თემის საბეჭდი ვერსია

პოსტის ავტორი: admin თარიღი: Mar 5 2007, 05:23 PM

I. განყოფილება "წმიდა წერილი"
1. განყოფილება წარმოადგენს ფორუმის ნაწილს და განკუთვნილია ფორუმზე დარეგისტრირებული წევრებისა და ფორუმის სტუმრების მიერ წმიდა წერილის (ძველი და ახალი აღთქმის) შესწავლისათვის ქრისტეს წმ. აღმოსავლურ-მართლმადიდებლური ეკლესიის წიაღში არსებული დოქტრინის შესაბამისად.
2. განყოფილებაში მოქმედებს ფორუმის საერთო წესები.
3. განყოფილებაში დაუშვებელია პირადი მოსაზრების დაწერა. პირადი მოსაზრების დაწერის უფლება აქვს მხოლოდ ჯგუფ "მოძღვრებ"-ში გაერთიანებულ სასულიერო პირებს.
4. განყოფილების ენა არის ახალი ქართული.
4.1. ყოველი პოსტი უნდა იქნეს დაწერილი ქართული მხედრული ანბანით.
4.2. არაქართულენოვანი განმარტების განთავსების შემთხვევაში სასურველია პარალელურად დაიდოს ქართული თარგმანიც, თუნდაც პოსტის ავტორის მიერ შესრულებული. იგივე წესი მოქმედებს ძველქართულენოვანი განმარტების განთავსების დროს.
4.3. დაუშვებელია მოდერატორის მიერ წაშლილი პოსტის განგებ განმეორება.

II. განმარტების დაწერის წესი
1. განმარტება იწერება წმ. წერილის ერთ დასრულებულ სიუჟეტზე. ერთ სიუჟეტზე შეიძლება გაიხსნას მხოლოდ ერთი თემა
2. განმარტებად შეიძლება დაიდოს მართლმადიდებელი ეკლესიის წმიდათა დასში შერაცხული მოძღვრების ან მართლმადიდებელი ეკლესიის მიერ აღიარებული ღვთისმეტყველების მიერ დაწერილი განმარტებები.
3. გამონაკლის შემთხვევაში დასაშვებია მოქმედი მართლმადიდებლური სასულიერო სასწავლებლების პედაგოგთა მიერ დაწერილი განმარტებების დაწერა.
4. დაუშვებელია მოსაზრების გამოთქმა დაწერილ განმარტებაზე. შეიძლება მხოლოდ დაზუსტება, რაც არ უნდა შეიცავდეს რაიმე შეხედულების მტკიცებას.
5. ფორუმის 10 წევრს უფლება აქვს მოითხოვოს მნიშვნელოვანი თემის მიჭიკარტება.

III. მოდერირება
1. ფორუმზე დადგენილი წესების შესაბამისად განყოფილებას აკონტროლებს მოდერატორი.
2. მოდერატორს უფლება აქვს:
2.1. შეაერთოს, გადაიტანოს, მიაჭიკარტოს, ჩამოაჭიკარტოს, წაშალოს, ჩაასწოროს ან დახუროს თემა ან შესაბამისად ცალკეული მოსაზრება;
2.2. გაფრთხილება (ე.წ. "ვორნი") მისცეს ფორუმის წევრს ამ წესების ან ფორუმის საერთო წესების დარღვევისათვის;
2.3. შეასრულოს მისთვის დადგენილი სხვა უფლებამოსილებები.
3. ფორუმის წევრს უფლება აქვს გაასაჩივროს მოდერატორის ნებისმიერი გადაწყვეტილება სენატში.

IV. წესებში ცვლილების შეტანა
1. წესებში ცვლილების შეტანა ხდება მოდერატორის მიერ საკუთარი, 2 სენატორის ან არანაკლებ 15 წევრის ინიციატივით.