ნუგეში უფლისა და კაცთა პარამეტრები

[marine]

"თუ ვინმე ასეთ რამეს იტყვის: "ესა და ეს კაცი ავად არის და ამიტომ მე დღეს წყალს არ დავლევ, იმიტომ, რომ ღმერთმა იცის, სხვა არაფრის გაკეთება არ შემიძლია!" თუ ადამიანი აღასრულებს ამას, ღმერთი დაარწყულებს მას უკვე არა წყლით, არამედ ტკბილი, გამაგრილებელი სასმელით - საღმრთო ნუგეშინისცემით"

/ღირსი პაისი ათონელი/

[marine]

"არ მახსოვს არცერთი დღე, ღვთაებრივი ნუგეში რომ არ მიმეღოს"

/ღირსი პაისი ათონელი/

[marine]

"ის [ქრისტე] არასოდეს აღრჩობს ადამიანს. მას უხვად აქვს სულიერი ჟანგბადი - საღმრთო ნუგეში"

/ღირსი პაისი ათონელი/

[marine]

"შვილო, მუდამ გახსოვდეს იესო, რომ ყოველი უძლურების შესაბამისი წამალი იპოვო. გტკივა? იესოს მოხმობით შვებას იგრძნობ და განათლდები. დამწუხრებული ხარ? იესოს უხმე და დაინახავ, რომ შენი გულის კამარაზე ნუგეში ამობრწყინდება"

/არქიმანდრიტი ეფრემ არიზონელი/

[marine]

"თუ ადამიანის სინდისი მშვიდია, მაშინ მწუხარება, შფოთი და სხვა ამის მსგავსი რომც ჰქონდეს გულში, საღვთო ნუგეშისცემას მაინც შეიგრძნობს"

/ღირსი პაისი ათონელი/

[marine]

"სწორედ ეკლესიაში უნდა ეძებოს ადამიანმა ხსნა და ნუგეში"

[marine]

"სული ამა სოფელს ვერ ეგუება და მხოლოდ ლოცვით ჰპოვებს ნუგეშს"

/მამა ნეკტარიუსი/

[marine]

"მფარველმა ანგელოზმა მოგანიჭოთ ნუგეში და სულგრძელება!"

/წმ. თეოფანე დაყუდებული/

[marine]

"უფალი იმიტომ კი არ გვანუგეშებს, რომ ეს დავიმსახურეთ, არამედ იმიტომ,რომ თავი დავიმდაბლეთ: ცრემლებით ვნანობთ საკუთარ უბადრუკ მდგომარეობას, ვმწუხარებთ, რომ ასეთი ურგებნი ვართ"

/მღვდელმონაზონი კონსტანტინე (კოვალჩუკი)/

[marine]

"ღვთის გარდა ვერსად და ვერასდროს იპოვი სიმშვიდესა და ნუგეშს"

/ღირსი იოანე ბალაამელი/

[marine]

"როცა ფიქრობთ, სანუგეშო გრძნობებში ღვთის სიყვარული იპოვოთ, ეძებთ არა ღმერთს, არამედ საკუთარ თავს, საკუთარ ნუგეშინისცემას, ტანჯვის გზას კი თავს არიდებთ და სულიერი ნუგეშის გარეშე თავი დაღუპული გგონიათ. პირიქით კია, სულიერი ნუგეშის უქონლობა დაგვამდაბლებს..."

/ღირსი მაკარი ოპტელი/

[marine]

"ასეთია ღმერთის გზავნილი: "სხვა ნურავის ენდობით, გარდა ღმერთისა! მასზე დაამყარეთ თქვენი სასოება და მხოლოდ მასში იპოვით ნუგეშსა და მადლს"

[marine]

"ნუგეშისცემა დიდი ხელოვნებაცაა"

/დეკ. დავით ციცქიშვილი/

[marine]

"- მამაო, როცა დამწუხრებული ვარ, როგორ ვპოვო ნუგეში?

- ლოცვას უნდა მიმართო. უბრალოდ, თავიც რომ მიადო რომელიმე ხატს, ნუგეშს იგრძნობ. სენაკი ტაძარივით მოაწყვე იმ ხარებით, რომლებიც მოგწონს და ნახავ, მასში ყოფნით როგორ დიდ ნუგეშს მიიღებ"

/ღირსი პაისი ათონელი/

[marine]

" - მამაო, ზოგჯერ, როცა რაიმე რთული საკითხისთვის ვლოცულობ, შინაგანად ღვთის დიდებისმეტყველების განცდა მაქვს. ეს ბუნებრივია?

- ლოცვის მერე საღვთო ნუგეშს გრძნობ?

- არ ვიცი საღვთო ნუგეშია თუ არა, მაგრამ რაღაც სიმყუდროვეს და იმედს ვგრძნობ.

- ამას ღვთის სასოება და საღვთო ნუგეში მოაქვს.

- მამაო, როგორ უნდა გავიგოთ ღმერთთან ჩვენი ურთიერთობა სწორია თუ არა?

- როცა შინაგანად საღვთო ნუგეშს გრძნობ. ეს საღვთო ნუგეში იმდენად აღმატებულია ადამიანურზე, რამდენადაც სამოთხე დედამიწაზე.

- მამაო, ვშრომობ ლოცვაში, მაგრამ ნუგეშს ვერ ვგრძნობ.

- ეს კარგია, რადგან შრომობ ანაზღაურების გარეშე. დაე, მივცეთ ჩვენი გული ღმერთს და მდაბლად ვითხოვოთ მისი წყალობა, ის კი მოგვანიჭებს იმას, რაც საჭიროა. სულიერი ადამიანი სულის ცხონების გარდა არაფერს ესწარფვის. იგი არ იღვწის, რომ საღვთო შვება და განცხრომა მიიღოს, უბრალოდ, კეთილშობილებითა და თავადადებით იღვწის და იღებს, რასაც ღმერთი უბოძებს"

/ღირსი პაისი ათონელი/

[marine]

"ისინი, ვინც არასოდეს ტირიან, არასოდეს გრძნობენ ნუგეშს"

/წმ. ნიკოლოზ სერბი/

[marine]

"გულში გამოუთქმელი ნუგეში, გამოუთქმელი სიმსუბუქე იღვრება ცოდვების, დაცემის გამო მხსნელი ცრემლების დაღვრის შემდეგ; ცრემლებისა, რომლებსაც სულიერი სიგლახაკის შეგრძნებას აჩენს.

თუკი აქ, მიწაზე, ღვთისმოსავ გლოვას ასეთი შეუდარებელი სულიერი ნუგეში მოაქვს, მაშ, როგორ ნეტარებას გაგვიმაზდებს მომავალ საუკუნეში?"

/წმინდა მღვდელმთავარი ეგნატე ბრიანჩანინოვი/

[marine]

"თუ თქვენ ადამიანის ნუგეშისცემას მოინდომებთ და ნაცვლად იმისა, რომ დაანახოთ, როგორ გესმით მისი მძიმე მდგომარეობა, მის დამოძღვრას დაიწყებთ, საეჭვოა, რომ თქვენ ის ანუგეშოთ. ჩვენ ვხედავდით, როგორ იქცეოდნენ ასეთ შემთხვევებში ჩვენი წმიდა მამები; როდესაც ჩვენს საძმოში სიძნელეები წარმოიშვა, ბერ ემელიანე სიმონოპეტრიტუსთან წავედით; მან დიდი ყურადღებით მოგვისმინა, თუმცა ჩვენი საკითხი მაინდამაინც სერიოზული არ იყო, როგორც ახლა მეჩვნება. ის, რამაც ჩვენზე მაშინ შთაბეჭდილება მოახდინა, იყო ბერის რეაქცია - მან არ უთხრა ჩვენს ბერს: "გერონდა, ილოცეთ და ღმერთი შეგეწევათ, ყველაფერი გაივლის", არამედ უთხრა: "გერონდა, თქვენ მართლაც მძიმე მდგომარეობაში ხართ". და ჩვენ მივხვდით, რომ მან მართლაც გაგვიგო. მაშინ მან გვირჩია, როგორ გადაგვეჭრა ჩვენი საკითხი".

/მიტროპოლიტი ათანასე ლიმესოელი/

[marine]

"ღვთისმშობელი გვეცხადება მგლოვიარეებს, რომ გვანუგეშოს და დაგვანახოს, თუ როგორი დიდი სიხარული გველის იმიერ ცხოვრებაში"

/წმ. ნიკოლოზ სერბი/

[marine]

"არ მოვაკლოთ ჩვენს ახლობლებს ის ნუგეში, რისი მიცემაც შეგვიძლია. იქნებ იმით ვანუგეშებთ, რომ მოვინახულებთ, კეთილი სიტყვით მხარს დავუჭერთ, თანაგრძნობასა და გაგებას გამოვხატავთ. უნდა აჩვენოთ ადამიანს, რომ გესმით მისი და უბრალოდ არ ამბობთ იმა, რის მისაღებადაც იგი, მაგალითად, ამ წუთში მზად არ არის. რადგან როგორი სულიერებაც არ უნდა იყოს იმაში, რასაც თქვენ ეტყვით, თუ ადამიანს არ გააჩნია ის აუცილებელი სულიერი ძალები, რომ გაგიგოთ, მისთვის ძნელი იქნება თქვენი მოსმენა. მან შეიძლება უარყოს ის, რასაც ეუბნებით და ღმერთსაც კი აქციოს ზურგი, რადგან იმ მომენტისთვის ის მზად არ არის, სულიერი სიტყვები მოისმინოს"

/მიტროპოლიტი ათანასე ლიმესოელი/