განსაცდელი, ვისაუბროთ პარამეტრები

[marine]

"თუ განსაცდელის დროს ვეცდებით ლოცვა მტკიცედ შევინარჩუნოთ, აუცილებლად გავიმარჯვებთ ეშმაკზე და ძლევას ქრისტეს ყოვლადწმინდა სახელს მივაკუთვნებთ"

/არქიმანდრიტი ეფრემ არიზონელი/

[marine]

"ყოველთვის, განსაცდელის წინ, ბრძოლის წარმმართველი ქრისტე დაფარულ მადლს ანიჭებს მებრძოლს, რითაც ის მტრის სიცოფეს გაუმკლავდება და უკუაქცევს მას, დამარცხებულსა და შერცხვენილს. ჭირის დათმენით ისე უნდა გავახაროთ უფალი, როგორც დავამწუხრეთ ცოდვით მოხიბლულმა. მაშინ ხარობდა ეშმაკი და წუხდა ღმერთი, ახალ კი დროა, განიხაროს ღმერთმა და დამწუხრდეს, განსქდეს ეშმაკი"

/არქიმანდრიტი ეფრემ არიზონელი/

[marine]

"იცოდე, რომ მადლი ყოველთვის წინ უსწრებს განსაცდელს, თითქოს წინასწარ გვამცნობს, რომ მომზადებაა საჭირო"

/წმ. იოსებ ისიქასტი/

[marine]

"განსაცდელის გარეშე ვერავინ ვერასოდეს ვერ შეძლებს მოიპოვოს გვირგვინი; ამის გამო, როცა განვიცდებით, ყოველთვის ვმადლობდეთ ღმერთს - ჩვენს კეთილისმყოფელს და მხსნელს"

/ღირსი ნილოს სორელი/

[marine]

"სულიერი განსაცდელები სულს უფრო ძლიერ დაამწუხრებს, მაგრამ უფრო მალე მიგვიყვანს ლოცვამდე და ადამიანი სარგებლობას იღებს - განსაცდელებს ის თავმდაბლობამდე მიჰყავს, ხოლო ის უვნებლად დაიფარავს და მაშინ კი ღმერთს მიმართავს; და არა მხოლოდ ჩვენ, დამწყებთ, არამედ სრულყოფილთაც კი აქვთ განსაცდელები თავმდაბლობისთვის"

[marine]

"სულიერ მწუხარებას მადლი მიუძღვის წინ და აძლიერებს, თითქოს ადამიანს მოამზადებს, ხოლო ხორციელ თუ მატერიალურ მწუხარებას კი - მტერი; აქ გამოიცდება ადამიანის ნება, მისი მონდომება და სიყვარული უფლისადმი და თუ ის იბრძვის, მაშინ მადლიც შეწევნას არ დააყოვნებს, და ანუგეშებს მას მისი ნების გამო"

[marine]

"მამა ვასილი, რა არის, რომ მუდმივად მწუხარება და განსაცდელი მევლინება? დიდხანს უნდა დავითმინო?" - ჰკითხა მონაზონმა ნიკონამ. - "გარდაცვალებამდე".

[marine]

"ვინც მოთმინების სათნოება შეიძინა, მას არათუ აშინებს განსაცდელები, სიხარულით ეძიებს განსაცდელთა მოვლინებას"

[marine]

"აი, რას ემსახურება განსაცდელები - ემსახურება თავის დამდაბლებას და ძე ღვთისას განდიდებას!"

/აკაკი მინდიაშვილი/

[marine]

"განსაცდელში, უძლურებაში, ავადმყოფობაში, გაჭირვებაში ყოფნისას ღმერთს შევთხოვთ, რომ შეგვეწიოს, გვიშველოს, მაგრამ როცა გადაგვარჩენს ამა თუ იმ განსაცდელისა თუ სნეულებისაგან, იმ ცხრა უმადური კეთროვნის მსგავსად გვავიწყდება მადლიერების გამოხატვა უფლის მიმართ და ჩვენს ჩვეულ ცოდვიან, ღვთის საწინააღმდეგო, არაწმინდა ცხოვრებას ისე განვაგრძობთ შემდეგ, რომ მომავალ განსაცდელამდე ღმერთი აღარ გვახსენდება"

[marine]

"ყოველივე ის, რაც ჩვენს ცხოვრებაში ხდება, იქნება ეს მწუხარებანი, ტრაგედიები, ავადმყოფობანი, დამცირებანი, დევნა-ცილისწამებანი თუ სხვა განსაცდელები (და ღვთის ულევი, უხვი წყალობანი ჩვენზე) ემსახურება ერთ უმნიშვნელოვანეს მიზანს - თავის დამდაბლებას ღვთის წინაშე, ვის ნების გარეშე არა თუ განსაცდელები არ დაიშვება ჩვენს მიმართ, არამედ ბეღურაც კი არ ჩამოვარდება ხის ტოტიდან, რტოდან"

/აკაკი მინდიაშვილი/

[marine]

"ჭეშმარიტ სულიერ ცხოვრებას პირველივე ნაბიჯებიდან თან სდევს ტანჯვა და გასაჭირი.ასე რომ, სიხარულით შეხვდით ყოველგვარ მწუხარებას!"

/მამა სერაფიმე როუზი/

[marine]

"რა თქმა უნდა, ღმერთი უშვებს იმხელა მწუხარებას, რამდენი დატევნაც ძალგვიძს. ეს მწუხარებანი გვამდაბლებს. გვაქვს რაღაცნაირი თავდაჯერებულობა - ჩვენი ძალებით გვსურს სულიერ ცხოვრებაში წარმატების მიღწევა, ხოლო მწუხარებისას ვსწავლობთ მორჩილებას, იმას, რომ ჩვენი ძალისხმევა უფლის შეწევნის გარეშე მიზანს ვერ აღწევს. ჩვენგან საჭიროა საქმის კეთება სათნოებათათვის, ხოლო წარმატება სათნოებაში მადლზეა დამოკიდებული, რომელიც უფლისგან მოგვეცემა მხოლოდ და მხოლოდ თავმდაბლობით"

/ღირსი იოანე ბალაამელი/

[marine]

"იცოდე, რომ მწუხარების გარეშე ვერ ვიცხოვრებთ. უფალი ამბობს, რომ ამ სოფელში იგლოვებთ. გლოვა რომ არ იყოს, არ იქნებოდა ხსნა, - ამბობენ წმინდა მამები"

[marine]

"მე ერთი რამ მინდა აღვნიშნო და ვთქვა, როდესაც ჩემზე განსაცდელი მოდის, ყოველთვის უკან, წარსულში ვიხედები. ვფიქრობ, სად მოხდა ჩემი დაცემა და სად დავუშვი შეცდომა; რა დამავიწყდა ისეთი, რაც მე ღვთის წინაშე არ ვაღიარე და არ შევინანე. როდესაც ამას ღრმად ჩავწვდები, აღმოვაჩენ ისეთ რამეს, რომელიც შემდგომში წინ მხვდება განსაცდელის სახით, მაგრამ ეს განსაცდელი და ტკივილი მე არ მაბრკოლებს. ვმადლობ ღმერთს ყველა განსაცდელისათვის, ყველა ტკივილისათვის. კიდევ ერთხელ გავიმეორებ, ვმადლობ უფალს, ვმადლობ იმიტომ, რომ ღმერთი ცოხველ არს, ღმერთი ცოცხალ არს, რადგანაც უფალმა იესო ქრისტემ თავისი მკვდრეთით აღდგომით, , ჯვარზე გაკვრით სიკვდილი დაამარცხა"

/მეუფე ილარიონი (ქიტიაშვილი)/

[marine]

"ადამიანი ტაძარში განსაცდელს და რწმენას მოყავს. სამწუხაროდ, საზოგადოებაში რწმენის ნაკლებობაა, ადამიანებს ვერ ყოფნით რწმენა, რომ მივიდნენ ტაძარში, მათ თავისებურად სწამთ და სჯერათ. ჩვენ ბევრჯერ ვგრძნობთ ტკივილს და ვაწყდებით განსაცდელებს, ეს ღვთისაგან არის, მაშინვე უაფლთან მივდივართ. უფალი ამით გვწვრთნის, უფალი ამით გვცდის და გვაძლიერებს. უფალი ცუდს არ გვიკეთებს. როგორც მშობელი შვილს დასჯის ცუდი საქციელისთვის, ჩვენც ასე გვსჯის უფალი ჩვენს სასიკეთოდ, რათა დავინახოთ უფალი, რათა გადავრჩეთ და ვცხონდეთ"

/მიტროპოლიტი ილარიონი (ქიტიაშვილი)/

[marine]

"მწუხარების დროს ელოდე მშვიდობას, მშვიდობის დროს - მწუხარებას. ამ წუთისოფელში მშვიდობა და მწუხარება ერთმანეთს ენაცვლება და ამისგან თავისუფალი არც უფლის წმინდანები იყვნენ".

/ღირსი იოანე ბალაამელი/

[marine]

"მწუხარების დროს უნდა იკითხო წმინდა სახარება და წმინდა მამათა ნაშრომები"

/ღირსი იოანე ბალაამელი/

[marine]

"ძალიან უნდა გვეშინოდეს სიამაყის, თვითდაჯერებულობისა და განდიდების. ასეთი არასასიამოვნო შეგრძნებებისგან წმინდა ადამიანებიც არ ყოფილან თავისუფალი. ჩვენს სიცოცხლესაც ხომ პატარა გემივით, რომელიც ზღვაში ცურავს, უხდება ყველა გასაჭირის გადატანა. სხვაგვარად ხომ ვერ იქნებოდა"

/ღირსი იოანე ბალაამელი/

[marine]

"ყველა განსაცდელის დასაბამი სიამაყეა. კაცს ჰგონია ხოლმე, რომ ღვთისმოშიშად ცხოვრობს, სულაც არ ფიქრობს თავის ცოდვებზე და სხვებსაც კი განიკითხავს. ამ დროს ღმერთი დაუშვებს, მასზე ეშმაკმა იმოქმედოს თავისი მზაკვრობით"

/ღირსი მაკარი ოპტელი/