მზრუნველობას მოკლებული ბავშვები |
სტუმარს სალამი ( შესვლა | დარეგისტრირება )
მზრუნველობას მოკლებული ბავშვები |
poposa |
May 3 2007, 06:50 PM
პოსტი
#61
|
poposa ჯგუფი: Members პოსტები: 65 რეგისტრ.: 3-May 07 მდებარ.: shveicaria წევრი № 1,828 |
გამარჯობა!
მე ქეთი ვარ და სულ ახლახანს აღმოვაჩინე ეს საიტი. ძალიან ბედნიერი ვარ, მიხარია ასეთი კარგი ახალგაზრდები რომ გვყავს კიდევ საქართველოში. ვნახე თქვენი ექსკურსიის სურათები და აღფრთოვანებული ვარ. მეც მინდა თქვენთან ერთად. სამწუხაროდ მე საქართველოში არ ვარ, მაგრამ 2 თვეში დავბრუნდები და იმედია გნახავთ .მოკლედ, ახლა რაც ამ თემის გახსნას და მიზეზს შეეხება. როგორც უკვე ავღნიშნე, საქართველოში არ ვარ. უკვე მე-6-ე წელია შეიცარიაში ვცხოვრობ და ვსწავლობ. 14 წლის ვიყავი, აქეთ რომ წამოვედი და 6 წელი საქართველოს და ჩემი ოჯახის ნატვრაში გავატარე. არდადეგებზე ჩამოვდივარ. აქ სტიპენდიით ვცხოვრობ, ხან ვმუშაობ და თავი გამაქვს, საკმაოდ წარმატებულადაც მქონდა კარიერული საქმეები, მაგრამ მოხდა ისე, რომ შარშან ყველაფერი ამერია, ფინანსურად გამიჭირდა, პროფესიაშიც რაღაც ცვლილებები მოხდა. მოკლედ, თავდაყირა დამიდგა ყველაფერი, მაგრამ ღვთის რწმენა არასოდეს დამიკარგავს და მჯეროდა, რომ გამოვიდოდი სიტუაციიდან. დავწერე სტიპენდიებზე წერილები და დავაგზავნე. საბუთები რომ გავაგზავნე, ჩემს მეგობარს უთხარი: თუ მომივიდა სტიპენდია, ზრუნველობა მოკლებულ ბავშვებს დავეხმარებითქო. გავიდა 2 თვე და თბილიში ყოფნისას გავიგე, რომ სტიპენდია მივიღე. სულ რაღაც ერთი კვირა მქონდა დარჩენილი თბილისიდან წამოსვლამდე და ვიფიქრე, ზაფხულში რომ ჩამოვალ, მერე მივხედავ ამ საქმესთქო... გამოფრენის წინა დღეს ჩემს ოჯახში აგმოჩნდა ქალი, რომელიც ეხმარება ზრუნველობა მოკლებულ ბავშვების ფონდს, სახელწოდებით "პირველი ნაბიჯი" და მითხრა, რომ დღეს თეატრში ეს ბავშვები წითელქუდას სპეკტაკლს მართავენ და თუ სურვილი მექნებოდა შემეძლო მივსულიყავი (დროებამ გააშუქა ეს სპექტაკლი, შეიძლება ნახეთ კიდეც). მივედი და რა ვნახე, ცრემლი ვერ შევიშრე თვალზე ისეთი საცოდაობა და ამავ დროს სიხარული იყო იმის ნახვა, როგორ ცდილობდნენ ავადმყოფი ბავშვები სპექტაკლის თამაშს. იმ საღამოს გადავწყვიტე რომ ჩემი სტიპენდიის გარკვეულ ნაწილს მათ დაურიცხავ და ეს იმ საღამოსვე გავაკეთე. ზუსტად დღეს, როდესაც თქვენს საიტს ვათვალიერებდი, დამირეკეს თბილისიდან და გაწეული დახმარებისთვის მადლობა გადამიხადეს. ამ ზარის შემდეგ გადავწყვიტე ეს თემა გამეხსნა. თბილისში რომ ჩამოვალ, კიდევ მინდა მისვლა იმ ბავშვებთან და მცირეოდენი საჩუქრების მიტანა. უბრალოდ, აზრად მომივიდა, თუ სურვილი გექნებათ, შემომიერთდით და ზაფხულში ერთად ვესტუმროდ ბავშვებს. არ არის აუცილებლად ფინანსური დახმარება ალბათ საჭირო. ვეცდები გარკვეული თანხა ჩამოვიტანო რომ საჩუქრები გაუკეთოთ, ვინც შეძლებს , შეუძლია საჩუქრების ყიდვაშიც დამეხმაროს, მაგრამ ვისაც არა, შეიძლება ორგანიზაცია გაუკეთოთ გავასეირნოთ, ან რამე ისტორული ძეგლი ვანახოთ, თუნდაც საჩუქრებზე ერთად ვიაროთ... მოკლედ, მინდა რამე ისეთს გაუკეთო ორგანიზება, რითაც გავახალისებთ და მათ სიცოცხლეში ბედნიერების ნაპერწკალს შევიტანდით. ესაა და ეს იმედია დიდი წერილი არ გამომივიდა ძალიან... გკოცნით ყველას |
მსუბუქი ვერსია | ახლა არის: 8th June 2024 - 06:17 PM |
მართლმადიდებლური არხი: ივერიონი
ფორუმის ელექტრონული ფოსტა: იმეილი