთ,არ უნდა ჩავარდეთ სასოწარკვეთილებაში, უნდა დამთმენი იყოთ. არ მოგცა, ე.ი. ასე იყო საჭირო. უნდა ვეცადოთ, რომ უფალმა ძალა მოგვცეს, კვლავ შევძლოთ ლოცვა. "უფალი კეთილ გზას გვიჩვენებს" - ასე უნდა ზრახვიდეს ადამიანი.
მამა გაბრიელი


ვის გულშიც ქრისტე არ არის, მისთვის ყველაფერი რთული და ბნელია.როდესაც გულში ქრისტე არ არის,მაშინ იქ ბევრი ადგილია ფულის, მამულების და ადამიანებისათვის
ბერი ამფილოქე

ღმერთი არ განასხვავებს მართალს ცოდვილისაგან და არც ათანაბრებს ათანაბრებს ზაკვრობას სათნოებასთან. ფუტკარი თუ იპოვის შაქრის ნატეხს ან რაიმე ტკბილს ნაგვის გორაზე, არ ერიდება ნაგავს, მიფრინდება სიტკბოს ასაღებად და მისგან თაფლს ამზადებს. ასევეა ღმერთიც, ის არ აქცევს ყურადღებას, ცოდვილია თუ სათნო, ბოროტებაშია თუ სიკეთეში. უფალი ადამიანის დასახმარებლად ხედავს მხოლოდ იმ წუთებს, რომლებიც მას კაცთან აახლოვებს.
ბერი ანთიმოზი


მრავალგზის მობრძანდება ქრისტე და გვიკაკუნებს კარზე. შენ დასვავ მას შენი სულის სასტუმრო ოთახში და საზრუნავში ჩაფლული ივიწყებ ძვირფას სტუმარს. ის გელოდება და როდესაც ძალიან იგვიანებ, დგება და მიდის. მეორედ უკვე ისეთი დაკავებული ხარ, რომ პასუხობ სარკმლიდან - კარის გაღების დროც კი აღარ გაქვს.
ბერი ამფილოქე

რამდენადაც ადამიანი ამსოფლიურ ნუგეშს მოიკლებს,იმდენად მეტ ღვთიურ სიხარულს მიიღებს სულიწმინდის მადლით.
წმ.ისააკ ასური

ვინც უდაბნოსა და მდუმარებაში ცხოვრობს, ის სამი განსაცდელისგან თავისუფალია: სმენის, ენისა და მზერისაგან; მას მხოლოდ ერთი განსაცდელი აქვს - საკუთარი გულისგან.
წმ.ანტონი დიდი

მადლიერება მიმღებისა აგულიანებს გამცემს,რომ უწინდელზე მეტი ძღვენი გაიღოს.
ღრ.ისააკ ასური

ქრისტე ჩვენი მეგობარია, ჩვენი ძმა, ეს არის ყველაფერი მშვენიერი. ქრისტე არ არის პირქუში სევდიანი, არ აქვს შინაგანი შფოთი. ადამიანი ხომ იტანჯება ფიქრებით და გარემოებებით, რომლებიც თანდათან ამძიმებს და აავადებს მას. ქრისტე სიხარულია, ცხოვრებაა, ნათელი რომელიც ახარებს, ფრთებს ასხამს ადამიანს, აძლევს ძალას, დაინახოს ყველა და ყველაფერი, თანაუგრძნოს, აძლევს სურვილს, რომ ყველა მის გვერდით იყოს და ხარობდეს.
ბერი პორფირე


--------------------

სიტყვათა შენთაგან განმართლდე და სიტყვათა შენთაგან დაისაჯო.
(მათე 12,37)

იმისთვის რომ სხვებს უყვარდე ჯერ შენ უნდა შეიყვარო ისინი


სულის განწმენდის საუკეთესო საშვალებაა ლოცვის დროს ტირილი,მაგრამ ლოცვის მერე ნუ დაივიწყებ ,რისთვის ტიროდი.

უნდა შეიცნოთ,რომ ქრისტეს სიყვარული ცოდნას აღემატება,რათა აღივსოთ სრული ღვთიური სისავსით.

შეეეცადე ადამიანებთან ურთიერთობაში გამოიწრთო და მორჩილების გრძნობა გამოიმუშავო.

ჩვენი ცხოვრება გემზე მყოფ მეზღვაურის მდგომარეობას ჰგავს: როგორც ის,იმისდა მიუხედავად დგას,ზის თუ წევს ,სულ უფრო უახლოვდება ნავსაყუდელს და მიემართებ აიქით ,საითკენაც გემი მიცურავს,ჩვენც- გვძინავს თუ გვღვიძავს,ვწევართ თუ დავდივაღტ-ყოველ წუთს ცხოვრების დასასრულს ვუახლოვდებით.

ბავშვობაში შეძენილი ჩვევები ნორჩ ხეზე ამოკვეთილი ასოებივითაა- ხესთან ერთად იზრდებიან ,ფართოვდებიან და, საბოლოოდ მის ნაწილად იქცევიან.


ეცადეთ ემსგავსოთ ამბა ისააკს ,რომელიც ამბობდა : " ჩემს კელიასი არასდროს შემიყოლებია არაკეტილი აზრი ძმაზე,რომელმაც მაწყენინა,ასევე ყოველთვის ვცდილობდი ,არც რომელიმე სხვა ძმას შეეტანა ტავის სენაკში ჩემზე ცუდი აზრი"


ვინც ხელისგულზე სამკურნალო ზეთს ისხამს,რათა უძლურს სცხოს,ამ ზეთის ნაწილი ჯერ მას ხვდება.ასევე ვინც ძმისთვის ლოცულობს(ან ზრუნავს მოყვასის კეთილდღეობაზე და სიკეთეს სთესავს) ,ვიდრე მას რგებს რამეს,ჯერ თვითონ ნახულობს სარგებელს.


შინ რომ გველ-მორიელი გაგიჩნდეთ , განა ყველაფერს არ გააკეთებთ მათ თავიდან მოსაშორებლად? სიძულვილი და მტრობა ამ ქვეწარმავლებზე უარესია,თქვენ კი დიდათ არ ცდილობთ,მათგან განიწმინდოთ გული,რომელიც ტაზარია ღვთისა.

[makiki]

ჭეშმარიტად უყვარს ღმერთი მას,ვინც თავი მოიძულა ღმერთის სიყვარულისთვის.

არის სიყვარული ,რომელიც მცირე კანდელს წააგავს:ზეთი რომ დაშრება,კანდელიც ქრება,ან წვიმის ნაკადს,რომლის დინება წვიმის გადაღებისთანავე წყდება.მაგრამ არის ისეთი სიყვარული,რომელიც მიწის წიაღიდან ამოთხრილი წყაროს მსგავსად,არასდროს იკლებს.პირველი კაცობრივი სიყვარულია,მეორე კი- საღმრთო,რომლის მიზეზიც ღმერთია თვითონ.


როგორც რკინდა ნებდება მჭედელს მეც ისე მივანდე ჩემი თავი და საკუთარი ნება უფალს.როგორც მას ნებავს ისე ვიქცევი,საკუთარი ნება არ გამაჩნია,არამედ რაც ღმერთს სურს ,იმას გადმოგცემთ.
ღირსი სერაფიმე საროველი


ქრისტეს ჭეშმარიტად მორწმუნე სულმა სახე უნდა იცვალოს და აწინდელი-ბიწიერი მდგომარეობიდან სხვა,კეთილ,უბიწო მდგომარეობაში გადავიდეს.და ახალ სულად იცვალოს ფერი სულიწმინდის ძალით და შემწეობით
წმინდა მაკარი დიდი

როგორც ყველაზე ჯანსაღ თვალსაც კი არ ძალუძს რაიმეს დანახვა,თუკი სინათლის სხივით არ არის განათებული,ამგვარადვე ადამიანსაც არ ძალუძს ღვთის სათნოდ ცხოვრობდეს საღმრთო მადლისავე შეწევნის გარაეშე,სულ ერთია,როგორი პატიოსანიც არ უნდა იყოს გარაგნულად.

სარწმუნოების საიდუმლონი მზისმსგავსია: შეუღწეველნი თავიანთი არსით,ისინი განაბრწყინებენ და ცხოველს-ჰყოფენ იმათ,ვინც გულის სიწრფელითა და უბრალოებიტ ვალს მათმიერ ნათელში და ისინი მხოლოდ კადნიერ,უტიფარ თვალთ აბრმავრბენ,რომელთაც მათ წიაღ შეხწევა მოუსურვებიათ.
ნეტარი ავგუსტინე

[makiki]

მორჩილება,საბოლოო ჯამში,ღვთის ნებისადმი მორჩილებაა,ღვთის ნება გადმოცემულია წმინდა წერილში და ყოველმა,ვისაც მისი შეტყობა სურს,უნდა გამოიკვლიოს იგი.ქრისტე ამბობს:"გამოეძიებდით წიგნთა".ეს ყოველი ქრისტიანის მოვალეობა,ესაა ღვთისმეტყველება და ყოველი ვალდებულია,ღვთის ნების აღსასრულებლად ისწრაფოდეს.
არქიმანდრიტი ზენონი.



შენი გონება მხოლოდ უფლის მცნებების აღსრულებაზე უნდა ფიქრობდეს,მთელი ძალისხმევა მოახმარე უფლის მცნებების დამარხვას,თანაც ისე რომ ერთიც კი არ გამოტოვო მათგან.თუკი ასე არ მოიქცევი,შენი სული ყოველგვარი არაწმინდების სამყოფელად შეიქმნება.


თუკირაიმე საქმე გელოდება,მაგრამ მის კეთებაში ვერ ხეედავ ღვთის ნებას,მაშინ არაფრის გულისათვის არ მოჰკიდო ხელი: მხოლოდ ის უნდა აკეთო რაც ღმერთს სათნოეყოფა".


გიყვარდეს შრომა,ყველას სიმდაბლით დაემორჩილე,ბაგენი შენნი მდუმარე დაიმარხე,ვითარცა შეიძლო,და ამიტ ჭეშმარიტ სიმდაბლეს მიემთხვევი.ჭეშმარიტი სიმდაბლე კი საწინდარია იმისა,რომ ყველა ცოდვა მოგეტევება ღმერთის მიერ.
წმინდა ანტონი დიდი


ღირსი იოანე სინელი ამბობს:" მორჩილება ყველა სათნოების დედაა."მორჩილება ადამიანში ყოველგვარ სათნოებას წარმოშობს.როდესაც იგი ადამიანს ტოვებს,მასში ყოველგვარი ბოროტება შემოდის.თუკი პირველი მამა,ადამი,ურჩობამ სამოთხიდან გამოიყვანა,მორჩილება ადამიანებს სასუფევლად აღიყვანს.


ანგელოზის მსგავსი რომ იყო,თუ ამპარტავნება გაქვს,მაშინ უხმარი არს.ამის მერე დაირწმუნე ამის ჭეშმარიტება:ეშმაკი პირველ კეთილი ანგელოზი იყო,ამპარტავნებამ კი საძაგელ ეშმაკად აქცია.
წმინდა ანტონ ჭყონდიდელი


ყველას არ გაუმხილო შენი ზრახვები,არამედფ მათ გაანდე,ვისაც ძალუძს,შენს სულს უმკურნალოს.

შენი ფიქრები ყველას არ გაუმხილო,რათა საცდურად არ ექცე სხვას.

ყველასთან მეგობრული დამოკიდებულება გქონდეს,მაგრამ ყველას მრჩევლად ნუ გაიხდი.

ეცადე,ისეთ სათნოებას მიაღწიო,რომ ყველა გლოცავდეს და გაკურთხებდეს.

შენი სულიერი ძმის მწუხარება გაიზიარე და თანადგომა უჩვენე,თუკი რომელიმე გთხოვს დაეხმარო,მთელი ის გღე მასთან იშრომე.

ყოველდღე,ძილისგან აღმდგარმა,პირველ ყოვლისა,იმ სნეულებზე იფიქრე და იზრუნე,რომელიც საძმოში გყავთ- მოინახულე ისინი და რითაც შეგიძლია დაეხმარე.
წმინდა ანტონ დიდი

[betaneli luka]

''კარგი არს გაცლა გართობისაგან და განმარტოება კედლებს შორის ჩაკეტვით.მაგრამ საკუთარ თავში ჩახედვით განმარტოება უკეთესია.პირველი უკანასკნელის გარეშე არარა არს,ხოლო უკანასკნელი კი პირველის გარეშეც მნიშვნელოვანია.''წმ.მღვდელმთავარი თეოფანე დაყუდებული.

[zura27]

მორჩილება სიყვარულზე აღმატებულია, რადგან ამაყ და ურჩ გულში არ არის და ვერც იქნება მორჩილება. ეს თავის მოტყუებაა! მიტროპოლიტი ზინობი (მაჟუგა)

მორჩილებაა გახდე მონა რათა იყო თავისუფალი! იოსებ ათონელი

[.:Lela:.]

ყველას არ გაუმხილო შენი ზრახვები,არამედფ მათ გაანდე,ვისაც ძალუძს,შენს სულს უმკურნალოს.

[xornabujeli]

თუკი საქმეები და ყოველდღიური საქმიანობა უნდა მიატოვო სადღესასწაულო დღეებში, მით უმეტეს, უნდა მოერიდო საქმეებს, რომელთა კეთებაც სადაგ დღეებშიც არაა ნებადართული.
განა ბევრნი არ არიან ჩვენს შორის ისეთები, რომლებიც დღესასწაულის დილის საათებს ძილში ატარებენ? და ეს ღამის შემდეგ, რომელიც ისეთ დღედ იქცა, მზის ღირსი რომ არაა.
მოსკოვის მიტროპოლიტი ფილარეტი

დღესასაწული იმისთვის არაა, რომ ვითავნებოთ და საკუთარი ცოდვები ვამრავლოთ, არამედ იმისთვის, რომ რაც გვაქვს, იმისგანაც განვიწმინდოთ.
წმ. იოანე ოქროპირი

დღესასწაული სულიერი სიხარულის, მასში გულითადი მონაწილეობის, შინაგანი გრძნობის გარეშე იგივეა, რაც უსულო სხეული.
მოსკოვის მიტროპოლიტი ფილარეტი

[მაშიკო]

ნუ იტყვი: „ხვალ“, იქნებ შენთვის უკვე აღარ დადგეს ხვალინდელი დღე. ის ვინც ცოდვათა შენდობას შეჰპირდა მონანულთ, ცოდვაში მყოფთ ხვალინდელი დღის დადგომას არ დაპირებია.
წმ. გრიგოლ დიოლოღოსი
ბედნიერია ის, ვინც სიბერეში მაინც მოასწრებს სინანულის ცრემლის ჩამოგდებას სიყრმის გატაცებების გამო.
წმიდა ეპისკოპოსი ეგნატე (ბრიანჩანინოვი)
ვინც თავს იმართლებს, იგი საკუთარ თავს სინანულისაგან განაშორებს.
აბბა ისაია
სინანული კიბეა, რომელსაც ავყავართ იქ, საიდანაც ჩამოვცვივდით.
წმ. ეფრემ ასური
ნურასდროს იტყვი – დღეს შევცოდავ, ხვალ კი შევინანებო! ჯობს დღესვე მოვინანიოთ ცოდვები, რადგან არ ვიცით, ვიცოცხლებთ თუ არა ხვალამდე.
წმ. ეფრემ ასური
ქრისტეს მთელი ეკლესია არის ეკლესია მონანულთა. იმათი, ვინც დაღუპვას სინანულის გზით გაურბის.
წმ. ეფრემ ასური

[marine]

"ქრისტიანის ცხოვრება მუდმივი ბრძოლაა, ხშირად ნებისყოფის სიმტკიცის გამოვლენა".

/დეკ. დავით ციცქიშვილი/

[marine]

"სიღარიბეში ისე იცხოვრე, როგორც სიმდიდრეში, სიმდიდრეში კი - როგორც სიღარიბეში".

/მამა ვიტალი სიდორენკო/

[marine]

"ბერ ეფრემ კატუნაკელს ჰკითხეს, როგორ ახერხებ მამაო, რომ არ განიკითხავთ ადამიანებსო?

მან უპასუხა, მე სხვებს, როგორც წმინდანებს, ისე ვუყურებ და ამით შინაგანად ვაგვარებ ამ საკითხსო.

ეს სულიერი რჩევაა და უნდა გავითვალისწინოთ, ჩავუღრმავდეთ და შინაგან ბედნიერებას მივიღებთ.

სული გამჭვირვალე გახდება და მანკიერებების დანახვა საკუთარ არსში გაგვიადვილდება."

/დეკ. შიო პაიჭაძე/

[marine]

"უფალმა გაფანტა კაცმოთნეთა ძვლები" (ფს. 52:6), რაც ნიშნავს, რომ უნდა ეძებდეს მარტოოდენ ღვთისმიერ ჯილდოს, მუდამჟამს განიშორებდეს გულში მოზღვავებულ გულის ზრახვებს, მას რომ აქებენ და არაფრად რაცხდეს თავის თავს ღვთის წინაშე, რადგან სწორედ ამ გზით, ღმერთთან ერთად შეძლებს ცუდმედიდობის სულისაგან თავის დახსნას".

/მღვდელ-მონაზონი დავით (კირკიტაძე)/

[marine]

"ძლიერი მწუხარების ჟამსაც არ უნდა განვიკითხოთ სხვები".

/წმ. გრიგოლ დიალოღოსი/

[marine]

"ღმერთმა ისე ბრძნულად შექმნა ადამიანის გული, რომ ის ამქვეყნად ვერასოდეს ვერ მოიპოვებს სიმშვიდეს ღვთის გარეშე".

/ილია მეორე/

[marine]

"იმდენად დავმდაბლდით, რომ უკვე სამღვდელოებას გვიწევს ზნეობაზე, ელემენტარულზე საუბარი, ქმედებაზე აღარ ვამბობ; სანატრელი გახდა უფროს-უმცროსობა, კდემამოსილება, ქალის ადგილი ოჯახში თუ საზოგადოებაში, მითუმეტეს თუ ვინმეს თანამდებობა უკავია და სადმე რაიმე სიტყვა ეთქმის, ახალგაზრდების დამოკიდებულება უფროსების ან საზოგადოების მიმართ, ან თუნდაც ელემენტარული - სირცხვილის გრძნობა, რაც მიგვიყვანს სინანულამდე"

/დეკ. გიორგი სამსონიძე/

[betaneli giorgi]

''ნუ მეტყვი, რომ გიყვარს უფალი - ეს მხოლოდ სიტყვებია: მიჩვენე სიყვარული საქმით.''

წმ. იოანე ოქროპირი



''ვინც ამბობს, უფალი მიყვარსო, მოყვასი კი სძულს, იმ კაცს ჰგავს, რომელიც სიზმარში მირბის.''

წმ. იოანე სინელი(კიბისაღმწერელი)

[sanfol]

ყველას არ გაუმხილო შენი ზრახვები,არამედფ მათ გაანდე,ვისაც ძალუძს,შენს სულს უმკურნალოს.

სამწუხაროდ ხშირად გვეშლება ხოლმე ვის შეუძლია დახმარება და ვის პირიქით საქმის გაფუჭება, ხანდახან ჩემი თავის გარდა არავის ვენდობი ხან კი პირიქით ჩემი თავის გარდა ყველას ვენდობი და როგორ დავიჭირო საშუალო ვარიანტი რამე მითხარით რამე დაწერეთ

[marine]

"უფალმა საუკეთესო რომ მოგცეს, აუცილებელია, შენც საუკეთესოს მიმცემი იყო"

/არქიმანდრიტი დოროთე (ყურაშვილი)/